ايام الشقاوه "" ومقالب بايخه "" بس ظريفه

[pocy]

موضوع غايه فى الروعه وفعى مكانه مناسب هنا

انا بقي هقولكم على كام مقلب كده بس ايام الدراسه والجامعه

كنا فى تاته ثانوى وواحد زميلتنا كده رخمه وكل ما نروح مكان تلزق فينا وهى طبعها وحش جدا المهم احنا طبعا من المحبين جدا اننا نقعد فى اخر الفصل علشان نبقي شايفين الكل ومحدش شايفنا المهم

طب المدرس كان بيدخل كنا بنقوم فى اللحظه دى انا حطيت ميه سحريه على المكان اللى هتقعد فيه البنت دى المهم طول الحصه وهى مش قاعده على بعضها واحنا قاعدين وراها فطسنين عليها من الضحك والمهم بعد كده كانت الفسحه وطبعا البنيه مش عايزه تقوم من مكانها علشان الفضايح ههههههههههه واحنا خرجنا واتمشينا وعملنا اللى عايزينه ورجعنا كانت هى لسه فى مكانها ومش عايزه تقوم لان فى ناس فى الفصل والله صعبت على المهم مر اليوم ع خير ولما قلنلها على المقلب زعلت والحمد لله احنا ارتحنلنا كام يوم قبل ما تيجى وتصالحنا للاسف

وطبعا مقالبنا لازالت مستمره معاها يعنى فى الدرس بتاع الفيزيا كان معانا ولاد فظاع اتفقنا معاهم نعمل مقلب فيها المهم احنا عارفين انها بتحب تبرز نفسها وانها قويه اتفقنا اننا نحط صرصار حقيقى كبير فى الغطا بتاع الاله الحاسبه بس من تحت المهم ونقول ان الولاد مش عارفين يفتحوها واحنا طبعا معرضناش بس شجعناها انها تفتحه المهم طبعا ولانها قويه فتحته بسهوله والصراصار نط عليها وكانت الفزعه هههههههههههههه وبرضه صعبت علينا بعدها بس نعمل ايه مش عارفين نقلها ارحمينا شويه من لازقتك دى

ياه فكرتونى بالذي مضي والشوكلاته واللبنات والطوفي اللى بالشطه والحركات دى

وياسلام على الموقف اللى اقنعنا فيه واحده ان فلان ده زميلنا فى الجامعه بيحبها وهو مش عايز يقولها علشان خايف منها لتصده ويا خراشي ع اللى حصل بس دى بقي انا بصراحه لما بفتكرها بزعل قوى لانها راحت قالتله انا عارفه انت قلت للبنات ايه و انك مكسوف منى بس احنا مكناش عارفين انها ممكن تعمل كده وكانت الخاتمه وزعلت مننا كتير ومش رضيت تكلمنا بعدها والله حسينا احنا كمان بالقهر بس هى عارفه اننا بتوع نقالب ليه تصدقنا مش تتاكد الاول قبل ما تروح تقوله ...................

والبقيه تأتى .................

[pocy]

هيبو فطست على روحى من الضحك لا بجد فظيعه جدا

فكرتنى باخويا الكبير كان عايز صوره يطلع عليها علشان عايزين صور منه قالتله انا معايا صوره ليك بس جميله انهى لا انت تقول وانا اديهالك وهو قاعد يوصفلي في صوره المهم فى الاخر هههههههههههههههههههههههههه طلعت صوره قرد اللى معايا وطبعا بعدها لفينا البيت جرى ورا بعض والحمد لله ان كان معاى صوره لى والا مكنتش هبقي معاكم النهارده ههههههههههههه

[هيبو]

موضوع غايه فى الروعه وفعى مكانه مناسب هنا

انا بقي هقولكم على كام مقلب كده بس ايام الدراسه والجامعه

كنا فى تاته ثانوى وواحد زميلتنا كده رخمه وكل ما نروح مكان تلزق فينا وهى طبعها وحش جدا المهم احنا طبعا من المحبين جدا اننا نقعد فى اخر الفصل علشان نبقي شايفين الكل ومحدش شايفنا المهم

طب المدرس كان بيدخل كنا بنقوم فى اللحظه دى انا حطيت ميه سحريه على المكان اللى هتقعد فيه البنت دى المهم طول الحصه وهى مش قاعده على بعضها واحنا قاعدين وراها فطسنين عليها من الضحك والمهم بعد كده كانت الفسحه وطبعا البنيه مش عايزه تقوم من مكانها علشان الفضايح ههههههههههه واحنا خرجنا واتمشينا وعملنا اللى عايزينه ورجعنا كانت هى لسه فى مكانها ومش عايزه تقوم لان فى ناس فى الفصل والله صعبت على المهم مر اليوم ع خير ولما قلنلها على المقلب زعلت والحمد لله احنا ارتحنلنا كام يوم قبل ما تيجى وتصالحنا للاسف

وطبعا مقالبنا لازالت مستمره معاها يعنى فى الدرس بتاع الفيزيا كان معانا ولاد فظاع اتفقنا معاهم نعمل مقلب فيها المهم احنا عارفين انها بتحب تبرز نفسها وانها قويه اتفقنا اننا نحط صرصار حقيقى كبير فى الغطا بتاع الاله الحاسبه بس من تحت المهم ونقول ان الولاد مش عارفين يفتحوها واحنا طبعا معرضناش بس شجعناها انها تفتحه المهم طبعا ولانها قويه فتحته بسهوله والصراصار نط عليها وكانت الفزعه هههههههههههههه وبرضه صعبت علينا بعدها بس نعمل ايه مش عارفين نقلها ارحمينا شويه من لازقتك دى

ياه فكرتونى بالذي مضي والشوكلاته واللبنات والطوفي اللى بالشطه والحركات دى

وياسلام على الموقف اللى اقنعنا فيه واحده ان فلان ده زميلنا فى الجامعه بيحبها وهو مش عايز يقولها علشان خايف منها لتصده ويا خراشي ع اللى حصل بس دى بقي انا بصراحه لما بفتكرها بزعل قوى لانها راحت قالتله انا عارفه انت قلت للبنات ايه و انك مكسوف منى بس احنا مكناش عارفين انها ممكن تعمل كده وكانت الخاتمه وزعلت مننا كتير ومش رضيت تكلمنا بعدها والله حسينا احنا كمان بالقهر بس هى عارفه اننا بتوع نقالب ليه تصدقنا مش تتاكد الاول قبل ما تروح تقوله ...................

والبقيه تأتى .................

روحى يا شيخه الله يخرب بيت الى يكرهك ويخرب بيت الى بحبك وهو جواه بيكرهك

بجد مقالب تجيب من الاخر

بالنسبه للمقلب الاخير

كان فيه واحد صاحبنا حبينا نشتغله اشتغاله حلوه كنا مره قاعدين بندندن كده وهو قاعد بيدندن معانا وفجأه احنا اسكتنا وهو قعد يدندن مع نفسه وبعد لما خلص انا طبعاً رحت ماسك نفسى من الضحك ومكشر وشى وقولت له انت صوتك كويس ليه متقدمش فى اى برنامج ولا شركه وهو عاش فى الدور وقلى انا اسمع ان الغنى حرام قولته ياخى متغنى حاجه هادفه غنى اغانى دينيه طبعاً صاحبنا كده اتمسمر او اتثبت زى لما بيقولوا ودى كانت البدايه ؟؟

بعدها بشويه كنا فى فرح قعدت اقنع فيه اقوله اطلع غنى يابنى قلى لا صوتى وانت عارف السجاير وبتاع وقولته طيب غنى لجورج قلى مينفعش قولته طيب غنى بينا هنا تحت بلاش تطلع مع الفرق قلى طيب وانفعل وهاااااااااتك ياغنى واحنا نقول يافنان وطبعاً الكل ميت على نفسه من الضحك وصاحبنا عايش وخلاص بقى المفروض الاشتغاله خلصت

لقيته تانى يوم جاى ليا على البيت مع انى اساساً علاقتى بيه مش قد كده وطبعاً كنا اقعدين لوحدنا لقيت صاحبنا ده صدق نفسه وقاعد بيغنى ليا على اساس انى منتج وممكن انتج له شريط ولا حاجه

وبعدين جه واحد صاحبى قولته ياعم صاحبك صدق الموضوع

بجد دى كانت اسوأ حاجه انا عملتها لانى جيت اشتغله اشتغلنى لحد لما خلانى اكره الغنى

[بندق أفندى]

عندى مواقف كتير مقالب وأذكر انه بعضها كانى قاسى للغاية .. وبعضها كان خفيف الدم ..

فى جامعة المنصورة اول محل للبارون أمام الجامعة .. كنت رايح انا وميل ليا عشان موصيين على تورتات وجاتوهات هنجيبها وهنروح .. بنت زميلتنا قالت لو فيه هاتولى معاكم كذا وانا هأحصلكم ونروح كلنا .. المهم كان معانا فار لعبة زى الفار الحقيقى .. حطيناه فى وسط علبةالجاتوه وقفلناها بقفلة المحل ..

وتانى يوم اسمع بقى الضحك والصدمات اللى حصلت في بيتهم ..

مقلب أخى الأكبر عمله فى والدى .. كان ما فى البيت عيرى انا وأخى ووالدى .. وكان عند والدى ضيوف كالعادة .. معدل الضويف اليومى كثير لحد يغيظ .. بس كلهم لهم مصالح وبيطلبوا خدمات .. ووالدى اصر انه الأخ الأكبر ده يعمل شاي لضيوفه .. وأخى متضررا للغاية .. عمل شاى تقل الزفت من الحبر .. والدى نادانى وانا صغير .. يعنى حوالى 7 سنوات شيل الشاى ده واعمل غيره .. شيلته وأخدت كوب واحد من الشاى بتاع أخى .. وحطيته على 10 أكواب ماء وغليته عمل شاى ممتاز سكر ومستوى تركيز .. بس ازاى جتنى الفكرة اعمهلا كده مش عارف .. ومن يومها والدى حرم يطلب من الأخ ده شئ ..

موقف بقى قاسى بس كان ضرورى ..

أول سنة لنا فى السعودية كنا نسكن مشترك فى سكن الشركة .. المفروش فخم واللى محدد له مستوى الموظفين لا يقل عن مستوى معين ..

المهم بعد فترة جالنا واحد مصرى .. كئييييييييييييب .. بخيل قيحة .. صعب .. رفض يشترك فى الميز .. قال ايه عشان ده بياكل وده مش بياكل وافرض ده اتعشى وده مش عاوز وهكذا من النتانة بصراحة ..

كان الشقة فيها حمامين و 3 غرف مقفول وصالون مفتوح.. غرفتى بجانب غرفته ومعها حمام والخ الآخر مستقل بالحمام الصغير .. المهم .. لاحظت انه يستعمل الشامبو الخاص بى ومعجون الأسنان وهكذا .. سألته قال لا استعمل حاجة تخصك .. انا عندى أشيائ آخدها للحمام وقت استعماله واعيدها لغرفتى ..

المهم جتنى فكرة شيطانية .. اشتريت علبة بلسم وشامبو صغيرة وفرغتها وملأتها بكريم ازالة الشعر .. وتخيلو الباقى بقى ..

وهو طالع من الحمام بلا شعر راس ولا حواجب ولا شنب .. يصرخ ايه اللى عملته فيا ده .. قلت انت اللى عملت فى نفسك .. وانا لا احب احد يضربنى على قفايا ..

مع العلم انه كان باقى لى أيام وأترك السكن المشترك واذهب لسكن منفرد لأنه استقدمت اسرتى .. ههههههههههههه

[مغتربة]

موقف بقى قاسى بس كان ضرورى ..

أول سنة لنا فى السعودية كنا نسكن مشترك فى سكن الشركة .. المفروش فخم واللى محدد له مستوى الموظفين لا يقل عن مستوى معين ..

المهم بعد فترة جالنا واحد مصرى .. كئييييييييييييب .. بخيل قيحة .. صعب .. رفض يشترك فى الميز .. قال ايه عشان ده بياكل وده مش بياكل وافرض ده اتعشى وده مش عاوز وهكذا من النتانة بصراحة ..

كان الشقة فيها حمامين و 3 غرف مقفول وصالون مفتوح.. غرفتى بجانب غرفته ومعها حمام والخ الآخر مستقل بالحمام الصغير .. المهم .. لاحظت انه يستعمل الشامبو الخاص بى ومعجون الأسنان وهكذا .. سألته قال لا استعمل حاجة تخصك .. انا عندى أشيائ آخدها للحمام وقت استعماله واعيدها لغرفتى ..

المهم جتنى فكرة شيطانية .. اشتريت علبة بلسم وشامبو صغيرة وفرغتها وملأتها بكريم ازالة الشعر .. وتخيلو الباقى بقى ..

وهو طالع من الحمام بلا شعر راس ولا حواجب ولا شنب .. يصرخ ايه اللى عملته فيا ده .. قلت انت اللى عملت فى نفسك .. وانا لا احب احد يضربنى على قفايا ..

مع العلم انه كان باقى لى أيام وأترك السكن المشترك واذهب لسكن منفرد لأنه استقدمت اسرتى .. ههههههههههههه

لا دى بجد فظيعه يا استاذ بندق

ايه التفكير الشيطانى ده

بس بجد يستاهل

لانه افتكر انه ما فيش اذكى منه

[OReX]

السلام عليكم

بصراحة انا مكنش هحكى الموقف دا بس لما شوفت رد استاذ بندق قولت لا ارد بقى

المهم قبل ما حد يقرا الموقف يرفع شعار ليس على المقيمين فى المدينة الجامعية حرج

انا فى الاول مكنش راضى عن الكلية اللى انا دخلتها ابدا وكنت هضرب عن التعليم خالص ومش هكمل وخصوصا ان كله قالى متدخلش جامعات خاصة ولو دخلت نقى جامعة محترمة وطبعا جامعة محترمة يعنى اكبر من الحالة المادية بتاعتى فى الوقت دا واللى زاد الموضوع انى دخلت فى محافظة بعيد عنى يعنى لازم اسكن فى سكن الجامعة

يعنى رايح الجامعة ولا طايق الكلية ولا المحافظة كلها المهم سكنت فى المدينة الجامعية كل اللى معايا فى القوضة بصراحة رجالة وناس كويسين جدا ودا اللى ادانى امل شوية بس فيهم واحد مش فاهم دى عقدة نفسية ولا مرض ولا بلى ازرق المهم الواد دا كان يشوف اى حد قاعد عادى كدا يشدلة شعر ايدة مش فاهم لية

هوا كدا نايم بقى عندك صداع عندك امتحان مش بيبطل وهوا عامل زى الدبوس اصلا يعنى يعملها

ويجرى وساعات لما بيمتسك بيزرع علقة محترمة مش بيبطل برضة

جه فى اول سنه وانا عامل فيها الشاطر عمرو محضارات الصبح ومزاكرة بليل

وفى يوم كان عندى امتحان ميدتيرم ومصلى الفجر ونمت على طول يعنى هخبطلى ساعتين بالعافية راح عامل فيا الحركة دى وانا لما بصحى مرة واحدة بيجيلى صداع رهيب

صحيت كنت هموتة بس مش عارف الاقية قلبت السكن قوضة قوضة مش عارف اجيبة برضة

خرجت من الامتحان تقريبا مش شايف قادمى من الصداع وحليت زفت دخلت صديلية صغيرة لاقيت فيها انسة قولتلها عايز مسكن بس قوى شوية على ما جابت المسكن رميت عينيى لاقيت اعلان عن مزيل عرق بااااس نطت فى دماغى مزيل الشعر على طول ومع انى كنت بكسف جدا ساعاتها الا لقيت نفسى بقولها عايز مزيل شعر بس يكون جامد وميهمكيش الفلوس خالص هيا طبعا بصلتى بتسغراب وجبتهولى وجت

اروح السكن الاقى مكتوب علية يقعد نص ساعة على الجلد فقولت للى معايا فى القوضة كلها رحبوا جدا بالفكرة ويسلم دماغك والحركات دى ومش كدا وبس لا وفية اخوة هيضملونا من القوض اللى جمبينا كمان

ان أااااااااااااااااا جاء الموعد المرتقب

الواد جه وقلع وظبط واول بس لما مدد على السرير ونام هجووووووووووم وعنيكوا ما تشوف الا النور ربطانه فى السرير وخليناه نص ساعة كامله والكريم على نص جسمة بس والنص التانى عادى :D

وطبعا كان عايز يشتكى بس تحت تحديد الكريم خاف :D وقعد طول اليل يشوف حد يسلفة قميص بكم عشان يروح محدش راضى ييدلية :D وفى الاخر واحد سلفة قميص كبيييييييييييييير وبقى ماشى بيلق :D:D

وقعدنا يمكن شهرين نصالح فية وهوا مش راضى حتى يرد السلام :D بس الحمد لله فى الاخر سمحنا وبقينا زى الفل

-----------------------------------

الموقف التانى بقى حصل فيا انا

خلاص كله خلص امتحانات فينال البكالريوس وكله بيودع بعضة وشوية والدمعة هتفر مننا وشغل هدىىىىىىى احمااااااااااااااااد والحركات دى على محطة القطر انا كنت لازم اقعد عشان عندى مناقشة مشروع

التخرج روحت نمت وصحيت الصبح روحت الجامعة عشان نظبط اخر اللمسات على المشروع خت معايا الابتوب كان فى الشطنة من ساعتها مخرجتوش رحت الجامعة شاب زى الورد وانا فى الاب بتفح الشنطة

وبمد ايديى بمنتهى البراءة لاقيت حاجة طرية بطلعها بأيدى بشوف دى اية لاقيتها فار ميت :blush2:

انا اللى بموت من الصراصير امسك فار ميت بأيدى ومش اى فار لا دا فار ابن عز مكلبظ طبعا رقعت بالصوت الحيانى فى قلب الاب وما ان الزميلات اللى معايا فى شافو الفار الا هما اشتركوا كمان فى السيمفونية وجه المعيد وطبعا سمعنى من المنقى خيار :D

ولغاية دلوقتى مش عارف مين اللى عمل معايا الموقف دا

[Scorpion]

إحنا مرة عملنا مقلب في كل أعضاء محاورات المصريين ..

شوية منهم أستنونا بره ... و ولعوا فينا ..

[عبير يونس]

طول ما انا بأقرأ

وعمالة احصر مخي

على أي موقف من دول

مش لاقية

الحقيقة انا عمري ما عملت مقلب في حد

بصراحة عمري ما فكرت أهزر بالطريقة دي مع حد

أقصى حاجة عملتها في حياتي

كانت أني أخض أختي الكبيرة فجأة

و بصراحة كذا مرة زعلت فبطلت

لأن ماما خوفتني

قالت لي ممكن تخضي حد قلبه يقف و يموت

من ساعتها و انا ما بعملش أي حاجة ممكن تؤذي حد أو حتى تزعل حد

و مفتكرش ان حد عمل فيا حاجة

و الحمد لله كل صاحباتي جدعان بجد

و كلهم ناس جد

و برضه سبحان الله ملهمش في المقالب نهائي

على فكرة بالنسبة لمقالب البنات عمري ما تعرضت لها

لأني عمري ما رسمت على حد من أساسه

و جوازي كان تقليدي جدا

لا قريبي و لا حتى كنت أعرفه

بس جوزي بقى له باع طويل في المواضيع دي

باختصار و بكل فخر معلم

بس ما عملش حاجة معايا

عشان بأصعب عليه

و بيخاف لأموت فيها

ده أنا بأخاف من فرقعة البالونة

:blink:

يعني حاجات على خفيف كده

يخوفني ان في حاجة في البيت فار مثلا برص

بس مبيطولش لأنه عارف اني ممكن أبات برة البيت

wst::

أقصى حاجة عملها معايا أنه كان بيدخل البيت من غير ما أحس و يخضني

عملها معايا مرة في المطبخ و كنت قدام البوتجاز

و كان ممكن الزيت يتقلب فوقي

من يومها ماعادش يعملها معايا خالص في المطبخ

هو كيميائي على فكرة

و كان دايما يعمل مقالب فرقعة مع زمايله

و كان له بصمته الخاصة

و له مقالب للصبح مع أصحابه

حأبقى أجرجره في الكلام و أحكيلكم

:blink:

هوة دخل عليا دلوقتي و جرجرته في مقلب صغنن كده

قالي كان مرة في واحد زميلهم رخم و بيفتح الأدراج و يسرق سجاير من زمايله

فقاموا قالوا للكابتن المبجل جوزي

قال لهم سيبهولي و انا اظبطهولكم

فراح حاطط علبة سجاير فضى منها كام سيجارة

يفضي السيجارة شوية و يحط كمية من حبوب الماغنيسيوم

بدل الكمية اللي فضاهم

و يرجع يحط شوية من الكمية اللي فضاها تاني على وش السيجارة

يعني حبوب الماغنيسيوم تبقى في نص السيجارة من جوة

و السيجارة يبقى شكلها عادي جدا

و لا يدعو للريبة نهائيا

أخينا برخامته خد سيجارة منهم كالعادة

و خد نفس و التاني والتالت عادي

بعد كده

عينكم ما تشوف الا النور

يبقى الحاج محمد الكيميائي الروش يحكيلكم بقى على تأثير اشتعال الماغنيسيوم :amb:

و الى اللقاء في مقالب أخرى

تحياتي

[Damo]

مره بابايا بيحكيلي انو في السكن الجامعي بتاعو كان كل يوم يجيلهوم كرتونة بيض يقسموها عليه هو و تالاته تانيين. و كان اول البيض ما يتسلق يعوزو كلهم يكلو مع بعض. واحد منهم كان معروف انه ميبطلش كلام و فلحصه على كل كبيره و صغيره ولا اكل في نفس الوقت لا و ايه يكسر البيض في جبهته و هاتيا زلط. فا كان الحوار اليومي كالاتي:

بصوا بقى يا جماعه (طرااااخ = بيضه في الدماغ) انا هقولكوا تعملوا ايه (طراااخ) في المحاضرة دي انا عن نفسي (طراااخ) ... و هكذا

فا مره بابايا قرر يعمل فيه مقلب.. فا في يوم من الايام بعد وصول كرتونة البيض اليوميه بابايا قال للتانيين يسيبو بيضه منغير ما يسلقوها. و فعلا و حطوا البيض بحيس المش مسلوقه تكون قدامه.. و دار الحوار اليومي الطبيعي:

انا قلتلكوا تسمعوا كلامي (طراااخ) العموم اديكو اتعلمتو بعد كدا (طراااخ) اسمعوا اللي اقولوكوا عليه (فشششثتت) اييييه ده!!!! يا ولاد ال$ى%@ ولاهي لا اواريكوا...و هكذا

و ده مقلب واحد من المقااالب البابايا كان يعملها و تتعمل فيه :amb:

[عنبو]

مصرية متغربة مشاركة بتاريخ اليوم, 02:20 AM

يبقى الحاج محمد الكيميائي الروش يحكيلكم بقى على تأثير اشتعال الماغنيسيوم

و الى اللقاء في مقالب أخرى

تحياتي

يانهار ابيض ماغنسيوم فى سيجاره

ده كده بقت قنبله

على فكره المقلب ده كان فى تانيه كليه تأكدى من المصادر

هغطس شويه وارجع

[joo]

فكرتونى بموقف فى الثانوية العامة كان عندنا حصة كيمياء فى المعمل وعندما قامت المدرسة بأشعال الشمعة فقمنا بللف حول المدرسة وأخذنا نقول هابى برز دى تويو

فقامت المدرسة بالجرى فورا من الفصل خوفا مننا

[لماضة مصرية جدا]

السلام عليكم و رحمة الله و بركاته

ليه حسيت فجأة اني في ملقف للأشرار... ايه الحلاوة دي... بس شوية خطط و افتكاسات....و كمالة الشر بقي

اليكم هذا المقلب صفحة 37 من كتاب " كيف تكون شرير .... يا زملة الحصير"

انا مرتبطة باخويا الكبير جدا... صاحبي بقي و اخويا....و البويفرند و حاجات تانية كتير

المهم اخويا قرر انه يخطب....و كانت حفلة الخطوبة الظريفة... قوم ايه انا و اخويا التاني قررنا ان احنا نعبر عن سعادتنا بطريقتنا

كان فيه يا مواطن الصاروخ اللي عامل زي عود الكبريت ده....اخويا كان خبرة أوي في الحاجات دي....بس انا كنت لسه محصليش الشرف و قابلت سيادة الصاروخ و لا كنت شفته عن قرب

المهم قبل ما نروح الخطوبة...كان فيه زفة عربيات....العريس و خطيبته في عربية و انا اخويا لفحني جنبه في عربيتنا ووراهم بقي

و فجأة ...زنق عليهم.... حضن عليهم... و بعدين ناولني حاجة في ايدي.....و قالي ارمااااااااااااااااااااااااااااااي....انبطحاااااااااااااااااااااااااااااااي

طبعا اختكو بقي فيه ضحكة شريرة لمعت كده في عيني....عارفين لما توم القط في فيلم الكارتون يهز راسه ع اسا انه فاهم يعني

لسه هرمي.... راح الصاروخ فرقع في صباعي....ليه بقي لان شباك العربية اللي من ناحيتي كان مقفول....(طب ما هو سيادة اركان اللوا قائد المركبة الحربية ...نسي يقولي افتح الشباك يا نوصة)

المهم طبعا....نفس فيلم الكارتون اللي فوق...عارفين لما القنبلة بتنفجر في توم القط.... كل صور الخطوبة طلعت فيها...

فستان مقطوع من عند الرقبة... الصاروخ ده حبار

صباعي ورام (و هنقوليلولي و صباعك ايه اللي يطلعوا في الصورة....كان باين باين يعني)

و فيه لطشة سودة ناحية حاجبي اليمين...بتقول اني لسه طالعة حالا من منجم الفحم.... بس الحمد لله الحمد لله الماكنة طلعت قماش

بقولكوا ايه... و انا بقرا الموضوع اتكعبلت في شوية مقالب بنات...و الله العظيم لازم يتعمل ليها دراسة...بس بقولكم ايه حد يبتديها و نعمل بللوك ع الاولاد ايه رايكم بقي

فوتكم بعافية

[عاشق الترحال]

حاجه على ماقسم كده من المصايب اللي كنا بنعملها.

كنت في جمصه أنا واصحابي وكان معانا واحد صاحبنا على نياته أوي وباقي الشله ( مصايب سوده ) كان معانا لبس بيخوف عبايه سوده وماسك مرعب وباروكه وكده ومكناش بنرحم اللي كان بيقع كان الكل يتفق عليه.

المهم اتفقنا عالمعلم ده اللي على نياته كان راجع الساعه 2 بالليل واحنا كنا فى الشارع وقال انا تعبان وعاوز اطلع انام قلناله خلاص اطلع فطلعت معاه انا وواحد صاحبي علشان نفتحله الباب وناخد المفتاح تاني .

قال انا تعبان وهنام طفي النور قبل ماتنزلوا بصيت لصاحبي التاني وقلتله حلو وخرجنا عالصاله وقلنا للي دخل ينام مش عاوز حاجه قال لنا لأ شكرا فقمنا رزعنا الباب وكأننا خرجنا واحنا لسه فى الصاله وبدأنا في تنفيذ الخطه قلعنا الشباشب علشان متعملش صوت واتسحبنا عالأوضه التانيه اللي فيها ( عدة الشغل ) الهدوم والباروكه وكده ظبطنا العمل على صاحبنا ما يتقل فى النوم وبدأ الشغل ولأن صاحبي المشترك معايا فى الجريمه مش قادر يمسك نفسه من الضحك قلتله استنى فى الصاله ورحت متسحب للمعلم اللى نايم جوه وكانت الأوضه فيها سرير وكنبه جنب بعض وبينهم فاصل صغير يا دوب تقف فيه بالعافيه والمعلم نايم على وشه وفارد ايده اليمين عالسرير ناحية الكنبه وقعدت له عالكنبه بالراحه من غير صوت وانا لابس اسود في اسود وباروكه رعب والشعر نازل على وشي والدنيا ظلمه خرس ورحت ماسك ايده بالراحه من غير ما يحس وشويه ولقيته عاوز يتقلب على ظهره وهو بيتقلب انا ماسك دراعه يشد فى دراعه مبتشدش معاه فتح عينه لقاني في وشه :rolleyes: قام مصرخ آآآآآآآآآه وراح ناتش نفسه مني وعاوز يجري قمت طاير عليه وانا ميت من الضحك :rolleyes: واصرخ فيه وهو يقول آآآآآآآآآآآآآآآه والواد صاحبنا اللى فى الصاله ميت من الضحك وراح داخل وفتح النور والتاني لما شافني بدأ يتنفس وراح قاعد فى الأرض بس كنت حاسس أنه عاوز يقتلني ساعتها.

ده بس من أبسط ما عملنا أيام الشقاوه كانت أيام ربنا يسامحنا عنها بقى

[joo]

فكرتينى بالمصايف

احنا كنا فى رحلة شباب وكان معانا مشرف الرحلة رخم رخامة مش على حد يعنى كان مقفلها معانا على الاخر

فقمنا انا واصحابى بعمل قرطاص ورق ووضعناة بين اصابع قدمة وهو نايم واشعلنا فية

ويا فكيييييييييييييك

[عاشق الترحال]

فكرتينى بالمصايف

احنا كنا فى رحلة شباب وكان معانا مشرف الرحلة رخم رخامة مش على حد يعنى كان مقفلها معانا على الاخر

فقمنا انا واصحابى بعمل قرطاص ورق ووضعناة بين اصابع قدمة وهو نايم واشعلنا فية

ويا فكيييييييييييييك

قراطيس الورق دي عندنا كانت حاجه طبيعيه كده زي قزقزة اللب :rolleyes:

[joo]

فكرتينى بالمصايف

احنا كنا فى رحلة شباب وكان معانا مشرف الرحلة رخم رخامة مش على حد يعنى كان مقفلها معانا على الاخر

فقمنا انا واصحابى بعمل قرطاص ورق ووضعناة بين اصابع قدمة وهو نايم واشعلنا فية

ويا فكيييييييييييييك

قراطيس الورق دي عندنا كانت حاجه طبيعيه كده زي قزقزة اللب

يا واد يا جامد انت طيب معندكوش سودانى علشان انا بحبة اوى

[عنبو]

joo مشاركة بتاريخ Jan 5 2010, 11:59 PM

فكرتونى بموقف فى الثانوية العامة كان عندنا حصة كيمياء فى المعمل وعندما قامت المدرسة بأشعال الشمعة فقمنا بللف حول المدرسة وأخذنا نقول هابى برز دى تويو

فقامت المدرسة بالجرى فورا من الفصل خوفا مننا

بس انت مقولتش ان المدرسه دى كانت مدام ولا انسه اصلها تفرق

لماضة مصرية جدا مشاركة بتاريخ أمس, 10:38 AM

السلام عليكم و رحمة الله و بركاته

ليه حسيت فجأة اني في ملقف للأشرار... ايه الحلاوة دي... بس شوية خطط و افتكاسات....و كمالة الشر بقي

اليكم هذا المقلب صفحة 37 من كتاب " كيف تكون شرير .... يا زملة الحصير"

انا مرتبطة باخويا الكبير جدا... صاحبي بقي و اخويا....و البويفرند و حاجات تانية كتير

المهم اخويا قرر انه يخطب....و كانت حفلة الخطوبة الظريفة... قوم ايه انا و اخويا التاني قررنا ان احنا نعبر عن سعادتنا بطريقتنا

كان فيه يا مواطن الصاروخ اللي عامل زي عود الكبريت ده....اخويا كان خبرة أوي في الحاجات دي....بس انا كنت لسه محصليش الشرف و قابلت سيادة الصاروخ و لا كنت شفته عن قرب

المهم قبل ما نروح الخطوبة...كان فيه زفة عربيات....العريس و خطيبته في عربية و انا اخويا لفحني جنبه في عربيتنا ووراهم بقي

و فجأة ...زنق عليهم.... حضن عليهم... و بعدين ناولني حاجة في ايدي.....و قالي ارمااااااااااااااااااااااااااااااي....انبطحاااااااااااااااااااااااااااااااي

طبعا اختكو بقي فيه ضحكة شريرة لمعت كده في عيني....عارفين لما توم القط في فيلم الكارتون يهز راسه ع اسا انه فاهم يعني

لسه هرمي.... راح الصاروخ فرقع في صباعي....ليه بقي لان شباك العربية اللي من ناحيتي كان مقفول....(طب ما هو سيادة اركان اللوا قائد المركبة الحربية ...نسي يقولي افتح الشباك يا نوصة)

المهم طبعا....نفس فيلم الكارتون اللي فوق...عارفين لما القنبلة بتنفجر في توم القط.... كل صور الخطوبة طلعت فيها...

فستان مقطوع من عند الرقبة... الصاروخ ده حبار

صباعي ورام (و هنقوليلولي و صباعك ايه اللي يطلعوا في الصورة....كان باين باين يعني)

و فيه لطشة سودة ناحية حاجبي اليمين...بتقول اني لسه طالعة حالا من منجم الفحم.... بس الحمد لله الحمد لله الماكنة طلعت قماش

بقولكوا ايه... و انا بقرا الموضوع اتكعبلت في شوية مقالب بنات...و الله العظيم لازم يتعمل ليها دراسة...بس بقولكم ايه حد يبتديها و نعمل بللوك ع الاولاد ايه رايكم بقي

فوتكم بعافية

لا ازاى طبعاً كان المفروض يقولك افتحى الزجاج بتاع العربيه

بس ده كله علشان المسكينه مرات اخوكى وتعرفى ان الى بيجلى على الغلابه مبيكسبش وحسنه قليله تمنع بلاوى كتيره

عاشق الترحال مشاركة بتاريخ أمس, 12:32 PM

حاجه على ماقسم كده من المصايب اللي كنا بنعملها.

كنت في جمصه أنا واصحابي وكان معانا واحد صاحبنا على نياته أوي وباقي الشله ( مصايب سوده ) كان معانا لبس بيخوف عبايه سوده وماسك مرعب وباروكه وكده ومكناش بنرحم اللي كان بيقع كان الكل يتفق عليه.

المهم اتفقنا عالمعلم ده اللي على نياته كان راجع الساعه 2 بالليل واحنا كنا فى الشارع وقال انا تعبان وعاوز اطلع انام قلناله خلاص اطلع فطلعت معاه انا وواحد صاحبي علشان نفتحله الباب وناخد المفتاح تاني .

قال انا تعبان وهنام طفي النور قبل ماتنزلوا بصيت لصاحبي التاني وقلتله حلو وخرجنا عالصاله وقلنا للي دخل ينام مش عاوز حاجه قال لنا لأ شكرا فقمنا رزعنا الباب وكأننا خرجنا واحنا لسه فى الصاله وبدأنا في تنفيذ الخطه قلعنا الشباشب علشان متعملش صوت واتسحبنا عالأوضه التانيه اللي فيها ( عدة الشغل ) الهدوم والباروكه وكده ظبطنا العمل على صاحبنا ما يتقل فى النوم وبدأ الشغل ولأن صاحبي المشترك معايا فى الجريمه مش قادر يمسك نفسه من الضحك قلتله استنى فى الصاله ورحت متسحب للمعلم اللى نايم جوه وكانت الأوضه فيها سرير وكنبه جنب بعض وبينهم فاصل صغير يا دوب تقف فيه بالعافيه والمعلم نايم على وشه وفارد ايده اليمين عالسرير ناحية الكنبه وقعدت له عالكنبه بالراحه من غير صوت وانا لابس اسود في اسود وباروكه رعب والشعر نازل على وشي والدنيا ظلمه خرس ورحت ماسك ايده بالراحه من غير ما يحس وشويه ولقيته عاوز يتقلب على ظهره وهو بيتقلب انا ماسك دراعه يشد فى دراعه مبتشدش معاه فتح عينه لقاني في وشه قام مصرخ آآآآآآآآآه وراح ناتش نفسه مني وعاوز يجري قمت طاير عليه وانا ميت من الضحك واصرخ فيه وهو يقول آآآآآآآآآآآآآآآه والواد صاحبنا اللى فى الصاله ميت من الضحك وراح داخل وفتح النور والتاني لما شافني بدأ يتنفس وراح قاعد فى الأرض بس كنت حاسس أنه عاوز يقتلني ساعتها.

بجد موقف فظيع بس تصدق انا مبحبش اعمل مواقف فى العيال الغلابه بحس انهم بيصعبوا عليا انا تخصص بقى العيال الى هم حركين كده لانهم هيعرف يرد عليك علشان كده هتضحك من قلبك ومش هتشيل هم انه يدعى عليك يعنى لكن بقى ممكن يكون واحد غلبان وبيخاف من حاجه مثلاً زى الصراصير ده بقى هو حر انا هعمله ايه الصرصار هو الى بيشتغله مش انا بس طبعاً انا ممكن اساعد الصرصار شويه يعنى

joo مشاركة بتاريخ أمس, 02:36 PM

فكرتينى بالمصايف

احنا كنا فى رحلة شباب وكان معانا مشرف الرحلة رخم رخامة مش على حد يعنى كان مقفلها معانا على الاخر

فقمنا انا واصحابى بعمل قرطاص ورق ووضعناة بين اصابع قدمة وهو نايم واشعلنا فية

ويا فكيييييييييييييك

قراطيس مولعه وهو نايم ومشرف رحله كمان انا الحمد لله عمرى مطلعت رحله وكان فيها مشرف انا بحب ابقى حر نفسى اعمل الى انا عاوزه بلا مشرف بلا مشرفه ولا قولك ممكن مشرفه بس مش هولع قراطيس هنولع قرطاسه علشان مؤنث

[joo]

على فكرة يا عنبى انت دمك زى السكر

على العموم هى كانت أنسة

[عنبو]

joo مشاركة بتاريخ أمس, 04:01 PM

على فكرة يا عنبى انت دمك زى السكر

على العموم هى كانت أنسة

ده بس من ذوقك ياعم جو

بما انها كانت انسه انا بقى هقولك كانت بتجرى ليه هى طلعة تجرى فى المدرسه علشان مدرس الانجليزى الى كان لسه متزوجش يشوفها وهى بتجرى ويجرى وراها ويقولها ايه يانسه بتجرى ليه هى هتروح معيطه وهتقوله مش ممكن مش ممكن !!!وبعدين هى هيعمل فيها حمش هيجى عليكم يشدكم شويه وبعدين هيروح يكلمها هى هتقوله شكراً ياستاذ وتروح باصه فى الارض مكسوفه يعنى

وبعدين ايه بقى شويه شويه هيصير بينهم كلام ومعرفش ايه ويحصل هرج ومرج وفى الاخر تقوله تعالى اشرب الشاى مع بابا

ياعم جو ده تخطيط حريم وفى الاخر تقولك ده هو الى كان بيجرى ورايا

[joo]

joo مشاركة بتاريخ أمس, 04:01 PM

على فكرة يا عنبى انت دمك زى السكر

على العموم هى كانت أنسة

ده بس من ذوقك ياعم جو

بما انها كانت انسه انا بقى هقولك كانت بتجرى ليه هى طلعة تجرى فى المدرسه علشان مدرس الانجليزى الى كان لسه متزوجش يشوفها وهى بتجرى ويجرى وراها ويقولها ايه يانسه بتجرى ليه هى هتروح معيطه وهتقوله مش ممكن مش ممكن !!!وبعدين هى هيعمل فيها حمش هيجى عليكم يشدكم شويه وبعدين هيروح يكلمها هى هتقوله شكراً ياستاذ وتروح باصه فى الارض مكسوفه يعنى

وبعدين ايه بقى شويه شويه هيصير بينهم كلام ومعرفش ايه ويحصل هرج ومرج وفى الاخر تقوله تعالى اشرب الشاى مع بابا

ياعم جو ده تخطيط حريم وفى الاخر تقولك ده هو الى كان بيجرى ورايا

:rolleyes: wst::