كيف تقنع مديرك بأن يزيد راتبك ؟!! (ممنوع دخول أي مدير)

[سهل جدا]

*

*

قبل أيام كنت أقرأ كتابا جيدا من كتب الإدارة والنجاح في العمل, ووجدت فيه جزءاً يتحدث عن كيفية إقناع مديرك بزيادة راتبك.. فأحببت أن أنقله -ببعض التصرف اليسير- لتعم الفائدة..

يقول مؤلف الكتاب:

هناك أربع حجج فقط يمكن أن تسلكها لإقناع مديرك بزيادة راتبك، وهي:

1- أن دخلك لم يعد يتناسب مع تكاليف المعيشة، خصوصا مع غلاء الأسعار والإيجارات و...

2- أنك لا تقصر في بذل أي مجهود من أجل إنجاح الشركة أو زيادة أرباحها.

3- أنه تم تكليفك بمهام ومسئوليات جديدة؛ لذا فقد تغيرت معالم وظيفتك, وبالتالي تستحق الزيادة.

4- أن راتبك لا يتناسب مع رواتب أقرانك في نفس التخصص في شركات أخرى.

ويؤكد مؤلف الكتاب أنه لا يوجد طرق أخرى لإقناع مديرك بزيادة راتبك سوى هذه الطرق الأربع

لكن لا ننسى أن اختيار الوقت المناسب مهم جدا عند التحدث مع مديرك في مثل هذا الموضوع الحساس..

يعني تختار وقت يكون مديرك فيه صافي الذهن وسعيد .. وبعدين تدخل وتعكنن عليه بطلبك الزيادة في الراتب ..

أو مثلا بعد تحقيق أي نجاح في الشركة, فهذا أيضا وقت مناسب جدا لطلب زيادة في الراتب

وربنا يوفقكم جميعا ويوسع أرزاقكم بالحلال

آه , كنت هانسى أقولكم على اسم الكتاب..

اسم الكتاب هو: (((افصل مديرك)))

مش قولتلكم ممنوع دخول المدراء :ninja:

[NavigatorEg]

يا سلام عليك يا استاذ سهل ..

طب انا لو مديري زودني .. هيبقالك نسبه ..

و تقبل تحياتي ..

[بركة]

أهلا أخونا سهل موضوع لطيف بس هيفتح للجميع وخصوصا المغتربين

الجروح والمآسي وأكيد اللي ألف الكتاب ده واحد عايش مع الناس اللي في الغرب اللي بتقدر البشر

مش هنا خاااااالص فهمتني وللا اوضح

[أحمد سيف]

مشكووووور على النصيحة يا عم سهل جدا ... بس أهم حاجه إن مديرك ما يكونش قرأ الكتاب ده ... فكرتني بموظف هندي غبي في الشركه اللي كنت شغال فيها ... جاله ايميل من واحد صاحبه بيشرح ازاي تقنع مديرك بإنك بتشتغل من غير ما تكون بتشتغل فعلا ... حاجات كده زي انك تسيب اكوام ورق على مكتبك دايما وتتكلم في التليفون وانت بتكتب على الكمبيوتر (آل يعني الشغل مقطع بعضه) ... قام صاحبنا عامله فوروورد لكل الموظفين بما فيهم المدير العام للشركه ... المهم قعد بعديها شهرين وبعدين جاله جواب تفنيش

تم تعديل 7 يونيو 2009 بواسطة أحمد سيف

[سهل جدا]

يا سلام عليك يا استاذ سهل ..

طب انا لو مديري زودني .. هيبقالك نسبه ..

و تقبل تحياتي ..

لا يا عم مش عاوز نسبة ولا حاجة , وربنا يوسع عليك وعلينا

أهلا أخونا سهل موضوع لطيف بس هيفتح للجميع وخصوصا المغتربين

الجروح والمآسي وأكيد اللي ألف الكتاب ده واحد عايش مع الناس اللي في الغرب اللي بتقدر البشر

مش هنا خاااااالص فهمتني وللا اوضح

والله أنا أعتقد إنه موضوع مفيد, عشان كده نقلته

وحضرتك عندك حق في كلامك , للأسف كثير من العرب لا يحترموا آدمية الإنسان

وخصوصا بقى نظام الكفالة ده , تلاقي بعض الكفاءات العالية بتاخد مرتب أقل من ثلث ما تستحق

والسبب طبعا نظام الكفالة (عبودية القرن العشرين)

بس أعتقد الطرق الأربعة ديه ممكن تعمل حاجة لو المدير بيخاف ربنا

مشكووووور على النصيحة يا عم سهل جدا ... بس أهم حاجه إن مديرك ما يكونش قرأ الكتاب ده ... فكرتني بموظف هندي غبي في الشركه اللي كنت شغال فيها ... جاله ايميل من واحد صاحبه بيشرح ازاي تقنع مديرك بإنك بتشتغل من غير ما تكون بتشتغل فعلا ... حاجات كده زي انك تسيب اكوام ورق على مكتبك دايما وتتكلم في التليفون وانت بتكتب على الكمبيوتر (آل يعني الشغل مقطع بعضه) ... قام صاحبنا عامله فوروورد لكل الموظفين بما فيهم المدير العام للشركه ... المهم قعد بعديها شهرين وبعدين جاله جواب تفنيش

لا , اطمن يا أستاذ أحمد , مديري زي العسل ولله الحمد

تصدق إني اشتريت الكتاب ده (افصل مديرك) وفضلت أقرأ فيه قدامه بهزار كده يعني , فضل يضحك ويقول يا عم يا ريت تفصلني , دا أنا زهقت من الشغل ..

[Scorpion]

كيف تقنع مديرك بأن يزيد راتبك ؟!!

في مصر

:ninja:

:ninja:

يا تشتغل له جاسوس

يا

تخطب بنته ...

[om marawan]

مع انى ماليش مدير لانى عاطلة حاليا عن العمل

لكن اعتقد ان الطرق اللى ذكرها الكتاب ظريفة لكن المهم فعلا انكلو استخدمت اى طريقة منهم لازم معاها تقنع المجير ان جايلك عرض تانى افضل

فيه زيادة فى المرتب او " التايتل " title هيكون اعلى

وبكده يا اما المجير يزودك يا اما يقولك مع السلامة وانا احبلك الخير طبعا وماتضيعش منك الفرصة انت اولى بالزيادة :ninja:

واتعقد ان كده هيبقا عندنا مشكلة لو مش جايلك فعلا عرض وظيفة تانى

[doha]

مع احترامي لماجاء في الكتاب المذكور الا انه وللاسف كلام نظري لامحل له من التطبيق على ارض الواقع ..

الحل الوحيد عشان تقنع مديرك بزيادة راتبك انك تكون فعلا ( كفاءة نادرة ) وانت عارف كده ومديرك عارف انك عارف والاهم ان يكون في بديل عن شغلك ده يعني يكون مفهوم للكل انك لو خرجت من الشغل ده النهرده بكرا بالكتير هتكون متعين في مكان تاني ..

التركيبه دي هي وحدها الي تضمن لك اي زياده في الراتب تكون شايف انك مستحق لها وفيما عدا ذلك هتقوله زودني هيقولك يفتح الله الباب يفوت جمل ..

وبالمناسبة فالزياده في الراتب لها سقف اعلى برضه لو وصلت له ومع ذلك مازلت مصر على طلب المزيد بالتاكيد ومهما كانت كفاءتك برضه هيكون مصيرك مع الجمل الي طلع من شويه ..

تم تعديل 7 يونيو 2009 بواسطة doha

[capitshino]

يا عمنا الموضوع مش سهل جدا كده

[esocial]

والله الموضوع ده جيد بس للأسف أنا تقريبا تكلمت مع مديرى بهذه النقاط دون أن ينقص منها شىء ومن قبل ان أقرأ كلامك هذا ويمكن قبل ما يكتب صاحبه هذا الكتاب والنتيجة هى عدم الأهتمام واللامبالاة فقدمت طلب استقالة يعنى خلاصة الموضوع انت تعمل ومديرك يحصد نتيجة مجهودك ويحاول الا تطلب الكثير بل يتمنى ان يسخرك للعمل وتحقيق الأرباح حتى بأقل أجر ممكن ولا يمكن ان يشعرك بأنك متفوق بعملك خوفا من تمردك وطلبك للمزيد وقد يظهرك امام الأخرين بأنك مقصر فى عملك ولولاه لما قمت بعملك بالشكل المطلوب يعنى مهما تحدثت لا تجد نتيجة الا عندما يتغير مديرك ويكون التوفيق حليفك .

[elfakhrany]

الموضوع ليه أبعاد أخرى حسب علاقتك الشخصية مع مديرك , مدة عملك فى الشركة , مدى اعتماد الشركة عليك

[ابو حودة]

الحل الوحيد انك يكون معاك عرض حقيقي يعني لو مرضيش تقدر تقدم استقالتك وتروح المكان الجديد

والموضوع ده حصل معايا اكتر من مرة بس مع المدير الواحد لا يجب تجربته الا مرة واحدة

علشان الراجل ما يزهقش ويقولك بالسلامة

[MOOOM]

السلام عليكم ورحمة الله بركاته ..

بصراحة عنوان الكتاب جميل ولكن مينفعش مع العرب جميعاً وعن أكثر من تجربة

أنا واحد من الناس جربت جميع الطرق التي ذكرها الكتاب والتي لم يذكرها إضافة إلى ذلك العلاقة الوطيدة التي كانت تربطني بمديري بإحدى الوزارات الحكومية في إحدى الدول العربية التي عشت بها أكثر من 90% من عمري وزيادة على كدة كمان إني كنت سر مديري ..

تم تجربة كل الطرق وكان رد المدير المحترم في كل مرة [ إن شاء الله ] وطبعاً من يقيم في الخليج يعرف معنى هذه الكلمة أو يكون ردة بأنك تستاهل أكثر بس زملائك في الشغل سوف يطلبون أيضاً زيادة وهم لا يستاهلون

ونحن المصريون أعتقد أن فينا [ يمكن عيب أو ميزة ] وهي العشرة والارتباط بالمكان الذي نعمل فيه كثيراً ولا نحب التغيير ونقول [ إلي نعرفو أحسن من إلي منعرفوش ] ونقول ممكن نروح لمكان ثاني بمرتب أكثر لكن يطلع المدير ابن لذين ..

وصراحة هذا ما حصل معي .. إلى أن فاض الأمر بعد زيادة الإيجارات وغلاء المعيشة وثبات المرتب والوعود الكثيرة بتعديل الأمور وكانت النتيجة النهائية اتخاذ القرار بالاستقالة التي لم يتم قبولها أكثر من مرة إلى أن نزلت إجازة في مرة ولم أرجع تاني .. ولحسن حظي أن المدير كان ابن حلال .. وأرسل لي مكافئة نهائة الخدمة على عنواني في مصر ..

فللأسف الشديد أن محتويات الكتاب لا تتماشى نهائياً مع المجتمع العربي .. لأن هذا الكتاب إذا كان يشرح كيفية إقناع المدير بزيادة الراتب .. فإن المدراء جميعاً قبل تعيينهم بمدراء يقوموا بقراءة وتأليف كتب عن [ كيفية تخدير وتسجيد موظفينه ] .

متمنياً التوفيق لجميع الموظفين والمدراء

تم تعديل 8 يونيو 2009 بواسطة MOOOM

[elshafey]

مع احترامي لماجاء في الكتاب المذكور الا انه وللاسف كلام نظري لامحل له من التطبيق على ارض الواقع ..

الحل الوحيد عشان تقنع مديرك بزيادة راتبك انك تكون فعلا ( كفاءة نادرة ) وانت عارف كده ومديرك عارف انك عارف والاهم ان يكون في بديل عن شغلك ده يعني يكون مفهوم للكل انك لو خرجت من الشغل ده النهرده بكرا بالكتير هتكون متعين في مكان تاني ..

التركيبه دي هي وحدها الي تضمن لك اي زياده في الراتب تكون شايف انك مستحق لها وفيما عدا ذلك هتقوله زودني هيقولك يفتح الله الباب يفوت جمل ..

وبالمناسبة فالزياده في الراتب لها سقف اعلى برضه لو وصلت له ومع ذلك مازلت مصر على طلب المزيد بالتاكيد ومهما كانت كفاءتك برضه هيكون مصيرك مع الجمل الي طلع من شويه ..

علي فكرة الكلام ده مش بيحصل دايما وفي حالات كتير بينطبق عليها الكلام ده وانا منهم

تم تعديل 8 يونيو 2009 بواسطة elshafey

[سهل جدا]

مشاركات قيمة في الحقيقة من بعض المحاوراتية

واتفق تماما مع الأخوة اللي قالوا: إن الموضوع مش سهل

وكمان ما ننساش إن الوقت ده بالذات فيه قلة في عدد الوظائف المطروحة , بعد الأزمة المالية العالمية

بس عموما في كلام جيد جدا قرأته في كتاب من هذه الكتب

يقول مؤلفه (معنى الكلام وليس بالنص):

من صفات الموظف الناجح إنه دائما تأتي له عروض من شركات أخرى قبل أن يترك عمله.

وإذا كان الموظف لا تأتيه عروض أخرى بمرتبات أفض؛ فإن هذا يعني أحد شيئين:

1- إما أنه موظف غير كفء.

2- أو أنه موظف كفء؛ لكن علاقاته العامة سيئة.

وكلاهما أمر مذموم

فالإنسان الناجح يكون متفوق في مجال عمله , وفي نفس الوقت يكون صاحب شبكة علاقات جيدة مع أشخاص آخرين في مجال تخصصه ..

[عطر الجنة]

مشاركات قيمة في الحقيقة من بعض المحاوراتية

واتفق تماما مع الأخوة اللي قالوا: إن الموضوع مش سهل

وكمان ما ننساش إن الوقت ده بالذات فيه قلة في عدد الوظائف المطروحة , بعد الأزمة المالية العالمية

بس عموما في كلام جيد جدا قرأته في كتاب من هذه الكتب

يقول مؤلفه (معنى الكلام وليس بالنص):

من صفات الموظف الناجح إنه دائما تأتي له عروض من شركات أخرى قبل أن يترك عمله.

وإذا كان الموظف لا تأتيه عروض أخرى بمرتبات أفض؛ فإن هذا يعني أحد شيئين:

1- إما أنه موظف غير كفء.

2- أو أنه موظف كفء؛ لكن علاقاته العامة سيئة.

وكلاهما أمر مذموم

فالإنسان الناجح يكون متفوق في مجال عمله , وفي نفس الوقت يكون صاحب شبكة علاقات جيدة مع أشخاص آخرين في مجال تخصصه ..

جى تقول كده بعد ان دغدغت مشاعر و عقول الناس

مش كنت تقول من الاول

[سهل جدا]

جى تقول كده بعد ان دغدغت مشاعر و عقول الناس

مش كنت تقول من الاول

عفوا ... مش فاهم حضرتك تقصدي إيه

[بندق أفندى]

عملت فى شركة لكدة ست سنوات بدون زيادة حقيقية فى الراتب مع انه كنت عصب فكر الادارة .. يعنى كل قرارات الادارة بتبنى على شغلى .. وبدون ترتيب منى جانى عرض فى شركة تانية .. ورحت قلت انا مسافر خارج السعودية ومصر على تقديم استقالتى .. وقفلتها نهائى انه لازم أمشى يعنى لازم أمشى .. بعد ييجى شهر ونص .. قلت لمدير ممكن أتفضل وأتعطف عليك وأسمحلك تقدملى عرض .. قدملى عرض أول ما شفت الرقم بحلقت فيه وكان نفسى اخنقه .. لأنه العرض أكتر من ضعفين الراتب .. طيب لما تقدر تعملها من زمان حرمتنى من نصفها ليه كل هذه السنوات؟ والحقيقة ساعتها فكرت فى حاجة واحدة .. وهى كيف سيكون وجه رئيسى المباشر (الذى يكره الخير لنفسه حتى) عندما يعرف انه راتبى صار مثل راتبه .. فعليا كنت فى نفس مستواه لكن بدون مسمى وظيفى .. المهم ..

قعدت ألعب عليها شوية وعيشته اسوأ أيام فى حياته قبل ما تنزل الرواتب الجديدة .. ونزلت وكانت القاضية ..

أول حاجة عملها رئيسى المباشر لما مشى المدير الى زودنى وجه غيره .. انه أنهى خدماتى .. وكانت فاتحة خير فحصلت بفضل الله على عمل جديد براتب أعلى مرة أخرى وبقيت مدير .. بس فى اللى أمدر منى واللى بيتحكم فى راتبى ..

كمالة القصة بقى .. انهم جابو شخص يعمل مكانى .. بشهادة الجميع لا يزن معشار وزن كفائتى وادراكى لدقائق العمل .. حيث كنت مكس غريب من المعرفة العامة للتخصص الدقيق للحلول الغير تقليدية لكل مشكلة .. للتوفيق الربانى مثلا باحتفاظى بنسخة الكتورنية من كل البيانات المتاحة على مدى سنوات عملى .. وعندما طلبت من مستوى أعلى (الشركة المالكة لشركتنا) تركتهم يلفوا حوالين نفسهم ويقولو كارثة حقيقيقة .. قبل ان أصرح بأنى أحتفظ بكافة البيانات التى تخصنى والتى لا تخصنى شهريا فى نسخ الكترونية .. المهم هذا الشخص الجديد وهى ارزاق بالطبع يتقاضى ثلاثة أضعاف ما كنت أتقاضى وما يتقاضى حاليا رئيسى المباشر السابق .. عشان يعيش فصل من الغل كمان .. لكن ما يقدرش ينطق .. ههههههههه شمتان فيه بصراحة

[سهل جدا]

الله ينور عليك يا أستاذ بندق

بس انت عندك حيلة تانية تستطيع بيها تزود راتبك غير كل الناس

كان ممكن تغري مديرك بأكلتين حلوين من أكلاتك الجميلة ديه ... ولو المدير حدق هايفهم علطول

[doha]

معليش بقى لو فيها مخالفة لقوانين المنتدى عشان بالانجليزي بس مينفعش تتكتب عربي ..

How to ask your boss for a salary increase

One day an employee sends a letter to his boss asking for an increase in his salary!!!

Dear Bo$$

In thi$ life, we all need $ome thing mo$t de$perately.

I think you $hould be under$tanding of the need$ of u$ worker$ who have given $o much $upport including $weat and $ervice to your company

I am $ure you will gue$$ what I mean and re$pond $oon

Your$ $incerely

Norman $oh

The next day, the employee received this letter of reply

Dear NOrman

I kNOw you have been working very hard. NOwadays, NOthing much has changed. You must have NOticed that our company is NOt doing NOticeably well as yet

NOw the newspaper are saying the world`s leading ecoNOmists are NOt sure if the United States may go into aNOther recession. After the NOvember presidential elections things may turn bad

I have NOthing more to add NOw. You kNOw what I mean

Yours truly

Manager