أونتاريو ترحب بـ سوسو

[ehabtaher]

بالتوفيق انشاء الله يا ام مرمر

[ehabtaher]

علشان تدفى شويه والاولاد يتفرجوا على اصولهم

[اسكندرانيةكنداوية]

الحمد لله إنك بخير يا د/ سوسو إن شاء الله ناجحة ما تقلقيش فى إنتظارك :flr1:

[kaplan]

أشوف فيكي يوم يا سوسوراني...

فضحتينا في البلد! :D

سمعت كلامك ورحت أطلب التيم بيتس ، ما كانتش طالبة معايا غدا بضمير من يومين! رحت عدّيت على تيم هورتونز ، وقلت للواد عاوز 2 من البتاع اللي اسمه تيم بيتس. والواد يسألني عاوزه بإيه؟ قلتله عاوزه بالفراخ!

والواد كان على وشك يتكفي على وشه من الضحك! :sad:

ويقوللي ده حلو مش سندوتش... وانا اللي كنت فاكره حاجة كده زي التشيكن راب! المهم ساعتها قلتله خلاص هاخد واحد بس!

والواد يبلّم ويسألني واحد بس؟ قلتله أيوه! الواد كتم في قلبه وقاللي حاضر! كل ده وانا مستغرب إيه الغريب في طلبي! كنت عاوز أقول له أصل التيم بيتس بيجيبلي صداع لو كلت منه كتير! (وش جوزيف خوري - كتكوت - وهوّه بيتكلم ع الشاليموه wst:: )

وأفوجأ إن الحساب 15 سنت باين! غريبة العالم دي أوي!

ويسألني إنتا عاوزه بإيه؟! قلت أخليني حويط بقى! قلتله إيه الأوبشنز اللي قدّامي؟ قاللي تعالى معايا...

والمهم في الآخر خدت الـ Honey glazed ده...

ويطلع في الآخر حضرتك بتاع عامل بالظبط زي لقمة القاضي؟! :lol:

وأنا اللي طالب قطعة واحدة بس؟! wst::

وخرجت وانا باصص في الأرض ، وباقول أشوف فيكي يوم يا سوسو ، يا فاضحاني في البلد! :blink:

:lol: :wub: wst::

hahhhahahahahhahaha مش ممكن

أنا عمال أتخيل الموقف و مش قادر أبطل ضحك

[kaplan]

إن شاء الله ناجحة يا سوسو

انتي أداها و قدود :sad:

[CAPHCYMO]

جماهير الصيادلة المهاجرين كلها تهتف لصالح سوسو راني

و كلنا ايد واحدة يا بهجت .

أنتم الناجحووووووووووووووون ونحن انشاء الله بكم لاحقووووووووووووووووون

وعنننننننندك واحد أوسكي بالفانيليا وصلحه للدكتورة سوسو :lol: علشان يهدي أعصابها

(معلشي يا جماعة الأوسكي دة مشروب خاص ما بينزلش الا لكبار مهاجرين الصيادلة، يعني ماحدش يقول وانا كمان)

[Phizer]

صباح الخير يا جماعة...

أنا بجد هموت من القلق..

أنا فى إنتظار الجواب اللى مش عارفة هيوصل إمتى؟!!

النتيجة طلعت ع الويب سايت للناس اللى داخلين الأمتحانين..ونجحوا فى الأتنين..

سألت ع الناس اللى أعرفها

فوجئت بحاجات غرييييييييييييبة..

فعلا الأمتحان دة مالوش كبير ولا قاعدة..

ومن ساعتها وأنا أعصابى بايظة وتلفانة...

دة غير إنى إتكلمت مع إتنين مخلصين أعرفهم...من بتوع الشحنات السلبية..

بصراحة جابولى إكتئاب وواحدة تقولى جالها الجةاب بعد شهر..

والتانية ما جلهاش أصلا...

وحكايات زبالة مش وقتها خالص..

مش عارفة أنا الناس دى حد موصيها عليا ولا إيه

مش عارفة إيه اللى هيحصل...كله فى إيدين ربنا..

أنا باعتذر لكم إنى مش قادرة أشارك بس بصراحة أنا فى موود سىء جدا وقلق غير طبيعى..

بس دخلت أطمنكم إنى لسه ماعرفش النتيجة...وخصوصا إن ناس كتير بتسألنى ع النتيجة..وأكيد فى ناس شكت إنى ماعديتش :lol:

أنا بشكر كل حد أفتكرنى ودعالى أو بعت لى رسالة ع الخاص بصراحة مشاعر جميلة بتحسس الواحد إنه مش لوحده

أرجوكم أدعولى كتيييير...وأنا إن شاء الله هاطمنكم أول ما أعرف

تحياتى

سوسورانى

لا يا سوسو حذاري من اخونا بتوع الشحنات اياها دول

عايز اقلك واحد لسه نااجح ال MCQ II كان معدي الاوسكي من اول

ده دخل الامتحان وهو سخن وحالته ميعلم بيها الا ربنا وكان خايف يكون عنده السوين فلو فمكنش فمود الامتحان خااالص

وطلع يقلي بهدله وامتحان صعب ونفس الكلام الي انت عارفاه والحمدلله ربنا كرمه ونجح فعقبااااااااالك يا رب

لا تقلقي يا سوسو وانشاء الله الاسبوع الجاي الجواب يبقا فيه خبر نجاااحك

تم تعديل 20 ديسمبر 2009 بواسطة Phizer

[wnam]

ها يا جميل ادينا عمالين نشرب فى حاجات علشان نسلك الزور وانشاء الله هنطرقع احلى زغرودة

سيبيها على الله واكد ربنا مبيضيعش عمل حد

ناجحة يا سوسو انشاء الله

[مازن أطرش]

ناجحة إ نشالله يا دكتورة سوسو ...والأعياد حينضاف ليها عيد جديد ...عيد نجاح المعلمة سوسو ...ودقي يا مزيكة ...بإذن الله ناجحة ...وبالأول وبالآخر ...كل شي من عند ربنا خير ...لذلك لا سمح الله إذا النتيجة مش ولا بد ...(يعني نجاح مش اللي هو ...لأني املي بالله انو موش حيخجلك ..لأن ربنا بيحب اللي الناس بتحبو ..وانتي نجمك محبوب ..وكفاية المعلومات اللي بتديهالنا ...) المهم مهما تكن النتيجة ...هي خير من ربنا ...بس يا رب تنجحي ..ونغني عيد وحب ..هادي الليلة العيد بعيدين )..

مازن

[safaalabana]

يارب تكونى بخير يا سوسو ...المنتدى وحش قوى من غيرك ...طمنينا عليكى ....

[SoSo R]

أنا نجاااااااااااحت

نجحت...نجحت...نجحت

سوسورانى نجحت يارجالة...يا شباب ..يا بنات...

يا نااااااااااااااااااس:happy:

:blink:

[myusername]

الله أكبر..

الف مبروك... هاتى الحلاوة بقى يا ست هانم :blink: (انا عايز حقى ناشف :happy: )

تم تعديل 21 ديسمبر 2009 بواسطة myusername

[safaalabana]

أنا نجاااااااااااحت

نجحت...نجحت...نجحت

سوسورانى نجحت يارجالة...يا شباب ..يا بنات...

يا نااااااااااااااااااس:happy:

:blink:

مليوووووووووووووووووووووون مبرووووووووووووووووووووك يا حبيبتى يارب لك الحمد عملتيها ياسوسووووووووووووووووووووو

[SoSo R]

الله أكبر..

الف مبروك... هاتى الحلاوة بقى يا ست هانم :D (انا عايز حقى ناشف :blink: )

من أولها داخل على طمع :happy:

يعنى ناشف إزاى؟؟!!

شيك على بياض مثلا :lol:

ع العموم ممكن أعزمك على تيم بيتس مش واحدة بس زى ماعمل تهامى md2: ...لأ هاجيب لك عشرة بحالهم :D

وبعدين دة أنت كنت بتقولى إختلاف الأجيال...

وحسستنى إنى عندى 60 سنة...

دة كدة المفروض آخد منك فلوس تعويض

مليوووووووووووووووووووووون مبرووووووووووووووووووووك يا حبيبتى يارب لك الحمد عملتيها ياسوسووووووووووووووووووووو

حبيبتى يا صافى...

ربنا يخليكى ليا...

دة كفاية المساندة النفسية بتاعتك وكمية الرسايل اللى بعتيها لى بتسألى عليا..

عقبال معادلتك يا حبيبتى...

ربنا يكرمك دايما...

أشكرك يارب على خيرك معايا

[myusername]

الله أكبر..

الف مبروك... هاتى الحلاوة بقى يا ست هانم :D (انا عايز حقى ناشف :lol: )

من أولها داخل على طمع :blink:

يعنى ناشف إزاى؟؟!!

شيك على بياض مثلا md2:

ع العموم ممكن أعزمك على تيم بيتس مش واحدة بس زى ماعمل تهامى :P ...لأ هاجيب لك عشرة بحالهم :D

وبعدين دة أنت كنت بتقولى إختلاف الأجيال...

وحسستنى إنى عندى 60 سنة...

دة كدة المفروض آخد منك فلوس تعويض

ههههههههههههههههههههه انتى لسه فاكرة؟ ده انتى قلبك أبيض قوى :D

بس خلى بالك انى اول واحد قلت لك مبروك :P

ماشى عايز تيم بيتس... بس بالكبدة او بالفراخ... بس ممكن تشيلى التيم بيتس خالص و تخليها فراخ لوحديها... :D

و عموما اى حاجة من ايدك بركة... و انا قابل :happy:

تم تعديل 22 ديسمبر 2009 بواسطة myusername

[صعيدي من مونتريال]

الف مبروك يا دكتورة وعقبال البكالوريا :happy:

انا هاخد تيم بيتس بالبسطرمة ولو معاهم حبة رز بالخلطة يبقى تمام :blink:

معلش الفرقه بقالها 3 سنين ماتعشتش :lol:

تم تعديل 22 ديسمبر 2009 بواسطة صعيدي من مونتريال

[حسام يوسف]

أنا نجاااااااااااحت

نجحت...نجحت...نجحت

سوسورانى نجحت يارجالة...يا شباب ..يا بنات...

يا نااااااااااااااااااس:happy:

:blink:

مبروووووووووووووووووووووووووووووووووك

بجد أسعدتيني يا دكتور سوسوراني بالخبر ده قبل ما أدخل أنام

الف الف مبروووووووووووووك

[safaalabana]

http://www.youtube.com/watch?v=Fn9hc-RtDXQ

[safaalabana]

http://www.youtube.com/watch?v=Fn9hc-RtDXQ

:happy:

يا اخوانا حد ينزل باغنية عبد الحليم وحياة قلبى وافراحه ...انا حاولت وفشلت والحمد لله انقزونى

[صعيدي من مونتريال]

http://www.youtube.com/watch?v=Fn9hc-RtDXQ

:happy:

يا اخوانا حد ينزل باغنية عبد الحليم وحياة قلبى وافراحه ...انا حاولت وفشلت والحمد لله انقزونى

http://www.youtube.com/watch?v=zh3DVRHwVj0...feature=related

:blink: