أونتاريو ترحب بـ سوسو

[أكسيلانس]

الاخوه الاعزاء

أرجو من الاخوه أصحاب الخبره أن يفودوني في الاتي

أذا ذهبت انا و اسرتي 3 أطفال و امهم اعمارهم 6 و 8 و 10 سنين و اردت ان أستقر و علي استعداد ان اشتغل اي حاجه لاني تقريبا بعد قرأتي لكل اصحاب الخبره و اخرهم الدكتور خالد اصبحت متأكد ان لن استطيع ان أعمل في مجال أدارة الفنادق أو الموارد البشريه و هي مجالات تخصصي و سؤالي هو كم يلزمن من المال مع اسرتي حتي استطيع ان أعيش معقول و كم هي حجم المساعده التي يمكن الحصول عليها لاسرتي , و هل من السهل الحصول علي أي عمل مكتبي يدخل 2000 أو 3000 دولار لاني بصراحه لا أقوي علي أعمال يدويه بعد 18 سنه في أدارة الفنادق (دلع يعني ) لكن عندي كامل الاستعداد لاي عمل يعني انا و اسرتي حتي تمر الايام او السنين الاولي أرجو من أصحاب الخبره المقيمين بالافاده , حيث اني قرأت كل ما كتب في جميع مقاهي الهجره و يمكن كان أوضحه الاستاذ عز و مدام دعاء وفقه الله لكن للاسف لم يكملوا و انقطعت اخبارهم أدعوا الله ان يكون المانع خير,

كما ارجو من الدكتوره سوسو ان تفدني في هذه النقطه بحكم انها ربت أسره هل يمكن الحصول علي الاعانه للزوجه و الاولاد حتي لو انا رجعت شغلي في مصر و خلتهم هما هنال و لافي أي موانع قانونيه

و هل الحصول علي الجنسيه يتطلب ان يكون جميع افراد الاسره امضوا 3 سنين و لا ايه

مع خالص الشكر و التقدير

[SoSo R]

يا مساء الخير:

مش عارفة ليه بقيت إتشائم من كلمة يتبع :old:

من ساعة مادخلت المنتدى هنا..مافيش مرة كتبت يتبع...وتبعت الصراحة

نفسى يتبع تحصل...سامحونى هارد عليكم بعد اليتبع...وأهو بالمرة اللى عنده تورتة ولا علبة عصير يجيبها وييجى bv:-

إحنا لسه فاتحين باب التبرعات....

2. يوم 1 نوفمبر دة الميعاد الرسمى للتوقيت الشتوى ودة بيسموه داى سيفينج لايت...عشان يفوروا كهربا...اليوم دة ثابت على فكرة..مش زى مصر حسب ما الويك إند هتيجى إمتى

وبسبب ثباته ...معترف بالتاريخ ده من كل الأجهزة...اللكترونية...تانى يوم الصبح لقيت كل حاجة ظبطت توقيتها ورجعت ساعة لورا دون تدخل منى...ماعدا ساعات اليد بتاعتى bv:-

لكن الموبايل...اللب توب...الجى بى إس...كله إتغير لوحده

وبكدة أصبحت فروق التوقيت...

8 ساعات مع السعودية و الكويت

7 ساعات مع مصر

9 ساعات مع الأمارات

3.قلتلكوا إن مرمر محظوظة وعيد ميلادها إتظبط مع عيد قومى فى كندا ..ألا وهو الريممبرانس داى

دة يوم بيتذكروا فيه كل شهداء الحروب و خصوصا الحرب العالمية....

ولأنى علاقتى بالتاريخ زى علاقتى كدة بالبسلة...راجعوا المداخلات السابقة

فهسيب زناتى يعلق ع الموضوع دة...وهل كندا حاربت فى الحرب العالمية ولا لأ؟!!!

المهم يوم 11 نوفمبر كل البلد فى كل حتة بلا إستثناء...بتقف دقيقتين حداد على أرواح الشهداء...الساعة 11 صباحا

دة غير إنهم كانوا عاملين إحتفالية وعزف المارش العسكرى الحزين تابينا للناس دول واحدة من الأحتفاليات كانت فى نياجرا

الحاجة بقى الجديدة فى الموضوع ....

من أول يوم فى نوفمبر....

هتلاقوا كل الناس لابسة وردة حمرا

يوم ما كنت رايحة الأمتحان كنت فاكراها صدفة بس مش معقولة...كل الناس!!!

دة غير كل المذيعين فى التليفزيون bv:- ....

لقيت جلسة فى البرلمان...كلهم حتى رئيس الوزراء هاربر...لابسين نفس الوردة الحمرا ...

إسمها...

red poppy

وليها قلب أسود...

هاكملكوا علاقتها بالموضوع.....

بس أروح أجيب مرمر من المدرسة ...

لحسن ميعادها جه...

تحياتى

سوسورانى

تم تعديل 12 نوفمبر 2009 بواسطة SoSoRaNy

[د هشام ابراهيم]

ولأنى علاقتى بالتاريخ زى علاقتى كدة بالبسلة...راجعوا المداخلات السابقة

فهسيب زناتى يعلق ع الموضوع دة...وهل كندا حاربت فى الحرب العالمية ولا لأ؟!!!

أولا كل سنة و مرمر هانم طيبة و عقبال فرحها باذن الله :happy: wst::

بالنوسبة بقي لكندا فهي فعلا حاربت في الحربين العالميتين و ليها شهداء و ضحايا فيهم ..... دول فيه كمان ماتوا في مصر و أدفنوا فيها ...... يمكن قريب كان ستفين هاربر بيشارك الرؤساء الحاليين لدور الحلفاء ذكري يوم ال-D-day ...أي خدمة و معلهش احنا بنتكلم

[znaty]

ولأنى علاقتى بالتاريخ زى علاقتى كدة بالبسلة...راجعوا المداخلات السابقة

فهسيب زناتى يعلق ع الموضوع دة...وهل كندا حاربت فى الحرب العالمية ولا لأ؟!!!

أولا كل سنة و مرمر هانم طيبة و عقبال فرحها باذن الله :roseop:

بالنوسبة بقي لكندا فهي فعلا حاربت في الحربين العالميتين و ليها شهداء و ضحايا فيهم ..... دول فيه كمان ماتوا في مصر و أدفنوا فيها ...... يمكن قريب كان ستفين هاربر بيشارك الرؤساء الحاليين لدور الحلفاء ذكري يوم ال-D-day ...أي خدمة و معلهش احنا بنتكلم

شوية بقة انتي على جنب يا سوسو هانم

علشان المؤرخين وخبراء الحروب امثالنا هايتكلموا :blink:

تحية الى زميلي البروفيسور هشام ..كنا زمايل في المتحف الحربي وزمايل محمد حسنين هيكل كمراسلين حروب من اول حرب الهكسوس للوقتي

كندا سعادتك موش بس اشتركت في الحربين

لا دي ليها انجازات قوية جدا بس كعاده امريكا البروباجندا الاعلامية بتاعتها بتمسح دور اي حد غيرها

كما ان التمثيل الاعلامي والسينمائي الكندي تقريبا معدوم من الساحة ..مانعرفش غير سيلين ديون ..الكيبيكية الصايعة خطافة الرجالة ..سي نيسكون :happy:

المهم في الحرب العالمية الولي اشتركت لمساندة بريطانيا بنص مليون عسكري عملوا نصر تاريخي فريد في معركة فيمي ريدج في فرنسا في حين ان الفرنساويين اصحاب الارض قعدوا يتفرجوا وبلدهم محتلة وماعملوش اي حاجة

وكانت المعركة دي سبب في تحرير فرنسا وكانت من اصعب المعارك في تاريخ اوروبا لان الالمان كانوا متحصنين في خنادق حصينة محفورة على مسافات متباعده كخطوط متوازية موش في حتة واحدة

والكنديين كانوا مشاه فقط بالبنادق القديمة ماشيين على رجليهم بدون مساعدة جوية او مدفعية طويلة لان الخطوط كانت متشابكة

فلو ضربت هاتضرب الاتنين في بعض ورغم كدة انتصروا وحرروا فيمي ريدج

اما في الحرب العالمية الثانية فاشتركوا سنة 39 وبردوا عملوا معجزة كبري ..لانهم حرروا هولندا ..هما بس بدون اي مساعده من بقية الحلفاء

وعلشان كدة تعتبر هولندا ليومنا هذا مدينة بحريتها لكندا ..ولغاية النهاردة في اليوم دة الحكومة الهولندية بتهدي رسميا زهرة التيوليب اللي هيا شعار هولندا للحكومة الكندية

ودي الزهرة اللي سعادتك شفتيها هناك

المعلومات دي جبتها من حلقات بتذيعها قناة ديسكوفري وورلد شانيل الساعة 2 بالليل كل يوم اسمها (معارك غيرت التاريخ )

خليتكم بالعافية بقة علشان عندي حلقة هاذيعها على القناة الثامنة

[أكسيلانس]

كل سنه و الانسه مريم طيبه و بالف خير , هي تقريبا في نفس عمر مروان أبني ,, أرصي علي تصوير هذه الاحتفالات بالفيديو فكم هي جميله الذكريات المسجله انا اولادي لا ينقطعوا عن مشاهدة أعياد ميلادهم القديمه ,,

مع خالص تحياتي

ٍؤال __ لماذا لم يعد أحد يرد علي الاستفسارات الخاصه بالحياه في كندا ( شكلوكوا كده زهقتوه ) عندكم حق !!

[EmanRasmy]

عزيزتي سوسو أنا متابعه محاوراتكو من زمااااااااااااااااان و بقيتوا تقريبا كلكوا صحابي .. عيشتوني معاكوا ايام حلوه في مغامراتكوا .. و خصوصا و انا قاعده في المتشفى بتاعتي في السعوديه مستنيه الفرج ( فيزة الهجره) ... بس أول ما عرفت انه عيد ميلاد أمورتك مرمر .. قلت لازم أدخل أمسي و أقولها العمر كله يا رب و عقبال ما تشوفيها عروسه و تعملي فرحها في ال CN Tower :rolleyes:

[حسام يوسف]

أعتقد أنها زهرة الخشخاش

ودي مشاركة لأحزان انجلترا فى مقتل جنودها على يد ظابط أفغاني في أفغانستان

لأنى شفت الدوري الانجليزي كل فرقة حاطاها دلوقتى ماعدا ليفربول ومان يونايتد بحجة ان لون فانلتهم اساسا أحمر

وعلى فكرة أنا رغم انى زملكاوي الا أنى من عشاق اللون الأحمر

[jessika]

بيقولوا فى عيد ميلاد هنا ............عيد ميلاد مين يا ولاد

عيد ميلاد مرمورة بنت سوسو القمورة اللى مبتخدش بالها من مداخلاتى خالص

كل سنة وانتى طيبة يا قمراية وعقبال مليون سنة

خالتو جيسكا .................. angl::

تم تعديل 14 نوفمبر 2009 بواسطة jessika

[hamoudi]

عشان خاطر الأستاذ المشرف و بناء على تعليماته عن الأيام اللى بعيشها فى كندا...إتفضل يا دكتور تهامى موقف لسه بنار الفرن..أول قطفة :rolleyes:

نزلت أعمل شوبنج للبيت لأنى زى ماقلتلك عندى سوء تغذية.... البيت . خاوى على عروشه مافيهوش أى حاجة

إحنا وبلا فخر عايشين على التونة والبيض بقالنا أكتر من أسبوعين...مافيش فتفوتة عيش ولا حبة خضار أو فاكهة...

يعنى الوضع كان مزرى بكل معنى الكلمة

طبعا أنا بكره يوم الشوبينج خصوصا لما الدنيا تكون مهوية كدة لأن معناه إنى هجيب حاجات كتير...يعنى وسطى هيتخلع

غير إن النصيحة اللى إتقالت خزنى حاجات نواشف عشان الجو لما يبوظ مش هينفع تنزلى

ومن منطلق إن الميانص إبتدت...-4 حاليا

فلازم نعمل زى النمل ونحط الأكل فى الخن...

عشان ماأطولش عليكم ..كنت فى كوسكو"هاعمله حلقة منفصلة"

وخلاص حاسبت فى الكاشير وبنتى قاعدة على كرسى الكارت والست غلطت وحطت جنبها علبة الديب إن وذ أونيون

وراحت بكل ثقة رزعتها على الأرض تقوم العلبة طبعا إتفتحت من الوقعة على الأرض وتطاير اللى جواها وتغرق كل الناس اللى واقفة :blink:

أنا بقى كنت هاموت من الأحراج وعمالة أعتذر وهما بيضحكوا :rolleyes:

واحد من الكاشيرات الجاكت بتاعه غرق وعمالين يقولوله هتبقى ريحتك وحشة..ويضحك وهما يضحكوا

رحت أجيب العلبة من على الأرض...أخدها منى وقالى هاجيب لك واحدة تانية wst::

دة إيه الحلاوة دى...أصلا مش غلطتهم وهما يعوضونى بواحدة تانية كمان

وواحدة تقول..

it was a good shot

يا سلااااااام أنا ميتة من الكسوف وهما سعدا وعادى

تخيلوا لو الموقف دة كان حصل فى الشرق الأوسط...كان هيكون إيه رد الفعل؟؟ wst::

أسيبه لخيالكم ولا أقترح إجابات

هل كانوا هيقولولى يا بنت التييييييييييييييت؟!! :lol:

تحياتى

سوسورانى

حدث ماهو مشابهه معي في احدى بلادنا السعيده

حيث ان احد عاملي الاقسام كان مارا بجواري محملا بأشياء فخوفا من ان تقع الاشياء تفاديته ولكنه حرك عربية البضائع التى كانت معي سنه بسيطه وكان بجوار عجل العربيه احدى زجاجات الكاتشاب الموضوعه والمرصوصه بغباء شديد فكسرت فوقف بجانبي منتظرني حتى اذهب معه لدفع ثمنها عند الكاشير

[Nassarlink]

فوقف بجانبي منتظرني حتى اذهب معه لدفع ثمنها عند الكاشير

طب كويس انك دفعت ثمنها بس

ومدفعتش غرامه كمان

[SoSo R]

اسفة على عدم الرد...

حصل لى حادث منزلى وكسرت صباعين فى ايدى...والحمدلله

انا بكتب بايد واحدة بس باطمنكوا عليا

ادعولى ربنا يشفينى...ويعدي الأيام الصعبة

تحياتى

سوسورانى

[jessika]

الف سلامة يا سوسو لية كدة بس !!!!!!!!!

خدى بالك من نفسك ...........وياريت تكونى نزلتى المستشفى وعملتى اللازم

ربنا معاكى ويحافظ عليكى

[Nassarlink]

اسفة على عدم الرد...

حصل لى حادث منزلى وكسرت صباعين فى ايدى...والحمدلله

انا بكتب بايد واحدة بس باطمنكوا عليا

ادعولى ربنا يشفينى...ويعدي الأيام الصعبة

تحياتى

سوسورانى

الف سلامه علي صباعين سعادتك

بتوفري حتي في الاصابات وتكسري الصوابع بالجمله

يارب يقومو بالسلامه بسرعه

احسن مطلوب منك ردود كتير

[عنبو]

الف سلامه عليكى يا سوسو وربنا يشفيكى بسرعه

[poulaemad]

اسفة على عدم الرد...

حصل لى حادث منزلى وكسرت صباعين فى ايدى...والحمدلله

انا بكتب بايد واحدة بس باطمنكوا عليا

ادعولى ربنا يشفينى...ويعدي الأيام الصعبة

تحياتى

سوسورانى

الف الف سلامه علكى يا سوسو

ايه يا بنتى مالك كده من نقره لدحديره

صوابعك ده ايه الى كسرها وقعت يعنى ولا ايه؟؟؟؟؟؟؟؟؟؟؟؟؟؟؟؟؟؟؟؟

خلى بالك من نفسك شويه علشانك انت والاولاد لوحدكم

ربنا معاكى وتخفى علطول ان شاء الله

تحياتى

[safaalabana]

اسفة على عدم الرد...

حصل لى حادث منزلى وكسرت صباعين فى ايدى...والحمدلله

انا بكتب بايد واحدة بس باطمنكوا عليا

ادعولى ربنا يشفينى...ويعدي الأيام الصعبة

تحياتى

سوسورانى

سلامتك يا سوسو ...والحمد لله اللى جت على كده ..ربنا يقويك ...قلبى معاكى

[enjisultan]

سلامتك سوسو

كدة سى تى اس وصوابعين مكسورين اية حكاية ايديكى يا بنتى :(

يالا ربنا يشفيكى ان شاء الله

[Shehab]

الف سلامة عليكى يا دكتورة و ربنا يتم شفاءك قريب

المهم انت خلى بالك من نفسك و ما تستعجليش ع الكتابة

غير لما تخفى خالص

تحياتى

:squeeze: :amb:

[helisinki]

:lol:الف سلامة عليكى يا مدام سوسورانى

تم تعديل 16 نوفمبر 2009 بواسطة helisinki

[بيبو كندا]

الف سلامه عليكى يا سوسورانى

ايه حكاية الحادثة دى

هو فى ميكروباس بيعدى عند البيت بتاعكوا ولا اية

انتى ساكن فى شارع احمد حلمى كندا ؟؟؟؟؟؟