أونتاريو ترحب بـ سوسو

[SoSo R]

شفت المداخلات الجميلة اوى عن موضوع القهوة

وضحكت ضحك بجد تجننوا

كان نفسى اشارك

بس انا مبشربش القهوة ينفع الشاى باللبن

إزيك يا باشمهندسة ...

أنا زمان كنت شريبة شاى بلبن...

تقريبا كان عامل زى الرضعة اللى باخدها قبل مانام

وبعدين أوعى تكونى بتشربيه بالبتاع المنيل اللى محلى ومكثف...بحس إنى بشرب شاى بالسمنة البلدى

انا مش عارف اجيبلك قلقاس لان فى الغالب فى المطار حيقولوا انه حايعمل ازمه مع القلقاس الكندى ويوقف سوقه

لكن ممكن اجيبلك نوى بلح دلوقت بيعملوه قهوه فى المغرب وسوقه ماشى

وده بقى فى الاحساء مافيش اكتر منه

يمين شمال تشوفى نخل وبعدين رمله

نخل ورمله

نخل ورمله

بح

فيه بلح وعجوة وكل ما تتمناه...

عارف البلح السعودى اللى لونه أصفر كدة وناشف-جوزى بيعزه جدا-

دة برضه موجود هنا

مافيش رملة

ممكن تجيب معاك شوية

لأن الدنيا لونها أبيض بشكل وحش

تحياتى

سوسورانى

[SoSo R]

الحبيبه سوسو ...لقيت قهوتك رايحه على الصفحة التانيه قلت الحقها ...قوليلى ياسوسو فاضل قد ايه على النتيجه علشان نكثف الدعاء ؟؟...

حاجه تانيه اسمحيلى يا سوسو اشكر اختنا ام يمنى على كلامها الجميل ..ويارب دايما كلنا متجمعين

ميرسى يا صافى دة برضه العشم إنك تحافظى لى ع القهوة فى غيابى

خصوصا إن زناتى شفط كل الزباين وهيقعدنا كلنا فى بيوتنا

وهيبقى فيه بطالة فى المنتدى

كثفى الدعاء يا صافى...

أنا حالتى كرب خالص من كتر القلق

الرخامة إن النتيجة المرة دى بالبريد العادى...مش ع الويب سايت

لأنهم بينزلوا ع الموقع الناس اللى دخلت نظرى وأوسكى مع بعض ونجحت غى الأتنين مع بعض :)

مش قادرة أتوقع هيوصل الجواب إمتى بالضبط بس المفروض فى حدود يوم 21 أو 22

بصى لو غطست وما قبتش أعرفى إنى تنتن

لو نجحت _يا رب يارب_

هاجى أعمل شقلباظات هنا

إدعى بقى كتييييييييييييير

تحياتى

سوسورانى

[SoSo R]

سوسو فى حاجة عايزاكى تبقى تحكى لنا على التعليم عندكوا عامل اية

عند مرمر فى المدرسة بيعملوا اية وبياخدوا 35 صفحة هوم ورك زى مصر ويكتبوا الدرس 9 مرات وياخدوا سبيلنج ليست اطول منهم كل يوم

ولا بيعملوا اية ؟

لا بصى عايزاكى تعقدنى بجد

نوجة أنتى بتقرى أفكارى أصلا

أنا كنت ناوية أعمل حلقات مفصلة...عن المدارس والتعليم

يمكن نزود الرجل ع القهوة بعد ما بقت بتنش

وأهو أبقى دخلت فى منطقة ماحدش لعب فيها بالتفصيل

بس بادور على رعاة للحملة الأعلانية

بصى هاتخلص من إحساس الذهول والهبل بتاع التلج وأرجعلك بحلقات بتاعة المدارس

وهاعقدك يا نوجة

تحياتى

سوسورانى

[SoSo R]

معلش يا سوسو سؤال من واحده جاهله

يعني ايه ماجيك جاك

وكمان سؤال من واحده تايهه لو عندك اي معلومه عن معادله العلاج الطبيعي تلحقيني بيها

الله يكرمك وينجحك يارب

الدكتور تهامى رد على حضرتك فى بخصوص الماجيك جاك

بالنسبة للعلاج الطبيعى ماعنديش معلومات

بس لو وصلت لحاجة هابلغك

ايه رايك يا مدام سوسورانى نفتح قسم بيع الماجيك جاك لاعضاء المنتدى

بس اشرحيلنا ازاى المفعوص ده بيشتغل علشان عقبال امالتك يا دوك احنا لسه جايين من ورا الجاموسه والتكنولوجيا الجديده دى بنسمع عنها بس لكن مش بنطبقها

وبعدين ماله السكاىب فى اللاب توب ماهو صوته كويس ومعاه صوره كمان وساعات ممكن تكلمى تليفون ارضى فى كندا وامريكا باسعار رخيصه جدا

بس الظاهر ان الستات مالهمش الا فى الحاجات السهله والقلقاس :)

انا الظاهر حابوظ الشغلانه

لا خلاص

الماجيك جاك ده حييلو خالص وبيغنى عن السكايب والياهو والهوتميل

ومش غالى

الا هو بكام ؟

هو فعلا يغنى عن كل اللى قلتهم عشان جودة صوته وسهولة إستخدامه

بكام دى بقى فى أنواع وأختيارات

http://themagicjack.ca

أدخل حضرتك ع الموقع ده وتصفحه

وأنا هاتكلم تفصيلا لو تحبوا بعد كدة

ببساطة أول مرة بتدفع 40 دولار تمن الجهاز وسنة أشتراك

بعدين تجدد ب 20 دولار كل سنة

ومافيش ليميت للمكالمات لكندا وأمريكا

تحياتى

سوسورانى

[SoSo R]

فاصل...

أروح أتمرمط فى التلج تانى عشان أجيب البنت من المدرسة

وأرجعلكم...

لو مارجعتش؟!!

يبقى هاكون مفقودة تحت العاصفة الثلجية

يبقى حد يتصل يبلغ 911

سلام

[enjisultan]

فاصل...

أروح أتمرمط فى التلج تانى عشان أجيب البنت من المدرسة

وأرجعلكم...

لو مارجعتش؟!!

يبقى هاكون مفقودة تحت العاصفة الثلجية

يبقى حد يتصل يبلغ 911

سلام

والله انتى مكافحة يا سوسو ربنا معاكى وترجعى انتى وبناتك سالمين غانمين

يا سوسو يا بنت رانى

[ehabtaher]

ربنا يحميكى ويقلل التلج حواليكى وتجيبى مرمر بالسلامه ان شاء الله

الا هو ليه الباص ما بيوصلهاش للبيت

لازم تكونى قريبه جدا من المدرسه والا ايه ؟

[wnam]

ازيك يا جميل

عامله ايه فى الثلج..اكيد انت ساكنه جنب المدرسة وعلى ما اعتقد فى مسافة اقل من ميل علشان كدة الباص مبيوصلش لو المعلومة غلط يا ريت تصححيها

على فكرة المدارس الفرنساوى بتوصل بالباص ايا كانت المسافة صغيرة ...

انا من ضمن المؤيدين فى طلب المعلومات عن المدارس

ففى كل المداخلات والقهاوى كات المعلومات عامة زى الموجودة على سايت الحكومة لكن محدش اتكلم باستفاضة عن المرحلة الثانوية بالتفصيل

انا حاسة ان دى اهم مرحلة لان الطفل بييجى من الدار للنار متعود سنيين على نظام ومرة واحدة مطالب انه يغيره وخاصة لو راح على جراد 10،11 ومطالب بتحقيق مستوى معين علشان يدخل الكلية اللى عاوزها..... لا احنا عارفين ايه هو المستوى ده وهيتعامل ازاى ....ايه المواد المطلوب مذاكرتها ....طب لو كان هنا ثانوى عادى او لغات او امريكا????

معلش دوشتك بس دى مرحلة تحديد مستقبل واعتقد دى اكتر مرحلة حرجة فى حياة اى طالب وحياه اهلة

متعرفيش اد ايه انا بحترم فيكى اهتمامك بالرد على كل المداخلات

انشاء الله تنجحى فى الامتحان

وعقبال امتحان الcitizenship

[ام يمنى]

ايه الاخبار يا سوسو رجعتي و لا لسه. ربنا يرجعك و بنتك بالسلامه من السنو ستورم دي و خلي بالك .

و عقبال منباركلك على النجاح ان شاء الله انا بدعيلك من دلوقتي اهوه :blink: يار رب نجح سوسو و مستنين الحلاوه بقى ماشي .

شكرا يا ام يمنى كلك ذوق وبعدين نورتى المكان

ربنا يخليكي يا انجي بس يا ترى القلقاس اللي عملتوه طلع طعمه ايه.هههههههههههههه

انا لو فيه حاجه مبحبهاش مبعملهاش و اريح دماغي و ابقى اشحتللي طبق لجوزي من اي حد بيعملها زي محشي الكرنب عمري ما عملته دايما بشحت فيا ريت من دلوقتي حد يجهز :lol: نفسه و يستعد يشحتني لو ربنا اراد

سلام :rolleyes:

[ehabtaher]

911

[SoSo R]

إيييييه ده .....الواحد يغيب شوية يلاقي القهوة بقيت أكبر فرع للتيم هورتونيونز في المنتدي و لمت كل الزباين .....الصراحة عفارم يا 005 تسلم الأيادي و التحويجة المظبوطة

ألف حمد الله علي السلامة يا دوك الغريب اني رجلي اتكسرت قابليكي بما فيش ....الظاهر إن المصريين في خطر ...... :blink:

بالنوسبة للتلج بقي ف Welcome to Canada ... :rolleyes:

إزيك يا دكتور عاش من شافك..

وألف سلامة على رجلك...كلنا لها..الظاهر التنظيم بتاعنا حد مركز معاه :lol:

وبعدين القهوة لا هى أكبر فرع ولا نيلة...دى حلاوة الروح بس

والزباين يا فندم عند زناتى دلوقتى ومن البداية عند حضرتك ودكتور تهامى ودكتور الشامى..

بس حضرتك ماحكيتش ذكرياتك مع القهوة..

فى إنتظار خواطرك مع القهوة

آه صحيح ..التلج عملى حالة ذهول..

تحياتى

سوسورانى

[بركة]

سوسو فى حاجة عايزاكى تبقى تحكى لنا على التعليم عندكوا عامل اية

عند مرمر فى المدرسة بيعملوا اية وبياخدوا 35 صفحة هوم ورك زى مصر ويكتبوا الدرس 9 مرات وياخدوا سبيلنج ليست اطول منهم كل يوم

ولا بيعملوا اية ؟

لا بصى عايزاكى تعقدنى بجد

نوجة أنتى بتقرى أفكارى أصلا

أنا كنت ناوية أعمل حلقات مفصلة...عن المدارس والتعليم

يمكن نزود الرجل ع القهوة بعد ما بقت بتنش :blink:

وأهو أبقى دخلت فى منطقة ماحدش لعب فيها بالتفصيل

بس بادور على رعاة للحملة الأعلانية

بصى هاتخلص من إحساس الذهول والهبل بتاع التلج وأرجعلك بحلقات بتاعة المدارس

وهاعقدك يا نوجة

تحياتى

سوسورانى

وأنا أول زبونة يا سوسو يا حبيبتي الله يخليكي وياريت تفتحي لها موضوع مستقل بعنوان مفسر عشان المعلومات تبقى مش تايهه

وربنا يكرمك يارب ما تنسينيش في الفونط الاكبر من ده شوية ( الاستجماتزم الله يسامحه بقى ) smk:

وألف سلامه والله ماعرفت الا النهارده أصلي كنت مش بدخل كتير على المنتدى الفترة الاخيرة :happy:

تم تعديل 10 ديسمبر 2009 بواسطة بركة

[myusername]

السلام عليكم,

أسجل اعجابى بالموضوع و المتابعة... انا زبون جديد, عايزين توصية بقى.... : :blink: blink:

[bent misr]

سوسو يا عسل :sad:

بقالي يومين عماله اقرأ في الي فاتني

لاني بغيييب شويه كده و أرجع تاني بس والله

غصب عني أنا حتى لما ببعد كنكم بعد أفكر فيكم

و أقول ياترى الولاد عاملين ايه دلوقتي في المحاورات :happy:

بجد بتوحشوني smk:

خلي بالك على نفسك و البنات في التلج ده و دفيهم كويس

و لما يرجعوا من المدرسه اعمليلهم شوربه عدس :lol:

طبعا أنا مش هاقولك على الاكل لانك خبره جامده فيه :blink:

[enjisultan]

ام يمنى

انا نسيت اقول اننا ما قولناش ساعتها على الغلطة دى

الغريب بقى ان الرجالة يا حرام عجبهم الاكل

طبعا انا واختى ما لمسنهوش اساسا فمش قادرة اقولك طعمها طلع اية؟

اما بالنسبة للكرنب بقى .....فانا مش عارفة الكرنبة دى الواحد يبتدى معاها الكلام منين بالضبط

تحسى ان الكرنبة دى عندها سوشيل وزدروال قافلة كدة على نفسها ومابعرفلهاش مكان ورق للحشو

وبالاسلوب دا اخرها عندى باقطعها واعملها سلطة

سوسو سوشيل وزدروال

عارفها ولا كانت مع ميتيكلس فى ص15 فى انجليزى تالتة اعدادى

[عنبو]

والله الواح\ معرفش من غيره كنتوا هتعملوا ايه ؟؟

يلا كله بثوابه

تعالى يا انجى قربى علشان قولك ازاى تعملى الكرنب

بصى هتجيبى الكرنبه بس مش اى كرنبه فيه كرنب معدل يعنى ايه معدل

كرنبه كده اول لما تيجى تسلوقيها وتسيبها خمس دقايق تلاقى ايه الورق الى المفروض هيتحشى تلون بلون كرمزى او بنك كده مش فاكر قوى يعنى وده طبعاً بسبب تغير ph

ويعدين هتجيبى Burette وتبقى مليئه بثانى اكسيد المنجيز وبعدين هتعملى ايه هتيجى الورق ده الى هو تحول الى اللون الكرمزى او بنك مش فاكر هو اسمه كده بنك مش فاكر

وتحطيه تحت البيوريت وتفضلى تنقطى نقطايه نقطايه لحد لما لون الورق يتحول الى لون الكرمب العادى ووقتها ممكن نحسب الاند بوينت

ومن الاند بوينت تضربيها فى 15 كفاكتر مخصص لكل محشى ممكن تعرفى عدد المحشيات التى ممكن تحصلى عليها من الكرنبه

وبكده نكون قدرنا نعمل محشى كرنب او ستفد على راى اخونا بتوع كندا بطريقه علميه صحيحه او تقريباً صحيحه

[بيبو كندا]

الووووووووو

911

فى واحدة مفقودة

ايوة

فى عاصفة تلجية

ايوة

خرجت تجيب بنتها من المدرسة و لحد دلوقت مرجعتش

على فكرة هى كل ما تروح مشوار او تعمل حاجة

بتلاقى العظم فى الكرشة

اية

يعنى اية كرشة

لا دة مثل معمول مخصوص ل سوسورانى

تصدقى يا دكتورة و انا اول ما ادخل المحاورات بدخل هنا على طوووول

زى ما تقولى كده كلامك و كتاباتى ممخمخانى

[wnam]

طمنينا عليك يا قمر

هو الثلج عمل فيكى ايه

وعلى العموم انا عبتلك شوية هوا دافى وناوية ابعتهولك على السريع اهه ينفع برضه فى الزنقة

[enjisultan]

والله الواح\ معرفش من غيره كنتوا هتعملوا ايه ؟؟

يلا كله بثوابه

تعالى يا انجى قربى علشان قولك ازاى تعملى الكرنب

بصى هتجيبى الكرنبه بس مش اى كرنبه فيه كرنب معدل يعنى ايه معدل

كرنبه كده اول لما تيجى تسلوقيها وتسيبها خمس دقايق تلاقى ايه الورق الى المفروض هيتحشى تلون بلون كرمزى او بنك كده مش فاكر قوى يعنى وده طبعاً بسبب تغير ph

ويعدين هتجيبى Burette وتبقى مليئه بثانى اكسيد المنجيز وبعدين هتعملى ايه هتيجى الورق ده الى هو تحول الى اللون الكرمزى او بنك مش فاكر هو اسمه كده بنك مش فاكر

وتحطيه تحت البيوريت وتفضلى تنقطى نقطايه نقطايه لحد لما لون الورق يتحول الى لون الكرمب العادى ووقتها ممكن نحسب الاند بوينت

ومن الاند بوينت تضربيها فى 15 كفاكتر مخصص لكل محشى ممكن تعرفى عدد المحشيات التى ممكن تحصلى عليها من الكرنبه

وبكده نكون قدرنا نعمل محشى كرنب او ستفد على راى اخونا بتوع كندا بطريقه علميه صحيحه او تقريباً صحيحه

ايوا اية الاضافة الجامدة دى

عندى استفسار يا محمد

لف المحشى بالطريقة دى هيطلع على شكل متوازى مستطيلات ولا هيتعمل على شكل مثلث قائم الزاوية ولا متساوى الساقين ارجو ان

الاجابة يكون فى مراعاة

للجذر التكعيبى لحجم الحلة

وشكرا

تم تعديل 10 ديسمبر 2009 بواسطة enjisultan

[عنبو]

معلش هضطر اوقف موضوع المحشى بالطريقه الكيميائيه

لحين عودة سوسو الى المنتدى يااااااااااارب ترجعى بالسلامه ياسوسو