شارك برأيك بالعقل وبدون تعصب ( إيه الفائدة اللى بتعود عليك أو على بلدك من كرة القدم)

[عنبو]

اولا السلام عليكم ورحمة الله وبركاته

ازيك ياعم متولى ماشيه معاك حلاوه ياعم

بالنسبه لكورة القدم الحمد لله انى لقيت واحد متفق معايا فى الرأى يعنى انا مش لوحدى وفيه ناس بتفكر زى

نرجع بقى لكورة القدم فى مصر كبروا الموضوع اقوى واقعد يقولك ده قدوه وده معرفش ايه ؟؟ طيب قدوه قدوه فى ايه بالظبط طيب نيجى بقى للاهم انا دلوقتى للعائد اللى بيعود على البلد من فرجة الماتشات ومحدش يقولى فاتحه بيوت ناس مهى برضه خاربه بيوت ناس وفيه ناس مفرغه حياتها كلها للفرجه والتشجيع وخلاص عايشين الدور اقوى مع اساسا تلاقيهم عمرهم ما لعبوا كوره ولا بيمارسوا رياضه وتلاقى بقى مشاكل ما يعلم بيها الا ربنا ؟؟؟

تعصب واقلة ادب وطبعا انتوا بتشوفوا الحركات اللى بيعملوها اللعيبه لبعض باليد وطبعا بجد حاجه تكسف ويجى يقولك ده قدوتك ياعم قدوة ايه وواحد يسب الدين والعياز بالله وتلاقى بقى الصحافه والتلفيزيون ياكابتن انت ايه اخبار رجلك دانت ثروه قوميه ياكابتن !!!!!!!!!! معلش ياجماعه انا عاوز واحد من اللى بيفهموا فى الكوره يفهمونى يعنى ايه ثروه قوميه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب اللى بيقول دى بتعلم الواحد الصبر ازاى تتعلم الصبر وانت اقاعد تحت التكييف وبتسمع الماتش الصبر يتعلم بالممارسه العمليه علشان تقدر تعمل معايشه مع الواقع

طيب دى بتعمل الناس الاخلاق اظن انتوا شفتوا اللعيبه بتعونا بعد تعادل مصر مع زامبيا راحوا فين بالليل ؟؟ دى اخلاق

وطبعا ناهيك عن الحركات بالايد والشتائم ؟؟ دى اخلاق

ولما واحد يقص واحد من وراه علشان يكسر رجله ويقعده ؟؟ دى اخلاق

ولما الجماهير تمسك بعضها وتعلق يافط وتتوعد لعبض وكانهم اعداء ؟؟ دى اخلاق

طيب بنلاقى الاعلام كله متسلط على لاعيبة الكوره والرقصين والممثلين ودول هم اللى هيعدوا بمصر لبر الامان وهيحلو كل المشاكل وتلاقى يعنى واحد معاه ماجستير ولا دكتوراه ولا عامل كذا برأة اختراع ومافيش حد عبره ولا بكلمه ولا حد سمعله ؟؟

طيب بالله عليك لما يبقى ده حال دوله ولا امه تنتظر منها ايه انها تتقدم فى يوم من الايام ابقى اقابلنى

بالنسبه للترفيه انت لو نزلت الساعتين بتوع الماتش ده ولعبت كوره فى الشارع هتجرى دمك وجسمك وهطلع ياعم الطاقه اللى عندك وفى نفس ذات الوقت هتقوى جسمك ؟؟

لكن تقعد اقدام الماتش وتزعق وتحرق فى دمك وتسمع الفاظ ونفاق طبعا ؟؟ وتقولى ترفيه لا

انا طبعا ممكن لو فاضى اقعد اتفرج على ماتش كوره بس طبعا بعامله زيه زى مسرحيه بالظبط يعنى الامور عاديه خالص

لكن اقعد اتفطط واترزع فى الارض ليه علشان ايه اذا كان اخوانا فى غزه بيتقطعوا كل يوم ومافيش حد فينا اتحرق عليهم ؟؟؟؟

وبعدين لو عاوزين نتقدم لازم نهتم بالبحث العلمى وده هو اللى هيجيب الشهره الحقيقه للبلد وهو اللى هيرفع راسنا لفوق

شوفوا امريكا بتصرف كام على البحث العلمى ؟؟

[metwallly]

كلام إن الموضع رفاهية وويك إند وده لأنهم ماعندهمش مشاكل فى أساسيات الحياة يعنى بعد ما وفروا

أساسيات الحياة بدؤأ يتجهوا للرفاهية والكماليات

لو فكرنا بهذه الطريقة لوجب علينا اغلاق الحدائق والمتنزهات وزرعها بالخيار والجرجير .....لان مش مهم الناس تتفسح المهم تاكل

وكمان ما بيعطلوش حال البلد ويعطلوا كل حاجة فى حايتهم علشان مباراة كرة قدم

هم شعوب منظمة ...تختار للمباريات مواعيد محدده ومناسبة ....المشكلة في الفوضي عندنا

ايضا هم عادلون .....من يتغيب عم عمله او يقصر فيه يعاقب سواء كان السبب الكرة أو اي شي آخر ........اما عندنا فلا ثواب ولا عقاب

إن شاء الله نوصل للدرجة دى ممكن نفكر نرف عنا نفسنا بالكرة

الترفيه والترويح حاجة انسانية اساسية لا غنى عنها ...وليست الشعوب الفقيرة أقل احتياجا للترفيه من الغنية ربما كان العكس هو الصحيح

الرياضة ممارسة فى المقام الآول والفائدة من الممارسة مش بالجلوس قدام التلفيزيون ومعاك شوية مكسرات وحلويات أو فى الإستاد

المشاهده الجماعية مفيده ولو علي مستوي العلاقات الانسانية .....لذلك تلاحظ ان المراهقين والشباب في الغالب لا يفضلون المشاهدة مع الاهل بل مع الرفاق والاصدقاء والأب الذكي هو الذي يعرف كيف يستفيد من اهتمام ابنه بالكرة ليقترب منه باعتباره مساحة مشتركة بين الطرفين

اما الذهاب للاستاد ....فهو في بلاد الغرب متعة تجعل قيمة التذكرة اغلي من التصور .....المشكلة هي في الفوضي التي يجب علاجها عندنا لا ان نغلق الملاعب ونكتفي بالفوضي في الاماكن الاخري

عاوز حضرتك تخليك واقع وتقول إيه اللى أتعلمه أبنائنا من لاعبى كرة القدم وأنا فى إنتظار إجابتك

عندما بكيت مرة علي هزيمة فريقي وانا صغير ...علمني والدي بحكمة ان الامر أهون من ذلك بكثير وان الموضوع مجرد لعب لا اكثر ولا اقل ...ومن يومها اصبحت لا احزن لهزيمة فريق....بل أشعر انه استحق الهزيمة لأنه لم يؤدي ما عليه

كذلك ....لا استمر في مشاهدة مباراة سيئة أو ممله لمجرد ان فريقا احبه يلعب فالهدف هو الترفيه

ولا اتعصب او احزن علي هزيمة ........فالدنيا مثل الكرة..مكسب وخسارة

لذلك يجب علي الاباء تعليم هذه المبادئ لأولادهم من الصغر لأنهم لن يستطيعوا ان يمنعوا اولادهم خاصة المراهقين من الحماس للكرة أو غيرها من الانشطة

يبقى الأولى نبدأ بحل مشاكلنا الإساسية حسب الأولويات ولما نخلصها ونعدل سلوكيتنا نبقى نتجه للرفاهية

سلوك الاغنياء المصريين المتجهين الي نيويورك في رحلة سياحية........هو نفس سلوك فقراءهم في طابور العيش

وقد رأيت ذلك بعيني في عدد من بلاد العالم ...........السلوك هو نتاج تربية وتدريب علي الالتزام بنظام معين وتعديل سلوكياتنا لا علاقة له بنوع نشاطنا ...الفوضي في الملعب تعكس مثيلتها في الشارع ....الفارق الوحيد ان في الملعب حكم ....يمكنه اناذا زادت الفوضي عن حد معين ان يلغي المباراة

تحياتي

يا أخ أحمد هادى حضرتك بتتناول الموضوع من الجانب السلوكى وكل مداخلتك بتأكد إن شعوبنا متخلفة فى سلوكها وهو ده سبب كل المشاكل

أولا : أنا هنا بأناقش الموضوع من ناحية الفائدة المادية يعنى ربح وخسارة مش من ناحية السلوكيات

ثانيا: تقدر تقول لى السلوكيات اللى بيكتسبها أبنائنا من كرة القدم وأبطال كرة القدم سلوكيات ضارة أم مفيدة وشكرا على تواصلك

[metwallly]

السلام عليكم:

سأحكي موقف من الواقع يعكس ما اره من فائده كره القدم.....

اهل والدتي من قريه العزيزيه محافظه الشرقيه...

يوم الاربعاء من كل اسبوع اصبح منذ فتره قريبه (يوم الحواوشي)...لايعرف احد كيف بدأ ومن بدأه ولكنه اصبح ظاهره غريبه واليكم تفاصيلها

1_يوم الاربعاء هو يوم ذبح لعجول ....يقوم الشباب بشراء اللحم من الجزار ....مع البصل وبعض الطماطم والبهارات

2_وبعد الفرم يذهبو للفرن لوضع اللحم بداخل العجين ثم تسويته

3_بعد النضج يذهبوا لشراء الشاي او المشروبات الغازيه

الفكره ان هذا اليوم اصبح وسيله لحراك اقتصادي رهيب

...من بيع العجول ...بيع اللحم ...البصل الطماطم البهارات الشاي البيبسي افران قهاوي

هناك بيوت فتحت فعلا جراء هذا اليوم

الموضوع اللى أنته بتتكلم عليه ده عادات وتقاليد فى القرى إن كل قرية فى الريف ليها يوم معين فى الإسبوع

بيشتروا فيه اللحوم والحلوى لأنهم مايقدروش يعمل ده طوال أيام الأسبوع وغالبا اليوم ده بيكون يوم السوق بتاع القرية لأن الأسواق فى القرى أسبوعية مش يومية ذى المدن وحاليا كمان ممكن ما تلاقيش الكلام ده لأن الناس لم يعد عندها القدرة على شراء اللحوم أسبوعيا فالموضوع أتحول للأعياد بس وده مالوش أي دعوة بالإقتصاد

وهذا ما اره فائده كره القدم حراك اقتصادي فقط

ياريت حضرتك توضح لنا إزاى كرة القدم بتحرك الإقتصاد وهل لو بتحرك الإقتصاد هل الفائدة اللى بتعود علينا بتساوى أو بتزيد عن الضرر والتكاليف المنفوقة على كرة القدم ولك منى كل الحب والتقدير

[metwallly]

السلام عليكم

النشاط الرياضى فى الخارج عبارة عن نشاط اقتصادى يخضع لحسابات المكسب و الخسارة

اما هنا فهو خسارة بس - ملايين تصرف بدون عائد

شركات و هيئات حكومية عامة - ليست لها صلة بالرياضة - تدفع ملايين لعمل فرق و للاعبين

و طبعا فى نشاط واحد فقط هو كرة القدم

طيب لو هما مهتمين بالرياضة كدة - الملايين دى كان ممكن تعمل نادى رياضى للعاملين واولادهم مش تتصرف على لاعبين ومدربين

و طبعا الهدف من دة كلة معروووووووووووووووووووووووووووووووف

وشكرا

شكرا الآخ mfarag على مشاركتك وأعجبت جدا بإقتراح حضرتك شىء جميل جدا لو المبالغ دى أتصرفت على إنشاء أندية وتطوير مراكز الشباب الخربانة اللى سكنها الغربان علشان الكل يستفيد ويمارس رياضة فعلا

[metwallly]

فائدة متابعة كرة القدم هى فرصة لتفريغ بعض المشاعر و الحصول على أحاسيس زائفة بالنصر (هذا للأهلوية فقط)

و لكنها قد تسبب أثر عكسى (للزملكاوية و مشجعى المنتخب)

لكن بجد لا يوجد أى فائدة و أرى أن الأخ متولى شجاع لطرحه للموضوع لكنى بعد إذنه سوف أكون أشجع منه و أقول إننى أفرح عندما ينهزم منتخبنا الوطنى.....................؟؟

عارفين ليه علشان بارتاح من وجع الدماغ المتمثل فى إحتفال وسائل الإعلام و الناس بالنصر و الذى لا يعود على أى أحد بفائدة.

على فكرة الناس كده ممكن تتهمك بالخيانة وأنك جاسوس إسرائيلى wst::

وخلى بالك فى فائدة كمان لما المنتخب يتهزم يوفروا فى النفقات والمصاريف اللى على الفاضى والمليان wst::

وياريت ما تبخلش علينا بمداخلاتك

تم تعديل 9 يونيو 2009 بواسطة metwallly

[metwallly]

هوّه رداً بس على عنوان التوبيك (أنا أصلاً ما قريتش الموضوع بيقول إيه!)

وإيه الفايدة اللي بتعود عليك وعلى بلدك من أكل الشوكولاته وشرب البيبسي والميرندا؟! ;)

مزاج واستمتاع! :wub:

بالمناسبة... أنا أصلاً لا ليّا في الكورة ولا باطيق سيرتها!

منور التوبيك يادكتور تهامى وشكرا على مداخلتك مش زى الناس اللى خايفة تشارك wst::

بالنسبة لمصاريف الشوكلاته والبيبسى دى (م.خ) مال خاص أما مصاريف المنتخب فدى (م.ع) مال عام

وبصراحة أنا عاوز حقى ناشف فى اللى بينصرف على الكرة wst::

وياريت حضرتك لو عندك وقت تكمل اللى ما قريتوش من الموضوع هتلاقى مداخلات جميلة من الأخوة wst::

[metwallly]

اولا السلام عليكم ورحمة الله وبركاته

ازيك ياعم متولى ماشيه معاك حلاوه ياعم

بالنسبه لكورة القدم الحمد لله انى لقيت واحد متفق معايا فى الرأى يعنى انا مش لوحدى وفيه ناس بتفكر زى

نرجع بقى لكورة القدم فى مصر كبروا الموضوع اقوى واقعد يقولك ده قدوه وده معرفش ايه ؟؟ طيب قدوه قدوه فى ايه بالظبط طيب نيجى بقى للاهم انا دلوقتى للعائد اللى بيعود على البلد من فرجة الماتشات ومحدش يقولى فاتحه بيوت ناس مهى برضه خاربه بيوت ناس وفيه ناس مفرغه حياتها كلها للفرجه والتشجيع وخلاص عايشين الدور اقوى مع اساسا تلاقيهم عمرهم ما لعبوا كوره ولا بيمارسوا رياضه وتلاقى بقى مشاكل ما يعلم بيها الا ربنا ؟؟؟

تعصب واقلة ادب وطبعا انتوا بتشوفوا الحركات اللى بيعملوها اللعيبه لبعض باليد وطبعا بجد حاجه تكسف ويجى يقولك ده قدوتك ياعم قدوة ايه وواحد يسب الدين والعياز بالله وتلاقى بقى الصحافه والتلفيزيون ياكابتن انت ايه اخبار رجلك دانت ثروه قوميه ياكابتن !!!!!!!!!! معلش ياجماعه انا عاوز واحد من اللى بيفهموا فى الكوره يفهمونى يعنى ايه ثروه قوميه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب اللى بيقول دى بتعلم الواحد الصبر ازاى تتعلم الصبر وانت اقاعد تحت التكييف وبتسمع الماتش الصبر يتعلم بالممارسه العمليه علشان تقدر تعمل معايشه مع الواقع

طيب دى بتعمل الناس الاخلاق اظن انتوا شفتوا اللعيبه بتعونا بعد تعادل مصر مع زامبيا راحوا فين بالليل ؟؟ دى اخلاق

وطبعا ناهيك عن الحركات بالايد والشتائم ؟؟ دى اخلاق

ولما واحد يقص واحد من وراه علشان يكسر رجله ويقعده ؟؟ دى اخلاق

ولما الجماهير تمسك بعضها وتعلق يافط وتتوعد لعبض وكانهم اعداء ؟؟ دى اخلاق

طيب بنلاقى الاعلام كله متسلط على لاعيبة الكوره والرقصين والممثلين ودول هم اللى هيعدوا بمصر لبر الامان وهيحلو كل المشاكل وتلاقى يعنى واحد معاه ماجستير ولا دكتوراه ولا عامل كذا برأة اختراع ومافيش حد عبره ولا بكلمه ولا حد سمعله ؟؟

طيب بالله عليك لما يبقى ده حال دوله ولا امه تنتظر منها ايه انها تتقدم فى يوم من الايام ابقى اقابلنى

بالنسبه للترفيه انت لو نزلت الساعتين بتوع الماتش ده ولعبت كوره فى الشارع هتجرى دمك وجسمك وهطلع ياعم الطاقه اللى عندك وفى نفس ذات الوقت هتقوى جسمك ؟؟

لكن تقعد اقدام الماتش وتزعق وتحرق فى دمك وتسمع الفاظ ونفاق طبعا ؟؟ وتقولى ترفيه لا

انا طبعا ممكن لو فاضى اقعد اتفرج على ماتش كوره بس طبعا بعامله زيه زى مسرحيه بالظبط يعنى الامور عاديه خالص

لكن اقعد اتفطط واترزع فى الارض ليه علشان ايه اذا كان اخوانا فى غزه بيتقطعوا كل يوم ومافيش حد فينا اتحرق عليهم ؟؟؟؟

وبعدين لو عاوزين نتقدم لازم نهتم بالبحث العلمى وده هو اللى هيجيب الشهره الحقيقه للبلد وهو اللى هيرفع راسنا لفوق

شوفوا امريكا بتصرف كام على البحث العلمى ؟؟

حبيى يا محمدالعنبي منور التوبيك ياريس وفى إنتظار تسديدة أخرى من تسديداتك

هو ده الكلام المفيد وفى إنتظار ردود عمالقة التشجيع فى المنتدى والناس بتوع الأهلى والزمالك والإسماعيلي وكل الأندية ممكن يشاركوا برده إحنا بنتكلم على كرة القدم بصفة عامة مش المنتخب بس

وللأسف ياريس حولوا لاعبى كرة القدم والممثلين والمغنين والراقصات إلى إبطال ومثل عليا يقتضى بها وأى حاجة تحصل فى المجتمع سواء دينية أو سياسية لازم يأخدوا رأيهم كمان حبه يشكلوا منهم الوزارة وبيقل فيه قانون جديد علشان عاوزين يخصصوا مقاعد للاعبى الكرة فى مجلس الشعب وشوبير هو اللى هيمسك رئيس المجلس

تم تعديل 9 يونيو 2009 بواسطة metwallly

[metwallly]

أيه ياجماعة فينا أراء الآخوات ولا هما مالهمش فى كرة القدم ولا أيه

من أول مافتحت الموضوع ولا مشاركة نسائية دى حتى حاليا بقى فيه

فرق كرة قدم نسائية wst::

وبعدين مش شايف حد من عمالقة التشجيع أدلى بدلوه لحد دلوقت

هو الموضوع صعب للدرجة دى

تم تعديل 9 يونيو 2009 بواسطة metwallly

[الباشمهندس ياسر]

كرة القدم فى صورتها الحالية

اختراع انجليزى صميم و ليه اهداف سياسية

و طبيعى ان الانظمة تستفيد من حاجة زى كده

حلوين الكلمتين اللى انته كتبتهم ياهندسة

بس عاوزين نعرف رأيك فى الموضوع بالتفصيل wst::

الرياضة فى صورتها الحقيقية اشمل و اعم من مباريات كرة القدم

و لو دورنا ف التاريخ هنلاقى كل الامم كانت بتمارس الرياضة بشكل او باخر

اعتقد لو دورت ف التاريخ المصرى القريب هتلاقى حاجة اسمها المرماح... و ممكن يختلف الاسم حسب اختلاف الاقليم

المهم

الانجليز بقى بذكائهم اللى ملوش حل ... الافعى القرطاء ... زى ما بيسموها

حولوا المسالة للصورة اللى احنا شايفينها و مع الوقت تحول الانتماءات الى اندية الكورة

و اصبح الناس يوالون و يعادون من اجل الساحرة المستديرة

و الدليل ع الكلام ده ... الكراهية و البغضاء الموجوده بين مشجعى الاهلى و الاسماعيلى مثلا

او الماتش الاخير بتاع مصر و الجزائر ..... برده مثلا

و انشغل الناس عن الموازين الحقيقية للولاء و البراء

كمان هقولك نقطة تانية

من الطبيعى ف الامم انها ليها فترات عزة و شموخ

و من الطبيعى برده ان بيحصل نوع من الحنين للمجد و ايامه

دلوقتى اصبحت اقصى امالنا للمجد هو الوصول لكاس العالم

عايز دليل ع الكلام ده ... فاكر لما فازت مصر بكاس افريقيا اللى فات

فاكر الشعب عمل ايه ساعتها ... فاكر الفرحة اللى انا ف عمرى مشفتش زيها رغم ان عمرى 28 سنة

و الكارثة بقى يا استاذنا ان الفرحة دى مكانتش فى طبقة معينة ... لأ ... دى كانت ف كل الطبقات باستثناء الناس اللى عندها موقف من الكورة

قلى بقى ... المنظر ده ميحسسكش ان الناس دى نفسها فى اى احساس بالانتصار

شفت بقى الكورة عملت ايه

بدل ما نحلم .. و بكرر نحلم .. باعادة الامبراطورية المصرية لمجدها القديم

بدل ما نرجع نحكم مجموعة دول حوض النيل زى زماااااااان

بدل ما نرجع نحكم الدنيا من تانى

يا سيدى ..

هتفكرنى ليه ...

بالمناسبة

احلام الامس حقائق اليوم و احلام اليوم حقائق الغد

[metwallly]

الرياضة فى صورتها الحقيقية اشمل و اعم من مباريات كرة القدم

و لو دورنا ف التاريخ هنلاقى كل الامم كانت بتمارس الرياضة بشكل او باخر

اعتقد لو دورت ف التاريخ المصرى القريب هتلاقى حاجة اسمها المرماح... و ممكن يختلف الاسم حسب اختلاف الاقليم

طبعا أنا مع حضرتك ياهندسة إن الرياضة بكل صورها شىء جميل وبتحس على الأخلاق وممارسة الرياضة شىء أجمل والإسلام حسنا على كده والرياضة لها ثوابت عندنا

المهم

الانجليز بقى بذكائهم اللى ملوش حل ... الافعى القرطاء ... زى ما بيسموها

حولوا المسالة للصورة اللى احنا شايفينها و مع الوقت تحول الانتماءات الى اندية الكورة

و اصبح الناس يوالون و يعادون من اجل الساحرة المستديرة

و الدليل ع الكلام ده ... الكراهية و البغضاء الموجوده بين مشجعى الاهلى و الاسماعيلى مثلا

او الماتش الاخير بتاع مصر و الجزائر ..... برده مثلا

و انشغل الناس عن الموازين الحقيقية للولاء و البراء

من أكبر المصائب اللى بتعود على المجتمع المسلم من كرة القدم هى ضرب عقيدة الولاء والبراء لدى المسلم في مقتل وأنه معظم الناس حاليا بقت بتحب وتكره علشان النادى وتشد الرحال برده علشان النادى بتاعها وممكن الواحد يقتل ويحرق علشان النادى بتاعه الله يكرمك ياهندسة خلتنى أدخل فى الدين وأنا ما كنتش عاوز افتح الجانب ده من اصله

كمان هقولك نقطة تانية

من الطبيعى ف الامم انها ليها فترات عزة و شموخ

و من الطبيعى برده ان بيحصل نوع من الحنين للمجد و ايامه

دلوقتى اصبحت اقصى امالنا للمجد هو الوصول لكاس العالم

عايز دليل ع الكلام ده ... فاكر لما فازت مصر بكاس افريقيا اللى فات

فاكر الشعب عمل ايه ساعتها ... فاكر الفرحة اللى انا ف عمرى مشفتش زيها رغم ان عمرى 28 سنة

و الكارثة بقى يا استاذنا ان الفرحة دى مكانتش فى طبقة معينة ... لأ ... دى كانت ف كل الطبقات باستثناء الناس اللى عندها موقف من الكورة

قلى بقى ... المنظر ده ميحسسكش ان الناس دى نفسها فى اى احساس بالانتصار

شفت بقى الكورة عملت ايه

للأسف ياهندسة ماهما حولوا المجد اللى الناس مستناية فى أمتنا لمجد ظائف بكأس أمم أو كأس قارات أو حتى كأس العالم بقى هو ده الهدف اللى بتسعى إليه الدول الإسلامية حاليا ويستقبل اللاعبين إستقبال الفاتحين بعد البطولات كأنهم حرروا الأقصى

بدل ما نحلم .. و بكرر نحلم .. باعادة الامبراطورية المصرية لمجدها القديم

بدل ما نرجع نحكم مجموعة دول حوض النيل زى زماااااااان

بدل ما نرجع نحكم الدنيا من تانى

يا سيدى ..

هتفكرنى ليه ...

بالمناسبة

احلام الامس حقائق اليوم و احلام اليوم حقائق الغد

للآسف الناس إتحولت للإحلام التافهة وسابت أحلامنا الكبيرة وأعتقد إن الإعلام كله موجه لكده وقدر ينجح فى الحته دى وفى إنتظار المزيد من مساهماتك ولك منى كل الحب والتقدير :lol:

تم تعديل 9 يونيو 2009 بواسطة metwallly

[pink rose]

ليا تعليق صغير جدا و هاطلع اجري قبل ما تضربوني

حد سمع ان حرامي ربنا باركله في اي حاجه ابدا

اهو دا اللي حاصل في مصر سارقين البلد و الشعب

و بيصرفوا فلوسه على شوية عيال تافهه مالهمش لازمة

و العجيب ان الناس زعلانة اوي ان المنتخب حالته منيلة بنيلة

ما هو دا طبيعي مش مال غلابة

كنت دايما باسال نفسي سؤال لما يجيبوا مدرب اجنبي و لا حتى حكم اجنبي عشان ماتشات الامة (بالكسر مش بالضم) اللي هي بيقال عليها خطأ القمة بين الاهلي و الزمالك و يرزعوه كام الف دولار محترمين

الفلوس دي تعمل ايه للناس الغلابة اللي ساكنين في العشوائيات

تصرف على كام عيلة تخلي كام واحد متشرد يلاقي سكن له بدل ما هو مرمي تحت الكباري

و الاخر يطلعوا يقولوا ليه بقى عندنا توربيني و ظاهرة اطفال الشوارع بقت قنبلة موقوتة

و الكلام الاهبل اللي هما فاكرينه كبير دا

انا مش باقول نمنع الرياضة ابدا بس زي ما فيه اهتمام بالرياضة يبقى فيه اهتمام بالناس اللي المفروض تتفرج او تمارس الرياضة

و لا ايه؟

[metwallly]

ليا تعليق صغير جدا و هاطلع اجري قبل ما تضربوني

حد سمع ان حرامي ربنا باركله في اي حاجه ابدا

اهو دا اللي حاصل في مصر سارقين البلد و الشعب

و بيصرفوا فلوسه على شوية عيال تافهه مالهمش لازمة

و العجيب ان الناس زعلانة اوي ان المنتخب حالته منيلة بنيلة

ما هو دا طبيعي مش مال غلابة

كنت دايما باسال نفسي سؤال لما يجيبوا مدرب اجنبي و لا حتى حكم اجنبي عشان ماتشات الامة (بالكسر مش بالضم) اللي هي بيقال عليها خطأ القمة بين الاهلي و الزمالك و يرزعوه كام الف دولار محترمين

الفلوس دي تعمل ايه للناس الغلابة اللي ساكنين في العشوائيات

تصرف على كام عيلة تخلي كام واحد متشرد يلاقي سكن له بدل ما هو مرمي تحت الكباري

و الاخر يطلعوا يقولوا ليه بقى عندنا توربيني و ظاهرة اطفال الشوارع بقت قنبلة موقوتة

و الكلام الاهبل اللي هما فاكرينه كبير دا

انا مش باقول نمنع الرياضة ابدا بس زي ما فيه اهتمام بالرياضة يبقى فيه اهتمام بالناس اللي المفروض تتفرج او تمارس الرياضة

و لا ايه؟

نورتى التوبيك يا مدام ريمو وحضرتك بكده بتسجلى أو مشاركة نسائية فى الموضوع :lol:

وبعدين خليكى فى مكانك ما تجريش ولا حاجة لأن معظم الناس الموجودة مع الكلام ده يعنى كل اللى فى الموضوع حاليا حزب وتنى لسه الجماعة بتوع المعارضة ما فاقوش من صدمة الماتش الآخير :D

[Egypt]

فى بطوله الامم 2006 فى القاهره كان غرق السلام 98

جاء خبر بان السيد جمال مبارك عزم المتخب على الغداء

فى نفس التوقيت كان الغلابه مفترشين الارض فى سفاجا ولم يجدوا سندوتش طعميه ياكلوه

نقول الناس اللى اتغدوا بالاعيبه والجها الفنى والادارى حوالى 200 واحد

وهذا الغذاء على شرف السيد جمال مبارك يعنى الفرد ممكن يكلف 200 جنيه

يعنى حوالى اربعه الاف جنيه

يعنى ممكن تشترى اربعة الاف سندوتش طعميه

يعنى اللى صرفه 200 واحد فى غدوه كان ممكن ياكل 4000 مواطن

انا باحب الرياضه وبافرح لما المنتخب بيكسب بس لازم يكون فيه اولاويات

تحيه لمصر وجمال مبارك وممدوح اسماعيل وسى السيد

[elshafey]

فوائد كرة القدم :

في الدول العربية والاسلامية تجارة كالآتي :

- إعلانات زي الفرق الرياضية

- إعلانات الملاعب

- حقوق النقل التليفزيوني وإعلاناته ومكاسب القنوات الرياضية من المشتركين

- المجلات الرياضية ومكاسب الاعلانات داخلها

في باقي العالم

كل ماسبق بالإضافة إلي :

- المراهنات

- مبيعات محلات الأندية من التذكارات

ومن ما سبق يتضح إن كرة القدم فاتحة بيوت ناس كتير

بالإضافة إلي أنها تسلية ومتعة الغلابة

بس ياعم فخرانى نفهم من كلامك إن الكرة مفتوح عليها مجموعة بيوت ياترى هم عددهم

كام ومقابل كده بتصرف على الكرة كام من الدولة

والأهم من ده كله أنا عاوز الفائدة اللى بتعود عليك كمشجع أو على المجتمع ككل فى النهاية إيه

وهل الفائدة دى أكثر ولا الضرر أكثر

تسلية ومتعة للغلابة

وبعدي هو مين فخراني ده .... أخوك اسمه الشافعي

[عنبو]

بالنسبه لموضوع فاتحه بيوت ده ياجماعه مهو الكازينوهات اللى فى شارع الهرم فاتحه بيوت ناس كتير اقوى وبرضه بتدخل لمصر دخل قومى علشان الاخوه اللى بيجوا مصر مخصوص علشان شارع الهرم ؟؟ يعنى سببوبه حلوه وتمام ولقمه طريه وهو كله فاتح بيوت ؟؟

ياجماعه افتكرتوا تاانى يوم بعد لما اخدنا بطولة كاس الامم الافريقيه 2008 ايه اللى حصل تانى يوم تانى يوم ارتفاع فى اسعار السلع الاساسيه وطبعا الزيت كان اساسى ؟؟

والله ياجماعه اذا كنا عاوزين نعمل حاجه بجد لازم نعطى كل واحد القدر اللى يستحق ياخى دانا مره سمعت احمد شوبير بعد مباره حسيت ان الموضوع غير طبيعى يعنى يقولك معرفش وبعدين لا عديها من كذا زاويه واعمل معرفش ايه علشان نشوف اذا كانت الكوره ofside ولا ونتاكد من الانذارات ومعرفش بجد حاجه تخلى الواحد يحزن على اللى احنا فيه وتلاقى واحد متصل ويقولك ياكابتن احمد احنا عاوزين تاخد حقنا من الحكم ده وتلاقيه ياعينى عنده مشاكل ما يعلم بيها الاربنا خلاص ياجماعه بقت كل احلامنا فى الكوره

ده حته من قصيده لاحمد فؤاد نجم

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

ياجماعه ياريت نفوق ونصحى شويه وبلاش الاوهام اللى احنا عايشين فيها احنا عندنا مشاكل عاوزه ناس رجاله ناس فاهمه مش ناس تزعل وتفرح علشان ماتش كوره لا المفروض نكون اكبر من كده ومش نديهم فرصه انهم يضحكوا علينا

[hanzalah]

تحية لمحمد العنيبي الكيميائي الروش

هذا المنتخب ياساده أنفق من أموالنا 7 مليون جنيه وزياده في عام واحد وحتى يومنا هذا ..

ولازالت حرقة قلب كل مصري على مبلغ 20 مليون جنيه تم انفاقها بمنتهى السفاهة في ملف المونديال صاحب الصفر الشهير

حيث لم تصوت دولة واحدة فقط توحد ربنا على ملف مصر

ملف مصر سبعة آلاف سنه حضارة ومنظومة الرياله الاعلامية الى آخر هذا الدجل والعفن .. لم يوجد دولة واحد يعجبها ملف مصر

إنها الخيبة بالويبه .. وان كنت لا أعرف معنى الويبه

[Melhakim]

كرة القدم وسيلة من وسائل الترفيه ( للناس الاهلاوية طبعا ) اللى مينفعش نطبق عليها قاعدة ايه الفايده اللى بتعود عليا او على بلدى

زيها زى الذهاب للسينما والذهاب للمصيف والجلوس على المقهى و الفرجه على المسلسلات فى التليفزيو ن مينفعش نقول على كل حاجه بنعملها فى حياتنا

لازم تكون من وراها فايده

[metwallly]

فى بطوله الامم 2006 فى القاهره كان غرق السلام 98

جاء خبر بان السيد جمال مبارك عزم المتخب على الغداء

فى نفس التوقيت كان الغلابه مفترشين الارض فى سفاجا ولم يجدوا سندوتش طعميه ياكلوه

نقول الناس اللى اتغدوا بالاعيبه والجها الفنى والادارى حوالى 200 واحد

وهذا الغذاء على شرف السيد جمال مبارك يعنى الفرد ممكن يكلف 200 جنيه

يعنى حوالى اربعه الاف جنيه

يعنى ممكن تشترى اربعة الاف سندوتش طعميه

يعنى اللى صرفه 200 واحد فى غدوه كان ممكن ياكل 4000 مواطن

انا باحب الرياضه وبافرح لما المنتخب بيكسب بس لازم يكون فيه اولاويات

تحيه لمصر وجمال مبارك وممدوح اسماعيل وسى السيد

أيوه ياعم Egypt ذكرنا بوقائع كرة القدم الجميلة دى اللى بتعلم الناس الآخلاق

وطبعا هما كان رايحين العزومة تضامنا مع غرقى العبارة ولك الله يا مصر

[metwallly]

فوائد كرة القدم :

في الدول العربية والاسلامية تجارة كالآتي :

- إعلانات زي الفرق الرياضية

- إعلانات الملاعب

- حقوق النقل التليفزيوني وإعلاناته ومكاسب القنوات الرياضية من المشتركين

- المجلات الرياضية ومكاسب الاعلانات داخلها

في باقي العالم

كل ماسبق بالإضافة إلي :

- المراهنات

- مبيعات محلات الأندية من التذكارات

ومن ما سبق يتضح إن كرة القدم فاتحة بيوت ناس كتير

بالإضافة إلي أنها تسلية ومتعة الغلابة

بس ياعم الشافعى نفهم من كلامك إن الكرة مفتوح عليها مجموعة بيوت ياترى هم عددهم

كام ومقابل كده بتصرف على الكرة كام من الدولة

والأهم من ده كله أنا عاوز الفائدة اللى بتعود عليك كمشجع أو على المجتمع ككل فى النهاية إيه

وهل الفائدة دى أكثر ولا الضرر أكثر

تسلية ومتعة للغلابة

وبعدي هو مين فخراني ده .... أخوك اسمه الشافعي

أسف يا عم الشافعى على الغلطة المطبيعة الغير مقصودة ولك من كل الحب والتقدير wst::

وبالنسبة للمتعة والتسلية ما الرقص متعة وتسلية وممكن نعمله منتخب برده

وبعدين أنا بقول لك أيه الفائدة اللى بتعود علينا مقابل الملايين اللى بتصرف تقول لى متعة وتسلية

طب لو وزعوا على كل واحد قرطسين لب وحبت فول سودانى وعودين قصب هتبقى متعة وتسلية وفائدة للجسم كمان ومش هيصرفوا نص الفلوس دى wst::

[metwallly]

بالنسبه لموضوع فاتحه بيوت ده ياجماعه مهو الكازينوهات اللى فى شارع الهرم فاتحه بيوت ناس كتير اقوى وبرضه بتدخل لمصر دخل قومى علشان الاخوه اللى بيجوا مصر مخصوص علشان شارع الهرم ؟؟ يعنى سببوبه حلوه وتمام ولقمه طريه وهو كله فاتح بيوت ؟؟

ياجماعه افتكرتوا تاانى يوم بعد لما اخدنا بطولة كاس الامم الافريقيه 2008 ايه اللى حصل تانى يوم تانى يوم ارتفاع فى اسعار السلع الاساسيه وطبعا الزيت كان اساسى ؟؟

والله ياجماعه اذا كنا عاوزين نعمل حاجه بجد لازم نعطى كل واحد القدر اللى يستحق ياخى دانا مره سمعت احمد شوبير بعد مباره حسيت ان الموضوع غير طبيعى يعنى يقولك معرفش وبعدين لا عديها من كذا زاويه واعمل معرفش ايه علشان نشوف اذا كانت الكوره ofside ولا ونتاكد من الانذارات ومعرفش بجد حاجه تخلى الواحد يحزن على اللى احنا فيه وتلاقى واحد متصل ويقولك ياكابتن احمد احنا عاوزين تاخد حقنا من الحكم ده وتلاقيه ياعينى عنده مشاكل ما يعلم بيها الاربنا خلاص ياجماعه بقت كل احلامنا فى الكوره

ده حته من قصيده لاحمد فؤاد نجم

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

ياجماعه ياريت نفوق ونصحى شويه وبلاش الاوهام اللى احنا عايشين فيها احنا عندنا مشاكل عاوزه ناس رجاله ناس فاهمه مش ناس تزعل وتفرح علشان ماتش كوره لا المفروض نكون اكبر من كده ومش نديهم فرصه انهم يضحكوا علينا

ايوه يا عم محمد العنبى خليك معان على الخط كده ممكن ربنا يكرم والناس دى تفوق من الوهم اللى عايشينه ومصدقينه فاكرونى بواحد كدب كدبه وعلى ما خدت لفتها ورجعت له واتظبطت كان هو كمان صدقها بالرغم من إنها من إنتاجه