عايزة اسم لمحل حريمى على ذوقكم

[ذهبية]

طبعا اشكركم جميعا على المشاركة و الاسماء اللى تجنن من حلاوتها والاسماء الىل اول مرة اسمع عنها

و عمرى ما سمعت عنها نهائيا

اشكرك يا فخرانى اسم روج بس اول ما قريتة افتكرت محمد صبحى فى المسرحية تخاريف و هو بيقول روووووج

روووووج باكل اتنين كل يوم مش عارفة فاكر المسرحية دى و لالا بس هو حلو اسم حريمى فعلا

كابتشينو يعنى اية مساء الجلاش دى انا فعصت مخى و جيبتة يمين و شمال معرفتش المعنى اية

قولت ما انا قايلة انة محل حريمى للملابس مش للاكل و الحلويات عموما متشكرة على المشاركة

ياسر توتة حلو عجبى بس بيتهايلى اليق على محل اطفال اكتر عموما لو حطيت فية ملابس اطفال يمكن احط الاسم دة

المخنوق دائما لية بس مخنوق بعد الشر عليك ربنا يارب يفك خنقتك و خنقتنا كلنا يارب حلو فاكهة و مووضع اللوجو دة مرسى انك اخدتنى بالى منة

ESCIAL البغل بلدياتك يعنى انت من المحلة بقى لانة بدا من المحلة و انتشر فى كل انحاء مصر عقبالنا كدة زية بس هو فعلا اكلة تحفة و بيعجبنى

ليدزماتر هو حلو بس بيتهايلى اسم طويل المقطع و صعب شوية و اعتقد ان المنطقة مش كلها ليدزز هيفهموا معناها وبالتوفيق ليك انت كمان شكرا على المرور

فعلا يا ياسر موضوع المنطقة دة مهم جدا بس انا اصلا خايفة و مرعوبة انا اول مرة اعملها ادعيلى بقى ان المنطقة يكون وشها حلو عليا

[ذهبية]

matzakos المحل ضغير مش كبير علشان اسمية جمهورية الموز مرة واحدة يعنى ممكن اسمية مركز الموز قرية الموز تمشى مرسى على باقى الاسماء

بندق افندى شرفت موضوعى بجد اسم لمسات تحفة عجبنى حلو الفواتح و الغوامق مفيش بيج و ازرق و اصفر و جة على بالى فورا انى اخلى الاضاءة حسب اللون يعنى غوامق هنضلمها بقى و فواتح هنهيصها

و الله فكرة حلوة بس بيتهايلى فى المحلات الكبيرة انا لسة على قدى فى اول الطريق مرسى على مرورك

jamalpody اسم نسمات قريب من لمسات حلو برضة و مرسى على المرور

سهل جدا اول ما قريت اسم ذهبية قولت نعم حاضر واستنى تكمل الكلام اتراى دة الاسم الىل انت حطيتة

هو فعلا مكنش على بالى خالص هو طبعا مش اسمى الحقيقى لكن حلو و لتفت انتباهى علية

ابو حودة حلو فينوس الة الجمال لكن الحرملك دة بيضايقنى بصراحة باحس بايام لما الستات بتقعد فى الحرملك وممنوع تنزل و حد يشوفها و انا بصراحة بقى مع تحرير المراءة و قاسم امين

بنت مصرية حلو تاج وممكن يتحط علية اللوجو تاج و يكون دة رمز للمحل مرسى على مشاركتك

حمودى حلو نواعم هانم بس اشمعن نواعم يعنى مينفعش ذهبية هانم تمشى برضة

حسام يوسف مرسى جدا يا حسام على عرضك بالمساعدة فى مووضع اللوجو ومتشكرة بجد على ذوقك

سلوى شهد حلو بس متكرر هنا فى المنطقة بتاعتنا كتير معان فعلا و الله كل المحلات الىل مسمين شهد بجد عليهم طلب جامد سبحان الله وشها حلو عليهم

اية دة بس يا سى السيد نظاكة و يا سلام بقى لو رسمت نظاكة على يافطة المحل و لابسة العباية اللف و البرقع بتاع زمان و هى ماشية اقولها نهارك سعيد

حلو روز تاتش حلو بجد مرسى على مرورك و المشاركة

فاكرتنيى يا مدام سلوى بمحل بيبيع كشرى و اسمة الكشرى النهاردة ببلاش اة و الله اسمة كدة و حاطة يافطة كبيرة بالاسم

[elfakhrany]

أنا بدافع عن موقفى ( روج يعنى روج ... Rouge.. Rouge )

[عنبو]

اولا السلام عليكم ورحمة الله وبركاته

طالما طلبتى المشوره يبقى عليكى وعلى اهل المشوره .... ما علينا

بص اهم حاجه تعتمدى على التشويق يعنى ايه تيجى اولا فى المكان اللى انتى ناويه تفتحى محل فيه وتبتدأ شغل فيه بدون اى يفط وممكن تعملى يافطه انتظروا الافتتاح قريبا ومش تعلنى عن اسم المحل ولا نشاطه

وطبعا الفضول بتاع الناس هيخليهم يسالوا وهم هيعرفوا لنفسهم ايه نشاط المحل وطبعا دى هتبقى دعايه مجانيه

طيب الاسم الاسم لازم يكون مختلف وميكنش اتسمى اقبل كده وخصوصا فى المنطقه اللى انتى فيها

طيب ايه الاسم لازم يكون فيه نوع من الغرابه علشان يعلق مع الناس ومش ينسوه والاهم من الاسم ديكور المحل اصل دى حاجة نزاهه فلازم تبقى حاجه اخر روشنه

وطبعا كل لما الديكور يبقى غريب وفيه جديد طبعا ده هيعمل جذب للى فيه وانصحك بلاش تشغلى فيه واحده لازم انتوا تقفوا فيه اصل الواحده وخصوصا لو كانت انسه بيبقى مش حلو

ولازم طبعا الاهم من ده ان الواحد الى يكون واقف فى المحل يكون اخر شياكه وعنده قدره على الاقناع ولسانه بنقط سكر وطبعا الابتسامه متفارقش شفاه

طيب ايه تانى ياعم محمد ايه تانى ياعم محمد

طبعا لازم تحددى انتى هتشتغلى فى ايه الحاجات الشعبيه ولا الحاجات التوكيل يعنى لو حتجيبى حاجه غاليه يبقى خليه كله غالى طيب ول هتشتغلى فى الاتنين يبقى حاولى تفصلى بين الاتنين فى سبيل ان الاتنين يكونوا زى بعض فى المنظر

وانصحك خليكى فى الشعبى بيع كتير واكسب كتير وبرضه التوكيل تمام بس على حسب المستوى الاقتصادى بتاع المنطقه

و ...................والسلام عليكم ورحمة الله وبركاته

[matzakos]

يا أختنا العزيزه دهبية .... جمهورية الموز ده اسم لسلسة محلات عالمية Banana republic وأنا باحب الموز جداً ....علشان خاطري تسميه كده

و أوعدك زوجتي هتكون أول زبونة ليكي ....

[زهرة الجبل]

إيه رايك في إسم دانتيلا ( dantella )

أو مثلاً : روز ... ( Rose )

أو ياسمين ( jasmine )

أو ( حراير ) و دي الإنجليزي بتاعها ممكن يكون ( silk ) أو يبقى فرانكو آراب يعني ( harayer )

هو ممكن يكون إسم غريب بس مــُلفـِت

و ممكن كمان تفكري في أسماء عطور نسائيه معروفه

يعني مثلاً :

إسكادا ( escada ) .. و ده بالمناسبه إسم محل جيد في الكويت

إل ( elle )

أورجانزا ( organza )

يا رب أكون أفدتك

و بالتوفيق إن شاء الله

أم كريم

تم تعديل 11 يونيو 2009 بواسطة زهرة الجبل

[عادل أبوزيد]

إيه رأيك  في إسم سكر sugar  مشتق مسلسل ١٠٠وش  إسم نيللي كريم في الحلقات

مشاركتي هذه  متأخرة جدا

[جنه احمد]

انا هفتح محل انا ومامتي  اختي عبارة عن اكسسوارات و مكياج و عايزة اسميه حاجة تضم جنه و صفاء أو لو ممكن يتحط معاهم احمد ساعدوني بليز

[tarek hassan]

في ١٩‏/١٠‏/٢٠٢٠ at 03:59, جنه احمد said:

انا هفتح محل انا ومامتي  اختي عبارة عن اكسسوارات و مكياج و عايزة اسميه حاجة تضم جنه و صفاء أو لو ممكن يتحط معاهم احمد ساعدوني بليز

صفاء الجنة