أونتاريو ترحب بـ سوسو

[حسام يوسف]

المداخلة دى من الحاجات اللى شايفاها مهمة جدا...وكان نفسى حد يقولها بالتفصيل قبل ما أسافر...

وهتكون مفيدة قوى لأى حد حيعمل لاندنج فى شهور الشتا...

لو هنقول إيه اللبس المهم من فوق لتحت...

- آيس كاب يكون سمكه تخين..

-غطاء للودان اللى عامل زى السماعات...وساعات بيكون متبطن بفرو...أنا بحس إن فى صاروخ نار داخل فى ودانى من البرد...

لو الجو برد زيادة زى النهاردة...-20 أو أكتر...يبقى الأحسن الكاب اللى عامل زى بتاع النينجا أنا بسميه بتاع الحرامية...بيغغطى المناخير والبوق بيسيب مساحة للعينين بس..

زى فيلم تيتو :lol:

-كوفيه تخينة...أو ساعات السيدات بيربطوا الشال اللى ليه شراشيب لزوم الأناقة.

- جوانتيات ودة أشكال وأنواع تبتدى من دولار واحد لحد 100 دولار أو أكتر..حسب الخامة

شرابات صوف أو شرابات من خامة زى القطيفة كدة للسيدات بتدفى جدا وتخينة

سنو بووت...ودة بيكون مبطن من جوة بفرو أو نسيج ثيرمال..

وتلاقيه كاتب بيحمى لحد درجة حرارة -30 أو -40 حسب سمكه..

بيكون فيه أنواع تقيلة قوى منه..وطبعا بيكون ووتر بروف عشان البلل..ونعله بللاستيك وليه ديزاين كدة عشان ما يزحلقش ومايغرزش جامد..-

بالنسبة للأطفال فى حاجة أسمها سنو سوت..أو بدلة تلج..عبارة عن سويتر وبنطلون ..مبطنين ومعملوين من المادة الووتر بروف..

أو ممكن جاكت وسلوبت..

هتشوفوه فى صورة مرمر فى التلج...هو دة السنو سوت..

الحلقة الجاية...

إيه اللى تجيبوه من كندا...وإيه من عندكم وأنهى أرخص..

ولو حد عندو أسئلة يحضرها

دة غير هنتكلم شوية على الفاريتيس فى كل أيتم من دول عشان تعرفوا تختاروا إزاى وليه

تحياتى

سوسورانى

أنا لابس دلوقتى قميص بكم وبنطلون

وحراااااااااااااااااااان :lol:

[SoSo R]

:lol:

ألاخت الفاضله - د\سوسو

كل عام و أنت بخير ,, واضح أن الشهر ده كان شهر نجاح لأني نجحححححححححححتتتتتتتتتتت :lol: في ألايلتس ,, و الحمد لله الاسكور كان 11 و أنا محتاج 7 فقط ,, و كان نجاحك بشري خير و عقبال الباقي أنشاء الله ,,

أنا منتظر مع ألاخوه الضيوف جنبك هنا في غرفة الصلون,, و عمالين نحرق في شاي تقيل و سجائر كليوبترا ,, مستنين موضوع الشوبنج من حضرتك و طبعا واضح أن هيكون فيه منافسه مع د\ تهامي و كله لمصلحة المستهلك ,, و أحنا بنهدي النفوس , مش أكتر ,,,,,,, :lol:

و كل عام و أنتي و أسرتك بألف خير

:)

ألف مبروك لحضرتك النجاح فى الأيلتس ...واضح إن السنو ودعتنا بأخبار حلوة كلها عقبال السنة الجاية لما نفرح كلنا..

وأنا فاكرة إن حضرتك قلت إنك ماعندكش مشاكل فى اللغة لأنك كنت عايش برة...حاجة زى كدة...

بالتوفيق دايما

صباح جميل و مشرق عليكي يا سوسو - و سنه سعيده على الكل ان شاء الله - - - - يا رب كلنا نبقى في كندا السنه دي و نعمل تجمع لأ ده هيبقى مجتمع و نتعرف كلنا على بعض و طبعا هنشيل الماسك اللي انتي لابساه يا سوسو و نعرف اسمك الحقيقي ايوووووووه طبعا و لا ايه؟؟؟؟

يللا بقه انزلي بحلقة الشوبيج بلييييييييييييييز اكيد انتي عارفه الستات مستنينها اد ايه :) - و بالمناسبه دي جوزي برضو قالي انتي لما تيجي هتشتري هنا كل الستور و انتي ماشيه عشان كده مش هيعملي كريديت :) يرضيكي كده؟؟؟؟؟؟؟؟؟

روحى من وراه إفتحى حساب وأعملى كريديت ولا يهمك..

بنهدى النفوس مش أكتر :sad:

وبعدين سيبك من ألبرتا وتعالى عندنا أهو البرد هيكون أرحم

كل سنه و إنت و أسرتك كلها بخير يا د/سوسو :lol: و يارب 2010 تكون سنة خير عليكم

طمنتينى شوية فى موضوع اللستة شكرا لك

وأنتى بالصحة والسلامة...وسنة سعيدة ع الكل يارب

[SoSo R]

بالنسبة لموضوع اللستة اللى قلته مرارا وتكرارا...

آخر مرة هاقوله...

أكتبه كل مايخطر على بالكم...أى حاجة...

ماحدش هيحاسبكم أنتوا ليه ماجبتوش اللى كتبتوه...

وبعدين فيه عناوين عريضة...

زى.....

clothes

house ware

linen

مافيش حاجة بتتكتب بالتفصيل غير لو جهاز تلفزيون بلازما مثلا...يبقى هنقول باناسونيك وكذا بوصة....

كاميرا مش عارفة عاملة إزاى...

وبعدين الكهربا مختلفة...يبقى الألكترونيكس اللى هتيجى اللى هيا بتشتغل من 110 فولت فقط...والباقى مالوش لازمة

والشقق فيها تلاجة وبوتاجاز وغسالة...

وساعات ديش وشر وميكروويف لو الأيجار عالى...

والدى فى دى والبلازما فى التنزيلات بتبقى رخيصة جدا

غير كدة مش مطلوب تفاصيل...مش هنقولهم كام طبق وكام كوباية

ومش لازم اللستة تتطبع..هو فايل وورد ودمتم...

وخلوا خيالكم واسع...أى حاجة تيجى على بالكم أكتبوها

أظن الصورة وضحت أوعى حد يسأل تانى :lol:

[SoSo R]

بعد إذن الزعيمة سوسو

دخول الكونتينر اللى شحنته كان سهل جدا.....

وكما قلت لم يتم فتح الكونتينر و كان بداخله مراتب و غيره....

وعرفت أنه يتم دخول الكونتينر بكامله الى سكانر ضخم للتفتيش من الخارج فقط لأن عند الاستلام كان الشمع اللى تم وضعه فى جدة عند الشحن مازال على القفل....

خالص تحياتى

منور يا دكتور :lol: ...

ماتستأذنش حضرتك تخبط الباب برجلك وتدخل...

[SoSo R]

أنا لابس دلوقتى قميص بكم و

وحراااااااااااااااااااان :lol:

مش عارفة ليه عندى إحساس كدة والله أعلم ...

إنك بتغيظنى :lol:

أنا برضه لابسة بنصف كم وحرانة جدا جدا...

جوة البيت طبعا :lol:

[حسام يوسف]

أنا لابس دلوقتى قميص بكم و

وحراااااااااااااااااااان wst::

مش عارفة ليه عندى إحساس كدة والله أعلم ...

إنك بتغيظنى md2:

أنا برضه لابسة بنصف كم وحرانة جدا جدا...

جوة البيت طبعا :P

ماعاش ولا كان اللى يحاول يغيظك يا دكتور

القصة وما فيها انى بحب النور والشمس والنهار والنار

وأى حاجة منورة

ومرعووووووووووووووووووووووووووووووووووووووب

من البرد والشتا والتلج فى كندا

تفتكر فيه أمل يا دكتور؟ :sad:

تم تعديل 2 يناير 2010 بواسطة حسام يوسف

[ehabtaher]

السؤال الاهم بقى

ايه لازمتها اللسته اننى اكتب فيها حاجات حاجيبها ومش حاجيبها اذا كان غير متوقع اننى مثلا اجيبها من بره كندا يعنى حيفيدنى بايه الموضوع ده

يعنى لو مثلا مش متوقع مثلا اننى اشترى الحاجات دى او اجيبها معايه من بره كندا يبقى ايه لازمته اننى اكتبها

ولكم الشكر مقدما

[EmanRasmy]

إيه العباره يا زعيمه... أنا شايفاكي قاعده تتفسحي في القهاوي المجاوره .. و سايبه الزباين بتوعك متعلقين كده md2: ... وأدينا قاعدين نستنى الفيلم اللي هايكسر الدنيا ... صراع في الوادي...لأ قصدي صراع في الشوبينج.... بطولة عمالقة المحاورات :sad: wst:: ......أدينا قاعدين نطلب في مشاريب و مش عارفه على حساب مين كل المصاريف دي؟ :P

[elafifi]

السلام عليكم جميعا وازيك يا دكتوره سوسوراني يارب تكوني والاسره الكريمه بخير بخصوص لستة البي 4 لقيت خانه بتتكلم عن اذا كان في عربيه هتجيبها معاك فهل ده ممكن ان الواحد بدل ميبيع عربيته في الخليج يشحنها على كندا بدون جمارك سؤال محتاج تفكير لانه لو ينفع هتوفر علينا شقاء

شراء سياره هناك ودمتم

[ehabtaher]

تفتكر حتكلفك كام العربيه علشان تشحنها 1000 دولار والا 2000 دولار

وتفتكر لو بعتها واخذت تمنها دولارات واشتريت واحده جديده هناك بعد ماتزود عليها فلوس الشحن

مش حاتبقى افضل انك تشتريها من هناك

ده غير انك حتشترى واحده من العربيات اللى هناك والميكانيكيه متعودين عليها زى الشيفورليه والا الفورد

ده حتى لو اشتريتها مستعمله من هناك حتبقى حالتها افضل من اللى جايبها معاك (معلهش احنا بنتكلم مع بعضينا)

[znaty]

يا اخوانا موش عاوزة نباهة

ماهي واضحة زي الشمس اهي

سوسو ..يعني سيدة ..او ستهم

وراني دة عصير ..واضح انها مدمنه راني :happy:

روقي يا دكتورة واصبري ..كلها ايام وبتعدي ..وانت قلتيها قبل كدة

انما النصر ..صبر ساعة

نرجع نقول هو الحمل تقيل صحيح بس هانت اوي ..كلها برده ايام .وهاتفتكروها وتضحكوا

المهم شوية صبر

أنا أسمى ستهم أو سيدة :blink:

طيب ماقلتش له ست أبوها مثلا؟!!

موضوع أروق وأصبر....

مش عارفة أقولك إيه...

حتى إن الواحد يعمل مش واخد باله مش نافع :lol:

ربنا ييسر الحال

تحياتى

طب هانعمل ايه يعني ؟؟

ماحنا لازم ننكشك علشان تظهري wst::

فسميتك سيدة و ستهم علشان تعملي تسجيل دخول غصب عنك :lol:

ربنا ييسرلك الامور يا دكترة

[ehabtaher]

بالظبط لما نكشت زناتى وشبهته بلاعب كره بورسعيدى قصير وعينيه خضره واصلع

قام طالع على طول يقول انه 120 كيلو وبكرش وطويل بس مش قوى

شفت ازاى بقى بس انت طلعت اروبه و قولتيش الاسم لسه

[مازن أطرش]

انتو فتحتو موضوع الأكل ...وبصراحة وبكل تواضع (مع اني ده موضوع ما بيستاهل التفاخر اصلا ) احنا الحلبية (سكان مدينة حلب شمال سوريا ) اختصاصيين اكل ...وحلب معروفة بأنهابلد الطرب و ام المحاشي والكبب ..وكمان البلد اللي ما بتنام يعني احنا بنحب نبسط روحنا ..واهم سبب للبسط والسعادة هو الاكل اللذيذ ..بس احنا بنحب الأكل المدهن (الدهن بيجيب طعم رائع للأكل ..مع أنو ضار طبعا ..) المهم أنا بفكر اعمل مشروع مطعم للأكل البيتوتي ..كبة ..محشي .ورق عنب ..قبيوات ...وخلافو ...شو رأيكم ؟؟؟ على فكرة ...على اساس سوسو راني بدها تطتب حلقة عن الكل بكندا ..بس ...الظاهر عبتطبخ الحلقة على نار هادية ..

[safaalabana]

يا ترى يا سوسو يا اختى البررررررررررد مخليك مكسله تنزلى وتفتحى القهوه طيب احنا كلين قاعديين ومستنيين طب حتى فتفوته صغيره عن الthermal...اصلى كل ما افتكر ال-20 بخشششششششششششششششب واتلج وادخل فى hypothermic shock ...يالا يا سوسو ما تتاخريش يا حبيبتى

[SoSo R]

انتو فتحتو موضوع الأكل ...وبصراحة وبكل تواضع (مع اني ده موضوع ما بيستاهل التفاخر اصلا ) احنا الحلبية (سكان مدينة حلب شمال سوريا ) اختصاصيين اكل ...وحلب معروفة بأنهابلد الطرب و ام المحاشي والكبب ..وكمان البلد اللي ما بتنام يعني احنا بنحب نبسط روحنا ..واهم سبب للبسط والسعادة هو الاكل اللذيذ ..بس احنا بنحب الأكل المدهن (الدهن بيجيب طعم رائع للأكل ..مع أنو ضار طبعا ..) المهم أنا بفكر اعمل مشروع مطعم للأكل البيتوتي ..كبة ..محشي .ورق عنب ..قبيوات ...وخلافو ...شو رأيكم ؟؟؟ على فكرة ...على اساس سوسو راني بدها تطتب حلقة عن الكل بكندا ..بس ...الظاهر عبتطبخ الحلقة على نار هادية ..

على فكرة يا مازن الموضوع يدعو للتفاخر طبعا...

وكل اللى كتبته ده من أنواع الأكل بحبه وباتنشق عليه...

لحد ما لقيت مطعم إسمه الريان...فى ميساساجا...

وباسأل الراجل دة جنسيته إيه المطعم دة...قالى سورى..

والراجل من الشام...

قلتله أنا كل اللى أعرفهم حماصنة...بااااااااااااس

ودة أبتدى نكت عن الحماصنة وما سكتش

وأنا عينى هتطلع على ساندوتش الشاورمة اللى مش راضى يخلصه...

والبنت جعانة...

ودة شغال نكت

وآدى يا سيدى الصور اللى خدتهالك من جوه المطعم

وكدة أكون جبت لك الحكاية السورى اللى وعدتك بيها

تحياتى

أنا أول صورة طلعت معايا مهزوزة ...عشان كنت خايفه يطلع من الباب اللى قدامكم فى الصورة ويقول مجنونة :closedeyes:

دى كانت آخر جمعة فى رمضان...عشان كدة فى إعلان عن وجبة الأفطار

وكانت الناس بتدخل....

يعطيك العافية...

بدى عناب...ل 10 أشخاص :lol:

تم تعديل 4 يناير 2010 بواسطة SoSoRaNy

[SoSo R]

يا ترى يا سوسو يا اختى البررررررررررد مخليك مكسله تنزلى وتفتحى القهوه طيب احنا كلين قاعديين ومستنيين طب حتى فتفوته صغيره عن الthermal...اصلى كل ما افتكر ال-20 بخشششششششششششششششب واتلج وادخل فى hypothermic shock ...يالا يا سوسو ما تتاخريش يا حبيبتى

صافى الحرارة وصلت -25...حاجة تموت..

ودة حابسنى فى البيت خصوصا لما السنو ستورم إبتدت...

دة غير أسباب الأكتئاب اللى أنتى عارفاها...

وفى حوادث عربيات حصلت مع إتنين أعرفهم بسبب الجو المنيل...

فحالتى جيييييييييييييم...ماليش نفس أكلم حد...ومش عارفة أكتب حاجة ولا أرد على حد..

يعنى من الآخر..

إنى أتنفس تحت الماء...

إنى أغرق..

أغرق...

أغرق

سلام

[goodfaith]

يا ترى يا سوسو يا اختى البررررررررررد مخليك مكسله تنزلى وتفتحى القهوه طيب احنا كلين قاعديين ومستنيين طب حتى فتفوته صغيره عن الthermal...اصلى كل ما افتكر ال-20 بخشششششششششششششششب واتلج وادخل فى hypothermic shock ...يالا يا سوسو ما تتاخريش يا حبيبتى

صافى الحرارة وصلت -25...حاجة تموت..

ودة حابسنى فى البيت خصوصا لما السنو ستورم إبتدت...

دة غير أسباب الأكتئاب اللى أنتى عارفاها...

وفى حوادث عربيات حصلت مع إتنين أعرفهم بسبب الجو المنيل...

فحالتى جيييييييييييييم...ماليش نفس أكلم حد...ومش عارفة أكتب حاجة ولا أرد على حد..

يعنى من الآخر..

إنى أتنفس تحت الماء...

إنى أغرق..

أغرق...

أغرق

سلام

معلش يا سوسو هو أول شتاء بيكون وقعه كده على النفس حتى لو كان خفيف زي السنة دي هههههه

ان شاء الله السنة الجاية نفسيتك في الشتاء هتكون احسن

تعرفي لو غامرتي ورحتي تيم هورتنز ولا اي مول ولا اي مكان يخطر في بالك هتلاقي الناس عااااادي جدا عايشة حياتها ولا على بالها

انا اول سنة كنت باحبس نفسي زيك كده بس خلاص اتعودت .. دايما :closedeyes:

[مازن أطرش]

شكرا دكتورة على حكايتك الجميلة . :blush2: .فكرتيني ..بمحل شاورما ممتاز بحلب . .حتى فكرت اشتغل صنايعي عندو عشان اتعلم سر المصلحة ..ما علينا ...مستني الحلقة بتاعتك عن الطعام الكندي . :protest: ..وخلافو من الأطعمة الموجودة .... قبل ما الدكتور تهامي يبدا حلقاتو عن الطعام ...و تبدي انتي كمان ..ونضيع احنا .. :happy:

[حسام يوسف]

امبارح كان ليه موقف  

وحيث ان ماليش توبيك خاص بيه

أتعشم يا دكتور سوسوراني أن تقبلي مشاركتى فى موضوعك وأتعشم ألا يضايقك هذا

كنت عند واحد صاحبى فى بازار فى السوق بيشتغل فى العبايات والملابس عموما

فلقيت معات بنتين قمرات

فسبت الراجل يشوف شغله

وقعدت لحد لما يخلص البيعة وزباينه

لقيته بيقوللى

يا دكتور

تبعكم

ولما استغربت تبعنا يعنى ايه؟

قاللى كنديين

الله يحظك يا سايكو

قالتلى واحدة منهم رقيقة أوى أنت هتهاجر كندا فعلا؟

قلتلها اه

فى خلال سنة ان شاء الله

قالتلى هتيجي فين؟

قلتلها كيبيك وغالبا موريال

وبادرتها

حضرتك منين بقى؟

أكيد من فانكوفر؟

قالتلى

لا

البرتا؟

لا

قلت كل اللى أعرفه من مناطق

مفيش فايدة

وفى الآخر

قالتلى

ساسكاتشوان باين ولا ايه

قلتلها لا معلش

الاسم ده صعب أنطقه

مش أسكن فيه

واستأذنت صاحب المحل انى أهديها هدية بعد ما استأذنتها انى اسيبلها هية وصاحبتها طاقيتين نوبي (زيتكار)

وباي باي

لقيتها راجعة تانى وقالتلى طيب ممكن أطلب طلب أنا كمان؟

قولى يا ريحة الحبايب (دي في بالي طبعا)

قالتلى عايزة اتصور معاك

ده مين اللى بيقول؟

هية والله مش انا

طبعا لازم أستحمل المعجبين ودوشتهم

ودي ضريبة النجومية

واديتلها ايميلي عشان تبعتلى الصورة

وسلام سلام

قعدت سرحان بعد ما مشيت

ايه اللى أنا كنت حاسه ده؟

أنا كنت بالظبط حاسس انى بأقابل حد من بلدي فى غربة

طيب انا لا رحت كندا

وكل معلوماتى عنها قراءة من النت

ايه المشاعر الغير مبررة دي؟

لكن واضح انها مشاعر الانتماء الى الحلم

وأتعشم أن يكون حلما

وألا يكون كابوسا

عذرا مرة تانية يا دكتور سوسوراني

احنا اخوات

والصيادلة لبعضيهم

[اسكندرانيةكنداوية]

يا ترى يا سوسو يا اختى البررررررررررد مخليك مكسله تنزلى وتفتحى القهوه طيب احنا كلين قاعديين ومستنيين طب حتى فتفوته صغيره عن الthermal...اصلى كل ما افتكر ال-20 بخشششششششششششششششب واتلج وادخل فى hypothermic shock ...يالا يا سوسو ما تتاخريش يا حبيبتى

صافى الحرارة وصلت -25...حاجة تموت..

ودة حابسنى فى البيت خصوصا لما السنو ستورم إبتدت...

دة غير أسباب الأكتئاب اللى أنتى عارفاها...

وفى حوادث عربيات حصلت مع إتنين أعرفهم بسبب الجو المنيل...

فحالتى جيييييييييييييم...ماليش نفس أكلم حد...ومش عارفة أكتب حاجة ولا أرد على حد..

يعنى من الآخر..

إنى أتنفس تحت الماء...

إنى أغرق..

أغرق...

أغرق

سلام

د/ سوسو قلبى عندك أنا حاسة بيكى العيد قرب و إحساس الوحدة والجو البشع اللى عندك :D كلها عوامل تساعدإن الحالة تبقى جيييييم لكن إنت قدها وقدود وحتوصلى مع البنات بر الأمان وتهزمى الأحساس دة :lol: زى ماهزمتى كل الصعاب و الأمتحانات اللى فاتت كان نفسى أكون فى كندا كنت أخدتك و رحنا ضربنا 2 سموزى والا كابيتشينو بالفرينش فانيليا مع شوية تيم بيتس بالفراخ اللى تبع د/ تهامى عند تيمو و نسيتا الدنياوالبرد :P