أونتاريو ترحب بـ سوسو

[mrs gehad ahmed]

مساء الخير..

عدنا لنواصل الأرسال...بقالى مدة ماشربتش هوت سموزى ولا عتبت تيم هورتونز أصلا...

الجوانتيات..أو الميتنز

الميتنز هيا اللى بيبقى الأربع صوابع كلهم مع بعض والأبهام لوحده..

ودى منتشرة للأطفال أكتر من بتاعة الكبار

عشان نختار جوانتى صح..نحط فى بالنا...

يكون بيدفى كويس أوى وعازل للحرارة

يكون سمكه قليل مش تخين عشان نعرف نستخدم إيدينا من غير ما نقلعه..

يكون متين ما يتقطعش

الجوانتيات من أكتر الحاجات اللى محيرانى لحد دلوقتى لأنى أشتريت أكتر من واحد ومش نافعين..ودى غالبا حاجة هتتجاب من هنا لأنها مش موجودة فى الميدل إيست بالمواصفات دى..

أنواعها لا تعد ولا تحصى ..المشكلة إن الأنواع اللى تنطبق عليها المواصفات المطلوبة بتكون غالية قوى...

واحدة نصحتنى وقالت لى هاتى لك واحد ب 100 دولار وأشترى دماغك أنا أشتريت كتير وأتركنوا..وجبت الغالى

بس أنا أستكترت المبلغ بس شكلى خلاص هاستسلم..

المشكلة إن بعد الخصومات وحتى البوكسينج داى..يعنى مية تخفيض برضه أنا مستغلياه..وصل حوالى 40 دولار :lol:

الأنواع...

صوف عادى..

صوف متبطن بقماش وليه غطا يحوله لميتنز

جلد مع تريكو

تريكو من خيط عامل زى القطيفة..

جلد متبطن ودة أغلاهم وهو اللى ليه لازمة

جلد ليه حرف فرو كنوع من الشياكة..

خامة كدة سبه الشموازيه بس ما بتتبلش

نوع ووتر بروف زى السويترات ودة بيبقى تخين جدا..بس عازل من التلج مفيد لو بتشوفل السنو او بتشيل السنو من على العربية...لأنه ما بيتبلش ومابيسربش بس عيبه سمكه..صعب تسوق بيه مثلا

غير كدة هو عامل زى بتوع حراس المرمى بالضبط

الأطفال وبلا نقاش ماينفعش معاهم غير الميتنز الوتر بروف أو بتاع حراس المرمى..عشان تقيل وعشان لما يلعبوا بالتلج الجوانتى ما يتبلش

كدة الجوانتيات غطيناها..

المرة الجاية الجاكيتات

تحياتى

شكرا ثم شكرا ثم ستييين شكرا بجد علي كوكتيل النصايح المركز المسكر ده

و بجد متزعليش نفسك عشان خاطر حد .. ربنا يعلم انتي اد ايه غاليه ف قلوب ناس كتير ما اسعدهمش الحظ انهم يقابلوكي واد ايه بيدعولك وبيتمنولك الخير

خلي بالك من نفسك

[moheltohamy]

يا بنت اللزينا يا معلّمة :)

وعاملة غلبانة ، ومالكيش في الشوبنج؟! وكل التفاصيل دي في الجوانتيات بس؟! أمّال هتعملي فينا إيه في باقي اللستة؟! هيه غلطة إني دخلت قصاد محترفة صَرف :lol:

شكلي أنا اللي آخدلي جمب أحسن ، عشان المنافسة معاكي هتقفل لي قهوتي!

بس على فكرة... 40 دولار في الجوانتي بالمواصفات اللي بتقولي عليها ده مش مبلغ خالص! وتبقي خايبة بجد لو كنتي ضيّعتي فرصة البوكسنج داي من غير ما تجيبي كل اللي نفسك فيه! :lol:

متابعيييييييييييييين :lol:

[أكسيلانس]

:closedeyes:

خالص التحيه لك يا دكتوره علي ألشرح التفصيلي ,, و الحقيقه أنا كنت علطول أشوف الجوانتيات ديه في موسكو بأسعار شبه كده لكن كنت أتندر ,, و أقول لما هما هيشترو الجوانتي بس ب 100 دولار أمال لما نخش جوه شويه هندفع كام ,,, لحد ما مره أتزنقت في -30 و كان عندي أستعداد أدفع 1000 دولار بس حد يلحقني ,, و كله كوم و الأحذيه كوم ,,, أنا كنت عامل زي ألي خرج من بيتهم عريان و مخدش باله ,, رغم أني كنت لابس الهدوم الي عندي بالكامل ,,, فعلا أذا ذهبت الي روما فأفعل كما يفعل الرومان ,,,

خالص التحيه

و نهارك سعيد ,, من الغردقه المشمسه جدا النهارده

[اسكندرانيةكنداوية]

د / سوسو يا يعيش يا يعيش

الزعيم زعيم فى كل حاجة :lol:

كفيتى ووفيتى فى موضوع الجوانتيات يا رب ما يحرمناش منك :closedeyes:

فى إنتظار المزيد :lol:

[znaty]

يا بنت اللزينا يا معلّمة :lol:

وعاملة غلبانة ، ومالكيش في الشوبنج؟! وكل التفاصيل دي في الجوانتيات بس؟! أمّال هتعملي فينا إيه في باقي اللستة؟! هيه غلطة إني دخلت قصاد محترفة صَرف

شكلي أنا اللي آخدلي جمب أحسن ، عشان المنافسة معاكي هتقفل لي قهوتي!

بس على فكرة... 40 دولار في الجوانتي بالمواصفات اللي بتقولي عليها ده مش مبلغ خالص! وتبقي خايبة بجد لو كنتي ضيّعتي فرصة البوكسنج داي من غير ما تجيبي كل اللي نفسك فيه! :closedeyes:

متابعيييييييييييييين hypr:

:lol: :lol: :lol: :lol:

كل ده في الجوانتيات بس يا فالح

وانت بقالك ست اشهر في الجبنة البيضا

شكلي هامسك الفوطة واهوي عليك ومعايا ازازة الماية وانت مغمي عليك على جنب الحلبة

دي ناس جامدة برده يابا

موش كنتي تقولي يا دكتورة على موضوع جوانتيات الميدل ايست من بدري ؟؟

دة انا جربت البسه ماعرفتش اطلع المحفظة من جيبي ولا حتى ارد على التليفون

[Phizer]

كل دي انواع واصناف والي عاجبني سردك للتفاصيل ادي الشوبينج ولا بلاااش

متابعييين يا سوسوراني

[dcfarouk]

شكرا علي المعلومات الجميله يا مدام سوسوراني

[يوتوبيا]

اختي سوسو

انا اول مرة ادخل الموضوع بتاعك

لكن زعلت اني اول ماعرفت انك متضايقة وزعلانة من لأكتر من سبب وانا ما بحبش حد يزعل :rolleyes:

من الاسباب التي جعلتك حزينة اولا عدم وجود زوجك معاك وقت العيد وده طبعا صعب جدا وانا شعرت به مرتين قبل كده مرة وانا حامل في ابنتي وكان معايا اخوها 3 سنوات ونص يعني بيبي هو كمان والمرة الثانية كانت بنتي عندها سنه ونص وابني في كى جي ون

وباباهم كان في الحج يعني بالسعودية

واحنا كنا بدبي يعني لا ام ولا اب ولا حد يراعينا بغيابة وفعلا كانت فترة صعبة جدا بس ربنا عداها على خير والحمد لله وانت كمان ربنا هيعديها علىك على خير وخللي بالك زمانه هو كمان متضايق وبعادكم عنه صعب ربنا يجمعكم على خير ان شاء الله

الشئ الثاني اللي زعلك هو رسائل بعض الاعضاء الغير لائقة عشان كده انت وانا وكل الناس الطيبة لازم تعرف هي بتتعامل مع مين واديك عرفت اكيد حفظتيهم واحد واحد يعني اكيد عمرك ما هتتجاوبي مع شخصيات غي ناضجة مثلهم

والاهم ان ممكن الناس دي تكون داخلة عشان تحطم معنوياتك او بمعنى ادق يكونوا غيرانين من موضوعك المميز وحب الناس لك ويمكن كان في محاولة لابعادك عن الموضوع فطبعا ان شاء الله انت انسانة ذكية ومتفهمة ومش هتعطي الفرصة دي لحد

ثالثا والموضوع المؤلم لنا جميعا اللي حاصل في نجع حمادي واسمحلي يا استاذ تهامي المرة دي بس اصلي نفسي اوصل كلامي ده من زمان

انا هحكي واذا كنتم مصرين على عدم الحديث في هذا الموضوع بصدر رحب اقولكم احذفوه

انا مش من القاهرة ولا من الصعيد انا من مدينة من مدن الدلتا قريبة للقاهرة

حين اتذكر طفولتي وقد كنت الابنة الكبرى لاكبر فتاة في عائلة والدتي اللي هي ماما ومعنى ذلك انني كنت الفتاة المدللة التي يصطحبها الخالات والاخوال في كل مكان

اتذكر حين كنت في سن ما قبل المدرسة مرورا بأعوام دراسية عديدة ربما وصلت للاعدادية

كان منزل جدي يجاور منزل السيد يوسف

كان المنزلان برغم وجود شارع ضيق بينهما الا انني كنت اظن انهما بيت واحد

فقد كانت خالاتي صديقات لبنات السيد يوسف وليست الخالات فقط بل الجميع اب وام وابناء وبنات العائلتين

وقت عيد الفطر الكحك يتم عمله سويا ووقت عيد الاضحى نعمل الرقاق سوا طبعا انا طفلة الهو بين الجميع وسعيدة بهذا الجو الجميل وسعيدة بأن الكل يحبني ويدللني حتى بنات السيد يوسف كنت اجلس معهم لوقت طويل

اما عن زواج خالتي فما اتذكره ان حين كانت تتزين للفرح فقد تزينت في منزل جدة بنات السيد يوسف وكان بناته هم المتكفلات بالاهتمام بها لان اخوات العروسة كن مشغولات في البيت مع المعازيم ولاعداد الطعام اما انا فطبعا مع العروسة

اما عن زواج خالي وانا في اول اعدادي كل ماتتخيلوه من طعام وتورتات وبتيفورات وغيره وغيره تم عمله بمنزل السيد يوسف وكانت فرحتهم بزواج خالي لاتوصف (مثلنا جميعا)لانه كان متحمل مسئولية اخواته البنات اللي بالدراسة واخوه الصغير بعد وفاة جدي

انا بقى كنت احبهم ويحبوني جدا وحتى هذه اللحظة يسألوا عني ماما وعن اخباري في الغربة وماما توصلي سلامهم واما تشوفني طنط س في الشارع تجري علي وتحضني (مانا متربية على يديها زي مابيقولوا)

اماعمو م كان معتبرني بنته وكان يجيبلي عرسان او يقولنا ده كويس او ده مش تمام كدة يعني زي ماكل الناس متعودة انها تسأل بعضها

حتى لي معاه موقف وانا في الكلية واحد كان متقدملي وعشان عارف صلتنا به وهو صاحبه وسطه في الموضوع المهم بعد ما قعدت معاه لقيت الموضوع مش هينفع وبلغته فورا

زعل اوي واشتكاني لعمو س فكلمني واحنا في الشارع وقاللي ازاي ده الولد كويس وايه ..وايه ..وايه ... يعني من الاخر مستخسر اني مااخدوش فقلتله يا عمو س هو بيكلمني وبيحكي لي عن ارتباطه ببنت قبل كده وانا متأكدة انه لسه بيعزها فمش معقول انا اعرف كده واخده فقالي عندك حق مع اني حاسس انك انت اللي بتتلككي وانهى هو الموضوع وكل شئ تمام وعلى فكرة بابا وماما ما كانوا بيعرفو هذا الموضوع يعني كان بيني وبين اخوي و دكتور الاقتصاد بتاعنا في الكلية لان العريس كان موسطه برضه وعمو س اللي هو ابن عمو يوسف

(المهم ان الشاب ده ماشاء الله متزوج وعنده اتنين دلوقتي بشوفه وهو ماشي في الشارع والظريف انه تزوج البنت اللي كان مرتبط بها يعني انا كنت وش خير عليهم انهم حللوا خلافتهم ورجعوا لبعض هههههههههههه)

خالي ايضا كانت له علاقة اكثر من طيبة مع السيد يوسف شخصيا بعد وفاة جدي وكذلك كان هو وابناء السيد يوسف كالاخوان لكن لم تنجبهم بطن واحدة فكان ينام عندهم اويناموا عنده واما في اواخر ايام السيد يوسف كان لايترك منزل الجد ويظل مع خالي الكبير حتى اخر وقت ممكن وبعد ان تزوج خالي الكبير اصبح فكان يتركه ليرجع بيته لزوجته ولكن السيد يوسف مستمتع بقعدته وخاصة ان خالي الصغير كبر واصبح شابا فكانوا يجلسون معا وطبعا بما ان منزلنا القديم كان قريبا جدا من منزل الجدة فأنا احكي عما رأيته بنفسي لاني انا وابي وامي واخوتي كنا يوميا (في اجازة الصيف طبعا ) في منزل جدتي اي نجلس جميعا كجلسة سمر مساء وهذا استمر حتى صرت انا بالاعدادية تقريبا الى ان توفى السيد يوسف

وعمري ما هنسى بقى طنط (أ) زميلة ماما في الشغل اللي اتفقت مع اختها اللي جات تزورها من اسماعيلية عشان تعملي فستان ابيض احضر به مسابقة الموسيقى بتاعتي وانا في خامسة ابتدائي وفعلا عملتهولي وكان تحفة

وطنط أ دي كانت بتسيب اولادها وهي رايحة الشغل عند زوجة خال ماما لانهم جيران حتى ماما كانت بتقول قد ايه هم الاتنين كانوا بيستأمنوا بعض يعني اللي تحتاج فلوس من التانية وهي مش موجوده تفتح الشنطه وتاخد اللي هي عايزاه وتبلغ صاحبة الشنطة لما ترجع

حتى مديرة القسم بتاعي اللي كانت عايزة تعلمني كل شئ في الشغل وتقوللي الامل فيكم لازم حد يفهم الشغل كويس عشان لما تمسكوا مكاننا تبقوا شاطرين

يعني هذا الجانب من قصة حياتي المختصرة جدا انا بحكيه عشان هو في الذاكرة وجزء من حياتي انا واسرتي

احب اعرفكم ان جميع من ذكرتهم في حديثي غير اسرتي واستاذ الاقتصاد والعريس هم اخوة مسيحيون

عشان كده انا واحدة من الناس لما بسمع في الاعلام عن الاهوال اللي بتحصل بين المسلمين والمسيحين بزعل جدا وبقول ده كدب

اكيد اللي بيحصل بيكون شئ غير عادي

المصريين كلهم حوالين بعض ماكنش بيفرق معانا لا انت ديانتك ايه ولا منين في مصر كله بيحب بعضه اما دلوقتي كل شئ اصبح دخيل علينا حتى الناس اللي لها اغراض شخصية سياسية او اقتصادية عايزين يلعبوا بينا عشان هم يكسبوا في الاخر

اديكم شفتم عينه بسيطه من مجتمعنا شفتم كنا عايشين ازاي ازاي بمنتهى البساطة حد يجي يقولنا ده المسيحين بيكرهوا المسلمين ولا المسلمين عايزين يقضوا على المسيحيين

طيب ببساطة ممكن حد يقوللي كم واحد مصري مغترب في دول اوروبيه او اجنبية بمعنى ادق غير اننا كمان هنا شوف كم واحد منتظر يجي الدور عليه ويسافر ور حتى لسة بيملا بياناته زيي كده عشان يسافر برضه

طيب اللي بره دول فيهم كم واحد مسلم اكيييد كتيييير طيب لما هم خرجوا بره بلدهم مصر وراحوا بلاد اجنبيه معظمهم يدينوا بالمسيحية ممكن حد يقوللي لما واحد بيكره واحد وعايز يقضي عليه بيروح يسكن جنبه ليه

غريبه صح !!!!!!!!!!!!!!!!!!!!!!

يعني الافكار دي مش افكار مصريين بس الظاهر احنا مابقناش عارفين نفكر لنفسنا عشان كده ادينا فرصة للكثيرين انهم يفكرولنا بس بم ان العين بتكره اللي اعلى منها فاصبح اللي بيفكرولنا دول عايزين يدمرونا بأي طريق

ومن الاخر بدل ما كان المسلم والمسيحي بيحاربوا في خندق واحد ضد العدو الحقيقي اللي اغتصب ارضنا بقت امنية العدو الحقيقية ان يحقق هدفه الرئيسي وهي تشتيت كل قوة ممكنة لنا

والاولى اننا نلمح هذه الحقيقة وان نصل الي اليقين بها حتى لا نعطي فرصة للاعداء ان يفككوا امة ونحن من الدول القليلة التي يطلق عليها انها امة لان ولاءنا وانتماءنا لوطنا برغم كل عيوبها وبرغم كل اللي بنعانيه فيها الا اننا مستحيل ننسى او نغفل ان وطنا الام هو مصر

عشان كده اتمنى ان ييجي اليوم واسمع فيه ان شعب مصر قوة لايمكن اختراقها

هل سيحدث هذا في يوم من الايام ؟؟؟؟؟ ...........لا ادري

اخواني انا قلت شئ كان نفسي اقوله من زمان عشان ارتاح بس

وتفضلا لا اريد تعليقات من الاعضاء

وشكرا للادارة اذا سمحت لمشاركتي بالنشر

تم تعديل 12 يناير 2010 بواسطة نهر النيل

[somayasaleh]

الله ينور عليكي يا سوسو يا حبيبتي

ايوه كده....وريهم الشوبنج الحريمي يبقي ازاي....... :happy:

التفاصيل الصغيرة ده مهمة جدا للي ح يشتري اي حاجة فبل ما يسافر

انا سحبت كرسي اهو..... وقاعدة لك في اول الصف.... وكلي عيون قارئة :lol:

[memma]

:happy:

خالص التحيه لك يا دكتوره علي ألشرح التفصيلي ,, و الحقيقه أنا كنت علطول أشوف الجوانتيات ديه في موسكو بأسعار شبه كده لكن كنت أتندر ,, و أقول لما هما هيشترو الجوانتي بس ب 100 دولار أمال لما نخش جوه شويه هندفع كام ,,, لحد ما مره أتزنقت في -30 و كان عندي أستعداد أدفع 1000 دولار بس حد يلحقني ,, و كله كوم و الأحذيه كوم ,,, أنا كنت عامل زي ألي خرج من بيتهم عريان و مخدش باله ,, رغم أني كنت لابس الهدوم الي عندي بالكامل ,,, فعلا أذا ذهبت الي روما فأفعل كما يفعل الرومان ,,,

خالص التحيه

و نهارك سعيد ,, من الغردقه المشمسه جدا النهارده

:lol:

هو انت يا اكسيلانس غردقاوى زيى ولا ايه طب قوللى انت فين ونتقابل يا أخى ده احنا جيران والغردقة مش كبيرة اوى يعنى

[ناوية ع الهجرة]

الله ينور عليكي يا سوسو

لا بجد والله انت جميلة قوي وجدعة قوي لأننا شفنا ناس كتير في المنتدى لما يقابلها موقف سخيف

على طول بتنسحب وما ترداش تكمل وانت رغم كل مشغولياتك ونفسيتك اللى واضح انها مش ولابد وطبعا ربنا يعينك

قعدتك في الغربة لوحدك بالبنات اكيد شئ مش سهل ابدا

لكن انت برضه لسه بتكتبي وتفيدي الناس مش لاقية حاجة اقولها غير ربنا يكرمك وييسر لك كل امورك

ويالا وريهم ان الستات دايما اشطر في ذكر تفاصيل اي حاجة مش الشوبنج بس :lol:

شكلي كده بلعب في عداد عضويتي :happy: مساء الخير يا دكتور تهامي

[elpelasy]

صوف عادى..

صوف متبطن بقماش وليه غطا يحوله لميتنز

جلد مع تريكو

تريكو من خيط عامل زى القطيفة..

جلد متبطن ودة أغلاهم وهو اللى ليه لازمة

جلد ليه حرف فرو كنوع من الشياكة..

خامة كدة سبه الشموازيه بس ما بتتبلش

نوع ووتر بروف زى السويترات ودة بيبقى تخين جدا..بس عازل من التلج مفيد لو بتشوفل السنو او بتشيل السنو من على العربية...لأنه ما بيتبلش ومابيسربش بس عيبه سمكه..صعب تسوق بيه مثلا

غير كدة هو عامل زى بتوع حراس المرمى بالضبط

يا جوانتياتك يا كندا

والله الدكتورة سوسو عاملة شغل جامد جدا مش عارفيين نشكرك الذاى يا دكتورة

[goodfaith]

بس أنا أستكترت المبلغ بس شكلى خلاص هاستسلم..

المشكلة إن بعد الخصومات وحتى البوكسينج داى..يعنى مية تخفيض برضه أنا مستغلياه..وصل حوالى 40 دولار

سوسو اذا فضلتي صامدة شهر كمان من غير ما تستسلمي فيه تنزيلات حلوة اوي بتكون على آخر شهر 2 تقدري تقولي كده تصفيات الشتوي ابقي هاتي جوانتي كويس للسنة الجاية وانتي بخير ان شاء الله

[صعيدي من مونتريال]

:lol: wst:: wst::

كل ده في الجوانتيات بس يا فالح

وانت بقالك ست اشهر في الجبنة البيضا wst::

:lol:

الكيلو ب 15 دولار

انا خلاص بطلتها

عشان الكولسترول برضه :happy:

متابعين يا د سوسو

مش اي اي ولا زي زي

احلى حاجه هنا موضوع OPEN SHOP

اشتريت بوت للتلج من وال مارت

للناس اللي مش هنا

وال مارت ده على فكره افخم محل في بر كندا :P

بعدها بشهر حسيت انه ضيق علي

قلت خلاص اروح اشتري واحد تاني

وانا هناك قلت استعبط واقولهم عايز اغيره

لقيت الكاشير بيرجعلي الفلوس

قلت بس دي حكاية حلوة قوي

الشتا فاضل فيه شهرين

كل شهر موديل وابقى ارجعه

ناس طيبين قوي po::

[dcfarouk]

ياريت يا دكتوره سوسوراني تعملي موضوع الاحذيه بالمره

[EmanRasmy]

يا سوسو يا جااااااااااااااااااااااااامد.... أيوه كده هو ده الكلام.... ربنا معاكي يحفظك و يخليلك مرمر و اختها..

[اسكندرانيةكنداوية]

يا سوسو يا جااااااااااااااااااااااااامد.... أيوه كده هو ده الكلام.... ربنا معاكي يحفظك و يخليلك مرمر و اختها..

د/ إيمان خاصية إستقبال الرسائل عندك ملغاة أنا حاولت أبعت لك رسالة النهاردة

[EmanRasmy]

مش عارفه ؟؟ أنا لسه فاتحه لوحة التحكم بتاعتي و مش عامله إلغاء للرسائل الخاصه و لا حاجه...مش عارف العيب فين بالضبط!! عموما انا هابعت لك الإيميل بتاعي ع الخاص :lol:

[Dr Remon]

دكتوره سوسوراني

اول مره اشوف موضوعك النهارده

حلو جدا... ان بصيت على اخر ورقتين... بس حاروح و اشوفه من الاول

تحية اعجاب و تقدير.. و شكرا على النصائح الغالية

[bent misr]

حلوة أوووووي يا سوسو التفاصيل دي

أهو ده الشرا و لا بلاش :sofa:

لما نشوف بقى الستات و لا الرجاله في موضوع

الشوبينج ده :)

واخدلي بالك يا تهامي يا أخويا :D

بس والله أبدا أنا حاسه برضوا انه هاينزل بموضوع

جامد زي عاويده بس يا رب ينزل بقى

كملي يا سوسو و احنا متابعين :)

تم تعديل 13 يناير 2010 بواسطة bent misr