أونتاريو ترحب بـ سوسو

[Bustami]

بالنسبة لدخول المدرسة في الكويت انا اعرف انه 15/3هو الاساس وبالنسبه لكندا 1/9 ياريت حد يأكد

[مراد أنور]

السلام عليكم يا دوك

بمناسبة الكلام عن المدارس

هوه دخول المدارس من سن كام ؟

وشكراً

[SoSo R]

يا مدام سوسو راني قولي لي ازاي حضرتك ترضي عني وما تجبيش سيرة الانجليزي بتاعنا انا وزناتي

خدي دي مثلا

عيد ميلاد حضرتك السبعتاشر بتاع اول امبارح كان هايل

انا ابتديت اشك في نفسي اني ما بعرفش انجليزي كفاية

يا د. قناوى....

حد يقدر أو يستجرى يجيب سيرة الأنجليزى بتاعكوا

وحلوة حتة عيد ميلادى السبعة عشر...طلعتنى آندر إيج كدة

يا مدام سوسو راني قولي لي ازاي حضرتك ترضي عني وما تجبيش سيرة الانجليزي بتاعنا انا وزناتي

خدي دي مثلا

عيد ميلاد حضرتك السبعتاشر بتاع اول امبارح كان هايل

انا ابتديت اشك في نفسي اني ما بعرفش انجليزي كفاية

:D :lol:

عيد الميلاد ال 17؟؟؟؟

نخيت يا جناوي ياولدي ؟؟

والله في البلد هايجطعونا جطيييع

اثبتتتت

دي جايبة 6 ياعم في السبيكنج

يعني موش من مستواك

اصل انا جبت 6 بردة wst::

شفت بأة مين اللى بيخبط فى الحلل؟!!!

مالهم اللى جايبين 6 فى السبيكنج

ماهما زى الفل أهوه وراحوا كندا

طيب ما أنا جبت سبعات فى الباقى :D

ما أقدرش أقدم على لوحة الشرف بتاعتكم؟؟

وبعدين لاسحر ولا شعوذة ولا توبيك ولا منتدى

وسمعنى أجدع سلام

يا زناتي معلش انت مش واخد بالك من التهديدات ده عمر واحد والعمر مش بعزقة

اولا الشبشب بتاعها مقاس 43 يعني واسع وسهل التوجيه

ثانيا السكينة جديدة

ثالثا ليها في عدادات العمر يعني ممكن تقلب عداد عمرك

رابعا

كفاية بقي

شفت بأه ....

أنت كدة هتخسرنى

شبشب إيه اللى مقاسه 43 :D

ليه هو أنا جودزيلا wst::

عداد عمرك هيتقلب بسرعة جدا كدة

يا زناتي معلش انت مش واخد بالك من التهديدات ده عمر واحد والعمر مش بعزقة

اولا الشبشب بتاعها مقاس 43 يعني واسع وسهل التوجيه

ثانيا السكينة جديدة

ثالثا ليها في عدادات العمر يعني ممكن تقلب عداد عمرك

رابعا

كفاية بقي

انا حاحط سكرين سايفر احتياطي لحسن مداخلة تفرقع في وشي والا حاجة يا عم

طيب خلى بالك من نفسك اليومين الجايين ...

لحسن شكلى ...هاعملها معاكم :lol:

تحياتى

سوسورانى

[SoSo R]

ثوانى هو الجو برد

برق رعد ورطوبة

واللة على ايامنا الرطوبة دى بتاعة الصيف

هما غيروها

ولا لغوا عندكوا الصيف دا

واللة بناتك دول شكلهم زى السكر

طالعين لسماح

عارفة يا إنجى المشهد بتاع حرامية فى تايلند...لما سأله على الجو...

قاله تووووحفة...توووحفة

برد...حر....مطر...رطوبة wst::

أهوه دى كندا...الأربع فصول فى يوم واحد

والصيف ملغى من زمان هنا...بس الرطوبة لما بتعلى بتخليكى تكرهى نفسك

على فكرة ممكن تكون الشمس طالعة والجو ربيع...تدخلى حتة و تطلعى...تحسى إنك خرجتى على بلد تانية بجو تانى

عشان كدة الناس هنا مهووسين بسماع النشرة الجوية...بتتقال كل نصف ساعة فى الراديو و التليفزيون

انتوا الاتنين مين ؟؟؟؟ :D

انت ومدام انجي طبعا

هو انا متابع اكتر منك والا ايه ؟؟

شايفه يا مدام انجي ؟؟

بامارة لتر الجوافة يا ستي :lol:

إنجى ما كانتش معزومة ولا طابخة قلقاس...فماجاش على بالى الصراحة

معلهش يا إنجى إحنا بنتكلم

انتوا الاتنين مين ؟؟؟؟ :D

انت ومدام انجي طبعا

هو انا متابع اكتر منك والا ايه ؟؟

شايفه يا مدام انجي ؟؟

بامارة لتر الجوافة يا ستي :lol:

لا طالما حضر موضوع لتر الجوافة يبقى خلاص بقى يا سوسو

خفى شوية

التوبيك دا على فكرة هيضع مستقبلى

سلامة مستقبلك من الضياع

إحنا فى الخدمة :D

طيب خليها بأمارة عصير الفراولة wst::

تحياتى

سوسورانى

[SoSo R]

بقي كده يا دكتورة ....يعني أغيب يومين ألاقي نصيبي في القلقاس خلص ..... أنا ما ليش دعوة بقي ....أنا عايز القلقاس بتاعي :lol:

علي فكرة العبد لله كان ٥ و ٣ يبقوا ٨ ....يعني ٤ و ٤ .... يعني ٦ و ٢ أو ٧ و ١ ....معلهش احنا بنتكلم :D

معلهش يا دكتور هشام...

أوعدك الطبخة الجاية هاقولك قبليها بفترة...عشان تصوم شهر قبليها

تلاقيك يا عينى...مادوقتوش من زماااااااااااان wst::

بس عايز قلقاس... طلع نفسك من موضوع الأيلتس

بقي كده يا دكتورة ....يعني أغيب يومين ألاقي نصيبي في القلقاس خلص ..... أنا ما ليش دعوة بقي ....أنا عايز القلقاس بتاعي :lol:

علي فكرة العبد لله كان ٥ و ٣ يبقوا ٨ ....يعني ٤ و ٤ .... يعني ٦ و ٢ أو ٧ و ١ ....معلهش احنا بنتكلم :D

اه

ايوة

هو دة الكلام اللي مافيش بعده كلام

سيكنج اه بس يسكتنا الصراحة

لو صبرنا شوية يا د قناوي هانول

محدش سمعنا 9

حدش قال 9 قبل ما نشطب؟

الا اونا ..الا دوي wst::

اومال جبت كام ريدنج ورايتنج يا د هشام ؟ 19,5 ؟

هما كدة اللي بيحبوا القلقاس بيبقوا عباقرة wst::

انا الحمد لله خدت طبق بايت خلاص

بس عينته في الهارد ديسك موش في التلاجة :D

ألف هنا وشفا يا باشمهندس....صحة وعافية

بلاش تفتح مزاد الأيلتس...

لحسن تلاقى تهامى و أحمد سيف يدخلوا

وساعتها هيبقى شكلى وحش قوى قوى

تحياتى

سوسورانى

[enjisultan]

مش اسمة قلقاس

اسمة بطاطس بالملوخية

بنتى الكبيرة بتقول علية كدة wst::

[SoSo R]

البشرى اللى عايزة أقولها إن السن هنا بيتحسب لحد آخر ديسمبر مش زى بلادنا أول سبتمبر و فى الكويت كانت أول أكتوبر

يعنى كانت متأخرة سنة عشان شهر فرق...

الملحوظه دي انا مستغربها يا دكتوره

اللي سمعته من مدام دعاء

انهم بيحسبوا العمر من اول سبتمبر ومعندهمش اي نتجاوزات

هل ياتري في فرق في الحساب في اونتاريو عن كيبيك

ياريت لو تعرفيلنا المعلومه دي

واكون شاكر ليكي ولكل عائله الفاضل راني

نصّار

مين الفاضل رانى :D

وبعدين أنت متسجل غياب من ييجى 15 صفحة وعليك لوم و عتاب للصبح...وما دخلتش عليا بكيلو برتقال حتى فى عيد ميلادى...

وكل المهام الجاسوسية بتاعتك إتسحبت منك

مش بعيد كمان ألغيلك هجرتك wst::

وبعدين إيه الوقار دة كله؟؟؟؟

هو الكرسى بيغير النفوس كدة؟؟!!

يا خسارة يا نصار يا ولدى :D

مش عايزين حد تانى يبقى مدير لحسن هاقلق عليكو بجد

ردك جاى تحت...يا مسيو

كل المراحل بيشوفوا مستواهم فى النجليزى والرياضيات

الموضوع بياخد 3 ساعات أو أكتر

بتوع الهاى سكول طحنوهم...حسابات ورسومات بيانية

البنت هتدخل تانية...يعنى نطت سنة...حسب حسابات العمر

تحياتى

سوسورانى

الف مبروك علي قبول بنتك الامورة في سنة تانية

وياريت تعرفي لنا اي اخبار عن الهاي سكول...انا ابني هنا في جريد 10 مدرسة كندية تبع نوفا سكوتشيا

ياتري برضة لازم الاسينمنت ده؟؟؟؟

الله يبارك فيكى يا سمسمة

عقبال عندك يا أم فاروق wst::

بصى لو بيدرسوا فى المريخ أو زحل برضه هيعملوا الأسيسمنت :lol:

خليهم يذاكروا ماث كويس قوى

البشرى اللى عايزة أقولها إن السن هنا بيتحسب لحد آخر ديسمبر مش زى بلادنا أول سبتمبر و فى الكويت كانت أول أكتوبر

يعنى كانت متأخرة سنة عشان شهر فرق...

الملحوظه دي انا مستغربها يا دكتوره

اللي سمعته من مدام دعاء

انهم بيحسبوا العمر من اول سبتمبر ومعندهمش اي نتجاوزات

هل ياتري في فرق في الحساب في اونتاريو عن كيبيك

ياريت لو تعرفيلنا المعلومه دي

واكون شاكر ليكي ولكل عائله الفاضل راني

نصّار

على فكره انا كنت عايز اقف عند الحته دي بالذات على حسب علمي ومن اكتر من مصدر من الزملاء الافاضل الى سبقونا ان العام الدراسي بيتحسب ابتداء من 19/ والسن بيتحسب من 1/9فهل دي اشاعه والا في كيبك وبس والا انتى جبتي تأشيره من المحافظ او عضو مجلس شعب!!!!في اونتاريو

بالنسبة لدخول المدرسة في الكويت انا اعرف انه 15/3هو الاساس وبالنسبه لكندا 1/9 ياريت حد يأكد

يا جماعة ياللى فوق

هو ليه ما فيش ثقة خالص فى كلامى :lol:

أنا ماكنتش شاربة بيرة أو حاجة أصفرة لما كنت فى المقابلة

ولا شربت الأصطباحة بتاعة كل يوم

ولا بنادول نايت حتى...

أنتوا كلكوا عليا ولا إيه :D

الكلام واضح...

الحساب لحد آخر ديسمبر

المدرسة روز اللى عملت المقابلة بتحكى لى إن بنتها مواليد حاجة وعشرين ديسمبر و أصغر واحدة فى فصلها

العيال مواليد أول يناير بيبقوا أكبر ناس فى الفصل...رغم فرق ايام عن آخر ديسمبر

والدليل....قالوا له

قصدى الدليل إن بنتى مواليد شهر 11

يلا مش هوصيكو بقى على التورت والجاتوه فى عيد ميلادها wst::

السلام عليكم يا دوك

بمناسبة الكلام عن المدارس

هوه دخول المدارس من سن كام ؟

وشكراً

المدارس من سن 4 سنين بس دة نصف يوم من 9 ل 12

بيبقى دوام كامل 6 سنين اللى هو أولى إبتدائى

تحياتى

سوسورانى

[qenawy]

عفوا دكتورة سوس غلطة مطبعية كانت الشبشب مقاس 34 مش 43 وشكرا

[Nassarlink]

يا جماعة ياللى فوق

هو ليه ما فيش ثقة خالص فى كلامى :D

أنا ماكنتش شاربة بيرة أو حاجة أصفرة لما كنت فى المقابلة

ولا شربت الأصطباحة بتاعة كل يوم

ولا بنادول نايت حتى...

أنتوا كلكوا عليا ولا إيه wst::

الكلام واضح...

الحساب لحد آخر ديسمبر

المدرسة روز اللى عملت المقابلة بتحكى لى إن بنتها مواليد حاجة وعشرين ديسمبر و أصغر واحدة فى فصلها

العيال مواليد أول يناير بيبقوا أكبر ناس فى الفصل...رغم فرق ايام عن آخر ديسمبر

والدليل....قالوا له

قصدى الدليل إن بنتى مواليد شهر 11

يلا مش هوصيكو بقى على التورت والجاتوه فى عيد ميلادها :D

يا دكتوره سوسو احنا واثقين في كلامك

محدش قال غير كده لا سمح الله

الفرحه بس هي الي خلتنا نسأل تاني

لاني كنت شايل هم بنتي من مواليد 11 بردو

ثم انت عارفه إن أنا من الخونه بتوع كيبيك (اي خدمه يا تهامي باشا)

فبقول ان ده قانون علي كندا كلها ولا كل مقاطعه ليها طريقتها في حساب عمر الطفل

وبعدين راني ده مش اسم العيله بردو ؟

زي انا مثلا من عيلة لينك

نصّار

[znaty]

مش اسمة قلقاس

اسمة بطاطس بالملوخية

بنتى الكبيرة بتقول علية كدة :D

:unsure: :happy:

فكرتنيني باحمد حلمي ;)

مابيحبش القلقاس علشان بيستهبل وفاكر نفسه بطاطس كدة :lol:

[znaty]

منتهي الاجتماعية يا د سوسو

من يوم ما فتحتي التوبيك ومافيش تعليق صغير كان والا كبير مهم او عابر الا مالازم تردي عليه

مهما وصل عددهم

يعني الكل موجود في دائرة الاهتمام

منتهي الاجتماعية

رشحي نفسك بس انت في اتحاد الطلبة وانا اول من يرقعلك بالصوت موش يديكي صوته بس :D

[bent misr]

والله تجنني يا سوسو :happy:

ده انتي عامله فيهم عمايل :unsure:

المفروض تبقي انتي البج بوص بتاعم

لغاية ما اجي أنا ان شاء الله و ساعتها هيكون في

كلام تاني :lol: معلش احنا بنتكلم ;)

على رأي الباش مهندس ايهاب :D

حلو أوي موضوع المدارس ده و متابعين يا فندم ty:)

[مراد أنور]

ده انتي عامله فيهم عمايل B)

المفروض تبقي انتي البج بوص بتاعم

لغاية ما اجي أنا ان شاء الله و ساعتها هيكون في

كلام تاني :D معلش احنا بنتكلم :D

على رأي الباش مهندس ايهاب md2:

حلو أوي موضوع المدارس ده و متابعين يا فندم :D

سوسورانى يإما بلاش واحدة تانية متنفعناش bv:-

نعلن ولائنا التام الأبسوليتلى الكامل المكمل المكتمل المطلق................بالثلاثة

للدكتورة أم المصريين فى المهجر :sad:

ولو زعلت يا دوك من كلمة أم يبقى ولائنا لبنت مصر

بس يا ترى أى بنت فيهن؟؟؟؟؟؟؟؟؟؟؟؟؟؟؟؟؟؟؟؟؟؟ :)

[enjisultan]

مش اسمة قلقاس

اسمة بطاطس بالملوخية

بنتى الكبيرة بتقول علية كدة :blink:

:lol: :lol:

فكرتنيني باحمد حلمي :lol:

مابيحبش القلقاس علشان بيستهبل وفاكر نفسه بطاطس كدة :lol:

طب واللة البنت طلعت حكيمة

اومال لو حكيت لكوا باقى انواع الاكل مطلعة علية شوية اسماء تسد النفس

منتهي الاجتماعية يا د سوسو

من يوم ما فتحتي التوبيك ومافيش تعليق صغير كان والا كبير مهم او عابر الا مالازم تردي عليه

مهما وصل عددهم

يعني الكل موجود في دائرة الاهتمام

منتهي الاجتماعية

رشحي نفسك بس انت في اتحاد الطلبة وانا اول من يرقعلك بالصوت موش يديكي صوته بس :sad:

بصراحة سوسو ذوق ذوق ذوق الصراحة

لأ واللة فعلا منتهى الادب والرقى فى التعامل

فعلا شخصية جديرة بالاحترام(أى خدمة)

[SoSo R]

صباح الخير...

بصوا بقه...واضح إن فيه حد بيدخل التوبيك عينه مدور و مقورة

يا حفيييييييييييظ :blink:

حاجتين فى يومين ورا بعض...لأ مش أسلوب :lol:

أول حاجة

فاتورة السيل ببص فيها ...ألاقى قال إيه

حاطين لى مكالمة لونج ديستانس...على ألبيرتا ...كالجرى

لأ و كمان أنا اللى متصلة مش مستقبلة :lol:

و أنا معرفش حد فى الولاية دى...ماعدا رنا محسن طبعا_صباح القل يا رنا_

لأ وكمان كانت يوم إمتحان المعادلة

لأ كدة وسعت و إعرضت

هنا لنا وقفة :lol:

الحاجة التانية

إمبارح جالى تليفون من المكتبة

قلت يا حلاوة بيتصلوا كمان بالأعضاء :D

لازم نقول لأخواتنا فى المنتدى...عشان نعقدهم شوية :lol:

ألاقى بيقولوا عندك حاجات لازم ترجع!!!

قعدت أضرب أخماس فى أسداس

لحد ما دخلت أونلاين..أشوف الحاجات اللى على الأكونت بتاعى

ألاقى دى فى دى معمول باللون الأحمر إنه ميعاده عدى...وأنا رجعته فعلا

كدة توووووووووووووووماتش

عايزين تعرفوا عملت إيه :sad:

خليكوا معايا وراجعة لكو...عشان نرد ع الناس كمان ;)

تحياتى

سوسورانى

[znaty]

:blink: :sad:

ادي اخرة اللي بيتنطنط ويسيح :lol:

قعدت ساعة تدي في د تهامي عن محاضرة عن توفير الفاتورة ..قاموا انتقموا منها

دة غير مدي دقة وانضباط والانبهار بتكنولوجيا المكتبة ... :lol: شربوها كتاب

اومال رايح تعلمي عليهم وفتوة؟؟

المنحوس منحوس والله :lol:

[SoSo R]

ادي اخرة اللي بيتنطنط ويسيح wst::

قعدت ساعة تدي في د تهامي عن محاضرة عن توفير الفاتورة ..قاموا انتقموا منها

دة غير مدي دقة وانضباط والانبهار بتكنولوجيا المكتبة ... :lol: شربوها كتاب

اومال رايح تعلمي عليهم وفتوة؟؟

المنحوس منحوس والله wst::

ليييه كدة بس يا زناتى...كل دة سواد :sad:

فرحان فيا و شمتان و بقيت باتنطط و أسيح

و بعدين فاتورة تهامى كنت باحللها عشان يشيل منها الزيادات مش محاضرة ولا حاجة

يعنى زى المحللين الماليين

و أنا لا باعمل فتوة ولا حاجة :blink:

بجد كنت ناوية أحكى و سديت نفسى

أنا بحاول أساعد بس بطريقة مختلفة :lol:

بس شكلها مش نافعة :sad:

تحياتى

سوسورانى

[حسام يوسف]

احكى عشان خاطرى الله يكرمك يا دكتور سوسوراني

انا و أكيد فيه غيري بيستفيد من مشاركاتك

خالص تحياتى

[qenawy]

يا دكتورة سوسو الزناتي بيهزر قلبك ابيض

وبعدين انا بقالي يومين مش قادر ادخل التوبيك بتاعك خايف الشبشب مقاس 34 اربعة وتلاتين واخدة بالك يطير متوجها الي راسي الواهي

لذا لزم التنويه

اكملي

وبعدين بالنسبة لمكالمة كالجاري هو حوز حضرتك في تاريخ المكالمة كان موجود ولا مسافر

اصلي بعمل الحركة دي احيانا واتصل من تليفون مراتي :lol:

[SoSo R]

انا مش زعلانة من زناتى ولا حاجة

كل الحكاية جات لى مكالمة تليفون قريفتنى

أنا أصلا كنت داخلة أمسح مداخلتى اللى فاتت

عشان خاطر زناتى ماياخدش على خاطره

بس لقيت ردود

ممكن د.تهامى يقوم بالطلعة دى