شارك برأيك بالعقل وبدون تعصب ( إيه الفائدة اللى بتعود عليك أو على بلدك من كرة القدم)

[metwallly]

تحية لمحمد العنيبي الكيميائي الروش

هذا المنتخب ياساده أنفق من أموالنا 7 مليون جنيه وزياده في عام واحد وحتى يومنا هذا ..

ولازالت حرقة قلب كل مصري على مبلغ 20 مليون جنيه تم انفاقها بمنتهى السفاهة في ملف المونديال صاحب الصفر الشهير

حيث لم تصوت دولة واحدة فقط توحد ربنا على ملف مصر

ملف مصر سبعة آلاف سنه حضارة ومنظومة الرياله الاعلامية الى آخر هذا الدجل والعفن .. لم يوجد دولة واحد يعجبها ملف مصر

إنها الخيبة بالويبه .. وان كنت لا أعرف معنى الويبه

منور التوبيك ياريس hanzalah

وعاوزك تأيدنا بالآرقام كده وتخليك معانا على طول الخط

وجارى حاليا البحث عن كلمة الويبه وعلى من يجد معنى الكلمة الإتصال فورا على 0900

وهيكسب كوتشى كرة قدم ثمنه 1500 ريال :lol:

[metwallly]

كرة القدم وسيلة من وسائل الترفيه ( للناس الاهلاوية طبعا :lol: ) اللى مينفعش نطبق عليها قاعدة ايه الفايده اللى بتعود عليا او على بلدى

أيه ياعم الحاج أهلى وزمالك أيه كله عند العرب صابون وفى النهاية كلهم بيلموا الغلة والمشجعين هما اللى بيأخدوا الصابونة ويارتها لوكس أو كامى دى صابونة غسيل أطباق

زيها زى الذهاب للسينما والذهاب للمصيف والجلوس على المقهى و الفرجه على المسلسلات فى التليفزيو ن مينفعش نقول على كل حاجه بنعملها فى حياتنا

قلنا قبل كده السينما والمصيف والحاجات دى بتصرف عليها من جيب ساعتك يعنى لو يتقدر بتدفع ما بتقدرش بتجلس فى البيت لكن مصاريف كرة القدم دى مال عام من دم الغلابة اللى هما محتاجين حاجات كتير أهم من ده كله محتاجين آكل وعلاج فيه أهم من كده وممكن عمرهم مادخلوا سينما ولا راحوا مصيف

لازم تكون من وراها فايده

أه لازم أى حاجة بنعملها فى حياتنا يكون وراها فايدة ولازم يكون عندنا أولويات ما ينفعش العملية تمشى بالهبل كده وللأسف هو ده اللى حاصل عندنا وهو ده اللى مآخرنا وأسف إن كنت شديد معاك بس شوف عندك 9 مليون مريض كبد غير مرضى السرطان غير مستشفيات الآطفال اللى لو دخلتها مش هتقول الكلام ده وياريت تفكر وتقول لى المبالغ دى ممكن تعالج كام واحد وممكن تسعد كام أسرة سعادة فعلية

تم تعديل 10 يونيو 2009 بواسطة metwallly

[esocial]

انا شايف ان موضوع الكوره ده صغير وفى النهاية لعبة وبس بس احنا اللى كبرناها على الفاضى ولما بشوف الناس اللى بتروح تشجع ورا الفريق وتوصل لدرجة البهدلة والذل والمهانة ليه قال علشان يشجعوا فريقهم ويشتروا التذكرة بالشىء الفلانى ويمكن مش عارف يصرف على عياله وبيشترى التذكرة بأخر قرش معاه ويا ريته بياخدها بسهولة لا دى مهذله والله وفى النهاية المساكين بيدفعوا اللى فى جيوبهم واللى مش فى جيوبهم والفلوس بتروح للعيبة اللى مبيضيعووش وقت والمدربين اللى بياخدوا رواتب خرافية وكله على قفا الغلابة اللى بيشتروهم وبياخدوا منهم فلوس مش بيدوهم ولا فلوس ولا احساس بالأدميه بس منقدرش نقول الا كل واحد عقله فى راسه يعرف خلاصه وكل واحد ادرى بمصلحته ومصلحة عياله والوقت اللى يروح فى الموضوع ده كان افضل استغلاله مع الأهل او فى عمل مفيد

لكن مش معنى ده انى مش بحب الكورة لا بس مش للدرجة الخايبة دى و يا ريتنا فالحين الا مصاريف على الفاضى . ويا ريتهم يشجعوا مشروع ناجح او ابتكار جديد او اختراع ينفع الناس على الأقل يستاهل المصاريف .

[عنبو]

اولا السلام عليكم ورحمة الله وبركاته

الاخ العزيز hanzalah حياك الله

نرجع بقى لموضوع الكوره من شهر كده كنت فاتح على قناة النيل التعليميه وبعدين لقيت مستضيفين استاذ دكتور فى جامعة القاهره

والدكتور ده معاه الطلبه بتوعه مابين معيد ودكتور الدكتور ده اخد الدكتوراه بتعته فى اليابان وكان شغال على تحسين البوليمرات الصناعيه

يعنى حاجه مهمه اقوى فى الصناعات وكمان تخليق انواع جديده من البوليمرات "" وللعلم البوليمرات دى تقريبا داخله فى كل حاجه احنا

بنستعملها والدكتور ده بيقول احنا بنصرف على الابحاث دى من جيوبنا يعنى التحليل الواحد بيكلف حوالى 1500 ج علشان اقدر احدد

مواصفات الماده الجديده اللى انا اكتشفتها على العموم مش مشكله الكلام ده تعالوا بقوا شوفوا شكل الاستضافه

طبعا المذيع غلبان اقوى مش ود روش وطبعا المكان اى كلام ولا فيه اهتمام ولا حاجه كان المذيع لسه صاحى من النوم يعنى مش منظر

يخلى الواحد يحب يتفرج على البرنامج ولا يشد الا اذا كان واحد متخصص مضطر يقعد علشان يفهم حاجه تعالى بقى شوف على النقيض

الاخر لو جايبين نجم من النجوم استديو خمس نجوم والمذيع بقاله يومين عند الكوافير علشان النجم والاستديوا طبعا متظبط وكله تمام

طبعا لما يبقى ليا ابن وطبعا عاوزه اخليه يتفرج على دكتور ومش يتفرج على النجم ده ازاى هقنعه ان ده هو الصح وان ده تافه وعادى

طيب بالعقل اساسا من المنظر هيحب يتفرج على النجم وهيتمنى فى يوم من الايام انه يبقى زيه علشان هو شايف الناس ازاى

بتحترمه وازاى الناس بتتهافت عليه علشان تسلم واللى يبوس واللى يحضن يعنى من الاخر نظام تكريه فى العلم والعلماء يعنى شوف

العالم شكله عامل ازاى وحش وبدله اى كلام لكن شوف النجم اخر شياكه واخر موضه وطبعا العيل مش عقله حلاوه طبعا ياجماعه

مع احترامى للكل احنا اللى عملنا كده يعنى تعالى اسال اى واحد واقوله انت نفسك تطلع عالم تفيد الاسلام والمسلمين ولا تطلع

لاعب كوره هيقولك لا اطلع عالم افيد الاسلام والمسلمين وهو بيكلمك لو عدى اى نجم هتلاقيه يسيبك ويطلع جرى ورا النجم علشان

يتصور معاه !!! يعنى احنا بنحترم العلماء بالكلام بس لكن تنفيذ لا لازم علشان نغير الوضع ده الولد لما يتربى فى بيئه بتحترم العلم

والعلماءويبقوا هم نجوم المجتمع والناس تتابع اخبارهم كده ممكن يجيى اليوم اللى نلاقى الشباب بيعلقوا صور العلماء فى اوضهم ويقول

ده مثلى الاعلى وانا نفسى ابقى زى ده وطبعا الاعلام بدعم ده كده ممكن نقدر نغير ونبقى بجد امه كم وكيف

[dawn walker]

والعلماءويبقوا هم نجوم المجتمع والناس تتابع اخبارهم كده ممكن يجيى اليوم اللى نلاقى الشباب بيعلقوا صور العلماء فى اوضهم ويقول

ده مثلى الاعلى وانا نفسى ابقى زى ده وطبعا الاعلام بدعم ده كده ممكن نقدر نغير ونبقى بجد امه كم وكيف

زى مين ؟!

[عنبو]

والعلماءويبقوا هم نجوم المجتمع والناس تتابع اخبارهم كده ممكن يجيى اليوم اللى نلاقى الشباب بيعلقوا صور العلماء فى اوضهم ويقول

ده مثلى الاعلى وانا نفسى ابقى زى ده وطبعا الاعلام بدعم ده كده ممكن نقدر نغير ونبقى بجد امه كم وكيف

زى مين ؟!

مش فاهم اقصد حضرتك ايه بالظبط بعنى حضرتك عاوز ناس موجودين دلوقتى يصلحوا انهم يكونوا مثل اعلى اوك موجودين بس مافيش حد يعرف عنهم اى حاجه ولا عاوز ايه ؟؟

[metwallly]

السلام عليكم ورحمة الله وبركاته

قرأت فى الأخبار إن المدير الفنى للآهلى الجديد راتبه الشهري 40 ألف يورو يعنى بالمصري

كده بالصلاة على النبى 320 ألف جنيه والحاجة اللى عكننتنى أكتر إن المعلم اللى قبله

كان بيآخذ ضعف الراتب يعنى 640 ألف جنيه بالله عليكم الراتب ده يعنى كام واحد من الشباب

اللى قاعدة على القهاوي نقول لو راتب الشاب 200 جنيه واللى أعرفه أنه بيتعين على أقل

المهم لو راتب الشاب 200 جنيه يبقى راتب المدير الفنى الجديد هيشغل لنا 1600 شاب

وراتب المدير الفنى القديم كان ممكن يشغل 3200 شاب وبالحسبة دى لو عممناها على كل

الآندية بكده ممكن نفك أزمة البطالة :lol:

وحسبنا الله ونعم الوكيل ولك الله يا أمة الإسلام

[واثق الخطوة]

سبق وتناولنا هذا الموضوع مع هوجة الفوز بالأمم الأفريقية !

وقلنا أن ثمة فارق بين )الرياضة ) ، و بين ( اللعب )

وقلنا أن الأرجنتين والبرازيل وغيرها من الدول الماهرة بالكرة تزرح تحت الفقر من سنين

وقلنا أن الملايين تصرف بلا طائل

وقلنا أن الكرة وسيلة صهيونية لإلهاء الشعوب

وقلنا وقلنا وقلنا ..

[elshafey]

:)

فوائد كرة القدم :

في الدول العربية والاسلامية تجارة كالآتي :

- إعلانات زي الفرق الرياضية

- إعلانات الملاعب

- حقوق النقل التليفزيوني وإعلاناته ومكاسب القنوات الرياضية من المشتركين

- المجلات الرياضية ومكاسب الاعلانات داخلها

في باقي العالم

كل ماسبق بالإضافة إلي :

- المراهنات

- مبيعات محلات الأندية من التذكارات

ومن ما سبق يتضح إن كرة القدم فاتحة بيوت ناس كتير

بالإضافة إلي أنها تسلية ومتعة الغلابة

بس ياعم الشافعى نفهم من كلامك إن الكرة مفتوح عليها مجموعة بيوت ياترى هم عددهم

كام ومقابل كده بتصرف على الكرة كام من الدولة

والأهم من ده كله أنا عاوز الفائدة اللى بتعود عليك كمشجع أو على المجتمع ككل فى النهاية إيه

وهل الفائدة دى أكثر ولا الضرر أكثر

تسلية ومتعة للغلابة

وبعدي هو مين فخراني ده .... أخوك اسمه الشافعي

أسف يا عم الشافعى على الغلطة المطبيعة الغير مقصودة ولك من كل الحب والتقدير mfb:

وبالنسبة للمتعة والتسلية ما الرقص متعة وتسلية وممكن نعمله منتخب برده

وبعدين أنا بقول لك أيه الفائدة اللى بتعود علينا مقابل الملايين اللى بتصرف تقول لى متعة وتسلية

طب لو وزعوا على كل واحد قرطسين لب وحبت فول سودانى وعودين قصب هتبقى متعة وتسلية وفائدة للجسم كمان ومش هيصرفوا نص الفلوس دى rs:

يا تري فكر يوم نهائي امم افريقيا 2006 في مصر؟

كان شعورك إيه لما كسبنا

وفي 2008 في غانا كان إيه شعورك؟

أهي حاجة الواحد بيحس إنه بيفرح فيها وبيها؟

وبعدين تعالي هنا

إيه فايدة الكوتشينة ؟

إيه فايدة البلاي ستيشن؟

ولا إيه فايدة ألعاب الكومبيوتر؟

مش كل حاجة لازم تبقي نفعني وأنفعك يا برنس

[elshafey]

سبق وتناولنا هذا الموضوع مع هوجة الفوز بالأمم الأفريقية !

وقلنا أن ثمة فارق بين )الرياضة ) ، و بين ( اللعب )

وقلنا أن الأرجنتين والبرازيل وغيرها من الدول الماهرة بالكرة تزرح تحت الفقر من سنين

وقلنا أن الملايين تصرف بلا طائل

وقلنا أن الكرة وسيلة صهيونية لإلهاء الشعوب

وقلنا وقلنا وقلنا ..

ياعم هو مافيش حاجة ماينفعش تتصهينش

...........

.........

..........

بصوا من الآخر هي الكورة كده

عاجبنا هتفضل كده .... مش عاجبنا برده هتفضل كده

يا عم ده الفيفا قراراته بتمشي علي دول

تم تعديل 14 يونيو 2009 بواسطة elshafey

[Nassarlink]

اسمحولي لقول

رغم بعدي التام عن الكوره

ان الكوره زيها زي اي نشاط

منه الخاص ومنه العام

وطبعا الخاص باعتباره منشأه هادفه للربح

بيحقق ارباح كتير من النشاط ده

سواء ايرادات مباريات

او اعلانات

او حتي هبات وهدايا من اصحاب السعاده واصحاب الملايين

وطبعا مع الكم الهائل من المشجعين

بيكون من الخطاء ان نترك هذا السوق المفتوح

ده حتي عاملين مدرجات الدرجه الاولي - لاصحاب الياقات البيضاء

ومدرجات للدرجه الثالثه للغلابه

علشان ميتركوش مليم ممكن ان يكسبوه

زي كده مثلا البنوك العاديه والبنوك الاسلاميه علشان منتركش شريحه منكسبش منها

وفي الاخر الاثنين بيصبوا في مكان واحد

اما العام منه

فزي ما احنا عارفين

احنا بنعمل بمنطق السبوبه

يعني المجال الي فيه سبوبه نكبره ونسمنه

ونشجع الناس اكتر واكتر علشان السبوبه تكبر وتكبر

ده من ناحيه ومن ناحيه ثانيه

الناس تلاقي حاجه تشغلها عن الاشياء المهمه المصيريه

ونبقي ضربنا عصفورين بحجر

ده مجرد رأي

[عز الدين]

عـربـاتٌ تدفـقـت... تشبه الهائج الخضـم

وعليـهـا تكـوّمـت... زمرٌ طيشهـا احتـدم

وعلـى كـلّ ساعـد ٍ ... رايةٌ زاحمـت علـم

حشر النـاس تحتهـا... أمـمٌ إثرهـا أمــم

فتساءلـت والأسـى... يمضُغُ القلب بالألـمْ

هل فلسطين حررت؟... وقطاف العنـاءِ تـم

أم قضت محنة الجيـاع... وغيث الرَّخاء عم؟

قيـل بـل فريقنـا... فاز في لعبـة القـدم

أيّ سُخـفٍ مـدمّـرٍ... عن فساد الشعوب نم؟

وإلــى أيّ خيـبـةٍ... بلغـت هـذه الأمـم؟

ألف مليون أصبحـوا... كغثـاءٍ بشـطِّ يــم؟

أنـا أقسمـت بالـذي... خلق الكون من عـدم

إن قنعنـا بسُخْفـنـا... وركنّـا إلـى النّعـم

فخطا الخصم ماضيـاتٌ... من القدس للحـرم

عندها ينـدم الجميـع... حيث لا ينـفـع الـنّـدم

تم تعديل 19 يونيو 2009 بواسطة عز الدين

[محمد يوسف]

أهي حاجة تفرحنا بدل الهم اللي هياكلنا