أونتاريو ترحب بـ سوسو

[dr abo samra]

اول مره ادخل هنا يا جدعان...........فيه حد هنا؟الوووووووووووووووو.......طب بخخخخخخخخخخخخخ....برضه مفيش

طب خدى دى عالانسر ماشين بتاعتك يا د/سوسو....اولا ربنا يوفقك فى امتحاناتك ويوقفلك ولاد الحلال......انتى واضح من مداخلاتك والتوبك انك شخصيه محترمه جدا ودمك زى العثل...

بس بالله عليكى امانه تسأليلى هل بتوع الورنيش لهم معادله عندكم(اللى بيورنشو الجزم يعنى)..ولا لأ؟....اصلى بصراحه اشتريت صندوق ميه ميه من الاصلى مع شويه ورنيش معتق وفورشه على كيفكم ده طبعا مع هدوم الشغل(الجلابيه المرقعه)..بس رجعت اتعقدت لما سمعت اشاعه بتقول ان فيه معادله ليهم بس صعبه شويه....ياريت تردى عليا عشان اقرر اذا كنت هقدم عليها ولا اخلينى فى سكه صيدله التعبانه دى bnd5:: :lol: :lol:

تشرفت جدا بالوجود فى وسطيكم يا اجدع واظرف ناس

اطيب الامنيات

[مازن أطرش]

عزيزتي سوسو ...أنا حلبي ...يعني من حلب...وحلب دي اشهر مدينة بسوريا بالأكل الطيب ..ليه ...عشان نحنه بنحب الطعام بشكل .. :) .ولذلك نحنه لما بنسافر رحلة سياحية على البحر ..على الجبل ..هنا بسوريا ..بنحسب قبل كل حاجة ..حناكل ايه ...وكأننا رايحين ناكل ..ا :) لمهم بالنسبة لي ..أنا اللي بيهمني ..اللحم والسمك ...الدجاج ..الأكل الجاهز ..على فكرة ...بالنسبة للأكل الجاهز ...كمان في اكل جاهز حلال ...(طبعا اكيد في :) ) بس عاوز اعرف التفاصيل ..وكمان بالنسبة للطبيخ ..المحاشي والكبة ..مواده الأولية جاهزة ...وخصوصا البهارات ..وانا كمان بموت بالسمك . :) .ونحنه بسوريا من افقر الدول بالسمك . :) .واكيد كندا مليانة سمك ..محيط اطلسي وهادي .وانهار وبحيرات ...فلو حلقة تفصيلية عن السمك ...وادينا قاعدين ..بنستنى الميديكال ..ورانا ايه ..وانتي على فضاوتك (يعني على مهلك واقل من مهلك ...عشان الطبخ يطلع مستوي تمام ) :)

بص بقى يا أستاذ مازن ...عشان أعملك حلقة عن الأكل ...محتاجة تفرغ ودماغ متكلفة(الجماعة هنا بيحبوا الأكل زى عنيهم) وأنا بصراحة اليومين دول دماغى مشغولة

دة غير النتيجة اللى قربت والخوف اللى مالينى,,

إدعى لى ربنا ياخد بإيدى ويعدينى الأمتحان دة وليك عليا...هاعملك موضوع منفصل عن الأكل...وأروح المحلات مخصوص أسألك على اللى أنت عايزه

إتفقنا؟!!

تحياتى

سوسورانى

[ربنا يعديلك الامتحان على خير .. :) .عشان بس تخلصي من القلق . : .وترجعيلنا سوسو المرحة ... :) اللي بتضفي (شايفة الكلام المتكلف ) .. :) روح حلوة على المنتدى بينسينا مرارة الانتظار .. .وزي ما قلتلك على مهلك ..لأنو الأكل بالذات عايز روقان ... :)

[dormy]

عزيزتي مدام سوسو ،أحب اسجل اعجابي بيكي وبجميع مداخلاتك ربنا يوفقك في الامتحان وتنجحي إن شاء الله . أنا طبيبة بشتغل في الكويت يعني كنا جيران ولما شفت الكلام على النسكافيه قلت لازم أدخل وأكلم إن أحلى من النسكافيه نوع إسمه Taster choice جربيه وادعيلي

[SoSo R]

مساء الخير على الكل...

الحلقة دى مخصوصة عشان دكتور قناوى...

يعنى لو ماظهرش هاعتزل الكتابة :)

تحياتى

سوسورانى

يا بختك يا د قناوي

لقيت اللي يقولك علي افكار تنفذها في كندا

عموما انا سرقت الفكره بتاعتك

لاني خبير في تركيب الزراير والكباسين

بس لي سؤال بالنسبه للمكوجي هل السوق بتاعه نايم ولا شغال

لان معظم خبرتي في المجال ده

نصّار

يا بنجور يا مسيو نصار...

أخبار حضرتك إيه أنت ومدام سعاد...

مفتقدينك يا فندم...

بالنسبة للزراير والكباسين...سوقها مش قوى :)

جرب تتعلم تقصير البنطلونات وأنت تبقى حطيت رجلك على أول الطريق..

على فكرة ..فيه ناس كتير هنا بتشترى مكن خياطة مخصوص..عشان يعملوا بنفسهم فى البيت...

بس فيه ناس بتشتريها وتركنها..

أنوى أنت بس ...وأنا أول زبونة...

بس تعملى تخفيض كويس..

أصل ما عنديش إستعداد أشيل شنط لحاجات عايزة تتضبط لحد مصر..

أنت عارف أى حاجة هنا يدوية ...بتكون غالية قوى...زى مثلا تضييق أستيك الساعة :)

ربنا يصبرنا ع الناس دى

تحياتى

سوسورانى

[SoSo R]

اول مره ادخل هنا يا جدعان...........فيه حد هنا؟الوووووووووووووووو.......طب بخخخخخخخخخخخخخ....برضه مفيش

طب خدى دى عالانسر ماشين بتاعتك يا د/سوسو....اولا ربنا يوفقك فى امتحاناتك ويوقفلك ولاد الحلال......انتى واضح من مداخلاتك والتوبك انك شخصيه محترمه جدا ودمك زى العثل...

بس بالله عليكى امانه تسأليلى هل بتوع الورنيش لهم معادله عندكم(اللى بيورنشو الجزم يعنى)..ولا لأ؟....اصلى بصراحه اشتريت صندوق ميه ميه من الاصلى مع شويه ورنيش معتق وفورشه على كيفكم ده طبعا مع هدوم الشغل(الجلابيه المرقعه)..بس رجعت اتعقدت لما سمعت اشاعه بتقول ان فيه معادله ليهم بس صعبه شويه....ياريت تردى عليا عشان اقرر اذا كنت هقدم عليها ولا اخلينى فى سكه صيدله التعبانه دى :) :) :)

تشرفت جدا بالوجود فى وسطيكم يا اجدع واظرف ناس

اطيب الامنيات

يا أهلا بزملاء السلفوريك و النيتريك :)

معلهش لسه يادوب بابتدى يومى بعد ما مرمر راحت المدرسة...

بالنسبة للورنيش :)

مابيلبسوش جزم جلد هنا...يا إما حاجات سنو...

يا إما صنادل فى الصيف...

بص كان فيه مداخلة هنا فى موضوعى عن معادلة إزاى تهرش ...دور عليها هتعرف البلد دى عاملة إزاى...

إذا كان البادكيير والكوافيرات بيعملوا معادلة سنة بحالها :)

يبقى أى حاجة فى الدنيا تدرس عندهم

خليك فى الصيدلة وأمرك لله

تحياتى

سوسورانى

[SoSo R]

ربنا يعديلك الامتحان على خير .. :) .عشان بس تخلصي من القلق . : .وترجعيلنا سوسو المرحة ... :) اللي بتضفي (شايفة الكلام المتكلف ) .. :) روح حلوة على المنتدى بينسينا مرارة الانتظار .. .وزي ما قلتلك على مهلك ..لأنو الأكل بالذات عايز روقان ... :)

إيه الكلام الكبير ده؟!!!

تضفى :)

لأ أنا مش متعودة على كدة...

بعد

جتك وكسة....

تقول كلام نحوى....

ربنا يقصر أيام أنتظارك...وإن شاء الله هاطبخلك مداخلة ماحصلتش...بس أنت قول يا رب أنجح وأطلع الأولى :)

تحياتى

سوسورانى

[SoSo R]

عزيزتي مدام سوسو ،أحب اسجل اعجابي بيكي وبجميع مداخلاتك ربنا يوفقك في الامتحان وتنجحي إن شاء الله . أنا طبيبة بشتغل في الكويت يعني كنا جيران ولما شفت الكلام على النسكافيه قلت لازم أدخل وأكلم إن أحلى من النسكافيه نوع إسمه Taster choice جربيه وادعيلي

أهلا يا دكتورة...

كدا عشاق القهوة زادوا واحدة...

عارفاه طبعا يا فندم وجربته...

بس أنتى تعالى بقى جربى الكاربيان بتاع هنا...ريحته حكاية..العلبة لونها أزرق..

فيه علبة لنسكافيه لونها أخضر...

مش عارفة إسم النوع دة إيه...هاجربه وأقولك

تحياتى

سوسورانى

[dr abo samra]

يا أهلا بزملاء السلفوريك و النيتريك

معلهش لسه يادوب بابتدى يومى بعد ما مرمر راحت المدرسة...

بالنسبة للورنيش :hi:

مابيلبسوش جزم جلد هنا...يا إما حاجات سنو...

يا إما صنادل فى الصيف...

بص كان فيه مداخلة هنا فى موضوعى عن معادلة إزاى تهرش ...دور عليها هتعرف البلد دى عاملة إزاى...

إذا كان البادكيير والكوافيرات بيعملوا معادلة سنة بحالها :waf:

يبقى أى حاجة فى الدنيا تدرس عندهم

خليك فى الصيدلة وأمرك لله

تحياتى

سوسورانى

حتى الهرش بقه ليه معادله؟؟!! يا خرابى يا جدعان....طب انا كل معلوماتى عن الهرش انك لما تقابل واحد فى مصر وعاوز منك مصلحه تقوله(اهرش عشان أأبجك)

طب هنفترض ان الهرش عندهم ليه اصول...معنى كده انى لو عاوز اهرش فى قفايا لازم يبقى معايا رخصه....ولا اشوفلى اى خرابه ضلمه فى اونتاريو عشان محدش يشوفنى ويقولى رخصك(الا صحيح فيه خرابات هناك؟)وافضل احك ضهرى فى أى جدارفيها لحد ما يجيب دم....انا تعقدت خلاص :lol:

وكمان طلعو لابيلبسو جزم ولا بتاع.(صناااااااااااادل؟؟؟؟!!!) ده فقر ايه ده يا ربى....هي شكلها شغلانه طين من أولها.......مدام سوسو لا نيترك ولا سلفيورك بقه انا هتكل على الله واشتغل زى ما عادل امام قال فى مسرحيه شاهد ما شفش حاجه......يالله قوليلى كمان دى بقه عاوزه معادله.... :lol:

.ربنا يهده زى ما هد السلم ..........لملم

مين مرمر دى صحيح...اوعى تكون معادله هى كمان؟ clp:: clp::

ربنا يخليهالك يا ست الكل ويباركلك فيها وتشوفى اولادها واولاد اولادها...انه ولى ذلك والقادر عليه

تحياتى يا دكتوره

[safaalabana]

ازيك ياسوسو يارب تكونى بالف خير معلهش ياحبيبتى كنا مشغولين شويه فى الترحيب بعودة الزناتى سالما غانما بادن الله وعرفنا بالاخبار الجميله لعمل تجمع نسائى جميل يجمع صاحبات الدم الخفيف والزوق العالى ياريت ياسوسو تاخدونى معاكم يمكن اتعدى واهو ينبوكم فى ثواب ...لا صحيح ياسوسو انا كنت بقولسوسوفى اونتاريو وشايله هم البعد لكن طالما حرم الزناتى اخونا وصلتلك يبقى فى امل ان شا ءالله ...استعدى بقه من دلوقتى مش ح نكلفك

كتير :waf:

[qenawy]

مساء الخير على الكل...

الحلقة دى مخصوصة عشان دكتور قناوى...

يعنى لو ماظهرش هاعتزل الكتابة

بص بأة يا سيدى ...أنا لقيت لك الكاريير اللى هيأكلك الشهد فى كندا!!

ولا تقولى تورنتو نوتس...

ولا الباراميديكس بتاع د.تهامى

ولا معادلة ولا الكلام الفارغ ده...

أنت مش كنت قلت أنك عندك خبرة كصبى ترزى

أستعيد أمجادك فى الموضوع دة وهتاكل الشهد...وأبقى أفتكرنى بأى حاجة

أنت عارف لما سوستة البنطلون بتاع بنتى باظت وباسأل بكل حسن نية...بتغيريها بكام؟؟؟

تقولى 15$ :waf:

وعشان خاطرك 12$

يا نهار...دة أنا أشترى واحد جديد أرخص لى..

تقصير البنطلون تقريبا فى نفس حدود السعر دة...

سمعت من واحدة صاحبتى إن أخت جوزها بتحضر شنطة كاملة حاجات تتصلح وتتقصر لأى حد نازل مصر...

وتفضل الشنط رايحة جاية ...بين كندا ومصر...

إدعيلى بأه يا دكتور قناوى على المعلومات دى...

تحياتى

سوسورانى

هو ده الكلام

طب ده انا كان عليا قلبة ياقة ومسكة كستبان يا سلام

الله يرحمه عم محمود تنبا لي بمستقبل باهر

لازال مسلسل احلام الفتي الطائر يدغدغ ذكرياتي

فاكرة عبد الوارث عسر ؟ (كان ترزي قد الدنيا ) وابراهيم الطاير الصبي بتاعه ؟

يبقي انا

ايييييييه فكرتينا بايام البقشيش خمسة ساغ

كنت اروح كاني املك الدنيا وما فيها

[ehabtaher]

انا بقى كنت صبى مصوراتى مافيش كده

كنت اقعد معاه فى البدروم بتاع فندق سيسيل

هو يصور الزباين

وانا مرزوع فى الاوده الضلمه احمض الصور ولازم بسرعه علشان يلحق يطلعهم للزباين تانى

هىيه كانت ايام

بس انا دلوقت لهلوبه فى الفوتوشوب ينفع والا مالناش سوق فى كندا علشان كلهم بيعرفو فى الكمبيوتر

[SoSo R]

التلج نزل يا جدعاااااااااااااااان

فيه سنو شاورز بقالها 3 ساعات...متواصلة بس بينزل على الأرض يزفلطها لأن الحرارة 0 بس فبينزل يسيح...ربنا يسترها فى السواقة لسه هنجرب

فينك يا مدام زناتى ...كانت هتموت وتشوفه...مالكيش نصيب يا جميل :happy:

الشتا الجاى بقى

لأ ومرمر كانت قايمة متعكننة وزعلانة إنه مانزلش الصبح زى ما قالوا فى التليفزيون...هتهيص

أنا أبتديت أشك فعليا...وجديا وحصريا

إن د.تهامى وصل كندا :closedeyes:

أصل التغييرات الجزرية دى مابتحصلش فى الجو إلا لما هو بييجى...

ربنا يستر وماتقلبش بسنو ستورم

بركاتك يا دكتور تهامى :lol:

تحياتى

سوسورانى تحت السنو

[dr abo samra]

التلج نزل يا جدعاااااااااااااااان

فيه سنو شاورز بقالها 3 ساعات...متواصلة بس بينزل على الأرض يزفلطها لأن الحرارة 0 بس فبينزل يسيح...ربنا يسترها فى السواقة لسه هنجرب

فينك يا مدام زناتى ...كانت هتموت وتشوفه...مالكيش نصيب يا جميل :happy:

الشتا الجاى بقى

لأ ومرمر كانت قايمة متعكننة وزعلانة إنه مانزلش الصبح زى ما قالوا فى التليفزيون...هتهيص

أنا أبتديت أشك فعليا...وجديا وحصريا

إن د.تهامى وصل كندا :closedeyes:

أصل التغييرات الجزرية دى مابتحصلش فى الجو إلا لما هو بييجى...

ربنا يستر وماتقلبش بسنو ستورم

بركاتك يا دكتور تهامى :lol:

تحياتى

سوسورانى تحت السنو

وتشكى ليه يا ست الكل مش ممكن يكون وصل امبارح ولا أول امبارح؟؟؟؟؟؟؟؟ wst::

[ehabtaher]

يعنى معزمتهاش والا على تلج والا على قلقاس

دى اكيد فرحت لما رجعت الاحساء

احنا فى باندا عندنا القلقاس بدولار الكيلو اجيبلك 2 كيلو

بس انا بقى مراتى بتعمله بالكسبره الخضراء مش بالسلق

[ام يمنى]

سلام عليكم

الصراحه المشاركه بتاعتك بتاعت القهوه حلوه جدا و خلتني شامه ريحة القهوه و كنت حتجنن و اقوم اعملي واحد مج نسكافيه بالكاكاو علشان اجربه بس قلت الطيب احسن و اعمله الصبح. انا بموت في النسكافيه و القهوه و الشهر اللي بقضيه في مصر اجازه ممكن اشربلي تلات اربع كوبيات في اليوم اصل انا جوزي مالهوش في القهوه اخره شاي بلبن و انا مبيجليش المزاج التمام لو شربت لوحدي لازم اشرب جماعه

و علي كافيه فعلا تحفه و ريحته بتبقى خطيره و ممكن تقعد طول اليوم معايا. و ان شاء الله لما ربنا يكرمنا لو اخدنا الفيزا و لا يهمك ليكي واحد علي كافيه بالجنسج و كمان مقوره زياده علشان تونس اختها :happy:

الصراحه انتي شخصيه جميله جدا و فعلا انا حبيتك من مداخلاتك و خفة دمك. و يا ريت تسمحيلي اني ابعت سلامي لكل الشخصيات الحلوه في المنتدى ده من القهوه بتاعتك د صفاء و انجي وناويه و سميه و يا ريت مكنش نسيت حد معلش يا جماعه اصل انا الزهايمر عندي جه بدري

و تحياتي للجميع

ام يمنى :closedeyes:

[hosiny]

ربنا يطمنا عليكي يا مدام سوسو في كل الامتحانات و بصراحة كنت ماشى هنا في الاسواق من يومين و شوفت علي كافيه على الرفوف و كنت عايز اجيبلك واحد بس بجد معرفتش ابعتهولك ازاي.....علي العموم وعد مني ان شاء الله اني اجيبلك لما ربنا يكرمني و اجي

[SoSo R]

حتى الهرش بقه ليه معادله؟؟!! يا خرابى يا جدعان....طب انا كل معلوماتى عن الهرش انك لما تقابل واحد فى مصر وعاوز منك مصلحه تقوله(اهرش عشان أأبجك)

طب هنفترض ان الهرش عندهم ليه اصول...معنى كده انى لو عاوز اهرش فى قفايا لازم يبقى معايا رخصه....ولا اشوفلى اى خرابه ضلمه فى اونتاريو عشان محدش يشوفنى ويقولى رخصك(الا صحيح فيه خرابات هناك؟)وافضل احك ضهرى فى أى جدارفيها لحد ما يجيب دم....انا تعقدت خلاص :happy:

وكمان طلعو لابيلبسو جزم ولا بتاع.(صناااااااااااادل؟؟؟؟!!!) ده فقر ايه ده يا ربى....هي شكلها شغلانه طين من أولها.......مدام سوسو لا نيترك ولا سلفيورك بقه انا هتكل على الله واشتغل زى ما عادل امام قال فى مسرحيه شاهد ما شفش حاجه......يالله قوليلى كمان دى بقه عاوزه معادله.... :closedeyes:

.ربنا يهده زى ما هد السلم ..........لملم :lol:

مين مرمر دى صحيح...اوعى تكون معادله هى كمان؟ wst:: :P

ربنا يخليهالك يا ست الكل ويباركلك فيها وتشوفى اولادها واولاد اولادها...انه ولى ذلك والقادر عليه

تحياتى يا دكتوره

بص يا سيدى...واضح إنك ماقريتش الموضوع من أوله...

معادلة الهرش...إنك تمتحن وبعدين تهرش تحت إيد واحد معاه ليسينس

وبعدين ينظروا فى أمرك...يا هرشت ...يا إما تدورلك على شغلانة تانية

مافيش خرابات فى كندا...أنا عن نفسى ما شفتش

موضوع الصنادل دة فى الصيف ...أصلهم بيطلعوا من هدومهم أول ما الصيف ييجى...مش فقر ولا حاجة

شغلانة عادل إمام عايزة كورسات برضه..وبتاخد شهادة...وتتسجل فى النقابة wst::

مش سايبة هيا العملية

تحياتى

سوسورانى

[SoSo R]

ازيك ياسوسو يارب تكونى بالف خير معلهش ياحبيبتى كنا مشغولين شويه فى الترحيب بعودة الزناتى سالما غانما بادن الله وعرفنا بالاخبار الجميله لعمل تجمع نسائى جميل يجمع صاحبات الدم الخفيف والزوق العالى :closedeyes: ياريت ياسوسو تاخدونى معاكم يمكن اتعدى واهو ينبوكم فى ثواب ...لا صحيح ياسوسو انا كنت بقولسوسوفى اونتاريو وشايله هم البعد لكن طالما حرم الزناتى اخونا وصلتلك يبقى فى امل ان شا ءالله ...استعدى بقه من دلوقتى مش ح نكلفك

كتير wst::

يا صافى أنتى

سكرة و دمك خفيف جدا بس عايزة اللى ينكشك...

ومن الناحية دى ما تقلقيش...أنا موجودة :happy:

زى ما قلت هنعمل جمعية السيدات المتوحشات ونبتدى نجمع فلوس من دلوقتى عشان نشترى قهوة تكفينا...

وتعالى يا ستى وما يهمكيش

أنا والبنتين مش هنكلفك كتير :lol:

تحياتى

سوسورانى

[SoSo R]

هو ده الكلام

طب ده انا كان عليا قلبة ياقة ومسكة كستبان يا سلام

الله يرحمه عم محمود تنبا لي بمستقبل باهر

لازال مسلسل احلام الفتي الطائر يدغدغ ذكرياتي

فاكرة عبد الوارث عسر ؟ (كان ترزي قد الدنيا ) وابراهيم الطاير الصبي بتاعه ؟

يبقي انا

ايييييييه فكرتينا بايام البقشيش خمسة ساغ

كنت اروح كاني املك الدنيا وما فيها

يا سلام يا دكتور قناوى أخيرا ظهرت؟!!!

دة أنا كنت ناوية على خناقة لو ماكنتش عبرتنى ...وأنا عمالة بدورلك على شغل عشان لما تيجى تترستأ علطول وتجيب اللينكولين...

بس ساعتها إفتكرنى بأى حاجة...إن شالله أسوق لك العربية...ب 20 $ فى الساعة أنا راضية :closedeyes:

بس بجد أى حاجة يدوية هنا بتأكل الشهد...

شد حيلك بس وكمل مع أحلام قناوى الطائر...

وعلى أد ما بتتعب صدقنى ربنا هيديك

سعيدة بعودتك يا دكتور وما تقطعش الجوابات...

تحياتى

سوسورانى

[SoSo R]

انا بقى كنت صبى مصوراتى مافيش كده

كنت اقعد معاه فى البدروم بتاع فندق سيسيل

هو يصور الزباين

وانا مرزوع فى الاوده الضلمه احمض الصور ولازم بسرعه علشان يلحق يطلعهم للزباين تانى

هىيه كانت ايام

بس انا دلوقت لهلوبه فى الفوتوشوب ينفع والا مالناش سوق فى كندا علشان كلهم بيعرفو فى الكمبيوتر

بص حضرتك...

التصوير العادى...منتشر فى الفوتو بووث...تدخل كشك كدة تصور نفسك يطلعلك شريط كامل لصورك الفورية..

محلات التصوير منتشرة فى المولات ..يا إما محلات فردانى...يا إما جوة المحلات الكبيرة زى كوسكو...زيلرز..

فاكر الفيلم بتاع روبين ويليامز اللى كان بيحمض الصور وكان بيحب أسرة معينة-مش فاكرة أسم الفيلم حد يساعدنى-

أهو الوضع هنا كدة..

طبعا قليل أوى التحميض...ممكن بروسيسنج للصور الديجيتال أو فوتوشوب ...أو تاتش أب للصور...

مش عايزة أقولك مولع نار فى أسعاره...

فيه بقى التصوير البروفيشينال...وتاخد بوز وكدة....للأسف برضه ليه كورسات ومعادلة هنا...

يعنى أقصى أمالك إنك تكون مساعد أو كاشير تحط الصور بتاعة الزباين فى الظرف وتحاسبهم عليها...

يا إما فى التصوير البروفيشينال زى اليومين دول ...تمسك الفلاش :closedeyes:

أصل فى المولات دلوقتى بيتصوروا مع سانتا فى ديكورات وهمية...

بس أسعار فظييييعة ..خلتنى أصرف نظر عن الفكرة أساسا...

مافيش بقى تمشى ع الكورنيش فى شلالات نياجرا وماسك كاميرا وصورة يا هانم ...وربنا يخليهالك يا بيه. :happy: ..أعتقد كان فيه محلات متخصصة ممكن تصورك هناك لو عايز

تحياتى

سوسورانى