مواقف و طرائف ........... الاطفال

[pink rose]

اطفالنا ......... نعمة كبيرة انعم علينا بيها الله سبحانه و تعالى

ربنا يقدرنا كلنا و نحافظ على النعمة دي و نشكر الله عليها

الاطفال في سن بداية الكلام لحد سن 6 سنوات كده

مش ممكن بيبقوا زي العسل بكلامهم و حركاتهم :ninja:

ايه رأيكم نفتح موضوع لمواقف و طرائف الاولاد الحلوين دول ربنا يخليهم

انا هابتدي

الانسة مريم ليها قاموس لوحدها لا هو عربي و لا هو غربي

و اليكم قاموس اللغة المريومية

تليفزيون -------> ليزيون

الغريبة انها بتعرف تقول تلفاز كويس جداا

كويس او كويسة -------------> اييس او اييسة

و برضه هي بتعرف تنطق الكاف كويس

رغداء (دا اسم اختي) بيتحول بقدرة قادر الي ---------> ايداء

مع انها عندها واحدة صاحبتها اسمها رغد و بتنطقه كويس جدا

خالتو --------------> هالتو

كومبيوتر -------------> كابوؤتر

بتوجاز ---------------> بوجاجاز

ميكانيكي ------------> ميكيميكي

دي الكلمات اللي جت على بالي دلوقتي و سوف نواليكم بباقي القاموس في حينه

المواقف بقى كتيرررررررررررررررر و متجددة و متنوعة

الصيف اللي فات اول يوم نزلت في مصر

اخدنا قعدتنا في السلامات و التحيات و انا كنت تعبانة لاني يوم السفر دا تقريبا مش بنام

المهم ياودب غمضت عيني و هي طلعت تقعد مع ماما برة

و بعدين رن الجرس طلع البواب كان جايب حاجات لماما و هو بيكلمها بقى مين اتسحب و دخل الاسانسير و قفل عليه

طبعا الست مريم هانم و فضلت ساكتة عادي خالص لحد نور الاسانسير ما طفى

قعدت تصوت بقى و الحقيني يا مامي طبعا مامي نايمة

المهم صحيت على جري اخواتي و عمالين يدوروا على مفتاح الاسانسير عشان يفتحولها و تطلع

و عشان الحظ الهباب و لا واحدة لاقية المفتاح بتاعها

طبعا انا قومت جريت زي المجنونة كل اللي فكرت فيه اني انزل تحت خالص اول دور عشان ما حدش يسحب الاسانسير لحد هما ما يلاقوا اي مفتاح و يخرجوها احنا ساكنين في الدور السابع انا ما اعرفش نزلت ازاي بحجاب و لا من غير المهم و انا في الدور الخامس كده لقيتهم بينادولي خلاااااااااااااااص يا ريمو اطلعي فتحنالها الباب

طلعت جري و حمدت ربنا ان الموضوع عدى على خير

و اخدتها في حضني جامد و قعدت اعيط و من ساعتها ممنوع ريمو تنام طول ما يومي صاحية

دا موقف على الماشي كده

يتبع ان شاء الله

يالا مين كمان يفتكر حاجه لاولاده؟

تم تعديل 7 يونيو 2009 بواسطة remo

[سهل جدا]

ما شاء الله عليكي يا مدام ريمو

موضوع ظريف جدا

اللي جي على بالي دلوقتي موقف لابني (معاذ)

مرة كنا ماشيين في الشارع بالعربية وبعدين قاللي عاوز أدخل الحمام يا بابا

قولت: يابني دا وقته

المهم فضلت ماشي لحد ما لاقيت أحد محلات كنتاكي

وقمت راكن قدامه ودخلت المطعم أدور على حمام للواد

ولما دخلت لاقيت الواد نسي الحمام ونسي الدنيا كلها وقاعد يشاور على واحد من اللي بياكله في المطعم جوه ويقول: بابا بابا , تعالى ناكل مع عمو , تعالى ناكل مع عمو

وفضل يشاور على الراجل اللي بياكل بكلتا يديه

وصوته كان عالي وكانت فضيحة بجلاجل

[pink rose]

ميرسي يا استاذ سهل جدا و ربنا يخليلك معاذ

فكرتني بموضوع الحمام دا

كنا في جيان و كانت تقريبا الساعه 11 بالليل كده و المكان كان تقريبا هادي ما فيش زحمة اوي و ما فيش دوشة

و فجأة و بدون اي مقدمات لقيت الست مرجانة مريم هانم

باعلى صوت ممكن عندها

يا ناااااااااااااااس ................ يا ناااااااااااااااااااااااس

كل اللي كان في المكان بص عليها بما فيهم احنا

لقيتها بتقول

انا عاوزة اروح التواليت يا نااااااااااااااااااس

و الله كان هايغمى عليا من الضحك :ninja:

و باباها طلع يجري عليها و حط ايده على بؤها لانها كانت مكملة و مستمرة

اخدتها و طلعت اجري بيها بس كنت هافطس من الضحك :ninja: wst::

[Scorpion]

الله يمسيكي بالخير يا مدام فريدة ...

و حتي لا أبدو كمن يخرج سياق الموضوع ... فلقد ذكرني ما كتبتوه بالعزيزة فريدة و ما كانت تحكيه حول مغامراتها مع ابنتها العزيزة ....

--------------------------------------------------------------------------------

بنعلم فرح العلاقات فى العائله يعنى مين ابو مين و مين ام مين كل مرة تسألنى بابا ماما مين اقولها : الله يرحمه .........اول يوم العيد باشوف مسرحيه لفؤاد المهندس قلت بصوت عالى لما شوفته الله يرحمه ...فرح نطت من على الكرسى و قالت لى ده باباكى

[doudy]

حلو الموضوع يا ريمو

عندى موقف لبودى ابنى كان عنده حوالى سنتين

كنا فى ملاهى مركز جمجوم فى جدة و كنا فى العيد و ما ادراكى الملاهى بتبقى عاملة ازاى

فى الاعياد و انا كنت حامل فى كنزى فى اخر التامن و دخلت التواليت و سيبت بودى مع باباه

و لما خرجت كان هيغمى عليا من الصدمة عارفين ليه؟؟؟؟؟

لقيت زوجى بيدور زى المجنون على بودى و مش لاقيه

انا كمان اتخديت و كل تفكيرى ان حد اخده فى الزحمة و مشى من الملاهى

و حصلى شلل مؤقت مش قادرة اتحرك ولا ادور حتى

و ببص كدة قدام عينى على ترابيزة جنبى

لقيت الاستاذ بودى قاعد مع ناس مصريين و بيشرب بيبسى و مش فى دماغه خالص خالص

لا ماما ولا بابا و مش قلقان خالص

بقيت مش مصدقة انى شايفاه المهم قلت لباباه و اخده و شكر الناس انهم قعدوه معاهم

عشان اهله يعرفوا يوصلولوا

بس الحمد لله

[ذهبية]

موضوعك حلو يا ريمو احييك علية خلينا نضحك شوية على براءة الاطفال

بصى يا ستى صلاح و عمر ابنى جايين ورا بعض يعنى فوق رءوس بعض الفرق بينهم سنة واحدة بس

عمر كان عندة حوالى ثلاث شهور و بعيد عن السامعين ماكان بيبطل عياط ابدا من يوم ما اتولد من الاطفال

الزنانين و صلاح طبعا كان يدوب عندة سنة و شهرين و شوية

مكنش بيحب زنة و عياطة و كل شوية يقولى خلية يبطل يبطل المهم فى يوم كنا خارجين و لبست الاطفال

و روحت البس انا و سيبت عمر على السرير و طبعا بيزن ما احنا اتعودنا على زنة

فجاة كدة سكت فجاة محطش منطق و اتكتم خالص لقيت باباها قالى الحقى فى اية الواد سكت فجاة لية

اجرى شوفى فى اية

الاقى الواد عمال يرفرف و يخبط بايدة و رجلية ووشة احمرررررو بدا يدخل على الازرق

صوت و ابوة جرى الواد مالة فى اية وانا اقولة معرفش و هو يزعق و انا ازعق و اعيط معرفش مالة

والواد بيزرق بيزرق المهم جة على بالى اخبط على ظهرة و انزل بقة لتحت و اخبط على ظهرة

الاقيلك اية بقى نازل من بقة عشرة ضاغ فضة ووضعت على الارض من بقة

اتارى الباشا الضغير زهق من عياط الاستاذ عمر فيعمل اية يسقط فى بقة و هو بيعيط طبعا و بقى مفتوح

يسقط فية عشرة ضاغ فضة

تخيلى المشهد بقى و حالتك ساعاتها تكون اية عمرى ما حييت انسى هذا المشهد ابدااااااااااااااا

و الى مداخلة تانية من طرائف اولادنا اللى مش ممكن تنتهى ابداااااااا ربنا يخليهم و يبارك فيهم و يحميهم يارب

[زهرة الجبل]

الموضوع ده بجد تحفه .. تسلم أفكارك يا ريمو

أنا شخصياً هعتبره فضفضه

بداية نفتتح الجلسه بقائمه إستعراضيه لبعض المفردات العبقريه

مرام

السمكه = سكأه

الرز = زُت

إذن السمك و الرز يبقى هناكل انهرضه سكأه و زُت

التليفزيون = النهون

الكمبيوتر = التيوتب ( حاجه كده كوكتيل كمبيوتر و لاب توب مع بعض )

كفايه كده مصطلحات

موقف ظريف خفيف كده

كنا في مصر من 3 سنين تقريباً و كانت مرام لسه صغيره كان عمرها يمكن خمس سنين و شويه

المهم جبت لها مدرسه في البيت علشان يفضل ذهنها متذكر الدراسه و الحرف و الذي منه لأني كنت مشغوله في امتحاناتي و معنديش وقت اذاكر معاها

المهم كانت لسه في بداياتها و بتاخد الحروف و بدايات كلمات بسيطه .. و كانت لمضه لماضه محصلتش

أنا لسه فاكره المدرسه دي ربنا يعافيها بالعافيه كانت إسمها أبله لبنى .. كانت مدرسه صغيره في السن .. كانت مدرسة إنجليزي

بداية الأمر كانت بتدرس لمرام إنجليزي طبعاً .. بعد كده طلبت منها إنها تساعدني في تدريس الحروف العربي كمان لمرام لأني مش لاقيه مدرسه تانيه ( سيده ) تيجي البيت و تساعدني معاها

طبعاً الموضوع أخد شد و جذب كتير جداً خصوصاً إن مرام كانت تتمتع بصفات لماضه و عفرته سبحان الله غريبة الشكل و الأطوار

المهم جاهدت مع ميس لبنى لحد الحمد لله ما إقتنعت

المهم مرام كانت مطلعه عينها .. البنت ذكيه جداً بس بشقاوه و لماضه متوصفتش

المهم كل كلمتين الأبله تقول لها يا مرام هتجيبيلي الضغط

يا مرام هتموتيني صغيره .. يا مرام لو إعتزلت المهنه يبقى بسببك

كانت مخطوبه و فاضل على فرحها شهرين .. فكانت تقول لها : مش هلحق أتجوز يا مرام

مرام حفظت الجملتين دول من كتر تكرار أبله لبنى فيهم..

المهم في حصه من ذات الحصص ابله لبنى بتحكيلي قدام مرام على أساس شحذ الهمم يعني

بتقول لي قدامها أنا زعلانه من مرام لأني حاسه إنها مش بتهتم بالمذاكره

أنا: الكلام ده صحيح يا مرام ؟ ينفع كده ؟

مرام : لا و الله يا ماما بذاكر و بكتب .. طيب يا أبله لبنى إسأليني و أنا أجاوب

أبله لبنى بتسأل مرام :

هاتيلي كلمه تبدأ بحرف الـ ( غ ) مرام قالت لها : غيظٌ و بتشكلها كمان ( غيظون )

المهم أبله لبنه عدت لها الكلمه و أنا إستغربت من الإختيار بس عديناها

قالت لها هاتيلي كلمه تبدأ بحرف الـ ( ن ) ... مرام فكرت ملياً و تفتق ذهنها فقالت : نكدٌ

أبله لبنى قالت اللهم إخزيك يا شيطان و فوتت لها دي كمان و أنا بقيت كده

سألتها تاني : هاتيلي كلمه تبدأ بحرف الـ ( ض ) مرام إعتصرت خلاصة مخها و فكرت ملياً ثم أبهرت السامعين بالإجابه :

ضغط زي اللي انا هجيبهولك يا أبله

بس .. أبله لبنى فجأه قعدت يا عيني تبربش بعنيها .. و إحمرت و بقت زي الطماطمايه ..

و أنا المشكله باصه لمرام و مش عارفه أتكلم .. هموت من الـ .. مش عارفه إيه بالضبط بس خليط إحراج على رغبه غريبه في الضحك على نفسي أتصرف مع مرام مش مستوعبه

و جت ماما بقى ربنا يكرمها .. كانت في الصالون و سامعه الحوار من أوله

زعقت لمرام و بتقول لها عيب كده يا مرام إيه ده .. حد يقول للميس بتاعته كده ؟

مرام بقى و براءة الأطفال في عينيها : و الله يا تيته ميس لبنى هي على طول اللي بتقول لي كده .. مش كده يا ميس ؟

و قبل ما حد فينا يرد على مرام .. لقينا ميس لبنى شبه منهاره .. و تقريباً هتعيط و :

لا يا أم مرام .. لا كده خلاص .. مهو مش هينفع بقى ... أنا حاسه إنها مستقصداني .. انا مش عارفه أسيطر عليها .. أنا تعبت

ماما : لا إزاي ده أنا هقطم لك رقبتها

ميس لبنى : لا يا طنط .. خلاص بقى يا طنط .. كفايه كده يا طنط

الكلام بقى سامعينه و أبله لبنى بتتكلم و هي في طريقها لباب الشقه .. يعني حتى مش باصه لماما .. بتتكلم و هي منسحبه و واخده في وشها و ماشيه

أنا لسه مذبهله .. و ماما عماله تقول لها طيب بس تعالي .. طيب نتكلم .. طيب نتفاهم .. و دي مفييييش .. كأنها ما صدقت

تفتكروا هي ما صدقت ؟؟

و دي كانت نهاية معرفتنا بميس لبنى

[pink rose]

الله يمسيكي بالخير يا مدام فريدة ...

و حتي لا أبدو كمن يخرج سياق الموضوع ... فلقد ذكرني ما كتبتوه بالعزيزة فريدة و ما كانت تحكيه حول مغامراتها مع ابنتها العزيزة ....

--------------------------------------------------------------------------------

بنعلم فرح العلاقات فى العائله يعنى مين ابو مين و مين ام مين كل مرة تسألنى بابا ماما مين اقولها : الله يرحمه .........اول يوم العيد باشوف مسرحيه لفؤاد المهندس قلت بصوت عالى لما شوفته الله يرحمه ...فرح نطت من على الكرسى و قالت لى ده باباكى

عسولة خالص ما شاء الله

ربنا يخليها لمامتها

فعلا الاطفال دول براءة متناهية

حلو الموضوع يا ريمو

عندى موقف لبودى ابنى كان عنده حوالى سنتين

كنا فى ملاهى مركز جمجوم فى جدة و كنا فى العيد و ما ادراكى الملاهى بتبقى عاملة ازاى

فى الاعياد و انا كنت حامل فى كنزى فى اخر التامن و دخلت التواليت و سيبت بودى مع باباه

و لما خرجت كان هيغمى عليا من الصدمة عارفين ليه؟؟؟؟؟

لقيت زوجى بيدور زى المجنون على بودى و مش لاقيه

انا كمان اتخديت و كل تفكيرى ان حد اخده فى الزحمة و مشى من الملاهى

و حصلى شلل مؤقت مش قادرة اتحرك ولا ادور حتى

و ببص كدة قدام عينى على ترابيزة جنبى

لقيت الاستاذ بودى قاعد مع ناس مصريين و بيشرب بيبسى و مش فى دماغه خالص خالص

لا ماما ولا بابا و مش قلقان خالص

بقيت مش مصدقة انى شايفاه المهم قلت لباباه و اخده و شكر الناس انهم قعدوه معاهم

عشان اهله يعرفوا يوصلولوا

بس الحمد لله

ميرسي يا دعاء

طبعا انا متخيلاكي يا حبيبتي

العيال دول بجد دماااااااااااااااغ -_-

لما يكبروا اكيد هايعرفوا اد ايه وجعوا قلوبنا :P

ربنا يهديهم و يحافظ عليهم

موضوعك حلو يا ريمو احييك علية خلينا نضحك شوية على براءة الاطفال

بصى يا ستى صلاح و عمر ابنى جايين ورا بعض يعنى فوق رءوس بعض الفرق بينهم سنة واحدة بس

عمر كان عندة حوالى ثلاث شهور و بعيد عن السامعين ماكان بيبطل عياط ابدا من يوم ما اتولد من الاطفال

الزنانين و صلاح طبعا كان يدوب عندة سنة و شهرين و شوية

مكنش بيحب زنة و عياطة و كل شوية يقولى خلية يبطل يبطل المهم فى يوم كنا خارجين و لبست الاطفال

و روحت البس انا و سيبت عمر على السرير و طبعا بيزن ما احنا اتعودنا على زنة

فجاة كدة سكت فجاة محطش منطق و اتكتم خالص لقيت باباها قالى الحقى فى اية الواد سكت فجاة لية

اجرى شوفى فى اية

الاقى الواد عمال يرفرف و يخبط بايدة و رجلية ووشة احمرررررو بدا يدخل على الازرق

صوت و ابوة جرى الواد مالة فى اية وانا اقولة معرفش و هو يزعق و انا ازعق و اعيط معرفش مالة

والواد بيزرق بيزرق المهم جة على بالى اخبط على ظهرة و انزل بقة لتحت و اخبط على ظهرة

الاقيلك اية بقى نازل من بقة عشرة ضاغ فضة ووضعت على الارض من بقة

اتارى الباشا الضغير زهق من عياط الاستاذ عمر فيعمل اية يسقط فى بقة و هو بيعيط طبعا و بقى مفتوح

يسقط فية عشرة ضاغ فضة

تخيلى المشهد بقى و حالتك ساعاتها تكون اية عمرى ما حييت انسى هذا المشهد ابدااااااااااااااا

و الى مداخلة تانية من طرائف اولادنا اللى مش ممكن تنتهى ابداااااااا ربنا يخليهم و يبارك فيهم و يحميهم يارب

ميرسي يا ذهبية

اه و الله الواحد نفسه يضحك بدل الكآبة اللي احنا فيها دي

و الله اللي قولتيه دا خطير جدا :D

الحمدلله ان ربنا ستر و الولد ما جرالهوش حاجه

فعلا في تصرفات ما تتخيليش انها ممكن تحصل عشان كده لازم الام و الاب تبقى عينهم وسط راسهم

هايجننونا md2:

الموضوع ده بجد تحفه .. تسلم أفكارك يا ريمو

أنا شخصياً هعتبره فضفضه

بداية نفتتح الجلسه بقائمه إستعراضيه لبعض المفردات العبقريه

مرام

السمكه = سكأه

الرز = زُت

إذن السمك و الرز يبقى هناكل انهرضه سكأه و زُت

التليفزيون = النهون

الكمبيوتر = التيوتب ( حاجه كده كوكتيل كمبيوتر و لاب توب مع بعض )

كفايه كده مصطلحات

موقف ظريف خفيف كده

كنا في مصر من 3 سنين تقريباً و كانت مرام لسه صغيره كان عمرها يمكن خمس سنين و شويه

المهم جبت لها مدرسه في البيت علشان يفضل ذهنها متذكر الدراسه و الحرف و الذي منه لأني كنت مشغوله في امتحاناتي و معنديش وقت اذاكر معاها

المهم كانت لسه في بداياتها و بتاخد الحروف و بدايات كلمات بسيطه .. و كانت لمضه لماضه محصلتش

أنا لسه فاكره المدرسه دي ربنا يعافيها بالعافيه كانت إسمها أبله لبنى .. كانت مدرسه صغيره في السن .. كانت مدرسة إنجليزي

بداية الأمر كانت بتدرس لمرام إنجليزي طبعاً .. بعد كده طلبت منها إنها تساعدني في تدريس الحروف العربي كمان لمرام لأني مش لاقيه مدرسه تانيه ( سيده ) تيجي البيت و تساعدني معاها

طبعاً الموضوع أخد شد و جذب كتير جداً خصوصاً إن مرام كانت تتمتع بصفات لماضه و عفرته سبحان الله غريبة الشكل و الأطوار

المهم جاهدت مع ميس لبنى لحد الحمد لله ما إقتنعت

المهم مرام كانت مطلعه عينها .. البنت ذكيه جداً بس بشقاوه و لماضه متوصفتش

المهم كل كلمتين الأبله تقول لها يا مرام هتجيبيلي الضغط

يا مرام هتموتيني صغيره .. يا مرام لو إعتزلت المهنه يبقى بسببك

كانت مخطوبه و فاضل على فرحها شهرين .. فكانت تقول لها : مش هلحق أتجوز يا مرام

مرام حفظت الجملتين دول من كتر تكرار أبله لبنى فيهم..

المهم في حصه من ذات الحصص ابله لبنى بتحكيلي قدام مرام على أساس شحذ الهمم يعني

بتقول لي قدامها أنا زعلانه من مرام لأني حاسه إنها مش بتهتم بالمذاكره

أنا: الكلام ده صحيح يا مرام ؟ ينفع كده ؟

مرام : لا و الله يا ماما بذاكر و بكتب .. طيب يا أبله لبنى إسأليني و أنا أجاوب

أبله لبنى بتسأل مرام :

هاتيلي كلمه تبدأ بحرف الـ ( غ ) مرام قالت لها : غيظٌ و بتشكلها كمان ( غيظون )

المهم أبله لبنه عدت لها الكلمه و أنا إستغربت من الإختيار بس عديناها

قالت لها هاتيلي كلمه تبدأ بحرف الـ ( ن ) ... مرام فكرت ملياً و تفتق ذهنها فقالت : نكدٌ

أبله لبنى قالت اللهم إخزيك يا شيطان و فوتت لها دي كمان و أنا بقيت كده :P

سألتها تاني : هاتيلي كلمه تبدأ بحرف الـ ( ض ) مرام إعتصرت خلاصة مخها و فكرت ملياً ثم أبهرت السامعين بالإجابه :

ضغط زي اللي انا هجيبهولك يا أبله

بس .. أبله لبنى فجأه قعدت يا عيني تبربش بعنيها .. و إحمرت و بقت زي الطماطمايه ..

و أنا المشكله باصه لمرام و مش عارفه أتكلم .. هموت من الـ .. مش عارفه إيه بالضبط بس خليط إحراج على رغبه غريبه في الضحك على نفسي أتصرف مع مرام مش مستوعبه

و جت ماما بقى ربنا يكرمها .. كانت في الصالون و سامعه الحوار من أوله

زعقت لمرام و بتقول لها عيب كده يا مرام إيه ده .. حد يقول للميس بتاعته كده ؟

مرام بقى و براءة الأطفال في عينيها : و الله يا تيته ميس لبنى هي على طول اللي بتقول لي كده .. مش كده يا ميس ؟

و قبل ما حد فينا يرد على مرام .. لقينا ميس لبنى شبه منهاره .. و تقريباً هتعيط و :

لا يا أم مرام .. لا كده خلاص .. مهو مش هينفع بقى ... أنا حاسه إنها مستقصداني .. انا مش عارفه أسيطر عليها .. أنا تعبت

ماما : لا إزاي ده أنا هقطم لك رقبتها

ميس لبنى : لا يا طنط .. خلاص بقى يا طنط .. كفايه كده يا طنط

الكلام بقى سامعينه و أبله لبنى بتتكلم و هي في طريقها لباب الشقه .. يعني حتى مش باصه لماما .. بتتكلم و هي منسحبه و واخده في وشها و ماشيه

أنا لسه مذبهله .. و ماما عماله تقول لها طيب بس تعالي .. طيب نتكلم .. طيب نتفاهم .. و دي مفييييش .. كأنها ما صدقت

تفتكروا هي ما صدقت ؟؟

و دي كانت نهاية معرفتنا بميس لبنى :P

ميرسي يا جميلة الله يخليكي

اه منها فضفضة و منها ضحك

ما شاء الله عليها مرام ربنا يخليهالك :P

انا ما اعرفش بيجيبوا اللماضة دي منين سبحان الله

اظن ان ميس لبنى مش هاتبقى نفسها تخلف للاثار السيئة اللي سابتها مرام عندها :P

[se_ Elsyed]

وسع يابني انت وهو

اللي بتقولوه ده كلام عيال لا يودي ولا يجيب

انا عندي البوجودين والحب كله

وبعون الله احنا عدينا مرحلة بابا اوبح واوكر يعني سكر وبنلعب في السياسة دلوقت

وامانة علييكو لو غبت يومين عن المنتدى يبقى انا روحت معتقل المغول 10 دقايق وراجع تاني

- إبني البكري الاسبوع اللي فات جاي يسألني سؤال طفولي .. واخدين بالكو ... طفولي

هو : بابا ممكن اسالك سؤال ؟

انا : اوف كورس عالرحب والسعة يابني .. فأنت فلذه ... انتي فلذت كبدي .. أسأل يابن الك..... بار .. إسأل يا حبيبي ولا تخشى في الحق لوم العوازل

هو بلغة انجليزية : why there' no freedom in Saudi Arabia ?

انا ممسكاً بتلابيبه : يا جدعان ... يا جدعان الواد ابن الــــ ده ابن مين ؟

مين اللي قالك كده يا حبيبي ؟

هو : المستر بتاع السوشيل

أنا : صعبان عليه الراجل ده لسه صغار والله ... يالله اهو خد الشر وراح

------------------

بعدها بيومين

والله يا جماعه

هو : عارف يا بابا انا نفسي ابقى ايه ؟

انا : ايه يا حبيبي ظابط ولا مهندس ولا كهربائي سليسيون ؟

هو : لأ .. نفسي ابقى رئيس جمهورية مصر بعد حسني مبارك

انا : يا خسارة يا حبيبي .. اونكل جمال صحي قبلك ولحق الدور ... دور لك على جمهورية تانية

------------------

الزغلول الكبير اللي خلاني بلمت وما حطيتش منطق بقى

البيه كييف افلام اجنبي وخصوصاً الرعب .. آه والله العظيم وانا ما بارضاش اتفرج معاه عشان بأقرف من الدم والعنف ده لكن بيصمم ييجي يلخص لي الفيلم بقرفه بسلطاته ببابا غنوجه .. وكييف حكايات باللغة الانجليزية

فلقيته جاي يقولي ..

هو : بابا بابا .. في جُملة سمعتها في فيلم وما عرفتش معناها ممكن تقول معناها

انا بقى وبأحب اتنطط عليه بالفوكابلري بتاعي قبل ما سنة والتانية يسبقني ويبقى هو الاستاذ وانا التلميذ .... قول يا بابا وواحده واحده

هو : ..... ..... تووووووووووووووت اعتذر يا جماعه لقطع الصوت

انا : يا نهار اثود ... يا نهار اثود ... سمعتها في انهي نيلة دي ؟

هو : سمعتها في كذا فيلم وكمان مره قريتها في قصة

انا : طب اقول ايه .. اروح فين يا ناس ... بُص يا عمر ... هاستهبل واعمل فيها زي انيس عبيد واقول لك " تباً لك "

هو : بص لي من فوق لتحت ولسان حاله بيقول " على بابا يا معلم "

طبعاً عرفتوا الجملة دي اللي زي اللبانة على بؤ حريم الغرب قبل رجالتهم وتقريباً لا يكاد فيلم اجنبي يخلو منها

وكتاب الله متأكد ان الواد عارف معناها وبيصيع عليه ....

---------

انا تعبت يا جماعه وعايز حد يتبنى الواد ده ويريحني

[doudy]

اقولك يا سى السيد احسنلك

تبدله بمروحة زى ميدو مشاكل

بس تقولى هتبدله فين عشان عايزة ابدل ابنى البكرى بودى الله يكرمك

[pink rose]

في يوم من الايام من سنة و نص كده

و قاعدين دايما في امن الله لقيت البت المفعوصه تقول لباباها ايه؟

حبيبي انت هاتتجوز البت دي؟

و تشاور عليا

طبعا وقتها كان كلامها مش مفسر اوي فا باباها ما فهمش و قالها ايه؟

قامت عادت نفس الكلمة بالنص

حبيبي انت هاتتجوز البت دي؟

تنحنا احنا الاتنين و بصينا لبعض و مش فاهمين حاجه قامت للمرة التالتة

بابي انت هاتتجوز البت دي؟؟؟؟؟؟؟؟؟؟؟؟؟؟؟؟؟؟

قالها ايوة

زعلت و قامت من جنبه

و خلص الموقف على كده و احنا مش فاهمين

بعدها بكام يوم قاعدة باتفرج على قناة سينما كان فيها فيلم الظوموا (على رأي مريم) اللي هو فيلم ايظن

و انا قاعدة باتفرج لقيت الجملة اللي المحروسة بنتي كانت بتقولها لباباها من كام يوم

اتاري الست بقى بتتفرج و تخزن و تدور الحوار في دماغها و بعدين تتحفنا :aslam:

[pink rose]

وسع يابني انت وهو

اللي بتقولوه ده كلام عيال لا يودي ولا يجيب

انا عندي البوجودين والحب كله

وبعون الله احنا عدينا مرحلة بابا اوبح واوكر يعني سكر وبنلعب في السياسة دلوقت

وامانة علييكو لو غبت يومين عن المنتدى يبقى انا روحت معتقل المغول 10 دقايق وراجع تاني

- إبني البكري الاسبوع اللي فات جاي يسألني سؤال طفولي .. واخدين بالكو ... طفولي

هو : بابا ممكن اسالك سؤال ؟

انا : اوف كورس عالرحب والسعة يابني .. فأنت فلذه ... انتي فلذت كبدي .. أسأل يابن الك..... بار .. إسأل يا حبيبي ولا تخشى في الحق لوم العوازل

هو بلغة انجليزية : why there' no freedom in Saudi Arabia ?

انا ممسكاً بتلابيبه : يا جدعان ... يا جدعان الواد ابن الــــ ده ابن مين ؟

مين اللي قالك كده يا حبيبي ؟

هو : المستر بتاع السوشيل

أنا : صعبان عليه الراجل ده لسه صغار والله ... يالله اهو خد الشر وراح

------------------

بعدها بيومين

والله يا جماعه

هو : عارف يا بابا انا نفسي ابقى ايه ؟

انا : ايه يا حبيبي ظابط ولا مهندس ولا كهربائي سليسيون ؟

هو : لأ .. نفسي ابقى رئيس جمهورية مصر بعد حسني مبارك

انا : يا خسارة يا حبيبي .. اونكل جمال صحي قبلك ولحق الدور ... دور لك على جمهورية تانية

------------------

الزغلول الكبير اللي خلاني بلمت وما حطيتش منطق بقى

البيه كييف افلام اجنبي وخصوصاً الرعب .. آه والله العظيم وانا ما بارضاش اتفرج معاه عشان بأقرف من الدم والعنف ده لكن بيصمم ييجي يلخص لي الفيلم بقرفه بسلطاته ببابا غنوجه .. وكييف حكايات باللغة الانجليزية

فلقيته جاي يقولي ..

هو : بابا بابا .. في جُملة سمعتها في فيلم وما عرفتش معناها ممكن تقول معناها

انا بقى وبأحب اتنطط عليه بالفوكابلري بتاعي قبل ما سنة والتانية يسبقني ويبقى هو الاستاذ وانا التلميذ .... قول يا بابا وواحده واحده

هو : ..... ..... تووووووووووووووت اعتذر يا جماعه لقطع الصوت

انا : يا نهار اثود ... يا نهار اثود ... سمعتها في انهي نيلة دي ؟

هو : سمعتها في كذا فيلم وكمان مره قريتها في قصة

انا : طب اقول ايه .. اروح فين يا ناس ... بُص يا عمر ... هاستهبل واعمل فيها زي انيس عبيد واقول لك " تباً لك "

هو : بص لي من فوق لتحت ولسان حاله بيقول " على بابا يا معلم "

طبعاً عرفتوا الجملة دي اللي زي اللبانة على بؤ حريم الغرب قبل رجالتهم وتقريباً لا يكاد فيلم اجنبي يخلو منها

وكتاب الله متأكد ان الواد عارف معناها وبيصيع عليه ....

---------

انا تعبت يا جماعه وعايز حد يتبنى الواد ده ويريحني

:aslam: :hysterical: :blink: wst::

لك الله يا س س

[لونا]

موضوع ظريف يا ريمو

بنتي الكبيرة لما كان عندها حوالي 4 سنين شافتني و أنا باحط كريم للبشرة.. طبعا عايزة تحط زي ماما ..و حطيت لها على وشها كام نقطة من الكريم

و قلت لها يالا روحي امسحيه في المراية....

في حاجة غريبة في كلامي ؟ .. لا أعتقد !!

أبص عليها ألاقيها لازقة وشها في المراية.....

و بتمسح خدودها في المراية ..آه و الله نفذت كلامي حرفيا...

طبعا حصلت لي نوبة ضحك جامدة :aslam:

[HDarwish]

أنا لسه في البدايات ومستني البنت تكبر شوية ونشوف هتعمل إيه فينا ... لكن عندي إبن اختي واللي يعتبر مربيه على إيدي نظرا لظروف سفر والده ومساعدتي في تربيته إلى أن أصبح عنده ما يقارب الاربع سنين ومواقفه معايا بالهبل وكلها تموت من الضحك ...

في بداية زواجي وبعد الزواج بحوالي ثلاث أيام وهو عنده حوالي أربع سنين واثناء وجوده عندي في شقتي وبعد ما شربت أنا وهو كاس العصير ويادوب قولتله يا حبيبي اعطي الكاسين دول لطنط العروسة جوه في المطبخ ولقيته بيبص لي بنظره استغراب كده وهو بياخد الكاسين ومشى في تردد مسافة الصالون والسفرة ويادوب هيدخل باب المطبخ لقيته بيلف ويقوللي "هو أنا جايليكوا تشغّلوني" على أساس إن الواد بئا ضيف والمفروض ياخد واجبه ويتئاله بئا نورتنا وأهلا وسهلا وكلام الضيوف ده .. وأنا برد فعل تلقائي روحتله وقولتله لأ يا حبيبي تعلى اتفضل في الانتريه وانا اللي هودي الكاسات ..

في مرة تانية وفي زيارة أختي لي وبعد الزيارة قعدت عند والدي ووالدتي اللي شقتهم مقابل شقتي على طول وخلصنا السهرة وتصبحوا على خير يا جماعة والاقي اختي بتقولي خلي بالك من ابني اصله ممكن يعملها ويجي يتخبى عندكم قولتلها مش مشكلة وندور عالواد مش لاقينه خالص روحت أنا أدور عليه في الشقة عندي لا يكون عملها فعلا ومستخبيلي هناك وبدور ورا الستارة اللي ورا كنبة الانتريه الاقي البيه قاعد مستخبي واول ما شافني لقيته بيشاورلي يعني ما تقولشي لحد اني هنا وعملت نفسي فعلا ما لقتوش وقعدت اقول الله هو راح فين دوروا كويس لا يكون ضاع وفي الآخر هو عملهالنا مفاجأة وطلع.

[emano]

ياسلام على موضيعك ياريمو

بدايتا القاموس اللغوى لعبد الله دزمه يعنى جذمه

تمبيوتر يعنى كومبيوتر

لادتوب يعنى لاب توب

ده الى فكراه

عبد الله عنده 3و5شهور

بصى هو بيحب يبقى عكس الناس يعنى لما نيجى نصلى فى البيت مع باباه نقف جماعه عبدالله يقف قدام باباه يبنى اقف جنبى لايمكن ولو وقف يقف عكس القبله ويقراء بصوت عالى قوى علشان منعرفش نصلى

الكلام ده لو بنصلى فى البيت

اما لو ذهب الى المسجد بيقعد موئدب بس اول لما الامام يخلص يطلع جرى يسلم على كل المصلين

ليه بقى علشان باباه قله وهو داخل المسجد سلم ياعبد الله

طبعا قصده قول السلام بس ده فهمها السلام باليد

[عنبو]

انا ولله الحمد لسه متجوزتش ؟؟

بس طبعا فى الصيف بيكون عندنا فى البيت لا يقل عن 20 عيل مع مختلف الاعمار السنيه طبعا غير عيال اختى دول لوحدهم حاجه تانيه يعنى كنت عامل مجموعه واقال يعنى بحفظ العيال قران واقولوا واريا ياد انت وهو

بسم الله الرحمن الرحيم """إنا أعطيناك الكوثر" هم بقى يقولوا ايه "" احنا اعطيناهم الكوثر "" طبعا اقعدت يمكن يومين لحد لما فهمتهم ان ده قران بس كانت مشكله

[pink rose]

موضوع ظريف يا ريمو

بنتي الكبيرة لما كان عندها حوالي 4 سنين شافتني و أنا باحط كريم للبشرة.. طبعا عايزة تحط زي ماما ..و حطيت لها على وشها كام نقطة من الكريم

و قلت لها يالا روحي امسحيه في المراية....

في حاجة غريبة في كلامي ؟ .. لا أعتقد !!

أبص عليها ألاقيها لازقة وشها في المراية.....

و بتمسح خدودها في المراية ..آه و الله نفذت كلامي حرفيا...

طبعا حصلت لي نوبة ضحك جامدة :wub:

جامد جدا الموقف دا

موتيني من الضحك بجد

فكرتني بالنكتة بتاعت الراجل اللي راح لدكتور و قاله انا وقعت على السلم اداله مرهم و قاله ادهن مكان الوقعة راح دهن السلم(مكان ما وقع بقى)

wst:: wst:: ;)

ربنا يخليهالك و يفرحك بيها

[pink rose]

أنا لسه في البدايات ومستني البنت تكبر شوية ونشوف هتعمل إيه فينا ... لكن عندي إبن اختي واللي يعتبر مربيه على إيدي نظرا لظروف سفر والده ومساعدتي في تربيته إلى أن أصبح عنده ما يقارب الاربع سنين ومواقفه معايا بالهبل وكلها تموت من الضحك ...

في بداية زواجي وبعد الزواج بحوالي ثلاث أيام وهو عنده حوالي أربع سنين واثناء وجوده عندي في شقتي وبعد ما شربت أنا وهو كاس العصير ويادوب قولتله يا حبيبي اعطي الكاسين دول لطنط العروسة جوه في المطبخ ولقيته بيبص لي بنظره استغراب كده وهو بياخد الكاسين ومشى في تردد مسافة الصالون والسفرة ويادوب هيدخل باب المطبخ لقيته بيلف ويقوللي "هو أنا جايليكوا تشغّلوني" على أساس إن الواد بئا ضيف والمفروض ياخد واجبه ويتئاله بئا نورتنا وأهلا وسهلا وكلام الضيوف ده .. وأنا برد فعل تلقائي روحتله وقولتله لأ يا حبيبي تعلى اتفضل في الانتريه وانا اللي هودي الكاسات ..

في مرة تانية وفي زيارة أختي لي وبعد الزيارة قعدت عند والدي ووالدتي اللي شقتهم مقابل شقتي على طول وخلصنا السهرة وتصبحوا على خير يا جماعة والاقي اختي بتقولي خلي بالك من ابني اصله ممكن يعملها ويجي يتخبى عندكم قولتلها مش مشكلة wst:: وندور عالواد مش لاقينه خالص روحت أنا أدور عليه في الشقة عندي لا يكون عملها فعلا ومستخبيلي هناك وبدور ورا الستارة اللي ورا كنبة الانتريه الاقي البيه قاعد مستخبي واول ما شافني لقيته بيشاورلي يعني ما تقولشي لحد اني هنا وعملت نفسي فعلا ما لقتوش وقعدت اقول الله هو راح فين دوروا كويس لا يكون ضاع وفي الآخر هو عملهالنا مفاجأة وطلع.

wst:: ;)

مريم كمان كده

كل يوم اول ما تسمع صوت مفتاح باباها بيفتح الباب تجري تستخبى و بعدين يقعد يدور عليها و بعدين اقوله مريم سافرت مصر و بعدها تجي هي جري بقى لا يا بابي انا هنا بس كنت باعملك مفاجأة

تخيلوا كل يوم على الحال دا و يا سلام بقى لو ما لحقتش تجري تستخبى تقوم مخبية وشها و اللطيف ان نفس الكلام لازم يتقال :wub:

ياسلام على موضيعك ياريمو

بدايتا القاموس اللغوى لعبد الله دزمه يعنى جذمه

تمبيوتر يعنى كومبيوتر

لادتوب يعنى لاب توب

ده الى فكراه

عبد الله عنده 3و5شهور

بصى هو بيحب يبقى عكس الناس يعنى لما نيجى نصلى فى البيت مع باباه نقف جماعه عبدالله يقف قدام باباه يبنى اقف جنبى لايمكن ولو وقف يقف عكس القبله ويقراء بصوت عالى قوى علشان منعرفش نصلى

الكلام ده لو بنصلى فى البيت

اما لو ذهب الى المسجد بيقعد موئدب بس اول لما الامام يخلص يطلع جرى يسلم على كل المصلين

ليه بقى علشان باباه قله وهو داخل المسجد سلم ياعبد الله

طبعا قصده قول السلام بس ده فهمها السلام باليد

الواد معاه حق يا ايمان

لازم توضحوا الكلام حرفيا wst:: bv:-

ربنا يخليهولك

[pink rose]

انا ولله الحمد لسه متجوزتش ؟؟

بس طبعا فى الصيف بيكون عندنا فى البيت لا يقل عن 20 عيل مع مختلف الاعمار السنيه طبعا غير عيال اختى دول لوحدهم حاجه تانيه يعنى كنت عامل مجموعه واقال يعنى بحفظ العيال قران واقولوا واريا ياد انت وهو

بسم الله الرحمن الرحيم """إنا أعطيناك الكوثر" هم بقى يقولوا ايه "" احنا اعطيناهم الكوثر "" طبعا اقعدت يمكن يومين لحد لما فهمتهم ان ده قران بس كانت مشكله

ربنا يكرمك يا محمد و نفرح بيك قريب ان شاء الله

بالنسبة سور القرآن

ابن اخت جوزي و هو صغير كان بيقول على سورة الناس اسم غريب اوي

مرة رجع من المدرسة بيقول لمامته اخدنا النهاردة سورة الوسوس wst:: wst::

مريم بقى مصرة تقول في سورة الاخلاص

من يولد و من يلد

و كل يوم اقعد اقولها لم يلد و لم يولد تقولي اه صح شاطرة يا مامي

من يلد و من يولد معلش نسيت

بقالنا على الحال كده يجي شهر ;)

[pink rose]

اكمل انا الموضوع لحدي و امري لله

من مصطلحات القاموس المريومي

توستان -------> فستان

كارسون -------> كرواسون

من مواقف مريم

اشتريتلها طقم سرير مرسوم عليه pooh و مجموعة الحيوانات اللي معاه

المهم و انا بافردلها الملايةعلى السرير شافت صورة ال donkey

لقيتها بتقول دا ايه يا مامي قولتلها donkey يعني حمار

قالتلي لا دي حاطة فيونكة يبقى بنت

قولتلها ايوة تبقى حمارة

تقوم بكل براءة تقولي حمارة ليه هي عملت حاجه غلط؟؟؟؟؟؟؟ :lol:

موتتني من الضحك ساعتها

ربنا يجعل كل ايامكم و ايامنا ضحك يا رب