أخطاء فى المسلسلات

[بنت الشاطئ1]

بدأت عملة اليورو منذ خمس سنوات ةنصف تقريبا

ممكن المسلسل يكون اتصور من قبل كدا

[فــيــروز]

يمكن فترة المسلسل قديمة

أو المؤلف ملوش في الإقتصاد

بدأت عملة اليورو منذ خمس سنوات ةنصف تقريبا

ممكن المسلسل يكون اتصور من قبل كدا

لا يا جماعه ..

المسلسل حديث و ولم يتم تصويره من زمان لأن بطلته "سهير رمزى" و هذا كان اول ظهور لها منذ ارتدائها الحجاب ..

وبعدين معرفة عملة بلد مثل فرنسا لا يحتاج لمعرفه فى الاقتصاد !!

[angel]

طبعا هو أنا قرأت كل تعليقاتكم...وتقريبا كنت بلاحظها كتير....لكن يا جماعة مفيش حد معصوم من الخطأ...المهم إن الواحد يتعلم من الخطأ ويحاول بقدر الإمكان إنه ما يتكررش خاصة لما يبقى شخص متخصص فى شىء ما...يعنى سواء المخرج أو الممثل أو المصور أو المؤلف...لازم يأخدوا بالهم كويس من الفترة الزمنية التى تدور أثناء عرض العمل الفنى...اللهجة...الخلفية والإضاءة....الملابس...تسريحات الشعر والماكياج...وأكيد حاجات تانية....

بس عارفين والله فيه تقدم ....كنت كل ما بتفرج على بعض الأفلام العربية القديمة بلاحظ إن العربية (المفروض إنها ماشية)كأنها بتتمرجح أو حد بيهزها حتى الخلفية اللى وراها زى ماهى مش بتتغير..وإيد البطل او البطلة على الدليكسون بتتحرك باستمرار رغم إن الشوارع كانت فاضية زمان...شوفتوا...؟الممثل بيسوق بحق وحقيقى دلوقت.....بقولكم فيه تقدم....

[miramar]

أنا أفتكر فيلم لأنور وجدي لما كان بيسوق عربية و بيلعب بالدريكسيون كانه بيلعب بلاي استاشن

بس على فكرة على الرغم من كثرة الأخطاء دي إلا انها عامل الرحمة الوحيد في المسلسلات المملة الطويلة

و هي أرحم من الأخطاء التاريخية و الاقتصادية والعلمية الي بتكون في الحقيقة مش في الأفلام

[Sherief AbdelWahab]

ميرامار :

بس على فكرة على الرغم من كثرة الأخطاء دي إلا انها عامل الرحمة الوحيد في المسلسلات المملة الطويلة

لأنها بتضحكنا وبتكشف المستوى العقلي والثقافي الحقيقي لبعض القائمين على إخراجها!

angel:

كانت التكنولوجيا المتاحة في الفترة دي إن العربية ، قصدي حتة الخشب ديكور العربية بتتصور من قدام بس ، على خلفية زرقاء "كرومة" وبيتركب عليها الصورة المتحركة.. دة كان نقص تكنولوجيا مش خطأ استسهال وتذاكي وادعاء معرفة..

خلص الكلام

[Salwa]

صباح الخير ..

انهاردة بقى وجدت لكم خطأ فى فيلم .............انما عسل .

فيلم اسمه المكالمة القاتلة بطولة رانيا فريد شوقى ومعالى زايد ......(( سذاجة طبعااا منقطعة النظير ))...

لما بقى معالى زايد فوجئت ان (( القاتل )) راح لها البيت واكتشفت انه اعتدى على البواب فهى بقى استعدت له ومسكت فازة كبيرة علشان تضربه بيها على دماغه .............حلو ؟؟

الجميل بقى ...

الموسيقى التصويرية واللى مش عارف ايه ...والكاميرا تلف وتدور ....وفجأة ...تبدأ معالى زايد تخبط الراجل على دماغه !!! ....لكن قبل ما تخبطه الكاميرا تيجى على الأرض ونشوف ...(( قطع خزف متكسرة من الفازة !!!!!)) وبعد المشهد ده (( قصدى المشهد العبقرى ده )) ....تشيل معالى الفازة وتضرب القاتل على دماغه ..

شفتوا الحلاوة ؟؟

ايه الجمال ده ؟؟ ...

بصراحة يعنى ........الفيلم (( صفر )) والممثلين (( صفرين )) والاخراج (( عشرة تحت الصفر )) وكله (( اصفار فى اصفار )) ...

[Diab]

مرةفي فيلم بتاع ميرفت أمين الدنيا علي جناح يمامة لما كان بيطاردها أحم

راتب وهي راكبة مع محمود عبد العزيز

قبلة لحظة الإصطدام من فوق الكوبري ظهر ظل المصور والكاميرا كمان واضحين زي الشمس

عديت عليهم إزاي دي الله أعلم

[se_ Elsyed]

مرةفي فيلم بتاع ميرفت أمين الدنيا علي جناح يمامة لما كان بيطاردها أحم

راتب وهي راكبة مع محمود عبد العزيز

قبلة لحظة الإصطدام من فوق الكوبري ظهر ظل المصور والكاميرا كمان واضحين زي الشمس

عديت عليهم إزاي دي الله أعلم

إبني العزيز دياب

الموضوع ده بيحصل كتير ... وبص كده على معظم اللقطات اللي بيكون فيها الممثل واقف جنب سيارة ... بص بقى على السيارة نفسها سترى فيها الكاست بتاع التصوير والإخراج كله ظاهر كأنك تنظر إلى مرآه .

خد الحته دي

في الفيلم بتاع " بوحه " لما راح هو ومي عز الدين يركبوا خيل في الهرم وهو وقع من عالحصان والمفروض متشعلق في حبل والحصان عمال يجره والكاميرا مركزة عليه وهو بيتجرجر ... المخرج نسي ان اللي بتجره في الحقيقة هي عربية وكاوتشاتها واضحه في كل لقطة وهو بيتجر فيها وبقى ماشي بين الكاوتشين اللي ظاهرين قوي قوي ..

- حكيت لكم انا قبل كده على اللقطة اللي مازالت تتكرر إلى اليوم في فيلم " الطريق إلى إيلات " لما جابوا عزت العلايلي واقف في المطبخ بيكلم زوجته وعداد الغاز واضح عالحيطه مع إن واحداث الفيلم بتدور في الستينات يعني كنا نعرف الأنابيب بالعافية ..

- خد الحتة الاخرانية دي يا ديب .. في فيلم عمارة بتنجان ... المفروض خالد الصاوي اللي كان قايم بدور واحد سيكو بيكو .. كان مجتمع مع الصحفيين وبيقول لهم .. عايزكو تغطوا الحادثة بتاعت محاولة إغتيال نجيب لا مؤخذه محفوظ ...

خليك معايا وركز الله يرضى عليك

المحاولة دي كانت سنة 1994 في آوج إشتعال فتيل الإرهاب في مصر ...

بص بقى على موديلات السيارات في الفيلم ومنها المرسيدس الشبح اللي كان راكبها الحاج متولي نور الشريف ... ولا منظر الميني باص الإخضر الجديد بتاع اليومين دول في الشارع ... ولا كمية الدشات المنتشرة فوق أسطح عمارة يعقوبيان

وكل هذا لا يتناسب مع زمن أحداث الفيلم ..

وأي خدمة

سين سين .. ناقض أدبي ومبيض محاره

[هدي درويش]

يا اخواننا أنا شفت مسلسل المفروض انه أيام معشر قريش

و كانت فيه الستات واقفين و شايلين أطفالهم 00 بس كان فيه

طفل منهم لابس تي شيرت عليه صورة tweety

بلاش دي 00 طيب المسلسل الجميل اللي بيذاع حاليا علي

قناة الحكايات (رياح الغدر)00 سوسن بدر عندها (حسنه) في

وشها 00 ساعات بتحطها00 و في مشاهد أخري بتنسي

تركبها !!

و غيره و غيره من الغلطات اللي كلها سذاجه 00 لنا الله !!

هدي

[se_ Elsyed]

يا اخواننا أنا شفت مسلسل المفروض انه أيام معشر قريش

و كانت فيه الستات واقفين و شايلين أطفالهم 00 بس كان فيه

طفل منهم لابس تي شيرت عليه صورة tweety

الأخت هدى

أنا مش شايف أي حاجه غريبة في كده

لإن ثبت معملياً إن تويتي كان من معسكر المشركين

وبعدين يعني هو الطفل بتاع معشر قريش ما كانش له نفس يلعب زيه زي بقيت الأطفال ؟

بطلوا عنصرية بقى

طب حاجه تانية .. تفتكري لو كان نفس الطفل بتاع قريش ده كان لابس نفس التي شيرت بس كان مرسوم عليه صورة نقار الخشب .. كنتي هاتلاحظي ذلك وتتكلمي ؟

لأ بجد ... مسلسل إيه ده ؟ قصدي إسمه إيه ؟

[نيرون]

هذه الاخطاء تتكرر كثيرا في المسلسلات

وهذا الخطأ اكيد غلطة المخرج

المفروض انه كان لازم يلبس الطفل تي شيرت عليه صورة ابو جهل او ابو لهب

علشان يلائم الفترة الزمنية لاحداث المسلسل

سكووووووووت

اكششششششن

[Sherief AbdelWahab]

أنا شخصياً مع وجود تيشرتات عليها أبو جهل وأبو لهب وكوتشيات وموبايلات سيمنس والكاتيل.. تناول عصري للأحداث التاريخية .. وياريت معاه كمان ريمكس لأغنية "نحن غرابة عد عد" توزيع حميد الشاعري! wst::

مش بقولكم .. بتوع التناول العصري دول بيضحكونا وبينسونا الكآبة اللي بنحس بيها لما بنشوف برامج "البيت بيتهم" و "العاشرة والربع مساءً"!

خلص الكلام

[عبده بيه]

المسلسل الديني كالعادة في عصر الجاهلية وما بعدها بقليل وليس في عصر سويتش السويسرية الاحظ الممثل بملابس العصر الجاهلي وفي يده ساعة سويسرية معتبرة

يا سلام

[Sherief AbdelWahab]

ريا وسكينة أيضاً.. رغم دقة "جمال عبد الحميد" في تصوير مصر العشرينيات إلا أننا فوجئنا بعنوان "سجن النساء بطنطا" -التي سجنت فيه "ريا" لفترة..

مكتوباً بفونت هو على الأرجع MCS TAYBAH S_U NORMAL .. وهو من الخطوط الشائعة الاستخدام بين مستخدمي إصدارات برنامج مايكروسوفت وورد..لا تعليق..

خلص الكلام

[KANE]

من الأخطاء البشعة

الأخطاء الي يقع فيها مقدموا البرامج

وإن كان لهم بعض العذر إذا كان البرنامج مباشر

اما البرامج التسجيل فلا عذر فيها

اما الفضيحة الحقيقية هي أن يكون الخطأ في مقدمة البرنامج أو الإعلان التقديمي له

على سبيل المثال

برنامج الكره في دريم مع مصطفى عبده

من إحدى العبارات التي يذكرها في الإعلان التقديمي للبرنامج

الآتي بالنص

"إنت غيرت كلامك بزاوية 190 درجة"

:danger:

ويتكرر هذا الخطأ مع كل إعلان للبرنامج

إذا كان المقدم أخطأ في حلقة

فهل من المعقول ان المخرج والمعد

فاتتهم تلك الغلطة المتكررة

ليضعوها في إعلان يتكرر في اليوم أكثر من مرة

طيب الكل في العسل

مافيش حد في الكنترول الرئيسي بيتابع اللي بيتذاع

وعجبي

[فــيــروز]

فى مسلسل "ذئاب الجبل" الذى انتهى عرضه أمس على قناة "بانوراما دراما" التقى أبطال العمل فى مطعم وكانت الموسيقى الناعمه به هى موسيقى أغنية "ضمّينى" الشهيره رغم أن المسلسل يدور فى فترة حكم الرئيس "عبد الناصر"

[se_ Elsyed]

فى مسلسل "ذئاب الجبل" الذى انتهى عرضه أمس على قناة "بانوراما دراما" التقى أبطال العمل فى مطعم وكانت الموسيقى الناعمه به هى موسيقى أغنية "ضمّينى" الشهيره رغم أن المسلسل يدور فى فترة حكم الرئيس "عبد الناصر"

ملعوبة

طب ما يمكن الأغنية دي تُراثية ؟

أصلها من غناء إيمان البحر درويش .... ويمكن إيمان البحر واخدها من تراث جده سيد درويش .... وكده يعني ؟

[جويرية]

كان في فيلم ليوسف شاهين تقريبا فيلم صلاح الدين و كان واحد من اللي بيحاربوا لابس ساعة في أيده

[سيف الدين جلال]

حقيقة موضوع شيق جدا

واذكر ان في قناةmbcقبل اربع سنوات كانت هناك مسابقة لكشف الاخطاء في الافلام,

ومن ذاكرتي المتواضعة في فلم (الناصر صلاح الدين)ل جوزيف شاهين مشهد الحجاج وهم يصلون قبل ان يأتي الفرسان الصليبيون و يقتلوهم .

{اشك ان الكومبارس الذين كانوا يصلون مسلمون حيث انهم كانوا متباعدين عن بعض و بدون امام و يقولون جميعهم في نفس واحد (الله اكبر) و المضحك ان احد الحجاج الذين هربوا من القتل يظهر للمشاهد وهو يرتدي

UNDERWERE

<{POST_SNAPBACK}>

الحقيقة إن الفيلم ده على ضخامة إنتاجه، إلا إن العك فيه كان طرب ، طبعاً معروف حكاية الساعة التي ظهرت في يد صلاح الدين الأيوبي ، أضف إلى ذلك، المشهد الذي جمع العز بن عبد السلام وسلامة (على فكرة مين هو سلامة ده في القصة الأصلية) وقطز، وجاء وقت الظهر فجأة قال عباس فارس العز بن عبد السلام (الله أكبر) متوجهاً إلى جهة وقطز إلى جهة وسلامة إلى جهة، ولا أدري أهي صلاة جماعة أم طبق كشري.

في الحقيقة إن هذه المشاهد تشعرني أن هؤلاء الناس لم يصلوا من قبل ، والغريب كذلك موضوع الunderware ده !!

الحقيقة ....ان طبق الكشرى لم يكن عند عباس فارس فقط ......انما هنا ايضا ........ لانك خلطت بين فيلمين

الناصر صلاح الدين ....وفيلم واسلاماه........

[Sherief AbdelWahab]

فى مسلسل "ذئاب الجبل" الذى انتهى عرضه أمس على قناة "بانوراما دراما" التقى أبطال العمل فى مطعم وكانت الموسيقى الناعمه به هى موسيقى أغنية "ضمّينى" الشهيره رغم أن المسلسل يدور فى فترة حكم الرئيس "عبد الناصر" :closedeyes:

ملعوبة

طب ما يمكن الأغنية دي تُراثية ؟

أصلها من غناء إيمان البحر درويش .... ويمكن إيمان البحر واخدها من تراث جده سيد درويش .... وكده يعني ؟

برضه ممكن التفسير دة يمشي مع أغنية George Michael الشهيرة Careless Whisper اللي كانت شغالة على رقصة في مسلسل بيدور في الأربعينيات.. ودة اللي ممكن مخرج المسلسل يحاول يقنعنا بيه لما "نستغرب" الموضوع دة ، خصوصاً إنه زينا عارف إن الأغنية دي اتعملت في التمانينات ، والمسلسل بيدور قبل ميلاد George Michael نفسه!

خلص الكلام