أونتاريو ترحب بـ سوسو

[medopharm]

ألفين مبروك يا سوسو :lol:

بس تصدقي كنت حاسس بكده من امبارح بالليل ، وافتكرتك وانا في شلالات نياجرا ، والميّه بتعمل تششش mfb:

دانا حتى كشفت راسي والتلج نازل ودعيتلك ، وقلت إلهي يا بت يا سوسو يا بنت أم سوسو تعدّي الامتحان بقى عشان جالنا إحباط من الاكتئاب اللي انتي فيه ده... يا شيخة دا زي ما نكون احنا اللي نجحنا ، بس عشان الإكتئاب اللي عندك راح! :blink:

وبالمناسبة الجميلة دي إسمحولي أزف لكم خبر حلو ، عشان الفرحة تبقى ضبل...

الواد آينشتاين نجح برضه في الـ MCQ بتاع الـ QE ، ومش باقيله غير الأوسكي :rolleyes:

أيوه كده يا ولاد خلّونا نفرح بقى :lol:

فينك يا د. بريكانيديان... الأغنية دي بقيت أسمعها أفتكرك والله بجد -_-

وكمان اينشتاين نجح

الف الف الف مبرووووووووووووووووووك

ويارب يكون بخير

[SoSo R]

لسه برضه عندى أمل...

إن الشمس هتطلع بكرة...

إن الراحة هتيجى من بعد التعب...

ولسه برضه..

عندى أمل

الف مبروك وعقبال ما شمسك تنور

كمان وكمان

وعقبال لم الشمل مع باقى العائله

الله يبارك فى حضرتك يا دكتور إيهاب...

ربنا يكمل المشوار على خير...لسه برضه المشوار طويييييييل

وميرسى بجد على الصورة الجميلة دى بتدى طاقة لما تبصلها

وبمناسبة الشمس ..النهاردة الشمس تعمى ولا شمس الكويت بس درجة الحرارة -13 :D

الف الف مبروك يا مدام سوسو بجد فرحت زى متكون اختى هى الى نجحت!! :lol: :lol: -_-

ميرسى يا نادين بجد على ذوقك ...وكلامك الجميل ...عقبال الكل

و انا كمان والله... حاسس كإن امى هى اللى نجحت.. :P و ربنا يعلم انا كنت بدعيلك قد ايه.. و كنت مستنى الخبر الحلو ده...

سوسو رانى... انتى مثال للمرأة المصرية المغتربة المجتهدة... رفعتى راسنا والله... و أكيد طبعا توفيق ربنا هو الاساس.. و عن تجارب شخصية ربنا لم يخذلنى ابدا, و اعتقد انه لا يخذل اى انسان يدعيله بصدق.

بص ...النص التانى من المداخلة زى الفل...

النص الأولانى..بأه كان زمانى رديت عليك رد مش تمام...

بس يلا مسامحاك يا بنى

بس إنسى بأه القلقاس والتيم بيتس ...ولا حتة كوباية مياه

سوسو يا سوسو يا قمر يا جدعة يا شطورة الف الف مبروك فرحت جدا والله انتي اثبتي ان الموضوع مش مستحيل واديتي كل معشر الصيادلة امل كبير جدا (وبصراحة بقى ملهومش حجه) انتي بكل اللود اللي عليكي اجتهدي وربنا مضيعش تعبك الف مبروك يا سوسو بجد افرحي وافتخري بنفسك. :rolleyes:

وبالمناسبة الجميلة دي يا سوسو جماهير الصيادلة بتنادي انك تعمليلهم تذكر ان بتاعت سلاح التلميذ عشان الغلابة اللي حيمتحنوا واساسا مش عارفين يذاكروا اية منين هاهاهه :D

ميرسى يا جميل على ذوقك ومباركتك...وميرسى على الرسالة التشجيعية...

وإن شاء الله هاعمل الأضواء للطلبة الأشقياء...والصيادلة الفاقدين mfb:

الف الف مبروك يا د.سوسو

ساعات تحس كدا ان فيه ناس فعلا جدعة و قد المسئولية و تبقى

واثق انها فعلا تقدر تعمل حاجة كويسة فى حياتها .

! حقيقى انتى كنت على مستوى توقعاتنا كلنا

مرة تانية الف مبروك و فعلا تستاهلى النجاح :blink:

ميرسى يا دكتور أسكنرية قوى...ورغم إن تواجد حضرتك قليل...بس بجد بقيت أتفائل بيه..

لأنك بتيجى دايما على النتيجة..

يارب كل النتايج تطلع حلوة علطول..

وميرسى..على الكلام الكبير قوى فى حقى..

أنا فعلا خجلانة من كل المديح والتشجيع ده

تحياتى

سوسورانى

[SoSo R]

يااااااااااااااااه

ايه الحلاوه دي

سوسو بنت راني نجحت يارجاله

الحمد لله عشت وشفت اليوم ده بنفسي

انتي كده تستاهلي بيت شعر مخصوص

فين شعرك يا زوهيري

الله يبارك فيك يا أستاذ نصار وبجد سلملى على مدام سعاد...

وأنا منتظرة بيت شعر من حضرتك...زوهيرى مقاطعنا..

وحتى موضوع أم كلثوم مش راضى يكمله...ولا يستجيب لنداءاتى

إشمعنا تهامى تعمله بيت شعر وتسجيلات...

أنا عايزة أغنية شبابية فنية محكمة :lol:

ألف ألف مبروك يا دكتورة سوسو ،وبالتوفيق دايما يا رب .أنا كنت عارفة و متاكدة من النجاح :)

ربنا يبارك فى حضرتك وميرسى بجد على الثقة الغالية دى

أنا فى غاية التشوق لمعرفة ما تيسر من ظروف الامتحان والمذاكرة منين بالظبط

والجو عامل ازاى فى الامتحان عشاني وعشان باقية الاخوة الصيادلة يا سفيرتنا فى أونتاريو

ما تيسر؟!!

فيه إيه يا دكتور حسام :D

أنت هتخلينى أقلق منك :D

-_- خلى البساط أحمدى..

والكلام يبقى على مستوى القاعدة

أيوة كدة يا زعيمة شوفتى القهوة نورت و دبت فيها الحياة تانى إزاى ومش ملاحقة على الزباين إزاى :blink:

ياه دى كانت مضلمة أوى و ما لهاش طعم من غيرك :lol:

د/ سوسو يا يعيش يا يعيش :P

يا رب ما يحرمك من الفرحة ولا يحرمنا منك ومن خفة دمك :rolleyes:

ربنا يخليكى ..

القهوة حلوة بالناس اللى فيها..

خلوا بالكم من القهوة فى غيابى يا بنات mfb:

تحياتى

سوسورانى

[ابنه النيل]

الف الف الف مبروك يا دكتوره سوسو

يا تري كده خلصتي المعادله ولا لسه ناقص امتحانات تاني

معلش انا معنديش فكره عن معادله الصيادله

بس بجد فرحتلك

عقبال الوظيفه ولم شملك انتي وزوجك ان شاء الله

[/size

[عنبو]

أنا نجاااااااااااحت

نجحت...نجحت...نجحت

سوسورانى نجحت يارجالة...يا شباب ..يا بنات...

يا نااااااااااااااااااس:h!!!h:

ماااااااااااااشى يا سوثو

انا كنت واخد قفصين برتقاااااااااال "" مبحبش البرتقاااااااال على فكره "" ورايح ل لولا ابارك ليها بمناسبة عيد ميلادها وانا هناك لقيتها بتقولى ده سوثو كانت هنا وكانت فرحاااااااانه قوووووى ومبسوووطه قووووووولت غريبه دسوثو لما معرفش مكسوره لاما زعلانه قالت لا دى كانت فرحانه قوووووى قولت يبقى اكيد نجحت استأذنت لولا فى 2 كيلو برتقال بالعافيه وقولت اجى ابارك يعنى هدخل عليكى وايدى فاااااضيه

الف مبروووووووووك ياسوثو وربنا يجعل ايامك كلها سعاده ومن نجاح لنجاااااااااااااااح

نجاحك ده مش ليكى لوحدك نجاااااااحك ده نجاااااااااااح لينا كلنا

كان نفسى اعملك عصيدة شعر بس فيه امطااااارفى جده وربنا يسترها سلاموووووووووز

[norbakrahmed]

لف الف مليون مبروك يا سوسوراني دي اول مشاركه ليا في المنتدى بس انا متابعه الموضووووووع من زمااااااااااااااااااااااان و كنت مستمتعه جداااااااااااا بالدم الخفيف العسل بتاعك و بتاع كل اللي بيرد - بجد والله مشعارفه ليه كنت حاسه ان النهايه هتكون سعيده منا اصلي كنت بقرا المشاركات و كأنها فيلم عربي جميييييييييييل و طبعا لازم النهايه تبقى سعيده الحمد لله ربنا كريييييييييييييييييييم

على فكره انا كمان جوزي احمد ابراهيم في كالجاري من شهر و عقبال بقه ما اروحلو ادعيلي :h!!!h:

تم تعديل 22 ديسمبر 2009 بواسطة norbakrahmed

[wnam]

مبرووووك واحلى زغرودة لاحلى سوسو

ومتحرمناش منك تانى يا قمر

[ناوية ع الهجرة]

الف الف مبرررررررررررررررررررررررررررررررررررروك يا سوسو يا حبيبتي

يارب دايما فرحانة وناجحة ورافعة راسنا في بلاد الفرنجة

احنا نلازم نعمل اجتماع طارئ للجمعية بتاعتنا علشان نباركلك وناخدك بوستين

الف مبروك يا قمر

[arora]

مبرووووووووك مبرووووووووك

سوسورانى زعيمة الصيدلانيات المصريات فى كندا

الف مليون مبروك

وعقبال رخصة مزاولة المهنة ان شاء الله

انا متابعاك من زمااااااان

لكن اول مرة يكون ليا الشرف واكتب فى التوبيك بتاعك

[Dahshouri]

الف مبرك اخت سوسو

[Dahshouri]

الف مبرووووووووك للاخ اينشتاين

[safar]

نبارك للدكتورة سوسو راني ، وما زالت أونتاريو ترحب ب سوسوراني .

متابع للتوبيك لكن من بعيد.

وكذلك نبارك للأخ/ اينشتاين نجاحه في الامتحانات ، متمنين للجميع دوام التوفيق والنجاح وأن يهديهم الله لما يحب ويرضى.

مع تحياتي للجميع

[Pharmaher]

الف مبروووك يا دكتووورة :partytime: :egyflag: :phar: pps:

معليش جت متأخرة شوية بس خبر يفرح بجد

ربنا يوفقك و يكون معاكي

قبيلة الصيادلة كلها مستنية نصايحك و ملاحظاتك على الامتحان خبرتك ح تفيدنا اوي :phar: pps:

[Ahmed Osman]

مبرووووووووك مبرووووووووك

سوسورانى زعيمة الصيدلانيات المصريات فى كندا

الف مليون مبروك

وعقبال رخصة مزاولة المهنة ان شاء الله

انا متابعاك من زمااااااان

لكن اول مرة يكون ليا الشرف واكتب فى التوبيك بتاعك

أنا بالظبط زي الكلام إللي فوق ده بس arora سبقتني

ألف مليون مبروك مره تانية

عندي أسئلة كتير ...... بس هخليها بعد الإحتفالات

تحياتي

[Bustami]

يا سلام , هي دي الاخبار اللي نحب نعرفها , تفاؤل , تفاؤل , تفاؤل يا سلام

الف مبروك يا سوسو

[goodfaith]

مبروك يا سوسوراني

انا كنت هاتجنن لان اول مشاركة قريتها في الموضوع ده هي انك نجحتي ومكنتش عارفة ابارك لك عشان الاكاونت مكانش متفعل لسه

عقبال ما نبارك لك بالشغل يا جميل

[مازن أطرش]

الف الف الف مليون مبروك ...مش قلتلك يا مدام سوسو ...العيد حيبقى بعيدين ...اهو بقا بتلاتة او اربعة (هجري وميلادي وكريسماس ...ونجاح المعلمة سوسو ....) ..

ومن نجاح لنجاح بإذن الله ,,,

[memma]

الف الف مليوووووووووووون مبروك يا د.سوسو وعقبال الرخصة....بجد شرفتينااااااااااااااااااا

[SoSo R]

الف الف مبروك يااجمل سوسو فى الدنيا بحالها ..

مش قلت لك؟؟

كنت عارفة وواثقة من النجاح ..

كد وكفاح وتفاؤل = نجاح اكيد .

روشتة مضمونة .

معادلة اكيدة ..

نجاح دائم ان شاء الله ..

نجاح يرضيك ويجعلك تستنشقين عبير الراحة والأمل بصدر رحب يسع الدنيا كلها ..

مبروك ياسوسو ..

مبروك لكل حبايبك ولك ولكل الدنيا اللى كسبت واحدة فى جمال روحك وتصميمك ..

و..

استعدى..

هذه هى الخطوة الاولى الصحيحة على بداية طريق الأمل الجميل ..

اقصد الطريق الصحيح الواضح..

طريق بلا اى مطبات (( ان شاء الله ))..

دمت بكل الخير ..

افرحى ياسوسو ....هذا حقك..وتستحقينه عن جدارة ..

ومن عندى ...هدية جميلة اختاريها على ذوقك ..والحساب لما نتقابل ..

ودلوقت لك منى هذه الورود .. :happy: :happy: :blink: wst::

ماما سلوى حبيبتى...

سلوتى...

أفتقد حروفك وسط الحروف...

وأحببت النجاح لأنه يعجل بظهورك..لأنى فعلا أفتقد الحديث إليك..

ووجودك معى فى فرحتى هو أكبر هدية لى..

أشكرك يا ماما من كل قلبى على هذه التهنئة الرقيقة..من أرق وأجمل إنسانة عرفتها...

من فضلك ..

لا تطيلى غيابك

تحياتى

سوسورانى

[ehabtaher]

اعتقد بقى مش فاضل غير انك تدورى على شغل