أونتاريو ترحب بـ سوسو

[safaalabana]

احكى يا شهرزاد ..قصدى يا سوسو احنا متابعينك..واحلى حاجه انك بدأت بالايجابيات ربنا يستر على اللى جاى :rolleyes:

اكيد البنات اتبسطوا من الهالوين ..ربتا يسعدهم كمان وكمان...

وزميلك اللى لسه بيعيد ما شاء الله عليه المهم انه لم ييأس ولسه بيحاول واكيد فى يوم ح ينجح...

ان شاء الله ح تنجحى من اول مره ..بس انت شدى حيلك واحكيلنا شويه عن الدنيا عندك ونصايحك اللى احنا مستنينها..عشان احنا كمان نشد حيلنا فى الدعاء

تحياتى

[znaty]

حلو اوي المدرسة المسخرة دي ..شراب احمر في اسود ؟؟؟

انتي وانتي بتحكي وانا قدام عنيا طالعة صورة بالابيض والاسود

لأبله بثينه الفيل بتاعتنا في ابتدائي

كانت بتدرس حساب وعربي وماسكة الفصل كله تقريبا ماعرفش ازاي

بس الفرق بقة انها كانت متنكرة طول السنة موش في الهالويين بس ....متنكرة في زي فامباير ..واحيانا هولاكو :unsure:

كانت بتفطر دراع عيل كل يوم الصبح في الحصة

هيييييييييه ...ايام .....ياتري انت في انهي مشرحة الوقتي يا ابله بثينة

[مراد أنور]

حلو اوي المدرسة المسخرة دي ..شراب احمر في اسود ؟؟؟

انتي وانتي بتحكي وانا قدام عنيا طالعة صورة بالابيض والاسود

لأبله بثينه الفيل بتاعتنا في ابتدائي

كانت بتدرس حساب وعربي وماسكة الفصل كله تقريبا ماعرفش ازاي

بس الفرق بقة انها كانت متنكرة طول السنة موش في الهالويين بس ....متنكرة في زي فامباير ..واحيانا هولاكو

كانت بتفطر دراع عيل كل يوم الصبح في الحصة

هيييييييييه ...ايام .....ياتري انت في انهي مشرحة الوقتي يا ابله بثينة

إيه يا عم ده إنت موتنى من الضحك

:unsure: :wub: :) clp:: :lol: :lol:

ربنا يفرح قلبك

[SoSo R]

صباح الفل...

النهاردة الريمامبرانس داى 11/11...هنحكى عنه فى اليتبع...

بس الأهم..

الأهم

إن النهاردة عيد ميلاد مرمر بنتى :unsure:

:) clp:: :lol:

مرمر أول فرحة ليا...كملت 7 سنين

يااه الدنيا بتجرى بسرعة قوى

كل سنة و أنتى طيبة يامرمر :lol:

مش هاوصيكو بقى على التورت أسوة بأختها :wub:

تحياتى

سوسورانى

تم تعديل 11 نوفمبر 2009 بواسطة SoSoRaNy

[poulaemad]

ازيك يا سوسو يا حبيبتى وحشتينا جدا جدا :unsure:

كل سنه ومرمر طيبه ويارب عقبال 100 مليون سنه

ودايما كده من كل ايامك افراح ونجاح

وبعدين تعالى هنا قصدك بقى اختها مين ؟؟؟؟؟؟؟؟؟؟؟؟؟؟؟؟؟؟؟؟؟؟ :lol:

:wub: :) clp:: :lol:

[safaalabana]

كل سنه وت طيبه يامرمر :unsure:

[جيمي]

كل سنه وبنت حضرتك طيبه :) ..... معلش ورده على قد الحال :unsure: .... بالنسبه لتقاليد الاحتفال بالهالوين عندكو فى كندا ومدارس كندا .... ومعاملة الاطفال ... اسف مش هقدر استوعبها بجد :wub: ماهو مافيش حاجه شفتها اقدر اقارن عليها ... بس للامانه احنا كنا متفوقين امنيا بمراحل .... يعني لما الاطفال عندنا يطلعو رحله كله يبقي فى طابور واحد ... والمشرف ذو العصايه الاتنين متر متاهب للقتال :lol: ويا سلام لو في تلميذ تاه ... يالله .... تلاقي المشرف اول ما يلاقيه يجري عليه بلهفة المشتاق ....... ويديله ضرب clp:: يخلي كل تلميذ يفكر ميت مره قبل ما يبص هنا ولا هنا .... هوه احنا جايين نتفرج على الاثار ... دي عهده ولازم تتسلم.... ياااااه ...كم اشتقت اليكي يا مدرستي :lol:

[znaty]

كل سنة والامورة طيبة وزي العسل :)

وان شاء الله عيد ميلادها الجاي تحدفنا كلنا بالتلج في عيد ميلادها :wub:

اه طبعا السنين بتجري

ممكن بعد 100 صفحة كمان هنا تعزمينا على فرحها ان شاء الله

المهم يكون في دار المسنين انترنت علشان نعرف :unsure:

[moheltohamy]

كل سنة وانتي طيبة يا مرمر وبألف صحة وسعادة ، والسنة الجاية تلاقي بابا جايبلك تورتة كبيرة بدل تورتة المحاورات اللي مفيش عندنا غيرها

ملحوظة :معلش يا مرمر... التورتة دي مش للأكل... دي عهدة

وعقبال ما نشوفك عروسة قد الدنيا ، ونيجي نحضر فرحك اللي هيبقى أكيد في عز الضهر ، وخللي مامتك تتحسّر على فرحها اللي كان في نص الليل

:lol: Happy Birthday to you, Marmar

[precanadian]

صباح الخيربليل ...اصل أنا بانهى يومى دلوقتى

بصوا بقى أنا مطلوب منى حاجات كتير أتكلم فيها ملخبطة لى دماغى ومش عارفة ارتب أفكارى خالص

فنويت أتكلم فى حاجة تانية خالص :lol: ..... لحد ما أنظم دماغى وفى نفس الوقت تساعدونى على ترتيب اولوية النقط اللى عايزين تتكلموا فيهم...

نبض الشارع الكندى:

1. يوم 31 اكتوبر كان عشية الهالويين ودة مليان أحداث من لبس تنكرى والقرع اللى بيفرغوه ويحطو جواه نور ويحطوه قصاد البيت..بصراحة حاجة روعة

بس الصراحة ما حسيتش باى حاجة لأنه كان قبل إمتحانى بأيام...ومرمر بنتى كانت زعلانة منى قوى إنى ماجبتلهاش زى تنكرى أو كستوم نظرا لضيق الوقت

المدرسة أحتفلت بالهالوين يوم الجمعة وبعتولنا إنه لو نحب نبعت الولاد بالكستومز بتاعتهم...فوجئت بصراحة بمناظر رائعة وكل ما الولاد بيكونوا أكبر فى السن كل ما تلاقى تفنن أكتر فى الزى والأكسسوار المصاحب

حتى المدرسين كانوا مشاركين بازياء كاملة...مدرسة مرمر مسز سيرونو كانت شكلها تحفة...كان نفسى أصورها pht: الصراحة...كانت لابسة ساحرة bv:- مش شريرة...مع باروكة أحمر فى أسود...وكولون مقلم أحمر فى أسود وبرنيطة اللى عاملة زى الزعبوط بتاعة السحرة وحزام جلد أسود عريض وسكيرت منفوشة كرانيش

قلتلها فيرى نايس كستوم مسز سيرونو !!

دة غير بقى التوعية اللى بياخدوها الولاد فى المدرسة أو فى الكارتوون و برامج الأطفال وهما بيعملوا تريك أور تريت

وهو إنهم معاهم أكياس قماش يخبطوا على البيوت يقولولهم الجملة دى...عشان ياخدوا حلويات

نفس فكرة القرقيقعان فى الكويت أو قرانقعوه فى قطر

القواعد الأمنية اللى علموهلهم وذهلتنى بنتى وهيا بتسمعهانى...

يروحوا فى مجموعات...أو مع البيرنتس(الغلابانين اللى عندهم إمتحان زيى كدة )

يخبطوا على البيت لو منور

يروحوا للبيوت المعروفة فى النيبورهوود...مش بيوت غريبة

ودى كانت عشية الهالويين...

يتبع....

تحياتى

سوسورانى

ثوثو عاوزين صور يا ثوثو زى المهندس ايهاب سالم كده لما كان عمل موضوع بتاع موكب سانتا كلوز شيخ الطريقه السانتاكلوزيه فى كندا لدرجة ان فيه ناس فى مصر قالوا هيتبنوا الطريقه دى وهينوا له مقام والناس هتيحى تزوره

عاوزين صور يا سوسو علشان نعرف نعمل تعايش معاكى واهو بالمره تعقدينى شويه

اهلا استاذ عنبي منور القهوه يا باشا

[precanadian]

حتى المدرسين كانوا مشاركين بازياء كاملة...مدرسة مرمر مسز سيرونو كانت شكلها تحفة...كان نفسى أصورها الصراحة

فكرتيني يمدرس ليا في الابتدائي كان اسمه استاذ كحلوت كان مفتري

إن النهاردة عيد ميلاد مرمر بنتى

عيد ميلاد سعيد يا مرمر معلش المنتدي منعرفش ننزل عليه صور الخاصيه معطله :lol:

تم تعديل 11 نوفمبر 2009 بواسطة precanadian

[bent misr]

:sad: brth) brth)

كل سنه و مرمر و أخت مرمر و مامت مرمر و بابا مرمر

طييبين و لازم يا سوسو تحتفلي للبنت و تجيبلها هديه :wub:

على فكره بنتي أكبر منها بشهرين

مش بقولك احنا ماشيين مع بعض gt:

متابعين يا فندم و أنا أول واحده هاجي العيد ميلاد

بس يارب النيت ما يقطعش clp::

[enjisultan]

كل سنة وانتى طيبة يا مرمر

كل سنة وانتوا طيبين يا سوسو

من اول السوبر ماركت لحد الهالويين بجد شوية احداث تجنن

عارفة حكاية الحاجات اللى العيال توقعها فى السوبر ماركت او المطاعم عندنا من ضمن الثوابت الكونية

تقريبا اخر اربع سنين ادامها الله علينا عادة لازم منة تقلب كوبية فى اى حتة بنروحها

بس للامانة البنت كل مرة تقلبها على بابها

تقريبا بابها شاكك انى بامرنها فى البيت على الحركة دى

[عنبو]

كل سنة وانتى طيبة يا مرمر

كل سنة وانتوا طيبين يا سوسو

من اول السوبر ماركت لحد الهالويين بجد شوية احداث تجنن

عارفة حكاية الحاجات اللى العيال توقعها فى السوبر ماركت او المطاعم عندنا من ضمن الثوابت الكونية

تقريبا اخر اربع سنين ادامها الله علينا عادة لازم منة تقلب كوبية فى اى حتة بنروحها

بس للامانة البنت كل مرة تقلبها على بابها

تقريبا بابها شاكك انى بامرنها فى البيت على الحركة دى

والله يعوووده يا دكتره

دانا قولت خلاص بقى انجى وصلت ربنا كرمها بعقد عمل فى الخليج بقى ودلوقتى بقى مش فاضيه اكيد ماسكه الشوال الى بيعطوه للمصرين فى المطار علشان يعبوا فيه فلووووووووووس "" انا مبنقش انا بقر بس "" انا شخصياً اخدت الشوال بتاعى بس للاسف طلع فيه فتحه من تحت كل لما احط فيه فلوس الاقى الفلوس بتقع من تحت

رحت على المطار علشان اغيره قولت لهم الشوال بتاعى بايظ قالوا ملناش دعوه هو نصيبك كده

على العموم يااااارب تكون مرتاحه فى الغربه

سوسو رانى

كل سنه وانت وزوجك وبناتك بخير

مرمر

كل سنه وانتى طيبه يامرمر وخلى بااااااااااالك من مامتك وبلاش شقاوه clp:: gt:

ودى تورته

الا قولى ليا بالنسبه لموضوع الواد ابن اختى عملتوه فيه ايه ؟؟ الواد جاى له كذا عرض بس انا حابب اسقعه شويه :sad:

precanadian مشاركة بتاريخ اليوم, 01:19 AM

اهلا استاذ عنبي منور القهوه يا باشا

ده نوووووووووورك يادكتره بس انا بقعد على القهوه دى من زمان من ايام الحاج راااااااااااانى

[حسام يوسف]

كل سنة ومرمر طيبة

وتفرحي بيها يارب

[مراد أنور]

كل سنة ومرمر بخير وسعادة :happy:

هى وأختها ومامتها وأبوها wst::

[enjisultan]

عنبى الله يكرمك دا سؤال بذمتك؟

طبعا يا بنى طول اليوم اعد فى الفلوس وما عنديش وقت خالص للمداخلات

قولى بس انت بتنظم وقتك ازاى ما بين عد الفلوس والمداخلات؟

حاليا انا شبة الاخ دا :old:

[ام محمد]

ألف شكر.... ألف شكر....ألف شكر....ألف شكر....ألف شكر....

وش الخطيب يوم ماتش إعتزاله :old:

أنا حاسة إنى إتضربت فى الخلاط

أو حد ضربنى بمضرب بيسبول على دماغى و طلعلى نتوء فى دماغى زى أفلام الكارتون بس مافيش عصافير بتلف...

عصافير إيه؟!!

قولوا ديناصورات...زواحف طايرة...طيور زاحفة...كلاب صعرانة

اى حاجة ليها وزن

بس هو إيه اللى حصل فى غيابى...

قريت سمك وبابا غنوج...وصور

وأنا معدية لقيت أحمد سيف مزرق!!!!

هو أنا دخلت منتدى غلط؟؟؟

طيب حد يقولى الملخص بسرعة ما أنا هقرى فين ولا فين...أنا أصلى نظرى إتلحس بعد الأمتحان

تحياتى

سوسورانى

تحية من القلب لك على جهادك مع الكتب والمزاكرة ...بصراحة ..مع وجود اطفال ده مجهود عظيم ..ولا يهمك.. و من الناجحين يا رب ...

وكل سنة والامورة مرمر بخير وعقبال مليون سنة .....يا ترى امتى النتيجة ...طمنينا عليك

[Nassarlink]

كل سنه وانتي طيبه يا مرمر

الحمد لله لحقت نفسي وجبت التورته احسن كنت اتاخد مخالفه من ماما

حاجه كده علي ما قسم علشان تكفي كل الي هيحضروا الحفل

[Phizer]

عقبال مليون سنه لمرمر