أونتاريو ترحب بـ سوسو

[SoSo R]

الجزء الأول من دارت الأيام (تحميل) http://www.6rbtop.com/download.php?song_id...ype=au&q=hi

الجزء التاني http://www.6rbtop.com/download.php?song_id...ype=au&q=hi

كنت زمان كل شويه آخد كتاب من كتب ابويا الله يرحمه و اقرا فيه شويه

و كانت البيركسيا دي عجباني قوي واقعد اضحك على الدكاتره ....طب مادام مش عارفين سبب ارتفاع الحراره يبقى اتكسفوا على نفسكم و اذا بليتم فاستتروا...مش تعملوهالي موضوع و تبينوا فيه قلة الحيله wst::

كل سنه وانتو طيبين

أخيرا جبت لى الأغنية :wub:

عارف اللينكات لو ما أشتغلتش ...أنت حر بقى

حلوة حكاية إن بليتم فاستتروا...مش عارفين السبب ما يكتبوش المرض

أنا بقالى ساعة بذاكر فى أمراض مالهاش سبب ولا علاج اللى هى CFS

CHRONIC FATIGUE SYNDROME و أخواتها نفس النظام وجع مالوش سبب

وحاجة كدة مياصة و عالم بتستعبط

الناس فى مصر عندها هيباتيتيس ولا بيبان عليها وزى الفل يعنى

هما هنا مايصين قوى

ماهو اللى يلاقى دلع و ما يدلعش wst::

تحياتى

سوسورانى

[SoSo R]

الحتة دى عشان خاطر أستاذ مراد...أقوله إيه حكاية عيد مبارك من كام يوم لقيت روجرز باعتينلى جواب فى البوسطة الظرف كان عليه هلال...فلفت نظرى بافتحه ألاقيه بيقولى Dear SoSoRaNy, Eid Mubark…. فقلت إيه دة؟!! عرفوا إزاى :wub: وقايلين إن فى المدة من 10 سبتمبر لحد يوم 24 سبتمبر فاتحين عرض قنوات عربى و هندى متخصصة القنوات العربى هما أبوظبى الأولى ...و إيه أر تى أمريكا الأولانية فشنك...التانية لقيت عليها كل مسلسلات رمضان...ليلى مراد و إبن الأرندلى ومسلسل يسرا و نور الشريف...أنا بصراحة كان عندى حرمان من المسلسلات العربى و المحطات العربى كنت بشوف روتانا سينما أونلاين هنا طبعا الحداية ما بتحدفش كتاكيت دة جر رجل عشان يجيبوا زباين تانى حاجة ... فتحوا المكالمات اللونج ديستانس لبلاد معينة مجانا للأسف مافيهمش مصر ولا الكويت ...البلد العربى الوحيدة هى السعودية مع إن أنا ماعنديش تليفون على رأى عادل إمام...تبع روجرز...و الأوفر على تليفونات البيت اللى تبعهم بس بس زعلت منهم برضه تحياتى سوسورانى

تم تعديل 20 سبتمبر 2009 بواسطة SoSoRaNy

[SoSo R]

مساء الخير...

ماشى يا بنى آدمين...أغيب يومين ألاقى الموضوع فى طريقه للصفحة التالتة B)

ماحدش خد بحس الموضوع...والعنكبوت عشش

يعنى على وقت الأمتحان هيوصل فين ؟؟!!

المريخ...

فين قناوى وزناتى و إنجى وشهاب...خلاص بعتونى؟!!!

مش أسلوب شغل :closedeyes:

شوية حكايات بمناسبة العيد ...يلا عشان العيد فرحة

شيرى صاحبتى كلمتنى من الكويت عشان تعيد عليا wst:: ...آه هى اللى بتعيد

أومال أنا جيبتلها ماجيك جاك ليه؟؟

بفلوسى...على رأى واحد صاحبنا :happy:

وبتقول الجو حر ورطوبة و تراب...و إحنا دخلنا فى الشتا خلاص

جارتى الباكستنية...جابتلى طبق بريانى...برضه بمناسبة العيد :D

قلتلها المفروض أنا اللى أجيبلك...قالت لى دة هدية منى ليكى

بتسألنى بتحبيه سبايسى...قلتلها لأ...ماليش فى الحراق

قالت لى و أنا كمان عشان ولادها يقدروا ياكلوا....

أدوقه et:( ألاقيه :blink:

ناااااااااااار

أومال لو بتحب الحراق كانت عملته إيه

كمان كانت بترسم حنة...حسب تقاليدهم للعيد...فبنتى الكبيرة شبطت

راحت رسمتلها فى كف إيدها

راحت المدرسة ورجعت ...بتقولى عايزة أشيله...ماحدش فاهم إيه دة وأفتكروه رسمة بالماركر :D

قلتلها بيروح بعد أسبووووووووع...عيشى بقى

الأيه أرتى آخر يوم ليها بكرة

كانوا جايبين فيلم تيمور وشفيقة :wub:

وأنا مدمنة للفيلم دة

وقلت أبو المذاكرة على اللى عايز يذاكر..رغم إنى شفته سينما و عندى كمان على اللاب توب...بس برضه مافوتوش

سعد زغلول قالها............................................

مافيش فايدة :rolleyes:

تحياتى

سوسورانى

[moheltohamy]

مشاركة دمها خفيف ، وفيها الروح بتاعة زمان بتاعة سوسوراني.

أنا كده اتطمنت عليكي :rolleyes:

وعلى ذكر الهندي... كان ديبو بيحكيلي موقف أيام ما كان في كاليفورنيا مع واحد صاحبه ودخلوا ياكلوا في محل هندي. صاحبه ده بيقول للجرسون أنا ماليش في الأكل السبايسي ، الجرسون يتنح شوية ويقول له...

Come on man, this is Indian restaurant. Food is either spicy or... Very spicy :closedeyes:

وطبعاً من منطلق إني فاقد ، وصديق سوء بقى وكده... أحييكي ع الحتة دي:

وقلت أبو المذاكرة على اللى عايز يذاكر..

دي الدماغ المتكلفة :happy:

[znaty]

:closedeyes: :rolleyes: :happy:

ابو المذاكرة علي اللي عايز يذاكر :blink: wst::

فكرتيني بايام الجامعة

انا ولا اطيق ريحة الاكل الباكستاني ولا الهندي اصلا ..انت نفسك حلوة اوي يا سوسو

سعادتك في نفس الوقت اللي كنتي شايفة فيه تيمور وبتاعة دة ..كنا في تل ابيب فاتحين ازازة شوربانيا ومراتي مشغله الفيلم وانا بالعب جيم نييد فور سبيد عالكمبيوتر

شيييرز بقة ..تمر هندي ..شوربانيا مصري

[enjisultan]

وبتقول الجو حر ورطوبة و تراب...و إحنا دخلنا فى الشتا خلاص

والنبى أية ؟

حر ورطوبة يبقى كدة الشتا دخل :sad:

يا نهار ازرق الدنيا اتغيرت يا بت يا سوسو

كان على ايامنا الحر دا بيجى فى الصيف

معلوماتى عن درجات الحرارة فى الخليج محتاجة اعادة تأهيل بجد ماكونتش متخيلة السواد دا فى الجو

المهم انتى امتحانك امتى؟ ان شاء الله

تم تعديل 23 سبتمبر 2009 بواسطة enjisultan

[مراد أنور]

أنا فرحان خالص يا سوسو عشان رجعت بنفس الروح الجميلة :lol:

إللى إتعودنا عليها منك ويارب كده دايماً :sad:

ومريم بتسلم عليك خالص وبنتمنالك النجاح والتوفيق إن شاء الله gra:-

وذاكرى بقى وسيبك من شفيقة وعم شكشك وربنا معاك :lol:

[SoSo R]

مشاركة دمها خفيف ، وفيها الروح بتاعة زمان بتاعة سوسوراني.

أنا كده اتطمنت عليكي

وعلى ذكر الهندي... كان ديبو بيحكيلي موقف أيام ما كان في كاليفورنيا مع واحد صاحبه ودخلوا ياكلوا في محل هندي. صاحبه ده بيقول للجرسون أنا ماليش في الأكل السبايسي ، الجرسون يتنح شوية ويقول له...

Come on man, this is Indian restaurant. Food is either spicy or... Very spicy

وطبعاً من منطلق إني فاقد ، وصديق سوء بقى وكده... أحييكي ع الحتة دي:

وقلت أبو المذاكرة على اللى عايز يذاكر..

دي الدماغ المتكلفة

صباح الخير يا دكتور..المفروض نبخر التوبيك إن حضرتك شرفته...مش بعادة يعنى :happy:

كل دة عشان جبت سيرة الأكل الهندى

بالنسبة للفقدنة..إتفرج على الحلقة بتاعة النهاردة بتاعة الفقدنة الصح

اصل الواحد بيبقى ضعيف قصاد أفلام معينة :blush2:

ابو المذاكرة علي اللي عايز يذاكر :lol:

فكرتيني بايام الجامعة

انا ولا اطيق ريحة الاكل الباكستاني ولا الهندي اصلا ..انت نفسك حلوة اوي يا سوسو

سعادتك في نفس الوقت اللي كنتي شايفة فيه تيمور وبتاعة دة ..كنا في تل ابيب فاتحين ازازة شوربانيا ومراتي مشغله الفيلم وانا بالعب جيم نييد فور سبيد عالكمبيوتر

شيييرز بقة ..تمر هندي ..شوربانيا مصري

هو مش دة مشهد من جمعة الشوان :lol:

بس إزاى الفيلم كان شغال عندكوا المفروض إيه آر تى أمريكا شغالة فى نورث أمريكا بس...ولا أنت قصدك على محطة تانية؟؟!!

بس أنت مفترى سايبها و بتلعب جيمز يا إما قاعد على المنتدى بتجاوب التساؤلات...وكمان فى أجازة العيد...إحنا بنهدى النفوس مافيش أى حاجة wst::

على فكرة البريانى مايفرقش عن الكبسة كتير...و أنت أكيد اكلت كبسة

وبتقول الجو حر ورطوبة و تراب...و إحنا دخلنا فى الشتا خلاص

والنبى أية ؟

حر ورطوبة يبقى كدة الشتا دخل

يا نهار ازرق الدنيا اتغيرت يا بت يا سوسو

كان على ايامنا الحر دا بيجى فى الصيف

معلوماتى عن درجات الحرارة فى الخليج محتاجة اعادة تأهيل بجد ماكونتش متخيلة السواد دا فى الجو

المهم انتى امتحانك امتى؟ ان شاء الله

نوجة أنتى مش دكتورة؟!!! وتهامى قال عليكى موس :happy:

مادخلتيش تشرحيلى ليه الكارديوفاسكولار...ماحدش عبرنى من الأطباء غير قناوى...وهو جلدية وزناتى طلعه مسالك :closedeyes:

وبعدين يا توحفة ...الرطوبة والحر عندهم

الشتا عندى أنا هنا الصبح بدرى وبليل الجو ساقع ولازم جاكت الحرارة بتلعب فى 13 لحد 17

أنا فرحان خالص يا سوسو عشان رجعت بنفس الروح الجميلة

إللى إتعودنا عليها منك ويارب كده دايماً

ومريم بتسلم عليك خالص وبنتمنالك النجاح والتوفيق إن شاء الله

وذاكرى بقى وسيبك من شفيقة وعم شكشك وربنا معاك

هو أنتوا كلكم مبسوطين و إطمنتوا عليا؟!!!!!!!!!!

هو أنا كان دمى تقيل قوى كدة :blink:

لأ أنا أبتديت أقلق على نفسى

سلم على مريم وقلها تدعى كويس الأمتحان أول نوفمبر

خليها تقول....

يارب تنجح يا تتح :lol:

تحياتى

سوسورانى

[SoSo R]

صباحكم فل...الساعة دلوقتى سبعة إلا عشرة

و أنا مش شايفة قدامى عشان مانمتش من إمبارح :blush2: ...والبركة فى القطة الصغيرة :lol:

عمالة بفوق ومش عارفة... لقيت الأغنية دى على الفيس بوك واحدة صاحبتى طايرة بيها وخصوصا لما الكليب بتاعها نزل

أنا مش لاقية الكليب بس جبتلكو الأغنية

احكيلكوا بقى على الفقدنة بتاعة المذاكرة :happy:

أنا بحضر زى حصص مراجعة عشان الأمتحان مع شوية ناس داخلين فى نفس الميعاد

معظمهم سوابق :blink: يعنى ممتحنين مرة أو مرتين قبل كدة

الناس معظمها بتيجى و معاها كوباية التيم هورتونز...تحسوا ناس حافظة مش فاهمة :happy:

عارفين مبدأ ..ريد بول بيعطى جوانيح

أهو هنا تيم هورتونز بيعطى نحانيح :closedeyes:

وماحدش يسألنى يعنى إيه هى طلعت كدة عشان السجع :lol:

أنا بقى زعيمة الفقدنة والراعى الرسمى للضحك فى القعدات دى...دة عشان هم يضحك وهم يبكى..مش عشان مبسوطة بروحى مثلا

إحنا شلة بنات بنقعد ورا زى الطلبة الخيبانة و نقعد نضحك

وكل ما يزهقوا ...يبصوا لى و يقولوا لى أطلبى ناخد بريك...فاقدة بأه

مرة بسأل واحد قاعد جنبينا من الناحية التانية من بتوع تيم هورتونز...هو الناس عمالة تبص لنا ليه؟؟؟

قالى شكلكوا شاربين حاجة :D

و أنا قاعدة باقول للبنت اللى جنبى صبى لى شوية ميه فى الكوباية

هاشرب عشان أنسى wst::

مرة كانوا منهمكين فى الشرح...ورحت أنا طلعت للى بيشرح

بقوله لو سمحت هو اللى بتقولوه دة صيدلة :lol:

أنا حاسة إنى دبلون

طبعا فى الناس اللى بتحضر فيه كمية تفاوت فى الظروف و العمر و الأمكانيات العقلية...مالهاش حل

أنا أعتبر من جيل الوسط...رغم إنهم مش مصدقين إنى عندى بنتين...بس فيه ناس أصلا متخرجة أول إمبارح

وفيه ناس طلعت على المعاش

تحياتى

سوسورانى

[حسام يوسف]

ان شاء الله موفقة يا دكتور سوسوراني

شدي حيلك

وكلنا ثقة فيكي

[znaty]

والله سعادتك الفيلم دة كان بيتذاع الضهر كدة والا العصر موش فاكر على ايه ار تي الافلام 2 :happy:

ولا بصراحة باتخنق من الافلام العربي الا افلام الكوميدي والناصر صلاح الدين وافلام حرب اكتوبر بس وعمر المختار :happy:

غير كدة اجنبي شو تايم وبس

يافندم ماهو انا متلقح قاعد في البيت هو انا نزلت عالقهوة ؟؟ الجتة قاعدة جنبها مافيش مشاكل اهو

من بعد الجواز خلاص ..المكان الوحيد اللي ماباخدش مراتي معايا فيه هو المكتب ؟؟...وبيت الراحة سعادتك :closedeyes: :blush2:

رجعتي خوفتيني من المعادلة تاني

ارجع اقول

كله بوقته لسة بدري عالكلام دة

[Nassarlink]

كمان كانت بترسم حنة...حسب تقاليدهم للعيد...فبنتى الكبيرة شبطت

راحت رسمتلها فى كف إيدها

راحت المدرسة ورجعت ...بتقولى عايزة أشيله...ماحدش فاهم إيه دة وأفتكروه رسمة بالماركر :closedeyes:

قلتلها بيروح بعد أسبووووووووع...عيشى بقى

سوسورانى

المقطوعه دي يا د سوسو عملنا عليها حلقة نقاش انا والمدام وبناتي

والحمد لله خرجنا بتوصيات هامه

من ضمنها

اننا قبل ما نقلد حد نفكر الاول في الفايده الي هتعود علينا

وكمان الضرر الي ممكن يصيبنا من التقليد ده

نصّار

[enjisultan]

نوجة أنتى مش دكتورة؟!!! وتهامى قال عليكى موس

يا بنتى بلا كادريو فاسكيورلار بلا جى اى تى بلا قلة ادب

[znaty]

نوجة أنتى مش دكتورة؟!!! وتهامى قال عليكى موس

يا بنتى بلا كادريو فاسكيورلار بلا جى اى تى بلا قلة ادب

لا لا ماتسكتيلهاش يا سوسو ؟؟

انا ماحدش يقولي فاسكيو بتاع دة واسكتله ابدا

انجليزي دة يا مرسي ؟؟؟؟

[qenawy]

بخصوص تخصص لمسالك يا سوسو احكيلك حكاية لطيفة عشان تعرفي شهرتي وسمعتي التي ضربت الافاق

كنت شغال في الوحدة الصحية في التكليف

وبكشف علي واحد

ولما خلصت لقيت واحد منتظرني عشان معاه كشف في البيت علي بعد 3 كيلو

قلت ماشي

رحت معاه وطول الطرق عمال انا اقول الف سلامة والله ان شاء الله بسيطة

وهو يرد والله يا دكتور ده تعبان قوي بقاله يومين ما بياكلش

وانا برد الف سلامة تلاقيه بس زعلان ولا نفسيته مش كويسه

المهم بعد عذاب وصلنا البيت

انهم يقولولوي اتفضل ادخل مافيش

جه بعدها واحد من جوه قاللي تحب تشوفه هنا ولا في الحوش

قلتلهم ليه

قالولي اصل احنا مكتفينه عشان بيسك (بيرفس يعني )

رديت الف سلامة علي الحاج

قالوا لي الحاج ؟ حاج مين

ده العجل بقاله يومين مبياكلش وتعبان

قلتلهم العجل

انا اسف طبيب بيشاري مش بيتاري

الصراحة قعدت اضحك يومين علي الحاج بس اللي غايظني ان المغفل اللي باعتينه كان شايفني في الوحدة الصحية بكشف علي بني ادم

سبحان الله ايام

اكملك الكارديو فاسوكلار

ولا ادخلك علي بيت الكلاوي

[enjisultan]

لازم يا باشمهندس يكون الرد قاطع مش تقولى اشرحى لى كارديوفاسكيولار اقوم اسكت

لأ الرد يبفى جاستروانيستينال...سريبروفاسكيولار..رد حازم وقاطع

[enjisultan]

دكتور قناوى فكرتنى بالايام التكليف الوهمية

كنت مش فاهمة العيانين وفى ناس بتكرر على نفس الوحدة بقى عندهم بيليفس بقى انى مش من مصر

وانا بادخل المركز الاقى اللى يقولى واتز يور نيم

من قاموس المرضى صرصور =ودان

إحساسية =حساسية يعنى

سيلاية -يعنى قشة او شوكة او انا لسة ماعرفتش اية هيا

[znaty]

بخصوص تخصص لمسالك يا سوسو احكيلك حكاية لطيفة عشان تعرفي شهرتي وسمعتي التي ضربت الافاق

كنت شغال في الوحدة الصحية في التكليف

وبكشف علي واحد

ولما خلصت لقيت واحد منتظرني عشان معاه كشف في البيت علي بعد 3 كيلو

قلت ماشي

رحت معاه وطول الطرق عمال انا اقول الف سلامة والله ان شاء الله بسيطة

وهو يرد والله يا دكتور ده تعبان قوي بقاله يومين ما بياكلش

وانا برد الف سلامة تلاقيه بس زعلان ولا نفسيته مش كويسه

المهم بعد عذاب وصلنا البيت

انهم يقولولوي اتفضل ادخل مافيش

جه بعدها واحد من جوه قاللي تحب تشوفه هنا ولا في الحوش

قلتلهم ليه

قالولي اصل احنا مكتفينه عشان بيسك (بيرفس يعني )

رديت الف سلامة علي الحاج

قالوا لي الحاج ؟ حاج مين

ده العجل بقاله يومين مبياكلش وتعبان

قلتلهم العجل

انا اسف طبيب بيشاري مش بيتاري

الصراحة قعدت اضحك يومين علي الحاج بس اللي غايظني ان المغفل اللي باعتينه كان شايفني في الوحدة الصحية بكشف علي بني ادم

سبحان الله ايام

اكملك الكارديو فاسوكلار

ولا ادخلك علي بيت الكلاوي

:closedeyes:

لا بصراحة انا اتقتلت من الضحك

علشان كدة انت عاوز تهاجر كندا ؟؟؟؟؟؟؟؟؟؟؟؟؟؟؟

بيرفس ؟؟؟؟لا حول ولا قوة الا بالله

طب متهيالي دي عاوزة دكتور نفسي :blush2:

موش كانت المسالك ارحم

[znaty]

لازم يا باشمهندس يكون الرد قاطع مش تقولى اشرحى لى كارديوفاسكيولار اقوم اسكت

لأ الرد يبفى جاستروانيستينال...سريبروفاسكيولار..رد حازم وقاطع

سلام قولا من رب رحيم

دي تعويذة دي هاتسخطنا ضفادع والا ايه بالظبط

حد يترجم يا اخوانا انا جتتي موش خالصة

[qenawy]

مش عاوز اقولك يا زناتي اني الاب الوحي ل خروفين

كان واحد جايب امهم الوحدة تولد

والله العظيم بجد

المهم لغاية ما فهمتوا اني انا الدكتور فلان بيشاري فقط كانت النعجة ولدت خروفين في منهي الجمال بس طبعا الولادة كانت طبيعية بس صعبة فالخروفين نزلوا فطسانين

رحت جبت جهاز محلول وريدي وقعدت اشفط بيه الافرازات والمخاط من حلقهم ومناخيرهم وضربتين علي ضهرهم لغاية ما فاقوا

ودلوقتي ماشاء الله بقيوا حاجة تشرف

بوسة :closedeyes:

تصبح علي خير