أونتاريو ترحب بـ سوسو

[SoSo R]

يا سلام عليكي يا بت يا سوسو لما الإلهام يجيلك

آهو ده كلام الناس الكبار ، وملاّك القهاوي الصح... خصوصاً لما يكونوا منحرفين قهاوي وهمّه صغيّرين

وتعرفي إنك - سبحان الله - فاجئتيني بجد؟! أنا كنت مرتب أفكاري عشان أحكي تاريخي وعلاقتي مع القهوة في الجزء الخاص بالشوبنج! دا إيه توارد الخواطر ده بس! عموماً ، هاحاول أنزله في أقرب فرصة... إنتي خلّيتيني أغير وأسخن ، وأبدأ أحكي... وده بقى تنافس القهاوي ، والنتيجة النهائية مصلحة الزبون ، أو شرّيب القهوة!

دا من جمال حكايتك ، خليتي إنجي تتهوّر وتكتب لها بتاع 20 سطر... تعرفي إن إنجي دي بتفكّرني بعصام المشرف عندنا في الإدارة... آخره كلمتين في مشاركاته ، ولو انحرف بقى وهيبدأ يلُك ممكن يكتب سطر ونص

بس اما بقى على كافية حلوة بصراحة حلوة بسفالة وفعلا ريحتها قوية جدا

جامدة يا إنجي أوي الكلمة دي... أنجح وصف للحلاوة أسمعه الصراحة wst::

-----------------------------

د. بريكانيديان...

إيه يا عم العك اللي الناس بتهيّسه ده؟! دا إسمه فضا بجد...

تعرف إني - على وحي التهييس بتاع اللواك ده - طقت في دماغي فكرة عبقرية ، وممكن آخد السبق عليها ، وننزله مشروب قومي جديد في تيمو هورتنز wst::

نجيب عيال من القرى المصرية ، أو الصعيدية اللي في حضن الجبل ، اللي أهاليهم لسّه بيؤمنوا بالعلاج الطبيعي ، ونمضي معاهم عقد احتكار كذا سنة...

العيال دول هتكون شغلتهم إيه بقى؟ كل يومين ناخد الواد نخبطه على دماغه بشاكوش... نبطحه يعني بالعربي ، ونلحق الجرح (بعد شوية) بشوية بن. وطبعاً بعد ما الجرح ينشف ، نجمّع خلطة البن دي ، ونجففها في الشمس ، ونطحنها مسحوق ناعم ، ويتم تعبئتها في علب صاج مجلفن ونبرشمها عشان الـ flavour ما يروحش ، ويتم شحنها في أسرع وقت ، ع المستهلك هوا... وآهو منها بروتين... وحديد كمان

حد هيقول عليّا باهرّج؟ آل يعني اسم الله اللي عمله اللواك أفندي هوّه اللي مش تهريج؟!

باقول لك إيه يا عم الحاج... لما تبقى تدوق البتاع أبو 80 دولار للرطل ده إبقى قللي رأيك فيه ، قبل ما أبدأ باستثماري وعقودي مع العيال المبطوحين بتوعي دول

يا مساء الفل ...

أنت بتضحك عليا فين ياعم رأيك فى اللى إتكتب؟!!

يعنى تقولى توارد خواطر وبتاع ...يا فندم لينا الشرف أن تتوارد خواطرنا مع أستاذنا المشرف :sad:

-حتة نفاق عشان عايزة أترقى :P -

بس الله يكرمك بلاش العيال المبطوحين...مش هيبقى ستوول آند بلود...أنا خلاص معدتى قلبت منكم لله..

وبعدين على كافيه ما يتقالش عليه سفالة... خلى بالك أنت وإنجى من كلامكم لو سمحتم

هو حلو آه..

بس حلو بقلة أدب

راحت عليك يا بن العميد سوسوراني بتعمل ماركتينج لعلي يا علي كافيه .... :D صباح الفل يا سوسو

أنتى بتهرجى على فكرة...

وأنا بكتب الموضوع دة قلت أنتى بالذات هتدخلى تكتبى قصايد شعر ..

دة أنا من ساعة ما وعيت عليكى فى المنتدى ...ماشفتش ليكى مداخلة إلا وتكتبى عن النسكافيه وأمنياتك عنه ...وأحاسيسك ومشاعرك وأنتى بتشربيه...

وآخرتها سطر ونص

ماكانش العشم....

أنا كنت باجيب من بن البدوى :lol:

تحياتى

سوسورانى

[SoSo R]

بصراحة شوية اسماء للاكل تسد النفس (يغمش ومطبق ومظبط ومخبط )مش شايف يا بنى سوسو بتقولك بيشربوا سموزى ويحلوا بسوزى دا فى كندا طبعا

الا لو كان هنا فى مشروب اسمة سوزى يالهوى اكيد طبعا هيبقى للعوائل بس (شوفت العوائل دى )

اما بقى دكتور تهامى

تصدق ان المداخلة فعلا طلعت 20 سطر دا اية الدقة دى يا عم الميتيكلوس

ماشى وشكرا على اطرائك على وصفى المجرم اللى كنت هامسحة اصلا بس اول مرة ما رجعش المداخلة وعدت منى غير شلفطة

اما بقى عن قلة حجم المشاركة فطبعا خير الكلام ما قل ودل

واما بقى بالنسبة لحكاية تعرفى إنجى دى يا سوسو وبتكلموا عليا وعلى مداخلاتى الوهمية الجبارة اللى ساعات انا مش بافهمها اصلا

هارد واقولك ربنا يسامحك

المهم بقى عندى كلمتين كدة برضة عن القهوة

فكرة تانية بس بقى اكثر إجرام من انك تشربى 5 فنجانين قهوة

انا كنت ساعات بشرب لدرجة باحس انى تحولت لتوم (توم اند جيرى )لما قعد يشرب قهوة لما بطنة تنفخت ولسة عايز ينام

المهم خلاص لما باكون لازم اصحى ايام الامتحانات كنت باخود نص معلقة نسكافية سبلينجول(تحت اللسان يعنى )

حركة زبالة بصراحة وكنت باهيس بعدها بابقى صاحية و فى ذات نفس الوقت نايمة احساس منيل بنيلة الحقيقة

المضطر بقى هنعمل اية ؟

فعلا انتوا كلكوا استفزتونى وخلتونى ابقى رغاية فعلا كل دى مشاركة دا كان زمانى فتحت توبيك وقفلتة بالكام سطر دول

يالا مش خسارة فى سوسو

إيه يا بنتى الجنان الرسمى دة؟!!!

صبلينجوال...دة ناقص تقولى لى باخده إنترافينوس

أنا لو من جوزك أو لو كان جوزى كان رمى عليكى يمين الطلاق :P

وبعدين سبب مداخلاتك القصيرة معروف...مش عارفة إزاى دكتور تهامى ماخدش باله ...ألا وهو الشلفطة...

يعنى مبدأك المعروف...كل ما مداخلتك تكبر فرصتك فى الشلفطة تكون أكبر :D

لو عندكم فيه مشروب أسمه سوزى كان زمانه أضرب عيارين نار وممكن المحل يتقفل بالضبة والمفتاح :lol:

ونبى يا نوجة هو يعنى إيه الكلمة اللى عملها لك بالأحمر...إنجليزى دة يا مرسى :sad:

تحياتى

سوسورانى

[SoSo R]

مساء الخير ياسوسو ..

عاوزة اكتبلك تعليقات كثيرة جدا جدااا على كل اللى حكيتيه ....

لكن؟؟

بما انى المفروض اترك فرصة لباقى المحبين انهم يعبروا لك عن شعورهم الجميل تجاهك ....سوف اكتفى ببعض السطور .

و..

اهديك اغنية جميلة جدا جدا جدااااااا....يعنى رائعة ..ل..خوان لويس جييرا .......Juan Luis Guerra

والاغنية اسمها ....... ojala que llueva cafe..

ومعنى كلمة ..ojala....محدش يقدر يترجمه حرفيااا....لكن؟؟ ...معروف انه اتى من كلمة ...على الله....او...يارب.....او...ياريت...(( يعنى نقول على الله يحصل كذا وكذا ))

والاغنية اسمها....على الله تمطر كافيه فى الحقل..

واليك رابط الاغنية ...

و..

ojala...تعجبك ...!!! :P

http://www.youtube.com/watch?v=uJimpth-yNs

ودى كلماتها ...

وهى تعبير عن ان زراعة القهوة سوف تحسن من دخل الجميع .

يعنى بيقول ياريت تمطر فاكهة اليوكا وشاى .

وتمطر جبنة بيضة ...وفى الجنوب تمطر عشبة البيروو وعسل.

وتفرش الاعالى بالقمح والتل بالأرز..وتكمل بما تحب .

و..

الباقى كدة يعنى ...كله تفاؤل..

اتركك لسماع الاغنية .

تحيا القهوة ...

وتحيا سوسو ...وفية ومخلصة دائما لأفضل مشروب .

ماما سلوى حبيبتى

أنا عارفة إنك من محبى القهوة بشدة ومعظم الخروجات اللى بتستمعى بيها مع ولادك بتكون لشرب القهوة...

عارفة يا ماما بتخيل إن أنا وأنتى قاعدين على قهوة من بتوع اوروبا ...أو تورنتو ..اللى بيبقوا على الرصيف..وبنشرب القهوة وناكل كرواسان...

ياسلام بقى مع لسعة السقعة اللى أنتى عارفاها...

يا ترى يا ماما ممكن نتقابل فى يوم؟!!!

بس استنى هنا ...

يعنى ايه تسيبى فرصة للناس عشان تعلق!!

دة انتى تعلقى براحتك ...ونقفل القهوة وما نستقبلش حد غيرك

يلا بقى مستنية تعليقك على حكايات القهوة...

ميرسى قوى على الأغنية اللى كلها تفاؤل دى ورديت عليها بالأغنية اللى حطيتها..

الأغنية دى بتفكرنى بأيام قديمة وذكريات حلوة.... هى مش قديمة قوى من كام شهر يعنى......

بافتكر بيت الشعر بتاع الماضى اللى بتحن ليه ...وبعت كل حاجة تعرفها عشان المستقبل اللى ما تعرفوش..

تحياتى

سوسورانى

[SoSo R]

تحية ليكى يادكتورة سوسورانى انا متابع القهوة بتاعتك من زمان بسى لا اعلق علشان انا من الخونه بتاعت كيبيك فمبكلمش خايف لحد يمسكنى عندكم انا بدخل اقهوتكم متنكر. انا تشجعت اعلق على موضوع القهوه التركيه لانى فعلا مدمن ليها رهيبه وبتخلى الواحد يركز تمام بذات لو سهران وعايز يطبق تانى يوم كمان شكلك فعلا بتحبى القهوه علشان موضوع السبرتيه دا بامر الله لما اجى كندا بسى ادعيلى الطبى مايتاخرش كتير اجبلك معايا واحده لانها فعلا بتظبط القهوه

نسيت اقولك القهوه التركى نسيتنى الف سلامه عليكى وربنا يوفقك يارب

يا فندم حضرتك تشرفنا ..حتى لو كنت من الخونة

ومرحبا بيك فى كوفى شوب سوسو وتيمو..

الله يسلم حضرتك من كل شر..

ومادام ليك فى التركى يبقى ويلكم تو ذا كلوب...

فى إنتظار السبرتاية...وأختارلك أى حاجة من لستة صافى عشان نخف الوزن من عليها شوية...أو شوية فولتارين مش هيخسروا

أوعى تقول عنى إستغلالية ولا حاجة :P

تحياتى

سوسورانى

[Spanish Eyes]

الخليجيين والهنود بيحطوا الحليب المكثف المحلى على الشاى بحس إنى بشرب عسل نحل..وبيبقى تقيل قوى ودسم

سوسو اقولك حاجة سر بس يا كثوفي يا كثوفي انا لما ببقى مزاجي عواصف واعاصير بعدي اجيب حليب نستلة المكثف المحلى وافتح الغطاء فتحتين متقابلتين واروح المركز العلمي وادام البحر وافضل امزمز في العلبة لحد متخلص صباح الأستمتاع بس محدش يتريأ بجد بحس اني فكيت من بعضي بعد الوجبة دي هاهاهاهاه :P

فاكرة الأعلان بتاع نسكافية بتاع الراجل اللي لازقة فية المرتبة لحد ما يروح الشغل ويشرب النساكفية ويبتدي يشوف الدنيا ماشية ازاي دة بلا فخر حالتي تماما مع النسكافيةببقى ماشية بالدفع الذاتي لغاية ما اوصل المكتب واشرب جردل النسكافية بتاعي بس حجرب قصة الكاكاو دي واقولك

[enjisultan]

بصراحة شوية اسماء للاكل تسد النفس (يغمش ومطبق ومظبط ومخبط )مش شايف يا بنى سوسو بتقولك بيشربوا سموزى ويحلوا بسوزى دا فى كندا طبعا

الا لو كان هنا فى مشروب اسمة سوزى يالهوى اكيد طبعا هيبقى للعوائل بس :lol: (شوفت العوائل دى )

اما بقى دكتور تهامى

تصدق ان المداخلة فعلا طلعت 20 سطر دا اية الدقة دى يا عم الميتيكلوس

ماشى وشكرا على اطرائك على وصفى المجرم اللى كنت هامسحة اصلا بس اول مرة ما رجعش المداخلة وعدت منى غير شلفطة

اما بقى عن قلة حجم المشاركة فطبعا خير الكلام ما قل ودل

واما بقى بالنسبة لحكاية تعرفى إنجى دى يا سوسو وبتكلموا عليا وعلى مداخلاتى الوهمية الجبارة اللى ساعات انا مش بافهمها اصلا

هارد واقولك ربنا يسامحك

المهم بقى عندى كلمتين كدة برضة عن القهوة

فكرة تانية بس بقى اكثر إجرام من انك تشربى 5 فنجانين قهوة

انا كنت ساعات بشرب لدرجة باحس انى تحولت لتوم (توم اند جيرى )لما قعد يشرب قهوة لما بطنة تنفخت ولسة عايز ينام

المهم خلاص لما باكون لازم اصحى ايام الامتحانات كنت باخود نص معلقة نسكافية سبلينجول(تحت اللسان يعنى )

حركة زبالة بصراحة وكنت باهيس بعدها بابقى صاحية و فى ذات نفس الوقت نايمة احساس منيل بنيلة الحقيقة

المضطر بقى هنعمل اية ؟

فعلا انتوا كلكوا استفزتونى وخلتونى ابقى رغاية فعلا كل دى مشاركة دا كان زمانى فتحت توبيك وقفلتة بالكام سطر دول

يالا مش خسارة فى سوسو

إيه يا بنتى الجنان الرسمى دة؟!!!

صبلينجوال...دة ناقص تقولى لى باخده إنترافينوس wst::

أنا لو من جوزك أو لو كان جوزى كان رمى عليكى يمين الطلاق :lol:

وبعدين سبب مداخلاتك القصيرة معروف...مش عارفة إزاى دكتور تهامى ماخدش باله ...ألا وهو الشلفطة...

يعنى مبدأك المعروف...كل ما مداخلتك تكبر فرصتك فى الشلفطة تكون أكبر :P

لو عندكم فيه مشروب أسمه سوزى كان زمانه أضرب عيارين نار وممكن المحل يتقفل بالضبة والمفتاح :D

ونبى يا نوجة هو يعنى إيه الكلمة اللى عملها لك بالأحمر...إنجليزى دة يا مرسى mfb:

تحياتى

سوسورانى

بصى حركة الصب ليبنجوال دى كانت زمان قبل ما اتجوز لانى لما اتجوزت الامتحانات اللى عدت غليا بعدها كنت حامل فكنت باشرب لبن بقى واتأدبت

دا اخر عهدى فى شرب المنبهات فى الحمل كان بيبسى

اما بقى ميتيكلس يعنى كويس الحمد لله وبخير

هاتقولى لى ايلتس وبتاع ولا هايهمنى هاقولك ناجحة فى انجليزى تالتة اعدادى من تالت مرة

اما بقى موضوع الشلفطة دا فخليك فى حالك يا سوسو واغزى الشيطان وبلاش التسيح دا

تم تعديل 3 ديسمبر 2009 بواسطة enjisultan

[safaalabana]

يا حبيتى ياسوسو ....مداخله دمها خفيف زيك بالظبط ...يس يا سوسو ..انت طلعت مدمنة قهوه زيى ... :lol: ودى حاجه جميله ..يارب نتقابل ونشربها سوا ...قولتيلى اجيب معايه كنكاه ونشابه ومقوار وبن محوج ..افتكرى ليكون فى حاجه تانيه ...اه ...على كافيه موجود عندنا وفى مصر كمان ..اجيب معايا؟

انت تامرى ياسوسو ..بس بصراحه اللى عنده الانواع اللى عندك دى ما يصحش يكتئب أبدا...الا يا سوسو القهوه اللى بوش يا حبيبتى ليها كدا سر انا اعرف منهم واحد بس متقوليلنا على السر بتاعك ...ومن غير ما تقوليلى ح تدفعى كام..افتكرى الحاجات اللى فى تانى سطر ... mfb:

ياسلام يا صافى!!!

تيجى كدة بالسلامة ونحتسى القهوة مع بعض زى سيدات الصالون وبعض كدة نحبس بدور نسكافيه من إفتكاساتى...وبعدين نطلع على تيمو نضرب لنا واحد هوت سموزى بالفرينش فانيلا مع شوية تيم بيتس...قشطة بالهبل :

أنتى كدة لو جبتى كل الحاجات اللى قلتى عليها هتجيبى شنطة كاملة وتكتبى عليها سوسورانى

باقول لجوزى هاتلى معاك على كافيه يقولى ...ما أجيب لك الكويت كلها وأنا جاى!!!

شفتى آخرتها...مع إن اللستة اللى طالبها مش كبيرة خالص

إسكوووووووتييييييييي....مش جبت المقورة...

الست بتاعة النوتيلا...اللى جدها آخر كلمة قالها قبل مايموت أنا جعاااان!!!

فاكراها..

كانت نازلة مصر فى عشرة أكتوبر وبتسأل السؤال التقليدى عايزة حاجة من مصر؟؟

فبقولها ياريت مقورة وعصارة ليمون اليدوى...راحت غيرت الكلام علطول وعملت عبيطة...مع إنى قلتلها هاحسبك ودى حاجات لعب يعنى مش هتوزن أصلا..

المهم لما رجعت...

نظام إحكى يا تاريخ وأشهد يا زمن...يهنى لو كانت تطول تعمل زفة بلدى وفرح وهى بتسلمنى المقورة كانت عملتها...

تقولشى جايبة هرم من الأهرامات التلاتة

لأ وضربت كمان على العصارة ماجبتهاش...هاتيها أنتى بأه ياجميل

أنتى عارفة إن فى ناس بتجيب سبرتاية معاهم مخصوص عشان القهوة التركى!!!

السر اللى أعرفه إنك ماتدوبيش بالمعلقة خالص لحد ما البن ينزل كله فى المياه لوحده وبعدين تدوبى...والنار هادية خالص...لحد ما الوش يطلع...

يلا مش هاقولك تدفعى كام...مستنية شنطة طلباتى

تحياتى

سوسورانى

والله فرحتلك ياسوسو جابت لك مقوره ..خلاص اخيرا البنات ح ياكلوا محشى cr((: الست دى رهيبه...زفه بلدى نفسى اشوفها :P

ولاتزعلى ياجميل عصارة اللمون ح تضاف على اللسته ولوانى كنت فاكره ان اللمون الكندى بيتعصر لواحده زوق بأه :D

وياستى خلى بس جوزك يرجع حتى لو من غير شنط ...موافقين ...كفايه فرحة البنات بيه wst::

اه ياسوسو نفسى اجرب تيمو بتاعكم ده ونكون صحبه وانتى اللى تدفعى اول مره عشان استمتع بجد

شكرا على السر ياجميل بس ده نفس السر اللى انا عارفاه _حتى دى طلعنا فيها زى بعض _المشكله ان الوش ما بيطلعش خصوصا لما بكون قايله لجوزى ح اشربك قهوه ما حصلتش .. :lol: شوفى لى حل ياسوسو

[Spanish Eyes]

جوزي دايما يقول الصيدلانية الناجحة ست بيت ناجحة مرة قالي سر شويبس بتاع القهوة انك متحطيش السكر والبن وبعد كدة الميه لأ العكس المية الأول وبعد كدة السكر والبن عشان المولكيولس بتاعت البن تدوب وهيا نزلة في الملكيولز بتاعت المية وفي الأخر لازم السؤال المشهور هو انتي كنتي ادبي ولا علمي هاهاها

[مراد أنور]

بصى بأه يا ستى يا حضرة الدكتورة wst::

أنا مشربتش القهوة دى إلا عدد مرات لا تتعدى اليد الواحدة وعلى كبر كمان وكنت مضطر

مع إنى بحب ريحتها جداً و خصوصاً لو معدى جنب البن البرازيلى فى شارع النبى دانيال ولا فى شارع صلاح سالم ولا صوفيا نوبلو فى محطة الرمل والله فعلاً بحب ريحتها جداً

طيب مبشربهاش ليه ؟؟؟؟ :lol:

وعم رشاد ساعى المكتب نفسه مرة أطلب منه قهوة :P

وانا أقوله ليمون ياعم رشاد

طب يا أستاذ مراااا

لمون يا حج و النبى بسرعة

عارفةليه أقولك يا ستى

أصلى مولود ومتربى لحد الثانوى فى كرموز فى الأسكندرية

وهى من المناطق التى ظلمت بالدعاية السيئة عنها

من إنها من أكثر المناطق فى معدلات الإجرام وهذا ظلم بين :lol:

فلى منها أصدقاء متعلمين مثل الدكتور والمهندس والمحامى والمدرس وكلهم على خلق

وكل منطقة فيها وفيها والمثل بيقولك صوابعك مش زى بعضها

وعشان ما إتولدنا وإتربينا فى هذه المنطقة كان والدىّ ينبهون علىّ

وعلى إخوتى من شرب أى حاجة من حد ومن ضمنها القهوة

وخصوصاً إنهم كانوا مش كييفة قهوة

وكبرنا على كده لا أنا ولا إخواتى لينا فى القهوة ونعتقد أنها مضرة

وخصوصاً لو عرفتى إن أخوكى إللى هوه أنا راجل رياضى و بطل الجامعة فى الملاكمة سنوات متتالية

عشان كده كنت بعيد عن القهوة تماماً طول عمرى

ويارب مكونش طولت عليكى

أنا بس حبيت أسجل متابعة بس طلعت كبيرة شوية mfb:

[enjisultan]

كل ما ربنا يفتحها عليكى شوية ويجيلك شوية زباين تعملى pause

[SoSo R]

الخليجيين والهنود بيحطوا الحليب المكثف المحلى على الشاى بحس إنى بشرب عسل نحل..وبيبقى تقيل قوى ودسم

سوسو اقولك حاجة سر بس يا كثوفي يا كثوفي انا لما ببقى مزاجي عواصف واعاصير بعدي اجيب حليب نستلة المكثف المحلى وافتح الغطاء فتحتين متقابلتين واروح المركز العلمي وادام البحر وافضل امزمز في العلبة لحد متخلص صباح الأستمتاع بس محدش يتريأ بجد بحس اني فكيت من بعضي بعد الوجبة دي هاهاهاهاه

فاكرة الأعلان بتاع نسكافية بتاع الراجل اللي لازقة فية المرتبة لحد ما يروح الشغل ويشرب النساكفية ويبتدي يشوف الدنيا ماشية ازاي دة بلا فخر حالتي تماما مع النسكافيةببقى ماشية بالدفع الذاتي لغاية ما اوصل المكتب واشرب جردل النسكافية بتاعي بس حجرب قصة الكاكاو دي واقولك

ربنا ما يجعل مزاجك عواصف وأعاصير يا ستى...إن شالله دايما يفضل ربيع علطوول

بس قولولى بتقعدى كام يوم بعديها صايمة؟؟

أصل اللى بتحكيه دة وليمة مش وجبة

المهم جربى الكاكاو وقولى لى

موضوع المرتبة اللى لازقة فيكى...............

كلنا هذا الرجل

جوزي دايما يقول الصيدلانية الناجحة ست بيت ناجحة مرة قالي سر شويبس بتاع القهوة انك متحطيش السكر والبن وبعد كدة الميه لأ العكس المية الأول وبعد كدة السكر والبن عشان المولكيولس بتاعت البن تدوب وهيا نزلة في الملكيولز بتاعت المية وفي الأخر لازم السؤال المشهور هو انتي كنتي ادبي ولا علمي هاهاها

يا عينى على العلم التطبيقى لما يستخدم فى الأصول المطبخية

ملوكيولز وشغل جامد...

أنا فعلا باعملها كدة وأحط المياه الأول بس أول مرة أعرف إن ليها خلفية كيميائية...

ومنكم نستفيد يا فندم

تحياتى

سوسورانى

[SoSo R]

بصى حركة الصب ليبنجوال دى كانت زمان قبل ما اتجوز لانى لما اتجوزت الامتحانات اللى عدت غليا بعدها كنت حامل فكنت باشرب لبن بقى واتأدبت

دا اخر عهدى فى شرب المنبهات فى الحمل كان بيبسى

اما بقى ميتيكلس يعنى كويس الحمد لله وبخير

هاتقولى لى ايلتس وبتاع ولا هايهمنى هاقولك ناجحة فى انجليزى تالتة اعدادى من تالت مرة

اما بقى موضوع الشلفطة دا فخليك فى حالك يا سوسو واغزى الشيطان وبلاش التسيح دا

نوجة أنا لازم أغلس عليكى يا حبيبتى ماقدرش أشوفلك مداخلة وما أجرش شكلك...

أنا برضه مش فاهمة أم الكلمة الهيروغليفى...الله يكرمك أكتبيها بحروف تتقرى...

أثناء الحمل كنت باشرب بيبسى وشاى ونسكافيه ...عادى يعنى

بس كميات أقل

يمكن أحترمت نفسى فى تانى حمل

بس مش عايزة أقولك...البنات دماغهم مصفحة

عارفة فيلم الرعب ذارينج..لما كانت البنت اللى بتطلع من التليفزيون تموت الناس وكانوا بيقولوا عليها:

she never sleeps

أهو البيبى سيتير بتقول كدة على بنتى الصغيرة

صباحك فل

تم تعديل 4 ديسمبر 2009 بواسطة SoSoRaNy

[enjisultan]

meticulous: means extremly concened with details

اتعلموها بقى

[SoSo R]

والله فرحتلك ياسوسو جابت لك مقوره ..خلاص اخيرا البنات ح ياكلوا محشى الست دى رهيبه...زفه بلدى نفسى اشوفها

ولاتزعلى ياجميل عصارة اللمون ح تضاف على اللسته ولوانى كنت فاكره ان اللمون الكندى بيتعصر لواحده زوق بأه

وياستى خلى بس جوزك يرجع حتى لو من غير شنط ...موافقين ...كفايه فرحة البنات بيه

اه ياسوسو نفسى اجرب تيمو بتاعكم ده ونكون صحبه وانتى اللى تدفعى اول مره عشان استمتع بجد

شكرا على السر ياجميل بس ده نفس السر اللى انا عارفاه _حتى دى طلعنا فيها زى بعض _المشكله ان الوش ما بيطلعش خصوصا لما بكون قايله لجوزى ح اشربك قهوه ما حصلتش .. شوفى لى حل ياسوسو

محشى مين يا صافى...أنا بتاعة الكلام دة برضه...

أنا بطلت أطبخ أصلا عشان ماحدش بياكل عدل والأكل... بيترمى!!!

أنا عايزة المقورة بس إطمئنان إن العدة كاملة wst::

بس بجد عليا ....أى حاجة مش عارفة بيحلفوا بكلمة إيه و ماتبقاش بيئة

مداخلتك دى سكر زيك بالضبط

كل شوية أقراها وأضحك ومرمر تقولى:

بتضحكى ليه؟؟ هه...هه...ليه؟؟ ليه؟؟

هاحكيلها إيه مش هتفهم..

وخصوصا لما بتقولى لى عايزة أجرب تيمو وعلى حسابك عشان أبقى مبسوطة أكتر

أنتى جيتى فى جمل يعنى ..كلها دولار ونصف

وبعدين نطلع على أى مطعم محترم من بتوع الستيك اللى ب 100 $

و تعزمينى أنتى بقى wst::

عندى حل لموضوع القهوة اللى بوش بتاعتك..

ماتقوليش لجوزك حاجة :lol:

أعمليها من سكات وما تسيحيش

تحياتى

سوسورانى

[SoSo R]

كل ما ربنا يفتحها عليكى شوية ويجيلك شوية زباين تعملى pause

أنتى عارفة إنى إنسانة مهمة ومشغولة ومش فاضية للمنتديات والكلام الفارغ دة

meticulous: means extremly concened with details

اتعلموها بقى

يا لعبك يا نوجة ...يا لعبك

إيه يا بت الشقاوة دى...

طعمة بجد

تحياتى

سوسورانى

[SoSo R]

بصى بأه يا ستى يا حضرة الدكتورة

أنا مشربتش القهوة دى إلا عدد مرات لا تتعدى اليد الواحدة وعلى كبر كمان وكنت مضطر

مع إنى بحب ريحتها جداً و خصوصاً لو معدى جنب البن البرازيلى فى شارع النبى دانيال ولا فى شارع صلاح سالم ولا صوفيا نوبلو فى محطة الرمل والله فعلاً بحب ريحتها جداً

طيب مبشربهاش ليه ؟؟؟؟

وعم رشاد ساعى المكتب نفسه مرة أطلب منه قهوة wst::

وانا أقوله ليمون ياعم رشاد

طب يا أستاذ مراااا

لمون يا حج و النبى بسرعة

عارفةليه أقولك يا ستى

أصلى مولود ومتربى لحد الثانوى فى كرموز فى الأسكندرية

وهى من المناطق التى ظلمت بالدعاية السيئة عنها

من إنها من أكثر المناطق فى معدلات الإجرام وهذا ظلم بين

فلى منها أصدقاء متعلمين مثل الدكتور والمهندس والمحامى والمدرس وكلهم على خلق

وكل منطقة فيها وفيها والمثل بيقولك صوابعك مش زى بعضها

وعشان ما إتولدنا وإتربينا فى هذه المنطقة كان والدىّ ينبهون علىّ

وعلى إخوتى من شرب أى حاجة من حد ومن ضمنها القهوة

وخصوصاً إنهم كانوا مش كييفة قهوة

وكبرنا على كده لا أنا ولا إخواتى لينا فى القهوة ونعتقد أنها مضرة

وخصوصاً لو عرفتى إن أخوكى إللى هوه أنا راجل رياضى و بطل الجامعة فى الملاكمة سنوات متتالية

عشان كده كنت بعيد عن القهوة تماماً طول عمرى

ويارب مكونش طولت عليكى

أنا بس حبيت أسجل متابعة بس طلعت كبيرة شوية :lol:

أولا حمد الله ع السلامة بعد هذه الأختفاءة الطويلة

ثانيا ...بطل ملاكمة ...يا مااااااامى..الواحد ياخد باله وهو بيهزر معاك لحسن تكون إيدك طرشة ..لأ وقال إيه الباشمهندس زناتى كان بيدلعك يا مرمر...لآزم نحذره بأه wst::

بس أنت عارف حضرتك فكرتنى بحاجة مهمة...محلات القهوة بتاعة إسكندرية اللى فى شارع صفية زغلول وسعد زغلول

دى كانت تعتبر طفرة زمان قبل ما يطلع ستاربكس والمحلات دى...

يعنى كنت تلاقى عندهم الهوت شوكليت والأيس كوفى والمشاريب دى مش منتشرة فى المحلات العادية...

تصدق إسكندرية وحشتنى قوى wst::

شكرا يا فندم على تسجيل المتابعة...

وأتمنى تجرب مرة وتدوق القهوة

تحياتى

سوسورانى

[مازن أطرش]

بعد إذنك حلقة عن الطعام ..أنا عارف أن كندا فيها كل حاجة ...بس عاوز أعرف ايه الشيء الجديد بأكل كندا ؟؟ وايه اللي ناقص ..إذا كان في شي ناقص

[safaalabana]

اشكرك ياسوسو من كل قلبى القهوه ظبطت وبقت بوش :wub: بس ده بعد ما دمجت طريقتك مع طريقة عم يونس ...اه ده عم يونس البواب انا فى مصر طلعت عينه كل ما ابعته يشترى بن اقوله ...البن ده مش كويس :rolleyes: واخر مره قلتله انت جبت من ده يبقى ح ترجعه ...انا قلتها كده ...والراجل بصلى (وش عماد حمدى وهوبيقول لعبد الحليم حافظ ..ايوة انت مش ابنى فى الخطايا)الراجل قالى ...العيب مش فى البن يامدام ...يانهار اسوح يعنى ايه ..قالى يعنى نفس البن ده انا بعمل منه وبتطلع بوش ... wst:: bv:-

بس وحسيت بفشل الدنيا كلها ...نفس احساسى لما اتهزمنا من الجزائر اخر مره ...المهم ياسوسو اضطريت اضحى واسمع منه زى التلميده الخايبه بس كله يهون علشان القهوه ام وش ...

السر يا سوسو انك تحطى الميه وبعدين السكر حسب الطلب وبعدين تقلبى السكر وخلاص تروحى حطه البن وماتقلبيش خالص وعلى نار هاديه وانا وعدت عم يونس انى ح اكتب براءة الاختراع باسمه wst::

كنت حانسى ...سوسو ياحبيبتى كان نفسى اعزمك على الاتيك اللى ب100دولار ده بس يا خساره مش ح ينفع اصلى ح اجى الاقيك صايمه وما يخلاصنيش افطرك wst::

[ناوية ع الهجرة]

وخصوصا لما بتقولى لى عايزة أجرب تيمو وعلى حسابك عشان أبقى مبسوطة أكتر :rolleyes:

أنتى جيتى فى جمل يعنى ..كلها دولار ونصف

وبعدين نطلع على أى مطعم محترم من بتوع الستيك اللى ب 100 $

و تعزمينى أنتى بقى wst::

كنت حانسى ...سوسو ياحبيبتى كان نفسى اعزمك على الاتيك اللى ب100دولار ده بس يا خساره مش ح ينفع اصلى ح اجى الاقيك صايمه وما يخلاصنيش افطرك wst::

ايوه ايوه ولو رحتي في وقت ما تكونش هي صايمة تقوليلها اصل المطعم ده مش حلال

عارفة انا الحركات دي

ولا يهمك يا سوسو راني لما اجي عندك

ابقي اعزيمني انا مش هقولك حاجة خالص :wub: wst::

[safaalabana]

وخصوصا لما بتقولى لى عايزة أجرب تيمو وعلى حسابك عشان أبقى مبسوطة أكتر :rolleyes:

أنتى جيتى فى جمل يعنى ..كلها دولار ونصف

وبعدين نطلع على أى مطعم محترم من بتوع الستيك اللى ب 100 $

و تعزمينى أنتى بقى wst::

كنت حانسى ...سوسو ياحبيبتى كان نفسى اعزمك على الاتيك اللى ب100دولار ده بس يا خساره مش ح ينفع اصلى ح اجى الاقيك صايمه وما يخلاصنيش افطرك bv:-

ايوه ايوه ولو رحتي في وقت ما تكونش هي صايمة تقوليلها اصل المطعم ده مش حلال

عارفة انا الحركات دي

ولا يهمك يا سوسو راني لما اجي عندك

ابقي اعزيمني انا مش هقولك حاجة خالص :wub: wst::

كده يا ناويه ...وانا بحسبك فى صفى لا لا لا .....ده كلكوا عليه والا ايه ..؟ انا مش عارفه مطاعم ايه وكلام فاضى ايه .. .والله مع الميزانيه بتاعة كندا مافيش احلى من اكل البيت ...خلاص يا ناويه ان شاء الله سوسو وبناتها ..سميه وولادها ...وانا واسرتى ح نشرف عندك ...وتدوقينا الحلال فوود من ايديكى يا جميله wst::