مناظر ولا مؤاخذة

[Sherief AbdelWahab]

لن أناقش هنا قانون زرع الأعضاء من عدمه ، إلا أن مؤيدي القانون ، مع احترامي للصنف الأول منهم فقط ، انقسموا إلى صنفين ، الصنف الأول يستمد موقفه مما يراه صالح المصريين ، وهذا الصنف أختلف معه وأحترمه ، والصنف الثاني يعلق لك الشماعة الجديدة : السعودية وإيران .. لماذا لا نطبق القانون طالما السعودية وإيران طبقته؟

ولماذا لا نطبق أي قانون طالما أن السعودية وإيران طبقته؟

ولماذا لا نفعل كل ما تفعله السعودية وإيران؟

أو نقتدي حرفياً بكل فتاوى السعودية وإيران؟

واللي ناقص كمان نصلي حسب التوقيت المحلي للسعودية وإيران!

كما لو كان السادة غير الأفاضل منتمين إلى جمهورية موز ، أو واحدة من تلك التي ينطبق عليها القول المصري الساخر الشهير "اللي يصحى بدري ياخد الحكم"..وليس إلى "مصر".. التي يعرف القاصي والداني قدرها..

لن أتحدث عن العراقة والحضارة والسبعة آلاف سنة ، ألسنا مواطنين؟ ألسنا بشراً ؟ ألا يحق لنا أن تكون لنا مصالح قد تختلف عن مصالح السعوديين والإيرانيين؟ لماذا أربط نفسي وأنا مواطن مصري معتز بمصريتي باجتهاد لرجل دين أو سياسة أو دين سياسي أو "زعيم ديني" في السعودية أو إيران أو أي دولة أخرى كما لو كنت أعيش في دولة غير مستقلة وغير ذات سيادة؟

أناس مستعرين من مصريتهم.. هذا هو الوصف الأدق لهذه الشرذمة من الناس .. أناس مصابون بشيء لا أستطيع توصيفه بدقة .. هم الذين يطالب بعضهم النظام بالتعامل مع المصريين بآدمية بينما يتعاملون هم مع المصريين كأنهم حيوانات؟ ولم لا بما أن هؤلاء يعتبرون أنفسهم من طبقة أرفع من حاملي الجنسية المصرية؟

كيف ترون "الأشكال دي"؟

خلص الكلام

[الباشمهندس ياسر]

أناس مستعرين من مصريتهم.. هذا هو الوصف الأدق لهذه الشرذمة من الناس .. أناس مصابون بشيء لا أستطيع توصيفه بدقة .. هم الذين يطالب بعضهم النظام بالتعامل مع المصريين بآدمية بينما يتعاملون هم مع المصريين كأنهم حيوانات؟ ولم لا بما أن هؤلاء يعتبرون أنفسهم من طبقة أرفع من حاملي الجنسية المصرية؟

كيف ترون "الأشكال دي"؟

خلص الكلام

المفوض اننا اصحاب سيادة و ناس عندها كرامة

فالطبيعى ان الاشكال دى تتسحب منها الجنسية و تترمى بره و مترجعش البلد تانى

ده بالنسبة للى موصلش لمرحلة الغلط

انما الاشكال التانية اللى وصلت لمرحلة السب ف الوطن

فأقل واجب نطبق عليها حد الحرابة...مش فتوى منى عشان محدش يمسك فيها

انما ده اقل واجب معاهم

[gopy]

الموضوع ممكن يتشاف بصورة تانية (أقصد فقط الفتوى بالمشروعية الدينية للقانون) إذا كان فى علماء عدول بحثوا و إجتهدوا طيب ما الداعى عندها لأعادة إختراع العجلة إذا كانت أدلتهم صحيحة و معتبرة طيب لماذا لا اخذ بها والتفت لمسائل أخرى مازالت تحتاج لبحث وأجتهاد وما أكثرها أيه الغلط فى كده

[sherifhfm]

الموضوع ممكن يتشاف بصورة تانية (أقصد فقط الفتوى بالمشروعية الدينية للقانون) إذا كان فى علماء عدول بحثوا و إجتهدوا طيب ما الداعى عندها لأعادة إختراع العجلة إذا كانت أدلتهم صحيحة و معتبرة طيب لماذا لا اخذ بها والتفت لمسائل أخرى مازالت تحتاج لبحث وأجتهاد وما أكثرها أيه الغلط فى كده

المقصد الرئيسى للشريعة هو مصلحة المجتمع وبما ان كل مجتمع يختلف عن الاخر فى ظروفه وثقافته

فبالتالى الاحكام الشريعة تحتلف من مكان لاخر

يعنى ممكن يكون علماء السعودية او ايران كان رأيهم ان الموضوع ده حلال وومفهوش حاجه لكن لو تم تطبيقه فى مصر سيحدث الكثير من المشاكل ويمكن الجرائم يبقى لا والف لا يبقى حرام ونص كمان

[Sherief AbdelWahab]

الموضوع ممكن يتشاف بصورة تانية (أقصد فقط الفتوى بالمشروعية الدينية للقانون) إذا كان فى علماء عدول بحثوا و إجتهدوا طيب ما الداعى عندها لأعادة إختراع العجلة إذا كانت أدلتهم صحيحة و معتبرة طيب لماذا لا اخذ بها والتفت لمسائل أخرى مازالت تحتاج لبحث وأجتهاد وما أكثرها أيه الغلط فى كده

فيه فرق بين البحث عن الحقيقة والرأي الصح مهما كان مصدره ، وبين التبعية العمياء اللي بتصل إلى درجة الدلدلة واللي هية بتنطبق على الناس موضوع الموضوع دة..

خلص الكلام

[عنبو]

كل بلد وليها ظروف يعنى ممكن فتوه تمشى مع السعوديه ومتميش فى مصر بسبب ان عادات الشعوب بتختلف عن بعضها ودى حاجه معروفه فى الفقه وشوفوا اختلاف الفقهاء الاربعه كان بسبب اختلاف البيئيات وخصوصا الامام مالك فى المدينه والامام ابو حنيفه فى بغداد

فكل بلد وليها ظروفها لكن هذا لا يقلل من شئن اى دوله وياريت بلاش العنصريه اصل انا مبحبهاش يعنى كلنا مسلمين

[فــيــروز]

الموضوع مش موضوع ناس مستعريين من مصريتهم ولا هو دلدله !! ولا أجد أى مبرر لوصف أصحاب هذا الرأى بالشرذمه أو تصنيفهم تحت بند "الأشكال دى" .. اسمح لى نبرة النقد فى الموضوع و عنوانه فيهما قدر من التجريح الغير مفهوم

الاستشهاد ب "السعوديه" و "إيران" سببه واضح جدّا و هو أنّهما دائما ما توصمان بأنّهما حكومتنا دينيتان .. و كل ما حد يحب يشير لمساوئ الحكم الدينى يشير عليهما على طريقة "لو ماشربتش اللبن يا حبيبى هتبقى زى عمّو ده" .. و من ثمّ منطقى يكون فيه استشهاد بهما للتدليل على أنّه رغم تشددهما -الذى هو دائما محل انتقاد -لم تجرّما نقل الأعضاء .. ولاّ هو حلال الاستدلال بيهم وقت الانتقاد و حرام الاستشهاد بهم وقت الاستدلال !!

[بندق أفندى]

الموضوع مش موضوع ناس مستعريين من مصريتهم ولا هو دلدله !! ولا أجد أى مبرر لوصف أصحاب هذا الرأى بالشرذمه أو تصنيفهم تحت بند "الأشكال دى" .. اسمح لى نبرة النقد فى الموضوع و عنوانه فيهما قدر من التجريح الغير مفهوم

الاستشهاد ب "السعوديه" و "إيران" سببه واضح جدّا و هو أنّهما دائما ما توصمان بأنّهما حكومتنا دينيتان .. و كل ما حد يحب يشير لمساوئ الحكم الدينى يشير عليهما على طريقة "لو ماشربتش اللبن يا حبيبى هتبقى زى عمّو ده" .. و من ثمّ منطقى يكون فيه استشهاد بهما للتدليل على أنّه رغم تشددهما -الذى هو دائما محل انتقاد -لم تجرّما نقل الأعضاء .. ولاّ هو حلال الاستدلال بيهم وقت الانتقاد و حرام الاستشهاد بهم وقت الاستدلال !!

طيب ايه المقرف بقى؟ فى القصة وصف الناس بنهم مقرفين ولا وسلوكهم؟

فيروز هانم قلتى ما فيه الكفاية .. أحب أضيف ..

كان للشافعى رأى فى العراق فى زواج البكر فلما نزل مصر وعاش بها غير رأيه الى رأى مخالف ..

يعنى كمان الفتوى ممكن تكون محكومة بالبيئة اللى عايشينها ..

المعنى واضح للغاية .. اذا كانت الدول الأكثر تشددا سمحت فلماذا نمنع .. مع العلم انى ضد مثلما أفتى الشيخ الشعراوى رحمه الله

ومن يطالب يطالب بوحدة الفتوى .. ولا هو هلال رمضان كمان؟

[Sherief AbdelWahab]

نقطة نظااااااااااااااااااااااااااااااااااااااااااااااااااام..

1-العزيزة فيروز : ما زلت مصمم على اللي قلته في المداخلة الافتتاحية ، وأتمنى من الجميع إنه يقراها كاملةً وبهدوء شديد ، بما إني اتكلمت على اللي عايزين تبعية كاملة تامة صريحة ، لا بيثقوا في عالم مصري أيا كان حتى ولو كان في علم "الغزالي" ، ولا في أي شيخ ولا في أي أهل اختصاص بما في ذلك التخصصات الدنيوية والعلمية والتقنية ، و كمان مصمم على إن فيه ناس فعلاً مستعرة من أي شيء مصري ، فعلاً ، لا لها علاقة بحكومة دينية ولا أوتوقراطية ولا أوتوبيسوقراطية..

ناس مش شايفة بس إن دول ملاك التصور الأوحد الصحيح للإسلام ، بل إن دول ملاك التصور الأوحد الصحيح لكل شيء.. حتى في الأمور اللي تعتبر متروكة لـ"سيادة الدولة" ..

ناس بتخبي استعرارها دة ورا شعارات براقة من عينة "وحدة الإسلام والمسلمين" و "وحدة الأمة" و...و...

ناس في المظهر وفي طريقة الكلام وحتى مخارج الألفاظ مش عايزة تتكلم كمصريين.. مذهل!..

اللي بيفرقهم عن الناس المستعرة المتفرنجة إن الأخيرين عندهم قليل من الاعتزاز بمصريتهم مقارنة بالصنف المذكور .. وإن الصنف المذكور بيخفي استعراره وراء ستار الدين.. الأمر اللي بيخلي القصة كلها شديدة الاستفزاز..

2-السبب الحقيقي للاستشهاد هو إذن التبعية الشديدة ، فالسعودية بحكم نزول القرآن الكريم وبحكم وجود الحرمين ترى في نفسها الأقدر على قيادة الإسلام السني ، بينما تعتبر إيران نفسها القائد الأوحد للإسلام ككل فضلاً عن كونها قائدة المذهب الشيعي في جميع أنحاء العالم ، وتطلق على نفسها ، ويطلق عليها نفر من المتعاطفين معها في وسائل الإعلام لقب "الجمهورية الإسلامية" دون ذكر عبارة "إيران".. لفة سريعة على وسائل الإعلام اللبنانية توضح الفكرة..

يعني استشهاد في الحلو مش في الوحش ، لأنهم في رأي هذا النفر "أحسن"..

كإن كل ما هو مصري بقت مرتبطة بيه حزمة من الصفات : أي شيخ مصري فهو شيخ من "شيوخ السلطة" ، ودة تعميم غريب الشكل ، وأي موقف مصري فهو موقف "عميل وموالي للغرب" وأي شيء مصري ما هواش كويس..

دة احنا وصلنا لليوم اللي بقينا بنشكك فيه في رؤية الهلال في مصر ، وفيه واقعة من حوالي عشرين سنة إنه تصادف إن رمضان في تلك السنة كان تلاتين يوم في مصر ، وشافت السعودية الهلال قبلنا بيوم ، فوجئ الناس في إحدى قرى الشرقية بناس من دول طلعوا وكبروا تكبيرات العيد في اليوم التلاتين من رمضان وصلوا العيد!.. والتشكيك في هلال رمضان اللي بيتشاف في مصر بالذات مستمر لحد ساعة كتابة السطور دي..

الألعن إنك ممكن تلاقي ناس في مصر بتقول نفس الكلام اللي بيتقال في تعليقات بعض الدول العربية على كل ما هو ديني في مصر ، ادخلي عشوائياً على موقع العربية نت وحتشنف آذانك وعيونك بما لذ وطاب من الأشقاء الأفاضل وحتسمعي منه أكثر من ناس في قلب القاهرة!

ما هو أساس هذه الأفضلية؟ مش عارف ..

3-الإسلام فتح المجال للناس تختلف في تفسيرها للمسائل "الدينية" ، وفيه ثوابت بتبقى ثابتة لا تمس .. وفي المسائل الدنيوية يبقى "الاجتهاد" .. والاجتهاد محكوم بعشرات الاعتبارات من ضمنها مستجدات العصر وطبيعة الناس وحسابات المكسب والخسارة والنفع والضرر طبقاً لبيئة المكان ، ولهذا السبب لا يوجد اجتهاد ثابت أبدي زماناً ومكاناً..

والفرق في وسع الفرق بين السماء والأرض بين فكرة "همة ممكن يكونوا صح واحنا ممكن نكون صح" - اللي قلتي عليها واللي حاسس إن قليلين متفتحين بيؤمنوا بيها ، وبين فكرة "همة صح ولا يمكن أبداً نكون صح" وهي طريقة تفكير المجموعة اللي عنها الموضوع دة..

جايز حظك يوقعك في التعامل مع الناس دي ، أو القراءة للناس دي في المطبوعات الدينية أو مشاهدة بعضهم على الفضائيات في برامج دينية وسياسية ، وساعتها حتشوفي أنا كنت حنين إزاي مع الناس دي في المداخلة الافتتاحية.. ومن سمع ليس كمن رأى..

4-بندق أفندي : وحدة المسلمين مش وحدة أهلة ومناسك تفرض بالعافية عكس الجغرافيا اللي خلقها ربنا .. وأنا مش مطالب إني أصوم غلط وأصلي غلط تحت اسم وحدة الأمة!

خلص الكلام

[sherifhfm]

والله تحديدا فى موضوع الهلال يا استاذ شريف انا مش بثق فى السعودية خالص بصراحة

وبغض النظر لا السعودية ولا ايران مصدر للتشريع مصادر التشريع معروفه القرآن والسنه ده الى انا اعرفه اما اننا نقول ما السعودية بتعمل وبتسوى كل بلد له ظروفه زى ما قلت قبل كده

وموضوع وحدة المسلمين ووحدة الامه انسى الكلام ده خالص وحددة الامة بالاوضاع الحالية ضرب من الخيال مش رؤية هلال رمضان الى حتوحدنا الموضوع اعقد من كده بكتير

وكمان انا بصراحة ضد موضوع زراعة الاعضاء ده فى مصر خالص لان شايف ان حيفتح الباب على مفاسد كثير جدا وطبعا على راى الفقهاء (منع المفاسد مقدم على جلب المصالح) يعنى على قد فهمى لو موضوع زراعة الاعضاء ليف فوائد وحيجلب علينا مفاسد كثير يبقى قلته احسن

[أبو محمد]

خلص الكلام

لأ يا شريف .. إوعى تخلَّص الكلام .. قول .. وقول كمان ..

أصل انا "طج تشبدى" .. يعنى "مرارتى اتفقعت" من اللى بتتكلم عنهم .. بس انا باعبَّر عن شعورى بلهجة إخوانا أهل الخليج .. علشان مفيش حد يبعت لى على الخاص ويتريق علىَّ ويقول لى إنى متعصب لمصريتى ..