أونتاريو ترحب بـ سوسو

[SoSo R]

نصائح هامة من مستشفى جامعة كنساس بالولايات المتحدة الأمريكية

للوقاية من مرض أنفلونزا الخنازير

إن البوابات الوحيدة لدخول فيروس H1N1 هي فتحات الأنف و الحلق أو الفم. وفي حالة مرض وبائي من هذا النوع يصبح من المستحيل تقريبا تجنبه بالرغم من كل الاحتياطات التي يمكن إتباعها.

وبينما أنت لا تزال في صحة جيدة ولا تظهر عليك أي أعراض للإصابه بفيروس H1N1 يمكنك إتباع بعض الخطوات البسيطة للوقاية من تكاثر الميكروب وظهور الأعراض أو تفاقمها.

1. الغرغرة مرتين يومياً بإستخدام الماء المالح الدافئ أو مادة الليسترين (في الصيدليات) إذ أن هذا الفيروس يحتاج يومين أو ثلاثة بعد بداية دخوله إلى الحلق أو الأنف ليتكاثر وتظهر أعراضه. ذلك لأن مجرد الغرغرة بالماء المالح يمنع هذا التكاثر ويوقفه. ومما يثير العجب أن تأثير عمليه الغرغرة هذه لها تأثير على الشخص السليم يعادل تأثير عقار "Tamiflu" علي الشخص المصاب. لذا لا تقلل من شأن هذه العملية البسيطة والغير مكلفة التي لها تأثير وقائي غير عادى.

2. أخرج الهواء من أنفك بقوة على الأقل مرة يومياً، وأمسح أنفك من الداخل جـيـداً بقطنة مشبعة بالماء المالح. إن هذا الإجراء له فعالية كبيرة في الحد من التكاثر العددي للميكروب.

3. أنعش مناعتك الطبيعية بتناول الأطعمية التي تحتوي على فيتامين C و D .وإذا تناولت أقراص فيتامين C يفضل أن تحتوي على عنصر الزنك، ذلك لأنه يعزز عملية إمتصاص فتامين C.

4. تناول المشروبات الساخنة بكثرة. فإن هذه العمليه لها نفس تأثير الغرغرة، فهي تغسل الحلق من الفيروسات المتكاثرة وتدفع بها إلى المعدة حيث لايمكنها العيش أو التكاثر أو أى أذى.

مرر هذه الرسالة إلى كل من تعرفهم، فمن يدرى من سيقرأها أو يبقى على قيد الحياة بسببها

تحياتى

سوسورانى

[بيبو كندا]

الف الف سلامة عليكى يا سوسو

و الله قلبى معاكى

اما بالنسبة لكندا و معاملتهم

انا بتمنى انى اسافر النهاردة قبل بكرة

علشان هم ناس بيحترموا الانسانية و حاجات تانية كتير قوى ما شفتش زيها فى مصر و مش هشوف

يا رب اولادى يقدروا يعيشوا هناك علشان يعيشوا حياة كريمة و اولاد كل اللى بيقروا الموضوع ده علشان يعيشوا بنى ادمين

و سلامى لك و لبناتك و خلى بالك عليهم قوى علشان الانفلوانزا دى خطييرة

و حاولى تعملى زار ولا حاجة و بخرى البيت 7 مرات مرة من فوق لتحت و مرة من تحت لفوق

و مرة بالورب و كده يعنى و اعملى عروسة ورق و بدبوس خرميها و بعد كده و فى كيس حطيها

و على البخور حطيها يمكن عين الحسود يبقى فيها عود

[ehabtaher]

تحياتى برضه

مش قلتلك تاخدى ادول :unsure: :lol:

[مراد أنور]

حمداً لله على سلامتك يا د/ سوسو

وعقبال فك جبيرة الصوابع

وإحمدى الله أنك فى كندا

وربنا معاك :sad:

ومع الزناتى :happy:

[ناوية ع الهجرة]

حبيبتي سوسو الف سلامة عليكي انت فعلا هتجيبلنا الكاس في التلطيش

بس عايزة اقولك معلهش الحمد لله انها بتيجي على كده على فترات كده كلنا بيمر بينا اوقات تلطيش ورا بعض

تحسي انك كل ما تقفي تلاقي قلم تاني يوقعك بس دايما ساعتها الواحد بيحس ان مع كل التلطيش الكتير ده

اكيد اكيد ربنا كان بيسترها وكان ممكن يكون فيه الاسوء ولو فكرتي بالمنطق ده في الوقت ده بتلاقي نفسك

استريحتي نفسيا جدا

ربنا معاكي واحتسبي الاجر عند الله

طبعا بالنسبة للموقف اللي حكيتيه no comment كل اللي اقدر اقولهولك احمدي ربنا انك في كندا مش في الكويت

مش هاقولك مصر لانك في مصر كنت هتبقي جنب اهلك لكن في الغربة حاجة تانية

تخيلي نفسك بقى في الكويت وحصلك الموقف ده وزوجك برضه مش معاكي ؟؟؟؟؟؟؟؟؟؟؟؟؟؟؟؟

[safaalabana]

طمنينا عليكى يا سوسو يارب تكونى بقيتى احسن كان نفسى اعزمك على الخروف ... wst::

[مازن أطرش]

كل عام وانت بخير لنوارة التوبيك . :sad: ..سؤال على الماشي ..هو الواحد ..أو بالأصح الوحدة يحق لها تدخل دهب زينة شخصية قد ايه 100 :happy: ولا 200 غرام ..وهو الذهب بكندا اسعاره عاملة ازاي . wst:: .اغلى.. :sad: ولا اخفض من مصر ..وإذا الواحد حب يبيعو ..بيعه متيسر بسهولة ..

[مازن أطرش]

وينك يا مدام سوسو ..وحشتينا ..على القليلي عايدينا

[SoSo R]

وينك يا مدام سوسو ..وحشتينا ..على القليلي عايدينا

حاضر يا أستاذ مازن..أنت تأمر...

كل سنة وأنتوا كلكم بألف خير وصحة وسعادة

يارب يحقق كل أمنياتكم...

والسنة الجاية تكونوا كلكم هنا معانا...وترصرصوا من التلج :blink:

والمنتدى دة يفضى ومايلاقيش زباين :sad:

آمين يارب

ت :D حيا :D تى

سوسورانى

[SoSo R]

ردي الوحيد اننا فعلا لابد ان نخجل من انفسنا ومن تعاملتنا مع بعض .

في السعوديه مرسوم ملكي بمنع علاج الاجانب في مستشفيات حكوميه

وفي مصر العلاج للاغنياء ولو اتعالجت فى مكان حكومي محترم دائما يعامل المريض كانه شئ وليس انسان يجب ان تحترم مشاعره ومشاعر اهله

اتعجب من بلاد هي مصدر ومنبع الاديان يصل بها الحال الي هذا

ربنا يشفيكي يا دكتوره سوسو .

بعت لك مع المهندس زناتي هديه ( اقراص كالسيوم جبس ) :D :D .

دكتور بريكناديان..كل سنة وأنت بألف خير...

ملحوظتك فى محلها فى موضوع أولوية العلاج...

يارب توصلوا كلكم وتحسوا فعلا بفرق المعاملة الآدمية اللى هنا...

زناتى مأدانيش حاجة :sad:

شكله طمع فيهم

والله ..ده كلام ..يخلي الواحد..ينبسط ..عشان قرار الهجرة .ويزعل كمان ..بس ليه ..اعتقد كلكم عارفين ..

الحمدلله ماقلتليش جتك وكسة...أو روحى إتوكسى!!!

لأ بجد بأه متشكرة لسؤالك عليا...

لو سمحت وأنت جاى هات لى برازق وكبيبة...

الف الف سلامة يا دكتور سوسوراني

معلش لو متاخرة

وان شاء الله خير وتقوميلنا بكل سلامة يا سفيرتنا فى كندا

الله يسلمك دكتور حسام...كل سنة وأنت بألف خير

ألف سلامه عليك يا دكتوره

و علي فكره يجب ان ـؤمني بموضوع الحسد ,, و المحسود هنا مش أنت ,, المحسود هنا هو زوجك, لان ما تقومي به من تحمل مسؤليه يستحق الاشاده من نحن معشر رجال الشرق الاوسط هو ما يحسد عليه وجك من المحيطين به الذين لا يستطيع العنتر فيهم أن يتأخر في الحمام أكتر من خمس دقائق , ألآ ,,,,, أنا الحقيقه مقدر جدا ما تقومي به لان وجتي تقريبا في ظروف مشابه,, و لكن في النهايه أعتقد أننا جميعا نفعل ما نفعل من أجل أولادنا الذين نحاول قدر المستطاع أن نجنبهم ما مررنا به من صعاب و لو كانت هذه التضحيات لاي شئ أخر ما أستمرت أبدا,,

أدعوا الله لك بسرعة الشفاء و لا تنسي أن كثرة الابتلاء ترفع من الذنوب و تقرب العبد الي ربه ,, و الصبر عليها يرفع الدرجات,, أكثري من التسبيح و الاسغفار 100 مره في اليوم ,, صدقيني بسيطه و لكنها تخفف البلاء و عليكي بصلاة الضحي لانها تخفف من ألام الجسم ( و هذا حسب ما جاء في رأي الفقهاء )

و بالله التوفيق

متشكرة لدعوات حضرتك بالشفاء وتمنياتك بالتوفيق

كل سنة وأنت بألف خير

سلامتك ياسوسو...كلاكيت عاشر مره والله ياسوسو ..انا ملاحظه ان كل مداخلاتى ليكى بقت بتبتدى بنفس الجمله ...ياربى كل ده !!!!!!!

اللهم لا اعتراض ...عموما كل اللى مكتوبلك شوفتيه والحمد لله انك متماسكه ...وخدى باللك من نفسك ومن البنات خلى المسافه بينك وبينهم مترين على الاقل واللى مناعتها فيهم ضعيفه ممكن تبدأى لها تاميفلو ...وربنا يطمنا عليكم

وان شاء الله نيجى ونلاقيك زى الفل وتكون دى اخر الاحزان ...يا سوسويا بنت رانى امين :blink:

ربنا يخليكى يا صافى يا حبيبتى...أنتى بجد مالكيش حل...أنا مرة قريت لك رد فى حتة...كنت عايزة أقولك ماتجيبى بوسة يا صافى :wub:

بجد أنتى مفيش منك...

والبنات بخير..إطمنى

كل سنة وأنتى بألف خير يا صافى

تحياتى

سوسورانى

[SoSo R]

تعرفي يا بنتي إني باستمخ دايماً من كلامك وحكاياتك عن الحياة والمعيشة في المجتمع الكندي ، لدرجة إنك حببتيني في كندا من قبل ما أوصلها :D

وكلامك على فكره بيؤكد فكرتي وانطباعاتي الأولى اللي شفتها في المجتمع ده على مدار أكتر من سنتين دخلت كندا فيهم على فترات. الناس دي ناس نقية ، وبتتعامل بالفطرة السليمة ، ولسّه ما تلوثوش إلى حد كبير ، وإن كان منّا - كمهاجرين من دول رجعية والعالم التالت - من يعملون جاهدين على إفسادها والتلاعب بأنظمتها :wub:

وألف سلامة عليكي من دور البرد الغبي إياه... إنتي باقيلك كام مصيبة كمان ، وتحققي الريكورد في التلطيش ، وتجيبي الكاس للمنتدى wst::

بس على فكرة... أخوكي خده قبلك ، يعني لي بكل فخر السبق في موضوع الـ Swine Flu ده! مدير بقى وكدهوت!

في مايو اللي فات ، وأثناء تواجدي في كالجاري عشان كورس الـ EMR إيّاه اللي اتكلّمت عنه ، جاني دور برد غير طبيعي... في المعتاد دور البرد آخره معايا شوية زكام ، و... مناخيري تحمر :blink:

المرة دي بقى دور البرد جاني بصورة عمري ما شفتها في حياتي... بخلاف الزكام ، هدة حيل رهيبة ، وسخونة ، وتكسير في جسمي كله ، والصبح بلغم فوسفوري ، وعطس متكرر ، ومع العطس كنت باحس بألم فظيع كما لو أن فيه سيخ حامي بيخترق رئتيّ ويخرج من أكتافي! كل ده وانا باخد زيثروماكس ، وعلاج للبرد قوي المفعول ، وبضعف الجرعة المطلوبة!

وألاقي بعدها بكام يوم... وفي جريدة Calgary Sun كانوا كاتبين ع الصفحة الأولى ، وبالبُنط العريض (It's here) ، ومن ضمن المقال كاتبين إن الـ Swine Flu ظهر في كالجاري لأول مرة ، واكتشاف حالتين مصابين بيه! طبعاً كنت أنا الجندي التالت ، بس المجهول... اللي دخل المعركة واجتازها ، ومحدّش حس بيه!

في خلال فترة العيا دي صعبت عليّا نفسي أوي... وخصوصاً إحساسي إني متفرّدٌ بصبابتي ، متفرّدٌ بكآبتي ، متفرّدٌ بعنائي! :cry:

مش موضوعنا حالياً... هييييييييييه... دنيا :sad:

المهم... كلها كام يوم ويعدّوا ، وكده ولاّ كده... هوّه دور برد! أتمنى بس محدش من البنات يلقطه منك ، وربنا يحفظهم.

وطمنينا عليكي من وقت للتاني.

تحياتي :sad:

أزيك يا دكتور...كل سنة وأنت طيب وبألف خير...والسنة الجاية تكون بتلعب بالتلج هنا

أول مرة أعرف إن البرد كمان فيه مدير وغفير :D ...هو الدور فعلا جالى مختلف ..يعنى أعراض ماشفتهاش قبل كدة...

بس مش زى اللى حضرتك بتحكيه...

بس هد حيلى بطريقة مش طبيعية...يعنى فعلا أنا محتاجة أشد حيلى كدة من الدور..وآخد نقاهة

ودة السبب إنى ماكنتش قادرة أكتب فى المنتدى...مع شوية إكتئاب من حبسة البيت

أما عن التلطيش...فدة الطبيعى بتاعى...يا إما مش هابقى سوسورانى!!!

لكن هو الدور واضح إنه فعلا بيأثر على نفسية الواحد

مستنية مننا تعليقات..........بلذمة تعليقات اية اللى تتكتب فى كلامك دة يا سوسو

دة انا حسيت اننا مش هنهاجر من بلد لبلد لالالا دة هايحصلنا حالة تحول من لاشىء الى بنى ادمين

يعنى كاننا بنسمع بس عن انسان وانسانية واحنا فصيلة تانى خالص

بس نكشر ربنا اننا اخيرا ممكن نحس يعنى اية انسان ونجرب قبل ما نموت

ربنا يفرحك يا اختى على كلامك وبجد اول مرة احس بيكى كدة وكنت فكراكى بردو قوية بس الواحد فعلا مهما كان قوى فى لحظات بيبقى زى البيبى ...........بس انتى بجد قوية وجدعة وانا بصراحة مقصرة معاكى فى السؤال

اوعى تخافى ربنا معاكى وحارسك انتى وبناتك .........واحنا معاكى بجد وبنحبك

ربنا معاكى يا قمر ويحافظ عليكى

اة على فكرة انا حسيت اد اية اللغة مهمة بجد قبل السفر موقف زى دة محتاج الوزاحد يتعامل ويتكلم شجعتينى اذاكر

براحة بقى على نفسك ومتستعجليش فى الكتابة خالص

كل سنة وأنتى طيبة يا جيسيكا يا حبيبتى...أخبارك إيه؟؟

أنا لا جامدة ولا نيلة...

ربنا بس اللى بيسترها مع الواحد...وبيحافظ على البنات..

أنا مسلماله أمورى وهو يتصرف...

بس بجد يا جيسيكا بافقد الأمل فى كل حاجة...

معرفش دة بيكون إيه...

بس بحاول ماأستسلمش للأحاسيس السلبية دى

بحاول...

تحياتى

سوسورانى

[SoSo R]

الف سلامه عليكي يا سوسو

و الله يا بنتي أنا زعلت بجد بس معلش

ان شاء الله تخفي و تبقي كويسه بس أهم حاجه

تبعدي عن البنات و أكيد همه نبهوكي لكده

بس ما فيش عزل ولا حاجه زي الي عندنا هنا

ده هنا أخر جنان في موضوع swine flu ده

و سلامة صوابعك طبعا ده وقف حال لوحده اسأليني أنا

عن اصابات الايدين

و بجد الي حكيتيه ده شئ لا يصدقه عقل

هوه في ناس بالجمال ده

الناس دي يجب أن تحترم بجد

إزيك عاملة إيه؟

كل سنة وأنتى طيبة ...

هو من ناحية وقف حال فهو مرمطة مع العيال...وشغل البيت...

ماهو أنا عايشة عشان أتمرمط...

عادى بأه

وكمان swin flu

براحه شويه علي فلوس البلد

علي منيجي مش هنلاقي ميزانيه نتعالج بيها

ربنا يستر علي زناتي

كدة برضه...بدل ماتقولى سلامتك :D ...خايف على ميزانية البلد...

على فكرة من عظمة البلد دى...

دة الموقف التانى اللى كنت هاحكيه...إنهم هما اللى دفعوا تمن التاميفلو...رغم إن الدوا مش متغطى بالتأمين الصحى

بس عشان وباء وكدة

والدوا مش رخيص...75 $ كندى

الواحد نفسه يخرج من الحاله الى هو فيها دى وبعدين قعدت افكر وافكر واقعدت لحد لما وصلت لحاجه

قولت يااااااض يا محمد الى بيدلعوك ب احمد محمد عبدالسميع لازم تغير المووووووووود وتغير يومك

انا المفروض كل يوم بالليل بقعد اذاكر شويه وفى الاخر انام وهكذا

قولت انهارده لا لازم اغير تروح فين يامحمد تروح فين يا أحمد وبعدين قولت خلاص مافيش غير السفاره الكنديه

اخدت بعضى الاول واطلعت على البيك جبت واحد نيجتس 10 قطع سبايسى ده ليا وجبت واحد نيجتس 7 قطع عادى ده للسفير وطبعاً جبت ب 2 ريال خبز وجبت كمان 1 باربيكان 1 سفن دايت للسفير

واخدت الاكل واطلعت على السفاره وسألت على السفير لقيته موجود بس كان بيصلى المغرب اقولت طيب انزل اصلى معاه تحت الغريبه انه لقيته مبصليش وقاعد بيولع سيجاره قولته طيب انت ليه مش فاتح طالما مش بتصلى قلى تاخد سيجاره قولته هى بنى ...............

على العموم بعد الصلاه طلعنا فوووق ودار بينا الحوار كالاتى

انا :: خد بالك انت الطبق بتاعك سبع قطع بس اوعى تكون بدلت الاطباق

هو :: لا سبع قطع ليه هو انت جايب ليك كام قطعه ؟؟

انا :: تاخد عيش

هو :: امال ايه سبب العزومه دى دانت عمرك ما علمتها ؟؟

انا :: بص من الاخر كده الرجاله بتوعك عملوا اعلى واجب مع بنتنا سوسو رانى فى كندا وانا قولت واجب عليا كابن بلد ان اعزمك على واجبة بيك

هو :: هو انت تعرف سوسو رانى ؟؟

انا :: م ت ش "" حركه صوتيه "" ايه الى اعرفها دانا اعرفها من ايام لما كان اسمها سو بس بس الحمد لله كبرت دلوقتى وصار اسمها سوسو

هو :: انت مش نااااااااوى تهاجر

انا :: حضرتك انا كنت ناااااااوى بس لما لقيت سوسو كل شويه لاما عيانه لاما بتعمل قلقاس وانا طبعاً مبحبش القلقاس خااااااااالص حتى لو كان فيه فوائد الدنيا بحس انه بطاطس وبيستعبط

وبعدين حضرتك انا كنت نااااااوى اهاجر كعالم كيمياء بس هى قالت ليا حضرتك لاما تيجى كعالم لاما تيجى كيمياء

هو : وانت بقى نااااااااوى على ايه

انا :: ان شاء الله ناااااااااااوى اتجوز السنه الى جايه ؟

هو :: مبرووك مبرووك ولقيت العروسه

انا :: مهو انا جيالك اساساً علشان كده

هو :: ينظر ليا باستغراب رافعه حاجبه الايمين قائلاً انت مكنتش بتقول ان انت جاى علشان توجب معايا علشان خاطر سوسو

انا :: طبعاً جاى علشان خاطر بنتنا سوسو بس وانا طالع على السلم شفت بنت حضرتك

هو :: اه انت عاوز تتجوز بنتى

انا :: ادينى فرصه افكر هفكر وارد عليك ماااااااااشى

هو :: تفكر فى ايه يابنى

انا :: مش انت قولت تتجوز بنتى ؟؟ وانا قولت هفكر ولا خلاص مستعجل قوى قولك خلاص انا موافق ياعم بينى وبين نفسى قائلاً كله يهوووون علشان الجنسيه الكنديه

اكمل ولا خلاص انا شايف الاغلبيه بتقول خلاص ؟؟

يلا ياسوسو عوووووودى بسرعه

محمد اونبوووووو عنبوووووو بس بالكندى يعنى ؟؟

عنبى..ولا أقول الحاج عنبى :blink:

مبروك الحج وكل سنة وأنت طيب

المفروض تشوف حد يكتشف موهبتك فى القصة القصيرة...

بس عندى سؤال..إيه حكاية البيك معاك...

مافيش مداخلة شفتها إلا وجايب فيها سيرة البيك...

هو أنت عندك عقدة منه؟؟؟

زمانك بتاكل فى الضانى والفتة ونسيت أسم البيك دة من أساسه

والسفير كان بيصلى معاك المغرب ....وقالك تتجوز بنتى؟؟!!!

مش إعرضت منك شوية :happy:

كنت فاكرة اننا لوحدنا اللى حققنا الريكورد فى الاحداث العجيبة فى الاونة الاخيرة بس بصراحة تستهالى الكأس بجدارة واستحقاق

بس احلى حاجة باسطيطنى بجد انك حسيتى بالامان

عارفة الحاجة فعلا اللى تفرق مع الواحد هو انة يكون مطمن على نفسة وبناتة وبصراحة الامان حاجة مش بتتحقق فى اى بلد وكمان حاجة ما تشتريهاش بفلوس

فالحمد لله بجد على الامان اللى ربنا حاوطك بيه انتى وبناتك فى الازمة دى وسلامتك تلاتاشر مليون مرة(مش عارفة لية تلاتاشراللى جة فى ايدى)

:wub:

بلاش تلاتشر يا نوجة...ماتجيبيش سيرة الرقم دة

والكاس أنا خدته خلاص...والمركز الأول..وبافكر أشارك فى أوليمبياد التلطيش

كل سنة وأنتى بألف خير

كلاكيت عشرتاشر مره .... الف سلامه على حضرتك يا مدام سوسوراني .... بجد ربنا يكون فى عون حضرتك ويقويكي ويصبرك .... وبجد كمان انتي عندك قدره كبيره على تحمل المسؤليه .... وروحك كمان حلوه حتي فى الازمات والعيه والمصايب ... ومن واقعي متابعتي لكتابات حضرتك فانا عارف ومتاكد ان حضرتك مش بتاعة كلام شعارات .... يعني الكلام اللى حضرتك بتحكيه كانه مشهد متصور وانا بشوفه ... وبنبهر بيه .. وبتحسر على حالنا .. وان كنت بحمد ربنا طبعاا على كل حال ... كملي بارك الله فيكي ..كلام حضرتك دفعه للامام :sad:

كل الناس بتدخل تقول ألف سلامة...معلهش أنا زهقتكوا...يارب أنجح عشان نغير الأسطمبه...وتدخلوا تباركوا بدل تمنيات الشفاء المستمرة...

وماتزعلش على حالك...ربنا يكملك المشوار...وتنعم بالأحساس بالأمان هنا...

بس المهم إنك لما تيجى ماتنساش كل دة...وبرضه تبص للجانب المظلم

الف سلامه يا مدام سوسورانى انا اسف اذا كان ال ادول مش مكفى وده معناه ان الالم شديد بس انا كان قصدى بس انك تكونى جامده خصوصا انك لوحدك هناك ولازم تعرفى ان كل المشاكل دى تزيد الشخص صلابه وعايز اسألك سؤال واحد بس مش عارف ده شخصى والا عادى يعنى

انت ليه لم تبحثى عن عمل حتى الان حتى لو متطوعه ( مش ده يفيدك بعد كده ) والا الاولاد لاخمينيك وانا مقدر طبعا وجود اطفال صغار

ممكن تفيدينا فى الموضوع ده لان زوجتى ممكن تبقى فى نفس الظروف وعايز اعرف هل الشغل او التطوع فى وجود اطفال يبقى متعب يعنى والا الحضانات غاليه

الحضانات والبيبى سيتينج هنا أغلى مايكون...

عشان أشتغل فولنتير...لازم تكون حاجة لها فايدة مستقبلا وإلا هاكون باصرف على الشغل بدل ما آخد منه...

ولو هاشتغل كاجوال...برضه مالوش لازمة على الأقل دلوقتى...اللى هاخده هادفعه...ويبقى إتبهدلت أنا والبنات من غير سبب...

يعنى أولوياتى حاليا مختلفة...

الف الف سلامة عليكى يا سوسو

و الله قلبى معاكى

اما بالنسبة لكندا و معاملتهم

انا بتمنى انى اسافر النهاردة قبل بكرة

علشان هم ناس بيحترموا الانسانية و حاجات تانية كتير قوى ما شفتش زيها فى مصر و مش هشوف

يا رب اولادى يقدروا يعيشوا هناك علشان يعيشوا حياة كريمة و اولاد كل اللى بيقروا الموضوع ده علشان يعيشوا بنى ادمين

و سلامى لك و لبناتك و خلى بالك عليهم قوى علشان الانفلوانزا دى خطييرة

و حاولى تعملى زار ولا حاجة و بخرى البيت 7 مرات مرة من فوق لتحت و مرة من تحت لفوق

و مرة بالورب و كده يعنى و اعملى عروسة ورق و بدبوس خرميها و بعد كده و فى كيس حطيها

و على البخور حطيها يمكن عين الحسود يبقى فيها عود

جيسيكا دخلت قالت لك مافيش حسد...

وماتشكيش فى اللى حواليكى...عجبتنى قوى الكلمة دى منها :happy:

وإن شاء الله تسافر وتيجى وتنعم بالمعاملة..

وولادك هما أكتر ناس هيستمتعوا بحسن المعاملة...

هما أكتر ناس الهجرة بتصب فى مصلحتهم...

حمداً لله على سلامتك يا د/ سوسو :sad:

وعقبال فك جبيرة الصوابع

وإحمدى الله أنك فى كندا

وربنا معاك wst::

ومع الزناتى

متشكرة قوى يا أستاذ مراد...كل سنة وحضرتك بألف خير

حبيبتي سوسو الف سلامة عليكي انت فعلا هتجيبلنا الكاس في التلطيش

بس عايزة اقولك معلهش الحمد لله انها بتيجي على كده على فترات كده كلنا بيمر بينا اوقات تلطيش ورا بعض

تحسي انك كل ما تقفي تلاقي قلم تاني يوقعك بس دايما ساعتها الواحد بيحس ان مع كل التلطيش الكتير ده

اكيد اكيد ربنا كان بيسترها وكان ممكن يكون فيه الاسوء ولو فكرتي بالمنطق ده في الوقت ده بتلاقي نفسك

استريحتي نفسيا جدا

ربنا معاكي واحتسبي الاجر عند الله

طبعا بالنسبة للموقف اللي حكيتيه no comment كل اللي اقدر اقولهولك احمدي ربنا انك في كندا مش في الكويت

مش هاقولك مصر لانك في مصر كنت هتبقي جنب اهلك لكن في الغربة حاجة تانية

تخيلي نفسك بقى في الكويت وحصلك الموقف ده وزوجك برضه مش معاكي ؟؟؟؟؟؟؟؟؟؟؟؟؟؟؟؟

متخيلة صدقينى وعارفة...وباشكر ربنا على كل حال..

هو بس الواحد بيتعب نفسيا لما بيلاقى إن كله ورا بعضه...

وساعات إحساس الوحدة بيتسرب فى الأزمات...

ورثاء النفس..

دى طبيعة البشر..

كل سنة وأنتى بألف خير..

وتعزمينا على الفتة السنة الجاية إن شاء الله

طمنينا عليكى يا سوسو يارب تكونى بقيتى احسن كان نفسى اعزمك على الخروف ... :cry:

يا حبى العزومة وصلت...بس كدة ولا كدة الصيام بدأ ...يعنى مش هينفع الخروف...

إدبحى سمك...وأنا جاهزة :D

تحياتى

سوسورانى

[مازن أطرش]

برازق وكبيبة ...بس كده ...شوفي الكبيبة بنسميها (كبة) هنا بسوريا ...وأشهر واحسن مين يطبخ كبة هما نحنه الحلبية بلا فخر ..وبشكل عام طبيخنا ميعلاش عليه حد بسوريا ..فإنشاء الله ..اخلي المدام تعملك عزومة مفتخرة لما ربنا يكملها معانا ويجينا الميديكال والفيزا و نخلص من مسلسل الانتظار المكسيكي التركي ..اما البرازق فده شغل الشوام (ابناء دمشق ) كمان مش مشكلة... اجيبو بسكتي ...بس كمان اجبلك زعتر حلبي وصابون غار حلبي ...بس تفضلينا سالمة غانمة ...

[بيبو كندا]

يا ولاد الحلال فى بنت تايهة طول كده

صوابعها الشمال مكسرة بجبيرة اد كده

و عندها انفلوانزا مخلياها تكح زى كده

ماحدش شااااااف سوسورانى يا شباب

[SoSo R]

برازق وكبيبة ...بس كده ...شوفي الكبيبة بنسميها (كبة) هنا بسوريا ...وأشهر واحسن مين يطبخ كبة هما نحنه الحلبية بلا فخر ..وبشكل عام طبيخنا ميعلاش عليه حد بسوريا ..فإنشاء الله ..اخلي المدام تعملك عزومة مفتخرة لما ربنا يكملها معانا ويجينا الميديكال والفيزا و نخلص من مسلسل الانتظار المكسيكي التركي ..اما البرازق فده شغل الشوام (ابناء دمشق ) كمان مش مشكلة... اجيبو بسكتي ...بس كمان اجبلك زعتر حلبي وصابون غار حلبي ...بس تفضلينا سالمة غانمة ...

يا سلام يا أستاذ مازن دة كدة أنت هتجيب لى سوريا معاك كلها وأنت جاى...يا سيدى المهم توصل هنا بالسلامة وبعدين نشوف هتجيب معاك إيه...

وعلى فكرة أنت ليك عندى حكاية سورى بالصور بس مش عارفة الخاصية أشتغلت ولا لسه؟؟؟

يا ولاد الحلال فى بنت تايهة طول كده

صوابعها الشمال مكسرة بجبيرة اد كده

و عندها انفلوانزا مخلياها تكح زى كده

ماحدش شااااااف سوسورانى يا شباب

أنا هنا يا أستاذ صمويل وداخلة فى دور باكتريال بعد الفيرال...حاجة زى الفل..

مش متفضل فيا حاجة سليمة خالص...

أنا فكيت إيدى على فكرة بس لسه الصباع لونه أزرق شوية...

يا مسهل

تحياتى

سوسورانى

[SoSo R]

الحلقة دى كان نفسى أكتبها من زمان...بس طابور الكوارث اللى جالى كان مانعنى...

بس دى بجد أول مرة أكتب عن حاجة على مزاجى أنا ..حاجة بحبها بجد

ألا وهى القهوة cof): ...

أتمنى كل محبى القهوة فى المنتدى تعجبهم الحلقة دى...ودى إهداء منى ليهم

من زمان قوى وأنا بحب القهوة من وأنا طفلة...لما كنا ننزل الكوربة كنت أقعد أشم فى ريحة البن اللى طالعة من الكام محمصة المشهورين اللى هناك...كنت عاملة زى العيال بتوع الكولة أو بتوع البنزين...يعنى ريحة إدمان بالنسبة لى

كنت هاموت أدوق القهوة وطبعا الأبهات حافظين مش فاهمين ودى تضرك وكدة...

كنا بنروح عند ناس قرايبنا ودايما كان بابا يشرب قهوة تركى عندهم...أفضل واقفة فى المطبخ أتفرج على القهوة وهى بتتعمل وآخدلى شمة ;)

فى مرة بقول لتانت اللى بتعمل القهوة..ممكن أدوق

وقعدت أتحايل عليها...وأترجى فيها آخد بؤ..

قالت لى هديكى تدوقى بس هاحط عليها لبن...قال يعنى كدة شالت الضرر وبقيت القهوة مفيدة

طبعا قهوة تركى باللبن طلعت حاجة ..يععععععععع mf)

فضلت ورا تانت دى لحد ماعلمتنى أعمل القهوة اللى بحبها وبوش كمان مابيقطعش...كان إنجاز بالنسبة لى

ولما ييجى لنا ضيوف ليهم فى شرب القهوة...لازم أنا اللى أعملها وأوريهم شطارتى

كان ناقص بقى أدوقها...

مش معقولة بعد الحب الأفلاطونى ده كله ماأدوقش القهوة!!

لما دقتها بقى..إدونى بوء واحد من الآخر...كنت سعيدة جدا وكان عندى إستعداد أشرب لى فنجانين تلاتة...بس يلا بقى..أى حاجة نطلع بيها

ثم بدأت عهد النسكافيه..الكلام دة كان فى ثانوى..أفوق عشان أعمل الواجبات المحترمة بكباية النسكافيه باللبن...أنا إكتشفت إنى عمرى ماشربت النسكافيه بلاك..لازم يكون لونه متغير..يا بلبن يا كوفى ميت

فى الثانوية العامة بقى كان كله متاح..قهوة تركى نسكافيه..وبأى كمية..

بصراحة أصبحت مدمنة بمعنى الكلمة...لدرجة ساعات جرعات الكافيين بتزيد عن حدها وييجى لى تسارع فى ضربات القلب وعرق جامد فى الأطراف وصوابعى تنمل...حاجة زى الفل يعنى..

أنا لما بقول لجوزى إن الأعراض دى بتجيلى بيتخانق معايا عشان أقلل شوية الكمية...مع إنها مفيدة جدا لضغطى الواطى جدا...

القهوة الوحيدة اللى ماحبيتهاش ومارضيتش حتى أحطها على لسانى القهوة العربى..مش مقتنعة إن قهوة يبقى لونها أبيض...مش بنى..دة يبقى إستعباط مش قهوة!!!

بس القهوة المحوجة اللى بيتحط معاها حبهان دى بجد بحس إنى باخدها فى الوريد...يعنى بتعدل المخيخ وبتفوقنى لمدة سنة قدام...

القهوة المحوجة دى مفتقداها قوى فى كندا لأن البن الموجود فى المحلات العربى..بن محفوظ مش طازة ومش محوج

دة غير إن مافيش كنكة هنا..أول حد جاى يعمل لاندنج يجيب لى معاه كنكة لو سمحتوا wst::

آخر إمتحان دة خلصت فيه محصول البن البرازيلى..كنت بشرب حوالى خمسة فى اليوم...وبعدين القهوة هنا حكاااية..جاية لكم فى الكلام...

فى نوع قهوة طلع فى آخر سنة فى الكويت...ماشفتش زيه...إسمه على كافيه...متضاف عليه جنسنج وحاجة إسمها تونكات على واتعمل لها حملة دعائية رهيبة..وإن القهوة دى بتعمل وتسوى...كل دة مش مهم...القهوة دى ليها ريحة جبارة...أنا لما كنت بشربها فى الصيدلية كانت الريحة بتفوح بقوة...أو لو واقفة برة الصيدلية والولد عملها لى الريحة بتطلع لحد برة ..بعرف إنها إتعملت

الغريب بقى إن ريحتها قوية لدرجة إنى لو هرشت فى مناخيرى مثلا بعد كذا ساعة من شربها تطلع ريحة القهوة..لو عرقت حتى ..ريحتى قهوة...ماعرفش موجودة فى مصر ولا لأ..بس عمالة أتحايل على جوزى يجيب لى معاه كيس على كافيه بس هو بيحب يسافر و إيديه فى جيوبه..مش عايز يشيل

حاجة خالص.

كل دة وكنت فاكرة نفسى خبيرة قهوة لحد لما جيت كندا وأكتشفت إنى ماعنديش معلومات عن القهوة..

لما بدخل قسم القهوة فى أى سوبر ماركت ..بحس إنى لو قعدت أجرب الأنواع الموجودة مش هالحق أخلصها!!

طبعا منتشر هنا قوى القهوة بتاعة المكن...مرة كان فيه واحدة فى سوبر ماركت بتعمل تذوق للقهوة وعجبتنى جدا ,,,وبعد ماخلاص ناوية أجيبها..لقيت النوع دة بتاع مكن وأنا ماعنديش مكنة قهوة للأسف..

أسألها طيب ياستى مافيش عندك نوع إنستانت...والأجابة كانت بالنفى...

طيب خلينا فى الأنستانت...نسكافيه منزل هنا كمية أنواع ومذاقات ونكهات مالهاش حل...منه حاجة إسمها كاريبيان تقريبا.. ريحته خرافة...

دة غير بقى الماركات التانية غير نسكافيه نفسه..

حتى الكوفى ميت هنا شفت له 3 4 فلافور فانيليا وهازلنت وريجولار وموكا...دة بس بتاع نستلة!!

كمان نسكافيه منزل خط كامل من الكابتشينو بأنواعه غير اللى كان فى الكويت بأسامى مختلفة وإيشى كراميل...ومش عارفة إيه...لأ وكاتب على العلبة بالبونط العريض 80 كلورى...بسأل الست دة فى الساشيت الواحدة wst:: ؟!!!

قالت لى أينعم...قلتلها دة كدة وجبة..يعنى نشرب بس وبلاش أكل

نيسكويك بقى منزل حاجة كدة زى السيروب...عشان تدى طعم للبن والعيال يشربوه..سائل كثيف مسكر...منه فانيليا وفراولة وشيكولاتة...

واحدة قالت لى على إفتكاسة أعمل وان سكويز من إزازة سيروب الشيكولاتة...بعد ما أعمل مج النيسكافيه بتاعى...فعلا حلو...

أنا بقى أفتكست إنى أحط معلقة كاكاو وبرضه أنواعه كتيييييير مع كباية النسكافيه بس ألخبطه قبل ما أضيف المياه السخنة...طعمة أكتر من رائع..إبقوا جربوا الطريقة دى وقلولى رأيكم...

كان فيه نوع كاكاو جبته.. مخلوط مع البودرة قطع من المارشميلو ..حاجة مياصة الصراحة...وطبعا لازم أضبط درجة حرارة المياه عشان المارشميلو ما يسيحش...ويفضل على الوش..يعوم. wst:: .

نيجى بقى لفخر الصناعة الوطنية الكندية...تيمو هورتونز..

أيون أنا بادلعه..إشمعنا هم؟!!

مرة كنت رايحة مع واحدة صاحبتى..وبتقولى يلا نروح تيمى...

أنا وبنظرة بلهاء...مين تيمى دة يا ختى!!

فيه إيه يا سوسو؟!! تيمى...تيم هورتونز!!

هو أنتوا بتدلعوه...ماشى

أنا بقى عشان إسمى سوسو هادلعه وأقوله تيمو...أصل فى فيلم تيمور وشوقية كانوا بيدلعوه تيمو :D

طبعا تيمو عنده كمية منتجات مالهاش نهاية..دة طلع عنده كمان شاى!!

أول حاجة قلت نجرب الفرينش فانيلا اللى هوسنا بيه دكتور تهامى_مساء الخير يا دكتور :P _ وكنت متفقة أنا وجوزى لازم أول مرة نروح عند تيمو نجرب الفرينش فانيلا...هو مش بطال بس مش واو...حسيت إنى إتخدعت فى المنتدى بتاعكم دة...يعنى القهوة اللى كان دكتور تهامى حط تفاصيلها إنه بيعملها بنفسه هتطلع طعمها أحلى...النسكافيه العادى هناك عند تيمو بيقولوا عليه دبل دبل ...بس يعنى هاروح أجيب نسكافيه ؟!!

مش معقولة!!!

جربت الآيس كوفى بتاعه..مش بطالة بس بيضربوا التلج معاه فى الخلاط فالقهوة بتطلع خفيفة

الأكتشاف بقى وأشربوه وأدعولى...الهوت سموزى...حاجة طعمها تحفة..

فيه منه كذا فلافور...فرينش فانيلا..كرامل ..هازلنت..دة ترتيبهم فى حلاوة الطعم..فيه كمان مينت بس ماجربتوش...

ده غير بقى إنهم بيبيعوا أكل...

فيه حاجة إسمها تيم بيتس..كور كدة عاملة زى لقمة القاضى..بالشيكولاتة أو السكر ..بيتابعوا 10 أو 20 أطلبوهم مشكلين...وإدعولى برضه..

فيه ساندوتشات أشهرها تشيكن رابر ..الأتنين ب4 دولار..وعليه رانش صوص أو باربيكيو صوص أنت اللى بتنقى...

مرة أخدت مقلب...فى تيمو..

كان صيام وكنت جعانة قوى ..جبت تشيكن رابر للعيال وبسأل الست عندك حاجة فيجيتيريان...قالت لى آه...وقالت حاجة كدة...قلت يمكن زى الفاجيتيريان فاهيتا بتاع كوك دور...طلعت شوربة خضار...طعمها ..أستغفر الله العظيم md2: ...وحاطة لى معاها واحد كيزر وباكو زبدة... يا فرحتى...

قطعت العيش فى الشوربة وأكلتها وأنا صاغرة عاملة زى سمير غانم وهو بيشرب الملوخية بتاعة لينا مراته..

أسوء حاجة فى تيم هورتونز حاجتين...الأحجام وطريقة الدفع..

الأحجام هنا عبيطة جدا...يعنى الكبير بتاعهم أد أصغر مقاس عند ستار بكس لما كنت بشربه فى الكويت...

أول مرة قلت عايزة حجم صغير...لقيتها جايبة لى شىء كدة يخلص فى بؤين...

فى ستاربكس كان الكباية تساوى وجبة كنت ممكن أقعد ساعة بشرب فيها وما بتخلصش..دى كمان الحجم الصغير أو الوسط...

طريقة الدفع بقى مستفزة مابياخدوش غير كاش أو ماستر كارد...فيزا لأ...ديبت كارد لأ برضه...

كل ما أتكلم مع حد يطلعوا خدوا المقلب ده أول ما جم وياسلام بقى لو داخل الدرايف ثرو ومحترم كدة ومافيش فى جيبك دولار ونصف..وحصلت مع ناس كتير...

انا غالبا مابشيلش كاش...فى فترة بتاع شهرين قعدت من غير كاش ..عشان مكسلة أروح البنك أسحب فلوس...

مرة موقف كوميدى...طلبت السندوتشات للبنات والهوت سموزى بتاعى وعمالة أنفض فى جيوبى لحسن الكاش ما يكفيش..وكقوا بالعافية...لقيت الولد جايب لى إتنين قهوة...فبقوله لأ أنا طالبة واحد بس...قالى خلاص خديه وبيزق إيدى بالكوباية ونظام أسترى عليا يا ستى..

كان نفسى يغلط فى السندوتشات بدل المشاريب...أصلى برضه كنت جعانة والكاش مافيش

المهم الحمار دة جاب فرينش فانيلا بدل ما يجيب هوت سموزى بالفرينش فانيلا...يلا ربنا يسامحه...

فيه بقى وجبات إفطار كاملة قهوة ومخبوزات أو دوناتس بس لسه ما جربتهاش هاوافيكم بالأخبار أول ما أجربها..

فيه كروت بعشرة دولار أو أكتر عاملة زى الديبت كارد...تشتريها وتدفع بيها بدل ما تتزنأ زى حالاتى فى الكاش وتقعد تنضف فى جيوبك بتدور على السنت.

بس خلاص.

تحياتى

سوسورانى

تم تعديل 30 نوفمبر 2009 بواسطة moheltohamy
تعديل الـ 3 أنواع لـ ... 4 أنواع!

[elpelasy]

الحلقة دى كان نفسى أكتبها من زمان...بس طابور الكوارث اللى جالى كان مانعنى...

بس دى بجد أول مرة أكتب عن حاجة على مزاجى أنا ..حاجة بحبها بجد

ألا وهى القهوة cof): ...

أتمنى كل محبى القهوة فى المنتدى تعجبهم الحلقة دى...ودى إهداء منى ليهم :hearts:

من زمان قوى وأنا بحب القهوة من وأنا طفلة...لما كنا ننزل الكوربة كنت أقعد أشم فى ريحة البن اللى طالعة من الكام محمصة المشهورين اللى هناك...كنت عاملة زى العيال بتوع الكولة أو بتوع البنزين...يعنى ريحة إدمان بالنسبة لى

كنت هاموت أدوق القهوة وطبعا الأبهات حافظين مش فاهمين ودى تضرك وكدة...

كنا بنروح عند ناس قرايبنا ودايما كان بابا يشرب قهوة تركى عندهم...أفضل واقفة فى المطبخ أتفرج على القهوة وهى بتتعمل وآخدلى شمة :rolleyes:

فى مرة بقول لتانت اللى بتعمل القهوة..ممكن أدوق

وقعدت أتحايل عليها...وأترجى فيها آخد بؤ..

قالت لى هديكى تدوقى بس هاحط عليها لبن...قال يعنى كدة شالت الضرر وبقيت القهوة مفيدة

طبعا قهوة تركى باللبن طلعت حاجة ..يععععععععع mf)

فضلت ورا تانت دى لحد ماعلمتنى أعمل القهوة اللى بحبها وبوش كمان مابيقطعش...كان إنجاز بالنسبة لى

ولما ييجى لنا ضيوف ليهم فى شرب القهوة...لازم أنا اللى أعملها وأوريهم شطارتى

كان ناقص بقى أدوقها...

مش معقولة بعد الحب الأفلاطونى ده كله ماأدوقش القهوة!!

لما دقتها بقى..إدونى بوء واحد من الآخر...كنت سعيدة جدا وكان عندى إستعداد أشرب لى فنجانين تلاتة...بس يلا بقى..أى حاجة نطلع بيها

ثم بدأت عهد النسكافيه..الكلام دة كان فى ثانوى..أفوق عشان أعمل الواجبات المحترمة بكباية النسكافيه باللبن...أنا إكتشفت إنى عمرى ماشربت النسكافيه بلاك..لازم يكون لونه متغير..يا بلبن يا كوفى ميت

فى الثانوية العامة بقى كان كله متاح..قهوة تركى نسكافيه..وبأى كمية..

بصراحة أصبحت مدمنة بمعنى الكلمة...لدرجة ساعات جرعات الكافيين بتزيد عن حدها وييجى لى تسارع فى ضربات القلب وعرق جامد فى الأطراف وصوابعى تنمل...حاجة زى الفل يعنى..

أنا لما بقول لجوزى إن الأعراض دى بتجيلى بيتخانق معايا عشان أقلل شوية الكمية...مع إنها مفيدة جدا لضغطى الواطى جدا...

القهوة الوحيدة اللى ماحبيتهاش ومارضيتش حتى أحطها على لسانى القهوة العربى..مش مقتنعة إن قهوة يبقى لونها أبيض...مش بنى..دة يبقى إستعباط مش قهوة!!!

بس القهوة المحوجة اللى بيتحط معاها حبهان دى بجد بحس إنى باخدها فى الوريد...يعنى بتعدل المخيخ وبتفوقنى لمدة سنة قدام...

القهوة المحوجة دى مفتقداها قوى فى كندا لأن البن الموجود فى المحلات العربى..بن محفوظ مش طازة ومش محوج

دة غير إن مافيش كنكة هنا..أول حد جاى يعمل لاندنج يجيب لى معاه كنكة لو سمحتوا :blush2:

آخر إمتحان دة خلصت فيه محصول البن البرازيلى..كنت بشرب حوالى خمسة فى اليوم...وبعدين القهوة هنا حكاااية..جاية لكم فى الكلام...

فى نوع قهوة طلع فى آخر سنة فى الكويت...ماشفتش زيه...إسمه على كافيه...متضاف عليه جنسنج وحاجة إسمها تونكات على واتعمل لها حملة دعائية رهيبة..وإن القهوة دى بتعمل وتسوى...كل دة مش مهم...القهوة دى ليها ريحة جبارة...أنا لما كنت بشربها فى الصيدلية كانت الريحة بتفوح بقوة...أو لو واقفة برة الصيدلية والولد عملها لى الريحة بتطلع لحد برة ..بعرف إنها إتعملت

الغريب بقى إن ريحتها قوية لدرجة إنى لو هرشت فى مناخيرى مثلا بعد كذا ساعة من شربها تطلع ريحة القهوة..لو عرقت حتى ..ريحتى قهوة...ماعرفش موجودة فى مصر ولا لأ..بس عمالة أتحايل على جوزى يجيب لى معاه كيس على كافيه بس هو بيحب يسافر و إيديه فى جيوبه..مش عايز يشيل

حاجة خالص.

كل دة وكنت فاكرة نفسى خبيرة قهوة لحد لما جيت كندا وأكتشفت إنى ماعنديش معلومات عن القهوة..

لما بدخل قسم القهوة فى أى سوبر ماركت ..بحس إنى لو قعدت أجرب الأنواع الموجودة مش هالحق أخلصها!!

طبعا منتشر هنا قوى القهوة بتاعة المكن...مرة كان فيه واحدة فى سوبر ماركت بتعمل تذوق للقهوة وعجبتنى جدا ,,,وبعد ماخلاص ناوية أجيبها..لقيت النوع دة بتاع مكن وأنا ماعنديش مكنة قهوة للأسف..

أسألها طيب ياستى مافيش عندك نوع إنستانت...والأجابة كانت بالنفى...

طيب خلينا فى الأنستانت...نسكافيه منزل هنا كمية أنواع ومذاقات ونكهات مالهاش حل...منه حاجة إسمها كاريبيان تقريبا.. ريحته خرافة...

دة غير بقى الماركات التانية غير نسكافيه نفسه..

حتى الكوفى ميت هنا شفت له 3 فلافور فانيليا وهازلنت وريجولار...دة بس بتاع نستلة!!

كمان نسكافيه منزل خط كامل من الكابتشينو بأنواعه غير اللى كان فى الكويت بأسامى مختلفة وإيشى كراميل...ومش عارفة إيه...لأ وكاتب على العلبة بالبونط العريض 80 كلورى...بسأل الست دة فى الساشيت الواحدة :blink: ؟!!!

قالت لى أينعم...قلتلها دة كدة وجبة..يعنى نشرب بس وبلاش أكل

نيسكويك بقى منزل حاجة كدة زى السيروب...عشان تدى طعم للبن والعيال يشربوه..سائل كثيف مسكر...منه فانيليا وفراولة وشيكولاتة...

واحدة قالت لى على إفتكاسة أعمل وان سكويز من إزازة سيروب الشيكولاتة...بعد ما أعمل مج النيسكافيه بتاعى...فعلا حلو...

أنا بقى أفتكست إنى أحط معلقة كاكاو وبرضه أنواعه كتيييييير مع كباية النسكافيه بس ألخبطه قبل ما أضيف المياه السخنة...طعمة أكتر من رائع..إبقوا جربوا الطريقة دى وقلولى رأيكم...

كان فيه نوع كاكاو جبته.. مخلوط مع البودرة قطع من المارشميلو ..حاجة مياصة الصراحة...وطبعا لازم أضبط درجة حرارة المياه عشان المارشميلو ما يسيحش...ويفضل على الوش..يعوم. wst:: .

نيجى بقى لفخر الصناعة الوطنية الكندية...تيمو هورتونز..

أيون أنا بادلعه..إشمعنا هم؟!!

مرة كنت رايحة مع واحدة صاحبتى..وبتقولى يلا نروح تيمى...

أنا وبنظرة بلهاء...مين تيمى دة يا ختى!!

فيه إيه يا سوسو؟!! تيمى...تيم هورتونز!!

هو أنتوا بتدلعوه...ماشى

أنا بقى عشان إسمى سوسو هادلعه وأقوله تيمو...أصل فى فيلم تيمور وشوقية كانوا بيدلعوه تيمو :D

طبعا تيمو عنده كمية منتجات مالهاش نهاية..دة طلع عنده كمان شاى!!

أول حاجة قلت نجرب الفرينش فانيلا اللى هوسنا بيه دكتور تهامى_مساء الخير يا دكتور :P _ وكنت متفقة أنا وجوزى لازم أول مرة نروح عند تيمو نجرب الفرينش فانيلا...هو مش بطال بس مش واو...حسيت إنى إتخدعت فى المنتدى بتاعكم دة...يعنى القهوة اللى كان دكتور تهامى حط تفاصيلها إنه بيعملها بنفسه هتطلع طعمها أحلى...النسكافيه العادى هناك عند تيمو بيقولوا عليه دبل دبل ...بس يعنى هاروح أجيب نسكافيه ؟!!

مش معقولة!!!

جربت الآيس كوفى بتاعه..مش بطالة بس بيضربوا التلج معاه فى الخلاط فالقهوة بتطلع خفيفة

الأكتشاف بقى وأشربوه وأدعولى...الهوت سموزى...حاجة طعمها تحفة..

فيه منه كذا فلافور...فرينش فانيلا..كرامل ..هازلنت..دة ترتيبهم فى حلاوة الطعم..فيه كمان مينت بس ماجربتوش...

ده غير بقى إنهم بيبيعوا أكل...

فيه حاجة إسمها تيم بيتس..كور كدة عاملة زى لقمة القاضى..بالشيكولاتة أو السكر ..بيتابعوا 10 أو 20 أطلبوهم مشكلين...وإدعولى برضه..

فيه ساندوتشات أشهرها تشيكن رابر ..الأتنين ب4 دولار..وعليه رانش صوص أو باربيكيو صوص أنت اللى بتنقى...

مرة أخدت مقلب...فى تيمو..

كان صيام وكنت جعانة قوى ..جبت تشيكن رابر للعيال وبسأل الست عندك حاجة فيجيتيريان...قالت لى آه...وقالت حاجة كدة...قلت يمكن زى الفاجيتيريان فاهيتا بتاع كوك دور...طلعت شوربة خضار...طعمها ..أستغفر الله العظيم :oops: ...وحاطة لى معاها واحد كيزر وباكو زبدة... يا فرحتى...

قطعت العيش فى الشوربة وأكلتها وأنا صاغرة عاملة زى سمير غانم وهو بيشرب الملوخية بتاعة لينا مراته..

أسوء حاجة فى تيم هورتونز حاجتين...الأحجام وطريقة الدفع..

الأحجام هنا عبيطة جدا...يعنى الكبير بتاعهم أد أصغر مقاس عند ستار بكس لما كنت بشربه فى الكويت...

أول مرة قلت عايزة حجم صغير...لقيتها جايبة لى شىء كدة يخلص فى بؤين...

فى ستاربكس كان الكباية تساوى وجبة كنت ممكن أقعد ساعة بشرب فيها وما بتخلصش..دى كمان الحجم الصغير أو الوسط...

طريقة الدفع بقى مستفزة مابياخدوش غير كاش أو ماستر كارد...فيزا لأ...ديبت كارد لأ برضه...

كل ما أتكلم مع حد يطلعوا خدوا المقلب ده أول ما جم وياسلام بقى لو داخل الدرايف ثرو ومحترم كدة ومافيش فى جيبك دولار ونصف..وحصلت مع ناس كتير...

انا غالبا مابشيلش كاش...فى فترة بتاع شهرين قعدت من غير كاش ..عشان مكسلة أروح البنك أسحب فلوس...

مرة موقف كوميدى...طلبت السندوتشات للبنات والهوت سموزى بتاعى وعمالة أنفض فى جيوبى لحسن الكاش ما يكفيش..وكقوا بالعافية...لقيت الولد جايب لى إتنين قهوة...فبقوله لأ أنا طالبة واحد بس...قالى خلاص خديه وبيزق إيدى بالكوباية ونظام أسترى عليا يا ستى..

كان نفسى يغلط فى السندوتشات بدل المشاريب...أصلى برضه كنت جعانة والكاش مافيش

المهم الحمار دة جاب فرينش فانيلا بدل ما يجيب هوت سموزى بالفرينش فانيلا...يلا ربنا يسامحه...

فيه بقى وجبات إفطار كاملة قهوة ومخبوزات أو دوناتس بس لسه ما جربتهاش هاوافيكم بالأخبار أول ما أجربها..

فيه كروت بعشرة دولار أو أكتر عاملة زى الديبت كارد...تشتريها وتدفع بيها بدل ما تتزنأ زى حالاتى فى الكاش وتقعد تنضف فى جيوبك بتدور على السنت.

بس خلاص.

تحياتى

سوسورانى

على فكرة انا ذيك فى موضوع القهوة ده بالضبط - يا ريت بقى تجربى كام نوع كدة كمان الواحد يجى وخبرته معاه

[elpelasy]

قصتك اصرت فيا قوى

اصل واحد صاحبى عمل حادث بسيارته وكان معاه المدام والولاد من شهر كدة

الحمد لل هما كلهم تمام

بس مش حقولك على البهدلة مع الاسعاف والبوليس كانوا عاملين الذاى

احنا كنا بندفع لكل واحد من 20 الى 50 جنيه عشان يتحرك بس ويعمل اللى المفروض انه وظيفته

غير ان حتى بتاع الاسعاف مكنش عارف عنوان المستشفى حتى والله العظيم بجد مش بهزر

والبوليس عملنا المعجزات عشان نيسمحولنا بسحب العربية ودفعنا بتاع 500 اكراميات لعساكر وضابط عشان يسمح بسحبها

وغير وعيره

تم تعديل 30 نوفمبر 2009 بواسطة elpelasy

[بيبو كندا]

اهلا بيكى

الف حمدالله على السلامة

تسجيل متابعة بشغف

هو حضرتك ما حاولتيش تشتغلى بالصحافة لية ؟؟

اسلوبك مشوق كنت بالتهم الكلمات مش بقرائها

[precanadian]

حلقه تحفه يا دكتوره سوسو

انا بفي لو شربت الشاي بعد المغرب ممكن اسهر لبعد نص الليل ويجيلي ارق :rolleyes: :hearts:

الحقيقه رائحه القوه من الروائح الجميله وتقدري تقولي القهوه من المسروبات الشاخنه الفخمه

جالي مره ايميل لم اصدقه ولما بحثت في النت كانت الصدمه

واتركك مع الصدمه يععععععععععع

إضغط هنا!

تم تعديل 30 نوفمبر 2009 بواسطة precanadian