اذهب إلى المحتوى
محاورات المصريين

لعنة إسمها " اليوتيوب "

se_ Elsyed

بواسطة se_ Elsyed
في شئون المحاورات

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

بصراحة

أستيطع أن اقول إننا نحن العرب شعوب غير مسئولة ونستحق ما يحدث لنا على جميع المستويات ...

أقولها بكل ثقة ..

مش كفايه إننا عايشين عاله على البشر

يخترعوا لنا الكمبيوتر

و الإيميل

والويندوز وتطبيقاته

واليوتيوب ..

ده كله ومش عاجبنا ..

ولا نُقابل ذلك بحُسن الإستخدام أو التطوير من حيث أنتهى الأخرون ..

لأ إزاي

بنقابله بقلة أدب متناهية ...

فعلى سبيل المثال ...

شوفوا المواقع الإخبارية زي العربية نت مثلاً بغض النظر عن إتفاقنا على توجهاتها أو إختلافنا ... تلاقي خبر عادي جداً متاح للجميع التعليق ... تلاقيه إتحول لمجزرة بين العرب

الخليجي يدخل يشتم في المصري

والمغربي في الخليجي

والعراقي في الكويتي

إلخ ...

وكأن موجة الناس دي مظبوطة على قلة الأدب والقذارة فقط ... وكأنه لما يدخل من الباب للطاق يدخل يشتم ويقل أدبه على من يختلف معهم في الرأي يبقى كده حقق إنتصار مدوي ونصر مبين ..

أخر موقف حدث لي في اليوتيوب عندما تفضل أخي العزيز موديست بإدارج موضوع عن سوزان بويل المغنية الأسكتلندية المغمورة ذات الموهبة النادرة ...

موضوع فني عادي ليس عليه اي غبار .

قلت اقرأ التعليقات الفنية يمكن استفيد ....

أول تعليق وبأقول يا رب يا هادي ... ده عاليوتيوب خلي بالكو .. شاب سعودي دخل وكتب تعليق بالحرف الواحد " بكره المصريين يطلعوا لنا ويقولون إن طالما إسمها سوزان تبقى من أصول مصرية "

ولا تعليق من ناحيتي

وخد عندك بقى ممن يبشر الأخرون بجهنم وبئس المصير لإنه بيسمعوا واحده زي دي ويستمتعوا بفنها وسايبين الفلسطينيين ..

مش بس كده ..

ده ما في موضوع عاليوتيوب بالذات إلا ويحوي كمية ألفاظ ... يعني لو طلبنا من واحد شغال في مصلحة الصرف الصحي وطلبنا منه أن يستخرج من البالوعات أقذر ما فيها .. مش هايُقارن بما تحويه قذارة تلك التعليقات من ناس مرضى نفسيين وحالتهم خطرة وفي مراحلها الأخيرة ..

في إعتقادي إن المواقع الإباحية لهي أخف وطأة من تلك التعليقات من ذوي العقول .. لأ أسف .. مافيش ذو عقل يعمل كده ... لهي أخف وطأة من مقطع يوتيوب واحد بيدخل العرب عشان يدرجوا تعليقاتهم المشجية الجميلة ..

لذا أطلب من جميع الزملاء أن يكونوا على مستوى المسئولية وأن يتحاشوا إدراج أي مقطع من اليوتيوب هنا في المنتدى إلا بعد التأكد من عدم وجود تعليقات خادشة للحياء ...

وياريت ما نستخدمش الإختراع ده خالص عشان خاطر هؤلاء الحثالة الذين لا رادع لهم يرتاحوا ونتركها لهم خراب يرتعوا فيها بفسادهم كما يشاؤن ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Falcon Crest عضو جديد

Falcon Crest

بتاريخ:
بتاريخ:

للاسف يا س س احنا الشعوب العربيه مش عندنا ثقافه حسن استعمال الاشياء العامه مثلا الموقع ده بيتح انك تحمل و uploading و تعليقات من غير أي اشتراكات و مع ذلك تدخل تلافي انسان تافه معلق بكلمه سافله دزن مراعاه لمشاعر أي حد لان ممكن الي يشوف المقطع ده يكون بنت و الله ده لسه شايفه امبارح في رد الشيخ الجليل الحويني علي الاستاذ عمرو خالد

و بشوف التعليفات لاقيت واحد معلق بكلمه سيئه جدا في حق الاستاذ عمرو خالد

و الله ساعات بتمني ان الشركات المنتجه للبرامج دي تعمل restrications

علي دول العالم العاشر لسؤ الاستخدام لان انا بعتبر ده نوع من harassment verbal

Fight Like Brave

رابط هذا التعليق
شارك
سهل جدا عضو جديد

سهل جدا

بتاريخ:
بتاريخ: (معدل)

والله عندك حق

اليوتيوب أصبح مستنقع للعنصرية .. للأسف الشديد

ومقاطع فيديو من بعض النصارى تسب في المسلمين , وبعض المسلمين يسبوا في النصارى

دا غير بقى السنة والشيعة

وكله كوم والمقاطع اللي بتيجي على جنب كوم تاني

أقصد related videos

أحيانا ببحث على اليوتيوب عن أشياء طبيعية جدا

زي مثلا : نشيد - خبر معين - برنامج معين ...إلخ

أبص ألاقيهم جابولي في related videos حاجات رقص ومسخرة وقلة أدب

وكثير من الناس بدافع الفضول يبص على الأشياء ديه ويتحمل ذنوب لا يعلمها إلا الله

كذا مرة ببقى عاوز أحط رابط لليوتيوب في المنتديات, بس اللي بيمنعني إني بخاف من related videos لحسن حد يشوف اللي فيها وأتحمل ذنوب

ربنا يعافينا

تم تعديل بواسطة سهل جدا

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك
elfakhrany عضو جديد

elfakhrany

بتاريخ:
بتاريخ:

فعلا اليوتيوب من وجهة نظرى احدى المواقع الهدامة و يزيد من احتقان الشعوب ضد بعضها وخصوصا الشعوب العربية اللتى تنهال بالسباب من دون أن تستخدم عقولها لرؤية أبعاد الموضوع و الأعجب أن ترى بعضهم يبادرون بنشر الفضائح لأخواتنا و أخواننا وتبدأ الكرة هذه كويتية وهذا مصرى ويبدأ حرب السباب وأنا الحمد لله اذا اردت الأن مشاهدة فيديو أقوم بتحميله على جهازى عن طريق برنامج ultra get وأحمى عينى من هذه الفتن بعد أنا كثرت فى الفترة الأخيرة بصورة ملحوظة

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

للأسف تلك المواقع عامله زي السكينة

ممكن تقطع بها فاكهة لذيذة

وممكن تقطع بها رقبتك ..

وإحنا بنعمل التانية دي

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
rashed عضو جديد

rashed

بتاريخ:
بتاريخ:

حاجات كتير قوى زى السكينة ممكن تبقى مفيدة وممكن تبقى مؤذية و اولها التلفزيون واللى بيتعرض عليه , أهم حاجة انت نفسك عايز ايه وإزاى توجه نفسك والمسؤلين منك .

انا بصراحة شايف ان موقع اليوتيوب ده من اكتر مواقع الانترنت فائدة على الاطلاق , العصر الجاى عصر المعلومة المرئية مش المقروءة , واكبر دليل على اهمية الموقع ده هو تراجع السعودية عن إغلاق الموقع بالكامل , وبيعملوا جاهدين على فلترة الفديوهات الغير مرغوب فيها بس و باقي الموقع مفتوح.

بجد بتمنى من قلبى ده يحصل فى مصر , بذات عشان الاطفال.

وبالنسبة لموضوع التعليقات هم فعلا عملين موضوع حذف التعليق لو اكتر من واحد بلغ عنه وده أكتر حاجة ممكن يعملوها عشان صعب جدا يراقبوا كل التعليقات بكل اللغات أول بأول, وعشان تريح نفسك ماتقراش التعليقات أصلا لو هى دايما كده .

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:

انا عرفت ان بعض الدول العربية اللى بتهتم نوعا ما بالشعب بتفكر فى انهاء تحجب اليوتيوب من كتر البلاوى اللى عليه

بس مش متاكد ان كان القرار قيد التنفيذ ولا لآ

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
حسام يوسف عضو جديد

حسام يوسف

بتاريخ:
بتاريخ:

مش عارف أقول ايه الحقيقة

اليوتيوب وحش؟

اليوتيوب ده عليه دروس وشرح فى كل مجالات الدنيا

لغات

صيدلة

طب

هندسة

كمبيوتر

نت

اليوتيوب هوة الموقع الخامس عالميا فى حجم المرور بقى وحش؟

وبخصوص اليوتيوب والكليبات اللى بتضايق الناس

هية دي مشكلة اليوتيوب؟

ولا مشكلة الناس اللى بيستعملوا غلط

ويحطوا حاجات سيئة؟

الموبيل وحش؟

لا طبعا

اختراع رائع

لكن لما تركب أى مواصلة عامة

أو فى مستشفي أو أى حتة

وتلاقى واحد واتنين وتلاتة

كله

مشغل اغانى بصوت عالى

أو حتى قرآن بصوت عالى

ده بقى عيب الموبيل؟

ولا عيبنا احنا؟

لما طلعت أجهزة الصوت الكمبيوترية

كانت صيحة ممتازة فى عالم الاخارج والتقنيات

عملنا بيها ايه احنا العرب

؟

كانت النتيجة والسبب احنا ان محمد فؤاد وعمرو دياب ومصطفى قمر وتشامر حسني

مطربين

تخيلوا

الاخرس

والأخنف

واللى ماينفعش يتكلم اساسا ومحتاج عمليات قد كدة فى زوره وجع فى زورهم

بقوا مطربين

وحبيناهم من كتر الزن والتعويد الاجبارى

وماعادش حد بيسمع أم كلثوم وعبدالوهاب وفريدوفوزى ومحرم وعلى الحجار والأصوات المحترمة

أقول ايه ولا ايه

بجد أنا زعلان من اللى أنتقدوا اليوتيوب

وكلهم أفاضل وبحترمهم

لكن زهقت من الشتيمة فى اليوتيوب والفيس بوك والنت ككل

دي ابتكارات عظيمة للجنس البشري كله

المشكلة فينا احنا كمصريين خاصة

وعرب عامة

يارب كندا بقى

رابط هذا التعليق
شارك
سهل جدا عضو جديد

سهل جدا

بتاريخ:
بتاريخ:
العصر الجاى عصر المعلومة المرئية مش المقروءة

فعلا , الكلام ده صحيح ... وعشان كده واجب علينا إننا نوجد بدائل

بالنسبة لمن يدخل اليوتيوب ليرى مقاطع فيديو إسلامية فهناك بديل

يدخل هذا الموقع http://www.isyoutube.com/index.php

لكن تبقى مشكلة المقاطع الأخرى الهامة غير الإسلامية

تراجع السعودية عن إغلاق الموقع بالكامل

المعلومة دي جديدة بالنسبة لي

هل صحيح كان موقع اليوتيوب محجوب بالكامل ؟!

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك
حسام يوسف عضو جديد

حسام يوسف

بتاريخ:
بتاريخ:

معلش فيه حتة كمان أحب أقولها لاخى العزيز س س

لو كل كليب لو كان جميل وظريف ومفيد مفيهوش حاجة غلط

وسبناه وبلاش نتعامل معاه

عشان فيه واحد مصري أو سعودي او عربى والسلام

قال حاجة غلط

يبقى مش هنلاقى حاجة نتعامل معاها

ويبقى بنمارس الانسحاب ونسيب للناس دي الساحة

زي بالظبط لما أختنا لولا قالت فى قصة ساويرس ميمي جمال

ايه المشكلة

نقلب المحطة

أنا بختلف تماما مع المبدأ ده

ولكم منى كل الاحترام والتحية

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

يوتيوب = مولد وصاحبه غايب

واقول مولد وصاحبه غايب لان الرقابة عليه الكترونية وليست بشرية وبالتالى فالرقابة الشخصية هى الفيصل.

ولذلك فانا لاادرج من اليوتيوب مباشرة ، بل استخلص الفيديو واحمله على موقعى ثم ادرجه هنا بعد ذلك او ارسله لاصدقائى حتى اتجنب التعليقات والالفاظ القذرة التى تخدش حياء الرجال قبل النساء .

ولذلك انا اقترح ان يقوم العضو بتنزيل المادة اولا ثم رفعها على اى موقع محترم للتحميل ،

كذلك من الممكن انشاء دومين خاص وهى سهلة وليست مكلفة ويقوم مصدر الدومين فى الغالب بالاستضافة المجانية مع اعطاء مساحة مجانية معقولة لتحميل ملفاتك

فى حدود 10 جيجا بايت.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
زعلان عضو جديد

زعلان

بتاريخ:
بتاريخ:

لعنة اليوتيوب الي بيقول عليه سين سين من شتائم و تنابذ و تناحر مش قاصر على اليوتيوب بس موجود في اي موقع فيه عرب

لكن لعنة اليوتيوب بالنسبة لي وانا حديث عهد بيه ومش متابع ليه قوي هو المواقع ذات الصلة الي بيعرضها تكون بتتفرج على اي حاجةحتى لو فلم كرتون اطفال وينط لك فديو اباحي مش عارف منين المواضيع الاباحية كثرت وخصوصا لما تحط جملة فيها علاقة بالعرب - المصريين- السعوديين- الكويتيين- السياسية - خطبة الجمعه

رابط هذا التعليق
شارك
أسد عضو جديد

أسد

بتاريخ:
بتاريخ:

بالنسبة لي ..

الأمر الهام بخصوص اليوتيوب ..

هو أن تحاول أن تمنع أبناؤك من تصفح هذا الموقع بمفردهم ..

وحبذا لو كان عندك فرصة في منع الوصول إليه إذا كان أبناؤك في سن المراهقة

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
بالنسبة لي ..

الأمر الهام بخصوص اليوتيوب ..

هو أن تحاول أن تمنع أبناؤك من تصفح هذا الموقع بمفردهم ..

وحبذا لو كان عندك فرصة في منع الوصول إليه إذا كان أبناؤك في سن المراهقة

جبت المفيد يا اسد

شكراً لك

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Dr M عضو جديد

Dr M

بتاريخ:
بتاريخ:
انا عرفت ان بعض الدول العربية اللى بتهتم نوعا ما بالشعب بتفكر فى انهاء تحجب اليوتيوب من كتر البلاوى اللى عليه

بس مش متاكد ان كان القرار قيد التنفيذ ولا لآ

هوا فعلا دخل حيز التنفيذ بطريقة لذيذه جدا

هنا في قطر اي فيديو على اليوتيوب يحتوي على اي منظر يخدش الحياء بيظهر للك رساله يقولكك ان الفيديو يحتوي على مواد ممنوعه

( هوا طبعا الموضوع ليه عيوب لاني كنت بدور على فيديو طبي ولكن طبعا لم استطع الوصول اليه ولكن طبعا المزايا كتيير ووبس كفايه انك قاعد مطمن على الاولاد )

رابط هذا التعليق
شارك
  • بعد 3 أسابيع...
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

يا جماعة لو سمحتم ... لا تضطرونا إلى إتخاذ إجراءات ضد من يقوم بإدراج وصلات يوتيوب لمواد ممكن تكون هادفه لكن للأسف تحتوي على ألفاظ خادشة للحياء في سياق التعليقات ...

واظن كتير منننا شاهدوا وصلة اغنية عادية عن الغربة في موضوع " مصر وحشتني " وقام احد الزملاء بأدراج الوصلة بحُسن نيه ..

اغنية عادية جداً

لكن تحوي على كم بذاءات في التعليق .. يقف أمامها العقل البشري حائراً وهو يتسائل : ليه .؟

ليه كل البذاءات دي ؟

ويا ترى هؤلاء الحيوانات السعرانه .. لماذا يطلقونهم هكذا بدون قيود ولماذا يطلقون عليهم بني آدمين من الأساس ؟

هل تعلمون إن بمجرد حذف موضوع أو مداخلة يقوم السيستم لدينا بنقلها إلى الأرشيف ....

لكن أنا شخصياً لا أكتفي بذلك واقوم بالدخول إلى المداخلات المعنية وأقوم بشطب محتوى ما فيها مره أخرى لكي لا تؤذي حتى السادة الزملاء المشرفين الأفاضل ..

فمن فضلكم رجاء أخير

بلاها اليوتيوب اللي بيفتح علينا مثل تلك البالوعات

إحنا كبار ومثقفين وواعيين لكن العين بتتأذي برضوا والواحد نفسيته بتتعب عندما يجد هذا الكم من القذارة الغير مبررة ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

الزملاء و الزميلات الكرام

كلامكم مضبوط

و لكن لي إضافة

اللي قرأ تعليقات بالإنجليزي حيلاقي أبشع من تعليقات العرب بكتير

يعني القذارة مش في العرب لوحدهم

الغرب دول أقذر خلق الله لو شلنا القناع اللي مغطيين بيه و شوشهم و تخفيهم وراء العلم و المدنية

هوة احنا ليه شاطرين اوي في بهدلة بعض

و في احترام الغرب اللئيم الخبيث ؟؟؟

مجرد تساؤل.... :roseop:

أعد شحن طاقتك

حدد وجهتك

و اطلق قواك

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
هوة احنا ليه شاطرين اوي في بهدلة بعض

و في احترام الغرب اللئيم الخبيث ؟؟؟

مجرد تساؤل.... :roseop:

عشان شخصياتنا هشه وليس لدينا ثقة في أنفسنا ...

وأي سباك جاي من الغرب بيبقى بالنسبة لنا خبير نووي ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
tarek hassan مبتدئ متقدم

tarek hassan

بتاريخ:
بتاريخ: (معدل)

قرأت أن هناك بعض اليهود يدخلون اليوتيوب

على أنهم مسيحيين ويشتمون المسلمين

أو على أنهم مسلمين ويشتمون المسيحيين

أو على أنهم ستة ويشتمون الشيعة

أو على أنهم شيعة ويشتمون السنة

أو على إنهم خليجيين يشتمون المصريين

أو مصريين يشتمون الخليجيين وهكذا

أحيانا أرى شتائم من البداية

أو بدون أي داع

وبأقذر الألفاظ

على غير طبيعتنا

وهذا يحدث على اليوتيوب بالذات دون أي موقع آخر

الله أعلم

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...