أونتاريو ترحب بـ سوسو

[Nassarlink]

إلا فعلا لقيتي فانوس رمضان عندكم يا د سوسوراني

نصّار

[enjisultan]

يا استاذ نصار

سوسو بتعمل قلقاس فى كندا مش هتغلب فى فانوس على ما اظن

ما شاء اللة عليها

[SoSo R]

مساء الفل والورد والأعياد :yahoo:

كل سنة وأنتوا كلكم طيبين...الفترة دى زحمة أعياد

رمضان وعيد العدرا....ربنا يجعل أيام الكل أعياد

طبعا شكر خاص لكل اللى شرف الموضوع فى غيابى...بجد منورنى كلكم

إنجى حبيبتى:المفروض العنكبوت ما يعشش ...أنا ورايا رجالة

د/حسام

أستاذ نصار

أستاذ مراد

بنت مصر

جيسيكا :P

بولا...أكتر واحدة محافظة لى على الموضوع...ربنا يخليكى ليا :lol:

والمفاجأة بقى محمد العنبى....

بتعمل هنا إيه يابنى؟؟!!

هو أنت معانا فى منظمة تريبل زيرو و أنا معرفش :blink:

بالنسبة للفوانيس ماعنديش فكرة

بس أنا جبت جلاش و كنافة و زبيب و جوز هند...كان فيه قطايف بس قلقت منها الصراحة

أى خدمة يا شباب...منى ليكو الوردة دى :yahoo:

تحياتى

سوسورانى

[د هشام ابراهيم]

بالنسبة للفوانيس ماعنديش فكرة

بس أنا جبت جلاش و كنافة و زبيب و جوز هند...كان فيه قطايف بس قلقت منها الصراحة

أى خدمة يا شباب...منى ليكو الوردة دى :yahoo:

تحياتى

سوسورانى

مشوار صغير لحد سكاربوررو أو ميسيسوجا و حتلاقي القطايف و الفوانيس ...أرز عندهم قطايف جاهزة تحفة ...بجد رهيبة

معلهش احنا بنتكلم .. منورة يا دوك :yahoo:

[SoSo R]

إستكمالا للحكاية اللى وقفنا عندها...المكالمة الزيادة والدى فى دى

طبعا عشان تبقوا عارفين المكالمة كل الحكاية ب3$ ...بس عندى مبدأ حاجة حقى لازم أخدها حتى لو بسنت

دة مش بخل ولكن مبدأ...طبعا ما بينفعش فى الميدل إيست

المهم بعت لبتوع الأيلتس حبايبنا

دير زناتى و قناوى...يعنى عزيزى :yahoo:

عايزين شوية كلام لبط عشان داخلين خناقة بالأنجليزى :lol:

ماحدش رد عليا

قلت أشمر و أعتمد على معلوماتى الأيلتسية....

نتصل بروجرز

طبعا قلت فى نفسى لو واحد مؤدب زى بتوع مصر المؤدبين

هيقولى يا مدام ...عيب عليكى دول 3 دولار مش مقامك...إيه يعنى

لو حد قليل الأدب

:yahoo: هيقول نعم يا ختىىى

أنتى هتستعبطى...إتكلمتى المكالمة أو ما تكلمتيش هتدفعيها

و أدبا ليكى عشان ما تبلطجيش هعملك إكسترا تشارج...ورينا طولك بقى

لما إتصلت بقى

بقوله فيه مكالمة فى ألبرتا و أنا معرفش حد هناك

قالى أه شايفها

لا سألنى متأكدة...ولا أعصرى دماغك يمكن تعرفى حد و أنتى مش واخدة بالك ولا أى حاجة من الكلام دة

بكل بساطة...خلاص هاشيلها و هتبقى كريديت يتخصم من فاتورة الشهر الجاى...وفعلا حصل كدة

لما بحكى لجوزى...قالى خلاص الشهر الجاى قوليلهم أنا ما أستعملتيش التليفون خالص :blink:

الفهلوة المصرى برضه ;)

إتشجعت وأتصلت بالمكتبة...

خدى يا ستى رقم الكارت

بيقولوا مارجعتش السى دى و أنا رجعته

خلاص ماشى....

ماشى إيه حضرتك؟؟؟؟

هاشيله من على حسابك

طيب كدة عليا غرامة؟؟؟

غرامة ليه...ما أنا شيلته من على أسمك

شوفتوا بساطة أكتر من كدة...الواحد بيقول الحاجة تتصدق علطول

لا قالت لى دورى تحت السرير

ولا إفتكرى كويس

ولا أنتى كدابة و الريكوردس بتاعتنا ما بتكدبش

على فكرة أنا لقيت على الويب سايت بتاع المكتبة إنك ممكن تدخل تزود مدة الأستعارة بتاعة الكتب اللى معاك بدل ماتروح بنفسك

ممكن تدور على كتاب معين أو فيلم وتحجزه أونلاين لحد لما تروح تاخده بنفسك

بس كفاية عليكوا كدة النهاردة

و أنتظرونى فى حكاياتى مع الدنيا اللى لطشت معايا فى تخليص الورق

بصو على الآفاتر بتاعى و أنتوا تفهموا :P

تحياتى

سوسورانى

[SoSo R]

مشوار صغير لحد سكاربوررو أو ميسيسوجا و حتلاقي القطايف و الفوانيس ...أرز عندهم قطايف جاهزة تحفة ...بجد رهيبة

معلهش احنا بنتكلم .. منورة يا دوك :yahoo:

ماهى الحاجات دى من ميساساجا

بس سكاربرو مشوارها كبير عليا قوى

وبعدين ماهو كان فيه قطايف بس مش جاهزة الصراحة

أنا دخلت مرة عند أرز و مرة عند بطرس

الحمد لله الأتنين حرامية فى الأسعار اللى حاطينها :yahoo:

وفى الآخر نفس الحاجات أو معظمها موجودة فى السوبر ماركت العادى

حتى الطحينة لقيتها فى أوشن

و الفول و الحمص

و أسعار أرخص بمراحل

يبقى مايلووش دراعنا ولا مؤاخذة

تحياتى

سوسورانى

[znaty]

اولا ويلكم باك

ثانيا كل سنة وانت واحنا كلنا بخير :yahoo:

ثالثا انا كنت مستني عودتك علشان اعلنها قوية مدوية

مراتي جت من السفر وعرفت بالمعاناه اللي انا فيها واول حاجة عملتهالي كان قلقاس

الدمعة كانت هاتفر من عيني لما شفته على الترابيزة

ربنا يخليلكي يا سوسو :yahoo:

[somayasaleh]

حبيبت سوسو

هل هلالك ياجميل....انت كده ما بتظهريش غير في الاعياد

علي العموم....عودا حميدا يا دوك

وكل سنة وانتي طيبة واحنا كلنا طيبيين

وبصي بقي يا ستي....موضوع ال3 دولار ده عجبني جدا جدا....لان انا عن نفسي كنت طنشت وخفت اسمع لي كلمتين بايخين من ده ولا ده

بس بعد اللي قلتيه....فعلا الواحد المفروض ما يسبش حقه ابدا

وحشتينا قوي يا سوسو.....ما تبقيش تغيبي عنا كتير كده

اولا ويلكم باك

ثانيا كل سنة وانت واحنا كلنا بخير :yahoo:

ثالثا انا كنت مستني عودتك علشان اعلنها قوية مدوية

مراتي جت من السفر وعرفت بالمعاناه اللي انا فيها واول حاجة عملتهالي كان قلقاس

الدمعة كانت هاتفر من عيني لما شفته على الترابيزة

ربنا يخليلكي يا سوسو :yahoo:

ياخبر ابيض يا زناتي يا خويا .....بقي تبقي اختك هنا ( خبيرة القلقاس بالسلق والطماطم والباشميل.....ولا مؤاخذة يعني...) وتشحتف نفسك كده؟؟؟؟؟

لا لا لا ....ملكش حق ابدا....طب كنت زمر ولا قول....وانا كنت ابعت لك كل اصناف القلقاس اللي اعرفها واللي ما اعرفهاش كمان هوووووووووم ديليفريييييييييييي....فور فري يا باشا

بس الحمد لله علي سلامة المدام....وعلي طبق القلقاس

[qenawy]

المهم بعت لبتوع الأيلتس حبايبنا

دير زناتى و قناوى...يعنى عزيزى laugh.gif

عايزين شوية كلام لبط عشان داخلين خناقة بالأنجليزى

مش كنتي تقولي

طيب خدي دي اول ما تكلمي خدمة العملاء

not all the birds its meat could be eaten

........

تم تعديل 21 أغسطس 2009 بواسطة qenawy

[znaty]

المهم بعت لبتوع الأيلتس حبايبنا

دير زناتى و قناوى...يعنى عزيزى laugh.gif

عايزين شوية كلام لبط عشان داخلين خناقة بالأنجليزى

مش كنتي تقولي

طيب خدي دي اول ما تكلمي خدمة العملاء

not all the birds its meat could be eaten

........

والله والله ماعرف ولا جتلي اي حاجة :rolleyes:

وبعدين ركيك ركيك يا اون اون يا اخويا :lol:

اسمها

not all of birds' meat could be eaten

or

اون سيراميك يعني على بلاطة

the stranger in the night يعني شيخ البلد خللف ولد

مدام سمية تسلم ايدك يا ست الكل

وانا اللي طول عمري عشت مخدوع ان القلقاس في الدنيا نوع واحد :blush2: ودة لو شميته

وبعدين كل الستات بتعمل قلقاس الا مراتي ليييييييييييييييييييييييييييييييييييه ؟؟؟ :blush2:

[qenawy]

i am soso and the salary on the god

يعني انا سوسو والاجر علي الله

[znaty]

i am soso and the salary on the god

يعني انا سوسو والاجر علي الله

اهي دي بقة منتهي البلاغة والفصاحة

ولا كلمة :rolleyes:

الله ينور يا دكترة

[znaty]

تعالي نقلب التوبيك دة ردح يا دكتره :blush2:

اكتبي عندك يا د سوسو

neither any is called any , nor like is called like ,and doesnt any cat called ya MeshMesh

يعني ولا اي اي ولا زي زي ولا كل قط يتقاله يا مشمش :rolleyes:

[qenawy]

بص يا زناتي انا هاستعين بخبرات زوجتي هاقولها ما فيش ياميش و قمر الدين و تين خلص من السوبر ماركب مركب بنتي مسمياه كده وبكرة ان شاء الله نكمل الوصلة

[SoSo R]

اولا ويلكم باك

ثانيا كل سنة وانت واحنا كلنا بخير :blush2:

ثالثا انا كنت مستني عودتك علشان اعلنها قوية مدوية

مراتي جت من السفر وعرفت بالمعاناه اللي انا فيها واول حاجة عملتهالي كان قلقاس

الدمعة كانت هاتفر من عيني لما شفته على الترابيزة

ربنا يخليلكي يا سوسو :lol:

ألف حمدالله على سلامة المدام

و ألف مبروك على طبخة القلقاس

إن شالله دايما :rolleyes:

قولى نفسك إيه فى أكل تانى و المدام ما بتعملوش؟؟

وسمية كمان طلعت فنانة فى القلقاس

حبيبت سوسو

هل هلالك ياجميل....انت كده ما بتظهريش غير في الاعياد

علي العموم....عودا حميدا يا دوك

وكل سنة وانتي طيبة بمناسبة عيد العدرا......وكل سنة واحنا كلنا طيبيين

وبصي بقي يا ستي....موضوع ال3 دولار ده عجبني جدا جدا....لان انا عن نفسي كنت طنشت وخفت اسمع لي كلمتين بايخين من ده ولا ده

بس بعد اللي قلتيه....فعلا الواحد المفروض ما يسبش حقه ابدا

وحشتينا قوي يا سوسو.....ما تبقيش تغيبي عنا كتير كده :wub:

سمسمة يا جميلة متشكرة على كلامك الرقيق دة :blush2:

وفعلا إحنا إتعودنا نسكت على حقنا لو مبلغ صغير

و ثقافة إنك تمشى ورا مبلغ صغير إنه بخل و نتانة...

بس كل دة مش صح...طول عمرى بقول مادام حقى أحط صباعى فى عين التخين

وطبعا فى مصر و الكويت... المبدأ دة كان بيعملى مشاكل كتير و خناقات

ويا خدتى حقك يا إما لأ

بس يكفيكى شرف المحاولة

هنا بأه...أى حاجة بتقوليها أنتى صادقة فيها

حاجة فى منتهى الأحترام

تحياتى

سوسورانى

[SoSo R]

المهم بعت لبتوع الأيلتس حبايبنا

دير زناتى و قناوى...يعنى عزيزى laugh.gif

عايزين شوية كلام لبط عشان داخلين خناقة بالأنجليزى

مش كنتي تقولي

طيب خدي دي اول ما تكلمي خدمة العملاء

not all the birds its meat could be eaten

........

قولتلى أنت كام فى الرايتينج :wub:

المهم بعت لبتوع الأيلتس حبايبنا

دير زناتى و قناوى...يعنى عزيزى laugh.gif

عايزين شوية كلام لبط عشان داخلين خناقة بالأنجليزى

مش كنتي تقولي

طيب خدي دي اول ما تكلمي خدمة العملاء

not all the birds its meat could be eaten

........

والله والله ماعرف ولا جتلي اي حاجة :blush2:

وبعدين ركيك ركيك يا اون اون يا اخويا wst::

اسمها

not all of birds' meat could be eaten

or

اون سيراميك يعني على بلاطة

the stranger in the night يعني شيخ البلد خللف ولد

أيوة كدة..

طبعا ما أنت صاحب التوبيك بتاع الأيلتس

صلح له لحد ما نعرف جايب كام

و حطنى أنا فى لوحة الشرف :rolleyes:

i am soso and the salary on the god

يعني انا سوسو والاجر علي الله

:blush2: أهى دة جامدة بجد

تعالي نقلب التوبيك دة ردح يا دكتره :)

اكتبي عندك يا د سوسو

neither any is called any , nor like is called like ,and doesnt any cat called ya MeshMesh

يعني ولا اي اي ولا زي زي ولا كل قط يتقاله يا مشمش :lol:

صلح البانكتواشين...فين الأبستروف

ما تفضحناش بقى wst::

بص يا زناتي انا هاستعين بخبرات زوجتي هاقولها ما فيش ياميش و قمر الدين و تين خلص من السوبر ماركب مركب بنتي مسمياه كده وبكرة ان شاء الله نكمل الوصلة

انا مش فاهمة حاجة...يعنى انت هتتسحر من دلوقتى

انا داخلة دلوقتى أقولك الردح بالأنجليزى...يبقى إزاى :wub:

تحياتى

سوسورانى

[enjisultan]

كل سنة وانتى طيبة يا سوسو

هل عندكو فى السوبر مركب( على رأى بنت قناوى) صاراويخ(على رأى بنتى)

يتهئ لى تتمسكى بيها اساسا الصاوريخ دى

احبك اطمنك ان هنا اصبحت صواريخ ثلاثية وروتاتين ويتهئ لى لو لفتى شوية ممكن تلاقى حزام ناسف كمان عادى العيد فرحة انتى عارفة

[znaty]

بص يا زناتي انا هاستعين بخبرات زوجتي هاقولها ما فيش ياميش و قمر الدين و تين خلص من السوبر ماركب مركب بنتي مسمياه كده وبكرة ان شاء الله نكمل الوصلة

كل سنةوانت طيب يا حبيب قلبي تعيش يا رب وتجيبلهم علطول :wub:

بانكتيواشن ايه يا دكتور سوسو :)

دة ردح

يعني انفورمال وكمان ايليجال :lol:

[wagdy demian]

اولا ويلكم باك

ثانيا كل سنة وانت واحنا كلنا بخير :)

ثالثا انا كنت مستني عودتك علشان اعلنها قوية مدوية

مراتي جت من السفر وعرفت بالمعاناه اللي انا فيها واول حاجة عملتهالي كان قلقاس

الدمعة كانت هاتفر من عيني لما شفته على الترابيزة

ربنا يخليلكي يا سوسو :lol:

ألف حمدالله على سلامة المدام

و ألف مبروك على طبخة القلقاس

إن شالله دايما :wub:

قولى نفسك إيه فى أكل تانى و المدام ما بتعملوش؟؟

وسمية كمان طلعت فنانة فى القلقاس

حبيبت سوسو

هل هلالك ياجميل....انت كده ما بتظهريش غير في الاعياد

علي العموم....عودا حميدا يا دوك

وكل سنة وانتي طيبة بمناسبة عيد العدرا......وكل سنة واحنا كلنا طيبيين

وبصي بقي يا ستي....موضوع ال3 دولار ده عجبني جدا جدا....لان انا عن نفسي كنت طنشت وخفت اسمع لي كلمتين بايخين من ده ولا ده

بس بعد اللي قلتيه....فعلا الواحد المفروض ما يسبش حقه ابدا

وحشتينا قوي يا سوسو.....ما تبقيش تغيبي عنا كتير كده :lol:

سمسمة يا جميلة متشكرة على كلامك الرقيق دة :lol:

وفعلا إحنا إتعودنا نسكت على حقنا لو مبلغ صغير

و ثقافة إنك تمشى ورا مبلغ صغير إنه بخل و نتانة...

بس كل دة مش صح...طول عمرى بقول مادام حقى أحط صباعى فى عين التخين

وطبعا فى مصر و الكويت... المبدأ دة كان بيعملى مشاكل كتير و خناقات

ويا خدتى حقك يا إما لأ

بس يكفيكى شرف المحاولة

هنا بأه...أى حاجة بتقوليها أنتى صادقة فيها

حاجة فى منتهى الأحترام

تحياتى

سوسورانى

مدام سوسو كل سنة و أنتي طيبةو رمضان كريم

بمناسبة الكويت و كندا و بما ان حضرتك خبيرة في شركات الموبايل لي سؤال:

نا حاليا في الكويت ومسافر تورونتو في أكتوبر أن شاء الله أنا محتاج أغير الموبايل لي و للمدام فهل أفضل أشتريهم من الكويت ولا من كندا أفضل ؟

أنا بسمع أن في كندا لما بشتري خط دة بيديني فرصة ان أشتري الموبايل بسعر رخيص فهل هذا صحيح و لا أكبر دماغي, اشتري الموبايل اللي عاجبني من هنا ؟

لكي الشكر

[SoSo R]

مدام سوسو كل سنة و أنتي طيبةو رمضان كريم

بمناسبة الكويت و كندا و بما ان حضرتك خبيرة في شركات الموبايل لي سؤال:

نا حاليا في الكويت ومسافر تورونتو في أكتوبر أن شاء الله أنا محتاج أغير الموبايل لي و للمدام فهل أفضل أشتريهم من الكويت ولا من كندا أفضل ؟

أنا بسمع أن في كندا لما بشتري خط دة بيديني فرصة ان أشتري الموبايل بسعر رخيص فهل هذا صحيح و لا أكبر دماغي, اشتري الموبايل اللي عاجبني من هنا ؟

لكي الشكر

الله أكرم يا أستاذ وجدى...

تصدق إنك زعلتنى بالسؤال دة

يعنى مابتفراش كويس وكمان عايز درس خصوصى...كدة إكسترا تشارج

لو حضرتك رجعت لورا فى كلامى عن الموبايلات و إختيارك لخط تليفون هتلاقى رد تفصيلى لسؤالك

دة حتى د.قناوى و أستاذ مراد إستلمونى فى تصنيفى للتليفون النضيف :wub:

لو فيه أى حاجة مش واضحة قولى...

تحياتى

سوسورانى