أونتاريو ترحب بـ سوسو

[SoSo R]

الحلقة دى عشان خاطر بولا...هى اللى سألتنى على الموضوع دة

المدارس!!!!

كنا متصلين بالتليفون نحجز ميعاد فى الأسيسمنت سنتر عشان هى نيو كمر...الميعاد كان إمبارح

تخيلى البنت قعدت من 9.15 لحد 12.15

تقوليش هتدخل الجامعة

البشرى اللى عايزة أقولها إن السن هنا بيتحسب لحد آخر ديسمبر مش زى بلادنا أول سبتمبر و فى الكويت كانت أول أكتوبر

يعنى كانت متأخرة سنة عشان شهر فرق...حاجة شلل

وللسبب دة كانت أكبر واحدة فى فصلها...ولما نقلت من المدرسة عيدوها السنة بتاعة البريسكول

فقلت نخلف البنت التانية بدرى عشان مانتزنقش فى موضوع دخول المدارس

المهم الورق المطلوب:

الباسبور

البى أر

شهادة التطعيمات

عقد الأيجار أو أى إثبات للعنوان

شهادة التطعيمات

أى شهادة من أخر مدرسة

شهادة الميلاد

كل الورق إتاخد منه نسخة...و إتحط فى ملفها...

إالأول بيتعمل مقابلة مع الأهل يسألوا عن ظروف الأسرة

لو مابيعرفوش إنجليزى...زى قناوى و زناتى :sad: بيجيبولهم مترجم

كانت فيه واحدة عراقية عملوا معاها كدة...

بعد بتتكلم مع البنت وتشوف هتفهمها ولا لأ....

وقالت لى إطلعى برة أنتى والمفعوصة اللى معاكى عشان نستفرض بالبنت :)

إديتها ورق فيه ارقام وحساب و جمع عشان يشوفوا مستواها فى الحساب وبعدين حاجات تقراها وتكتب...

بصوا دى أقصى تفاصيل عرفت اخدها من البنت...أقولها إخواتك فى المنتدى منتظرين الأخبار...

وهى ولا على بالها...

عيال مقرفة

كل المراحل بيشوفوا مستواهم فى النجليزى والرياضيات

الموضوع بياخد 3 ساعات أو أكتر

بتوع الهاى سكول طحنوهم...حسابات ورسومات بيانية

البنت هتدخل تانية...يعنى نطت سنة...حسب حسابات العمر

تحياتى

سوسورانى

[poulaemad]

ميرسى يا سوسو يا حبيبتى

ومتابعين التقدم والتكنولوبيا

[qenawy]

لو مابيعرفوش إنجليزى...زى قناوى و زناتى tongue.gif بيجيبولهم مترجم

سبعة يعني خمسة واتنين

[znaty]

لو مابيعرفوش إنجليزى...زى قناوى و زناتى tongue.gif بيجيبولهم مترجم

سبعة يعني خمسة واتنين

واخد بالك انت من التلطيش والتخبيط في الحلل ؟؟؟

ماهو بيني وبينك احنا اللي جبناه لنفسنا

لازم نسيح يعني ؟

موش هاتسيبنا في حالنا حتى لو سمعناها جدول الجمع كله

روحي يا شيخه

المفتري عليه ربنا

[znaty]

على فكرة موضوع القلقاس دة جه على الوتر الحساس

انا من كبار رابطة مشجعي القلقاس بس مشكلتي ان مراتي محرمة عليا القلقاس من يوم ماتجوزنا وحرماني منه

لانها ماعندهاش اي استعداد تنضفه والمجمد بيبقي مهرهد ومالوش طعم

لذلك لما بانزل اجازة لازم حماتي والا اخوات مراتي يعملولي قلقاس كنوع من التحية وتعويض الشعور بالحرمان

يعني جريتو ريقي انتوا الاتنين

وخصوصا ان مراتي في اجازة حاليا وانا باتغدي ورق جرايد مبلول

بس بصراحة ما شاء الله عليكي يا سوسو

تسلكي في مليون كندا والله

من حكاياتك واضح انك عملية وواضح ان عندك شبكة علاقات والسرعة في اسكتشاف الجديد

مايتخافش عليكي يعني :sad:

غريبة موضوع العواصف دي في اغسطس ؟؟هيا كندا جوها تروبيكال ؟؟الاستوائي بس اللي بيمطر في الصيف علمى حد علمي بالجغرافيا

كملي كملي متشوق للتفاصيل

واغلطي املائيا براحتك هانتوسطلك عند م ايهاب يعديهالك :)

[SoSo R]

ميرسى يا سوسو يا حبيبتى

ومتابعين التقدم والتكنولوبيا

ألعفو يا بولا ....لو عندك أسئلة قولى

ما تخليش فى نفسك حاجة

إنتى برضه غلبانة و داخلة على كشف طبى

لو مابيعرفوش إنجليزى...زى قناوى و زناتى tongue.gif بيجيبولهم مترجم

سبعة يعني خمسة واتنين

أنا جايبة فى السبيكنج 6 يعنى 2 و 4

يعنى 3 و3

أى خدمة

[SoSo R]

لو مابيعرفوش إنجليزى...زى قناوى و زناتى tongue.gif بيجيبولهم مترجم

سبعة يعني خمسة واتنين

واخد بالك انت من التلطيش والتخبيط في الحلل ؟؟؟

ماهو بيني وبينك احنا اللي جبناه لنفسنا

لازم نسيح يعني ؟

موش هاتسيبنا في حالنا حتى لو سمعناها جدول الجمع كله

روحي يا شيخه

المفتري عليه ربنا

الله... الله

هو كل واحد هنا يقول عليا مفترية :)

وكمان يدعى عليا..........

خلاص مش لاعبة معاكم تانى

على فكرة موضوع القلقاس دة جه على الوتر الحساس

انا من كبار رابطة مشجعي القلقاس بس مشكلتي ان مراتي محرمة عليا القلقاس من يوم ماتجوزنا وحرماني منه

لانها ماعندهاش اي استعداد تنضفه والمجمد بيبقي مهرهد ومالوش طعم :sad:

لذلك لما بانزل اجازة لازم حماتي والا اخوات مراتي يعملولي قلقاس كنوع من التحية وتعويض الشعور بالحرمان :P

يعني جريتو ريقي انتوا الاتنين

وخصوصا ان مراتي في اجازة حاليا وانا باتغدي ورق جرايد مبلول

بس بصراحة ما شاء الله عليكي يا سوسو

تسلكي في مليون كندا والله

من حكاياتك واضح انك عملية وواضح ان عندك شبكة علاقات والسرعة في اسكتشاف الجديد

مايتخافش عليكي يعني :P

غريبة موضوع العواصف دي في اغسطس ؟؟هيا كندا جوها تروبيكال ؟؟الاستوائي بس اللي بيمطر في الصيف علمى حد علمي بالجغرافيا

كملي كملي متشوق للتفاصيل

واغلطي املائيا براحتك هانتوسطلك عند م ايهاب يعديهالك :P

إحنا الأتنين مين؟؟

دة زى المسرحية لما قاله إحنا التلاتة كل واحد ب 1.5

وبعدين أنا إفتكرت د.هشام عشان عنده نفس الأزمة اللى أنتا بتحكيها...كان بيشتكى فى باب المطبخ

أنا عاملة نفس الموضوع مع جوزى بس فى البسلة

مابطيقهاش....وهو بيموت فى حاجة إسمها بسلة :)

لازم لما أعملها له ...أشوف حاجة لروحى تانية تتاكل

فيه طبق قلقاس فاضل من إمبارح ...إتفضل معانا بالهنا و الشفا

على ذكر العواصف...فيه واحدة شغالة دلوقتى...بدل إمبارح اللى ماحصلوش

وفى الأخبار قالوا إن فى واحدة ماتت بسبب البرق فى العاصفة بتاعة يوم الجمعة لأنها كانت على الشط وما أحتمتش بحاجة حسب التحذيرات

تحياتى

سوسورانى

[SoSo R]

إستكمالا للحكايات...

كان فيه طبق مصاصات وبون بونى بنتى الصغيرة قعدت جنبه و أستلمته

فضايح

لما كنا فى المقابلة...المدرسة إدت بنتى الصغيرة ألوان ولعب عقبال مانخلص

ولما خلصنا ماكانتش عايزة تتطلع...وخرجت بفضيحة والمدرسات إتلمت وواحدة بتقولها

It is a bad day?!!

Go for a walk....

طبعا ما أنا اللى هتهبب و أمشيها برة

و الرطوبة ساعتها كانت خاتقة

الست العراقية اللى مابتعرفش إنجليزى خالص زى إصحابنا

جاية لجوء سياسى...بيدوها 600 $ سكن غير 6000 أول ما بتدخل البلد

حظووووووووووووظ

إحنا ما بنقرش....بنحسد بس

فيه موظفة من بتوع السيتلمنت عملت للأباء أثناء الأنتظار بريزنتيشين عن الخدمات اللى بيقدموها من كورسات لغة مجانية ..مساعدات فى البحث عن شغل

أى أسئلة للمهاجرين الجدد...وحاجات تانية مش فاكراها عشان بنتى الصغيرة كانت شبطانة فى إزازة المياه بتاعة الموظفة

فنص الكلام ماسمعتوش

أى حد ولاده كبار فى مراحل التعليم خليهم يذاكروا كويس قبل الأسيسمنت...

لأنه مدته كبيرة

وماعرفش مدى صعوبته بس شكله مش سهل

تحياتى

سوسورانى

[qenawy]

يا مدام سوسو راني قولي لي ازاي حضرتك ترضي عني وما تجبيش سيرة الانجليزي بتاعنا انا وزناتي

خدي دي مثلا

عيد ميلاد حضرتك السبعتاشر بتاع اول امبارح كان هايل

انا ابتديت اشك في نفسي اني ما بعرفش انجليزي كفاية

[enjisultan]

ثوانى هو الجو برد

برق رعد ورطوبة

واللة على ايامنا الرطوبة دى بتاعة الصيف

هما غيروها

ولا لغوا عندكوا الصيف دا

واللة بناتك دول شكلهم زى السكر

طالعين لسماح

[Nassarlink]

البشرى اللى عايزة أقولها إن السن هنا بيتحسب لحد آخر ديسمبر مش زى بلادنا أول سبتمبر و فى الكويت كانت أول أكتوبر

يعنى كانت متأخرة سنة عشان شهر فرق...

الملحوظه دي انا مستغربها يا دكتوره

اللي سمعته من مدام دعاء

انهم بيحسبوا العمر من اول سبتمبر ومعندهمش اي نتجاوزات

هل ياتري في فرق في الحساب في اونتاريو عن كيبيك

ياريت لو تعرفيلنا المعلومه دي

واكون شاكر ليكي ولكل عائله الفاضل راني

نصّار

[znaty]

يا مدام سوسو راني قولي لي ازاي حضرتك ترضي عني وما تجبيش سيرة الانجليزي بتاعنا انا وزناتي

خدي دي مثلا

عيد ميلاد حضرتك السبعتاشر بتاع اول امبارح كان هايل

انا ابتديت اشك في نفسي اني ما بعرفش انجليزي كفاية

:lol: :lol:

عيد الميلاد ال 17؟؟؟؟

نخيت يا جناوي ياولدي ؟؟

والله في البلد هايجطعونا جطيييع

اثبتتتت

دي جايبة 6 ياعم في السبيكنج

يعني موش من مستواك

اصل انا جبت 6 بردة :blush2:

[znaty]

انتوا الاتنين مين ؟؟؟؟ :blush2:

انت ومدام انجي طبعا

هو انا متابع اكتر منك والا ايه ؟؟

شايفه يا مدام انجي ؟؟

بامارة لتر الجوافة يا ستي :lol:

[qenawy]

يا زناتي معلش انت مش واخد بالك من التهديدات ده عمر واحد والعمر مش بعزقة

اولا الشبشب بتاعها مقاس 43 يعني واسع وسهل التوجيه

ثانيا السكينة جديدة

ثالثا ليها في عدادات العمر يعني ممكن تقلب عداد عمرك

رابعا

كفاية بقي

[znaty]

يا زناتي معلش انت مش واخد بالك من التهديدات ده عمر واحد والعمر مش بعزقة

اولا الشبشب بتاعها مقاس 43 يعني واسع وسهل التوجيه

ثانيا السكينة جديدة

ثالثا ليها في عدادات العمر يعني ممكن تقلب عداد عمرك

رابعا

كفاية بقي

انا حاحط سكرين سايفر احتياطي لحسن مداخلة تفرقع في وشي والا حاجة يا عم

[enjisultan]

انتوا الاتنين مين ؟؟؟؟ :blush2:

انت ومدام انجي طبعا

هو انا متابع اكتر منك والا ايه ؟؟

شايفه يا مدام انجي ؟؟

بامارة لتر الجوافة يا ستي :lol:

لا طالما حضر موضوع لتر الجوافة يبقى خلاص بقى يا سوسو

خفى شوية

التوبيك دا على فكرة هيضع مستقبلى

[somayasaleh]

كل المراحل بيشوفوا مستواهم فى النجليزى والرياضيات

الموضوع بياخد 3 ساعات أو أكتر

بتوع الهاى سكول طحنوهم...حسابات ورسومات بيانية

البنت هتدخل تانية...يعنى نطت سنة...حسب حسابات العمر

تحياتى

سوسورانى

الف مبروك علي قبول بنتك الامورة في سنة تانية

وياريت تعرفي لنا اي اخبار عن الهاي سكول...انا ابني هنا في جريد 10 مدرسة كندية تبع نوفا سكوتشيا

ياتري برضة لازم الاسينمنت ده؟؟؟؟

[hamoudi]

:blush2:

البشرى اللى عايزة أقولها إن السن هنا بيتحسب لحد آخر ديسمبر مش زى بلادنا أول سبتمبر و فى الكويت كانت أول أكتوبر

يعنى كانت متأخرة سنة عشان شهر فرق...

الملحوظه دي انا مستغربها يا دكتوره

اللي سمعته من مدام دعاء

انهم بيحسبوا العمر من اول سبتمبر ومعندهمش اي نتجاوزات

هل ياتري في فرق في الحساب في اونتاريو عن كيبيك

ياريت لو تعرفيلنا المعلومه دي

واكون شاكر ليكي ولكل عائله الفاضل راني

نصّار

على فكره انا كنت عايز اقف عند الحته دي بالذات على حسب علمي ومن اكتر من مصدر من الزملاء الافاضل الى سبقونا ان العام الدراسي بيتحسب ابتداء من 19/ والسن بيتحسب من 1/9فهل دي اشاعه والا في كيبك وبس والا انتى جبتي تأشيره من المحافظ او عضو مجلس شعب!!!!في اونتاريو

[د هشام ابراهيم]

بقي كده يا دكتورة ....يعني أغيب يومين ألاقي نصيبي في القلقاس خلص ..... أنا ما ليش دعوة بقي ....أنا عايز القلقاس بتاعي :lol:

علي فكرة العبد لله كان ٥ و ٣ يبقوا ٨ ....يعني ٤ و ٤ .... يعني ٦ و ٢ أو ٧ و ١ ....معلهش احنا بنتكلم :blush2:

[znaty]

بقي كده يا دكتورة ....يعني أغيب يومين ألاقي نصيبي في القلقاس خلص ..... أنا ما ليش دعوة بقي ....أنا عايز القلقاس بتاعي :happy:

علي فكرة العبد لله كان ٥ و ٣ يبقوا ٨ ....يعني ٤ و ٤ .... يعني ٦ و ٢ أو ٧ و ١ ....معلهش احنا بنتكلم

اه

ايوة

هو دة الكلام اللي مافيش بعده كلام

سيكنج اه بس يسكتنا الصراحة

لو صبرنا شوية يا د قناوي هانول

محدش سمعنا 9

حدش قال 9 قبل ما نشطب؟

الا اونا ..الا دوي :)

اومال جبت كام ريدنج ورايتنج يا د هشام ؟ 19,5 ؟

هما كدة اللي بيحبوا القلقاس بيبقوا عباقرة wst::

انا الحمد لله خدت طبق بايت خلاص

بس عينته في الهارد ديسك موش في التلاجة :rolleyes: