أونتاريو ترحب بـ سوسو

[SoSo R]

http://www.egyptiantalks.org/invb/?showtopic=80592

:P :D

شكلها كدة هترسى على كب كيك و جواه شمعة...

هاروح اجيبلها صورة و أجى

تحياتى

سوسورانى

[SoSo R]

بمناسبة الكلام على الفرن بتاع الكويت اللى كان 45 قبل ما أمشى علطول من هناك....

هاقول حتة سريعة كدة..

مساء الأستعباط و الأستهبال...دة كلامى مع اى حد بيقولى الجو حلو

حلو إيه؟؟؟

دة تهريج...الحرارة بتلعب من 12 لحد 15 ويقولوا صيف؟؟!!!

دة غير المطر...تو ماتش يا مان

طيب هاحكيلكو حاجة..

لما جينا نفضى جزء من الشنط ...جوزى يطلع و أنا أقوله لأ دى شنطة الشتوى سيبها خالص و طلع الصيفى بس...

و كانت المصيبة...الجو ساقعة...يعنى مساوى للشتاء بتاع الكويت بالضبط :D

طلعت الجاكيتس و البيجامات الشتوى بتاعة العيال وجزء من اللبس الخريفى بتاعى ...يادوبك بقيت فاين و قادرة أتعايش

أسبوع كامل الجو ساقع...إيه الغلب دة؟؟!!

النهاردة عشان الجو دافى و دخلت الحرارة فى 22 الناس عايشة حياة الناس والصيف ولابسين من غير هدوم و أنا اللى قلت عليهم مؤدبين :P

حاسة كانهم قاعدين على البلاج مش ماشيين فى المول...وفى الشارع

الغريب إن أكتر ناس من غير هدوم هما السود...مش فاهمة فرحانين بروحهم على إيه؟؟!!

تحياتى

سوسورانى

[emano]

ايه ياسوسو ده انت بتقولى الحياه قاسيه

وانت مبقلكيش اسوعين واصله

لالالالا متفقناش على كده خالص

ده انت كده حطفشى الزباين ومحدش حيقبل على كندا

ده كده العموله حتقل مش حتزيد :P

[SoSo R]

ايه ياسوسو ده انت بتقولى الحياه قاسيه

وانت مبقلكيش اسوعين واصله

لالالالا متفقناش على كده خالص

ده انت كده حطفشى الزباين ومحدش حيقبل على كندا

ده كده العموله حتقل مش حتزيد :P

الحياة قاسية يا إيمانو عشان المصاريف كتير

وبعدين موضوع الحياة قاسية دى حقيقة فى أى حتة فى الدنيا

الحياة قاسية و الريتم سريع جدا مهما كان المكان

تحياتى

سوسورانى

[SoSo R]

أكمل حكاية يوم الأنترفيو...

ركبنا العربية أنا وواحدة قريبتنا لحد الصب واى محطة إسمها تقريبا كبلن لحد مش فاكرة فين المهم بدلنا المترو...ونزلنا فى إجلينتون

المحطة كبيرة و فيها أسانسير ودى حاجة مهمة لأن كان معايا السترولر ومحتاسة بالبنت...

الناس كلها بتعرض تساعد و تشيل معانا غير إنهم عايزين يقوموا لى لو مافيش مكان فاضى

عجبنى قوى ماكنة تحط لها الفلوس تنزل التذاكر اللى هى اسمها توكينز عاملة زى العملات الحديد (كوينز(

صورتها لكو و أنا بقول الناس هتقول دى محدثة نعمة :P

و صورت كمان إتنين بيضربوا موسيقى فى محطة إجلينتون هما شحاتين صحيح بس شكلهم نضيف و مبتسمين و الموسيقى دى كانت جميلة قوى

وصورت عربية هوت دوج فى الشارع جنب المحطة...هناك عربيات أكل من كل الأنواع والروايح جميلة بس مالحقتش أجرب أى حاجة

رحت العنوان وإدونى أبليكيشن فيه معلومات شخصية و بعدين إمتحان شبه بتاع الأى كيو فيه حاجات حسابية و أسئلة فى حاجات لغوية وحركات كدة مش فاهمة إيه علاقته بالأمن؟؟!!

لسه هاجاوب و بنتى فضحت الدنيا عياط..لقيت السكرتيرة بتنادينى و تقولى أقعدى معاها وجاوبى برة بدل ما تسيبها تعيط

والراجل المدير يقولها ما تعيطيش اللى فى سنك ماعندوش سبب يعيط كدة وبعدين قالها تانى الجملة اللى إتقالت لها فى هيثرو

I like your brown curly hair

سكتت شوية و بعدين جالها حالة الأدمان بتاعة الشيكولاتة وعايزة دلوقت حالا الراجل سألنى معاكى ريومى...لأ ما أنتو ما طلبتوش فى التليفون

خلاص خدى الأيميل و أبعتيها عشان إتس نت فير للبنت إنها تستنى أكتر من ساعة

خدتها تحت ندور على شيكولاتة لقيت قهوة أسمها ميمى بتبيع أكل و سلطات

واحدة فريرو روشيه و صدر فراخ بانيه متسيح عليه جبنة أسمها غريب و عليها جبنة براميزان مع دايت كوك

و بعدين عديت على الكومنيوتى سنتر بتقولى تعالى عندنا تنضيف بشرة...مش وقتك خالص ..البنت أصلا كانت شبطانة فى بالونة مش أكتر و الكلبة مارضيتش تديها واحدة

[د هشام ابراهيم]

بمناسبة الكلام على الفرن بتاع الكويت اللى كان 45 قبل ما أمشى علطول من هناك....

هاقول حتة سريعة كدة..

مساء الأستعباط و الأستهبال...دة كلامى مع اى حد بيقولى الجو حلو

حلو إيه؟؟؟

دة تهريج...الحرارة بتلعب من 12 لحد 15 ويقولوا صيف؟؟!!!

شكلك حتفضحينا يا 005 ........ صيف مين بس يا بوند باشا .....ربيع .....ما قلنا السنة متقسمة ٤ فصول بجد ...كل فصل واخد حقه ....لسه الصيف و الرطوبة جايين ...... النهارده كانوا بشاير بس .....هما الكنادوة كده أول ما الدنيا تدفي شوية الحرمان بتاع الشتا بيبان عليهم و تلاقيهم طلعوا من هدومهم و لا بيهمهم لا شكل و لا حجم و ما حدش ليه عندهم حاجة :D

عارفة لولا المطر ده ما كانتش الدنيا تبقى خضرة كده ...نعمة من عند ربنا ...الحمد لله

بالمناسبة درجة الحرارة لوحدها كده ما بتقولش حالة الجو ..... لازم يقولك درجة الحرارة و it feels like كام باعتبار ال humidex و بتاع ...كمان تابعي ال-UV index .....حايقولوا معدل الأشعة فوق البنفسجية إيه علشان لما يعلى الناس تعمل حسابها خاصة الأطفال .....عليهم حاجات الكنادوة دول ...... و كمان أدام شوية في الصيف حايبتدي يبقى فيه اهتمام بال-quality of air index لأن الصيف بيحصل معاه سحابة سوداء ساعات ...غنيا عن القول طبعا إن الأخوة الكنادوة ما يعرفوش يعني إيه سحابة سودة بجد و كله دلع في دلع

كل سنة و إنت و العائلة كلها بخير التورتة في الأجتماعيات يا رب تعجبك :P

[دعاء]

الف حمد لله على السلامة يا سوسورانى

ايه المفاجات دى !!

على العموم اتمنى ان كل حياتك تكون مناسبات سعيدة ان شاء الله

متــــــــــــــابعة

[ahmed_saleh]

واضح ان الحياة قاسية جداً جداً

تخيلي لو انك ما لقتيش الجبنة المتسيحة على صدر الفراخ البانيه .... كنت هاتكلي الفراخ ازاي !!!! :P

متابعيين يا افندم

[SoSo R]

الأنترفيو التانى كان فى بلور مع دافرين

مش هما بيقولوا الكتاب بيبان من عنوانه؟؟!!

أولا المحطة كانت قذرة جدا أو أنا ما كانتش عاجبانى...

مافيش أسانسير ولا سلم كهربى..ودة قمة المرمطة بالسترولر...عشان بنشيل هيلة بيلة ونطلع و ننزل السلالم اللى كانت كتيرة قوى...

المبانى كانت كحيانة و قديمة جدا..

المنطقة كلها سود...

لقيت واحد بيوزع زى جرايد ولابس توكسيدو وكان أسود برضه...لسه بمد إيدى أخد الجورنال..

طلع بيلم تبرعات عشان بيت مسنين...و أنشطة و مش عايز يسيبنى أمشى و حالف يكمل حكايات

الحاجة الوحيدة اللى كانت نضيفة...بيت المسنين

و أنا ماشية فى الشارع و بازق السترولر ألاقى اللى بيقولHEY بصوت عالى

ما بصيتش أصلا...ألاقى واحد طالع بنصفه من شباك ترك و بيقولى هاى مامى!!! :P

يا نهار ألوان...هما كمان بيعاكسوا فى كندا!!

زودت سرعة المشى لحد ما وصلت للمبنى...دخلت أوضة كان فيها بتاع 6 أو أكتر مستنيين دورهم

لما جه دورى...

بيقولى الراجل لازم عشان تشتغلى تاخدى كورس تريننج على السيكوريتى لمدة يوم واحد....بكام؟؟

250$

يا أبن النصابة!!!

يوم واحد بالمبلغ دة؟؟؟

لأ و أبص فى الورقة ألاقى 262.5 إيه دول يا عم؟؟؟

دة تاكسيس...

إمممممممم...قولتلى

والشغلانة مضمونة يا عم الحاج؟؟

أوفكورس أنا عندى 150 أو 160 مكان فاضى فى أماكن متفرقة...هنظبط عدد الساعات و المكان و الأيام بعد ما تاخدى الكورس

طيب و أمتى كدة يا خويا

أكيد معاكيش الفلوس دلوقت...تعالى بكرة بالمبلغ و الكورس يوم السبت

باس كدة؟!!!

هاجيبهم و آجى علطوووووووول

وهربت بعمرى من الحتة الزفت دى....و ألاقى على الصف التانى و أنا راجعة للمحطة محلات تاتو و مش عارفة إيه

موبووووؤة

تحياتى

سوسورانى

[SoSo R]

- سمية و زناتى و قبليهم دكتور قناوى متعاقدين مع القسم المختص بالناس اللى لسه فى الأول ....لما يهاجروا ...هنغير عقودهم

ياصباح النور والورد والياسمين علي ست الحلوين 005

عارفة يا سوسو يا أختي.......انا مت من الضحك وان عمالة اقرأ التوبيك بتاعك الجديد

بس بجد تحفة.... ما شاء الله......ياريت تحجزي لي رقم 007

ربنا يوفقك في كل خطواتك

علي فكرة انا عارفة مين البوص تربل زيرو........هو حاول يكلمني. ... ويبعت لي في مسيجات ...وايميلات...... وكدهوت يعني......

بس انت قلت اشوف ح يتعملوا مع الستات ازاي....وبعدين وافقت في النهاية ابقي بارت تايم تحت التمرين.....وذلك لضيق ذات الوقت.....

كانت معكم من قلب الاحداث البري اجينت 007

:P

سمسمة حبيبة قلبى...أنا مبسوطة إنك ضحكتى و عجبتك قصتى الواكعية بس 007 دة كان عينى فيه...خلى بالك بأه

حمد لله على السلامة يا سوسوراني...الكويت ضلمت وأونتاريو نورت brth)

عقبال ما تضلم كمان وكمان لما أنا أسيبها إن شاء الله brth)

بس عايزين جد بقى...خشي في المفيد على طول....في الانتظار

يا أهلاوى باشا...الكويت عمرها ما تضلم طول ما أنت فيها و الشيخ صباح فيها و الحرارة 45 يعنى كلها صبح و شمس و نور من الساعة 4 الفجر تلاقى الدنيا نورت

كندا النهار طويل جدا لدرجة إن الدنيا منورة لحد 9 باليل و بيقولوا لى ولسة!!!

حمد الله على السلامه ياسوسو راني وبداية مشجعه شكلك مش هاتخلينا نحتاج نسألك وخصوصا بعد مارجالتنا عملوا معاكي الواجب فى مطار تورنتو

الله يسلمك....بس هو تريبل زيرو رجالتك؟؟!!!

وبعدين واجب إيه يا راجل ...دة بوء المياة ما شربتوش

جمدالله على السلامه

وحياه سعيده ان شاء الله

الله يسلمك دكتور ميدو...بس من غير الفارما عشان بتجيبلى أرتاكاريا :D

بالنسبة للخط أنا لاحظت على لاب توب زوجى الموضوع اللى أنت بتقوله بس بصراحة أنا بحب الفونت دة قوى لأنه شبه خطى فى الحقيقة

جرب كدة تقرأ من جهاز تانى...أو أستعين بصديق ليه فى الكومبيوتر

حمدالله على السلامه ياسوسو وانتى دايما كدا بتاعت مفاجئات بس مفاجئات جميله معلشى اصلى مدخلتش المنتدى من زمان لظروف خاصه

اونتاريو نورت وشكل التوبيك بتاعك حيبقى دمه خفيف قوى وحيجذب الاعضاء كلهم

استمرى وبالتوفيق ان شاء الله ونسمع عنك كل خير

ميرسى يا نوسة يا فرنسية مستقبلا ..

و أرجو إن يكون المانع خير...وما تكونش النت عملتها معاكى زى كل مرة

و إدعيلى بالتوفيق

تحياتى

سوسورانى

تم تعديل 13 يونيو 2009 بواسطة SoSoRaNy

[SoSo R]

مبروك وصولك كندا ومبروك كمان على القهوة الجديده عايزين منافسه شرسه بين القهاوى وبعضها ربنا يبارك ليك يارب ويوفقكم جميعا

شكرا يا أستاذ أستروفى و ربنا يوفقنا جميعا...

دعواتك معانا

الف حمد الله علي السلامه يا سوسوراني

ايوه كده عاوزين صوت المرءه يرتفع في السماء

وعاوزين منك تقومي بتجنيد عضوات جدد من عندك

مش عاوزين بس اعضاء من محاورات مصر سافروا الي كندا

عاوزين كمان محاوراتيه من كندا

أستاذ نصااااار...عاش من شافك

أخيرا جيت عندنا و سيبت أخوانن التانيين؟!!

شرفت و نورت بس المرأة بالألف مش الهمزة

و بعدين محاوراتيه من كندا تطلبهم من 003 مش منى الراجل مقيم و دايس فى البلد brth)

و ماعجبنيش الشعر اللى أنت كاتبه شكلى هاوصى عليك تريبل زيرو يتوصى بيك فى الجمارك...

و دى حكاية تانية خااااالص

توبيك رائع

وبداية مشرفة جدا يا د.سوسوراني

الف مبروووك

ربنا يخليك يا دكتور حسام...دة بتشجيعك

DEAR agent 005 sorry for writing in English...... actually the secret ink finished.... I want to tell u that there are lot of secrets to be discussed ....... anyhow your start is so strong..... : :

دكتورة صفاء ليه ما قولتيش إن الحبر خلص؟؟!!

دة لسه تريبل زيرو عامل طلبية من سمير و على الكندى عشان يجيب حبر وورق

قولى لى العنوان و أبعت لك...

و أتعلمى عربى تايبينج عشان خاطرى..

هتلاقيها أسهل من شكة الدبوس :P

لا والف لاااااااااااا

موش انا اللي ابيع نفسي بالسهولة دي للسلطات الكنداوية

انا ماخدش في العملية دي ااقل من عشيين جنيه حتة واحده

بس نظرا لوضعي الحالي مع الايلتس

ممكن ...باقول ممكن ..لو سافرت وشربوني حاجة اصفره ابقي العميل 0065768435

دكتور قناوي هايعترف من غير تعذيب مع اول شخطة :P نفسه يهج امبارح قبل النهاردة

يادوبك يعني

الف الف حمد الله على السلامة يا د سوسو وكلنا شوق لمتابعة القهوة دي ومعرفة اخبارك

الا بالمناسبة

هو مافيش مشروع ناجح في المنتدي دة غير القهاوي ؟؟؟؟

مافيش مدارس مستشفيات شركة نصب عقاري اي حاجة يعني :D

المنتدي بقى من اكبر مستوردي المعسل في العالم

بالتوفيق ومتابعين

زناتى...أنت آخر واحد تتكلم..دة شوفت نسخة العقد اللى أنت ماضيه بخط إيدك

والراجل قالى إنه ما ساعدش فى النص درجة بتاع الأيلتس عشان إحدى المهام اللى انت ما نفذتهاش بنجاح

يبقى بلاش الكلمتين دول...

عشان ما يزعلش منك brth)

من العميل 003 إلي العميلة 005

الراجل تربل زيرو ده واضح إنه ناوي يديلك مهمات خطيرة ...معقولة جندك من أول المطار؟ ...عمرها ما حصلت مع أي عميل قبل كده ...... لا لا لا .... ده مش بعيد كمان يمريسك علينا و يخلي قهوتك الفرع الرئيسي

بس خللي بالك بقي الراجل إيديه ماسكة أوي في الفلوس و بيغلبنا علي ما يدفع اللي عليه ...أوعي يا 005 يضحك عليك و تلاقي نفسك في الاخر شغالة ببلاش

متابعين و مستمتعين يا 005 .....يا رب تنضمي لمنظمة الدروب جوز

من 005 إلى 003

إزاى ما فيش فلوس؟!!!

أمال الWII

من أين لك هذا؟؟؟ brth)

ايه الدخله الجامده دي يا دكتوره ... المنتدى مليان مواهب "كصصيه" واحنا مش عارفين ... ولا تكونش كندا بتعمل في الناس كدا

قصدك إن المواهب تتولد فى كندا؟!!

ممكن برضه...أصلهم بيتهبلوا بالطبيعة

تحياتى

سوسورانى

[Nassarlink]

أستاذ نصااااار...عاش من شافك

أخيرا جيت عندنا و سيبت أخوانن التانيين؟!!

شرفت و نورت بس المرأة بالألف مش الهمزة :blush2:

و بعدين محاوراتيه من كندا تطلبهم من 003 مش منى الراجل مقيم و دايس فى البلد :bsmal:

و ماعجبنيش الشعر اللى أنت كاتبه شكلى هاوصى عليك تريبل زيرو يتوصى بيك فى الجمارك...

و دى حكاية تانية خااااالص

حقك علي يا 005 مرتيين

مره علشان الهمزه بتاعة المرأه

ومره علشان اللّمزة بتاعت الشعر

وتقدري تعتبري الاثنين زلّت كيبورد

خلاص سماح :blush2:

وبعدين انا حاسس ان انا كمان هيتم تجنيدي و هيكون رقمي 010

او ممكن 012

[hamoudi]

الأنترفيو التانى كان فى بلور مع دافرين

مش هما بيقولوا الكتاب بيبان من عنوانه؟؟!!

أولا المحطة كانت قذرة جدا أو أنا ما كانتش عاجبانى...

مافيش أسانسير ولا سلم كهربى..ودة قمة المرمطة بالسترولر...عشان بنشيل هيلة بيلة ونطلع و ننزل السلالم اللى كانت كتيرة قوى...

المبانى كانت كحيانة و قديمة جدا..

المنطقة كلها سود...

لقيت واحد بيوزع زى جرايد ولابس توكسيدو وكان أسود برضه...لسه بمد إيدى أخد الجورنال..

طلع بيلم تبرعات عشان بيت مسنين...و أنشطة و مش عايز يسيبنى أمشى و حالف يكمل حكايات

الحاجة الوحيدة اللى كانت نضيفة...بيت المسنين

و أنا ماشية فى الشارع و بازق السترولر ألاقى اللى بيقولHEY بصوت عالى

ما بصيتش أصلا...ألاقى واحد طالع بنصفه من شباك ترك و بيقولى هاى مامى!!! :blush2:

يا نهار ألوان...هما كمان بيعاكسوا فى كندا!!

زودت سرعة المشى لحد ما وصلت للمبنى...دخلت أوضة كان فيها بتاع 6 أو أكتر مستنيين دورهم

لما جه دورى...

بيقولى الراجل لازم عشان تشتغلى تاخدى كورس تريننج على السيكوريتى لمدة يوم واحد....بكام؟؟

250$

يا أبن النصابة!!!

يوم واحد بالمبلغ دة؟؟؟

لأ و أبص فى الورقة ألاقى 262.5 إيه دول يا عم؟؟؟

دة تاكسيس...

إمممممممم...قولتلى

والشغلانة مضمونة يا عم الحاج؟؟

أوفكورس أنا عندى 150 أو 160 مكان فاضى فى أماكن متفرقة...هنظبط عدد الساعات و المكان و الأيام بعد ما تاخدى الكورس

طيب و أمتى كدة يا خويا

أكيد معاكيش الفلوس دلوقت...تعالى بكرة بالمبلغ و الكورس يوم السبت

باس كدة؟!!!

هاجيبهم و آجى علطوووووووول

وهربت بعمرى من الحتة الزفت دى....و ألاقى على الصف التانى و أنا راجعة للمحطة محلات تاتو و مش عارفة إيه

موبووووؤة

تحياتى

سوسورانى

مدام سوسو راني

طيب ماحاولتيش تعملي حركات مصريه مثلا تقولي له انا مستعده اخد الدوره بس نخصم تمنها من الراتب بتاعي

:blush2:

[Nassarlink]

مدام سوسو راني

طيب ماحاولتيش تعملي حركات مصريه مثلا تقولي له انا مستعده اخد الدوره بس نخصم تمنها من الراتب بتاعي

:blush2:

انت نسيت يا عم حمودي

الفهلوه متنفعش مع الناس دول

[safaalabana]

DEAR AGENT005 ... security ..ma shaa ALLAH...double agent ............you will be very dangerous... :blush2: dear sosorany...what do you think if you apply for position of reasearch fellow.....and in the meantime start to study for the mcee exam Ihave read in professor hesham topic that you need only that exam to enter the system

[moheltohamy]

إيه ده يا جدعاااااان؟! :blush2:

دانا طلعت زعيم أوَنطة بقى على كده :bsmal:

الموضوع ده اتفتح إمتى؟ وكل الزباين دول دخلوا وشربوا وحاسبوا كمان! :aslam:

وانا ولاااا هنا! :waf:

وسوسوراني دخلت فضحت كل اللي بقالنا سنين بنخبي فيه ، وبنلعب من تحت الترابيزة! عليه العوض في العمولة بتاعة الشهر اللي جاي!

زمان أبو جودة الكندي بيقول (أنا ما خلّفتش رجّالة يا أمينة)!

آدي جزات اللي يتسند على ستات! :blush2:

[terminator]

وبعدين انا حاسس ان انا كمان هيتم تجنيدي و هيكون رقمي 010

او ممكن 012

هوصى عليك يشوفولك رقم مميز يا دكتور نصار :blush2: .. بس انت شد حيلك :blush2:

[moheltohamy]

كلام بجد بأه...

حمد الله ع السلامة أولاً...

وثانياً... مبروك افتتاح القهوة الجديدة ، اللي بجد فرحان بيها موووت... أسلوبك توووحفة والله :blush2:

أنا من بدري وانا عارف إن فيه قصّاصة معانا ع المنتدى. عموماً ... Keep going بأسلوبك السهل المش ممتنع خالص دوت ، واحنا معاكي يا معلّمة سوسو.

وآديني لبست الفوطة وشايل الصنيّة ، وجاهز أخدّم ع الزباين.

أيوه جاااااااي :blush2:

[SoSo R]

نبارك لكم الوصول إلى انتاريو أولاً ، وافتتاح القهوة "انتاريو ترحب ب سوسوراني" ثانياً .

سائلين الله تعالى أن تكونوا قدوة حسنة للإسلام والمسلمين وسبب للهداية بإذن الله تعالى،

تسجيل متابعة وتشجيع.

مع تحياتي للجميع

الله يبارك فى حضرتك...و منتظرين دعواتك و تشجيعك

تسجيل متابعة

ربنا يوفقكم فى حياتكم الجديدة فى كندا الحبيبه

أشكرك يا أستاذ شريف

الف الف حمدلله على سلامة الوصول سوسو هانم ..يارب تكون البدايات دايما طيبة ويكفينا ان نرى ابتسامات السعادة والرضا بين سطورك..

ربنا ينور طريقك ويوفقك

:wub:

ماما سلوى حبيبتى...

شرفتينى يا ماما ..مجيك و تهنئتك على راسى من فوق...و السعادة و الرضا إحنا اللى بنخلقهم برغم الصعوبات الموجودة و اللى لسة هتظهر...

ممكن أكون بهزر و أضحك معاكم عشان أخرج من الشد العصبى بتاع الفترة الأولى اللى حقيقى صعبة قوى

دعواتك يا ماما

أعزائى المشاهدين و القارئين وحشتونى جدا ووحشنى المنتدى وكل من فيه...

وأنا هنا فى بلاد الفرنجة أحييكم.. وأخذت القرار الصعب إنى أكتب رغم ترددى لأحساسى بالمسئولية فى بداية كتابة موضوع جديد

المهم عشان ما طولش عايزة أحكى حاجة فى غاية الأهمية والسرية

ودة معناه إنها ما تخرجش عن حدودنا إحنا أعضاء المنتدى والكام ألف الزوار اللى بيدخلوا....أكتر من كدة مش موافقة mfb:

لأنها هتفقد السرية

خليكوا معايا....

سوسورانى

تحياتي لك يا سوسوراني :110:

بدايه قويه هتخلي الرجاله هم الي يقعدوا يقشروا بصل ويتابعوا حلقاتك :lol:

انا اول واحد هاخد اجازه واقشر بصل بس تنزلي لينا حلقات قويه . :sad:

وربنا يستر علي ال CTS ميرجعش .

تحياتي لك ولقلمك اسلوبك في الكتابه في منتهي الروعه

بس ايه حكايه اونتاريو معاكي دايما الواحد بيختار مدينه يقعد فيها مش ولايه بحالها.

ثانيا انا شاكك في الموضوع ولازم تنزلي لينا صور علشان نتاكد انك في اونتاريو i*:

دكتورنا العزيز بريكناديان عقبال ما أشوفك كدة بوستكناديان يا رب ;)

صدقنى أنا فى أونتاريو مش محتاج تشك فى و لا حاجة خصوصا بعد الأستقبال الحافل بتاع المطار

ليه بأة ولاية كاملة...لأنى سوسورانى...مش أى حد يعنى...يبقى لازم ابحبح على روحى

أما المدعو ctsفدة أصبح توتال لوس وبافكر أجيب واحد جديد من كناديان تاير

حمد الله على السلامه ياسوسو راني rs: بدايه زى الفل

الله يسلمك... و الفل و الياسمين لسه جايين

حمدله على السلامه يا سوسورانى

وربنا يكرمك ويوفقك فى الحياه الجديدة

الله يسلمك يا أستاذ جبار...عقبال الكل

الحمد لله عالسلامة يا أخت سوسوراني

يسر الله أمرك ووفقك لما فيه الخير و الصواب.

تحياتي لك ولكل الأعضاء اللذين وصلوا كندا و اللذين لم يصلوا بعد

و عقبال الجميع

أمين يا رب...

عقبال الجميع

تحياتى

سوسورانى

[SoSo R]

واوووووووووووو

يا جامد انت

اية يا سوسو يا اختشى المفاجاة الحلوة دى

يلا ربنا معاكى وجود لك

ملحوظة بيتهيئ لى انك قربتى ربنا يفتحها عليكى وتخضرى

بركاتك

ومتابعة 005

ولو إنى زعلانة منك يا ست أنتى ...و الأختفاءة الفظيعة اللى عملتيها و أنتى بتدخلى المنتدى و أشوفك ما بتعديش حتى تدحرجى السلام...

بس مادام الكوفى شوب بتاعى رجعك بالسلامة يبقى كويس جدا

ربنا معاكى ويوفقك ان شاء الله..

شكرا يا أستاذ جيمى

حمد الله على السلامة ومبروك التوبك الجديد

الله يسلمك و يبارك فى حضرتك

حمدا لله على سلامتكم يا اخت سوسوراني و تسجيل متابعه

اسلوب قصصي شامي جميل

خالص تمنياتي لكم بالتوفيق

تريبل زيرو جاى بنفسه يحيينى و يهنينى ;)

يادى النور...أنا وضحت التسلسل الدرامى فى مداخلة سابقة يا باشمهندس أوعى تحطنى فى البلاك ليست

مهما كان أنت الزعيم

و إحنا لسه بنحبى

تسجيل متابعه وفى انتظار المزيد

الله يبارك لكما فى حياتكم الجديدة ويجعلها بداية موفقه لمشوار تعب كبير

شكرا يا دكتور رفاعى

الف حمدلله على السلامة ياسوسو ويارب ييسر لك كل امورك

بس بجد فاتك الجو التحفة في الكويت بقالنا يومين قربنا نوصل لدرجة الغليان i*:

دعواتك لكل اخواتك المحاورييين والمحاورات لما ينضموا لبقية العملاء السريين

لأ يا جميل ما فاتنيش ولا حاجة...الحرارة كانت 45 قبل ما أمشى

ويوم السفر الساعة 5 فجرا...ماكانش فيه نسمة هوا

والشمس عاملة زى بتاعة الساعة 12 ظهرا

بس جالى صدمة حرارية لما جيت هنا

خصوصا إنى كنت مسافرة عيانة قوى...العيا زاد

وسايباه يخف لوحده...لأنى سفيت كميات تفتح صيدلية mfb:

جوزى كان خايف نتمسك على حس الوباء...قعدت أبلبع فى كل خوافض الحرارة لحد ما جالى هيبوثيرميا...وهبوط و هدومى إتبليت من العرق

سوسوراني ألف حمدلله على سلامتك :sad:

كده برضوا يا سوسو يا أختي يجندوكي بالسهوله دي

صحيح كلنا بنحب كندا و بنحلم باليوم الي نروحها فيه

بس برضوا كنتي اتقلي شويه :lol:

ده انتي حتى ما قولتيش انهم اتحايلوا عليكي

أو حتى قدمولك أي عروض مغريه

معلش أنا مقدره ان فرحتك بكندا و احساسك

انهم ممكن يمنعوكي من دخولها بعد التعب ده كله

خلاكي تستسلمي

روووووووووعه طريقه كتابتك

في انتظار اليوميات

إزيك يا فندم...إتحايلوا عليا إيه بس

عايزانى أكدب يعنى!!!

و بعدين لازم يعنى أوريلك مظاهر الأحترام اللى علمت على رقبتى :110:

خلى الطابق مستور :wub:

الف مبروك اخت سوسو

عقبالنا يارب

تسجيل متابعة

شكرا يا دكتور..دعواتك

تحياتى

سوسورانى

تم تعديل 13 يونيو 2009 بواسطة SoSoRaNy