نكسة كروية في الموقعة الجزائرية لفرقتنا المهلبية

[MZohairy]

:wub: wst:: :P :sad: :sad: :sad: :sad:

[MZohairy]

3 صفر

لا اله الا الله

[Abu Reem]

مفيش كرة مرفوعة صح ، تسديدات في السما ـ مفيش مدافع واحد طلع كة برأسة ، كل الرفعات الجزائرية تصل لمهاجميهم

ونأتي لهاني سعيد ، ياريت تشوفوه في الجون الثاني بينط لتحت وهو ماسك المهاجم إللي جاب الجون

- وفي الجون الثالث يتحرك بطريقة غبية جدا ليترك المساحة مفتوحة لمهاجم الجزائر ليتقدم بسهولة ،

- يعني هو اتسبب في خسارتنا في كأس أمم 2004 والأن في كأس العالم يارب نخلص منه مش فاهم مصممين عليه ليه

- أما الحضري ( زفت ) الهدف الأول غريب أنه يدخل فيه ، والثاني مش عارف مستني إيه علشان يطلع يمسك كرة أمامه بمتر واحد

- وطبعا لا ننسي الجهبز عمر زكي ،،، ومخرج سافل ، وحكم نفسه مصر تخسر

يافضحتنا

[Egypt]

مش هنوصل كاس العالم

المعلق قال ان فوز الجزائر مش هيضمن صعودها وهزيمة مصر مش هيضمن عدم الوصول

انا اقول ان هزيمة مصر تضمن عدم الوصول

وبلاش احلام لان ليس فى الامكان احسن مما كان

حسن شحاته مصر بضم الميم على الحرس القديم

طبعا لهم كل تحيه لانهم حصلوا على كاس الامم مرتين

بس كفايه

فيه لاعبين كتير فى مصر احسن من اللى كانوا بيلعبوا

[أحمد سيف]

بصراحه المفروض خط الدفاع ده كله يركن ... أسوأ أداء لمنتخب مصر منذ فترة طويلة ... والمنتخب الجزائري كان فايق ومركز جدا ولاعبيه يتمتعون بالسرعة والروح القتالية ... عكسنا تماما لعيبتنا زي ما يكونوا بيلعبوا تقسيمه مش مباراة دولية ... العيوب التقليدية لمنتخب مصر طلعت كلها في هذه المباراة: البطء والانتشار السئ والمظهرية في الأداء وضعف اللياقة والخوف من التسديد على المرمى ... خط الوسط كان تايه في الملعب والمهاجمين مستسلمين تماما للرقابه والمدرب شايف ده كله ومصمم ما يغيرش إلا لما يدخل فينا هدفين أحسن الجمهور يقول إن تشكيلته كانت غلط ... حرقوا دمنا الله يجازيهم ... لا حول ولا قوة إلا بالله

[MZohairy]

تلاته واحد لصالح الجزائر

و حسبي الله و نعم الوكيل

[Abu Reem]

متهيأ لي أن مفيش أسماء متألقة كانت متاحة ، ولكن اللعب بدون خشونة ورجولة كما حدث فقط بعد الجون الثالث هو سبب ضياع المباريات مننا

كما أن أسوأ مقولة بتكرر بتخدرنا ، هي أن ( المصري بيظهر معدنه لما تحطه تحت ضغط )

وللأسف 90 % لما بنتحط تحت ضغط بنخسر ،،، والدليل أن جميع مباريات كأس أم 2008 كنا دائما بنبقى متقدمين ولم نوضع تحت ضغط أن نكون خسرانين.

تم تعديل 7 يونيو 2009 بواسطة Abu Reem

[kaplan]

نشوفكم 2014 ان شاء الله :hysterical:

[se_ Elsyed]

ليلة سودا

ونكسة كروية غير مسبوقة

اكثر المتشائمين كآبة وتشاؤم ما كانش يتوقع ده

استغفر الله العظيم

انا هايحصل لي حاجه

[se_ Elsyed]

يا جماعة ده احنا لو معمول لنا عمل

كان زمانه اتفك بعد 19 سنة

ولا احنا متبرمجين نوصل لكاس العالم كل 34 سنة

اوووووووووووووووف

[kaplan]

ليلة سودا

ونكسة كروية غير مسبوقة

اكثر المتشائمين كآبة وتشاؤم ما كانش يتوقع ده

استغفر الله العظيم

انا هايحصل لي حاجه

ده العادى بتاعنا ف التصفيات

لو حاجه غير حصلت ده اللى مش طبيعى

وفى الاخر زامبيا هتشرفنا ف كاس العالم

[kaplan]

البركه ف المعلم اللى حاطط جل ف شنبه

[drbeso]

من اول جون و عرفت ان الماتش خلاص ضاع

وبعدين مستوانا مكنش كويس ملعبناش غير اخر دقيقتين

و المسئوليه على شحاته لحد كبييييير

[التونسى]

وضاعت احلامى واصدقائى برحلة جنوب افريقيا

بس لسه عندى امل غبي

[حسام يوسف]

للأسف

الخوف كان المسيطر عند اللاعيبة والمدرب

أقصي الطموحات كان التعادل ونقطة دمتم

مع ان كان عندنا فرصة لو لعبنا بجد وبطلنا الدفاع السخيف عمال على بطال نعمل سكور

النتيجة دي كانت ممكن تبقى العكس

والطبيعي تبقى العكس

الطبيعي مصر تغلب 3 أو 4

لك بدأنا بدفاع أنا اسف

(فلح)

الدفاع المحترم

دافع

واعمل مرتدة كل شوية

فرحنا بالتعادل الشوط الأول

وضيعنا الفوز والتقدم

وبدأ الشوط التانى

بالبيه باك رايت شارخ فى دفاعات مصر

مفيش ضغط

مفيش أى مقابلة

حسني

شوقى

أصفار على الشمال

لحد ما وصل للدفاع بتاعنا

وبرضة مفيش ضغط

لدرجة ان الشوطة بتاعة لاعيب الجزاير دخلت بين رجلين وائل بيه جمعه

صعبو

لكن لو الحضري فت كان جابها

بعدها كورة مرفوعة على حدود الست ياردات

مايطلعش الحضري

ويتزق هانى سعيد وأوكا

جمب قليل جدا من الأحمر

وتشوف فى الصورة جمب الأبيض عالى جدا

وجول تانى

ثم تكتمل بباص من ورا قفا وائل بيه جمعه التقيل البطيئ

والمعروف ان التقيل بيمسك يمين ع السريع

وييجى الجون التالت

بعدها محاولة من تريكة ويصر وربنا يكرمه ويجيب التالت من تمريرة عيد اللى مش عارف مركون ليه

بقينا رابع المجموعة

محتاج تغلب كل ماتشاتك الجاية

واللى جاى رواندا فى القاهرة

أى تعادل جوة أو برة

كل سنة وأنتم طيبين

وبعدها كأس قارات وبرازيل وايطاليا

ويارايح كتر م الفضايح

الحضري 50%

أوكا 60% بالنسبة لاول ماتش دولى واختبار صعب

وائل جمعة 20%

هانى سعيد20%

أحمد فتحى 20%

محمد شوقي صفر %

حسني عبد ربه صفر %

زيدان 10%

ابو تريكة70%

عمرو زكى صفر %

أحمد عيد 90%

أحمد رءوف لم يختبر

حسن شحاتة:عمل كل حاجة غلط ممكن تتعمل

تشكيل سيئ بركن أحمد حسن

ولعب تريكة وزيدان جنب بعض واحد منهم كفاية

دفاع سخيف لا يطمح لأى مبادأة وكانت أقصي طموحاته التعادل والسلبي كمان

تغييرات متأخرة جدا السلحفاة أسرع منها

نفسي لو كان كابتن حسن شحاته بيقرا المحاورات

ويسمع من العبد لله

أرجوك بلاش خوف

وبلاش استراتيجية الأماكن المحجوزة

وزى ما قال صلاح جاهين فى الليلة الكبيرة اللى هيطلب راح يقعد

واللى ما يطللبشي يبعد

بقولله

اللى مش فى مستواه

هات حد أحسن منه فى مركزة

شوقى وحسنى ووائل وهانى وعمرو مش فرض علينا

وربنا يستر

رغم كل ده

ورغم اننا بقينا المركز الرابع فى المجموعة

الا أن فيه امل

بس نستـــــــــــــــــــــــــرجل شويـــــــــــــــــــة

[شرف الدين]

بسم الله الرحمن الرحيم

مع إني والله كنت أتمنى جدا إن مصر تكسب

ومع إني والله كنت بدعي إن ربنا يوفق الحضري النهاردة

لكن أنا سألت نفسي سؤال بسيط

في كاس إفريقيا اللي فاتت اطلقوا على منتخبنا اسم منتخب الساجدين... نظرا لسجود اللاعبين الجماعي عقب كل هدف ...

سألت نفسي ... كيف يمكن لحارس مرمى يحمل على صدره إعلانا للخمور أن يوفقه الله عز وجل في مباراة كهذه ...

كيف للاعب يقول أن سيلعب لمنتخب مصر غصب عن عين التخين ... ويلعب بالفعل غصب عن عين كل راجل في مصر ... كيف يمكن لمنتخب كهذا أن يفوز ..

انا قبل الماتش كنت خايف ... مع إني دايما متفائل جدا ... بس كنت حاسس أنه لابد يكون في عقاب إلهي على جملة ( هلعب لمنتخب مصر غصب عن عين التخين )... وده اللي كان مخوفني ..

وادي النتيجة ...

بالإضافة إلى أن أبو علي خفيف الدم ... مش عارف شوقي بيلعب ليه ... مع إنه من حوالي شهرين لم يلمس الكرة ... فين محمد حمص ... ضفره برقبة شوقي وحسني الاتنين مع بعض ...

وكذا الكابتن حسني ... والهبلة اللي مسكوها طبلة ( مش هقول اسمه عشان محدش يزعل ).. كل دول بيلعبوا ليه ... عشان كابتن حسن غلط نفس غلطة الجوهري في مباراة ليبيريا ( فاكرنها ) لما برضه اعتمد على الحرس القديم ...

على العموم دعونا لا نفقد الأمل بسرعة ... حتى بعد الفضيحة المنتظرة أمام البرازيل يوم الاثنين القادم ...

بس لازم كابتن شحاته يعرف انه محتاج حارس مرمى ... وخط دفاع كامل جديد ... واتنين في نص الملعب ومهاجم ..

كل دول محتاجنهم على أقصى سرعة ..

والسلام عليكم

[DrGM]

على فكره المنتخب مخبي مهاراته علشان ماتش البرازيل الجاي

علشان هنفاجئهم و..... (اكمل الفراغ)

[شرف الدين]

بسم الله الرحمن الرحيم

عذرا أخي سي السيد ... وكل المسؤولين هنا ... أعلم أنكم تكرهون مثل هذه المواضيع ... لكن لابد أن يعلم الجميع كيف وصل الحال داخل هذه المدينة التي كنت أحبها قديما جدا ... والتي تسكن بها شقيقتي للأسف ( أقولها وكلي حسرة أنني أصبحت أتاسف لأن أختي تسكن في مدينة مصرية ) .. هي مدينة الإسماعيلية ...

تابعوا هذا التوبيك ... علما بأن هذا الموقع هو أقل مواقع الإسماعيلي تعصبا ... ولكن تابعوا لكي تعلموا إلى أي مدى وصل سكان هذه المدينة ... هؤلاء الذين أفقدتهم الكرة صوابهم ...

انظروا إلى ما يكتبه سكان جمهورية الإسماعيلية المتحدة ... ويسكت عليه القائمون على منتدياتهم ..

http://www.ismailyonline.com/invision2/ind...mp;#entry523372

ويعلم الله أنني لا أريد الوقيعة ... ولكنني وبحق أقولها ... أن مشجعي هذا الفريق بحاجة إلى وقفة جادة من جانب أجهزة الدولة ... لأن الأمور تعدت وفاضت ... وإذا كانوا قد رفعوا أعلام تونس من قبل وأعلام المكسيك عندما كانت فرق هذه البلاد تواجه الأهلي ... فها هو ذا التطور الطبيعي للحاجة الساقعة ... وهام هم الآن يباركون الجزائر على فوزها على منتخب مصر ...

وأعتذر للأخ المشرف ... ولكنني وبحق لا استطيع السكوت ... ولا استطيع دفن رأسي في الرمال أمام هذا الخطر القادم.

والسلام عليكم ورحمة الله وبركاته

[زعلان]

ما هو طبعا مبروك للجزائر مش هما الي فازو بس طبعا مش حاحتفل بخسارة مصر لكن سأهنيء الجزائر بفوزها المستحق

[د هشام ابراهيم]

ماتش يحرق الدم .....

نفسي أفهم إيه سر الانهيار التام اللي في الشوط التاني ده ......

علامات استفهام كبيرة حوالين خط الدفاع و وراهم الحضري ..... بس الحقيقة صعب نحملهم لوحدهم المسئولية ..... المدرب و اللعيبة كلهم يستاهلوا صفر علي عشرة .... باستثناء تريكة ممكن ياخد ٥ / ١٠ بالكتير

التأهل صعب بس مش مستحيل .....يا ريت الاخ حسن شحاتة بس يبطل عند و يلعب اللي يستحق

محتاجين تدعيم في كل الخطوط ...حارس مرمي ...خط الدفاع ....مساك و ليبرو .....صانع ألعاب و هاف باك و وينج ......راس حرب تاني جنب زيدان .....بالاختصار الفريق عايز عمرة

ربنا يستر في كاس القارات