أونتاريو ترحب بـ سوسو

[poulaemad]

[enjisultan]

واللة واضح انك مكتئبة بجد

ربنا يقويكى طب ما فيش لكى حد من قرايبكوا يبقى معاكى فى الوقت دا فى البلد دى

طب بصى تحبي اجيلك

عادى احنا مابيهمناش انتى واخدة بالك طبعا

بصى خفى الاول وبعدين اخرجوا انتى والعيال حاولى ماتقعوديش فى البيت كتير

اعملى اى حاجة غير انك تفكرى

اقولك نامى........ انا شخصيا بهرب من مشاكلى بالنوم طبعا يعنى لما العيال تسمح لى بس

بس حاولى تخلقى روتين يومي جزء فى البيت وجزء برة عشان الايام تعدى

ربنا يهون عليكى غربتك انتى وكل اللى زيك يا سوسو يا بنت بطنى

بصى اينعم هى حاجة تجيب الهبل بس هاقولك طول الوقت اقعدى مع العيال

عارفة انا لما باقعد مع العيال باحس ان معنديش مخ اصلا يصلح انى افكر بية ودا هيصيبك بحالة من عدم الفكر

وهو دا عز الطلب الواحد لما بيعيش مع العيال بيحس ما شاء اللة انهم مش شايلين هم اى حاجة اهم حاجة انهم بيعيشوا اللحظة

وربنا معاكى هابقى ادعيلك واللة

[رنا محسن]

والله يا سوسو كلامك وجع قلبى والدموع فى عينى أنا كمان والغربة صعبة وعيد ميلادى قرب وشكلى كده هعيط للصبح.

المهم حبيت أقولك بس ألف مليون سلامة عليكى واشربى جنزبيل علشان الكحة وقبلاتى للكتاكيت

[bent misr]

كل سنه و انت طيبه يا جميل :lol:

انت عارفه انك برج الأسد زيي و أنا بحب

بتوع الأسد أوي

بس بجد أنا حاسه انك حزينه بصي احنا كلنا

معاكي :wub: أنا عارفه مش هنقدر نعوضك شعورك

بالوحده الفظيع بس معلش احنا برضوا أهو عملنالك عيد

ميلاد جميل و جديد في المحاورات كلها

بجد كل سنه و انت طيبه و سلامتك انت و الاولاد :lol:

خلي بالك عليهم

[enjisultan]

بصى ما شاء اللة كل دى ناس مهتمة بيكى ومشغولة عليكى حتى من غير ما تشوفك ولا تعرفك

سوسو بطلى عياط بقى ولا الجزمة ضيقة ولا اية بس

انت املنا فى كأس العالم

[MZohairy]

خبر عاجل

وزارة الهجره الكنديه تخفض درجة قبول الملفات من 75 الى 67

مبروك يا سوسوراني

و كده الأمل اتجدد

[SoSo R]

وبخصوص الرقم المقفول براحتك حاضر واللي يفهم غلط هو حر

كل 50 سنة وانت طيبة يا دكتورة سوسو راني

عجبك كدة :blink: !!!

أهى الناس مسكت فى كلمتك ...وبيقولوا عندى 50 سنة مش 25

ما تخليك واضح فى تهانيك ...بدل ما الناس تستلمنى إشتغالات :P

يعنى عقبال 50 سنة كمان مش كل 50 سنة

إرحمونى بأة wst::

أولاً: كل سنة و أنت طيبة و عقبال 100 سنة

ثانياً: أنا تعبت من متابعة موضوعك ده ...شوية زعلانة....و بعد كده ربنا فرجها و عديتى فى الامتحانين و الحياة بقيت بمبى....دلوقتى رجعتى زعلانة تانى ....و بعدين مش كده...بالراحة شوية ع الزباين ليطفشوا.

ثالثاً: انت مركزة اوى مع موضوع الوحدة و التورتة و الهدية و الحاجة الساقعة....شاغلة نفسك بحاجات بضايقك او ناقصة ....ما تركزى مع اللى انت و حققتيه و وصلتي ليه ....ليه ننكش ع اللى مش موجود .

رابعاً: ممكن تعتبرى ثالثاً بق تتطيب خاطر و ما تحطيهوش فى دماغك....انا عارف ان الوحدة شىء سخيف..ده الواحد ساعات بيحس بالوحدة و هو بين اقرب الناس ليه.....فمبالك فى الغربة...بس انتي ادها و ادود..وبعدين أصل طبيعى ندور ع مش موجود و ننسى الموجود....انا اكتر واحد بعمل كده....و بعدين

مش قلت لك بق مالوش لازمة

خامساً: اتفضلى التورتة ايه عشان ماتزعليش

ع فكرة شكلك ما يجبش خمسين سنة خالص يا دكتورة ...طريقة كلامك بتقول انك اصغر من كده بكتير جداً...يجى مش اقل من سنتين سنتين و نص مثلاً

كل 50 سنة وانت طيبة يا دكتورة سوسو راني

قفشتك أنا يا أستاذ شهاب... يعنى طلعت متابع من الأول بس من سكات :lol:

ولا أستاذ دى كبيرة عليك و هتقولى بعد كدة يا ماما سوسورانى

أو يا تانت

بس أنت ليه هتخسرنى كدة و تقول 50 سنة

يعنى بتلعب فى عداد عمرك ليه؟؟؟

دة أنا حتى لسه شارية سكينة جديدة و بافكر أجربها :lol:

على العموم التورتة مقبولة وكل سنة و أنت بخير...

أنا مش نكدية ولا أمينة...و مش قصدى أسد نفسكوا و لا أطفش الزباين...

بس ساعات أحاسيس الواحد بتغلبه

و ينسى كل حاجة

وكل اللى إتفق عليه مع نفسه

بينسى إنه إنسان قوى

ويعيش حالة الرثاء لنفسه....و ينغمس فيها

أنا كنت مركزة مع التورتة و العيد ميلاد....عشان.................

عشان............................

عشان كنت جعانة

بصراحة و بجد إمبارح كله شربت نسكافيه الصبح ودمتم فيمكن دى كانت هلاوس الجوع و الهبوط

حاجة أخيرة...

إخطف رجلك لحد الأجتماعيات...

هتلاقى د.تهامى حاطط لى تورتة ب 25 سنة...مش تأبيدة

بجد دكتور تهامى دة راجل بيفهم و عنده نظر :P

مش تقولى 50 سنة :P

والله يا سوسو كلامك وجع قلبى والدموع فى عينى أنا كمان والغربة صعبة وعيد ميلادى قرب وشكلى كده هعيط للصبح.

المهم حبيت أقولك بس ألف مليون سلامة عليكى واشربى جنزبيل علشان الكحة وقبلاتى للكتاكيت

سلامة قلبك يا رنا....

الله يسلمك بس أنا ما بطيقش الجنزبيل و كل مشتقات الأعشاب الأخرى

و أوعى تعيطى فى عيد ميلادك...

خليكى جدعة

قولى إحنا رجالة و هنفضل رجالة

بس مش رجالة قوى لحسن حد يصدق wst::

خبر عاجل

وزارة الهجره الكنديه تخفض درجة قبول الملفات من 75 الى 67

مبروك يا سوسوراني

و كده الأمل اتجدد

على فكرة فى موضوع مثبت عن الهجرة

عامله واحد زميلنا أسمه د. قناوى

يا ريت تحط الخبر دة هناك عشان نفرح كل الناس

تحياتى

سوسورانى

[Shehab]

قفشتك أنا يا أستاذ شهاب... يعنى طلعت متابع من الأول بس من سكات :P

ولا أستاذ دى كبيرة عليك و هتقولى بعد كدة يا ماما سوسورانى

أو يا تانت

لأ انا مش استاذ...تقدرى تقولى ابيه!!....لأ يا دكتورة ما تقلقيش....انا مش كبير كده ...مش لدرجة ماما سوسو ...لكن مايمنعش انى اقولك يا طنط .!!

انا عموماً مش بشارك فى الموضوع لان لا عندى معلومات و لا عندى اسئلة ....و بالتالى مداخلاتى هتبقى عديمة الفايدة زى ما انت اكيد لاحظتى

بس أنت ليه هتخسرنى كدة و تقول 50 سنة

و انا ذنبى ايه مش الناس اللى عارفينك هما اللى قالو كده...و بعدين ما انا قلتلك ان شكلك اصغر من كده

يعنى بتلعب فى عداد عمرك ليه؟؟؟

دة أنا حتى لسه شارية سكينة جديدة و بافكر أجربها :P

على العموم التورتة مقبولة وكل سنة و أنت بخير...

طيب ليه كده الافترى ده...ايه الميول العدوانية ديه ....بس اذا كان ع العداد ما تقلقيش محدش يقدر يلعب فيه لما يجي الميعاد بيقف لوحده

أنا مش نكدية ولا أمينة...و مش قصدى أسد نفسكوا و لا أطفش الزباين...

بس ساعات أحاسيس الواحد بتغلبه

و ينسى كل حاجة

وكل اللى إتفق عليه مع نفسه

بينسى إنه إنسان قوى

ويعيش حالة الرثاء لنفسه....و ينغمس فيها

لأ كده انتى بتقولى كلام انا ماقلتهوش....ينقطع لسانى يا ستى بالسكينة الحامية الجديدة اللى لسه فى كيسها و مستنيانى ....اذا قلت انك نكدية...انا كان قصدى بس انك متقلبة شوية...يعنى الموضوع يبقى فيه استقرار اكتر من كده...يعنى اثبت ع موود واحد فترة معقولة منعاً للبلبة فى الموضوع....عشان الواحد يعرف يركز بس

حاجة أخيرة...

إخطف رجلك لحد الأجتماعيات...

هتلاقى د.تهامى حاطط لى تورتة ب 25 سنة...مش تأبيدة

بجد دكتور تهامى دة راجل بيفهم و عنده نظر :P

:P

يا دكتورة ما انا قلت لك يعنى اعرف منين بس.....و بعدين تعالى عنها ....يعنى ايه الدكتور تهامى بيفهم و عنده نظر؟!

يعنى انا ما بفهمش و عديم النظر؟؟؟!!

[moheltohamy]

يا دكتورة ما انا قلت لك يعنى اعرف منين بس.....و بعدين تعالى عنها ....يعنى ايه الدكتور تهامى بيفهم و عنده نظر؟!

يعنى انا ما بفهمش و عديم النظر؟؟؟!!

إيه يا عم شهاب... إنتا واخد الكلام على جوّه ليه بس؟! :P

الحكاية كلّها إنها بتشكرني أنا ، بس من تحت لتحت :P

قلبك أبيض بقى :P

[Shehab]

ايه ده؟؟؟؟......انا مش مصدق نفسى....الدكتور تهامى باشا بيرد عليه بذات نفسيته؟؟

واحشنا يا دوك.....

شوف يا باشا انا عارف انها قصدها...انت ماخدتش بالك و هى بتهددنى بالسلاح الابيض فى وسط الموضوع....و عادى جداً .....منتهى الجبروت.!!!

بس عشان خاطرك انت بس .....عشان معزتك عندى كبيرة ...مش عشان السكينة الجديدة...هنعتبر الموضوع شكر ليك يا دكترة

ع فكرة يا باشا انا مزعلتش ولا حاجة ....انا بس بحاول استفزها عشان تخرج من الموود اللى فيه مش اكتر....و هو ده اللى خلانى اكتب المداخلة اساساً ...بس ربنا يستر و ما تبطلش تكتب فى الموضوع بسببى....انت عارف ان انا مابكتبش مدخلات غير عندك ...يا عند الدكتور هشام.

[MZohairy]

خبر عاجل

وزارة الهجره الكنديه تخفض درجة قبول الملفات من 75 الى 67

مبروك يا سوسوراني

و كده الأمل اتجدد

على فكرة فى موضوع مثبت عن الهجرة

عامله واحد زميلنا أسمه د. قناوى

يا ريت تحط الخبر دة هناك عشان نفرح كل الناس

تحياتى

سوسورانى

ماشي يا سوسوراني :lol:

وانا اللي كنت معتقد اني جاي افرحك

تقومي تكبسيني بالشكل المريع ده؟ :lol:

زعم المرانع للباعثين رسولا قد باعد بين الحزانى و الشموعا

لما تكبسين من جاء بالاخبار عسى الفرح ولا تزرفي الدموعا

[SoSo R]

ايه ده ايه ده ايه ده افهم من كده ايه بقىىىىىىىىىىىىىىى؟

يعنى افهم من كده ان معايدتى عليكى بقى مفرقتش معاكى؟

لا كده بقى حتزعلينى منك يا بنتى الناس ده كلها فى التوبيك عيدت عليك كل ده مش كافى لانك تنسى اى زعل

وبعدين انت كان ممكن تبقى فى وسط اهلك وبرده تاخدى دور محترم وبرده تلاقيهم مشغولين عنك ومتلاقيش حد فاضى يبص عليك

ودايما يا سوسو كل اما يجيلك الاحساس السخيف ده خليك فاكره انك حققت الحلم الكبير الى كنت عاوزاه وهو انك تبقى فى كندا انت واسرتك مش بس كده وانك كمان حققت نجاحات هناك وان الحلم والنجاحات ده

ناس كتير تتمنى توصل لها

وكفايه بس ابتسامه من بنتك وهى بتقولك كل سنه وانت طيبه يا ماما

:lol:

بولا...أنتى بجد إنسانة جميلة قوى

أنا فعلا إنسانة محظوظة إنى عرفت ناس جميلة و محترمة زيكم :wub:

وميرسى على أغنية عيد الميلاد...بس البت صينية يا بولا

حد قالك إن شكلى مدى على صينى

مقبولة منك يا جميل

واللة واضح انك مكتئبة بجد

ربنا يقويكى طب ما فيش لكى حد من قرايبكوا يبقى معاكى فى الوقت دا فى البلد دى

طب بصى تحبي اجيلك :lol:

عادى احنا مابيهمناش انتى واخدة بالك طبعا

بصى خفى الاول وبعدين اخرجوا انتى والعيال حاولى ماتقعوديش فى البيت كتير

اعملى اى حاجة غير انك تفكرى

اقولك نامى........ انا شخصيا بهرب من مشاكلى بالنوم طبعا يعنى لما العيال تسمح لى بس

بس حاولى تخلقى روتين يومي جزء فى البيت وجزء برة عشان الايام تعدى

ربنا يهون عليكى غربتك انتى وكل اللى زيك يا سوسو يا بنت بطنى

بصى اينعم هى حاجة تجيب الهبل بس هاقولك طول الوقت اقعدى مع العيال

عارفة انا لما باقعد مع العيال باحس ان معنديش مخ اصلا يصلح انى افكر بية ودا هيصيبك بحالة من عدم الفكر

وهو دا عز الطلب الواحد لما بيعيش مع العيال بيحس ما شاء اللة انهم مش شايلين هم اى حاجة اهم حاجة انهم بيعيشوا اللحظة

وربنا معاكى هابقى ادعيلك واللة

يا إنجى الجو مهبب معظم الوقت ...نخرج إيه بس!!!

وبعدين حلوة يا بنت بطنى...ملعوبة يا مة

أما بقى موضوع القعدة مع العيال فدة مسبب لى جنان زيادة لأنى مش متعودة على قعدة البيت...والصويت و الزعيق 24 ساعة بصراحة حاجة تجيب هبل بجد

باحس إنى هيجيلى إنهيار عصبى من الصوت العالى

كل سنه و انت طيبه يا جميل :lol:

انت عارفه انك برج الأسد زيي و أنا بحب

بتوع الأسد أوي

بس بجد أنا حاسه انك حزينه بصي احنا كلنا

معاكي أنا عارفه مش هنقدر نعوضك شعورك

بالوحده الفظيع بس معلش احنا برضوا أهو عملنالك عيد

ميلاد جميل و جديد في المحاورات كلها

بجد كل سنه و انت طيبه و سلامتك انت و الاولاد :wub:

خلي بالك عليهم

الله يسلمك يا بنت مصر...وأنتى طيبة يا حبيبتى

هما كدة بتوع الأسد عاطشفيين قوى

وحونيين قوى

قلب خساية من الآخر

بصى ما شاء اللة كل دى ناس :blink: مهتمة بيكى ومشغولة عليكى حتى من غير ما تشوفك ولا تعرفك

سوسو بطلى عياط بقى cr((: ولا الجزمة ضيقة ولا اية بس

انت املنا فى كأس العالم

فى الواقع.........................................

أنا لابسة شبشب حاليا

مش ضيق...

حاضر يا نوجة مش هاعيط تانى

هادمع بس

تحياتى

سوسورانى

[SoSo R]

يا دكتورة ما انا قلت لك يعنى اعرف منين بس.....و بعدين تعالى عنها ....يعنى ايه الدكتور تهامى بيفهم و عنده نظر؟!

يعنى انا ما بفهمش و عديم النظر؟؟؟!!

إيه يا عم شهاب... إنتا واخد الكلام على جوّه ليه بس؟!

الحكاية كلّها إنها بتشكرني أنا ، بس من تحت لتحت :blink:

قلبك أبيض بقى

يا سلام يا دكتور تهامى

طول عمرك بتلقطها وهى طايرة

برضه الكبير ...كبير

والنص نص....

و الصغير ما نكلموش

برضه الأدارة بيبقى لها مواصفات عقلية خاصة

تعيش وتعيد على يا دكتور تهامى

تحياتى

سوسورانى

[SoSo R]

قفشتك أنا يا أستاذ شهاب... يعنى طلعت متابع من الأول بس من سكات

ولا أستاذ دى كبيرة عليك و هتقولى بعد كدة يا ماما سوسورانى

أو يا تانت

لأ انا مش استاذ...تقدرى تقولى ابيه!!....لأ يا دكتورة ما تقلقيش....انا مش كبير كده ...مش لدرجة ماما سوسو ...لكن مايمنعش انى اقولك يا طنط .!!

انا عموماً مش بشارك فى الموضوع لان لا عندى معلومات و لا عندى اسئلة ....و بالتالى مداخلاتى هتبقى عديمة الفايدة زى ما انت اكيد لاحظتى

أهلا سى لطفى....

طنط مين يا باشا...ما تخلنيش أنسى أصول الأتيكيت معاك

بس أنت ليه هتخسرنى كدة و تقول 50 سنة

و انا ذنبى ايه مش الناس اللى عارفينك هما اللى قالو كده...و بعدين ما انا قلتلك ان شكلك اصغر من كده

ونبى إيه؟؟

تقولى أصغر سنة ولا سنتين ويبقى كدة أصغر برضه :lol:

يعنى بتلعب فى عداد عمرك ليه؟؟؟

دة أنا حتى لسه شارية سكينة جديدة و بافكر أجربها

على العموم التورتة مقبولة وكل سنة و أنت بخير...

طيب ليه كده الافترى ده...ايه الميول العدوانية ديه ....بس اذا كان ع العداد ما تقلقيش محدش يقدر يلعب فيه لما يجي الميعاد بيقف لوحده

اللهم قوى إيمانك... إيه الأيمان دة كله

وبعدين معروف أنا مفترية ولسه شارية طلبية أكياس سودا

أنا مش نكدية ولا أمينة...و مش قصدى أسد نفسكوا و لا أطفش الزباين...

بس ساعات أحاسيس الواحد بتغلبه

و ينسى كل حاجة

وكل اللى إتفق عليه مع نفسه

بينسى إنه إنسان قوى

ويعيش حالة الرثاء لنفسه....و ينغمس فيها

لأ كده انتى بتقولى كلام انا ماقلتهوش....ينقطع لسانى يا ستى بالسكينة الحامية الجديدة اللى لسه فى كيسها و مستنيانى ....اذا قلت انك نكدية...انا كان قصدى بس انك متقلبة شوية...يعنى الموضوع يبقى فيه استقرار اكتر من كده...يعنى اثبت ع موود واحد فترة معقولة منعاً للبلبة فى الموضوع....عشان الواحد يعرف يركز بس

تركز فى إيه؟؟؟

هو أنت داخل فى إمتحان

و أثبت على موود واحد إزاى يعنى

هى محطات راديو :blink:

أثبت لى على إرسال محطة منهم

حاجة أخيرة...

إخطف رجلك لحد الأجتماعيات...

هتلاقى د.تهامى حاطط لى تورتة ب 25 سنة...مش تأبيدة

بجد دكتور تهامى دة راجل بيفهم و عنده نظر cr((:

:wub:

يا دكتورة ما انا قلت لك يعنى اعرف منين بس.....و بعدين تعالى عنها ....يعنى ايه الدكتور تهامى بيفهم و عنده نظر؟!

يعنى انا ما بفهمش و عديم النظر؟؟؟!!

no comment :wub:

ايه ده؟؟؟؟......انا مش مصدق نفسى....الدكتور تهامى باشا بيرد عليه بذات نفسيته؟؟

واحشنا يا دوك.....

شوف يا باشا انا عارف انها قصدها...انت ماخدتش بالك و هى بتهددنى بالسلاح الابيض فى وسط الموضوع....و عادى جداً .....منتهى الجبروت.!!!

بس عشان خاطرك انت بس .....عشان معزتك عندى كبيرة ...مش عشان السكينة الجديدة...هنعتبر الموضوع شكر ليك يا دكترة

ع فكرة يا باشا انا مزعلتش ولا حاجة ....انا بس بحاول استفزها عشان تخرج من الموود اللى فيه مش اكتر....و هو ده اللى خلانى اكتب المداخلة اساساً ...بس ربنا يستر و ما تبطلش تكتب فى الموضوع بسببى....انت عارف ان انا مابكتبش مدخلات غير عندك ...يا عند الدكتور هشام.

يعنى إيه ما بتكتبش إلا عنده أو عند هشام

ليه إنشاء الله ؟!!!

مداخلاتك ما بتتكشفش على مواضيع حريمى :lol:

يعنى أنت شغال رجالى بس

وبعدين لسه ما جاش اللى يخلينى أبطل أكتب يا أبيه شهاب

كان معايا فى الكلية واحد إسمه شهاب برضه

كنا بنقوله يا واد يا شهاب :lol:

أوعى تكون أنت!!!!

تحياتى

سوسورانى

[SoSo R]

خبر عاجل

وزارة الهجره الكنديه تخفض درجة قبول الملفات من 75 الى 67

مبروك يا سوسوراني

و كده الأمل اتجدد

على فكرة فى موضوع مثبت عن الهجرة

عامله واحد زميلنا أسمه د. قناوى

يا ريت تحط الخبر دة هناك عشان نفرح كل الناس

تحياتى

سوسورانى

ماشي يا سوسوراني

وانا اللي كنت معتقد اني جاي افرحك

تقومي تكبسيني بالشكل المريع ده؟ :blink:

زعم المرانع للباعثين رسولا قد باعد بين الحزانى و الشموعا

لما تكبسين من جاء بالاخبار عسى الفرح ولا تزرفي الدموعا

أنا برضه أقدر أكبس وش الخير...وحامل البشارة

اللى بيجيب الأخبار الحلوة كلها

من أول التقديم من غير محامى

لحد جواب الأبديت

كل الحكاية قلت نعلن الخبر على الملء

عشان نفرح الكل بمناسبة عيد ميلادى

تحياتى

سوسورانى

[SoSo R]

آمين يا رب العالمين ...يرزقنا جميعا الخير يا رب

حبيب هارتي إنت يا تو ..... هو احنا نطول نبقي من عامة الشعب يا با الحج .... يا رب يا أخويا يا رب ...ده يبقى يوم المني :blink:

بالنوسبة بقي للراف فور .....طبعا عربية أي كلام ...مش مهم بقي انها أحسن عربية في فئتها ٤ ٥ سنين ورا بعض و لا انها من أكتر العربيات الريكومندد من الشباب بتوع JD Powers و لا انها من انتاج أكبر و أحسن شركة عربيات في العالم و لا انها فخر الصناعة المحلية حيث أنها تقفيل إيدينا الوطنية في أونتاريو و لا إن توكيلها الأفضل في قارة أمريكا الشمالية كلها و لا إن مركز الصيانة يبعد أقل من ١٠ كيلو سواء في تورنتو و لا في سانت كاثرين ..... يا راجل بلا بتاع (وش عادل إمام )

حبيبي إنت يا مستر تي ...صحيح اللي ما يعرفش يقول عضث (غلطة املائية مقصودة )

بالنوسبة (برضه مقصودة زاي اللي فوق ) لل-CRV يا دكتورتنا فهي لا غبار عليها من حيث الاعتمادية و القيمة ....أنا ما باحبش تصميمها .....صندوقي قفصي ...... أذواق أولا و أخيرا انما كعربية لا خلاف عليها ...... خليكي في الاكيورا يا باشا ...حتة MDX كده حتليق عليكي

المداخلة دى كانت تايهة فى الزحمة

أنا دخلت على الويبسايت بتاع الأكيورا,,,وشفت العربية اللى بتقول عليها

طلعت رخيصة خاااااالص

50,600 $ دة من غير أوبشنز زيادة

بس بصراحة العربية روعة وجميلة

أما بالنسبة للسى أر فى فكلامك صح على الموديل القديم بس الجديد لأ

وفى كل الأحوال العربيات دى حلم دلوقتى بالنسبة لى... حتى عربية عامة الشعب اللى مش عاجبة تهامى

و شكلها هترسى على فيورا من مصر :lol:

تحياتى

سوسورانى

[SoSo R]

مساء الخير عليكم...

النهاردة هاحكيلكم عن تجربتنا مع المكتبة العامة...

بصراحة عايزالها واحد فك متدلى :lol:

أول مرة رحت أنا و جوزى أيام ماكنا عديمى النت...المهم دخلنا على الست القاعدة على الكونتر بنقولها عايزين نأجر ساعة على النت...قال يعنى داخلين بفلوسنا...

قالت لنا أنتوا أعضاء.....

الصراحة لأ

طيب روحوا إعملوا عضوية

قعدت أنا مع الغجر وراح هو...سألوه على العنوان وعمل كارنيهين واحد بأسمى وواحد بأسمه

بكام يا عم؟؟

ببلاش

حلو جدا...الأشتراك ببلاش

ندفع بقى للنت....لأ ماهى ببلاش برضه :blink:

بتروح للكومبيوتر اللى على الفرونت ديسك...وتعمل سكان للبار كود اللى على الكارنيه...تحجز الجهاز اللى فاضى

وتعمل أوكى...كل دة لوحدك

يطلعلك رقم الجهاز اللى عليه الدور إنه يفضى...و المدة ساعة

تروح للجهاز تدخل رقم الكارت ودمتم

عيش على النت يا فندم

مرة تانى رحت مع العيال عشان أطبع ورق....المرة دى الطباعة بفلوس

الورقة ب20 سنت

تطبع الورقة إزاى؟؟؟

تدوس برينت وتاخد رقم العملية

بعد ما تخلص بتروح لنفس الجهاز اللى بنحجز منه....تعمل كليك على تحويل الورق المطبوع

هيطلعلك العمليات بأرقامها اللى معاك

تكليك على كل لينك منهم....تنطبع الورقة

حاجة حلوة خالص

نزلنا بقى الدور اللى تحت نشوف حاجات للأولاد

فيه دى فى ديز كتير جدا...و بنتى عمالة تعبى يا قاسم عبى

و بعدين دخلت على الكتب

كمية مهولة...أنا فى بالى إن على الكاونتر هيرجعوا نصهم....سألت واحدة معدية

هو الماكسميم كام للكارت

قالت لى 50 :lol:

طيب...عبى يا قاسم عبى

وخدنا كتب كمان

وقفت محتاسة...أقف فى أنهى طابور

دة غير الأجهزة اللى الناس بتعمل عليها لوحدها

حسيت إنى القروى الساذج الذى هالته أضواء المدينة

رحت لواحدة قلتلها....

بصى أنا مش من هنا...أنا من هناك :lol:

و أحنا جداد و بيئة و تعالى فهمينى :wub:

طابور دفع الفلوس دة اللى عليهم غرامات اليوم المتأخر بدولار

فيه ناس بتروح للكاونتر يسجلوا اللى خدوه

الأجهزة الفردانى لو مش عايز تستنى فى الطابور و تعمل اللى خدته بنفسك

تعمل سكان للبار كود اللى على الكارت...

قالى ويلكوم سوسورانى

فيه لوح إزاز قصاد الكومبيوتر...تحط الكتاب عليه أو الدى فى دى

يطلع إسمه على الشاشة...خيال علمى

هى بتقولى عشان اليبل اللى على الكتب

بس حتى لما حطت 3 او 4 كتب فوق بعض طلعوا على الشاشة كلهم

وبعدين أوكى

يطلعلك ريسيت باللى خدته وميعاد رجوعه

أسبوع للأفلام و3 أسابيع للكتب

دة غير إن فى أفلام تلاقى فيها ورقة بيضا عليها تاريخ....دة معناه إنها محجوزة حتى هذا التاريخ

أى حاجة ترجعها بتتحط فى صندوق زى بتاع البوسطة وهما يبقوا يخصموها من الأكونت بتاعك...إنها ما بقتش على أسمك

وربنا يديم عليكم الثقافة

تحياتى

سوسورانى

[Shehab]

يعنى إيه ما بتكتبش إلا عنده أو عند هشام

ليه إنشاء الله ؟!!!

مداخلاتك ما بتتكشفش على مواضيع حريمى :)

يعنى أنت شغال رجالى بس :lol:

وبعدين لسه ما جاش اللى يخلينى أبطل أكتب يا أبيه شهاب

كان معايا فى الكلية واحد إسمه شهاب برضه

كنا بنقوله يا واد يا شهاب :lol:

أوعى تكون أنت!!!!

تحياتى

سوسورانى

تشكر يا دكتورة ع زوقك ......يعنى كل محاولات الاعتذار منى ديه طلعت فاشلة...ماشى...و بعدين انا قصدى بانك تبطلى كتابة ان انتى ما تكونيش اتضايقتى منى مش اكتر...ع العموم حقك عليه يا دكتورة....و اسمحي لى بقى انسحب بكرامتى ....قصدى اللى اتبقى من كرامتى ...."هنعتبر تجاوزاً ان فيه لسه باقى بعد ما اتبعترت و اتخدت غسيل و مكواه قصاد الخلق"....و اكتفى بهذا القدر من بهدلتى اللى من الواضح ان صحتك رديت عليها.....و لسان حالك بيقول اوديكى فين يا صحة!!

ورداً ع اسئلتك قبل ما اخلع:

على فكرة .....محدش كان بيقولى يا واد...محدش يستجرى اساساً ....كانوا بيقولوا لى يا اسطا.!!

اما بقى نسبة لمواضيع الدكتور هشام و والدكتور تهامى فعشان بيعاملوا الزباين كويس ....تقدرى تقولى انك جاوبتى عليه فى مداخلتك mfb:

يا سلام يا دكتور تهامى

طول عمرك بتلقطها وهى طايرة

برضه الكبير ...كبير

والنص نص....

و الصغير ما نكلموش

برضه الأدارة بيبقى لها مواصفات عقلية خاصة

تحياتى

سوسورانى

ملحوظة صغيرة

تحياتى

سوسورانى

مش راكبة مع المرمطة اللى قبلها خالص!!!

تحياتى يا دكتورة

[مراد أنور]

أى حاجة ترجعها بتتحط فى صندوق زى بتاع البوسطة وهما يبقوا يخصموها من الأكونت بتاعك...إنها ما بقتش على أسمك

وربنا يديم عليكم الثقافة

تحياتى

سوسورانى

السلام عليكم يا دوك وألف حمدلله على السلامة وكمان كل سنة وإنتى بصحة وسعادة ورضا إن شاء الله mfb:

إللى حاكيتيه عن المكتبة ده فعلاً حاجة رائعة لكن إسمحيلى إنت قولتى الكروت مجاناً وبعد كده إنهم بيخصموا إستعاراتك وجلوسك عالنت

من الأكونت بتاعك يعنى افهم من كده إن كل كارت له حساب معين وعدد ساعات معينة وبعدين تطلعى غيره ولا إيه؟؟؟؟؟؟؟؟

[SoSo R]

يعنى إيه ما بتكتبش إلا عنده أو عند هشام

ليه إنشاء الله ؟!!!

مداخلاتك ما بتتكشفش على مواضيع حريمى :)

يعنى أنت شغال رجالى بس :lol:

وبعدين لسه ما جاش اللى يخلينى أبطل أكتب يا أبيه شهاب

كان معايا فى الكلية واحد إسمه شهاب برضه

كنا بنقوله يا واد يا شهاب :lol:

أوعى تكون أنت!!!!

تحياتى

سوسورانى

تشكر يا دكتورة ع زوقك ......يعنى كل محاولات الاعتذار منى ديه طلعت فاشلة...ماشى...و بعدين انا قصدى بانك تبطلى كتابة ان انتى ما تكونيش اتضايقتى منى مش اكتر...ع العموم حقك عليه يا دكتورة....و اسمحي لى بقى انسحب بكرامتى ....قصدى اللى اتبقى من كرامتى ...."هنعتبر تجاوزاً ان فيه لسه باقى بعد ما اتبعترت و اتخدت غسيل و مكواه قصاد الخلق"....و اكتفى بهذا القدر من بهدلتى اللى من الواضح ان صحتك رديت عليها.....و لسان حالك بيقول اوديكى فين يا صحة!!

ورداً ع اسئلتك قبل ما اخلع:

على فكرة .....محدش كان بيقولى يا واد...محدش يستجرى اساساً ....كانوا بيقولوا لى يا اسطا.!!

اما بقى نسبة لمواضيع الدكتور هشام و والدكتور تهامى فعشان بيعاملوا الزباين كويس ....تقدرى تقولى انك جاوبتى عليه فى مداخلتك mfb:

يا سلام يا دكتور تهامى

طول عمرك بتلقطها وهى طايرة

برضه الكبير ...كبير

والنص نص....

و الصغير ما نكلموش

برضه الأدارة بيبقى لها مواصفات عقلية خاصة

تحياتى

سوسورانى

ملحوظة صغيرة

تحياتى

سوسورانى

مش راكبة مع المرمطة اللى قبلها خالص!!!

تحياتى يا دكتورة

أستاذ شهاب صباح الخير...

أنا أسفة لو حضرتك زعلت منى...

أنا فعلا كنت بهزر معاك...بس واضح إن الهزار طلع تقيل حبتين..

لكن مافيش أى نية للنيل من كرامتك...وماكنتش متوقعة إنك تقفش بالطريقة دى

أنا كنت فاكراك زينا فريش وفى رحلة

وأنت عايز تخرجنى من المود...و فعلا أنا أستفزيت و خرجت من المود....

لكن أمرمطك و الكلام الجامد دة...دة مش طبعى أبدا

طيب حتى أسأل الناس التانيين...ماحدش بيزعل من سوسورانى

لأنهم عارفين إنى مابشيلش فى قلبى من حد ولو أنا إتضايقت منك مش هاهزر معاك أصلا و أكتب لك الردود دى كلها

أنا أسفة مرة تانية يا أستاذ شهاب على سوء التفاهم دة....و أرجو إنك تستمر فى المشاركة فى موضوعى

تحياتى

سوسورانى