أونتاريو ترحب بـ سوسو

[SoSo R]

فيه حاجتين هاحكيهم بمناسبة كلام باشمهندس زناتى عن المعادلة...

أول حاجة إن المهندسين هنا بيلبسوا حاجة زى الدبلة المعدن فى صباعه الصغير

المهم لاحظتها إزاى؟؟

واحد صاحب جوزى من زمان... لاقيته لابس فى إيده الشمال الشىء دة

قلت فى عقلى يمكن شاب روش ولا حاجة...ودى علامات الرواشة :happy:

بعدين شفت واحد تانى ...نفس الحكاية

بعدين واحدة ست متجوزة و كبيرة فى السن :blink: لابساها

لأ بقى دى مؤامرة!!!! :ninja:

المهم سألت صاحب جوزى ...هو خير اللهم أجعله خير...إيه اللى أنت لابسه فى إيدك

ضحك و قال لى... إحنا دفعنا 30 ألف دولار للجامعة راحوا إدونا الدبلة دى

و القصة ...إن كان فيه كوبرى كبير مبنى فى كندا وقع و مات فيه ضحايا كتير دة كان بسبب خطأ فى التصميم...ماعرفش حصل إمتى.. عشان ماحدش يسألنى

فعملوا من الحديد بتاع الكوبرى خواتم للمهندسين يلبسوها كذكرى للناس اللى ماتت

و يفكر المهندسين و هما بيمضوا على التصاميم... إن أرواح الناس فى إيديهم !!!

عقبال يا باشمهندس زناتى لما نشوفك لابس الدبلة ...و تبقى متجوز المدام و المعادلة الكندية :happy:

وتبقى جوز الأتنين...بس جهز المدام نفسيا لضرتها :Icecream:

تحياتى

سوسورانى

فين بقي الحاجة التانية اللي ح تحكي عليها؟؟؟؟؟؟؟

ولا هي كروتة يعني؟؟؟؟؟؟

:)

سمسمة حبيبة قلبى...أخبارك إيه؟؟

هى دى الناس الصاحية ...برضه فيه فرق بين اللى حافظ و اللى فاهم :happy:

معلهش هاحكى بس كمان شوية...مش هاكروت ولا حاجة

تحياتى

سوسورانى

[SoSo R]

فيه حاجتين هاحكيهم بمناسبة كلام باشمهندس زناتى عن المعادلة...

أول حاجة إن المهندسين هنا بيلبسوا حاجة زى الدبلة المعدن فى صباعه الصغير

المهم لاحظتها إزاى؟؟

واحد صاحب جوزى من زمان... لاقيته لابس فى إيده الشمال الشىء دة

قلت فى عقلى يمكن شاب روش ولا حاجة...ودى علامات الرواشة

بعدين شفت واحد تانى ...نفس الحكاية

بعدين واحدة ست متجوزة و كبيرة فى السن :happy: لابساها

لأ بقى دى مؤامرة!!!!

المهم سألت صاحب جوزى ...هو خير اللهم أجعله خير...إيه اللى أنت لابسه فى إيدك

ضحك و قال لى... إحنا دفعنا 30 ألف دولار للجامعة راحوا إدونا الدبلة دى

و القصة ...إن كان فيه كوبرى كبير مبنى فى كندا وقع و مات فيه ضحايا كتير دة كان بسبب خطأ فى التصميم...ماعرفش حصل إمتى.. عشان ماحدش يسألنى

فعملوا من الحديد بتاع الكوبرى خواتم للمهندسين يلبسوها كذكرى للناس اللى ماتت

و يفكر المهندسين و هما بيمضوا على التصاميم... إن أرواح الناس فى إيديهم !!!

عقبال يا باشمهندس زناتى لما نشوفك لابس الدبلة ...و تبقى متجوز المدام و المعادلة الكندية :)

وتبقى جوز الأتنين...بس جهز المدام نفسيا لضرتها :Icecream:

تحياتى

سوسورانى

يا صلاة النبي يا صلاة النبي

كوبري وقع من زمان واحنا يلبسونا الحديد بتاعة ؟؟؟ طب افرض نصيبي جت في حتة من العمود مثلا ..البس الدبله في فخدي بدل صباعي مثلا ؟

طب دة كلام ؟؟؟

هو انا ناقص عفرتة

يعني الواحد جتته خالصة علشان يطلعلي عفاريت من صباعي الصغير كمان :happy: :happy:

واللي كان سواق تريله واللي كان شارب ساعات ما مات يعني عفاريت مستوية في جهنم كمان

طب مهندس واطي وغلط من زمان ..يلبسونا احنا العار في دبله ليه يعني؟؟ وحديد كمان ؟

لا وانا مراتي كمان مهندسة

يعني عازالها هيا كمان خاتم معفرت

يعني العفاريت هاتشتغلنا طول الليل احنا الاتنين ..بس هيا هاتاخد توكيل العفاريت الحريمي بقة ؟؟

ويقولولنا ليكم 7 طلبات *2 يعني 14 طلب والسلطات بره

هم يضحك وهم يبكي والله

ماتحرمش منك يا دكتره على المعلومات المرعبة دي

بس ياريت لو تعرفلنا جامعة الاشباح دي اللي دفعولها 30 الف علشان الدبله السحرية اسمها ايه علشان ابدا اراسلهم من دلوقتي نشوف عاوزين ايه

جايز عايزين شعرة ديك اخضر يتيم والا عرسة حامل بتتوحم مع الشهادات جايز

وصحيح على راي م سمية ؟؟؟ اومال الحاجة التانية ايه ؟؟؟ والا تشويق ومتعة للحلقة الجاية ؟؟ :ninja: ))

وادفع تلاتين الف دولار في دبله ليييييييييييييييييييييييييييييييييييه ؟؟ هاخطب مارلين مونرووووووو

تصدق ...جميلة مداخلاتك و خلتنى أضحك و أبتسم رغم كل الألم اللى حاسة بيه دلوقتى....

على العموم ..الخواتم مش معفرتة ولا حاجة لأن الحديد بتاع الكوبرى خلص من زمااان

يعنى مش هايعفرتك ولا حاجة...دة بس رمز إنك مسئول عن أرواح الناس بتوقيعك على أى تصميم تعمله

والجامعة هى يو أوف تى...جامعة تورنتو يعنى...

شد حيلك بقى و حوش ال30 ألف دولار بسرعة

تحياتى

سوسورانى

[SoSo R]

حمد لة ع السلامة

يا سوسو

ربنا معاكى ان شاء اللة ويكرمك

يا رب نباركلك كولنا قريب ان شاء اللة

إنجى حبيبة قلبى...من ساعة مارجعت و أنا مستنياكى تظهرى...عشان أقولك أنا هنا يا سلامة...

سلامة أنا هنا يا سلااااامة!!!

بس أنتى مش باينة خالص

خلى بالك...

فى حملة فىالمنتدى

بتمسك الناس اللى بيكتبوا غلط...

و أنتى مداخلتك دى توديكى السجن بالغلطات الأملائية اللى فيها :Icecream:

تحياتى

سوسورانى

[znaty]

الم ايه بس كفي الله الشر ؟

الف سلامة عليكي

ان شاء الله تطمنينا عليك وتمشي امورك كلها احسن من اللي انت رسماها

اكيد ربنا راسملك الخير

وشكرا على اسم الجماعة هابدا التدوير من دلوقتي

مستنيين حكاويكي على طول :Icecream:

[SoSo R]

إمبارح و النهاردة من أسوء أيام حياتى :Icecream:

حاسة بإختناق...ومش قادرة حتى أتكلم و أفضفض

أول سبب ...ماعديتش إمبارح فى الرود تيست للG

نافورة من الدموع إتفتحت...ومش عارفة أوقفها

اللى زود الموضوع ..سفر جوزى النهاردة

بصراحة حاسة بكمية ألم وحزن و خنقة مش طبيعية...

رغم إن كنت باحاول أقلم نفسى من بدرى...

بس لما الموضوع بقى بجد...

مش قادرة....ببساطة كل اللى كنت ناوية أعمله ما عملتوش

و منهارة جدا

المفروض أبقى عادى و متماسكة خصوصا قصاد البنات...ما فيش دموع ولا عياط قصادهم

بس أنا بشر...مش آلة ..هادوس على زرار هابقى تمام و زى الفل ومش حاسة بحاجة!!!

إدعولى يا جماعة...لأن أصعب أيام هى أولها لحد ما أتعود

محتاجة مساندة نفسية و معنوية.....

أنا مش عارفة ليه باكتب الكلام دة...بس يمكن أعتبرت دى طريقة من الفضفضة و التنفيس

سامحونى لو كنت ضايقتكوا...و أنا معوداكم دايما على الأبتسامة و الضحكة

بس بجد غصب عنى..و إحساسى إنى وسط أخواتى و أهلى

تحياتى

سوسورانى

[safaalabana]

تصدق ...جميلة مداخلاتك و خلتنى أضحك و أبتسم رغم كل الألم اللى حاسة بيه دلوقتى....

تحياتى

سوسورانى

سلامتك يا سوسو ....ايه حكاية كل الالم دى.....؟؟؟؟؟؟؟.....ياريت نقدر نخفف عنك شويه .....طمنينى عليكى....هو كل اللى بيروح كندا اليومين دول يا بيتألم لا بيختفى ...زربنا يطمنا عليكم :Icecream:

[poulaemad]

إمبارح و النهاردة من أسوء أيام حياتى :Icecream:

حاسة بإختناق...ومش قادرة حتى أتكلم و أفضفض

أول سبب ...ماعديتش إمبارح فى الرود تيست للG

نافورة من الدموع إتفتحت...ومش عارفة أوقفها

اللى زود الموضوع ..سفر جوزى النهاردة

بصراحة حاسة بكمية ألم وحزن و خنقة مش طبيعية...

رغم إن كنت باحاول أقلم نفسى من بدرى...

بس لما الموضوع بقى بجد...

مش قادرة....ببساطة كل اللى كنت ناوية أعمله ما عملتوش

و منهارة جدا

المفروض أبقى عادى و متماسكة خصوصا قصاد البنات...ما فيش دموع ولا عياط قصادهم

بس أنا بشر...مش آلة ..هادوس على زرار هابقى تمام و زى الفل ومش حاسة بحاجة!!!

إدعولى يا جماعة...لأن أصعب أيام هى أولها لحد ما أتعود

محتاجة مساندة نفسية و معنوية.....

أنا مش عارفة ليه باكتب الكلام دة...بس يمكن أعتبرت دى طريقة من الفضفضة و التنفيس

سامحونى لو كنت ضايقتكوا...و أنا معوداكم دايما على الأبتسامة و الضحكة

بس بجد غصب عنى..و إحساسى إنى وسط أخواتى و أهلى

تحياتى

سوسورانى

لأ لأ يا سوسو احنا مش متعودين منك على كده حاولى تتماسكى كده ثم ايه يعنى الامتحان ده المره الى جايه حتدخلى وحتنجحى علطول ان شاء الله

وبالنسبه لسفر زوج حضرتك انا مش عارفه هو حيسافر فتره اد ايه بس هو ان شاء الله حتيقى فتره بسيطه وحتعدى علطول

وبعدين كده حتزعلينى منك ما هو احنا اخواتك اهه فى المنتدى معاك علطول يعنى انت مش لوحدك خالص ولا انت رايك ايه

[safaalabana]

إمبارح و النهاردة من أسوء أيام حياتى :)

حاسة بإختناق...ومش قادرة حتى أتكلم و أفضفض

أول سبب ...ماعديتش إمبارح فى الرود تيست للG

نافورة من الدموع إتفتحت...ومش عارفة أوقفها

اللى زود الموضوع ..سفر جوزى النهاردة

بصراحة حاسة بكمية ألم وحزن و خنقة مش طبيعية...

رغم إن كنت باحاول أقلم نفسى من بدرى...

بس لما الموضوع بقى بجد...

مش قادرة....ببساطة كل اللى كنت ناوية أعمله ما عملتوش

و منهارة جدا

المفروض أبقى عادى و متماسكة خصوصا قصاد البنات...ما فيش دموع ولا عياط قصادهم

بس أنا بشر...مش آلة ..هادوس على زرار هابقى تمام و زى الفل ومش حاسة بحاجة!!!

إدعولى يا جماعة...لأن أصعب أيام هى أولها لحد ما أتعود

محتاجة مساندة نفسية و معنوية.....

أنا مش عارفة ليه باكتب الكلام دة...بس يمكن أعتبرت دى طريقة من الفضفضة و التنفيس

سامحونى لو كنت ضايقتكوا...و أنا معوداكم دايما على الأبتسامة و الضحكة

بس بجد غصب عنى..و إحساسى إنى وسط أخواتى و أهلىافر بالسلاما

يا سوسو يا حبيبتى انتى قدها وقدوود هو ده اللى مزعللك .....بكره تاخدى الرخصه الدوليه فى الطيران بس الصبر وبعدين زوجك سافر يوصل بألف سلامه أنا حاسه بيك جدااااا ...ولكن... دى هى الضريبه ...ولازم تستحملى وان شاء الله ايام وهتعدى بسرعه وأهو ياستى توحشوا بعض شويه وتعيشوا أيام الرومانسيه صدقينى يا سوسو ...يالا...قومى اغسلى وشك الجميل ....ومتخافيش كلنا معاك :Icecream:

[znaty]

ادي بقة ضريبة النجاح يا د سوسو

لازم تتعبي شوية علشان تحسي بالراحة بعدين

موش كلام انشا والله بس بجد

تخيلي معايا كدة بعد 5 سنين من دلوقتي ان شاء الله

انتي وجوزك مواطنين كنديين انت شغالة في مستشفي او شركة ادوية او توكيل ادوية شغالانة مستقره ودخلها معقول

وجوزك نفس الكلام ماعرفش شغال ايه بس بردة مستقر

وبناتك بيتعلموا احسن تعليم

عايشين في فاميلي هاوس جميل وباك يارد بحمام سباحة وعربيات نضيفة وحياة مستقرة من غير كفيل ولا قرف ولا بهايم بتفتكر انها بتتحكم فيكي بفلوسها وهما من غيرك اصلا مايعرفوش يعيشوا عموما احساس عام بالغربة وانت في الكويت والغربة لما تنزلي مصر كمان

الخوف من الاضرار للنزول مصر وتضطري تعيشي بدخل مايكفيش 10 ايام في مصر

حتى لو فكرتوا تتنقلوا بعد كدة لاي حتة في العالم كفاية الخبرة والجنسية الكندية

كل دي حاجات تخليكي تجمدي وتستحملي اول ايام الغربة الصعبة

انت على راي الجيش ...لسة جيشك حلبة

كل اللي انت حاسة بيه طبيعي جدا دة انت بقالك ايام معدودة ؟؟

بكرة تفتكريها وتضحكي

انت فكرتيني بنفسي وانا جاي السعودية اول 6 شهور

اكتئاااااااااااااااب فظيييييييييع

تصدقي بالله؟؟؟

انا مراتي نفسها ناخد الفيزا ونسافر مع اني موش ناوي اعمل غير لاندنج بس الوقت

عارفة ليه ؟؟

عايزة تخرج من سجن السعودية وتعمل معادلة والا تذاكر والا تعمل اي حاجة بس تثبت نفسها حتى لو هاتعيش لوحدها في كندا

بصي للموضوع من جانب تاني

انت قدها وقدود وقدامك الفرصة تاني وتالت تثبتي نفسك

وبعدين طبيعي ماتنجحيش في الامتحان وانت في حالة عدم الاستقرار والسربعة دي

لسة شوية خدي على المود واسمحي لنفسك بالتكيف مع الدنيا الجديدة الاول وافهمي كل حاجة وبعدين امتحني

واهو طالما جوزك رجع للكويت يعني فيه مصدر دخل يبقي مافيش داعي مؤقتا للقلق

وعاوزة نصيحتي

الوحيد اللي ممكن يطلعك من المود دة هو الله عز وجل

الا بذكر الله تطمئن القلوب

خشي اتوضي وصلي لله بخشوع واسالية بصدق وحرارة انه يساعدك ويثبتك ويقف جنبك

ربنا هايفرح بالدعاء دة اوي وكفاية انه يبقي معاكي

وهاتشوفي الفرق والسكينة اللي هاتحسي بيها

اذا استعنت فاستعن بالله

يا نهار ابيض ؟؟ هو الامتحان المدعوء اللي سقطتي فيه دة كان امتحان رخصة قيادة ؟؟

اشوف فيكي يوم يا سوسو ؟؟؟دة انا قعدت سنة شاري عربية في مصر وماعييش رخصة وسقطت 4 مرات في الرخصة مع اني باعرف اسوق وجايب واسطة خالي رئيس نيابات محافظة بحالها

وبردة كنت باسقط ؟؟؟

يا شيخة وقعتي قلبي

[moheltohamy]

إمبارح و النهاردة من أسوء أيام حياتى :happy:

حاسة بإختناق...ومش قادرة حتى أتكلم و أفضفض

أول سبب ...ماعديتش إمبارح فى الرود تيست للG

نافورة من الدموع إتفتحت...ومش عارفة أوقفها

اللى زود الموضوع ..سفر جوزى النهاردة

بصراحة حاسة بكمية ألم وحزن و خنقة مش طبيعية...

رغم إن كنت باحاول أقلم نفسى من بدرى...

بس لما الموضوع بقى بجد...

مش قادرة....ببساطة كل اللى كنت ناوية أعمله ما عملتوش

و منهارة جدا

المفروض أبقى عادى و متماسكة خصوصا قصاد البنات...ما فيش دموع ولا عياط قصادهم

بس أنا بشر...مش آلة ..هادوس على زرار هابقى تمام و زى الفل ومش حاسة بحاجة!!!

إدعولى يا جماعة...لأن أصعب أيام هى أولها لحد ما أتعود

محتاجة مساندة نفسية و معنوية.....

أنا مش عارفة ليه باكتب الكلام دة...بس يمكن أعتبرت دى طريقة من الفضفضة و التنفيس

سامحونى لو كنت ضايقتكوا...و أنا معوداكم دايما على الأبتسامة و الضحكة

بس بجد غصب عنى..و إحساسى إنى وسط أخواتى و أهلى

تحياتى

سوسورانى

العزيزة/ سوسوراني...

مش دي سوسوراني الجامدة اللي احنا عارفينها ، اللي دايماً بروحها المرحة بتهوّن علينا بلاوينا!

بصي يا ستي...

لو جينا نحلل أسباب الحالة النفسية الأطران اللي انتي فيها حالياً... أول سبب ده هجص في الهجايص. دا أبو سعد نفسه ما عدّاش في الـ G من أوّل مرة ، وليه أسبابه اللي هتنزل على قهوته كمان شويّة (بس هوّه يفوق شويّة م النوم اللي فيه حالياً).

إنتي بس محتاجة ممارسة ، مع واحد بُرَم زي ماليك كده ، يظبّطك ، ويدّيكي البرشام بتاع الامتحان زي ورق مصباح كده (أبقى أبعتلك بياناته لو تحبي)

يبقى إذن أول أسباب الزعل مالهاش أي داعي أصلاً أساساً يعني!

نيجي بقى للسبب الرئيسي اللي طبيعي إنه يجيبلك الكآبه...

بصي يا سوسوراني... إنتي أدام خيارين أحلاهما مر ؛ يا يستقر جوزك معاكي في كندا ، ورزقك ورزقه على الله ، وتفضلوا تصرفوا انتو الـ 2 من الرصيد اللي قعدتوا سنين تحوّشوا فيه ، وساعتها هتبقوا stressed ، وكل يوم بيعدّي بييجي على أعصابكم ، ويمكن كمان تكرهوا البلد فيها!

يا إما تستحملوا الفراق لفترة طالت أو قصرت ، فهي بسيطة ، وفي المقابل كل واحد منكم وراه مسئولية ؛ هوّه يوفر الدخل اللي يكفي أسرته المتغرّبة ، وتبقى مرتاحة من نقطة المادّيّات مؤقتاً على ما تلاقي مصدر كندي (على رأي زناتي) ، وانتي مسئوليتك تخلّي بالك من البنات ، ومن مصاريفك ، وخطوة خطوة تعملي خطوات التأقلم مع البلد (من الرخصة ، للمعادلة ، لأي شغل كاجوال لو أتيحت لك الفرصة أو الوقت ، إلخ).

واللي ممكن يهوّن عليكي الوحدة شوية إنه يكون على اتصال يومي بيكي ، ساعتين تلاتة كل يوم (أتمنى تكوني أخدتي درس من قهوة التهامي هورتونز واشتريتي الماجيك جاك! مش بندّن احنا في مالطة!)

أنا كنت باعمل كده مع هند بعد اللاندينج مباشرة (بس على حساب البريمة :happy: ). وكنت كما لو إني عايش معاها يوم بيوم ، ويوميّاً أسمع شكاوي ، ومعلش أنا آسف ، حقك عليّا ، كندا وحشة ، همه كخين... إلى آخر الاسطوانة اللي كلنا عارفينها :Icecream:

الامتحان ده يا ستي (إدارة أحوال الأسرة الصغيرة في البلد الجديدة) ما فيهوش أوبشن هانجح ولاّ لأ... لازم تقدري. وانا كنت أتخيّل إنك زي هند ؛ independent woman ؛ تعرف تتصرّف ، وتسد في الزنقات ، وبميت راجل ، مش لخمة! هتلخبطي الصورة دي دلوقتي؟! :)

عموماً ، شدي حيلك ، وطمنينا عليكي ، في انتظار أخبارك ، ولو فيه أي طريقة نساعدك بيها في الوقت العصيب ده ، مش هنتأخر.

وبالتوفيق يا رب

[حسام يوسف]

الف سلامة على ايدك يا دكتور سوسورانى

وان شاء الله وكلي ثقة فيكي تعدي الفترة الأولى دي

خالص تحياتى وأمنياتى بالتوفيق

[bent misr]

عزيزتي سوسوراني :wub:

اوعي تضعفي :closedeyes: معلش أنا مقدره جدا

الموقف الصعب الي انتي فيه و بقائك في كندا لوحدك

مع البنات من غير زوجك شئ صعب بس انتي قدها و قدود :happy:

اصبري و فكري في كلام أخونا زناتي و فعلا مافيش حاجه بتيجي

بالساهل و خليكي دائما مع ربنا و هوه هيهونها عليكي و ان شاء الله

الفتره الصعبه دي تعدي على خير

و احنا هنا كلنا معاكي أول بأول ولا يهمك

اشتكي انتي بس و احنا ندعي و ربنا هيسهلهالك :lol:

[ELSHAMY]

بنتنا الفاضلة سوسو

احنا مش قلنا لك ألف مرة لما كنا بندربك ان السكة دى عايزة نفس طويل.....

يا خسارة تعبى معاكى....

الثبات ...الثبات ...يا سوسو.....خليك جدع و ما تفرحش العدوين فينا.....

كلنا هذه المرأة ......و كلنا هذا الرجل......

تقدر الحياة بما نتركه من أثارنا الجميلة فيها....و ليس ما تتركه فينا من هموم....و انتى بدأتى طريق كانت نيتك فيه محاولة لنسيان ماضى.....و لإصلاح واقع...و بناء مستقبل...

تذكرى أن غيرك عشرات بل مئات يتمنوا أن يكونوا فى مكانك الأن.......

استعينى بالله و اصبرى...." إنما يوفى الصابرون أجرهم بغير حساب "

الشامى

[enjisultan]

سوسو

دا انتى املنا فى كاس العالم

حاسة بيكى جدا ربنا يقويكى

مسئولية البنات والغربة مع بعض اكيد كبيرة بس ان شاء اللة تقدرى على الاتنين

طبعا لو اختى بالك انى اخر واحدة ممكن تنصحك حيث انى لسة عمل موضوع وكانت نفسيتى زبالة

ودا انا مسافرة السعودية ومعايا كل الشلة وخايفة جدا

فاكيد وضعك فى مسئولية اكبر الا انك ان شاء اللة انتى ادها وادود

اما بقى عن الكتابة الغلط فنحن يا باشا خليفتك فى الملاعب

انا بحب اكتب غلط واخدة بالك انتى

طمنينا دايما عليكى

[qenawy]

الاخت الفاضلة مدام سوسو

يمكن اول مرة اكتب في توبك حضرتك

لكن الحياة كده والايام الصعبة هي اللي بتخلي احساسنا بالايام الحلوة اجمل

اخوكي اخد ايام سوداء بذاكر الاليتس وكنت عصبي جدا حتي مع اسرتي وفي الشغل

والان بعد الواحد ما حقق المطلوب اشعر بالسعادة ونسيت الهم فانت بصي لقدام فترة وهتعدي علي خير

تعالي اقفي هنا في كمين مروري وشوفي التناكة بتاعة حبايبنا وانت ستشعري بالسعادة

تحياتي

[poulaemad]

اخبارك ايه يا سوسو ان شاء الله انهارده تكونى احسن ونفسيتك اتظبطت بالزمه حد يزعل ويتضايق وكل الناس ده عماله تسأل وتطمن عليه يلا فكيها بقى وارجعيلنا بحكايه جديده زى ما احنا متعودين منك

متتأخريش بقى :lol:

[pink rose]

لا يا سوسو يا اوختي

انا باتفرج بس

انا ما اقدرش ابدا اعيش في الصقيع اللي عندكم دا

دا لما درجة الحرارة في الشتا في الرياض بتكون زيرو انا بتبقى حالتي صعبة اوي اقوم اروح لارقام بالماينس كمان

ابتا ابتا ما اقدرش

[laka]

السلام عليكم

أول مرةأكتب في التوبيك بتاع حضرتك ولو اني متابع له باهتمام،بصراحة مش لاقي كلام أكتبه بعد ما سبقني كل الاخوة والأخوات الأفاضل في الرد و ياستي ده الشامي بجلالة قدره كتب فيفضل ايه ناقصك عشان تحسي اننا كلنا معاك . يا 005 مكانش العشم خالص انك تستسلمي كدة بالسهولة دي و تشمتي فينا الأعداء( حلوة العبارة دي ) بس الصراحة الوضع صعب و أنا كمان بكيت جدا لما اتغربت عشان الدراسة صحيح ساعتها كان عمري 18 سنة بس الشعور يخلي أي واحد يبكي. انظري للأمام و كلها شهور و الأمور تبقى العال العال وساعتها ابقي افتحي الصفحة دي واضحكي على روحك.سلام والله الموفق

[MZohairy]

انتي طلعتي اونطه يا سوسوراني

كل ده عشان جوزك سافر و سقطي في الرود تست؟

يا ستي اعتبري نفسك دخلتي الجيش!!!

و بعدين اهي فرصه عشان تحبوا بعض اكتر و تشتاقوا لبعض اكتر

حاكم القعده وش في وش و بوز في بوز كتير دي بتودي في ستين داهيه

ممكن تحكيلنا ايه اسباب سقوطك في الرود تست؟

[أحمد سيف]

طبعا ما فيش حاجه أقدر أضيفها على اللي قاله أساتذتنا ودكاترتنا الكبار ... الحياه كفاح وكل حاجه حلوه في الدنيا ليها ثمن ... من حقك طبعا تزعلي بسبب بعد زوجك عنك وبقاءك لوحدك في الغربة لكن المهم إن الزعل ده لا يتحول الى قرارات غير مدروسه تضيع كل اللي سعيتي وراءه سنين وحققتيه بالصبر والجهد ... ربنا يوفقك وييسر ليكي أمورك ونسمع عنك أخبار حلوه قريب إن شاء الله.

تم تعديل 22 يوليو 2009 بواسطة أحمد سيف