مواقف و طرائف ........... الاطفال

[الباشمهندس ياسر]

بصى .. انا لسه معنديش اطفال .. فمش هعرف احكيلك موقف اطفال

انما هحيلك موقف شوباب

و بالمناسبة هى اصلها نكتة

واحد زميلنا اتصل بخطيبته و قالها هعدى عليكى الساعة 8 و ازمرلك تنزلى على طول

قالتله واااااااااو مبروك ... انت جبت عربية

قالها .. لأ انا جبت زمارة

:)

[aimen]

الله يسعدك ويرزقك بالذرية الصالحة يا عم ياسر

زمارة ..... حلوة

تم تعديل 15 يونيو 2009 بواسطة aimen

[بندق أفندى]

انا ما لحقتش . بالرغم انى مربى 4 أطفال .. 3 ولاد اختى وابنى بس كلهم كبرو معايا ..

مع انه كان له مواقف كتير جدا بس مش فاكر منها حاجات كتير .. بس أغرب موقف وهو يمكن عمره 12 سنة بأقوه فى سنك كنت بأطلع الأول على المدرسة .. قالى عادى كل الآباء بيقولو كده ..

من 3 اسابيع كان منتظرنى فى المطار .. وقالى ايه دا .. انت قاصص شعرك ليه كده القصة دى مخلياك صغير أوى .. قلتله معلش نسيت اعمل شوي شعر شايب عشان ابان عجوز وحضرتك ترضى عنى ههههههههه .. دار حوار عن موتور السيارة .. ويقوم يدينى محاضرة طويلة عريضة .. لما فكرت فى كلامه لقيته صح .. قلت انا ايه اللى دخلنى فى الحوار ده ؟

[الباشمهندس ياسر]

وامانة علييكو لو غبت يومين عن المنتدى يبقى انا روحت معتقل المغول 10 دقايق وراجع تاني

خير يا الحبيب

و ينك

اوعى تكون رحت عند المغول بجد

[hamoudi]

لتعليم ابني حسن الخلق وتمهيدا لتعليمه الادب فى المستقبل وذلك وهو عمره سنيتن ونصف تقريبا قول ورايا

الحرامي وحش

الكذاب وحش

الاتنين وحشين وكخ ييييييييييييييع

شاطر ياحبيبي

بعد الموضوع ده بفتره ليست بالبعيده وفى احد الاسواق

ابني :انا عايز دي

انا : لاياحبيبي

ابني :لا انا عايز دي

انا :قلت لاء مش دلقوتى

ابني : بغلاسة الاطفال لليييه (يعني ليه بس بيضغط على الحروف)

انا :هششششششش بعدين اقول لك

ابني : وبأعلى مايستطيع من صوته بابا انت حرامي وكذاب

لاأعرف لماذا دائما يصمت الناس عندما لاتريدهم ان يصمتون ويتكلمون عندما تريدهم ان لايتكلمون . فقد صادفت هذه اللحظه صمت من جميع الواقفين والثابتين والمتحركين وبالتالى كان صوت ابني رنانا وطبيعي كان يريد الجميع ان يعرفوا من هو هذا الرجل ذو الصفات الحميده

تم تعديل 15 يونيو 2009 بواسطة hamoudi

[pink rose]

لتعليم ابني حسن الخلق وتمهيدا لتعليمه الادب فى المستقبل وذلك وهو عمره سنيتن ونصف تقريبا قول ورايا

الحرامي وحش

الكذاب وحش

الاتنين وحشين وكخ ييييييييييييييع

شاطر ياحبيبي

بعد الموضوع ده بفتره ليست بالبعيده وفى احد الاسواق

ابني :انا عايز دي

انا : لاياحبيبي

ابني :لا انا عايز دي

انا :قلت لاء مش دلقوتى

ابني : بغلاسة الاطفال لليييه (يعني ليه بس بيضغط على الحروف)

انا :هششششششش بعدين اقول لك

ابني : وبأعلى مايستطيع من صوته بابا انت حرامي وكذاب

لاأعرف لماذا دائما يصمت الناس عندهم لاتريدهم ان يصمتون ويتكلمون عندما تريدهم ان لايتكلمون . فقد صادفت هذه اللحظه صمت من جميع الواقفين والثابتين والمتحركين وبالتالى كان صوت ابني رنانا وطبيعي كان يريد الجميع ان يعرفوا من هو هذا الرجل ذو الصفات الحميده

عشان تحرم تعلمه الادب و حسن الخلق تاني

و الله فطست من الضحك :hysterical:

ربنا يخليهولك و يفرحك بيه :closedeyes:

[Salwa]

موضوعك ياريمو جميل جدا ويشجع على الحكاوى ...وانهاردة مش ححكيلكم على نوادر ولادى لان دى بقى عايزة لها مجلدات....

كفاية احكى لكم موقف...حصل امبارح من حفيدى الوحيد اللى عنده ثلاث سنين ونصف..

عاد من مدرسته بعد يوم مشحون ببرنامج...خطير وصعب...

اعتدل فى جلسته...قال بكل جدية.

خلاص ياجدتى انا قررت اسيب الدراسة....وابدأ اشتغل.

حاجة كمان...

ابنى احضر له سى.دى.لفيلم جديد..فأنا بقول له اشكر خالك وروح اديله بوسة...بص لى وقاللى...الفيلم معايا...خليها للفيلم الجاى..

الصراحة يعنى جيل واعى وناصح .

[pink rose]

موضوعك ياريمو جميل جدا ويشجع على الحكاوى ...وانهاردة مش ححكيلكم على نوادر ولادى لان دى بقى عايزة لها مجلدات....

كفاية احكى لكم موقف...حصل امبارح من حفيدى الوحيد اللى عنده ثلاث سنين ونصف..

عاد من مدرسته بعد يوم مشحون ببرنامج...خطير وصعب...

اعتدل فى جلسته...قال بكل جدية.

خلاص ياجدتى انا قررت اسيب الدراسة....وابدأ اشتغل.

حاجة كمان...

ابنى احضر له سى.دى.لفيلم جديد..فأنا بقول له اشكر خالك وروح اديله بوسة...بص لى وقاللى...الفيلم معايا...خليها للفيلم الجاى..

الصراحة يعنى جيل واعى وناصح .

ميرسي يا مدام سلوى ربنا يخليكي

ما شاء الله على حفيدك و الله ضحكت اوي على موضوع هاسيب الدارسة دا هو لسا بدأ عشان يسيب

لا و ايه عاوز يشتغل كمان

الاطفال بتوع اليومين دول بجد ما شاء الله عليهم جيل غيرنا خالص

ربنا يحميهم و يفرحنا بيهم

[pink rose]

من المواقف اللي على الماشي كده

مرة كان مريم عندها برد و لقيتها جاية تجري تصوت مامي الحقيني

ايه يا يومي في ايه مالك

الحقيني يا مامي مناخيري مش شغالة :ninja:

و تاني يوم نفس الموقف بالظبط بس المرة دي ودني مش شغالة wst::

امبارح بقى كانت نايمة و بعدين انا طفيت نور الاوضة فالدنيا ضلمت لقتها بتقولي مامي انا ليه عيني بقت بلاك ؟؟؟؟؟؟؟؟؟ :ninja: :lol:

ايه يا جماعة المحاورات فيها تقريبا 8000 عضو نقول نصهم متجوزين و مخلفين هما فين بقىىىىىىىىىىىىىى؟؟؟؟؟؟؟؟ :lol: wst::

المفروض يكون في على الاقل 4000 مداخلة ماليش دعوة و لا العيال ما شاء الله عليهم ما بيعملوش فيكم مواقف و طرائف؟؟؟ :ninja:

[Nassarlink]

وفضل يشاور على الراجل اللي بياكل بكلتا يديه

وصوته كان عالي وكانت فضيحة بجلاجل :ninja:

موقف ابنك معاذ يضحك جدا

بس موقف الراجل اللي بياكل

مش يكون عنده شويه دم ويدي الولد حته :ninja:

[pink rose]

من مواقف الانسة المبجلة مريم هانم

ليها واحدة صاحبتها عسولة و رقيقة البنت جدا ما شاء الله عليها و صوتها هادي كده

الهم جت البنت في يوم تلعب مع الست مريم و قاعدين يلعبوا في امان الله في اوضة مريم

فجأة سمعت باب الاوضه عمال يترزع ورا بعض ورا بعض

جريت اشوف في ايه لقيت البنوتة قاعدة برة الاوضة و مفلوقة من العياط يا حبيبتي

و المفترية بنتي عمالة تحاول تقفل باب الاوضة

ايه يا مريم في ايه مالها فرح و انتي بتقفلي باب الاوضه ليه و مش بتلعبوا فيها

تقوم بقى القوية المفترية تقولي ايه

انا طلعتها برة اوضتي و مش عاوزاها تلعب فيها تاني

ليه يا مريم بس في ايه ليه كده يا حبيبتي

قالتلي كلمة انا بقيت مش عارفه افهم و لا ارد و اللي جه عليا بصراحة ضحك و باحاول اخبيه عشان الموقف ما ينفعش فيه ضحك

لقيت الست بتقولي

عشان ما فيش راجل يستاهل حبي يا مامي

بقيت مش فاهمه هي بتقول كده ليه و جابت الكلام دا منين و ايه علاقته بالبنت المسكينة اللي قاعدة بتعيط

طبعا ما فتحتش معاها حوار عن الكلمة دي قدام البنت و المهم صالحتهم على بعض و قعدت العب معاهم شوية لفض الاشتباك

و عدى اليوم على كده و الحمدلله

بس فضلت الكلمة دي افكر جابتها منين

المهم اكتشفت السر عندها فيلم كرتون اسمه هرقليز و مدبلج مصري و فيه الجملة دي بالحرف و مريم كانت بتحب تتفرج عليه دايما

و انا بصراحة كنت غلطانة اني ما باتفرجش على الحاجة قبل هي ما تشوفها اعتقادا مني ان دا كرتون و حاجات اطفال ما فيش منها خوف لكن بصراحة اتعلمت الدرس و قبل ما افرجها اي فيلم كرتون باتفرج عليه الاول لوحدي لو كويس اسيبها تعيش حياتها لو في كلام كده او كده باشيله اصلا من على الكومبيوتر

تخيلوا حتى افلام الكرتون الواحد لازم تبقى عينه في وسط راسه منها

يالا يا جماعة انتوا فين كده و فين مواقف اولادكم الحلوين ؟

[enjisultan]

مساء او صباح الفل يا ريمو

النهاردة بقى بنتى افحمتنى بسؤال كدة على الماشى

واحنا قاعدين فى امان اللة كدة لقيتها بتقولى هو انتى يا ماما لما كبرتى لقيتى نفسك جوة نفسك

قولتلها اية ؟

قالتلى يعنى لقيتى نفسك جوا بعضيكى

بجد ابوها جالة انهيار من الضحك... ويقولى والله انتى وبناتك اتهبلتوا تقريبا

انا قعدت بقى كملت معاها عايزة اعرف هى احساسها اية؟

المهم قولتلها لية يا آيه بتقولى كدة ؟

لقيتها بتقولى عشان انا لما اكبر عايزة ابقى جوة نفسى

عارفة يا ماما مش انا اهة جويا وباتكلم سامعانى... هى دى بقى بتعجبنى عايزها جوا نفسى لما اكبر

شوفتو ما شاء الله اعجبت بيها اوى(او يمكن عشان هى بنتى)بس عجبتنى الفكرة

لا والله بس قعدت افهمها انك هتكبرى نقطة نقطة نفسك اللى جواكى هتكبر معاكى مش بتبقى حد جديد

بس هى طبعا مش مصدقانى

وكل ما اقولها حاجة تقولى ماانا عارفة خلاص بقى

زى يا عينى ما تكون ندمت انها سألتنى

[HanaaOsama]

السلام عليكم انا مشاركاتي قليله في المنتدي لكن دايما بتصفح مواضيعة و عجبني الموضوع ده رغم ان في ساعات مواقف خطر لو في طفل صغير و اخر كبير ,,,,,المهم انا لما خلفت بنتي الصغيره "ندي" عمرها 5 شهور الان و اول يوم جيت فيه من المستشفي للبيت قامت بنتي الكبيرة " نور " 3 سنين الان قالتي كلمه غريبه جدا نفسي اعرف جابتها منين قالت ( ماما احنا مش عايزينها " ادبحيها !!!!! " انا قعدت مستغربه جداااااااااا wst:: المهم وقالت كلمه تانيه بس ضحكتني اوي اول مرة شافتني برضعها قامت اتخضط و صوتت جامد و قالتي " الحقي الحقي يا ماما ندي هتكلك ....... " هاهاهاهاها wst::

[pink rose]

السلام عليكم انا مشاركاتي قليله في المنتدي لكن دايما بتصفح مواضيعة و عجبني الموضوع ده رغم ان في ساعات مواقف خطر لو في طفل صغير و اخر كبير ,,,,,المهم انا لما خلفت بنتي الصغيره "ندي" عمرها 5 شهور الان و اول يوم جيت فيه من المستشفي للبيت قامت بنتي الكبيرة " نور " 3 سنين الان قالتي كلمه غريبه جدا نفسي اعرف جابتها منين قالت ( ماما احنا مش عايزينها " ادبحيها !!!!! " انا قعدت مستغربه جداااااااااا wst:: المهم وقالت كلمه تانيه بس ضحكتني اوي اول مرة شافتني برضعها قامت اتخضط و صوتت جامد و قالتي " الحقي الحقي يا ماما ندي هتكلك ....... " هاهاهاهاها :D

ربنا يخليهملك و تفرحي بيهم يا رب

بس عجبتني اوي هاتاكلك دي موتتني من الضحك بجد :) :P

صحيح انتي مخلفة واحدة تانية عشان تاكلك و تاخدك منها

ربنا يحفظهم يا رب wst::

[HanaaOsama]

شكرا احتي ريمو و ربنا يحليلك اولادك انت كمان wst:: ومن المواقف الخطر ان مره كنت بدي ندي " الصغيره " دوا نقط و بعد كام يوم كدا دخلت لحظة الحمام اغسل ايدي لقيت نور " الكبيره " ماسكة بق ندي و بتديها دوا بالقطاره و طلع " سيتال " بتاع السخونيه و البنت مش سخنه ولا حاجة و الحمد لله لختها كانت اديتها نقطتين لكن من ساعتها و انا مفيش لحظة " نور " مش تبقي قدامي اشوفها بتعمل ايه wst::

[pocy]

شكرا احتي ريمو و ربنا يحليلك اولادك انت كمان wst:: ومن المواقف الخطر ان مره كنت بدي ندي " الصغيره " دوا نقط و بعد كام يوم كدا دخلت لحظة الحمام اغسل ايدي لقيت نور " الكبيره " ماسكة بق ندي و بتديها دوا بالقطاره و طلع " سيتال " بتاع السخونيه و البنت مش سخنه ولا حاجة و الحمد لله لختها كانت اديتها نقطتين لكن من ساعتها و انا مفيش لحظة " نور " مش تبقي قدامي اشوفها بتعمل ايه wst::

الله يعينك يا هناء على الاتنين بجد

انا فاكره ان بنت اخويا كانت عندها لعبه اسمها تن وهى انها تقف وتقع على حجر اى حد موجود

وساعتها انا كنت فى مصر وعمر ابنى كان عنده تلات اسابيع وكنت حاطاه ع السرير جت بنت اخويا وراحت عملت ايه لعبت تن بس بدل ما تقعد فى حجرى لا قعدت على رأس عمر ههههههههههههه

والحمد لله انى بقيت اخد بالى من اللعبه دى ههههههههه ربنا يحميهالهم يارب

بجد الموضوع ده ممتع وشيق جدا ويفطس من الضحك

تم تعديل 26 أكتوبر 2009 بواسطة pocy

[HanaaOsama]

شكرا احتي ريمو و ربنا يحليلك اولادك انت كمان ومن المواقف الخطر ان مره كنت بدي ندي " الصغيره " دوا نقط و بعد كام يوم كدا دخلت لحظة الحمام اغسل ايدي لقيت نور " الكبيره " ماسكة بق ندي و بتديها دوا بالقطاره و طلع " سيتال " بتاع السخونيه و البنت مش سخنه ولا حاجة و الحمد لله لختها كانت اديتها نقطتين لكن من ساعتها و انا مفيش لحظة " نور " مش تبقي قدامي اشوفها بتعمل ايه

الله يعينك يا هناء على الاتنين بجد

انا فاكره ان بنت اخويا كانت عندها لعبه اسمها تن وهى انها تقف وتقع على حجر اى حد موجود

وساعتها انا كنت فى مصر وعمر ابنى كان عنده تلات اسابيع وكنت حاطاه ع السرير جت بنت اخويا وراحت عملت ايه لعبت تن بس بدل ما تقعد فى حجرى لا قعدت على رأس عمر ههههههههههههه

والحمد لله انى بقيت اخد بالى من اللعبه دى ههههههههه ربنا يحميهالهم يارب

بجد الموضوع ده ممتع وشيق جدا ويفطس من الضحك

هاهاهاههاهاهاهاهاها

تم تعديل 26 أكتوبر 2009 بواسطة HanaaOsama

[otaka]

لى قريب يقطن بالقرب منى

حينما بلغ ابنه الرابعه و صار يذهب الى الروضه كنت قد قمت بتعليمه العد بطريقتى الخاصه

فعند سواله عن عمره يقول بلسانه اربعه ثم يشير بيده بثلاثه اصابع

طبعا الاب و الام لم يعرفوا هذا الموضوع الا عندما اشتكت اليهم مدرسه الروضه ان الولد ينقص رقما كلما اشار بيده

و طبعا كان نهارى اسود حينما علموا اننى السبب فى هذا الموضوع

[Damo]

هههههههههههههه يا خراشي كلاها حاجات تفطس انا خلاص مش قدره اتنفس.

طب هقلكوا على كذا موقف لأختي لما كانت صغيره (هي اساسا ٤ سنين اصغر مني)

مره في ليله زي اي ليله مامتي بتنيمنا انا اتحط على المخده اروح في النوم على طول اما اختي(٦ سنين) بقى مش تبطل كلام مامتي تقولها يا حبيبتي ربنا يهديكي, ابدا يلا نينا هو, ولا كأنها قالت حاجه تقوم مامتي حطه البطنيه على وشها....تتكلم من تحت البطنيه

و متفهموش تتكلم تتكلم و الكلام اساسا مش موجه لحد!

المهم في الآخر مامتي سابتها و راحت تنام. مامتي نامت لمدت ٢٠ دقيقه بظبط و لسبب ما قامت تطمن علينا. لقيتني انا نايمه زي ما سابتني و لاقت واختي مش في السرير خالص. الكلام ده كان الساعه حوالين ١٠ بليل, لفت مامتي في الشقه لكن ملهاش اثر. بعدين اكتشفت اكتشاف بشع.... باب الشقه مفتوح!!! طبعا ابتدا الفزع اتصلت ببايا في الشغل و قالتله اطلع انتا علطول على الاسم بلغ و انا هنزل ادور عليها. مامتي ساعتها كانت معتقده ان حد دخل الشقه و خطفها لأن اوكره الباب عليا جدا و صعبه الفتح. مامتي مش داريانه نزلت تدور عليها في الشارع و هييا حافيه و بابايه بلغ و جه يدور هوا كمان. بع ما فقد الامل و هو سايق العربيه و راgع البيت سمع صوتها! بتشتكي انني مش برضي اديها بربي بتعتي. ( واختي كان صوتها تطلعوا من وصت الف صوت) بص وراه لقاها مع بنتين بوابتنين يجي ١٢ سنه كده. و قعدين يحكوا معاها. طبعا شعراها ولا بوب مارلي و بل بيجامه و جزمة بابا و شنطط ماما. بعد الجو ما راق و مامتي بطلت عياط و كولو. بيسألوا اختي ليه عملتي كده تقول: ايه كنت بتفسح؟؟؟! :)

و حتى الان مش عرفين فتحت الباب ازاي :lol:

تم تعديل 27 أكتوبر 2009 بواسطة Damo

[pocy]

هههههههههههههه مواقف تفطس من الضحك

واحب اضيف موقف لابنى ذو السنه وشهرين وهو انى فجأة لقيت الموبيل مش موجود فى اى حته فى الشقه وخليت جارتى ترن على وانا يمكن اسمع صوته وعماله ادور وفجأة دخلت المطبخ اسمع صوت مكتوم وادور فى كل حته ممن يحطه فيها حتى المكان المفضل بتاع سله الزباله وبرضه مفيش وفى الاخر قلت افتح التلاجه يمكن لقيت الصوت زاد لما فتحت التلاجه طلع الاستاذ عمر حاطط التليفون فى درج التلاجه وطبعا دا غير الريموت اللى دايما بجيبه من سله الزباله وغير مفاتيح ابوه اللى دايما بيحطها ورا السرير هو مقتنع ان ده مكان المفاتيح ههههههههههه

ربنا ما يحرمنى منه ومن حركاته اللى زى العسل