أونتاريو ترحب بـ سوسو

[qenawy]

الصبر يا دكتورة الصبر

موضوع الهجرة ده مشروع عظيم للابناء اولا واحنا ثانيا

قد تعاني ولكن تذكري راحة ابنائك واطمئنانك عليهم

احسن من قهر الثانوية والمجموع

تحياتي

[SoSo R]

كدة برضه ياسوسو؟؟

يعنى انا دخلت بس علشان دكتور تهامى؟؟؟

طيب مانا كان ممكن اكتب له رسالة شخصية ....صح؟؟

والا كان ممكن اكتب المداخلة دى ف موضوعه ( كندا التى رأيتها (....بس انا قلت ارحب هنا بالحبايب كلهم مع بعض.

ومش بس انتم الانتين...لالالا...

كمان كل الباقى .

بس القهوة دى بقى خاصة بيكى انتى لوحدك..

انتى عارفة يعنى .

عموما...

انا هنا دايما...(( امال يعنى عرفت ازاى انكم هنا؟؟؟))..

يارب دايما متجمعين ف الخير .. :clappingrose:

يا سلام يا سلوتى...بانبسط لما انكشك و تيجى تردى على طول...قوليلى اخبار الأسبرسو ايه؟؟

عايزين نتقابل فى موضوع الأحلام المؤجلة بينقح عليا قوى اليومين دول ...ومستغربة من نفسى قوى ...بجد يعنى

الصبر يا دكتورة الصبر

موضوع الهجرة ده مشروع عظيم للابناء اولا واحنا ثانيا

قد تعاني ولكن تذكري راحة ابنائك واطمئنانك عليهم

احسن من قهر الثانوية والمجموع

تحياتي

ياااااادى النور...مش مصدقة كيبوردى و لابتوبى......كدة الحبايب كلهم اتجمعوا بجد...يعنى حضرتك موجود و متابع...ولا دى صدفة و لاكنت معدى غلط ولا ايه بس؟؟؟

بس نشكر الظروف يا فندم...

المهم المجموع و الثانوية فى حاجات زيهم بتعمل مشاكل للعيال...يعنى الهم ورانا ..ورانا...لو فيه فرصة هابقى اقولك....هو سعد زغلول قالها...مافيش فايدة

[SoSo R]

من شروطها إن الأب و الأم يكونوا بيشتغلوا فول تايم...طيب ما أنا بشتغل فول تايم...إيه اللى يثبت؟؟؟

مافيش pay roll بينزل عليه إسمك...يبقى انت فى نظر الحكومة بدون دخل حتى ولو منيمم يبقى لا تعمل!!!!

و عظيمة يا كندا يا أرض النعم

و الكوليدج تقولك ما نقدرش نجبر البريسبتورز إنهم يدفعوا مرتبات..و إلا هيرفضوا يدربوا حد....و بالتالى........................

و بالتالى ...اصبح البريسبتور بيتفننوا انهم يخلوك تتدرب اطول وقت لأنك بتشتغل فول تايم ببلاش و بتعمل تريبا شغل صيدلية...يعنى انت لقطة...زبون يعنى..

وبقى التلاعب..فى ارسال تارير كاذبة ان الصيدلى مش جاهز يترخص و مش فاهم كويس و محتاج وقت زيادة و ده على فكرة من صميم مسؤلياته انه يمد التدريب لو عايز...

و ممكن يكون حرب نفسي انه يقنعك انك مش فاهم حاجة وازاى مستحمل روحك كدة و احسنلك تطلبها بنفسك بدل ما تتهزأ و انا اطلب لك مد مدة التدريب,,,

و هكذا قيسوا على ذلك ..كل انواع التلاعب و المخمخة البشرية لأستغلال الزبون اللى وقع و ماحدش سمى عليه و كله بالقانون و بالحق و سلملى على الكوليدج.

انا هابتدى احكيلكم عن يوميات نائب فى الديسبنسرى...مش شرط كل اللى احكيه حصل معايا...لأ ده تجميع مهازل حصلت معايا او مع زمايلى و انا عاملة منها رواية يمكن نقلب عيشنا بقرشين.

دخلت سوسو اول يوم الصيدلية و هى فى منتهى السعادة و احساسها ان مشوارها فى البلد قارب على الأنتهاء و هتبتدى الحياة العملية بمجرد ما تخلص التدريب وهو مدته سنة.

اول ما دخلت رحبوا بيها...و قالولها واقفة بره ليه..اتفضلى جوه فى الديسبنسرى...ابتدت تلف بعينيها فى المكان...تستكشف الوضع...كان الصيدلى الموجود زائر بيغطى بس اليوم...بيقولها من انتى؟؟ الستيودنت الجديدة وده اول يوم ليا بابتسامة عريضة زى اعلانات سيجنال تو

رد بابتسامة صفرا...شدى حيلك...فهمت بعد كدة مغزى هذه الأبتسامة.

وقفت مكانها مش عارفة تعمل ايه ولا تروح فين...

و بعدين وقعت فى ايد من لايرحم.....التيكنيشن....

يتبع..

[ViralMind]

سوسو إغ باشا هانم... تسجيل متابعة :closedeyes:

[ViralMind]

موضوع الشنط ده كنت كتبت فيه مداخلة زمان فى موضوع قديم مخصوص للغرض ده...ممكن تدعبس شوية

بس من الآخر ما تاخدش اى حاجة زيادة كله موجود ...بس الدوا مهم طبعا و كمان يبورد عربى او لابتوب عربى...سجاد بقى و الكلام ده مش بابلعه لأنك رايح تقعد فى امكانيات محدودة و حاجة عملية لحد ما أمورك تتضبط و تاخد بيت...يبقى مفارش ايه و سجاد ايه اللى الناس بتتكلم عنه...ولا اللى يقولك حلل و بتاع هو احنا فى الصحرا...!!!!

كله الا التخبيط فى الحلل :lol:

ده فيه ناس بتحوش حلل و معالق مخصوص.. علشان بيقول لك فيه ازمة حديد فى كندا و كدهون :closedeyes:

الحلل و الملايات و السجاد (ده فيه ناس هتاخد مراتب كمان و احتمال ياخدوا المنجد بالمرة :lol:) كل الكلام ده اوفر بصراحة و مبالغ فيه..

اصل انا هعمل لاندنج كمان 3 او 4 شهور باذن الله.. و انا و المزة قررنا اننا نروح بطولنا كده زى ما احنا :closedeyes: و الحاجة الوحيدة اللى هناخدها معانا هى اللى اللابتوبات..

حتى مش هنشترى هدوم الشتا (فاكرة مداخلة زمان لما كانت نور بكر هتعمل اللاندنج و كانت بتسأل على هدوم الشتا؟).. لان اصلا مفيش مقارنة لا فى الجودة ولا السعر.

انا بس اللى واكل دماغى.. 3 نقط..

اولا: فى حالة الافلاس لا قدر الله.. ان الواحد مبقاش معاه ولا مليم لايوها سبب.. هيبقى ايه العمل؟

ثانيا: فى حالة انى مثلا اصبحت غير قادر عن العمل لا قدر الله... برضه ايه النظام؟

ثالثا: فى حالة الوفاة... ايه الاجرائات بالظبط..

بس طالما الواحد سليم.. هنقدر نتعامل ان شاء الله... و ان ما نيمتك من المغرب يا كندا :closedeyes:

تم تعديل 21 يوليو 2011 بواسطة ViralMind

[pharmacawy]

مدام سوسو بجد اسلوبك amazing بيخلينى ادوس فى موضوع المعادلة لسبب بسيط جدا احنا دنيتنا محدودة اوى كصيادلة يعنى كدا كدا ملزوقيين فى الحيطةيا اما نغير الكارير كلة و دة شىء صعي اوى على كبلر و من غير خبرة عشان كدة انا استعوضت ربنا فى الايام السودة الى شفتها فى الدعاية و اللى هاشوفها فى المعادلة و اهو تراب كندا ولا قرف الدعاية او attitude الناس الرهيب فى مصر

[SoSo R]

سوسو إغ باشا هانم... تسجيل متابعة :closedeyes:

الله يمسيه بالخير...واحد بس اللى كان بيقولى سوسو أغ...حد فاكره؟؟؟

موضوع الشنط ده كنت كتبت فيه مداخلة زمان فى موضوع قديم مخصوص للغرض ده...ممكن تدعبس شوية

بس من الآخر ما تاخدش اى حاجة زيادة كله موجود ...بس الدوا مهم طبعا و كمان يبورد عربى او لابتوب عربى...سجاد بقى و الكلام ده مش بابلعه لأنك رايح تقعد فى امكانيات محدودة و حاجة عملية لحد ما أمورك تتضبط و تاخد بيت...يبقى مفارش ايه و سجاد ايه اللى الناس بتتكلم عنه...ولا اللى يقولك حلل و بتاع هو احنا فى الصحرا...!!!!

كله الا التخبيط فى الحلل :lol:

ده فيه ناس بتحوش حلل و معالق مخصوص.. علشان بيقول لك فيه ازمة حديد فى كندا و كدهون :closedeyes:

الحلل و الملايات و السجاد (ده فيه ناس هتاخد مراتب كمان و احتمال ياخدوا المنجد بالمرة :lol:) كل الكلام ده اوفر بصراحة و مبالغ فيه..

اصل انا هعمل لاندنج كمان 3 او 4 شهور باذن الله.. و انا و المزة قررنا اننا نروح بطولنا كده زى ما احنا :closedeyes: و الحاجة الوحيدة اللى هناخدها معانا هى اللى اللابتوبات..

حتى مش هنشترى هدوم الشتا (فاكرة مداخلة زمان لما كانت نور بكر هتعمل اللاندنج و كانت بتسأل على هدوم الشتا؟).. لان اصلا مفيش مقارنة لا فى الجودة ولا السعر.

انا بس اللى واكل دماغى.. 3 نقط..

اولا: فى حالة الافلاس لا قدر الله.. ان الواحد مبقاش معاه ولا مليم لايوها سبب.. هيبقى ايه العمل؟

ثانيا: فى حالة انى مثلا اصبحت غير قادر عن العمل لا قدر الله... برضه ايه النظام؟

ثالثا: فى حالة الوفاة... ايه الاجرائات بالظبط..

بس طالما الواحد سليم.. هنقدر نتعامل ان شاء الله... و ان ما نيمتك من المغرب يا كندا :closedeyes:

الوفاة ...ما عنديش ايتها فكرة و مش عايزة اعرف الصراحة بس انا عارفة انها مكلفة قوى...و اجراءاتها كتير...

الأفلاس...لو انت خلصت فلوسك وما كنتش اشتغلت بتقدم على الويلفير...

لو اشتغلت و مشوك ...بتقدم على ايمبلويمنت انشورنس ...بس ليها شروط...لازم تكون عملت عدد ساعات معين عشان تستحق منهم فلوس...تكون مشيت لعدم حاجة العمل مش اترفدت لسوء سلوكك او عملت مصيبة

لو انت مرضت برضه بتقدم حسب حالتك كنت شغال ولا عاطل..

كله موجود...

[SoSo R]

مدام سوسو بجد اسلوبك amazing بيخلينى ادوس فى موضوع المعادلة لسبب بسيط جدا احنا دنيتنا محدودة اوى كصيادلة يعنى كدا كدا ملزوقيين فى الحيطةيا اما نغير الكارير كلة و دة شىء صعي اوى على كبلر و من غير خبرة عشان كدة انا استعوضت ربنا فى الايام السودة الى شفتها فى الدعاية و اللى هاشوفها فى المعادلة و اهو تراب كندا ولا قرف الدعاية او attitude الناس الرهيب فى مصر

انت طبعا دوس فى المعادلة و اتمرمط ما قلناش حاجة...على الأقل هتبقى ريجيوايتد جوب مش بتشتغل اى حاجة تانى اقصى احلامك 15 دور فى الساعة و دمتم....

بس مش عايزة اصدمك و اقولك ان الناس هنا مش فارقة كتير عن الناس فى اى حتة فى الدنيا...

مادام بتعمل كستمر سيرفيس يبقى استحمل العاهات اللى هتقابلك..

انا كنت فاكرة انى هلاقى ناس من طينة تانية...طلع الوحلة هى...هى...

يعنى سعد زغلول قالها ...

مافيش فايدة

[ViralMind]

سوسو إغ باشا هانم... تسجيل متابعة :closedeyes:

الله يمسيه بالخير...واحد بس اللى كان بيقولى سوسو أغ...حد فاكره؟؟؟

دكتور هشام ابراهيم الشهير بروبن هود :closedeyes:

من اجمل الشخصيات اللى بحب اقرالها..

تم تعديل 22 يوليو 2011 بواسطة ViralMind

[pharmacawy]

مدام سوسو بجد اسلوبك amazing بيخلينى ادوس فى موضوع المعادلة لسبب بسيط جدا احنا دنيتنا محدودة اوى كصيادلة يعنى كدا كدا ملزوقيين فى الحيطةيا اما نغير الكارير كلة و دة شىء صعي اوى على كبلر و من غير خبرة عشان كدة انا استعوضت ربنا فى الايام السودة الى شفتها فى الدعاية و اللى هاشوفها فى المعادلة و اهو تراب كندا ولا قرف الدعاية او attitude الناس الرهيب فى مصر

انت طبعا دوس فى المعادلة و اتمرمط ما قلناش حاجة...على الأقل هتبقى ريجيوايتد جوب مش بتشتغل اى حاجة تانى اقصى احلامك 15 دور فى الساعة و دمتم....

بس مش عايزة اصدمك و اقولك ان الناس هنا مش فارقة كتير عن الناس فى اى حتة فى الدنيا...

مادام بتعمل كستمر سيرفيس يبقى استحمل العاهات اللى هتقابلك..

انا كنت فاكرة انى هلاقى ناس من طينة تانية...طلع الوحلة هى...هى...

يعنى سعد زغلول قالها ...

مافيش فايدة

لا يا سوسو لا ماهى العاهات درجات فى عاهات مستديمة و native كدة فى الناس نحن نختلف عن الاخرون

[Salwa]

يا سلام يا سلوتى...بانبسط لما انكشك و تيجى تردى على طول...قوليلى اخبار الأسبرسو ايه؟؟

عايزين نتقابل فى موضوع الأحلام المؤجلة بينقح عليا قوى اليومين دول ...ومستغربة من نفسى قوى ...بجد يعنى

=======================

ازيك ياسوسو ..

بجد يعنى لابد انفذ لك كل رغباتك ..

ياللا بينا على هناك ...حانحكى حكاوى ..

بس مفيناش بقى من التأثر وكدة يعنى ..

ماشى ياسوسو ...

وعندك حق وانا سبق وقلتها ...بلاش نأجل رغباتنا وأحلامنا..

ولماذا اؤجل رغباتى ؟؟؟

لنرفض كل الأحلام المؤجلة ..

سلام مؤقت.... :clappingrose:

[morino]

دكتورة سوسو انا ليا سؤال هو التامين الصحى للمهاجر بيدا من امتى بمجرد الوصول يعنى انا بفكر انى اسافر قبل باقى افراد الاسره فهل ال3 شهور بتوع التامين بيتحسبوا بمجرد وصول الmain applicant ولا لكل افراد الاسره لان ابنى له ظروف صحية خاصةوشكرا

[SoSo R]

دكتورة سوسو انا ليا سؤال هو التامين الصحى للمهاجر بيدا من امتى بمجرد الوصول يعنى انا بفكر انى اسافر قبل باقى افراد الاسره فهل ال3 شهور بتوع التامين بيتحسبوا بمجرد وصول الmain applicant ولا لكل افراد الاسره لان ابنى له ظروف صحية خاصةوشكرا

كل واحد بمجرد ما عاتب البلد هو حالة بمفرده ....يعني إنت يتحسبلك ال-3 شهور لما توصل و تستقر لو ماشي و راجع تاني يبا أدم لما ترجع تاني...و ما ينفعش حد يقدم لحد من عيلتو مش موجود في البلد.

[MZohairy]

دكتورة سوسو انا ليا سؤال هو التامين الصحى للمهاجر بيدا من امتى بمجرد الوصول يعنى انا بفكر انى اسافر قبل باقى افراد الاسره فهل ال3 شهور بتوع التامين بيتحسبوا بمجرد وصول الmain applicant ولا لكل افراد الاسره لان ابنى له ظروف صحية خاصةوشكرا

كل واحد بمجرد ما عاتب البلد هو حالة بمفرده ....يعني إنت يتحسبلك ال-3 شهور لما توصل و تستقر لو ماشي و راجع تاني يبا أدم لما ترجع تاني...و ما ينفعش حد يقدم لحد من عيلتو مش موجود في البلد.

عندنا بيحسبوا كسر الشهر بشهر

يعني لو وصلتي 25 يناير

يبقى انتي تحت التأمين من اول ابريل

[morino]

اشكرك يا دكتورة على اجابتك واشكر الباشا الكبير عميد المصريين فى قانكوفر

[maroshka]

دكتورة سوسو ... تحياتي لك وتمنياتي لك بكل التوفيق وماتغيبيش علينا بحكاياتك وتجاربك المفيدة في كندا ..

انا كان لي استفسار .. هو ليه معظم الصيادلة اللي بيسافروا او بيفكروا يسافروا كندا مابيفكروشش غير في شغل الصيدليات الخارجية (community pharmacy )

انا لاحظت الموضوع ده من خلال قراءاتي لمواضيع كتير في هجرة الصيادلة .. ومحدش ذكر او اسرد تجربة عن طبيعة الشغل في المستشفيات كصيدلي مستشفيات او اكلينيكي ..

لو عند حضرتك فكرة عن الموضوع ده ياريت تفيدينا بمعلوماتك ...

ولك مني جزيل الشكر والتقدير

[مصرية و أفتخر]

دكتورتنا سوسو -العميلة 005- تحياتى

بصى بقى يا ستى........بما اننا زمايل مهنة واحدة(صاحبتك صيدلة القاهرة دفعة 99,انتى كام؟؟؟) و بما اننا-أنا و أسرتى- ناويين نطلع على كندا ان شاء الله بس احنا لسه فى أول المشوار خالص.......و بما انى لسه فى بدايات القهوة بتاعتك و مش عارفة امتى ممكن ألحق اقرا باقى ال 122 صفحة.........

و لكل الأسباب اللى قلتها دى و لأسباب تانية كمان- مش هاقولها إلا لما تدونى رقم سرى فى طابور المهاجرين بتاعكو............

باقول يا ستى كنت عايزة اطمن عليكى.........بقالك مده مش ظاهرة,يا رب يكون خير

[mshehab]

دكتورة سوسوأنا وقعت وانتي استلقتيني أنا مش عارفة ازاي بقالي 3 سنين بتابع المنتدى ده و مشفتش موضوعك المهم ده قبل كده.

ارجوكي أنا حعمل لاندنج في ادمونتون علشان انا مخلصة EE و البرتا نظامها الدخول في الانترن شب مباشرة بعد EE لمدة ست شهور و بعدين نمتحن QE و ناخد الترخيص

تعرفي أي معلومات اذا كانت المهازل اللي بتحكي عنها ده موجودة هناك ايضا و لا ايه النظام؟

شكرا على وقتك و مساعدتك للغلابة امثالي :)