أونتاريو ترحب بـ سوسو

[Nassarlink]

:rolleyes: :rolleyes: مبرووووووووووووووووووووووووووووك

مبررررررررررررررررررررك

مبرووووووووووووك

مبروك ليكي ولينا

يارب يكتر افراحك

وعلي قد نيتك يعطيكي

[precanadian]

الف مبروك دكتوره سوسوراني وانشاء الله من تقدم الي تقدم اخر. وعقبال متفرحينا بنجاح اولادك ان شاء الله. :rolleyes:

تصدق أنا لسه واخدة بالى من حاجة دلوقتى

أنت كتبت مداخلة بعد دى

و بعدين حررتها ..لأ مش حررتها من الأسر ..إفهمنى

قصدى عملتلها إديت وحطيت 3 من دى

طبعا أنا كنت ناوية على فضيحة عشان أفهم أنت كتبت إيه ورجعت فيه :happy:

شتومة يعنى ولا إيه؟؟؟؟؟؟؟؟؟؟؟؟

لما جيت رديت ...مالقيتهاش من أصله

طبعا أكيد فى حد تواطىء معاك و شال المداخلة

ما انت ليك ضهر فى المنتدى و بتستعين بصديق

دلوقتى بأه و بصراحة فييييييييييييييين العقد؟؟؟ :rolleyes:

قصدى فيييييييييييين المداخلة؟؟

رد بسرعة

تحياتى

سوسورانى

هي دي يا سيدتي المداخله معرفتش انزلها علشان ال كليب بتاع حماده هلال بيشتغل مع اغنيه عبد الحليم وبتبقي كانك في محطه مصر فمسحتها علي منقلب صفحه جديده في التوبك يعني ايدي مكنتش فاضيه وانا باهنيك علي النجاح وعقبى لي

وكنت كاتب تمنياتي لك بالتوفيق ولجمع اعضاء باب كندا ربنا يفرح كل الناس ويحقق لهم امانيهم

ام الاخطاء الاملائيه ففي مثل يقول من عاش مع القوم اربعين ليله صار منهم وسبحان الله خطا كيبورد صغير قلب المعني تماما ارجو ان تسامحوني وليغفر الله لنا جميعا

ننزل بالاهداء( من بريكنديان ومدام بريكنديان واحمد ومحمد ورشا وحسين ,وسلوي وتهاني وهناء وخالد الي ماما وبابا بالمنصوره وابن عمه الي في بريمه ترانس اوشن والدكتوره سوسوراني واولادها بتورنتو وبنقولها الف مبروك :lol: :blink:

تم تعديل 31 يوليو 2009 بواسطة precanadian

[qenawy]

الف الف مبروك يا دكتورة سوسو علي النجاح الباهر

بخصوص الصفحة اللي فاتت كانت هتعملي مصيبة في العيادة فتحت الصفحة ودخل زبونتين وفجاة لقيت لك صوت طالع من فين ما اعرفش والله وعملوها الرجالة

رحت طافي كل حاجة في العيادة حتي النور

بس الحمد لله هي كدمتين خفاف

[hamoudi]

الف مبروك ياسوسوراني وعقبال ماتبقي دكتوره صيدليه قد الدنيا وتبقى عندك صيدليه فى تورنتو على شارع رئيسي وجنب مستشفى بس ابقي اعملي مجموعة برد كويسه

تم تعديل 31 يوليو 2009 بواسطة hamoudi

[Princesse]

الف مبروووووك يا سوسوراني...عقبال المعادلة الكبيرة بأذن الله...نجاحك كأنه نجاح لينا كلنا و بيشجعنا..ربنا يوفقك ديما.. :rolleyes: :rolleyes:

و عقبال ما نفرح بنجاح دكتورنا العزيز دكتور تهامي

تم تعديل 31 يوليو 2009 بواسطة Princesse

[أحمد سيف]

ألف مبروك يا دكتوره سوسو وعقبال ما نباركلك على افتتاح صيدلية سوسوراني في تورنتو ونبقي زباين عند حضرتك

[sherifhfm]

مبروك مبروك مبروك -- مبروك عليكم وعلينا

مبروك مبروك يا اعز اخواتنا واهلينا

[SoSo R]

:blink: مبرووووووووووووووووووووووووووووك

مبررررررررررررررررررررك

مبرووووووووووووك

مبروك ليكي ولينا

يارب يكتر افراحك

وعلي قد نيتك يعطيكي

أستاذ نصار...أخبارك إيه؟؟؟

بقالك مدة مش باين

ياسيدى الله يخليك و يبارك فيك ...عقبال الجميع

بس ما لقيتش إلا أغنية ياسمين الخيام ...لأ و محرف فيها كمان

بتفكرنى بماتشات الكورة

نكسب يذيعوها

نخسر يذيعوها :lol:

الف الف مبروك يا دكتورة سوسو علي النجاح الباهر

بخصوص الصفحة اللي فاتت كانت هتعملي مصيبة في العيادة فتحت الصفحة ودخل زبونتين وفجاة لقيت لك صوت طالع من فين ما اعرفش والله وعملوها الرجالة

رحت طافي كل حاجة في العيادة حتي النور

بس الحمد لله هي كدمتين خفاف

الله يبارك فيك دكتور قناوى...

بجد ضحكتنى و أنت بتقول طفيت حتى النور

فكرتنى بفيلم السفارة فى العمارة

مصر جابت جون...مصر جابت جون

فى مين؟؟؟؟؟

مش عارف :rolleyes:

هىي ليه الحكاية قلبت بكورة :happy:

كل أغانى النجاح اللى محطوطة بتاعة كورة

الف مبروك ياسوسوراني وعقبال ماتبقي دكتوره صيدليه قد الدنيا وتبقى عندك صيدليه فى تورنتو على شارع رئيسي وجنب مستشفى بس ابقي اعملي مجموعة برد كويسه

:lol:

مجموعة برد!!!!

أنا آخرى أبيع نوفالجين سريع

وبيزنس الصيدليات هنا نظام تانى...ودنيا تانية

عاملين زى الأخطبوط

المهم الله يبارك فى حضرتك ...يا أستاذ حمودى

ألف مبروك يا دكتوره سوسو وعقبال ما نباركلك على افتتاح صيدلية سوسوراني في تورنتو ونبقي زباين عند حضرتك

الله يبارك فيك يا أستاذ أحمد

إفتتاح صيدلية....مرة واحدة

أنا قلت هافتح كشك أدى فيه حقن

وأسميه

كشك سوسورانى حقنة

زى سيد حقنة :rolleyes:

تحياتى

سوسورانى

مبروك مبروك مبروك -- مبروك عليكم وعلينا

مبروك مبروك يا اعز اخواتنا واهلينا

ياسمين الخيام....تاااااااااااانى

ممكن أسمع حاجة عمرو دياب

تحياتى

سوسورانى

تم تعديل 31 يوليو 2009 بواسطة SoSoRaNy

[SoSo R]

الف مبروك دكتوره سوسوراني وانشاء الله من تقدم الي تقدم اخر. وعقبال متفرحينا بنجاح اولادك ان شاء الله.

تصدق أنا لسه واخدة بالى من حاجة دلوقتى

أنت كتبت مداخلة بعد دى

و بعدين حررتها ..لأ مش حررتها من الأسر ..إفهمنى

قصدى عملتلها إديت وحطيت 3 من دى

طبعا أنا كنت ناوية على فضيحة عشان أفهم أنت كتبت إيه ورجعت فيه

شتومة يعنى ولا إيه؟؟؟؟؟؟؟؟؟؟؟؟

لما جيت رديت ...مالقيتهاش من أصله

طبعا أكيد فى حد تواطىء معاك و شال المداخلة

ما انت ليك ضهر فى المنتدى و بتستعين بصديق

دلوقتى بأه و بصراحة فييييييييييييييين العقد؟؟؟

قصدى فيييييييييييين المداخلة؟؟

رد بسرعة

تحياتى

سوسورانى

هي دي يا سيدتي المداخله معرفتش انزلها علشان ال كليب بتاع حماده هلال بيشتغل مع اغنيه عبد الحليم وبتبقي كانك في محطه مصر فمسحتها علي منقلب صفحه جديده في التوبك يعني ايدي مكنتش فاضيه وانا باهنيك علي النجاح وعقبى لي

وكنت كاتب تمنياتي لك بالتوفيق ولجمع اعضاء باب كندا ربنا يفرح كل الناس ويحقق لهم امانيهم

ام الاخطاء الاملائيه ففي مثل يقول من عاش مع القوم اربعين ليله صار منهم وسبحان الله خطا كيبورد صغير قلب المعني تماما ارجو ان تسامحوني وليغفر الله لنا جميعا

ننزل بالاهداء( من بريكنديان ومدام بريكنديان واحمد ومحمد ورشا وحسين ,وسلوي وتهاني وهناء وخالد الي ماما وبابا بالمنصوره وابن عمه الي في بريمه ترانس اوشن والدكتوره سوسوراني واولادها بتورنتو وبنقولها الف مبروك :blink:

أيوة يا دكتور...قلت لى من عاشر القوم حصل له إيه؟؟؟

يا إتقتل يا إدبح :rolleyes:

صح مش هو المثل كدة :rolleyes:

أنا باضحك معاك يا دكتور بريكناديان....وبعدين أنا مش باصلح لك ولا حاجة

كل الحكاية إن نصار فى مكان ما فى توبيك ما...كتبها كدة

فاتصلحت له بالأحمر...فأنا باحكيلك اللى حصل بس بالسيم

و أنت فهمتنى غلط

شيل من دماغك

حلو كليب النجاح...بس أنت نزلت بيه قبل كدة :lol:

يا ترى فين؟؟؟؟ :lol:

لكن إيه الأهداء التحفة دة...

وهو واضح إن الأهداء لبابا و ماما....مش لسوسورانى

و مين إبن عمك اللى فى ترانس أوشن دة :happy: ...

ودة كمان داخل فى الأهداء و أنا ....

أنا و أعوذ بالله من كلمة أنا

صاحبة الليلة دى!!!!

إسمى إخر واحدة فى الأهداء

يلا رزقنا على الله

الف مبروووووك يا سوسوراني...عقبال المعادلة الكبيرة بأذن الله...نجاحك كأنه نجاح لينا كلنا و بيشجعنا..ربنا يوفقك ديما..

و عقبال ما نفرح بنجاح دكتورنا العزيز دكتور تهامي

الله يبارك فيكى يا أميرة...

حلوة المعادلة الكبيرة....

بتفكرنى بالشهادة الكبيرة كدة

و المسامحة اللى قال عليها زوهيرى

عقبال ما تاخدى قرار الهجرة ...وتبتدى فيه

تحياتى

سوسورانى

[precanadian]

أيوة يا دكتور...قلت لى من عاشر القوم حصل له إيه؟؟؟

يا إتقتل يا إدبح

صح مش هو المثل كدة

المثل اتعدل من التسعينات لما الزوجات بدات تعبي ازواجهم في اكياس وتوزعهم :lol: :lol:

ربنا يستر ويجعل كلامنا خفيف علي كل بنات حواء

أنا باضحك معاك يا دكتور بريكناديان....وبعدين أنا مش باصلح لك ولا حاجة

كل الحكاية إن نصار فى مكان ما فى توبيك ما...كتبها كدة

فاتصلحت له بالأحمر...فأنا باحكيلك اللى حصل بس بالسيم

و أنت فهمتنى غلط

شيل من دماغك

والله عارف انك بتضحكي وعلي فكره انت سالتي عن تخصصي واعتقد ممكن تعرفيه من مداخله واحده في المنتدي عملتها . B)

حلو كليب النجاح...بس أنت نزلت بيه قبل كدة

يا ترى فين؟؟؟؟

اخص عليكي يا 005 اي نعم ملاحظه قويه لكن كان لازم تعرفي

عموما الكليب ده الحته الزفره الي باخدها معايا وانا جي المنتدي في اي مناسبه نجاح

إبن عمك اللى فى ترانس أوشن

تاني مره يخونك تركيزك يا دكتوره

ابن عمي الي في ترانس اوشن ده اخونا الحبيب دكتور تهامي ( كان له من التهنئه نصيب معرفش ليه جا علي بالي وانا بنزل المداخله))

تحياتي لحضرتك وربنا يوفقك في باقي المعادله ال G ليسينس

[SoSo R]

أيوة يا دكتور...قلت لى من عاشر القوم حصل له إيه؟؟؟

يا إتقتل يا إدبح

صح مش هو المثل كدة

المثل اتعدل من التسعينات لما الزوجات بدات تعبي ازواجهم في اكياس وتوزعهم :lol: :lol:

ربنا يستر ويجعل كلامنا خفيف علي كل بنات حواء

أنا باضحك معاك يا دكتور بريكناديان....وبعدين أنا مش باصلح لك ولا حاجة

كل الحكاية إن نصار فى مكان ما فى توبيك ما...كتبها كدة

فاتصلحت له بالأحمر...فأنا باحكيلك اللى حصل بس بالسيم

و أنت فهمتنى غلط

شيل من دماغك

والله عارف انك بتضحكي وعلي فكره انت سالتي عن تخصصي واعتقد ممكن تعرفيه من مداخله واحده في المنتدي عملتها . B)

حلو كليب النجاح...بس أنت نزلت بيه قبل كدة

يا ترى فين؟؟؟؟

اخص عليكي يا 005 اي نعم ملاحظه قويه لكن كان لازم تعرفي

عموما الكليب ده الحته الزفره الي باخدها معايا وانا جي المنتدي في اي مناسبه نجاح

إبن عمك اللى فى ترانس أوشن

تاني مره يخونك تركيزك يا دكتوره

ابن عمي الي في ترانس اوشن ده اخونا الحبيب دكتور تهامي ( كان له من التهنئه نصيب معرفش ليه جا علي بالي وانا بنزل المداخله))

تحياتي لحضرتك وربنا يوفقك في باقي المعادله ال G ليسينس

سعد زغلول قال إيه؟؟؟؟

مافيش فايدة :sad:

يعنى يا دكتور بريكناديان لو أنت عارفنى كويس و فاهم إسلوبى...مش هتقولى إخص عليكى يا 005

و خانك تركيزك...والكلام دة

لأنى فى الواقع عارفة و باستعبط B)

دة سؤال إستعباطى زى السؤال الأستنكارى كدة wst::

يعنى إيه دخل تهامى فى التهنئة بتاعتى

ولا أنت بتظبط أمورك مع الحكومة...قصدى الأدارة على حسى :happy: و بعدين الظاهرة دى تفشت فى الموضوع بتاعى

كل واحد عايز يقول لتهامى حاجة

يقولها هنا

وهو ينزل إعلانات عن قهوته عندى

دة وضع يد بأه :lol: :lol:

قلت لى إيه تخصصك ؟؟؟

وبعدينG إيه

ما خلاص

كله راااااااااااح

تحياتى

سوسورانى

[MZohairy]

ضرع البراعن بين القوافي مفاتن للسائلين عوالم و شروك

هل بات الداني و الغادي محضرا لقول انه لفعلا الف مبروك

[pink rose]

الف مبروك النجاح يا سوسو

و الله انا كنت فاكرة المعاد امبارح و ربنا يعلم اني دعيتلك من قلبي

بس التهنئة متأخرة لاني من امبارح و انا تعبانة عندي ضرس كده مطير النوم من عيني

و ادي يا ستي فضلة خيرك تورتاية pink حاكم انا عارفاكي تموتي في الpink زيي و زي مريم بنتي

من كتر حبها في اللون ال pink عاوزانا نشتريلها قطة pink :lol:

الا صحيح الاقي عندكم في كندا قطة لونها pink اهو يمكن تكون نزلت في الدول المتقدمة قطط بالالوان دي :lol:

الف مبروك مرة تانية و ربنا يوفقك و تحققي كل اللي بتحلمي بيه

تم تعديل 31 يوليو 2009 بواسطة remo

[SoSo R]

خبر حلو تانى...

ربنا كرمه كبير جدا

وبيدى كل واحد على أد تعبه

يا جماعة أنا نجحت فى إمتحان السواقة G2

عقبال ال FULL G

دلوقتى كل واحد يدخل يبارك...يسيب 5 دولار على الباب

عشان نلم تمن العربية :lol:

تحياتى

سوسورانى

[SoSo R]

ضرع البراعن بين القوافي مفاتن للسائلين عوالم و شروك

هل بات الداني و الغادي محضرا لقول انه لفعلا الف مبروك

الله يبارك فيك يا زهيرى باشا

الف مبروك النجاح يا سوسو

و الله انا كنت فاكرة المعاد امبارح و ربنا يعلم اني دعيتلك من قلبي

بس التهنئة متأخرة لاني من امبارح و انا تعبانة عندي ضرس كده مطير النوم من عيني

و ادي يا ستي فضلة خيرك تورتاية pink حاكم انا عارفاكي تموتي في الpink زيي و زي مريم بنتي

من كتر حبها في اللون ال pink عاوزانا نشتريلها قطة pink :lol:

الا صحيح الاقي عندكم في كندا قطة لونها pink اهو يمكن تكون نزلت في الدول المتقدمة قطط بالالوان دي B)

الف مبروك مرة تانية و ربنا يوفقك و تحققي كل اللي بتحلمي بيه

ميرسى يا جميل على التورت الجميلة...ولو إنك غيرتيها يا هانم :happy:

ما أنا عندى 16 سنة ....إيه المشكلة يعنى :lol:

بالنسبة للقطط البينك لسه ما أخترعوهاش

هاتيلها واحدة لعبة و خلاص وريحى دماغك

بس بجد ميرسى لذوقك و دعواتك

تحياتى

سوسورانى

[somayasaleh]

خبر حلو تانى...

ربنا كرمه كبير جدا

وبيدى كل واحد على أد تعبه

يا جماعة أنا نجحت فى إمتحان السواقة G2

عقبال ال FULL G

دلوقتى كل واحد يدخل يبارك...يسيب 5 دولار على الباب

عشان نلم تمن العربية B)

تحياتى

سوسورانى

الف الف الف مبرررررررررررررررررروك ياجميل علي الجي 2

وعقبال الجي يارب :lol: :lol:

[enjisultan]

دلوقتى كل واحد يدخل يبارك...يسيب 5 دولار على الباب

عشان نلم تمن العربية :lol:

تحياتى

سوسورانى

يا ام الاستغلال ...............حتى انت يا بروتس

على رايك ...........ما فيش فايدة

لا بجد مبروك

[kaplan]

1000000 مبروك ياسوسورانى النجاح فى الامتحانين

ربنا يسهلك امورك وحياتك فى كندا للاحسن دايما ان شاء الله

keep going

[moheltohamy]

مانتي يا بنتي بسم الله ما شاء الله عليكي آهوه ، شاطرة وزي الفل

يعني ييجي منك ، وأيّام الفرْح ورا بعضها آهوه :unsure:

عقبال الـ G بقى ، وبعدها على طول العربية الأستازة اللي تليق بيكي

هوّه أنا كنت مخلّيها لنفسي ، بس مش خسارة فيكي... خدي هيّصي يا بت يا سوسوراني ، وان شاللا ما حد حوّش... هيّه الفلوس لازمتها إيه في الحياة ، مش عشان ننبسط بيها برضه؟ :lol:

[أحمد سيف]

مانتي يا بنتي بسم الله ما شاء الله عليكي آهوه ، شاطرة وزي الفل

يعني ييجي منك ، وأيّام الفرْح ورا بعضها آهوه :unsure:

عقبال الـ G بقى ، وبعدها على طول العربية الأستازة اللي تليق بيكي

هوّه أنا كنت مخلّيها لنفسي ، بس مش خسارة فيكي... خدي هيّصي يا بت يا سوسوراني ، وان شاللا ما حد حوّش... هيّه الفلوس لازمتها إيه في الحياة ، مش عشان ننبسط بيها برضه؟ :lol:

ايه التواضع ده يا راجل ... مايباخ مره واحده ... آه صحيح ما أنت مبدأك : يا أحسن حاجه يا بلاش ... بس خلي بالك لو مصمم على المبدأ ده في العربيات هتقضيها مواصلات عامه طول حياتك

مبروك يا سوسو وعقبال ما تجيبي حته RAV4 ولا CRV أو أي حاجه من بتاعت عامة الشعب هناك... ما تمشيش ورا كلام الدكتور تهامي أحسن هيضيعك