أونتاريو ترحب بـ سوسو

[enjisultan]

أمانة عليك يا زناتى أنت وقناوى و إنجى ...التوبيك أمانة فى رقبتكم

أنا حاسة إن ماشية فى بورسعيد بعد العدوان و إن التوبيك واخدله صاروخين جابوه أرضا

إتكلموا بأه فى أى حاجة ...فى الطبيخ زى ماكنتوا باديين عن الستيك و الملوخية.....

فرصة شهاب يكتب له كام مداخلة

مش هو بيحب ييجى فى العكننة :)

أنا على آخرى وخصوصا إنى مش لاقية وقت أذاكر وأبتديت أحس إن الأمتحان مستحيل...وفى طريقى لليأس

وخصوصا لما بشوف مستوى الناس اللى أعرفهم بحس إنى خريجة آداب :) مش صيدلة

دة غير كدة مشكلة صحية تعبانى جدا....وربنا يستر

بصراحة أنا متدمرة نفسيا و معنويا و صحيا

حتى الكتابة اللى كانت بتخرجنى من أى إحساس سلبى مش قادرة عليها

لا إنى أرد على حد ولا أحكى حاجة

معلهش يا جماعة

تصدقى بالله

اول مرة اشوف مداخلتك دى يا شيخة وقكتى كلبى

قولت لأ كدة الموضوع طول وهاضطر اجيلك(ما بيهمناش احنا واخدة بالك انتى )

اكتئاب المذاكرة دا حاجة كرونك صعب بجد الواحد انة يتخلص منها

بس لو قعدتى شوية من غير مذاكرة تحسى ان لأ بجد فى حاجة مش مظبوطة

يابنتى احنا خلاص المفروض ننحس ولا ايتها حاجة تهمنا دا المفروض خليك فريش احنا فى رحلة

0الجملة دى تفكرنى بحد )

بصى اغزى الشيطان كدة وزاكرى وما تفكريش فى حد احسن فى مستواة او اقل والله والله والله

بيطلعوا حمير فى الاخر الناس اللى متخصصة استعراض دى وتحسى انة اوعى

والله بيطلعوا بتنجان خالص

بصى ان شاء الله ربنا مش بيضيع تعب حد

سامحونى لو مقصرة و إدعولى ربنا يفرج الغم اللى طابق على نفسى و خانقنى بالطريقة دى...و ياريت ما يجيش شهاب يقولى متقلبة وكدة...ماهو اللى مايعرفش بيقفول عتس

و أنا هنا فى عك كتير مافيش مجال أحكيه بس الدنيا صعبة...والناس اللى بتكسر المقاديف أكتر

وتستمر الحياة.........................

تحياتى

سوسورانى

[enjisultan]

شوفتى شلفطة اكتر من كدا

والله انا قعدت ادور على ردى وسط الكلام

ما توقعتش ابدا

انى قد وصلت الى المرحلة دى من النضوج الفنى فى الشلفطة

يالهوىىىىىىىىى

بافكر ابلغ عن نفسى واطلب الغاء عضويتى

تصدقى فعلا انا ابتديت اؤمن بقدراتى

يا بت يا سوسو انتى جبارة مش هقدر انسى انك اكتشفتينى

[Spanish Eyes]

شوفي يا سوسو يا اختي انا حاسه بامشاعر اللي انتي بتمري بيها حاليا يمكن بنتشابه في نقط كتير بس حقولك حاجة انا لما بمر بمراحل ضعف انا بفوق نفسي دايما مخليه قدام عنيا مبدأ اني مينفعش افشل مقدميش اختيار اني اقول خلاص تعبت ومش لاعبه ببساطة لأن كل اللي تعبت فيه السنين اللي فاتوا حيروح، انتي كمان متفكريش انك ممكن تقولي انا تعبت مش قادرة دايما افتكري ان قوتك وصمودك الفترة دي هيا اللي حتلم شمل عيلتك وتجني ثمار مجهودك.

انا عارفة ان الأنسان اللي مطلوب منه انه يكون بالقوة دي على الأقل ظاهريا بيكون محتاج دعم نفسي خفي عشان يقدر يواصل كفاحه متهيالي مكالمة صغنونه للكويت حتقوم باللازم :wub:

[Shehab]

فرصة شهاب يكتب له كام مداخلة

مش هو بيحب ييجى فى العكننة

لأ من الناحية ديه اطمنى...مش هاكتب تانى....اصل عقبال املتك بقيت عاطل...خالى شغل يعنى

و بالتالى مش هيبقى فيه شغل ادخل فيه ع النت سرقة.....و لا هيبقى فيه فلوس ادفع اشتراك النت فى البيت!!!

و بالتالى هتستريحى من طلعتى البهية فترة مش بطالة!!!

أنا على آخرى وخصوصا إنى مش لاقية وقت أذاكر وأبتديت أحس إن الأمتحان مستحيل...وفى طريقى لليأس

وخصوصا لما بشوف مستوى الناس اللى أعرفهم بحس إنى خريجة آداب :sad: مش صيدلة

دة غير كدة مشكلة صحية تعبانى جدا....وربنا يستر

مالهم بقى بتوع آداب .....و لا هو ما فيش فى البلد غير بتوع صيدلة و طب و هندسة؟؟

ع العموم حاولى تاخدى الامور بشكل ابسط من كده و هونى ع نفسك شوية....و بعدين ليه مستحيل اوى كده؟؟

خلى املك فى ربنا كبير ...يعنى انت من سنة كنت ممكن تتخيلى نفسك فى خدت الرخصة ...و لا نجحت فى الامتحان

الغريب بتاع المعادلة اللى نجحتى فيه-(و لو ان اننا ما طلعتش منك باى مصلحة حلاوة النجاح).....و لا كنت تتخيلى نفسك فى كندا

و فاتحة التوبيك بتاعك ده؟......لأ و الادهى ان ننا كمان بشارك فيه؟؟

مسيره هيعدى زى ما اللى فات عدا.!!!

طبعاً مش عايز انقلك فكرى الثورى و اقولك تخيلى اسوأ حاجة ممكن تحصل لا قدر الله ...أيه اللى حيحصل يعنى؟؟

مش هتعدى فى الامتحان المرة ديه ...ايه المشكلة ...مش هتنتهى الدنيا ...و لا انت اول و لا اخر حد مش هايعدى

معدتيش المرة ديه المرة الجاية تعدى....و اهو يمكن تخدى خبرة و تعملى ملازم و برشام و تعجبك القعدة!!!

طبعاً ده مش معناه انك تبيعى القضية او التوجه بتاعك يبقى سلبى(حلوة توجه ديه)....بس احياناً لما العملية بتقفل فى فى وشى

باتخيل مع نفسى التصور الهابط ده عشان اخرج من الحالة اللى انا فيه ...و احياناً فعلاً الواحد بيبقى محمل الامور اكتر من ما تحتمل

و محمل نفسه فوق طاقتها ..لدرجة انه بالشعور الظريف ده و ما يتبعه آثار فى بقية امور حياته...ممكن يخسره اكتر بكتير من الخسارة

او الفشل اللى هو خايف منه

بس بما ان انا معرفش ظروفك و ايه اللى بتمرى بيه و الاعباء اللى عليكى ...فزى ما قولتلك مش عايزك تفكرى التفكير الثورى ده!!

بصراحة أنا متدمرة نفسيا و معنويا و صحيا

حتى الكتابة اللى كانت بتخرجنى من أى إحساس سلبى مش قادرة عليها

لا إنى أرد على حد ولا أحكى حاجة

معلهش يا جماعة :sad:

سامحونى لو مقصرة و إدعولى ربنا يفرج الغم اللى طابق على نفسى و خانقنى بالطريقة دى...و ياريت ما يجيش شهاب يقولى متقلبة وكدة...ماهو اللى مايعرفش بيقفول عتس

و أنا هنا فى عك كتير مافيش مجال أحكيه بس الدنيا صعبة...والناس اللى بتكسر المقاديف أكتر

وتستمر الحياة.........................

و أديكى قولتهيا حكمة...."تستمر الحياة" ...ع رأى حنان ماضى فى الوسية!!!

طبعاً يؤسفنى انك تتعدى عليه بالقول للمرة التانية علناً كده ( اكيد طبعاً ما نسيتيش السكينة الجديدة اياها)

و تقولى لى عدس و فول و بتنجان!!

و بالتالى انا مش هشارك تانى فى الموضوع بتاعك ده..كفاية بقى لحد كده!

لحد ما ترجعى تكتبى تانى....

عشان الموضوع من غيرك مالوش لازمة ...اى نعم الافاضل عاملين الواجب و زيادة....

بس ده ع اساس ان كان فيه حاجة يدور حولها حوار و تعليقات

لكن بقى كده هنقضيها مشاركات مواساة و "ما كنش يومك يا سوسو"

"عودى يا سوسو عودى ياسوسو" و الليلة ديه

و انا بصراحة مش لاعب ....و انا بصراحة مش قاعد عاطل عشان اقضيها مواساة

انا عايز اللى يواسينى cr((: :wub:

تم تعديل 15 سبتمبر 2009 بواسطة Shehab

[مراد أنور]

بعد كل المداخلات دى من كل الناس الحلوة دى :wub:

وإنت لسة برضه مظهرتيش ولا سمعنالك حس :sad:

انا بقى عندى المفيد و إللى يشيل الهم ويمحى الغم و يبعد الحزن ويطمن القلب :sad:

"ألا بذكر الله تطمئن القلوب " cr((:

عليك وعلى سورة الواقعة وإدعيلى

[precanadian]

ازيك يا دكتوره سوسوراني

اتمني من الله انك تكوني بخير .امتحانات ايه بس اللي شايله همها .

اهم حاجه صحتك وصحه اولادك وزوجك

احنا داخلين علي عيد ولازم تكوني في موود احسن من كده.

حاولت انزل سليدز كانت هتعجبك لكن المنتدي مش عايز يحمل .

حاولي تخرجي من الكابه دي واقراي او اسمعي قران كتير وان شاء الله ربنا هيفرج همك

تحياتي :blush2: :blink: :roseop:

[jessika]

سوسو حبيبتى الف سلامة عليكى............مالك بس يابنتى عاملة لية فى نفسك كدة

انتى محتاجة بجد فترة استجمام كدة مع نفسك وتهدى ومتفكريش كتير بجد القى على الرب همك وهو يعولك

اعملى اللى عليكى وبس ومفيش حاجة مستحيلة...الغير مستطاع عند الناس مستطاع عند اللة

ولا نسيتى كل الكلام دة......افتحى انجيلك واقرى وانتى هاتهدى كتير........وياريت لو فى كنيسة قريبة منك تروحى انتى والولاد

انتى محتاجة لفترة انتعاش لروحك بجد وكلة هايتظبط

ربنا معاكى يا قمر وخدى بالك من نفسك

[qenawy]

كفاية يا سوسو كده والله الدنيا ما مستاهلة كل ده

انت انسانة ناجحة وكما مررت بتجارب صعبة وامتحانات صعبة قبل ذلك ونجحت فثقي انك ستنجحي يا بنتي ده انت فعت راسنا في الاليتس وجبتي 6

حاجة عظمة عني

[znaty]

سوسو حبيبتى الف سلامة عليكى............مالك بس يابنتى عاملة لية فى نفسك كدة

انتى محتاجة بجد فترة استجمام كدة مع نفسك وتهدى ومتفكريش كتير بجد القى على الرب همك وهو يعولك

اعملى اللى عليكى وبس ومفيش حاجة مستحيلة...الغير مستطاع عند الناس مستطاع عند اللة

ولا نسيتى كل الكلام دة......افتحى انجيلك واقرى وانتى هاتهدى كتير........وياريت لو فى كنيسة قريبة منك تروحى انتى والولاد

انتى محتاجة لفترة انتعاش لروحك بجد وكلة هايتظبط

ربنا معاكى يا قمر وخدى بالك من نفسك

n2&( :lol: :lol: :lol:

يا دكتورة سوسو الف سلامة عليكي...كدة قلقتينا جدا بجد

انا بقة عندي الحل اللي هايريحك

اقعدي اقري التوراه بتاعتك كل يوم

وياريت لو فيه معبد يهودي جنبك تعدي عليه تبقي زي الفل

انت ماشفتيش حاخامات من امتي؟؟

:lol: :lol: :lol: :lol:

والله والله والله باهزر يا جسيكا ماتزعليش مني :lol:

اصلك لو قريتي ال 3 مداخلات من اول مراد لغاية عندك هاتفطسي من الضحك... قلت استهبل انا كمان واكملها ..يحيا الهلال مع الصليب :))))) قران ..انجيل ..المهم تخليها مع ربنا

[jessika]

ازعل لية يا دكتور زناتى كلنا اخوات فعلا هنا مفيش بينا اى فرق

بس لاحظت مداخلات اخواتى وحبيت اصلحلهم فكرتهم بس بطريقة شيك يعنى ميحسوش بتعصب ولا كدة لان سوسو بتتعامل عادى كلنا اخوات ومش بتحب تتكلم فى الدين

ولا انا قصدت اتكلم فى الدين بس بصححلهم معلومة تكاد تكون غلط عندهم بس

تحياتى n2&(

[znaty]

ازعل لية يا دكتور زناتى كلنا اخوات فعلا هنا مفيش بينا اى فرق

بس لاحظت مداخلات اخواتى وحبيت اصلحلهم فكرتهم بس بطريقة شيك يعنى ميحسوش بتعصب ولا كدة لان سوسو بتتعامل عادى كلنا اخوات ومش بتحب تتكلم فى الدين

ولا انا قصدت اتكلم فى الدين بس بصححلهم معلومة تكاد تكون غلط عندهم بس

تحياتى n2&(

فاهم والله ماهو دة اللي ضحكني

اومال باقولك لما تقري من اول مراد هاتفطسي من الضحك ليه :lol:)))

ماهوانا بردة كنت عاوز الفت انتباهم لديانة اختنا بس قلت موش شعلي فانتي اتصرفتي بقة :lol:) بدل مايطلعوا المنبر ويبدأو خطبة الجمعه و يا قوم الحاجات دي :lol:

زي ما قلتي كلنا والله اكتر من الاخوات :lol:

[enjisultan]

سوسو حبيبتى الف سلامة عليكى............مالك بس يابنتى عاملة لية فى نفسك كدة

انتى محتاجة بجد فترة استجمام كدة مع نفسك وتهدى ومتفكريش كتير بجد القى على الرب همك وهو يعولك

اعملى اللى عليكى وبس ومفيش حاجة مستحيلة...الغير مستطاع عند الناس مستطاع عند اللة

ولا نسيتى كل الكلام دة......افتحى انجيلك واقرى وانتى هاتهدى كتير........وياريت لو فى كنيسة قريبة منك تروحى انتى والولاد

انتى محتاجة لفترة انتعاش لروحك بجد وكلة هايتظبط

ربنا معاكى يا قمر وخدى بالك من نفسك

n2&( :lol: :lol: :lol:

يا دكتورة سوسو الف سلامة عليكي...كدة قلقتينا جدا بجد

انا بقة عندي الحل اللي هايريحك

اقعدي اقري التوراه بتاعتك كل يوم

وياريت لو فيه معبد يهودي جنبك تعدي عليه تبقي زي الفل

انت ماشفتيش حاخامات من امتي؟؟

:lol: :lol: :lol: :lol:

والله والله والله باهزر يا جسيكا ماتزعليش مني :lol:

اصلك لو قريتي ال 3 مداخلات من اول مراد لغاية عندك هاتفطسي من الضحك... قلت استهبل انا كمان واكملها ..يحيا الهلال مع الصليب :))))) قران ..انجيل ..المهم تخليها مع ربنا

شوفتى لية يا سوسو انا لية سألتك قبل كدة ؟

عادى يا جماعة الهلال مع الصليب (قشطة ومربى وحليب)فيلم رشة جريئة

[bent misr]

أختي العزيزه سوسوراني

كلنا هنا في المنتدى حاسين بالازمه الي بتعدي بيها

و الوحده حقيقي صعبه و دائما بتدي مجال للشيطان

انه يلعب في الدماغ :lol:

بس بجد ارمي كل الهموم ورا ظهرك و خدي أولادك و اخرجي

فسحيهم و غيري جو و ادعي ربنا و هوه هيريحك و يزيح همك

يللا بقى ارجعى لروح المرح الحلوه بتاعتك لحسن التوبيك قلب

غم خالص n2&(

[qenawy]

كلما مررت بلحظات ضعف وياس

تذكرت امجادي وكيف تغلبت علي صعوبات هائلة كي اكون انسان ناجح

مذاكرة 16 ساعة

حرمان من الاصدقاء وحرمان من اي وسيلة ترفيه عدا الراديو اي والله كانت ايام

سوسو

كيف اصبحت صيدلانية

بالاجتهاد والكفاح

عديتي ازاي من الفارما كانت معقدانا في سنة تالتة والاميونولونجي وشوية مصائب مشتركة بين الطب والصيدلة

وها انت قد اقتربت من مرحلة جمع ثمار تعبك

وتفتحي سلسلة صيدليات في كندا تسميها سوسوراني وسوسوراني زي علي وعلي كده

وتلمي فلوس وبس

احنا الدكاترة نتعب والصيادلة ياكلوها والعة

ارزاق

[حسام يوسف]

زميلتي العزيزة سوسو راني

خلى بالك من مودك

والسلام ختام

[precanadian]

سوسو حبيبتى الف سلامة عليكى............مالك بس يابنتى عاملة لية فى نفسك كدة

انتى محتاجة بجد فترة استجمام كدة مع نفسك وتهدى ومتفكريش كتير بجد القى على الرب همك وهو يعولك

اعملى اللى عليكى وبس ومفيش حاجة مستحيلة...الغير مستطاع عند الناس مستطاع عند اللة

ولا نسيتى كل الكلام دة......افتحى انجيلك واقرى وانتى هاتهدى كتير........وياريت لو فى كنيسة قريبة منك تروحى انتى والولاد

انتى محتاجة لفترة انتعاش لروحك بجد وكلة هايتظبط

ربنا معاكى يا قمر وخدى بالك من نفسك

يا دكتورة سوسو الف سلامة عليكي...كدة قلقتينا جدا بجد

انا بقة عندي الحل اللي هايريحك

اقعدي اقري التوراه بتاعتك كل يوم

وياريت لو فيه معبد يهودي جنبك تعدي عليه تبقي زي الفل

انت ماشفتيش حاخامات من امتي؟؟

:lol: :lol: :lol:

والله والله والله باهزر يا جسيكا ماتزعليش مني :lol:

اصلك لو قريتي ال 3 مداخلات من اول مراد لغاية عندك هاتفطسي من الضحك... قلت استهبل انا كمان واكملها ..يحيا الهلال مع الصليب :))))) قران ..انجيل ..المهم تخليها مع ربنا

استاذ والله يا هندسه اتمني ان تري الابتسامه المرسومه علي وجهي الان

سوسو راني هنزل ليك السلايدز في صوره فيديو ....تحياتي

[د هشام ابراهيم]

يا نهار بلانش ...إيه كل اللي بيحصل ده و عودي يا هنادي و بتاع

ما فيش كلام يتقال بعد ما الأخوة الأفاضل تفضلوا و قالوا كل الكلام المحترم ده ....مش فاضل بس غير اني أقولك إن اللي حيطلعك من المود الهباب ده حاجة من تلاتة

- مهمة تنجزيها تخرجك من حالة اليأس ديه

- shopping spree محترم

- مزيكا رزع الحلل و لا مؤاخذة .......ابتدي بالاتنين الاوليين بدل ما ابتدي أرزع في موضوعك ده و إنت عارفة لو ابتديت مش حتعرفي تخلصي مني و قد أعذر من أنذر

[عنبو]

znaty مشاركة بتاريخ أمس, 04:51 PM

إقتباس(jessika @ Sep 16 2009, 03:43 PM)

ازعل لية يا دكتور زناتى كلنا اخوات فعلا هنا مفيش بينا اى فرق

بس لاحظت مداخلات اخواتى وحبيت اصلحلهم فكرتهم بس بطريقة شيك يعنى ميحسوش بتعصب ولا كدة لان سوسو بتتعامل عادى كلنا اخوات ومش بتحب تتكلم فى الدين

ولا انا قصدت اتكلم فى الدين بس بصححلهم معلومة تكاد تكون غلط عندهم بس

تحياتى

فاهم والله ماهو دة اللي ضحكني

اومال باقولك لما تقري من اول مراد هاتفطسي من الضحك ليه )))

ماهوانا بردة كنت عاوز الفت انتباهم لديانة اختنا بس قلت موش شعلي فانتي اتصرفتي بقة ) بدل مايطلعوا المنبر ويبدأو خطبة الجمعه و يا قوم الحاجات دي

زي ما قلتي كلنا والله اكتر من الاخوات

على فكره ياجماعه الموضوع ده شغال من اول التوبيك اساساً

انا شخصياً اقعدت اضحك برهه من الزمن لان تقريباً المدخلات جت ورا بعضها واحسن حاجه لما كملها زناتى بالتوراه مع ان سوسو حاولت اقبل كده فى كذا مداخله انها توضح الموضوع ده بس يظهر الاخوه ماخدوش بالهم

على العموم احنا كلنا اخوه

[znaty]

يا نهار بلانش ...إيه كل اللي بيحصل ده و عودي يا هنادي و بتاع

ما فيش كلام يتقال بعد ما الأخوة الأفاضل تفضلوا و قالوا كل الكلام المحترم ده ....مش فاضل بس غير اني أقولك إن اللي حيطلعك من المود الهباب ده حاجة من تلاتة

- مهمة تنجزيها تخرجك من حالة اليأس ديه

- shopping spree محترم

- مزيكا رزع الحلل و لا مؤاخذة .......ابتدي بالاتنين الاوليين بدل ما ابتدي أرزع في موضوعك ده و إنت عارفة لو ابتديت مش حتعرفي تخلصي مني و قد أعذر من أنذر

دكتور دكتور دكتور ...دكتوووور

يعني ايه spree دي لو سمحت لو سمحت لو سمحت ..اصل انا باشبط

وانت بتقول مهمة تنجزيها دي

فجاة

عنيا اتسمرت من على الشاشة

وبدا خيالي يلعب ويتخيل

سوسو راني بدات من الاكتئاب نفسيتها تبوظ

وكلمة مهمة بتاعتك خليتها تتقمص دور شادية موش فاكر اسم الفيلم ايه بس بتاع شيلني يا حواش

المهم تتقمص دور زعيمة العصابة وتحاول تسطو على اي بنك هناك ومعاه سبع الليل وابو زلومة ويحطوا السيخ المحمي في صرصور ودن مدير البنك :blink:

[SoSo R]

مساء الخير:

أنا لسه عايشة wst:: وحية أرزق...بس اليوم مكهرب بطريقة غريبة

بس بجد ماكنتش متوقعة ألاقى صفحتين كاملين من الردود الجميلة اللى جمعت تقريبا كل الناس اللى بحبهم ماعدا قلة مش عارفة راحوا مع الطوفان ولا إيه :)

أنا طبعا هارد عليكم كلكم بالتفصيل بس إصبروا شوية لحسن باذاكر فى أسوء جزء فى المنهج ...المضادات الحيوية :sad:

باكرهها عمى...وما باطيقهاش

المغرب يدوبك مأذن هاروح أضرب قمرالدين عشان أفطر عشان بعدكدة أصلى من الأجبية و أخطف رجلى على المعبد اليهودى :blink:

فيه بقى معبد هندو فى آخر الشارع...لوووووز wst:: بافكر أعدى عليه

وحشتوووونى كلكم وسلام مؤقتا

تحياتى

سوسورانى