أنا مضطهد داخل و خارج بلدي

[Falcon Crest]

انا هادخل في الموضوع علي طول لاني لا اجيد المقدمات

انا بحكم شغلي بسافر بلاد كتيره اوي من اول أمريكا و الدول العربيه الي دول افريقيا شد انتباهي شئ غريب و بيضايقني اوي

و هو عند فحص الجوازات تلاقي كونتر لاهل البلد الاصليين و كونتر تاني للمقيمين و ثالت للزائرين يعني مثلا السعوديه

تلاقي مواطنون و دول مجلس التعاون الخليجي و جنسات اخري يعني في اهتمام باهل البلد الا المحروسه كله واحد

مفيش اي شويه اهتمام باهل البلد

حتي الناس دي تقدر تيجي مصر في اي وقت و تاخذ الفيزا في المطار لاكن احنا لازم نتلطع بالايام امام السفارات المختلفه للحصول علي الفيزا

بكده يكون انا كالاتي

descriminated in my country as i am home citizen and discriminated against my passport abroad

ينفع الكلام ده

[elfakhrany]

مصر بتعتمد على نظام المساواة بين الناس

[hanzalah]

أتصور أني رأيت مطارات امريكا الشمالية تنفذ نظام الطابور الواحد

الاستثناء الوحيد هو للمرضى وكبار السن ووجود امرأة بمفردها مع أطفال أو وجود اسره مع أطفال صغار فيتم افساح مجال لهم قبل غيرهم

رأيت في مطار السعودية أن هناك نفس الشيء من افساح المجال للعائلات أولا

لكن طبعا يوجد طابور للسعودي وطابور لجنسيات أهل الخليج وطابور آخر للجنسيات اللي مش مهم .. احنا و أمثالنا ..

[ايهاب سالم]

ما تطبقه مصر و باقي دول العالم هو الصحيح و هو المساواه بين البشر اما ما تطبقه دول الخليج فهي العنصريه بعينها

لا اعتقد انك تشجع على ممارسات عنصريه خاصة و انك تعاني منها مثلما قلت

ينبغي علينا ان نطالب بالشئ الصحيح حتى لو فعل غيرنا العكس

[sherifhfm]

والله انا مش شايف ان الى بتعمله دول الخليج شئ كويس ولازم نقلده على العكس تماما دى عنصريه بشعه

طبعا جميل لو فيه طابور للنساء طابور أولويه لذوى الاحتياجات الخاصة لو من معهم اطفال صغار دى يبقى جميل ومنطقى لكن طابور على حسب الجنسيات عنصريه بغيضه

[ايهاب سالم]

أتصور أني رأيت مطارات امريكا الشمالية تنفذ نظام الطابور الواحد

الاستثناء الوحيد هو للمرضى وكبار السن ووجود امرأة بمفردها مع أطفال أو وجود اسره مع أطفال صغار فيتم افساح مجال لهم قبل غيرهم

صحيح

هذه تسمى الرحمه التي نتعلمها ممن نطلق عليهم كفار بينما نطبق نحن العنصريه

[hanzalah]

الفرق بيننا وبينهم يا استاذ ايهاب أن لديهم نظام ونحن ليس لدينا شيء بالمره

لديهم قانون .. يطبقون القانون ويطبقون ايضا " روح القانون " أما نحن فلا قانون عندنا ولا روحه ولايحزنون

لكني أتصور ان العنصرية هي مسؤولية الفرد والاسرة

لا أنفي بالطبع مسؤولية المجتمع الذي يساعد على وجودها ويرعاها أو يعالجها ويمحوها ويقلل فرص نموها

العنصرية موجوده وتصادفها في الغرب كثيراً أيضاً (أفراد أو جماعات) ..

لكن الحق يجب أن يقال .. الدول الغربية على مستوى التشريع والقانون لاترعاها بل تحاربها لتقضي عليها

ذلك أنها بحاجه ماسه لجهود عقول تهاجر اليها من بلاد العالم لتبني لها نهضة وحضارة كل يوم

فلابد أن توفر لها المناخ الذي يتيح الابداع

هنا مربط الفرس كما يقال .. انت ستظل اجنبي لو عشت في دول الخليج ثلاثون عاما تربي اجيال وتدرس لابناءهم من الحضانه للجامعة

لكن الدول الغربية تعطيك الجنسية لتشعر بالامان وتبدع

بالتأكيد تشترط عدد من السنوات و سجل نظيف مع الشرطة و عدم مخالفة القوانين .. وهذا طبيعي ومنطقي

[Scorpion]

أتصور أني رأيت مطارات امريكا الشمالية تنفذ نظام الطابور الواحد

الاستثناء الوحيد هو للمرضى وكبار السن ووجود امرأة بمفردها مع أطفال أو وجود اسره مع أطفال صغار فيتم افساح مجال لهم قبل غيرهم

صحيح

هذه تسمى الرحمه التي نتعلمها ممن نطلق عليهم كفار بينما نطبق نحن العنصريه

أجده تعليق خاطيء و غير صحيح في نفس الوقت .. و لكنه ما دام يصب في تمجيد كل ما هو أجنبي و التحقير في كل ما يخصنا فأجده طبيعي من بعض الأقلام كالعادة ....

حاول سيادتك السفر مرة من خلال مطارات أوربية .. او بالأخص ايطالية .. ستجد بوابات مخصصة فقط لدول الإتحاد الأوربي .. و أخري للجنسيات الأخري .. بدون كهول او اطفال او نساء ... و لا يوجد من يسميها عنصرية و لكنها مجرد مسائل تنظيمية .. و تسهيلآ للطوابير .. فهم لا يحتاجون الي تأشيرة دخول بينهم ....

بل أزيدك من الشعر بيتآ ... شخصيآ و عند عودتي من أحد السفريات و في مطار روما بالتحديد طلب ضابط الأمن من المسافرين ان ينقسموا الي طابورين .. التوانسة و المغاربة في طابور و الباقي في الطابور الآخر .. بل و لقد خاطبني بلهجة مستفزة و عنجهية مقيتة عندما وجدني في طابور الباقي بالرغم من ملامحي الشرقية الصرفة و سألني الا أفهم الأنجليزية أم انني أستعبط هكذا باللفظ ... و هنا أفهمته انني لست من ابناء دول المغرب العربي .. و حتي لو كنت فما يقوم به هو عنصرية واضحة و اسلوب سيء و غير مهذب في التحدث ....

إذن بدون تعميم مطلق مثلما تقوم حضرتك دائمآ سوف ابتعد قليلآ الحديث عن رحمة الغرب و مدنيتهم و في نفس الوقت "حشر" اتهام مستفز بالكفر .... فلديهم ما لدينا من ايجابيات و سلبيات .. و ان كنت لا أنكر ان ايجابياتهم تفوق قليلآ مثيلتها لدينا ...

[sherifhfm]

معلش يا استاذ Scorpion ممكن تعليق على رد حضرتك

فى امريكا واوربا لو فيه اكثر من طابور حسب الجنسية فعلا حيبقى نظام لكن لو حصل فى الخليج حيبقى عنصريه عارف ليه لان دى توجهات بلدان

يعنى فى امريكا القوانين بتحافح العنصرية يعنى العنصرية هناك تصرفات فردية من اشخاص او مجموعات مش تصرفات دولة

لكن الوضع فى الخليج مختلف العنصرية تاتى من الدولة يعنى حضرب لحضرتك مثال انا فى الكويت فى ادوية هنا لا تصرف الا للكويتى ولا تصرف للمقيم ابدا حتى لو فى امس الحاجه اليها رغم ان المقييم يدفع قيمة التأمين الصحى مع تجديد الاقامة له ولكل فرد من اسرته فى حين لا يدفع الكويتى اى شئ

العنصرية فى الخليج هى توجهات دولة بالاضافة لتوجهات وتصرفات المجتمع

والسبب الثانى لن الدول فى الغرب تهتم فعلا بالنظام لكن لم يكون فى الخليج اخر حاجه بيفكرا فيها النظام تبقى عنصريه مش نظام خالص

وهوه ده الفرق بين الخليج وامريكا او اوربا ةعلشان كده انا بسمى ده فى الغرب نظام لكن بسمية فى الخليج عنصرية

وده رايى

[ايهاب سالم]

تحاملك ولهجتك العدائيه طبيعيه .... أنا أبادلك نفس الشعور

طبعا أنا أخاطب العضو سكوربيون

لا أعلم شئ عن إيطاليا ومطاراتها أنت أدرى مني ولكن في الخليج هذا النظام مطبق للعنصريه و ليس للتسهيل و التنظيم وكل من عاش في الخليج يعلم ذلك

في مطارات كندا لا يوجد تصنيفات و لا طوابير للمهاجرين و طوابير لحاملي الجنسيه و لا أحد ينادي على مغاربه و توانسه و يعامل الناس بعنصريه

أما عن الرحمه فسأعطيك مثال واحد

منذ أيام قليله في تورونتو سقط خنزير صغير من سياره نقل على الطريق السريع أثناء نقله من مزرعه و أصيب بكسور

توقف أحد السائقين و نقله الى مستشفى الحيوانات و تم علاجه و وبعد مشاورات تقرر إهدائه الى حديقة الحيوانات ليعيش فيها حتى يموت طبيعيا ولا يتحول إلى قطع بيبروني فوق بيتزا تعويضا له عن معاناته

كان من الأسهل أن يترك ليموت على الطريق أو يذبح أو يدفن حي في الجير الحارق مثلما فعلنا في مصر

ولكنها الرحمه التي تعتبرها أحد إيجابياتهم التي تفوق قليلا إيجابياتنا ........ قليلا

[Scorpion]

معلش يا استاذ Scorpion ممكن تعليق على رد حضرتك

فى امريكا واوربا لو فيه اكثر من طابور حسب الجنسية فعلا حيبقى نظام لكن لو حصل فى الخليج حيبقى عنصريه عارف ليه لان دى توجهات بلدان

يعنى فى امريكا القوانين بتحافح العنصرية يعنى العنصرية هناك تصرفات فردية من اشخاص او مجموعات مش تصرفات دولة

لكن الوضع فى الخليج مختلف العنصرية تاتى من الدولة يعنى حضرب لحضرتك مثال انا فى الكويت فى ادوية هنا لا تصرف الا للكويتى ولا تصرف للمقيم ابدا حتى لو فى امس الحاجه اليها رغم ان المقييم يدفع قيمة التأمين الصحى مع تجديد الاقامة له ولكل فرد من اسرته فى حين لا يدفع الكويتى اى شئ

العنصرية فى الخليج هى توجهات دولة بالاضافة لتوجهات وتصرفات المجتمع

والسبب الثانى لن الدول فى الغرب تهتم فعلا بالنظام لكن لم يكون فى الخليج اخر حاجه بيفكرا فيها النظام تبقى عنصريه مش نظام خالص

وهوه ده الفرق بين الخليج وامريكا او اوربا ةعلشان كده انا بسمى ده فى الغرب نظام لكن بسمية فى الخليج عنصرية

وده رايى

و أنا أحترم رأيك قطعآ أستاذي الفاضل ... و لو قرأت ما كتبته لوجدت انني لا أدافع عن اجراءات سلبية في أوطاننا .. و لكنني في نفس الوقت لا أجعل تقدم الغرب يجعلني انبهر به انبهار القروي الساذج عندما تطأ قدماه لأول مرة المدينة ... فأدافع عن اي جانب سلبي فيه باحثآ عن تبريرات لا يقوم بها أهل البلد نفسه .. بينما اذا تعلق الأمر بالحديث عن بلدي يكون فقط هجوم متواصل بدون ان اذكر شيء ايجابي واحد !!!! ....

تلك الطوابير موجودة سواء لدينا او لديهم .. اسبابها لن تغير من واقعها .. فهي موجودة ...

نظام صرف الأدوية في الكويت قد يكون متحامل فيه .. و لكنه في مصر مفتوح عالبحري للكل حتي للأجانب و بأي كمية ...

لا توجد المدينة الفاضلة يا أستاذي العزيز الا في أحلامنا فقط ....

تحياتي .....

[جيمي]

عنوان الموضوع أنا مضطهد داخل وخارج بلدى اشمل من الموضوع نفسه اللي بيتكلم فقط او بس-تصغير فقط- على وضعنا فى طابور مطارات الخليجه ..

انا مش هقول راي المتواضع لوجود عمالقه من المحاورات داخل الموضوع..انا هكتفى بسرد جزء من محادثه مع واحد اتعرفت عليه هنا قبل المحادثه دى يمكن بعشر دقائق بس وكان عامل مشكله صغيره مع كفيله -لحسن الحظ انه مايعرفش ظروفى- ...هابتدى بيه لما قال......

-يا ريتنى كنت فلبينى

-ليه؟

-يا عم بلدنا اللى مبهدلانا

-ازاى

-روح السفاره المصريه كده وشوف هيقولولك ايه؟

-ايه؟

-هيقولولك انت بتعمل مشاكل ليه؟ وبتتنك ليه؟ وعلى ايه؟ احنا مش عاوزين مشاكل مع السعودين؟ماتاكل عيش وتحترم نفسك؟

-يا راجل؟ لا انت كده بتبالغ؟

-ببالغ ايه بس ده انا يا راجل علشان عاوز اطلع ورقة كذا من السفاره طلعو عينى وقالولى روح هات الاقامه من الكفيل ...طيب اعمل ايه ؟كفيلى مش راضى يجددلى الاقامه اضربه مثلا وفضلت يا جيمى يا اخويا اروح واجى يجى كام مره وزعقت مع الموظف وانفعلت لعند ما عمللولى الورقه اللى انا عاوزها ...طيب مادام ممكن تتعمل من الاول ليه ماعملوهاش لازم يتعبونا فى ورق الاجازات كمان.........انما شوف الفلبينى لو عامل مشاكل مع اى سعودى وراح السفاره بيقومولو الدنيا وما بتقعدش الا لما ياخد حقه ده حتى لو غلطان ومالوش حق هما اللى بيروحوه وبيحموه من اى ضرر متربصله هنا.....انما احنا ...قال فراعنه قال

-بس انت مازلت فقرى هاهاهاها

-ليه؟

-يعنى من دون الجنسيات كلها عاوز تبقى فلبينى دول مش لاقين ياكلو يا راجل؟

-يا عم اهم حاجه الكرامه

-طيب ماتخليك كندى ولا امريكى اهو هتبقى بكرامتك وتعيش كمان يا ريس

-يا عم اى جواز غير الجواز المهزئ ده...ده انت يا راجل لو عملت اى مشكله او تطش مع اى اجنبى فى مصر وراح قسم الشرطه...شرطة بلدنا يعنى...مش راح السفاره بتاعته شوف هيحصلك ايه؟؟؟؟وفي مصرين كتير هنا كمان فى الترحيلات من شهور والسفاره مش ساله فيهم ومهن محترمه كمان-من غير ما اقاطعه انا شايف ان كل المهن محترمه- والسعودين عارفين كده وعارفين اللى بيحصل فى اقسام الشرطه عندنا وعارفين قانون الطوارئ اللى عندنا وعارفين ليه اضراب ابريل فشل وعارفين وعارفين ..........يبقى هيحترمونا ازاى؟؟؟؟؟

ولما باءت جميع محاولاتى لتغير الموضوع بالفشل.......اخذ يعدد مساوئ البلد لعند ماجالو تلفون ومشى

محادثه تانيه لطبيب نفسانى فى لقاء تلفزيونى وشاب حاسس بالاضطهاد.....................من تاليفى

-نفسى احب نفسى

-نعم؟؟؟

-انا حاسس دايماا ان انا غلطان ومكتئب وخايف من كل الناس وحاسس ان اقل منهم

-كلمنى عن ظروف تربيتك؟؟علاقتك بوالدك؟؟

-عمره ماحبنى؟؟عمره ماوقف فى صفى؟؟ لما كنت صغير وبتحصل اى مشكله مع واحد من اصحابى كان دايماا يطلعنى غلطان من غير ماحتى يسمعنى

-وطبعاا كان بيعاقبك؟؟؟

-اشد عقاب ..

تحليل الدكتور ....

يرى بعض الاباء ان عقاب الطفل المتواصل وعدم وجود اى حوار هوه الطريقه السليمه لتقويمه وهذا خاطئ تماما والنتيجه زى مانتو شايفين شخصيه مهزوزه و الاحساس بالاضطهاد والخوف من المجتمع ....على حين يرى اباء اخرين ان مهمتهم الاساسية هى حماية ابناءهم فى المقام الاول وتبنى لغة الحوار لترشيده وتقويمه وهذا بالطبع ينجب للمجتمع شخصيه واثقه من نفسها جريئه يعرف ما له وما عليه.....................

من غير ماقول انى اقصد بالابناء الشعب اى شعب وبالاباء الدوله او الحكومه او النظام.....

حد فاهمنى؟؟؟؟؟؟؟؟؟؟؟؟؟؟؟؟؟؟؟؟

[ايهاب سالم]

لكن الوضع فى الخليج مختلف العنصرية تاتى من الدولة يعنى حضرب لحضرتك مثال انا فى الكويت فى ادوية هنا لا تصرف الا للكويتى ولا تصرف للمقيم ابدا حتى لو فى امس الحاجه اليها رغم ان المقييم يدفع قيمة التأمين الصحى مع تجديد الاقامة له ولكل فرد من اسرته فى حين لا يدفع الكويتى اى شئ

العنصرية فى الخليج هى توجهات دولة بالاضافة لتوجهات وتصرفات المجتمع

أيضا في قطر (حيث كنت أقيم) الأطباء عندهم تعليمات غير معلنه بعدم كتابة أدويه غاليه للمقيمين

أما عن العنصريه التي يلقنها الخليجيين لأطفالهم فحدث و لا حرج وأظنك و أنت مقيم في الكويت تعرف المقوله الشهيره

"كيفي ... كويتي"

وفي هذا الصدد أجد نفسي مضطرا كأي قروي ساذج متدلي الفك من إنبهاره بالغرب للمقارنه مع قضيه مثاره الأن في مقاطعة مانيتوبا بكندا حول طفله في مرحلة الحضانه تفوهت بعبارات عنصريه ببرأه حول الأقليات في كندا و عندما سألتها المعلمه عن مصدر الكلام قالت أن والديها يلقنونها ذلك فما كان من المعلمه إلا أنها أبلغت الشرطه و تم فصل البنت و أخوها عن الوالدين و تربيتهم ضمن أسره بديله

والطريف أن جدة الطفله شهدت أن أبويها عنصريين و أنها سمعتهم يلقنونها كره الأقليات غير الغربيه

تم تعديل 10 يونيو 2009 بواسطة ايهاب سالم

[Falcon Crest]

أتصور أني رأيت مطارات امريكا الشمالية تنفذ نظام الطابور الواحد

أنا كنت في هيوستن الفتره الماضيه و طبعا في 3 أنواه من الطوابير citizen, resident , Visitors و ده مش عنصريه و لا حاجه انا بعتبره نوع من التنظيم لانجاز العمل

[hanzalah]

ايه ياجماعه وحدوا الله .. مش عارف ليه التوبيك سخن فجأة

الحقيقة الوسط حلو ف كل شيء

يعني لاننبهر بالغرب

ولا ننكر ان فيه ملفات ومواضيع كتيرة سبقونا فيها بمراحل

ثم لو شئنا أن نوسع دائرة التناول لهذا الموضوع الهام ..

فالحضارة .. وليس العنصرية فقط .. مجموعة عناصر متشعبة .. تتكامل مع بعضها لتنتج حضارة

انا كنت اتمنى ان اعيش في مصر ايام الملك فاروق مثلا

ايام ما كان جاري ايطالي والبقال يوناني و سائق الترام بلجيكي و الشامي والمغربي حواليك

انا شخصيا استمتع بقراءة تتر الاسماء قبل بداية الفيلم العربي القديم ..

متعه ان تجد واضع الموسيقى التصويرية مثل (أندريه رايدر) متعه انك تلاقي مدير التصوير مش عارف مين والازياء من فين

كلها اسماء اجنبيه مكتوبة بحروف عربي

من يومين شفت مقطع من فيلم لنجيب الريحاني .. فعلا مصر كان عندها حضارة لما كانت تستوعب كل خلق الله

كل الناس ممكن تيجي وتعيش وتبقى مصرية زيك .. و تنتج وتبدع من فكرها وجهدها

الحضارة نتاج تنوع افكار و رؤى

[مسافر زاده الخيال]

ما تطبقه مصر و باقي دول العالم هو الصحيح و هو المساواه بين البشر اما ما تطبقه دول الخليج فهي العنصريه بعينها

لا اعتقد انك تشجع على ممارسات عنصريه خاصة و انك تعاني منها مثلما قلت

ينبغي علينا ان نطالب بالشئ الصحيح حتى لو فعل غيرنا العكس

بعد السلام والتحية

اولا لاتوجد مساواة بين البشر-اعني البشر فيما بينهم- ويجب الا تكون هناك مساواة(الا في حالة تساوي الاوضاع والطروف)بل يجب ان تكون هناك العدالة

وما يحدث في المطارات السعودية ليس بسبب العنصرية فليس هناك تمييزا على باقي الجنسيات بل المسألة تنظيمية بحتة

ربما في باقي مطارات العالم يستطيعون التعامل جميع جنسيات العالم اضافة للمواطنين بكل سهولة لتقدمهم التكنلوجي او الحضاري او لأي سبب كان

لكن ذلك لايمنع ان المعاملة تختلف مابين المواطن او المقيم او الاجنبي الزائر مهما كانت طفيفة لا يشعر بها الشخص

[ايهاب سالم]

الفاضل / مسافر

دعك من التنظيم و العنصريه

سؤال شخصي

هل تقبل الوقوف في طابور الجوازات في مطار سعودي و امامك عدد من العمال الاجانب ?

[abaomar]

السلام عليكم

الاخوه الكرام جزاكم الله خيرا

.

العنصريه الحقيقيه فى اباده الهنود الحمر على يد خريجى السجون الانجليز الذين انشأوا امريكا

العنصريه الحقيقيه فى خطف الافارقه لاستعبادهم بمعنى الكلمه و حتى اربعون عاما او اكثر مضت

كان التمييز العنصرى بسبب اللون شئ اساسى فى المجتمع الامريكى و الموجود حتى اليوم

بدرجه اقل بالتاكيد و لكن ما زال موجود .

كيف حال الالمان النازيون ليس فقط مع اليهود و لكن ايضا مع باقى البشر و نظريه الجنس الارى

بل ماذا عن اليهود الحاليين و التمييز و الاباده للفلسطينيين

لمن عاش فى الخليج بالتاكيد واجه بشكل او باخر ما يمكن اعتباره تمييزا يجده ايضا السعودى من الجنوب

مع اهل نجد و اهل جده مع اهل الشرقيه و هكذا فى العالم كله بل فى مصر كيف ينظر اهل القاهره ووجه بحرى

الى اهلنا فى النوبه و ماذا عن النكت الشهيره جول الصعايده مثلا ؟

لنكن اكثر موضوعيه و نضع الامور فى نصابها .

انا مضطهدجدا داخل بلدى و ذلك هو الاسواء بالنسبه لى و هذا هو الذى يفتح باب الاضطهاد لى خارج بلدى

حيث اننا اذا لم نكن اعزاء على اهلنا فالاخرون لن يكونوا اكثر احتراما لنا ..و الله المستعان

[مسافر زاده الخيال]

الفاضل / مسافر

دعك من التنظيم و العنصريه

سؤال شخصي

هل تقبل الوقوف في طابور الجوازات في مطار سعودي و امامك عدد من العمال الاجانب ?

شخصيا لا مانع لدي,,,ففي البنوك ومحلات السوبر ماركت وصالات انتظار المشفيات مثلا كثير ا ما نكون خلف العمال الاجانب

وفي المطارات تحديدا عند قطع بطاقات صعود الطائرة كثيرا ما نواجه عمالا اجانب يكادون يحتلون المكان (مساحة)وهذا امر طبيعي

لكن لا انفي احتمالية وجود جهلاء يتعدون النظام

من الطرفين

[مسافر زاده الخيال]

السلام عليكم

الاخوه الكرام جزاكم الله خيرا

.

العنصريه الحقيقيه فى اباده الهنود الحمر على يد خريجى السجون الانجليز الذين انشأوا امريكا

العنصريه الحقيقيه فى خطف الافارقه لاستعبادهم بمعنى الكلمه و حتى اربعون عاما او اكثر مضت

كان التمييز العنصرى بسبب اللون شئ اساسى فى المجتمع الامريكى و الموجود حتى اليوم

بدرجه اقل بالتاكيد و لكن ما زال موجود .

كيف حال الالمان النازيون ليس فقط مع اليهود و لكن ايضا مع باقى البشر و نظريه الجنس الارى

بل ماذا عن اليهود الحاليين و التمييز و الاباده للفلسطينيين

لمن عاش فى الخليج بالتاكيد واجه بشكل او باخر ما يمكن اعتباره تمييزا يجده ايضا السعودى من الجنوب

مع اهل نجد و اهل جده مع اهل الشرقيه و هكذا فى العالم كله بل فى مصر كيف ينظر اهل القاهره ووجه بحرى

الى اهلنا فى النوبه و ماذا عن النكت الشهيره جول الصعايده مثلا ؟

لنكن اكثر موضوعيه و نضع الامور فى نصابها .

انا مضطهدجدا داخل بلدى و ذلك هو الاسواء بالنسبه لى و هذا هو الذى يفتح باب الاضطهاد لى خارج بلدى

حيث اننا اذا لم نكن اعزاء على اهلنا فالاخرون لن يكونوا اكثر احتراما لنا ..و الله المستعان

لا توجد لدينا مسالة التمييز العنصري كنظام او عرف في بلادنا ابدا فالكل سواسية فعلا...لكن على مستوى الافراد والجماعات قد يحدث شيء من التمييز(وهذه موجودة في جميع مجتمعات الارض)ففي انقلترا يشعر الاسكتلندي او الايرلندي ببعض التمييز مقابل الانقليزي وفي فرنسا لاتشعر الاقلية البروتستانية او العربية او حتى اليهودية بانها كالغالبية الكثوليكية وفي اسبانيا الباسكيين يشعرون بالتمييز كذلك

وعادة مرد ذلك الجهل بالاخر وعدم معايشته

ففي مدينة مثل جده نجد زملائنا ممن نشاؤا فيها وهم اساسا من منطقة نجد او الجنوب او حتى الشيعة متسامحون جدا مع مختلف الاعراق بعكس ابناء عمومتهم ممن يسكن القرى والصحارى وهذا طبيعي