أونتاريو ترحب بـ سوسو

[precanadian]

المداخلة دى من الحاجات اللى شايفاها مهمة جدا...وكان نفسى حد يقولها بالتفصيل قبل ما أسافر...

وهتكون مفيدة قوى لأى حد حيعمل لاندنج فى شهور الشتا...

لو هنقول إيه اللبس المهم من فوق لتحت...

- آيس كاب يكون سمكه تخين..

-غطاء للودان اللى عامل زى السماعات...وساعات بيكون متبطن بفرو...أنا بحس إن فى صاروخ نار داخل فى ودانى من البرد...

لو الجو برد زيادة زى النهاردة...-20 أو أكتر...يبقى الأحسن الكاب اللى عامل زى بتاع النينجا أنا بسميه بتاع الحرامية...بيغغطى المناخير والبوق بيسيب مساحة للعينين بس..

زى فيلم تيتو

-كوفيه تخينة...أو ساعات السيدات بيربطوا الشال اللى ليه شراشيب لزوم الأناقة.

- جوانتيات ودة أشكال وأنواع تبتدى من دولار واحد لحد 100 دولار أو أكتر..حسب الخامة

شرابات صوف أو شرابات من خامة زى القطيفة كدة للسيدات بتدفى جدا وتخينة

سنو بووت...ودة بيكون مبطن من جوة بفرو أو نسيج ثيرمال..

وتلاقيه كاتب بيحمى لحد درجة حرارة -30 أو -40 حسب سمكه..

بيكون فيه أنواع تقيلة قوى منه..وطبعا بيكون ووتر بروف عشان البلل..ونعله بللاستيك وليه ديزاين كدة عشان ما يزحلقش ومايغرزش جامد..-

بالنسبة للأطفال فى حاجة أسمها سنو سوت..أو بدلة تلج..عبارة عن سويتر وبنطلون ..مبطنين ومعملوين من المادة الووتر بروف..

أو ممكن جاكت وسلوبت..

هتشوفوه فى صورة مرمر فى التلج...هو دة السنو سوت..

الحلقة الجاية...

إيه اللى تجيبوه من كندا...وإيه من عندكم وأنهى أرخص..

ولو حد عندو أسئلة يحضرها

دة غير هنتكلم شوية على الفاريتيس فى كل أيتم من دول عشان تعرفوا تختاروا إزاى وليه

تحياتى

سوسورانى

انا قاعد في اول صف يا دكتوره سوسو ومستني السحلب بتاعي :lol:

بقي انا اروح ارمي كلمتين علشان انيم الراجل لحد متنزلي بموضوعك تفهميني غلط ( معلش يا تومي سامحني)

لعلمك بقه والله انا وزوجتي كل شويه نختلف في الحجات الي نجيبها معانا كندا .. انا مش عايز اشيل حاجه ادفع عليها وزن زياده او اجيب حاجه ممكتن تكون نفس السعر ف السعوديه او نجيب هدوم وتطلع في الاخر متنفعش مع برد -20 و-40

امانه الموضوع ده يكون ديتيليد .

من اول الملابس

لوازم المطبخ

فرش السراير والبطاطين نجيب ولا لا

متابعين يا فندم wst:: :lol: [/size]

تم تعديل 29 ديسمبر 2009 بواسطة precanadian

[ehabtaher]

هى الحاجات دى يا د سوسو تنفع نشتريها اونلاين وتجيلنا مثلا فى السعوديه

والا حنلاقيها هنا فى السعوديه

وازاى نعرف ان السعر ده هو سعر الاوكازيون ومش مضحوك علينا فيه يعنى مثلا نشتريها فى اخر الشتاء علشان يبقى سعرها رخيص والا ايه

وكل سنه وانت طيبه واولادك بصحه وعافيه ان شاء الله

احنا مسجلين فى اول صف اهو

والظاهر د تهامى مش حيفوتها على خير بس احنا سدادين يعنى

اول ناس نجرى

[moheltohamy]

فرش السراير والبطاطين نجيب ولا لا

يا لاهوييييييييييييي wst::

هيه وصلت للبطاطين يا دكترة ، ونعمل زي الناس اللي بيروحوا عمرة السعودية وراجعين مصر شايلين بطاطين؟! :lol:

عم الحاج...

الناس هنا عايشين وزي الفل ، ومش حاسّين بالبرد ، ولا محتاجين معونات بلادنا العامرة :lol:

يعني م الآخر ، بلاش احنا المصريين نعمل فيها ناصحين ، وجايبين البطاطين الصوف المعتبرة من بلاد بره!

وفي موضوع الشوبنج بتاعي لما ينزل ، هتعرف إن فيه أوبشنز ما بنسمعش عنها أصلاً موجودة في كندا ، ورخيصة وزي الفل!

يبقى بلاش نشيل معانا الراديو أبو حجارة بتاع سنبل (لزوم الوجاهة) ، ونروح بيه بلاد بتتفرج ع البلو راي! wst::

[SoSo R]

فله ..سالب عشرين ؟؟ wst::

تصدقي ان احنا فلتنا ؟؟

وانا اللي كنت فاكر اننا كنا عاملين حسابنا بالكام جاكيت والكوفيتين الهبل اللي جبناهم

داحنا كنا حانبقي عاملين زي عساكر الالمان في روسيا في الحرب العالمية التانية

مستني جدا حلقة ايه اللي نجيبوه معانا واحنا جايين

قصدي في فرش البيت

اه نسيت ..هيا كندا الكهربا كام هيرتز صحيح ؟ 50 والا 60 ؟

لأ فهمتنى غلط...أنا قصدى إيه اللى تجيبه من عندك من الحاجات اللى عندك فوق مش من فرش البيت...لأنى قلت رأيى قبل كدة فى موضوع ناخد معانا إيه...لو فاكر الموضوع...

وبصراحة الجاكيتات بتاعتكم أو بتاعة جىجى لأنى دة اللى شفته ..

ماينفعش نهائى لأنه زى الورقة...ولازم تحتيه طبقات..

الكهربا 110 فولت ...إيه بأه موضوع الهيرتز؟!!!

وعلى فكرة الشتا اللى حضرتوه مش شتا بتاتا...

والمفاجأه بأه...

كل الناس بتقولى إنى محظوظة لأن الشتا السنة دى زى الفل ودافى..

ومحصلش عاصفة تلجية غير مرة ونص..

اللى صورتها وشوية فكة متفرقين...

أول واحدة عملت تلج سمكه 15 سم ودة يعتبر لعب عيال :lol:

العادى إنه فوق 25 سم...

والسىء يوصل لحد 80 سم يعنى لحد وسط البنى آدم wst::

أبشر يا باشمهندس..

غالبا هتبطل السجاير وتكون إنسان جديد...وإييييييييييييييييييييييييييه :lol:

تحياتى

سوسورانى

[SoSo R]

انا تكتكت يا سوسو من دلوقتي - عشان كده جوزي مش عايزني اجي في الشتاااااااااااااااا!!!!!!! و انا افتكرت انو مرتاح مني مثلا و زعلت بس خلاص براءه بقه - مرسييييييييي على المعلومات القيمه دي

كل سنه و انتي طيبه و يارب تبقى سنه سعيده علينا جميعا و كلنا نغزو كندا 2010

كل سنة وأنتى بألف خير وتتجمعوا بسرعة يا رب wst::

أنتى بالذات تصبرى خاااالص...

مش قلتى جوزك فى ألبرتا...

دى جوها أسوء بمراحل عن أونتاريو...

التلج نزل بدرى جدا عننا...النهاردة عندهم الحرارة -25 ودى المتقاسة حطى عليهم من -5 لحد 10 عشان الويندشيل...يبقى دخلتى فى التلاتينات...

يبقى أصبرى على رزقك...

بدل ماترقعى بالصوت وتقوليله...رجعنى لمامتى

تحياتى

سوسورانى

[SoSo R]

دة غير هنتكلم شوية على الفاريتيس فى كل أيتم من دول عشان تعرفوا تختاروا إزاى وليه

تحياتى

سوسورانى

قعدت اقرا الكلمتين اللى بالاحمر دول عشر مرات عشان افهم مين فين wst::

الكلمة الاولانية varieties و الكلمة التانية item.... :lol:

يا رب أكون فهمتها غلط :lol:

________________________________________________________ من اول السطر

كل سنة و حضرتك طيبة.. و ميرى كريسماس - اوعدنا يا رب.

wst::

وحضرتك بالصحة والسلامة...وسنة سعيدة ع الكل..

لأ حضرتك فهمتهم صح!!

فين بأه المشكلة؟!!

[SoSo R]

انا قاعد في اول صف يا دكتوره سوسو ومستني السحلب بتاعي :lol:

بقي انا اروح ارمي كلمتين علشان انيم الراجل لحد متنزلي بموضوعك تفهميني غلط ( معلش يا تومي سامحني)

لعلمك بقه والله انا وزوجتي كل شويه نختلف في الحجات الي نجيبها معانا كندا .. انا مش عايز اشيل حاجه ادفع عليها وزن زياده او اجيب حاجه ممكتن تكون نفس السعر ف السعوديه او نجيب هدوم وتطلع في الاخر متنفعش مع برد -20 و-40

امانه الموضوع ده يكون ديتيليد .

من اول الملابس

لوازم المطبخ

فرش السراير والبطاطين نجيب ولا لا

متابعين يا فندم wst:: :lol:

لأ سراير إيه وبطاطين إيه؟!!

إنسى الكلام ده...هو الوزن لوحده مش مكفى...يبقى خليه فى المفيد..

أنا هتكلم عن الملابس حاليا...

إيه اللى ممكن تشتريه من الخليج وهيكون سعره أرخص من كندا وينفع فى برد كندا..

بالنسبة للبطاطين...

×حنا لابسين صيفى فى البيت...الهيتر بيسخن الجو جدا...

يعنى هو الكومفرتور الخفيف للغطا وشكرا على كدة..

والسحلب باقلبه ع النار دلوقتى wst::

تحياتى

سوسورانى

[SoSo R]

هى الحاجات دى يا د سوسو تنفع نشتريها اونلاين وتجيلنا مثلا فى السعوديه

والا حنلاقيها هنا فى السعوديه

وازاى نعرف ان السعر ده هو سعر الاوكازيون ومش مضحوك علينا فيه يعنى مثلا نشتريها فى اخر الشتاء علشان يبقى سعرها رخيص والا ايه

وكل سنه وانت طيبه واولادك بصحه وعافيه ان شاء الله

احنا مسجلين فى اول صف اهو

والظاهر د تهامى مش حيفوتها على خير بس احنا سدادين يعنى

اول ناس نجرى

الهدف إنى باكتب الكلام ده هو إنكم تجيبوا الممكن من عندكم بأسعار أرخص من كندا...

وأنا هاحاول أقول رينج السعر لكل حاجة...بحيث تقدروا تعرفوا مضحوك عليكم ولا لأ...

موضوع تشتريها أونلاين هيكلفك أكتر عشان الشيبمنت..

مالوش لزوم ساعتها...

يبقى اللى مش هتلاقيه هناك تبقى تجيبه من كندا...

وأنا فى حمايتكم لو تهامى إداها كورسى فى الكلوب...مش عايزة حد يجرى wst::

أنا بس اللى هاجرى :lol:

تحياتى

سوسورانى

[اسكندرانيةكنداوية]

:waving: الله ينور يا د/ سوسو هو ده الكلام و كل سنة وإنت و البنات طيبين ويارب تكونوا قضيتوا كريسماس سعييييد cld: و السنة الجاية تكون الأسرة كلها مع بعض يا رب

إنزلى بالمفيد بسرعة و إلحقينى أنا دلوقت باكتب الحاجات اللى حاخدها بعدين فى لستة البى فور و بعد ما قريت اللى إنت و د / تهامى كاتبيينه حسيت إنى شكلى كان حيكون وحش قوى قدام الخوجات :lol: لإنى كنت كاتبة بطاطين و لحفة ومش حاقول أية تانى لإن ما خفى كان أعظم يا نهار أبيض كنت حاشوة صورة المصرين لا لا لا الموضوع كبير كبير كبير شكل المصريين فى بلاد برة أصبح أمانة فى إيدكم يا د/ سوسو و يا د/ تهامى

[safaalabana]

يالا يا سوسو يا تلحقينا يا ماتلحقيناش .. والبطاطين لا طيب ايه اسعارها فى كندا طيب والمفارش واطقم السراير مش ممكن تكون عندكم ارخص ...والواحد يا ترى بيحتاج كم طقم thermal فوق بعض عشان ما يموتش من البرد شدى حيللك يا سوسو معانا انا عارفه انك مشغوله قوى بس حسنه قليله تمنع بلاوى كتيره

[precanadian]

فرش السراير والبطاطين نجيب ولا لا

يا لاهوييييييييييييي :lol:

هيه وصلت للبطاطين يا دكترة ، ونعمل زي الناس اللي بيروحوا عمرة السعودية وراجعين مصر شايلين بطاطين؟! :lol:

عم الحاج...

الناس هنا عايشين وزي الفل ، ومش حاسّين بالبرد ، ولا محتاجين معونات بلادنا العامرة :afr:

يعني م الآخر ، بلاش احنا المصريين نعمل فيها ناصحين ، وجايبين البطاطين الصوف المعتبرة من بلاد بره!

وفي موضوع الشوبنج بتاعي لما ينزل ) ( مستنين يا باشا بكل شوق)، هتعرف إن فيه أوبشنز ما بنسمعش عنها أصلاً موجودة في كندا ، ورخيصة وزي الفل!

يبقى بلاش نشيل معانا الراديو أبو حجارة بتاع سنبل (لزوم الوجاهة) ، ونروح بيه بلاد بتتفرج ع البلو راي! wst::

والله ضحكتني موت يا دكتور تهامي

وانا اللي كنت ناوي اطلب منك تشيلهم لي وانت نازل المره اللي جايه لان معيش وزن wst:: . شكلك قلبك كان حاسس وربنا انقذك مني.

بس مش هتفلت من طقم حلل الاستانلس الي جبته من باخشوين يا تومي لازم هتشيله علشان ابقي اعزمك علي اكل مطبوخ فيه

:blink: wst::

وبالنسبه للرديون طبعا لازم اجيبه علشان انا متعود اسمع اذاعه القران الكريم فيه :old:

حبيب قلبي يا مستر T

تم تعديل 30 ديسمبر 2009 بواسطة precanadian

[precanadian]

لأ سراير إيه وبطاطين إيه؟!!

إنسى الكلام ده...هو الوزن لوحده مش مكفى...يبقى خليه فى المفيد..

أنا هتكلم عن الملابس حاليا...

إيه اللى ممكن تشتريه من الخليج وهيكون سعره أرخص من كندا وينفع فى برد كندا..

بالنسبة للبطاطين...

×حنا لابسين صيفى فى البيت...الهيتر بيسخن الجو جدا...

يعنى هو الكومفرتور الخفيف للغطا وشكرا على كدة..

والسحلب باقلبه ع النار دلوقتى laugh.gif

تحياتى

سوسورانى

متابعين ومنتظرين النصائح

وياريت تعمليهم ايبيسودز

( ملحوظه : اتمني من ربنا ان حضرتك تكوني بخير لهجه الكتابه فيها حزن وعدم حماس اتمني ان تكوني والاسره بخير )

[somayasaleh]

الله اكبر......الله اكبر

ايوه كده يا سوسو يا اختي.....خشي بتقلك....وريحهم شغل الشوبنج النسائي ازاي :ninja:

يلا بقي ...ما تتاخريش علينا....كملي باقي الموضوع :ninja:

[د هشام ابراهيم]

إيه ده .....أنا داخل أشوف صور باميان كباب ألاقي كل الأحداث ديه :lol: ....أنا فعلا مقصر مع الكافيه ده ...أخر ما شفت كان فضيحة التهامي بن هورتنز مع تيم بيتس الفراخ :ninja:

أولا ألف ألف مبروك يا دكتورة ....عمري ما شكيت لحظة انك حتعدي في الأمتحان ده ...عقبال كل الأمتحانات الجاية باذن الله

ألف ألف مبروك كمان لدكتور أينشتين .....بني آدم محترم جدا و يستاهل كل خير :ninja:

باذن الله الدنيا تهدي كده و عايزين موضوع مستقل عن معادلة الصيدلة .....بسم الله ما شاء الله يعني الكافيه ده واقف علي رجليه و أن الأوان سوسوراني تتوسع في المنتدي و تفتح كافيه جديد

عايزين كل حاجة يا باشا ......الخطوات الأجراءات مصادر المذاكرة ....كيفية الحصول علي الأسئلة السابقة ....كل حاجة ربنا يكرمك .......لو ما ينفعش خليه موضوع في الكافيه هنا و الثواب علي الله

علي فكرة الشتا لحد دلوقتي و لا حاجة .....احنا نعتبر لسه في الخريف بمنظر الجو ده ...... دفيتي أونتاريو كلها يا 005 :lol:

[Ahmed Osman]

مساء الخير عليكو

طبعا أنا عارف إن مفيش حد حيعمل كده............. وده للمعلومه فقط

بس أنا سمعت إنو ممنوع دخول المراتب المستعمله لكندا

أللي ممكن يأكد المعلومه دي د. الشامي ...... هو الوحيد إللي شحن أثاثه المستعمل .

د. سوسو أنا مش عارف لغاية دلوقتي إنت في تورونتو ولا خارج تورونتو

و المكان ده إيه إيجابياته و سلبياته

تحياتي

[EmanRasmy]

يااااااااااه يا دكتره إيه الحلاوه دي :lol: :lol: :ninja: ... أهو ده الكلام اللي عايزيين نسمعه من زمااااااااااااااان ... شدي الهمه بقى و ما تتأخريش علينا.... و المشاريب كلها عندي يا جدعان :lol:

بس فعلا على رأي اخونا الprecanadian انتي شكلك كده مش ف المود خالص يا رب يكون بس البرد و الزهق اللي عامل فيكي كده .... ربنا معاك ... أنا باشوف نفسي فيكي ... لأني ناويه أعمل زيك كده ... أروح كندا مع الولاد و جوزي يقعد في الكويت و ربنا يعينك و يعيننا كلنا .... اتحمسي و ارجعي كده سوسوراني بتاعة زمان.... ألا بالمناسبه ... هي سوسوراني دي اختصارات لأسامي معينه .... أصلي كل ما أقول سوسوراني قدام جوزي يقعد يضحك و يحلفني أسألك يعني إيه سوسوراني؟ .... روقي كده ... و انزلي بالشوبينج و لا يهمك... إدا كان ده اللي مزعلك....و احنا هانشغل العيون عنك... عشان اللي بالي بالك ما ياخدش باله انك نزلتي الموضوع :ninja:

[SoSo R]

:ninja: الله ينور يا د/ سوسو هو ده الكلام و كل سنة وإنت و البنات طيبين ويارب تكونوا قضيتوا كريسماس سعييييد :lol: و السنة الجاية تكون الأسرة كلها مع بعض يا رب

إنزلى بالمفيد بسرعة و إلحقينى أنا دلوقت باكتب الحاجات اللى حاخدها بعدين فى لستة البى فور و بعد ما قريت اللى إنت و د / تهامى كاتبيينه حسيت إنى شكلى كان حيكون وحش قوى قدام الخوجات :ninja: لإنى كنت كاتبة بطاطين و لحفة ومش حاقول أية تانى لإن ما خفى كان أعظم يا نهار أبيض كنت حاشوة صورة المصرين wst:: لا لا لا الموضوع كبير كبير كبير شكل المصريين فى بلاد برة أصبح أمانة فى إيدكم يا د/ سوسو و يا د/ تهامى

إزيك عاملة إيه؟؟

على فكرة إحنا لسه ماقضيناش الكريسماس لأنه فى يناير...وطبعا مش متخيلة العيد هيبقى دمه تقيل أد إيه وإحنا لوحدنا...ماعلينا

بالنسبة للستة ...أنتى ممكن تكتبى أى حاجة...

أنا عملت لستة وهمية فى حالة وزنى عقلى أشحن حاجة...

فأنتى أطلقى لخيالك العنان...

بس خلى بالك..الأجهزة بيطلبوا تكتبيلها سبيسفيكيشن...النوع والموديل وكام بوصة وكدة...مع تقدير الأسعار طبعا لكل حاجة

فما تقلقيش خالص على صورة المصريين...مش البطاطين هيا المشكلة

تحياتى

سوسورانى

[SoSo R]

يالا يا سوسو يا تلحقينا يا ماتلحقيناش .. والبطاطين لا طيب ايه اسعارها فى كندا طيب والمفارش واطقم السراير مش ممكن تكون عندكم ارخص ...والواحد يا ترى بيحتاج كم طقم thermal فوق بعض عشان ما يموتش من البرد شدى حيللك يا سوسو معانا انا عارفه انك مشغوله قوى بس حسنه قليله تمنع بلاوى كتيره :ninja:

عارفة يا صافى أنا ضحكت قوى لما قريت مداخلتك...حسيت إنك هتجهزى عروسة...مفارش وأطقم سراير!!!

بصى يا ستى وجهة نظرى فى الموضوع دة...إنك تخليكى عملية فى الأول..

يعنى كام ملاية على كيس مخدة ولحافين وشكرا على كدة...

ممكن يكون فيه ناس بتحب التضبيط زيادة

بس أنا ببص لها بعملية شوية

يعنى الشقة مؤقتة

والظروف فى الأول صعبة

والواحد بيوفر...وغالبا ماحدش هيزورك...

يبقى كبرى دماغك...

والألحفة هنا فيه من عشرين دولار ل 300 حسب الجودة والملحقات...ورغى كتير

بالنسبة للثيرمال..

دة بالذات هاتكلم عليه تفصيلا...

الثيرمال ماله وما عليه wst::

تحياتى

سوسورانى

[SoSo R]

والله ضحكتني موت يا دكتور تهامي

وانا اللي كنت ناوي اطلب منك تشيلهم لي وانت نازل المره اللي جايه لان معيش وزن smk: . شكلك قلبك كان حاسس وربنا انقذك مني.

بس مش هتفلت من طقم حلل الاستانلس الي جبته من باخشوين يا تومي لازم هتشيله علشان ابقي اعزمك علي اكل مطبوخ فيه

wst:: :ninja:

وبالنسبه للرديون طبعا لازم اجيبه علشان انا متعود اسمع اذاعه القران الكريم فيه :lol:

حبيب قلبي يا مستر T

أنا بجد بأه مت من الضحك من المداخلة دى...

ودلوقت عرفت سر التضبيط فى موضوعه ومنتظرين بشوق....

وغلطتك إنك حسستها إنها بتكتب كويس wst::

وهو فى الآخر اللى جابه لنفسه...

قعد يشتكى من الزتون...أهه الحلل هتعلمه إن الله حق bv:-

لأ سراير إيه وبطاطين إيه؟!!

إنسى الكلام ده...هو الوزن لوحده مش مكفى...يبقى خليه فى المفيد..

أنا هتكلم عن الملابس حاليا...

إيه اللى ممكن تشتريه من الخليج وهيكون سعره أرخص من كندا وينفع فى برد كندا..

بالنسبة للبطاطين...

×حنا لابسين صيفى فى البيت...الهيتر بيسخن الجو جدا...

يعنى هو الكومفرتور الخفيف للغطا وشكرا على كدة..

والسحلب باقلبه ع النار دلوقتى laugh.gif

تحياتى

سوسورانى

متابعين ومنتظرين النصائح

وياريت تعمليهم ايبيسودز

( ملحوظه : اتمني من ربنا ان حضرتك تكوني بخير لهجه الكتابه فيها حزن وعدم حماس اتمني ان تكوني والاسره بخير )

هعملهم إبيسودز..

وممكن بعد كدة حضرتك أو أى حد يجمعهم فى فايل واحد...لسهولو الوصول لأى معلومة

ردا على ملحوظتك...

أنت عرفت إزاى :sad:

هو أنا مفقوسة قوى كدة...

يعنى اللى يعرفنى شخصيا ...لما بابقى متضايقة ويشوف وشى...بيعرف علطول...

وأول آلو فى التليفون بتكشفنى طوالى...

مابعرفش أدارى نوهائى...

ودة بيعملى مشاكل ساعات..

وجوزى قالى يابنتى دارى أمورك قدام الناس مش كدة!!!

لكن توصل إنها تبان فى الكتابة كمان!!!!

كدة كتيييييير :ninja:

تحياتى

سوسورانى

[SoSo R]

الله اكبر......الله اكبر :ninja:

ايوه كده يا سوسو يا اختي.....خشي بتقلك....وريحهم شغل الشوبنج النسائي ازاي :ninja:

يلا بقي ...ما تتاخريش علينا....كملي باقي الموضوع :lol:

ماأنا لو دخلت بتقلى...رجالة المنتدى هيكرهونى wst::

ومش بعيد يكسروا الكافيه على دماغى...

هما مبسوطين دلوقتى عشان هنوفرلهم فى الحاجات بتاعة الشتا!!

بس أول ماهندخل فى البارافانات والبلوزات ..والشنط والبوتات...

أنتى عارفة ردود الفعل :sad:

تحياتى

سوسورانى