اجراءات فيزا الزيارة

[SajedSoft]

ياجماعة لو سمحتم ايه اجراءات فيزا الزيارة التجارية وبتاخد وقت اد ايه

وهل لو كنت شغال فى السعودية قبل كده وجاى بفيزا زيارة ممكن الكفيل السابق يعمل مشاكل

شكرا

[وهيج الجبيل]

https://visa.mofa.gov.sa/

دة موقع الخارجية وبيكون فية شروط الزيارة التجارية

[SajedSoft]

شكرا على المعلوم المفيدة

لكن ياريت ياجماعة لو حد اخد تاشيرة زيارة من السفارة فى مصر يقولنا ايه الاجراءات والوقت المتوقع

[ابو يس]

السلام عليكم

الاخ SajedSoft

بما انك عملت فيزا زيارة عمل يا ريت تقولى

انا عندى نفس الحكاية

اولا لو سمحتم انا عايز اعرف فيزا زيارة عمل حتاخد وقت اد ايه و ايه اجراءتها ؟

ثانيا هل فى مشاكل لو رجعت و ان كنت شغال و اخدت خروج نهائى و عايز ارجع ب فيزة زيارة عمل؟؟؟

ولكم جزيل الشكر

[عماد حمدي]

ههههه دا مش انا لواحدي بقا ؟؟؟؟

سهلها لينا يارب

انا برده هنزل نهائي وهرجع علي فيزا زيارة تجارية ومن هنا همدد وهقيس نبض الكفيل القديم لاني هشتغل في الشقة اللي قصادة وش يدوب ربع متر ... هوه هيعتقد اني جيت علي تأشيرة عمل .. هشوف رد فعلة اية لو كدة اقعد شهرين وانزل وارجع علي تأشيرة عمل .. دي غايتي ياعني من الزيارة التجارية

[ابو يس]

السلام عليكم

يا اخ عماد حمدى ايه بس اللى زنقك و جاى فى وش الكفيل القديم يعنى السعودية ضاقت بيك ولا الشركة دى مالهاش فرع تانى تروحلو

على العموم ربنا يوفقك ويسهلك

و ابقى قولنا عملت ايه

[عماد حمدي]

والله يا باشا ولا ضاقت ولا حاجة

القصة ان بطريقتي حصلت علي الأتي :-

1- أصل المخالصة النهائية اللي موقع عليها

2- أصل سند قبض بقيمة التأشيرة اللي دفعتها في مصر

3- أصل كشوف رواتبي لثلاث شهور ( أثبت اني خدت راتب بقا خلال الثلاث شهور دول ) !!!

4- أصل سند قبض ب 5000 ريال جزاء + المكرة المرفوعة بخطة

بعدين دا رد إعتبار بس لأنه غلط في المصريين عموما ً وتحداني اني أرجع السعودية وهددني لو رجعت هيرحلني !! قولتلة لو رجعت تاني أوعدك وعد رجالة ( وعد الفراعنة لازم أدخل واسلم عليك ) !!!! مش هستناك تدور عليا لأني مصري والمصري مش جبان

ولع ناااااااااار بالكلمتين دول

طبعا ً مكتب العمل من مصدر موثوق منه قالي ولا يقدر يعمل معاك أي شيء , دا بالعكس انا اللي ممكن أضرة

ولذه الحياه هي المغامرة وفي نفس الوقت الواحد يستنجد ويطلب المساعدة في الأمور اللي مش علي دراية بها وهنا في المحاورات أسرة لا تبخل علي أي فرد في الرد والنصيحة ....

فيا سيدي توكل علي الله ... ونصيبنا هناخده ..

[حازم نجاح حمزه]

انا احب الناس اللي زاي عماد

والله

السعوديين دول شعب خاين وومالهم امان

[عماد حمدي]

بلاش تقول شعب خاين بص فيه منهم كده وكده ... و ربنا يتممها علي خير

بص دا درس اتعلمتة هنا بس علي كبير ((( إحذر إحذر إحذر ))) مبدأ الحيطة والحذر وكمان لسانك حصانك ان صنته صانك وان خنته كفيلك اداك نهائي هههههه

الموضوع بالنسبة ليا انا كنت بشتغل في شركة سياحة بشرم الشيخ وكل تعاملي مع جيست من كل دول العالم وتحس كده انك مدلع 24 ساعة بس حراااااااااااااام .. المهم فجأه جيت السعودية حصل في دماغي أرتباك خاصة الرياض بحس انها مدينة عقيمة وميتة أوي مش عارف لية ..

ياعني من تعاملك مع جنسيات أوربية إلي تعاملك مع سعودي فجأه !!!

أكيد فهمت قصدي