أونتاريو ترحب بـ سوسو

[safaalabana]

طمنينا يا سوسو..يارب بالنجاح ان شاء الله wst::

[مراد أنور]

اللهم يسر على سوسو الإمتحان :rolleyes:

وإجعلها من الناجحين بإذنك يا كريم

قولو أميييييييييييييييييييييييييين

[ZOOZ]

موفقه ان شاء الله

[SoSo R]

ألف شكر.... ألف شكر....ألف شكر....ألف شكر....ألف شكر....

وش الخطيب يوم ماتش إعتزاله :rolleyes:

أنا حاسة إنى إتضربت فى الخلاط

أو حد ضربنى بمضرب بيسبول على دماغى و طلعلى نتوء فى دماغى زى أفلام الكارتون بس مافيش عصافير بتلف...

عصافير إيه؟!! :blink:

قولوا ديناصورات...زواحف طايرة...طيور زاحفة...كلاب صعرانة

اى حاجة ليها وزن

بس هو إيه اللى حصل فى غيابى...

قريت سمك وبابا غنوج...وصور

وأنا معدية لقيت أحمد سيف مزرق!!!!

هو أنا دخلت منتدى غلط؟؟؟

طيب حد يقولى الملخص بسرعة ما أنا هقرى فين ولا فين...أنا أصلى نظرى إتلحس بعد الأمتحان

تحياتى

سوسورانى

[moheltohamy]

يا بنت اللزينا...

داخلة واخدانا في دوكة ، وحتى ما قلتيلناش عملتي إيه في الامتحانات! داحنا صوتنا اتبح من كتر الدعا!

أحمد سيف مش هينفعك... قولي وطمنينا... عملتي إيه؟!

وإيه آخر أخبارك؟

المفروض خلّصتي وفضيتي لنا ، ونرجع نتآنس بيكي تاني :)

مش كده ولاّ إيه؟! (وش فؤاد المهندس في كلمتين وبس wst:: )

[qenawy]

حمدا لله علي السلامة يا سوسو

وسلامتك من البطحات واللكمايات

ان شاء الله انا

وان شاء الله ناجحة

[SoSo R]

يا بنت اللزينا...

داخلة واخدانا في دوكة ، وحتى ما قلتيلناش عملتي إيه في الامتحانات! داحنا صوتنا اتبح من كتر الدعا!

أحمد سيف مش هينفعك... قولي وطمنينا... عملتي إيه؟!

وإيه آخر أخبارك؟

المفروض خلّصتي وفضيتي لنا ، ونرجع نتآنس بيكي تاني wst::

مش كده ولاّ إيه؟! (وش فؤاد المهندس في كلمتين وبس :) )

ياااااااااااه دكتور تهامى..

عشان من شافك...أنت جيت برجليك ومش هاسيبك...وقعت يا ريس

ردا على سؤالك.. كل لبيب بالأشارة يفهم...يعنى تفتكر ماجبتش سيرة الأمتحان ليه؟؟

عشان كان هباااااااااااااااااااااااااااااااااااااااااااااااااااااااااااااااااااااااااااااا

ااااااااااااااب وخصوصا النهاردة الورقة التانية كانت سيئة...ماتفكرنيش عشان بحاول أنسى

ليه بقى بقولك جيت برجليك؟!!

المنتدى المجنون دة جاب لى إكتئاب..كنت مضبطة الأعدادات إن لما تيجيلى رسالة أو حد يكتب فى موضوعى مداخلة يجيلى ميل

ولا الهوا...قلت يمكن مش شغال

لقيت حضرتك إن إميلى إتقفل من كتر المداخلات اللى فى موضوعك و موضوع الشامى و أنا إل نيا با دو مداخلات دو رسايل...يبقى الخاصية شغالة و أنا إتحلقلى وما حدش عبرنى

يعنى سوسورانى دى كلبة وراحت

بس الحمد لله لقيت :)

دة غير إنى حاولت أدخل وكان فى مشكلة فى الدخول

شفت بأة منتداكم wst::

حمدا لله علي السلامة يا سوسو

وسلامتك من البطحات واللكمايات

ان شاء الله انا

وان شاء الله ناجحة

الله يسلمك يا دكتور أخبار حضرتك إيه؟؟

سلامتك من الخبطات أنا اللى أستويت الصراحة وتعبانة ومرهقة بشكل غير عادى واصلة لحد الأعياء

لو سهرانين نبتدى الحكايات

تحياتى

سوسورانى

[moheltohamy]

هباب هباب... المهم النفَس :)

إزايّ مزاجك؟ ده أهم حاجة. بلا امتحان بقى بلا خوتة دماغ wst::

ماحنا عشان الدماغ والمزاج العنب رحنا دبي wst::

ثانياً حضرتك... إحنا معلّمين بنشتغل وبنخدّم ع الزباين بتوعنا... حظك بقى واحنا بنسيّأ القهاوي بتاعتنا ، طرطشت عليكي! عادي بقى :P

فين بقى حواديتك وحكاوي الدنيا معاكي ، والأيام اللي بنعيشها في كندا؟ ولاّ عمالة تعيشيها لوحدك وسايبانا هنا نستمتع في المحروسة :)

متابعيييييين... وسهرانين... شوية wst::

[Shehab]

حمد لله ع السلامة يا دكتورة

فكك بقى من الامتحانات و السكة الخطرة اللى انت ماشية فيها و التفت لزباينك اللى طفشوا

بلا امتحانات بلا نيلة......الامتحانات بتروح و تيجى انما الزباين الحلوة ما بتتعوضش!!!

و بعدين صحيح...تعالى هنا؟؟

ايه اللى اننى بتقوليه ده؟؟ :)

باعتبرك زى أخويا الكبير ...

مين اخوكى الكبير ده؟؟؟ wst::

و بعدين احنا مش لسه قريب محتفلين بعيد ميلادك الواحد و عشرين؟؟ قصدى ال 19 ؟؟؟ :)

و لا انت لسه شايلها لى من ساعتها؟؟

[SoSo R]

هل هلالك شهر مبارك ))

ماكنتش معادلة يعني اللي تعمل فيكي كدة ؟

انا مابحبش الانتررابتنج علشان كدة ماعلقتش على غيابك في التوبيك بتاعك

بس انا قررت خلاص

موش حاسمح لمعادلة تعمل فيا كدة

انا قررت اشتغل افسح كلاب زي ما زهيري قال

وهامل المعادلة بتاعة مفسحاتي الكلاب بتاعة صعيدي في مونتريال

هي كلها كورس عضم وبسكوت كلاب واسرع طريقة لربط الطوق وخلصنا

واهي شغلانة روقان وبتشم هوا وزي الفل

وممكن البس بدلة ويفتكروا البيه الكلب دة بتاعي انا wst::

وعلى راي محمود عبد العزيز في العار ...بلا دكتور بلا نيلة بأه

يا مساء الخير...لسه بقول ماكانش قلقاس اللى ما كلناهوش وما تسألش عليا فى محنتى

ردا على حكاية الكلاب دى هاحكيلك حاجة كوميدية

عن واحدة بروفيشنال إنجنير دلوقت عقبال أملتك و شغالة فى الحكومة...أنا ما بحسدش بقر بس wst::

كانت زمان بتشتغل سيتنج للكلب يعنى تقعد بيه زى البيبى لما أصحابه يسافروا..وكدة

المهم مش عارفة كان ماله...نفسيته تعبانة حاسس بالوحدة المهم ماكانش مضبوط...تقول لجوزها إتصل بالدكتور بتاعه..وهو مش راضى

على الساعة 12 بليل الحالة زادت وهى خافت من المسئولية قدام اصحاب الكلب...إتصلو بي الدكتور

قلهم..إيكش يولع الكلب و أصحاب الكلب و اللى عايز يربى كلاب أو يقعد بيهم :P

شفت بأه آدى أخرت الكلاب

وبعدين أنت مش قلت جبت لاب توب جديد وإتحمست للمعادلة وهتنجز...إيه اللى حصل؟؟

لسه بدرى عشان تكسل wst::

هباب هباب... المهم النفَس

إزايّ مزاجك؟ ده أهم حاجة. بلا امتحان بقى بلا خوتة دماغ

ماحنا عشان الدماغ والمزاج العنب رحنا دبي

ثانياً حضرتك... إحنا معلّمين بنشتغل وبنخدّم ع الزباين بتوعنا... حظك بقى واحنا بنسيّأ القهاوي بتاعتنا ، طرطشت عليكي! عادي بقى :P

فين بقى حواديتك وحكاوي الدنيا معاكي ، والأيام اللي بنعيشها في كندا؟ ولاّ عمالة تعيشيها لوحدك وسايبانا هنا نستمتع في المحروسة

متابعيييييين... وسهرانين... شوية

فين سهرانين؟! po::

القهوة مهوية

أروح أنام شوية أرجع ألاقيها بتصفر

و أنت عشان مزاجك العنب تروح دبى وأنا يطلع عين أهلى :)

وكمان بتتعزم على سمك فى إسكندرية!!

يعنى عمال تتعزم فى كل بلد تروحها و أنا بقالى أسبوعين عندى سوء تغذية..دة بجد على فكرة

على رأى مسيو نصار..ناس هايصة وناس لايصة

وبعدين زباين إيه اللى بتخدم عليهم..دة أنت بتسيب المداخلات عندك لحد ماتحمض...دة أنا ليا عندك كمية مداخلات متطنشة...ونويت أعتصم وما أكتبش عندك تانى :)

حمد لله ع السلامة يا دكتورة

فكك بقى من الامتحانات و السكة الخطرة اللى انت ماشية فيها و التفت لزباينك اللى طفشوا

بلا امتحانات بلا نيلة......الامتحانات بتروح و تيجى انما الزباين الحلوة ما بتتعوضش!!!

و بعدين صحيح...تعالى هنا؟؟

ايه اللى اننى بتقوليه ده؟؟

باعتبرك زى أخويا الكبير ...

مين اخوكى الكبير ده؟؟؟

و بعدين احنا مش لسه قريب محتفلين بعيد ميلادك الواحد و عشرين؟؟ قصدى ال 19 ؟؟؟

و لا انت لسه شايلها لى من ساعتها؟؟

ليه يا شهاب هو أنت تحت السن القانونى :P

لسه ماكملتش 18 سنة ولا إيه

:D ومعاك رخصة على كدة ولا لسه بتتشعبط

بس على فكرة الرخصة هنا من سن 16 سنة

تحياتى

سوسورانى

[SoSo R]

حاولي تبعدي عن اي ناس سلبيين قبل الامتحان يا دكتوره سوسو.

انا لحد النهارده بادخل واطلع من امتحانات والخلاصه في رايي

ان النجاح في الامتحان رزق من ربنا بيدور علي صاحبه،الامتحانات الكنديه والامريكيه والبريطانيه تكتيك ولو هتذاكري بطريقه مصر وايام الجامعه مش هينفع ابدا

الامتحانات دي بتعتمد علي معلومات معينه مش هتاخدي بالك منها الا بحل اسئله كتيره جدا جدا يعني يكون عندك بنك mcq ; كبير وانت بتحلي تحاولي تطلعي المعومه عي جنب علشان دي الي هتتحفظ وتتكر

صدقيني شفت ناس مستواها عادي جدا في مهنتي وبتعدي وناس ممتازه جدا لكن بتعدي بعد محاولات.

الخلاصه اعملي الي عليكي وربنا لو كتب ليكي النجاح هتنجحي ان شاء الله

اخيرا الف سلامه علي صباعك الي اتعور من السكينه اهم حاجه يكون في ايدك الشمال ولو صباع رجلك الصغير يبقي فداكى

:happy:

صباح الفل يا دكتور أخبار حضرتك إيه؟

كل اللى حضرتك بتقوله صح جدا بما يخص بنك الأسئلة المشكلة بقى إن البورد عرفوا إن الأسئلة بتتسرب وأبتدوا ما يكرروش أى أسئلة قديمة لو كرروها يحطوا كلمة تغير مضمون السؤال و إجابته 180 درجة عشان لو حد حافظ السؤال بإجابته يجاوبه غلط

غير بقى الأسئلة كلها خدع يعنى السؤال يوديك فى إتجاه غير المفروض تروحله وتضيع وقتك فى محاولة التركيز ومعرفة الأجابة صح بعد التضليل اللى عاملينه

الأمتحان طويل جدا والوقت غير كافى لأن كل حالة بيكتب لها قصة طويل عريضة...هاديك مثال..

أحمد متجوز من سنية..سنية تخينة قوى وبتاخد حبوب منع حمل..وبتفكر تاخد حبوب منع حمل

أحمد عنده سكر بياخد له جرعة إنسولين بليل و ميتفورمين الصبح

يا ترى إيه القراية المضبوطة لمستوى الجلوكوز فى الدم بعد الوجبات؟ md2:

شفت النظام...قلة أدب

فيه سؤال مستفز جدا جه إمبارح...بيقولك إيه الكلمة المشهورة اللى بتكتبها الشركات على الفولتير لما مايكونش فيه ستوك كفاية؟؟؟

أجيبها منين بالذمة

قيس بقى على كدة لوكشة أسئلة ملهاش مصدر للمذاكرة عن الأدارة و التخطيط المالى للصيدلية

الله يحرقهم ويحرق الصيدليات و اللى عايز يبقى صيدلى بصراحة حاجة تقرف md2:

بمناسبة السكاكين...هاقولك على حاجة حصلت لى ممكن ماتصدقهاش بس دة اللى حصل صدقنى...أصل قصصى مع السكاكين كلها مش تمام

لسه راجعة من شهر العسل من يومين و بنفطر وكان فيه سكينة كبيرة محطوطة على طبق الجبنة..وأنا شايلة الطبق...وعليه السكينة طالعة لبره شوية...والباب متوارب وأنا معدية من جنب الباب تخبط السكينة فيه...تطير فى الهوا وتلف لفتين و تنزل على صباعى...والدم بقى يتطاير مش عارفين نوقفه الحمدلله جوزى كان لسه مانزلش الشغل

خدنى بسرعة على مستشفى النزهة و.......................4 غرز فى صباعى :sad:

عشان كدة بقى بكره السكاكين الكبيرة!!

تحياتى

سوسورانى

السلام عليكم :blink:

أنا لسه حى أرزق والحمد لله بعد معركة المنيل الأيلتس الأولانية :blink:

رغم إنى طلعت بخبرة كبيرة جداً من الإمتحان ده

و حبيت ألخصها ليكى يا سوسو وهى

الإستعانة بالله والثقة فيه والتدريب الكتير و بإذن الله النجاح mfb:

وربنا معاك smk:

ليه بس كدة دة انا كنت فاكرة تاريخ امتحانك وقعدت ادعيلك...هيا مريم كانت نايمة ساعتها :lol: ولا إيه؟؟

ربنا يوفقك وتجيب النتيجة اللى محتاجها...هتطلع إمتى النتيجة؟؟

ربنا يوفقك يا رب

تحياتى

سوسورانى

تم تعديل 6 نوفمبر 2009 بواسطة SoSoRaNy

[Phizer]

ينهار ابيض سوسوراني تطلع صيدلانيه !!!!!

وانا قال فاكرها بشري وقعدت اقول واحنا ملناش ضهر وملناش بتاع

المهم ربنا انشاء الله يكرمك ولا تيئسي واحد صاحبي كان داخل الاوسكي المره الي فاتت بكلمه قعد يسب ويلعن فالبورد والي فيه المهم وبعد الفلم ده نجح فعشان كده بقلك انشااااء الله خيييير

صحيح على سيره الكلمه المشهوره انا لي سؤال ينم عن مستواى الجهل الي الحمدلله الواحد وصله هوا ايه ال فولتير ده؟؟؟

تم تعديل 6 نوفمبر 2009 بواسطة Phizer

[Shehab]

ليه يا شهاب هو أنت تحت السن القانونى :P

لسه ماكملتش 18 سنة ولا إيه

:D ومعاك رخصة على كدة ولا لسه بتتشعبط

بس على فكرة الرخصة هنا من سن 16 سنة

لأ و انت الصادقة مش بتشعبط.....بسطح ع السقف!!! smk:

و بعدين 16 ايه و 18 ....هو انا بقولك ان احنا بنحتفل بعيد ميلادك ال 13 ؟؟؟ :cry:

ده انا بقولك 29 بس ال 1 اتكتب غلط بدل 2...عادى يعنى!! :lol:

و بعدين صحيح بمناسبة الكلام ع الرخص....اخبار موضوع العربية ايه؟ انت مش كنت خلصت

موضوع الرخصة ده؟؟؟

[znaty]

دة انتي لو بتنشني موش هاتنزل السكينة راشقة كدة :lol:

حظ محترفين صراحة

دة ولا افلام الكارتون

حمد الله على السلامة

[SoSo R]

ينهار ابيض سوسوراني تطلع صيدلانيه !!!!!

وانا قال فاكرها بشري وقعدت اقول واحنا ملناش ضهر وملناش بتاع

المهم ربنا انشاء الله يكرمك ولا تيئسي واحد صاحبي كان داخل الاوسكي المره الي فاتت بكلمه قعد يسب ويلعن فالبورد والي فيه المهم وبعد الفلم ده نجح فعشان كده بقلك انشااااء الله خيييير

صحيح على سيره الكلمه المشهوره انا لي سؤال ينم عن مستواى الجهل الي الحمدلله الواحد وصله هوا ايه ال فولتير ده؟؟؟ومها

أهلا يا دكتور فايزر..

أنت ليه صحيح مسمى نفسك فايزر طب ليه مش شيرينج مثلا :cry:

بص حضرتك دة مش جهل منك ...دة ضعف نظر منى ...هى فواتير عادى

فولتير دة عندكم فى الفرنساوى :D

أما الأوسكى دى حكاية لوحده...يعنى ممكن يكون عمل معظم البنود فى الليست مع الأسيسور وما حطش العيان فى ريسك

وكمان مستوى الناس يمش عالى قوى لأنهم بياخدوا حسب متوسط المستوى...ودى مشكلة إمتحان مايو وخصوصا فى تورنتو لأن بتوع يو أوف تى بيدخلوا الأمتحان دة

طبعا المصريين بتطحنوا لو كتبوا تورنتو بالغلط

ربك يسترها

ليه يا شهاب هو أنت تحت السن القانونى :P

لسه ماكملتش 18 سنة ولا إيه

:D ومعاك رخصة على كدة ولا لسه بتتشعبط

بس على فكرة الرخصة هنا من سن 16 سنة

لأ و انت الصادقة مش بتشعبط.....بسطح ع السقف!!! smk:

و بعدين 16 ايه و 18 ....هو انا بقولك ان احنا بنحتفل بعيد ميلادك ال 13 ؟؟؟ :P

ده انا بقولك 29 بس ال 1 اتكتب غلط بدل 2...عادى يعنى!! :lol:

و بعدين صحيح بمناسبة الكلام ع الرخص....اخبار موضوع العربية ايه؟ انت مش كنت خلصت

موضوع الرخصة ده؟؟؟

ماشى يا شهاب...

انا اصلا مابيفرقش معايا موضوع السن دة...29 30 مش هتفرق

أما موضوع العربية الحمدلله ربنا وفقنى فى ميكروباص

ومن ضمن الحاجات اللى كانت عمالة تحصلى قبل الأمتحان...السنتر باظ...والعربية باتت ليلتين مفتوحة و أنا مش دريانة

قلت هو كله ضرب ما فيش شتيمة smk:

يوم الأمتحان بقى كنت نازلة الساعة .5:30 الصبح و ألاقى طبقة من التلج خفيفة زى التلج اللى فى الفريزر عامل زى الأزاز ومش عارفة أشيلها إزاى و مش شايفة حاجة...إتصلت بالست اللى بسيب عندها العيال قلتلها أنا مش شايفة حاجة ....أتصرف إزاى بعتت لى جوزها وقعد يقولى الخطوات لحد ما أنا اللى إيديا إتجمدوا..بس ساحت الطبقة ورحت الحمدلله فى ميعادى...ربنا بيسهلها من عنده

أنا قابلتنى كمية حاجات فى الفترة اللى قبل الأمتحان علطول ...و أنا فى عرض دقيقة وما فيش حد يساعد

بلاش نتكلم فى الماضى على رأى عمرو دياب عشان الأيام اللى فاتت كانت سودة بصراحة

تحياتى

سوسورانى

[SoSo R]

دة انتي لو بتنشني موش هاتنزل السكينة راشقة كدة :lol:

حظ محترفين صراحة

دة ولا افلام الكارتون

حمد الله على السلامة

أنت عارف يا باشمهندس ماكانش حد مصدق القصة اللى بحكيها دى...بس بجد دة اللى حصل فى جزء من الثانية لقيت الدم على الأرض و فى كل حتة

كل الناس فاكرانى بألف القصة دى عشان محرجة إنى حصلت لى حادثة فى المطبخ عشان متجوزة جديد ولسه مش متعودة :cry:

[Phizer]

ينهار ابيض سوسوراني تطلع صيدلانيه !!!!!

وانا قال فاكرها بشري وقعدت اقول واحنا ملناش ضهر وملناش بتاع

المهم ربنا انشاء الله يكرمك ولا تيئسي واحد صاحبي كان داخل الاوسكي المره الي فاتت بكلمه قعد يسب ويلعن فالبورد والي فيه المهم وبعد الفلم ده نجح فعشان كده بقلك انشااااء الله خيييير

صحيح على سيره الكلمه المشهوره انا لي سؤال ينم عن مستواى الجهل الي الحمدلله الواحد وصله هوا ايه ال فولتير ده؟؟؟ومها

أهلا يا دكتور فايزر..

أنت ليه صحيح مسمى نفسك فايزر طب ليه مش شيرينج مثلا :lol:

بص حضرتك دة مش جهل منك ...دة ضعف نظر منى ...هى فواتير عادى

فولتير دة عندكم فى الفرنساوى :cry:

أما الأوسكى دى حكاية لوحده...يعنى ممكن يكون عمل معظم البنود فى الليست مع الأسيسور وما حطش العيان فى ريسك

وكمان مستوى الناس يمش عالى قوى لأنهم بياخدوا حسب متوسط المستوى...ودى مشكلة إمتحان مايو وخصوصا فى تورنتو لأن بتوع يو أوف تى بيدخلوا الأمتحان دة

طبعا المصريين بتطحنوا لو كتبوا تورنتو بالغلط

ربك يسترها

تحياتى

سوسورانى

بذمتك شيرنج ايه دي حتى اسمها صعب اما فيزر صحيح في تي مش بتتنطق بس برضه خيرهم عليا وبعدين دول عشره 3 شهووووووور انا اشتغلتهم لحد ما اترفدت اسرع عمليه رفد حصلت

كله عشان خاطر عنيكي يا كوكو

[SoSo R]

بذمتك شيرنج ايه دي حتى اسمها صعب اما فيزر صحيح في تي مش بتتنطق بس برضه خيرهم عليا وبعدين دول عشره 3 شهووووووور انا اشتغلتهم لحد ما اترفدت اسرع عمليه رفد حصلت

كله عشان خاطر عنيكي يا كوكو

بص بقى الشركات كلها مالهاش أمان ياخدوك لحم و يرموك عضم ويبعوك عند أول ناصية...

لا تقولى شيرنج ولا فايزر ولا نوفارتس كلهم حثالة عن تجربة فى شركات كتير مالتى ناشيونال

اما اللوكال فدول أسخم وأدل

يعنى من الآخر شغلانة الدعاية دى...زباااااااااااااااااااااااااااااااااالة

بس خلاص

تحياتى

سوسورانى

[SoSo R]

عشان خاطر الأستاذ المشرف و بناء على تعليماته عن الأيام اللى بعيشها فى كندا...إتفضل يا دكتور تهامى موقف لسه بنار الفرن..أول قطفة :D

نزلت أعمل شوبنج للبيت لأنى زى ماقلتلك عندى سوء تغذية.... البيت . خاوى على عروشه مافيهوش أى حاجة

إحنا وبلا فخر عايشين على التونة والبيض بقالنا أكتر من أسبوعين...مافيش فتفوتة عيش ولا حبة خضار أو فاكهة...

يعنى الوضع كان مزرى بكل معنى الكلمة

طبعا أنا بكره يوم الشوبينج خصوصا لما الدنيا تكون مهوية كدة لأن معناه إنى هجيب حاجات كتير...يعنى وسطى هيتخلع

غير إن النصيحة اللى إتقالت خزنى حاجات نواشف عشان الجو لما يبوظ مش هينفع تنزلى

ومن منطلق إن الميانص إبتدت...-4 حاليا

فلازم نعمل زى النمل ونحط الأكل فى الخن...

عشان ماأطولش عليكم ..كنت فى كوسكو"هاعمله حلقة منفصلة"

وخلاص حاسبت فى الكاشير وبنتى قاعدة على كرسى الكارت والست غلطت وحطت جنبها علبة الديب إن وذ أونيون

وراحت بكل ثقة رزعتها على الأرض تقوم العلبة طبعا إتفتحت من الوقعة على الأرض وتطاير اللى جواها وتغرق كل الناس اللى واقفة :)

أنا بقى كنت هاموت من الأحراج وعمالة أعتذر وهما بيضحكوا :sad:

واحد من الكاشيرات الجاكت بتاعه غرق وعمالين يقولوله هتبقى ريحتك وحشة..ويضحك وهما يضحكوا

رحت أجيب العلبة من على الأرض...أخدها منى وقالى هاجيب لك واحدة تانية wst::

دة إيه الحلاوة دى...أصلا مش غلطتهم وهما يعوضونى بواحدة تانية كمان

وواحدة تقول..

it was a good shot

يا سلااااااام أنا ميتة من الكسوف وهما سعدا وعادى

تخيلوا لو الموقف دة كان حصل فى الشرق الأوسط...كان هيكون إيه رد الفعل؟؟ wst::

أسيبه لخيالكم ولا أقترح إجابات

هل كانوا هيقولولى يا بنت التييييييييييييييت؟!! :)

تحياتى

سوسورانى

تم تعديل 7 نوفمبر 2009 بواسطة SoSoRaNy

[moheltohamy]

يا سلام عليكي يا بنت يا سوسو لما تمخمخي :wub:

والله زمان يا ممدوح... أيوه كده المشاريب دي بروحك المعهودة كان ليها وحشة ، ربنا ما يحرمنا من مشاركاتك :lol:

بس يا ريت لو تفتكريلنا موقف زبالة من الأشقاء الكنادوة ، برضه عشان ما يقولوش إننا فاكرينها الجنة ، الله يمسيه بالخير تورونتو :happy:

بس بجد... تسجيل إعجاب واستمتاع ومخمخة يا فندم... وتعيشي وترسمي البسمة على وجوهنا دايماً يا رب :P

وربنا يصبّرنا الست ساعات اللي باقيين لنا في البلد دي ، لغاية ما نستمتع في أرض المخمخة... البريمة :wub: