أونتاريو ترحب بـ سوسو

[مازن أطرش]

الحلقة دى كان نفسى أكتبها من زمان...بس طابور الكوارث اللى جالى كان مانعنى...

بس دى بجد أول مرة أكتب عن حاجة على مزاجى أنا ..حاجة بحبها بجد

ألا وهى القهوة :sofa: ...]

والله انا كمان مغرم بالقهوة ...بس القهوة التركي ...أصل الاتراك جيراننا ..كوننا بشمال سوريا ...وانا عكس بريكاناديان..اشرب قهوة وانام على طول :happy:

[safaalabana]

يا حبيتى ياسوسو ....مداخله دمها خفيف زيك بالظبط ...يس يا سوسو ..انت طلعت مدمنة قهوه زيى ... :happy: ودى حاجه جميله ..يارب نتقابل ونشربها سوا ...قولتيلى اجيب معايه كنكاه ونشابه ومقوار وبن محوج ..افتكرى ليكون فى حاجه تانيه ...اه ...على كافيه موجود عندنا وفى مصر كمان ..اجيب معايا؟

انت تامرى ياسوسو ..بس بصراحه اللى عنده الانواع اللى عندك دى ما يصحش يكتئب أبدا...الا يا سوسو القهوه اللى بوش يا حبيبتى ليها كدا سر انا اعرف منهم واحد بس متقوليلنا على السر بتاعك ...ومن غير ما تقوليلى ح تدفعى كام..افتكرى الحاجات اللى فى تانى سطر ... :sofa:

[ehabtaher]

ايه الاخبار الاسبوعين عدو وشيلتى الجبس والا لسه

محتاجه ادول والا فولتارين

بس المشكله الفولتارين عايز روشته دوكتور واحنا مش معترف بينا دكاتره فى كندا

يعنى اخرنا نوصفلك ادول ها ايه رايك

[عنبو]

سوسو رااانى

عنبى..ولا أقول الحاج عنبى

مبروك الحج وكل سنة وأنت طيب

المفروض تشوف حد يكتشف موهبتك فى القصة القصيرة...

بس عندى سؤال..إيه حكاية البيك معاك...

مافيش مداخلة شفتها إلا وجايب فيها سيرة البيك...

هو أنت عندك عقدة منه؟؟؟

زمانك بتاكل فى الضانى والفتة ونسيت أسم البيك دة من أساسه

والسفير كان بيصلى معاك المغرب ....وقالك تتجوز بنتى؟؟!!!

مش إعرضت منك شوية

ربنا يتقبل مننا جميع الاعمال الصالحه ان شاء الله

اما بالنسبه لحكاية البيك فانا المفروض تقريباً ممنوع منه لانه بيرفع الكوليسترول ومبكلوش الا اذا كان واحد عازمنى عليه او لما اعزم حد اعزمه عليه علشان اعمله حجه واكل معاه يعنى

اما بالنسبه لحكاية السفير فانتى ممكن تسأليه لو مش مصدقه ولو انكر سيبكى منه ومتبقيش تسأليه بعد كده علشان هو كده هيبقى عااامل زى البط بيزغط وينكر ؟؟

كنت عاوز أسالك سؤال على الماشى كده هو الواحد لو معاه زماله كنديه مثلاً دى ممكن تغنى عن المعادله ولا ؟؟

طيب لو الواحد اساساً خريج الجامعه الكنديه الى فى مصر ده بيحاتج للمعادله ولا ؟؟

[احمد ابو شادي]

الف الف مليوووووووووووون سلامه عليكي يا مدام سوسوراني

خلي بالك من نفسك ومن البنات وربنا يبعد عنكم اي شيء وحش لا قدر الله

وحكاياتك ف القهوه والنسكافيه زي حكايات غرام زوجتي بردو .( شكلها هتهيييييص هناك في تيمو )

[Phizer]

الحلقة دى كان نفسى أكتبها من زمان...بس طابور الكوارث اللى جالى كان مانعنى...

بس دى بجد أول مرة أكتب عن حاجة على مزاجى أنا ..حاجة بحبها بجد

ألا وهى القهوة cof): ...

أتمنى كل محبى القهوة فى المنتدى تعجبهم الحلقة دى...ودى إهداء منى ليهم :hearts:

من زمان قوى وأنا بحب القهوة من وأنا طفلة...لما كنا ننزل الكوربة كنت أقعد أشم فى ريحة البن اللى طالعة من الكام محمصة المشهورين اللى هناك...كنت عاملة زى العيال بتوع الكولة أو بتوع البنزين...يعنى ريحة إدمان بالنسبة لى

كنت هاموت أدوق القهوة وطبعا الأبهات حافظين مش فاهمين ودى تضرك وكدة...

كنا بنروح عند ناس قرايبنا ودايما كان بابا يشرب قهوة تركى عندهم...أفضل واقفة فى المطبخ أتفرج على القهوة وهى بتتعمل وآخدلى شمة :unsure:

فى مرة بقول لتانت اللى بتعمل القهوة..ممكن أدوق

وقعدت أتحايل عليها...وأترجى فيها آخد بؤ..

قالت لى هديكى تدوقى بس هاحط عليها لبن...قال يعنى كدة شالت الضرر وبقيت القهوة مفيدة

طبعا قهوة تركى باللبن طلعت حاجة ..يععععععععع mf)

فضلت ورا تانت دى لحد ماعلمتنى أعمل القهوة اللى بحبها وبوش كمان مابيقطعش...كان إنجاز بالنسبة لى

ولما ييجى لنا ضيوف ليهم فى شرب القهوة...لازم أنا اللى أعملها وأوريهم شطارتى

كان ناقص بقى أدوقها...

مش معقولة بعد الحب الأفلاطونى ده كله ماأدوقش القهوة!!

لما دقتها بقى..إدونى بوء واحد من الآخر...كنت سعيدة جدا وكان عندى إستعداد أشرب لى فنجانين تلاتة...بس يلا بقى..أى حاجة نطلع بيها

ثم بدأت عهد النسكافيه..الكلام دة كان فى ثانوى..أفوق عشان أعمل الواجبات المحترمة بكباية النسكافيه باللبن...أنا إكتشفت إنى عمرى ماشربت النسكافيه بلاك..لازم يكون لونه متغير..يا بلبن يا كوفى ميت

فى الثانوية العامة بقى كان كله متاح..قهوة تركى نسكافيه..وبأى كمية..

بصراحة أصبحت مدمنة بمعنى الكلمة...لدرجة ساعات جرعات الكافيين بتزيد عن حدها وييجى لى تسارع فى ضربات القلب وعرق جامد فى الأطراف وصوابعى تنمل...حاجة زى الفل يعنى..

أنا لما بقول لجوزى إن الأعراض دى بتجيلى بيتخانق معايا عشان أقلل شوية الكمية...مع إنها مفيدة جدا لضغطى الواطى جدا...

القهوة الوحيدة اللى ماحبيتهاش ومارضيتش حتى أحطها على لسانى القهوة العربى..مش مقتنعة إن قهوة يبقى لونها أبيض...مش بنى..دة يبقى إستعباط مش قهوة!!!

بس القهوة المحوجة اللى بيتحط معاها حبهان دى بجد بحس إنى باخدها فى الوريد...يعنى بتعدل المخيخ وبتفوقنى لمدة سنة قدام...

القهوة المحوجة دى مفتقداها قوى فى كندا لأن البن الموجود فى المحلات العربى..بن محفوظ مش طازة ومش محوج

دة غير إن مافيش كنكة هنا..أول حد جاى يعمل لاندنج يجيب لى معاه كنكة لو سمحتوا :blush2:

آخر إمتحان دة خلصت فيه محصول البن البرازيلى..كنت بشرب حوالى خمسة فى اليوم...وبعدين القهوة هنا حكاااية..جاية لكم فى الكلام...

فى نوع قهوة طلع فى آخر سنة فى الكويت...ماشفتش زيه...إسمه على كافيه...متضاف عليه جنسنج وحاجة إسمها تونكات على واتعمل لها حملة دعائية رهيبة..وإن القهوة دى بتعمل وتسوى...كل دة مش مهم...القهوة دى ليها ريحة جبارة...أنا لما كنت بشربها فى الصيدلية كانت الريحة بتفوح بقوة...أو لو واقفة برة الصيدلية والولد عملها لى الريحة بتطلع لحد برة ..بعرف إنها إتعملت

الغريب بقى إن ريحتها قوية لدرجة إنى لو هرشت فى مناخيرى مثلا بعد كذا ساعة من شربها تطلع ريحة القهوة..لو عرقت حتى ..ريحتى قهوة...ماعرفش موجودة فى مصر ولا لأ..بس عمالة أتحايل على جوزى يجيب لى معاه كيس على كافيه بس هو بيحب يسافر و إيديه فى جيوبه..مش عايز يشيل

حاجة خالص.

كل دة وكنت فاكرة نفسى خبيرة قهوة لحد لما جيت كندا وأكتشفت إنى ماعنديش معلومات عن القهوة..

لما بدخل قسم القهوة فى أى سوبر ماركت ..بحس إنى لو قعدت أجرب الأنواع الموجودة مش هالحق أخلصها!!

طبعا منتشر هنا قوى القهوة بتاعة المكن...مرة كان فيه واحدة فى سوبر ماركت بتعمل تذوق للقهوة وعجبتنى جدا ,,,وبعد ماخلاص ناوية أجيبها..لقيت النوع دة بتاع مكن وأنا ماعنديش مكنة قهوة للأسف..

أسألها طيب ياستى مافيش عندك نوع إنستانت...والأجابة كانت بالنفى...

طيب خلينا فى الأنستانت...نسكافيه منزل هنا كمية أنواع ومذاقات ونكهات مالهاش حل...منه حاجة إسمها كاريبيان تقريبا.. ريحته خرافة...

دة غير بقى الماركات التانية غير نسكافيه نفسه..

حتى الكوفى ميت هنا شفت له 3 4 فلافور فانيليا وهازلنت وريجولار وموكا...دة بس بتاع نستلة!!

كمان نسكافيه منزل خط كامل من الكابتشينو بأنواعه غير اللى كان فى الكويت بأسامى مختلفة وإيشى كراميل...ومش عارفة إيه...لأ وكاتب على العلبة بالبونط العريض 80 كلورى...بسأل الست دة فى الساشيت الواحدة :blink: ؟!!!

قالت لى أينعم...قلتلها دة كدة وجبة..يعنى نشرب بس وبلاش أكل

نيسكويك بقى منزل حاجة كدة زى السيروب...عشان تدى طعم للبن والعيال يشربوه..سائل كثيف مسكر...منه فانيليا وفراولة وشيكولاتة...

واحدة قالت لى على إفتكاسة أعمل وان سكويز من إزازة سيروب الشيكولاتة...بعد ما أعمل مج النيسكافيه بتاعى...فعلا حلو...

أنا بقى أفتكست إنى أحط معلقة كاكاو وبرضه أنواعه كتيييييير مع كباية النسكافيه بس ألخبطه قبل ما أضيف المياه السخنة...طعمة أكتر من رائع..إبقوا جربوا الطريقة دى وقلولى رأيكم...

كان فيه نوع كاكاو جبته.. مخلوط مع البودرة قطع من المارشميلو ..حاجة مياصة الصراحة...وطبعا لازم أضبط درجة حرارة المياه عشان المارشميلو ما يسيحش...ويفضل على الوش..يعوم. wst:: .

نيجى بقى لفخر الصناعة الوطنية الكندية...تيمو هورتونز..

أيون أنا بادلعه..إشمعنا هم؟!!

مرة كنت رايحة مع واحدة صاحبتى..وبتقولى يلا نروح تيمى...

أنا وبنظرة بلهاء...مين تيمى دة يا ختى!!

فيه إيه يا سوسو؟!! تيمى...تيم هورتونز!!

هو أنتوا بتدلعوه...ماشى

أنا بقى عشان إسمى سوسو هادلعه وأقوله تيمو...أصل فى فيلم تيمور وشوقية كانوا بيدلعوه تيمو :D

طبعا تيمو عنده كمية منتجات مالهاش نهاية..دة طلع عنده كمان شاى!!

أول حاجة قلت نجرب الفرينش فانيلا اللى هوسنا بيه دكتور تهامى_مساء الخير يا دكتور :P _ وكنت متفقة أنا وجوزى لازم أول مرة نروح عند تيمو نجرب الفرينش فانيلا...هو مش بطال بس مش واو...حسيت إنى إتخدعت فى المنتدى بتاعكم دة...يعنى القهوة اللى كان دكتور تهامى حط تفاصيلها إنه بيعملها بنفسه هتطلع طعمها أحلى...النسكافيه العادى هناك عند تيمو بيقولوا عليه دبل دبل ...بس يعنى هاروح أجيب نسكافيه ؟!!

مش معقولة!!!

جربت الآيس كوفى بتاعه..مش بطالة بس بيضربوا التلج معاه فى الخلاط فالقهوة بتطلع خفيفة

الأكتشاف بقى وأشربوه وأدعولى...الهوت سموزى...حاجة طعمها تحفة..

فيه منه كذا فلافور...فرينش فانيلا..كرامل ..هازلنت..دة ترتيبهم فى حلاوة الطعم..فيه كمان مينت بس ماجربتوش...

ده غير بقى إنهم بيبيعوا أكل...

فيه حاجة إسمها تيم بيتس..كور كدة عاملة زى لقمة القاضى..بالشيكولاتة أو السكر ..بيتابعوا 10 أو 20 أطلبوهم مشكلين...وإدعولى برضه..

فيه ساندوتشات أشهرها تشيكن رابر ..الأتنين ب4 دولار..وعليه رانش صوص أو باربيكيو صوص أنت اللى بتنقى...

مرة أخدت مقلب...فى تيمو..

كان صيام وكنت جعانة قوى ..جبت تشيكن رابر للعيال وبسأل الست عندك حاجة فيجيتيريان...قالت لى آه...وقالت حاجة كدة...قلت يمكن زى الفاجيتيريان فاهيتا بتاع كوك دور...طلعت شوربة خضار...طعمها ..أستغفر الله العظيم :oops: ...وحاطة لى معاها واحد كيزر وباكو زبدة... يا فرحتى...

قطعت العيش فى الشوربة وأكلتها وأنا صاغرة عاملة زى سمير غانم وهو بيشرب الملوخية بتاعة لينا مراته..

أسوء حاجة فى تيم هورتونز حاجتين...الأحجام وطريقة الدفع..

الأحجام هنا عبيطة جدا...يعنى الكبير بتاعهم أد أصغر مقاس عند ستار بكس لما كنت بشربه فى الكويت...

أول مرة قلت عايزة حجم صغير...لقيتها جايبة لى شىء كدة يخلص فى بؤين...

فى ستاربكس كان الكباية تساوى وجبة كنت ممكن أقعد ساعة بشرب فيها وما بتخلصش..دى كمان الحجم الصغير أو الوسط...

طريقة الدفع بقى مستفزة مابياخدوش غير كاش أو ماستر كارد...فيزا لأ...ديبت كارد لأ برضه...

كل ما أتكلم مع حد يطلعوا خدوا المقلب ده أول ما جم وياسلام بقى لو داخل الدرايف ثرو ومحترم كدة ومافيش فى جيبك دولار ونصف..وحصلت مع ناس كتير...

انا غالبا مابشيلش كاش...فى فترة بتاع شهرين قعدت من غير كاش ..عشان مكسلة أروح البنك أسحب فلوس...

مرة موقف كوميدى...طلبت السندوتشات للبنات والهوت سموزى بتاعى وعمالة أنفض فى جيوبى لحسن الكاش ما يكفيش..وكقوا بالعافية...لقيت الولد جايب لى إتنين قهوة...فبقوله لأ أنا طالبة واحد بس...قالى خلاص خديه وبيزق إيدى بالكوباية ونظام أسترى عليا يا ستى..

كان نفسى يغلط فى السندوتشات بدل المشاريب...أصلى برضه كنت جعانة والكاش مافيش

المهم الحمار دة جاب فرينش فانيلا بدل ما يجيب هوت سموزى بالفرينش فانيلا...يلا ربنا يسامحه...

فيه بقى وجبات إفطار كاملة قهوة ومخبوزات أو دوناتس بس لسه ما جربتهاش هاوافيكم بالأخبار أول ما أجربها..

فيه كروت بعشرة دولار أو أكتر عاملة زى الديبت كارد...تشتريها وتدفع بيها بدل ما تتزنأ زى حالاتى فى الكاش وتقعد تنضف فى جيوبك بتدور على السنت.

بس خلاص.

تحياتى

سوسورانى

ينهار ابيييض الموضوع معقد معقد معقد

انا لما باجي اقرا حاجا عن كندا زي رخصه السواقه مثلا بحس اني مسقتش عربيات قبل كده

نفس الاحساس لما بقرا عن المعادله برضه بحس اني بعيييييد اوي عن اني ادخل القصه دي

اما انها توصل لحيره في شرب القاهوه كده الموضوع بقا زيااده

[enjisultan]

كلامك توحفة ويجنن بجد

اول حاجة ينصر دينك يا استاذ نفيسة عشان جوزى كان فاكرنى مجنونة

اقولك لية بقى

مرة واحدة قربيتى عملتلى هوت شوكلت وعليها قطع مرشيملو زى اللى بتقولى علية جايبة من برة طبعا مش من هنا وقالتلى انة ممكن يتحط على النسكافية

طبعا صباح الكلبظة تحسى انك اكلتى ساندويتش سمنة بالسكر مثلا بس ما علينا

المهم رجعت قولت لجوزى هاعملك بقى نسكافية بالمارشميلوا قاعد يقولى والله انتى وقريبك مهابيل مارشيملوا اية اللى هيتحط دا وقعد يتريق علينا

النهاردة وهو قعد يقرا معايا قولتلة شوفت يا فالحين بلدهم اهة بيتحط اهة

دا اول حاجة بخصوص المارشميلوا مع النسكافية

تانى حاجة بقى القهوة العربى دى يخرب بيت كدة يييييييعععععععععع بجد

عندى البنات فى الاكاديمى هنا كل واحدة ماشية لى بترمس القهوة واتفضلى يا دكتورة قولت طب ماشى اجرب وبعدين يعنى بعد اول بؤؤ

لية كدة يا بنتى اية الارف دا مورة اوى قالتلى طب ما احنا بناكول معاها تمر

قولتلها دا زى دوا الكحة بتاع العيال كدة خودى والنبى واشربى وراها مية بسرعة بسرعة

بس اما بقى على كافية حلوة بصراحة حلوة بسفالة وفعلا ريحتها قوية جدا

كل الاماكن برضة بتعمل كوفى مكنة وبرضة حلوة بصى اى حاجة ما فيهاش استخدام للمخ هنا بتطلع حلوة

لكن مرة جوزى طلب قهوة زيادة فى كوفى شوب كدة مغمور قام جاب لة القهوة وجاب لة معاها سكر قوالب عارفة الغبا بقى

الوش هيروح طبعا بصى هما عالم حافظة مش فاهمة

وبمناسبة البيك مش عارفة الناس كلة مهبولة على اكلة ..........وكلة الا السحالب ولا مش عارفة بيقولوا على الناجتس اية كلمة كدة قريبة من السحالب دى

المهم مع كلة الاحترام لذوق الناس الا ان الاكل شكلة حلو اوى بس ما لوش طعم اصلا

دى اطول مشاركة لية فى التاريخ ....

بس كفاية

[عنبو]

وبمناسبة البيك مش عارفة الناس كلة مهبولة على اكلة ..........وكلة الا السحالب ولا مش عارفة بيقولوا على الناجتس اية كلمة كدة قريبة من السحالب دى

المهم مع كلة الاحترام لذوق الناس الا ان الاكل شكلة حلو اوى بس ما لوش طعم اصلا

دى اطول مشاركة لية فى التاريخ ....

بس كفاية

مين يابنى الى بجيب سيرة البيك ده انجى سلطان يامعلم طيب وانجى بتجيب سيرة اليبك ليه ؟؟ ينفع كده يانجى وش محمد سعد فى كتكوووت

بصى يادكتره فى الاول لازم تشعرى بالفرق طبعاً بس طبعاً بعد كده هتتعودى عليه وهتبقى زى السكينه فى الحلاوه

بالنسبه للنيجتس فده بيسموه هنا مسحب يلا اى خدمه هنعمل ايه بس الواحد معرفش من غيره كنتوا هتعملوا ايه ؟؟

هو ايه اخبار الشوال طلع مخروم زى الى معايا ولا ايه ؟؟

[moheltohamy]

يا سلام عليكي يا بت يا سوسو لما الإلهام يجيلك

آهو ده كلام الناس الكبار ، وملاّك القهاوي الصح... خصوصاً لما يكونوا منحرفين قهاوي وهمّه صغيّرين :malta:

وتعرفي إنك - سبحان الله - فاجئتيني بجد؟! أنا كنت مرتب أفكاري عشان أحكي تاريخي وعلاقتي مع القهوة في الجزء الخاص بالشوبنج! دا إيه توارد الخواطر ده بس! عموماً ، هاحاول أنزله في أقرب فرصة... إنتي خلّيتيني أغير وأسخن ، وأبدأ أحكي... وده بقى تنافس القهاوي ، والنتيجة النهائية مصلحة الزبون ، أو شرّيب القهوة! :sad:

دا من جمال حكايتك ، خليتي إنجي تتهوّر وتكتب لها بتاع 20 سطر... تعرفي إن إنجي دي بتفكّرني بعصام المشرف عندنا في الإدارة... آخره كلمتين في مشاركاته ، ولو انحرف بقى وهيبدأ يلُك ممكن يكتب سطر ونص

بس اما بقى على كافية حلوة بصراحة حلوة بسفالة وفعلا ريحتها قوية جدا

جامدة يا إنجي أوي الكلمة دي... أنجح وصف للحلاوة أسمعه الصراحة

-----------------------------

د. بريكانيديان...

إيه يا عم العك اللي الناس بتهيّسه ده؟! دا إسمه فضا بجد...

تعرف إني - على وحي التهييس بتاع اللواك ده - طقت في دماغي فكرة عبقرية ، وممكن آخد السبق عليها ، وننزله مشروب قومي جديد في تيمو هورتنز ;)

نجيب عيال من القرى المصرية ، أو الصعيدية اللي في حضن الجبل ، اللي أهاليهم لسّه بيؤمنوا بالعلاج الطبيعي ، ونمضي معاهم عقد احتكار كذا سنة...

العيال دول هتكون شغلتهم إيه بقى؟ كل يومين ناخد الواد نخبطه على دماغه بشاكوش... نبطحه يعني بالعربي ، ونلحق الجرح (بعد شوية) بشوية بن. وطبعاً بعد ما الجرح ينشف ، نجمّع خلطة البن دي ، ونجففها في الشمس ، ونطحنها مسحوق ناعم ، ويتم تعبئتها في علب صاج مجلفن ونبرشمها عشان الـ flavour ما يروحش ، ويتم شحنها في أسرع وقت ، ع المستهلك هوا... وآهو منها بروتين... وحديد كمان htr::

حد هيقول عليّا باهرّج؟ آل يعني اسم الله اللي عمله اللواك أفندي هوّه اللي مش تهريج؟! :blink:

باقول لك إيه يا عم الحاج... لما تبقى تدوق البتاع أبو 80 دولار للرطل ده إبقى قللي رأيك فيه ، قبل ما أبدأ باستثماري وعقودي مع العيال المبطوحين بتوعي دول :squeeze:

[Spanish Eyes]

راحت عليك يا بن العميد سوسوراني بتعمل ماركتينج لعلي يا علي كافيه .... صباح الفل يا سوسو

[enjisultan]

بص اول حاجة موضوع البيك والمسحب ..............بالذمة دا اسم اكل ؟

واحدة معايا فى الشغل قعدت تقولى هيعجبك اوى السحالب ولا المسحب اللى فى البيك

اقولها دا اسنان الماعز زى سمبل ولا اية ....؟المهم تطلع ناجتس فى الاخر اية الإحداث دا يا بنى ... طب ما يقولوا ناجتس ويخلصوا

بصراحة شوية اسماء للاكل تسد النفس (يغمش ومطبق ومظبط ومخبط )مش شايف يا بنى سوسو بتقولك بيشربوا سموزى ويحلوا بسوزى دا فى كندا طبعا

الا لو كان هنا فى مشروب اسمة سوزى يالهوى اكيد طبعا هيبقى للعوائل بس :blink: (شوفت العوائل دى )

المهم انا عارفة انى هاتعود بس دى شوية نمردة لابد منها

اما موضوع الشوال فاساسى يا عم ..... جيب السبع عمرة ما يخلاش يا حج محمد العنبى

اما بقى دكتور تهامى

تصدق ان المداخلة فعلا طلعت 20 سطر دا اية الدقة دى يا عم الميتيكلوس

ماشى وشكرا على اطرائك على وصفى المجرم اللى كنت هامسحة اصلا بس اول مرة ما رجعش المداخلة وعدت منى غير شلفطة

اما بقى عن قلة حجم المشاركة فطبعا خير الكلام ما قل ودل

واما بقى بالنسبة لحكاية تعرفى إنجى دى يا سوسو وبتكلموا عليا وعلى مداخلاتى الوهمية الجبارة اللى ساعات انا مش بافهمها اصلا

هارد واقولك ربنا يسامحك

المهم بقى عندى كلمتين كدة برضة عن القهوة

فكرة تانية بس بقى اكثر إجرام من انك تشربى 5 فنجانين قهوة

انا كنت ساعات بشرب لدرجة باحس انى تحولت لتوم (توم اند جيرى )لما قعد يشرب قهوة لما بطنة تنفخت ولسة عايز ينام

المهم خلاص لما باكون لازم اصحى ايام الامتحانات كنت باخود نص معلقة نسكافية سبلينجول(تحت اللسان يعنى )

حركة زبالة بصراحة وكنت باهيس بعدها بابقى صاحية و فى ذات نفس الوقت نايمة احساس منيل بنيلة الحقيقة

المضطر بقى هنعمل اية ؟

فعلا انتوا كلكوا استفزتونى وخلتونى ابقى رغاية فعلا كل دى مشاركة دا كان زمانى فتحت توبيك وقفلتة بالكام سطر دول

يالا مش خسارة فى سوسو

[Salwa]

مساء الخير ياسوسو ..

عاوزة اكتبلك تعليقات كثيرة جدا جدااا على كل اللى حكيتيه ....

لكن؟؟

بما انى المفروض اترك فرصة لباقى المحبين انهم يعبروا لك عن شعورهم الجميل تجاهك ....سوف اكتفى ببعض السطور .

و..

اهديك اغنية جميلة جدا جدا جدااااااا....يعنى رائعة ..ل..خوان لويس جييرا .......Juan Luis Guerra

والاغنية اسمها ....... ojala que llueva cafe..

ومعنى كلمة ..ojala....محدش يقدر يترجمه حرفيااا....لكن؟؟ ...معروف انه اتى من كلمة ...على الله....او...يارب.....او...ياريت...(( يعنى نقول على الله يحصل كذا وكذا ))

والاغنية اسمها....على الله تمطر كافيه فى الحقل..

واليك رابط الاغنية ...

و..

ojala...تعجبك ...!!! :blink:

http://www.youtube.com/watch?v=uJimpth-yNs

ودى كلماتها ...

وهى تعبير عن ان زراعة القهوة سوف تحسن من دخل الجميع .

يعنى بيقول ياريت تمطر فاكهة اليوكا وشاى .

وتمطر جبنة بيضة ...وفى الجنوب تمطر عشبة البيروو وعسل.

وتفرش الاعالى بالقمح والتل بالأرز..وتكمل بما تحب .

و..

الباقى كدة يعنى ...كله تفاؤل..

اتركك لسماع الاغنية .

Ojalá que llueva café en el campo

que caiga un aguacero de yuca y té

del cielo una jarita de queso blanco

y al sur una montaña de berro y miel.

oh, oh, oh, oh, oh...ojalá que llueva café

Ojalá que llueva café en el campo

peinar un alto cerro de trigo y mabuey

bajar por la colina de arroz graneado

y continuar el arado con tu querer.

oh, oh, oh, oh, oh...

ojalá el otoño en vez de hojas secas

pintan mi cosecha de pitisa alegre

siembra una llanura de batata y fresas

ojala que llueva café

Oh, ojala que llueva café en el campo

peinar un alto cerro de trigo y mabuey

bajar por la colina de arroz graneado

y continuar el arado con tu querer.

ah, ailaralailala, ailarala, ailaralailala

ojalá que llueva café.

Pa que la realidad no se sufra tanto

ojalá que llueva café en el campo

pa que en villa hidalgo oigan este canto

ojalá que llueva café en el campo

pa que todos los niños canten este canto

ojalá que llueva café en el campo

ojalá que llueva, ojalá que llueva

ojalá que llueva café en el campo

تحيا القهوة ...

وتحيا سوسو ...وفية ومخلصة دائما لأفضل مشروب .

[SoSo R]

مساءكم جميل وطعم زى القهوة ...معطر بأجمل ريحة بحبها وهى ريحة القهوة...

واضح إن الشغل أنتعش فى القهوة وزملائى محبى القهوة كتيير وشكلنا هنجمع الأيراد :blink:

أنا والحمدلله مودى كويس اليومين دول _على غير العادة_ وهاحكيلكم ليه..

بس لازم أرد بالتفصيل الممل جدا على حبايبى وأصدقائى محبى هذا المشروب...

هاسيبلكم الأغنية دى عشان بحبها تعدلوا بيها مزاجكم ...

عقبال ما أخلص واجباتى المنزلية..

طبعا عقبال ما أرجع هيكون الناس نامت كلها :blink:

واضح إنى هشرب قهوة كتير النهاردة :blink:

تحياتى

سوسورانى

[SoSo R]

على فكرة انا ذيك فى موضوع القهوة ده بالضبط - يا ريت بقى تجربى كام نوع كدة كمان الواحد يجى وخبرته معاه

أهلا بحضرتك أول زبون بتحب القهوة فى الكوفى شوب بتاعى سوسو و تيمو :P

بس موضوع أجرب كام نوع كمان ...دة موضوع عايز تفرغ!!

يعنى محتاجة عمر على عمرى عشان أخلص كل الأنواع...بس حاضر هاجتهد عشان أفيدكم بخبراتى الفظيعة

قصتك اصرت فيا قوى

اصل واحد صاحبى عمل حادث بسيارته وكان معاه المدام والولاد من شهر كدة

الحمد لل هما كلهم تمام

بس مش حقولك على البهدلة مع الاسعاف والبوليس كانوا عاملين الذاى

احنا كنا بندفع لكل واحد من 20 الى 50 جنيه عشان يتحرك بس ويعمل اللى المفروض انه وظيفته

غير ان حتى بتاع الاسعاف مكنش عارف عنوان المستشفى حتى والله العظيم بجد مش بهزر

والبوليس عملنا المعجزات عشان نيسمحولنا بسحب العربية ودفعنا بتاع 500 اكراميات لعساكر وضابط عشان يسمح بسحبها

وغير وعيره

بص حضرتك وجود أطفال أصلا فى الموضوع سبب كافى جدا إنهم يهتموا أكتر ...

يعنى لو كانت الحادثة حصلت هنا..مش عايزة أقلك كانت الدنيا قامت وما قعدتش

أنا المسعف قعد يسألنى أسئلة كتير عن مين كان معايا هل البنتين ولا واحدة منهم؟؟

وطيب والبنت الصغيرة كانت فين ساعة ماوقعتى؟؟

هل كنتى شايلاها..

هل أتخبطت؟؟

أنت متخيل كل دة لما بس شاف إن فيه أطفال فى البيت وقلتلهم إنى عايشة لوحدى

بلاش مقارنات عشان ما نتعبش!!

اهلا بيكى

الف حمدالله على السلامة

تسجيل متابعة بشغف

هو حضرتك ما حاولتيش تشتغلى بالصحافة لية ؟؟

اسلوبك مشوق كنت بالتهم الكلمات مش بقرائها

الله يسلم حضرتك...

ليه بس بتيجى على الجرح...

أصلى فشلت ودخلت صيدلة

بس تفضل الكتابة بالنسبة لى هواية وليست حرفة..

لكن فين مداخلة حضرتك عن القهوة...

يعنى معقولة تلتهم الكلمات وماتحبسش ببوء هوت سموزى مثلا :sad:

تحياتى

سوسورانى

[SoSo R]

حلقه تحفه يا دكتوره سوسو

انا بفي لو شربت الشاي بعد المغرب ممكن اسهر لبعد نص الليل ويجيلي ارق

الحقيقه رائحه القوه من الروائح الجميله وتقدري تقولي القهوه من المسروبات الشاخنه الفخمه

جالي مره ايميل لم اصدقه ولما بحثت في النت كانت الصدمه

واتركك مع الصدمه يععععععععععع

إضغط هنا!

كدة برضه يا دكتور تسد نفسى؟!!!

:P يعنى أنا بشرب الكاكا بتاعة الحيوان دة

بالنسبة للشاى أنا كنت شريبة شاى جامدة بس ما بيعدلش الدماغ زى القهوة..غير بأه المشكلة التانية إنى ماباشربوش غير باللبن...

مرة جماعة لبنانيين قعدوا يتريأوا عليا ويقولولى أنتى كدة ماما ستو..والعواجيز بس هما اللى بيشربوه باللبن

مش فاهمة إيه العلاقة؟؟

فى الصيام بأه مابعرفش أشرب شاى عشان موضوع اللبن...وبالتالى القهوة أفضل...

الخليجيين والهنود بيحطوا الحليب المكثف المحلى على الشاى بحس إنى بشرب عسل نحل..وبيبقى تقيل قوى ودسم

والله انا كمان مغرم بالقهوة ...بس القهوة التركي ...أصل الاتراك جيراننا ..كوننا بشمال سوريا ...وانا عكس بريكاناديان..اشرب قهوة وانام على طول

أنا كمان مغرمة جدا بالقهوة التركى ...بس نعمل إيه بقى :sad:

هات معاك مع البرازق والكبة شوية بن!!

بس انتوا تشربوها مغلية ومقطوع نفسها...كانت واحدة صاحبتى سورية تعمل القهوة وتجيبها وتيجى ع الصيدلية ...

مغلية طحن بس حلوة..

كانت بتستخدم بن فيه نسبة محترمة من الحبهان اللى هو الهيل...وبعديها معدتى توجعنى علطووول

إحنا بقى بنشربها نصف سوى...عشان كدة ليها وش

ايه الاخبار الاسبوعين عدو وشيلتى الجبس والا لسه

محتاجه ادول والا فولتارين

بس المشكله الفولتارين عايز روشته دوكتور واحنا مش معترف بينا دكاتره فى كندا

يعنى اخرنا نوصفلك ادول ها ايه رايك

شلت الربطة الحمدلله ...بس أى حاجة بتخبط فى صباعى بيوجعنى قوى...

الفولتارين بقى محتاجين نعمل طلبية من الشرق الأوسط...على شوية كتافلام...ولا الحوجة لدكاترة هنا

التايلنول هنا مرطرط بياكلوه زى البنبون...أى حد عنده أى حاجة ...بياخد تايلنول

مالكش فى القهوة ولا إيه يا دكتور؟!!!

تحياتى

سوسورانى

[SoSo R]

يا حبيتى ياسوسو ....مداخله دمها خفيف زيك بالظبط ...يس يا سوسو ..انت طلعت مدمنة قهوه زيى ... :P ودى حاجه جميله ..يارب نتقابل ونشربها سوا ...قولتيلى اجيب معايه كنكاه ونشابه ومقوار وبن محوج ..افتكرى ليكون فى حاجه تانيه ...اه ...على كافيه موجود عندنا وفى مصر كمان ..اجيب معايا؟

انت تامرى ياسوسو ..بس بصراحه اللى عنده الانواع اللى عندك دى ما يصحش يكتئب أبدا...الا يا سوسو القهوه اللى بوش يا حبيبتى ليها كدا سر انا اعرف منهم واحد بس متقوليلنا على السر بتاعك ...ومن غير ما تقوليلى ح تدفعى كام..افتكرى الحاجات اللى فى تانى سطر ... :D

ياسلام يا صافى!!!

تيجى كدة بالسلامة ونحتسى القهوة مع بعض زى سيدات الصالون

وبعض كدة نحبس بدور نسكافيه من إفتكاساتى...وبعدين نطلع على تيمو نضرب لنا واحد هوت سموزى بالفرينش فانيلا مع شوية تيم بيتس...قشطة بالهبل

أنتى كدة لو جبتى كل الحاجات اللى قلتى عليها هتجيبى شنطة كاملة وتكتبى عليها سوسورانى :lol:

باقول لجوزى هاتلى معاك على كافيه يقولى ...ما أجيب لك الكويت كلها وأنا جاى!!!

شفتى آخرتها...مع إن اللستة اللى طالبها مش كبيرة خالص wst::

إسكوووووووتييييييييي....مش جبت المقورة...

الست بتاعة النوتيلا...اللى جدها آخر كلمة قالها قبل مايموت أنا جعاااان!!!

فاكراها..

كانت نازلة مصر فى عشرة أكتوبر وبتسأل السؤال التقليدى عايزة حاجة من مصر؟؟

فبقولها ياريت مقورة وعصارة ليمون اليدوى...راحت غيرت الكلام علطول وعملت عبيطة...مع إنى قلتلها هاحسبك ودى حاجات لعب يعنى مش هتوزن أصلا..

المهم لما رجعت...

نظام إحكى يا تاريخ وأشهد يا زمن...يهنى لو كانت تطول تعمل زفة بلدى وفرح وهى بتسلمنى المقورة كانت عملتها...

تقولشى جايبة هرم من الأهرامات التلاتة :sad:

لأ وضربت كمان على العصارة ماجبتهاش...هاتيها أنتى بأه ياجميل wst::

أنتى عارفة إن فى ناس بتجيب سبرتاية معاهم مخصوص عشان القهوة التركى!!!

السر اللى أعرفه إنك ماتدوبيش بالمعلقة خالص لحد ما البن ينزل كله فى المياه لوحده وبعدين تدوبى...والنار هادية خالص...لحد ما الوش يطلع...

يلا مش هاقولك تدفعى كام...مستنية شنطة طلباتى

تحياتى

سوسورانى

[astrophy]

يا حبيتى ياسوسو ....مداخله دمها خفيف زيك بالظبط ...يس يا سوسو ..انت طلعت مدمنة قهوه زيى ... :P ودى حاجه جميله ..يارب نتقابل ونشربها سوا ...قولتيلى اجيب معايه كنكاه ونشابه ومقوار وبن محوج ..افتكرى ليكون فى حاجه تانيه ...اه ...على كافيه موجود عندنا وفى مصر كمان ..اجيب معايا؟

انت تامرى ياسوسو ..بس بصراحه اللى عنده الانواع اللى عندك دى ما يصحش يكتئب أبدا...الا يا سوسو القهوه اللى بوش يا حبيبتى ليها كدا سر انا اعرف منهم واحد بس متقوليلنا على السر بتاعك ...ومن غير ما تقوليلى ح تدفعى كام..افتكرى الحاجات اللى فى تانى سطر ... :D

ياسلام يا صافى!!!

تيجى كدة بالسلامة ونحتسى القهوة مع بعض زى سيدات الصالون

وبعض كدة نحبس بدور نسكافيه من إفتكاساتى...وبعدين نطلع على تيمو نضرب لنا واحد هوت سموزى بالفرينش فانيلا مع شوية تيم بيتس...قشطة بالهبل

أنتى كدة لو جبتى كل الحاجات اللى قلتى عليها هتجيبى شنطة كاملة وتكتبى عليها سوسورانى :lol:

باقول لجوزى هاتلى معاك على كافيه يقولى ...ما أجيب لك الكويت كلها وأنا جاى!!!

شفتى آخرتها...مع إن اللستة اللى طالبها مش كبيرة خالص wst::

إسكوووووووتييييييييي....مش جبت المقورة...

الست بتاعة النوتيلا...اللى جدها آخر كلمة قالها قبل مايموت أنا جعاااان!!!

فاكراها..

كانت نازلة مصر فى عشرة أكتوبر وبتسأل السؤال التقليدى عايزة حاجة من مصر؟؟

فبقولها ياريت مقورة وعصارة ليمون اليدوى...راحت غيرت الكلام علطول وعملت عبيطة...مع إنى قلتلها هاحسبك ودى حاجات لعب يعنى مش هتوزن أصلا..

المهم لما رجعت...

نظام إحكى يا تاريخ وأشهد يا زمن...يهنى لو كانت تطول تعمل زفة بلدى وفرح وهى بتسلمنى المقورة كانت عملتها...

تقولشى جايبة هرم من الأهرامات التلاتة :sad:

لأ وضربت كمان على العصارة ماجبتهاش...هاتيها أنتى بأه ياجميل wst::

أنتى عارفة إن فى ناس بتجيب سبرتاية معاهم مخصوص عشان القهوة التركى!!!

السر اللى أعرفه إنك ماتدوبيش بالمعلقة خالص لحد ما البن ينزل كله فى المياه لوحده وبعدين تدوبى...والنار هادية خالص...لحد ما الوش يطلع...

يلا مش هاقولك تدفعى كام...مستنية شنطة طلباتى

تحياتى

سوسورانى

تحية ليكى يادكتورة سوسورانى انا متابع القهوة بتاعتك من زمان بسى لا اعلق علشان انا من الخونه بتاعت كيبيك فمبكلمش خايف لحد يمسكنى عندكم انا بدخل اقهوتكم متنكر. انا تشجعت اعلق على موضوع القهوه التركيه لانى فعلا مدمن ليها رهيبه وبتخلى الواحد يركز تمام بذات لو سهران وعايز يطبق تانى يوم كمان شكلك فعلا بتحبى القهوه علشان موضوع السبرتيه دا بامر الله لما اجى كندا بسى ادعيلى الطبى مايتاخرش كتير اجبلك معايا واحده لانها فعلا بتظبط القهوه

نسيت اقولك القهوه التركى نسيتنى الف سلامه عليكى وربنا يوفقك يارب

[SoSo R]

اما بالنسبه لحكاية البيك فانا المفروض تقريباً ممنوع منه لانه بيرفع الكوليسترول ومبكلوش الا اذا كان واحد عازمنى عليه او لما اعزم حد اعزمه عليه علشان اعمله حجه واكل معاه يعنى

اما بالنسبه لحكاية السفير فانتى ممكن تسأليه لو مش مصدقه ولو انكر سيبكى منه ومتبقيش تسأليه بعد كده علشان هو كده هيبقى عااامل زى البط بيزغط وينكر ؟؟

كنت عاوز أسالك سؤال على الماشى كده هو الواحد لو معاه زماله كنديه مثلاً دى ممكن تغنى عن المعادله ولا ؟؟

طيب لو الواحد اساساً خريج الجامعه الكنديه الى فى مصر ده بيحاتج للمعادله ولا ؟؟

كولسترول !!!

ليه يابنى هو أنت عندك كام سنة؟!!!

دة أنت من فريق الناشئين...أومال بعد 20 سنة ربنا يديك طولة العمر هتعمل إيه؟!!!

بالنسبة للزمالة مافيش أى حاجة تغنى عن المعادلة الكندية!!

موضوع بقى الجامعة الكندية ماعنديش أى فكرة الصراحة

الف الف مليوووووووووووون سلامه عليكي يا مدام سوسوراني

خلي بالك من نفسك ومن البنات وربنا يبعد عنكم اي شيء وحش لا قدر الله

وحكاياتك ف القهوه والنسكافيه زي حكايات غرام زوجتي بردو .( شكلها هتهيييييص هناك في تيمو )

أهلا أستاذ أحمد ...الله يسلم حضرتك أنت والمدام من كل شر

ومن ناحية تهيص فهتهيص طبعا فى تيمو...قلها كمان على إفتكاسات سوسو

وكدة تبقى زبونة مستديمة فى كافيه سوسو وتيمو :P

ينهار ابيييض الموضوع معقد معقد معقد

انا لما باجي اقرا حاجا عن كندا زي رخصه السواقه مثلا بحس اني مسقتش عربيات قبل كده

نفس الاحساس لما بقرا عن المعادله برضه بحس اني بعيييييد اوي عن اني ادخل القصه دي

اما انها توصل لحيره في شرب القاهوه كده الموضوع بقا زيااده

ليه بس يا دكتور فايزر...

مافيش حاجة مستحيلة...

وبعدين أعتبر موضوع القهوة من الحاجات اللى هتيجى تستمتع بيها...زى الطبيعة والناس الأخلاق...

أومال لو كل حاجة وحشة وصعبة يبقى هتهاجر ليه...

مش كل حاجة فى الحياة نحت فى الصخر...

أكيد وسط التعب بتاع البداية وصعوباتها هتلاقى حاجات حلوة تستمتع بيها...

زى كباية هوت سموزى بدولار ونصف

تحياتى

سوسورانى

[SoSo R]

كلامك توحفة ويجنن بجد

اول حاجة ينصر دينك يا استاذ نفيسة عشان جوزى كان فاكرنى مجنونة

اقولك لية بقى

مرة واحدة قربيتى عملتلى هوت شوكلت وعليها قطع مرشيملو زى اللى بتقولى علية جايبة من برة طبعا مش من هنا وقالتلى انة ممكن يتحط على النسكافية

طبعا صباح الكلبظة تحسى انك اكلتى ساندويتش سمنة بالسكر مثلا بس ما علينا

المهم رجعت قولت لجوزى هاعملك بقى نسكافية بالمارشميلوا قاعد يقولى والله انتى وقريبك مهابيل مارشيملوا اية اللى هيتحط دا وقعد يتريق علينا

النهاردة وهو قعد يقرا معايا قولتلة شوفت يا فالحين بلدهم اهة بيتحط اهة

دا اول حاجة بخصوص المارشميلوا مع النسكافية

تانى حاجة بقى القهوة العربى دى يخرب بيت كدة يييييييعععععععععع بجد

عندى البنات فى الاكاديمى هنا كل واحدة ماشية لى بترمس القهوة واتفضلى يا دكتورة قولت طب ماشى اجرب وبعدين يعنى بعد اول بؤؤ

لية كدة يا بنتى اية الارف دا مورة اوى قالتلى طب ما احنا بناكول معاها تمر

قولتلها دا زى دوا الكحة بتاع العيال كدة خودى والنبى واشربى وراها مية بسرعة بسرعة

بس اما بقى على كافية حلوة بصراحة حلوة بسفالة وفعلا ريحتها قوية جدا

كل الاماكن برضة بتعمل كوفى مكنة وبرضة حلوة بصى اى حاجة ما فيهاش استخدام للمخ هنا بتطلع حلوة

لكن مرة جوزى طلب قهوة زيادة فى كوفى شوب كدة مغمور قام جاب لة القهوة وجاب لة معاها سكر قوالب عارفة الغبا بقى

الوش هيروح طبعا بصى هما عالم حافظة مش فاهمة

وبمناسبة البيك مش عارفة الناس كلة مهبولة على اكلة ..........وكلة الا السحالب ولا مش عارفة بيقولوا على الناجتس اية كلمة كدة قريبة من السحالب دى

المهم مع كلة الاحترام لذوق الناس الا ان الاكل شكلة حلو اوى بس ما لوش طعم اصلا

دى اطول مشاركة لية فى التاريخ ....

بس كفاية

نوجة حبيبة قلبى...

وعادت نوجة للزمن الجميل من صحراء شبه الجزيرة العربية ...

أخيرا عبرتينى بمداخلة عدلة!!!

لسة واحدة كانت بتزورنى إمبارح وقلتلها هاعملك نسكافيه إفتكاسة وحطيت معلقة كاكاو بس عادى من غير مارشميلو ...عجبها جدا وتسلم إيديكى يا سوسو ولا كأنى طبخت لها..

المفروض آخد جايزة نوبل للقهوة :P

القهوة العربى دى فى رمضان بالذات بعد الفطار تلاقى أى بنك ..فندق أى داهية تروحيها ماسكين الفناجين والأبريق بتاعهم وماشيين يوزعوا ريحتها تقرف..

جربتى الشاى بتاعهم اللى بيشربوه فى إستكانة؟؟..تحسى سكر بالشاى مش شاى بالسكر...والأستكانة ضغيرة جدا

بالنسبة لأسامى الأكل أنتى فى مرحلة الكلتشر شوك...وبعد كدة هتتعودى وتبقى زى الفل ومش بعيد تكلمينا سعودى كمان...

وبعدين إذا كان الناس أساميها غلط..مش عايزة الأكل يبقى أسمه غريب؟!!!

أنا كنت باصرف روستات ألاقى واحدة أسمها عمشة..واحد أسمه غراب...جيديعان حاجات مالهاش معنى

هو مافيش قهاوى مصرى عندكم؟؟

أكيد فيه...

أومال جوزك هيشيش فين

وبمناسبة البيك مش عارفة الناس كلة مهبولة على اكلة ..........وكلة الا السحالب ولا مش عارفة بيقولوا على الناجتس اية كلمة كدة قريبة من السحالب دى

المهم مع كلة الاحترام لذوق الناس الا ان الاكل شكلة حلو اوى بس ما لوش طعم اصلا

مين يابنى الى بجيب سيرة البيك ده انجى سلطان يامعلم طيب وانجى بتجيب سيرة اليبك ليه ؟؟ ينفع كده يانجى وش محمد سعد فى كتكوووت

بصى يادكتره فى الاول لازم تشعرى بالفرق طبعاً بس طبعاً بعد كده هتتعودى عليه وهتبقى زى السكينه فى الحلاوه

بالنسبه للنيجتس فده بيسموه هنا مسحب يلا اى خدمه هنعمل ايه بس الواحد معرفش من غيره كنتوا هتعملوا ايه ؟؟

هو ايه اخبار الشوال طلع مخروم زى الى معايا ولا ايه ؟؟

المسحب فى الكويت كان بيتقال على الفراخ المخلية...متقطعة حتت صغيرة وعليها تتبيلة أو خلطة لكن مش ناجتس

أنا لما كنت باروح أى مطعم أو أعمل أوردر على التليفون باطلب مترجم...

تحياتى

سوسورانى

[SoSo R]

يا سلام عليكي يا بت يا سوسو لما الإلهام يجيلك

آهو ده كلام الناس الكبار ، وملاّك القهاوي الصح... خصوصاً لما يكونوا منحرفين قهاوي وهمّه صغيّرين

وتعرفي إنك - سبحان الله - فاجئتيني بجد؟! أنا كنت مرتب أفكاري عشان أحكي تاريخي وعلاقتي مع القهوة في الجزء الخاص بالشوبنج! دا إيه توارد الخواطر ده بس! عموماً ، هاحاول أنزله في أقرب فرصة... إنتي خلّيتيني أغير وأسخن ، وأبدأ أحكي... وده بقى تنافس القهاوي ، والنتيجة النهائية مصلحة الزبون ، أو شرّيب القهوة!

دا من جمال حكايتك ، خليتي إنجي تتهوّر وتكتب لها بتاع 20 سطر... تعرفي إن إنجي دي بتفكّرني بعصام المشرف عندنا في الإدارة... آخره كلمتين في مشاركاته ، ولو انحرف بقى وهيبدأ يلُك ممكن يكتب سطر ونص

بس اما بقى على كافية حلوة بصراحة حلوة بسفالة وفعلا ريحتها قوية جدا

جامدة يا إنجي أوي الكلمة دي... أنجح وصف للحلاوة أسمعه الصراحة wst::

-----------------------------

د. بريكانيديان...

إيه يا عم العك اللي الناس بتهيّسه ده؟! دا إسمه فضا بجد...

تعرف إني - على وحي التهييس بتاع اللواك ده - طقت في دماغي فكرة عبقرية ، وممكن آخد السبق عليها ، وننزله مشروب قومي جديد في تيمو هورتنز wst::

نجيب عيال من القرى المصرية ، أو الصعيدية اللي في حضن الجبل ، اللي أهاليهم لسّه بيؤمنوا بالعلاج الطبيعي ، ونمضي معاهم عقد احتكار كذا سنة...

العيال دول هتكون شغلتهم إيه بقى؟ كل يومين ناخد الواد نخبطه على دماغه بشاكوش... نبطحه يعني بالعربي ، ونلحق الجرح (بعد شوية) بشوية بن. وطبعاً بعد ما الجرح ينشف ، نجمّع خلطة البن دي ، ونجففها في الشمس ، ونطحنها مسحوق ناعم ، ويتم تعبئتها في علب صاج مجلفن ونبرشمها عشان الـ flavour ما يروحش ، ويتم شحنها في أسرع وقت ، ع المستهلك هوا... وآهو منها بروتين... وحديد كمان

حد هيقول عليّا باهرّج؟ آل يعني اسم الله اللي عمله اللواك أفندي هوّه اللي مش تهريج؟!

باقول لك إيه يا عم الحاج... لما تبقى تدوق البتاع أبو 80 دولار للرطل ده إبقى قللي رأيك فيه ، قبل ما أبدأ باستثماري وعقودي مع العيال المبطوحين بتوعي دول

يا مساء الفل ...

أنت بتضحك عليا فين ياعم رأيك فى اللى إتكتب؟!!

يعنى تقولى توارد خواطر وبتاع ...يا فندم لينا الشرف أن تتوارد خواطرنا مع أستاذنا المشرف :sad:

-حتة نفاق عشان عايزة أترقى :P -

بس الله يكرمك بلاش العيال المبطوحين...مش هيبقى ستوول آند بلود...أنا خلاص معدتى قلبت منكم لله..

وبعدين على كافيه ما يتقالش عليه سفالة... خلى بالك أنت وإنجى من كلامكم لو سمحتم

هو حلو آه..

بس حلو بقلة أدب

راحت عليك يا بن العميد سوسوراني بتعمل ماركتينج لعلي يا علي كافيه .... :D صباح الفل يا سوسو

أنتى بتهرجى على فكرة...

وأنا بكتب الموضوع دة قلت أنتى بالذات هتدخلى تكتبى قصايد شعر ..

دة أنا من ساعة ما وعيت عليكى فى المنتدى ...ماشفتش ليكى مداخلة إلا وتكتبى عن النسكافيه وأمنياتك عنه ...وأحاسيسك ومشاعرك وأنتى بتشربيه...

وآخرتها سطر ونص

ماكانش العشم....

أنا كنت باجيب من بن البدوى :lol:

تحياتى

سوسورانى