أونتاريو ترحب بـ سوسو

[SoSo R]

مساء الخير..

معلهش يا جماعة الموود اليومين دول فى الداون خالص...وموضع الجاكتات دة عايز بال رايق...

بس مضطرة أبتدى فيه لأنى جالى خبرية إن التنزيلات فى الكويت واخدة حقها وخصوصا فى سنتر بوينت وإتش آند إم والمحلين دول تارجت بالنسبة لنا...

فعشان تلحقوا هنبتدى فيهم..

دة غير إن مهرجان التسوق بتاع دبى خلاص 15 يناير...

وعموما تنزيلات تصفيات الشتوى عامة...بتبتدى حاليا..

كل ده هيساعد ناخد جود ديلز فى الحاجات اللى ينفع تتجاب من هناك...

بس إسمحولى أحط أغنية عمالة أعيد وأزيد فيها...لأسباب شخصية جدا كل ما أسمعها دموعى بتنزل من غير ما أحكمها...قلت بأه فرصة الصفحة فى أولها أقعد أسمع الأغنية وأنا باكتب الردود...

ياريت ماحدش يقعد يتريأ على تنزيلى لأغانى...لأن الموضوع بتاعى دة باجمع فيه كل ما بحب ...كل مشاعرى وظروفى...باعتبره مرجع لأيامى فى كندا...

وبابقى فعلا مبسوطة لما ألاقى فيه كل الأغانى اللى بحبها وخصوصا إن د.هشام ما بيعترفش بأى مغنيين من بتوعنا...وإلا كنت حطيت الأغنية فى موضوعه مزيكا حياتى يا عين

خدوا الأغنية وقولى لى رأيكم

تحياتى

[SoSo R]

شكرا ثم شكرا ثم ستييين شكرا بجد علي كوكتيل النصايح المركز المسكر ده

و بجد متزعليش نفسك عشان خاطر حد .. ربنا يعلم انتي اد ايه غاليه ف قلوب ناس كتير ما اسعدهمش الحظ انهم يقابلوكي واد ايه بيدعولك وبيتمنولك الخير

خلي بالك من نفسك

ربنا يخليكى يا جهاد على الكلام الحلو ده..

وأتمنى إن فيه ناس تستفيد من كلامى لأن فعلا هيوفر فى الفلوس كتير

مش عايزة غير إن الناس تفتكرنى بالخير وتدعيلى...

لأنى :sad:

يا بنت اللزينا يا معلّمة :blink:

وعاملة غلبانة ، ومالكيش في الشوبنج؟! وكل التفاصيل دي في الجوانتيات بس؟! أمّال هتعملي فينا إيه في باقي اللستة؟! هيه غلطة إني دخلت قصاد محترفة صَرف :wub:

شكلي أنا اللي آخدلي جمب أحسن ، عشان المنافسة معاكي هتقفل لي قهوتي!

بس على فكرة... 40 دولار في الجوانتي بالمواصفات اللي بتقولي عليها ده مش مبلغ خالص! وتبقي خايبة بجد لو كنتي ضيّعتي فرصة البوكسنج داي من غير ما تجيبي كل اللي نفسك فيه!

متابعيييييييييييييين wst::

ماعاش اللى يقفلك قهوتك يا دكتور...أنا طبعا أعتبر شهادة حضرتك حاجة تشرف...

بس بكره هييجى اليوم اللى موضوعى دة هيوصل للصفحة الخمسين لما أنا أروح ...

ويفضل موضوعك متصدر..لأن طبعا المنتدى ما ينفعش من غير كندا التى رأيتها

:aslam:

خالص التحيه لك يا دكتوره علي ألشرح التفصيلي ,, و الحقيقه أنا كنت علطول أشوف الجوانتيات ديه في موسكو بأسعار شبه كده لكن كنت أتندر ,, و أقول لما هما هيشترو الجوانتي بس ب 100 دولار أمال لما نخش جوه شويه هندفع كام ,,, لحد ما مره أتزنقت في -30 و كان عندي أستعداد أدفع 1000 دولار بس حد يلحقني ,, و كله كوم و الأحذيه كوم ,,, أنا كنت عامل زي ألي خرج من بيتهم عريان و مخدش باله ,, رغم أني كنت لابس الهدوم الي عندي بالكامل ,,, فعلا أذا ذهبت الي روما فأفعل كما يفعل الرومان ,,,

خالص التحيه

و نهارك سعيد ,, من الغردقه المشمسه جدا النهارده

:waf:

على فكرة إحنا كان عندنا شمس النهاردة ع الساعة 11 بس الصراحة مالهاش أى دور...

ولو على المواقف بتاعة الجوانتيات...ممكن أحكيلك للصبح..

بس مش عايزة أخوف الناس اللى جاية فى فبراير أكتر ما هما مرعوبين

[SoSo R]

د / سوسو يا يعيش يا يعيش :wub:

الزعيم زعيم فى كل حاجة :king:

كفيتى ووفيتى فى موضوع الجوانتيات يا رب ما يحرمناش منك

فى إنتظار المزيد wst::

أرجو تكونى أستفدتى لأنك أكتر واحدة بتزن على موضوع الشوبنج...

يعنى تقرى وتطبقى ومستنية تيجى تقولى أشتريتى إيه

:blink: :aslam: :sad: wst::

كل ده في الجوانتيات بس يا فالح

وانت بقالك ست اشهر في الجبنة البيضا :waf:

شكلي هامسك الفوطة واهوي عليك ومعايا ازازة الماية وانت مغمي عليك على جنب الحلبة

دي ناس جامدة برده يابا

موش كنتي تقولي يا دكتورة على موضوع جوانتيات الميدل ايست من بدري ؟؟

دة انا جربت البسه ماعرفتش اطلع المحفظة من جيبي ولا حتى ارد على التليفون

وحشتنا مداخلاتك يا باشمهندس...الكافيه كان ناقصها زبون مهم

وشكلك بقيت زى مراتك بتقرا من سكات أو ما بتقراش خالص!!

أنا جوزى برضه بيقولى بأه جبت جوانتى إيه...حكااااية

بتاع شوبير :lol:

قلت له طيب ماتخليك فى إكرامى احسن...شوبير مش تمام

المهم الجوانتى تحس إن إيدك دخلت جوه الفرن..

خليه يا باشمهندس هينفع برضه...وهات واحد تانى من هنا بالمواصفات اللى أنا قلتها

كل دي انواع واصناف والي عاجبني سردك للتفاصيل ادي الشوبينج ولا بلاااش

متابعييين يا سوسوراني

أهلا بيك يا دكتور...منور

شكرا علي المعلومات الجميله يا مدام سوسوراني

عفوا دكتور فاروق

[SoSo R]

اختي سوسو

انا اول مرة ادخل الموضوع بتاعك

لكن زعلت اني اول ماعرفت انك متضايقة وزعلانة

عزيزتى نهر النيل أولا أشكرك على وجودك معانا...

اشكرك أكتر على المساحة الجميلة اللى حطيتها..

بجد كلامك كله وصلنى..مساحة دافية قوى..

وهو ده المفروض...بس ربنا يسامح اللى كان السبب

وأنا باشكر معاكى الأدارة اللى سابت مداخلتك الرائعة

الله ينور عليكي يا سوسو يا حبيبتي

ايوه كده....وريهم الشوبنج الحريمي يبقي ازاي....... :wub:

التفاصيل الصغيرة ده مهمة جدا للي ح يشتري اي حاجة فبل ما يسافر

انا سحبت كرسي اهو..... وقاعدة لك في اول الصف.... وكلي عيون قارئة :blink:

على الله تسمعى الكلام وتشترى اللى باقول عليه

مش تقعدى فى أول صف أونطة يا سمسمة

الله ينور عليكي يا سوسو

لا بجد والله انت جميلة قوي وجدعة قوي لأننا شفنا ناس كتير في المنتدى لما يقابلها موقف سخيف

على طول بتنسحب وما ترداش تكمل وانت رغم كل مشغولياتك ونفسيتك اللى واضح انها مش ولابد وطبعا ربنا يعينك

قعدتك في الغربة لوحدك بالبنات اكيد شئ مش سهل ابدا

لكن انت برضه لسه بتكتبي وتفيدي الناس مش لاقية حاجة اقولها غير ربنا يكرمك وييسر لك كل امورك

ويالا وريهم ان الستات دايما اشطر في ذكر تفاصيل اي حاجة مش الشوبنج بس :aslam:

شكلي كده بلعب في عداد عضويتي مساء الخير يا دكتور تهامي :sad:

ميرسى قوى على ذوقك...أنا ضيفتك ع السيكو سيكو بس نو ريسبونس

شوفى كدة عندك؟!

على فكرة الناس اللى بتقرا أو مجموعة منها موهوبين فى تطفيش أى حد عايز يساعد أو يضيف معلومة...

والتاريخ بيأكد كلامى

يا جوانتياتك يا كندا

والله الدكتورة سوسو عاملة شغل جامد جدا مش عارفيين نشكرك الذاى يا دكتورة

حمدالله ع السلامة..

ما شفتش حضرتك من ساعة موضوع القهوة...

على فكره لسه ليه كمالة الموضوع بس نخلص موضوع اللبس

سوسو اذا فضلتي صامدة شهر كمان من غير ما تستسلمي فيه تنزيلات حلوة اوي بتكون على آخر شهر 2 تقدري تقولي كده تصفيات الشتوي ابقي هاتي جوانتي كويس للسنة الجاية وانتي بخير ان شاء الله

هاحاول أصمد...بيقولوا لى زيلرز كان موصله 35$

أروح أجيب ولا أستنى يمكن ينزل تانى؟!

[مازن أطرش]

كوني شايفك دلوقتي موجودة ...فبحب افكرك بموضوع الطعام ..ولا نسيتينا ؟؟؟ انا ما نسيتش البرازق والمبرومة والبلورية والكنافة والبقلاوة ...بس دول بعد الأكل اللذيذ اللي حتكبلينا عليه ..

[SoSo R]

يا سوسو يا جااااااااااااااااااااااااامد.... أيوه كده هو ده الكلام.... ربنا معاكي يحفظك و يخليلك مرمر و اختها..

ربنا يخليكى يا دكتورة وما يحرمنيش من ذوقك

دكتوره سوسوراني

اول مره اشوف موضوعك النهارده

حلو جدا... ان بصيت على اخر ورقتين... بس حاروح و اشوفه من الاول

تحية اعجاب و تقدير.. و شكرا على النصائح الغالية :wub: :blink:

أهلا يا دكتور ريمون منورنا...

كل سنة وحضرتك طيب

حلوة أوووووي يا سوسو التفاصيل دي

أهو ده الشرا و لا بلاش :aslam:

لما نشوف بقى الستات و لا الرجاله في موضوع

الشوبينج ده wst::

واخدلي بالك يا تهامي يا أخويا :king:

بس والله أبدا أنا حاسه برضوا انه هاينزل بموضوع

جامد زي عاويده بس يا رب ينزل بقى :sad:

كملي يا سوسو و احنا متابعين :waf:

حلوة الدبلوماسية دى...مش عايزة تضربى فى المشرف..

برضه السلطة لازم تكون راضية ومبسوطة

ومين جاور السعيد يسعد :lol:

[SoSo R]

كوني شايفك دلوقتي موجودة ...فبحب افكرك بموضوع الطعام ..ولا نسيتينا ؟؟؟ انا ما نسيتش البرازق والمبرومة والبلورية والكنافة والبقلاوة ...بس دول بعد الأكل اللذيذ اللي حتكبلينا عليه ..

مازن بعد اللى الأكل بتاعك اللى بتقوله ...مافيش كلام يتقال..

أدخل مؤقتا عند د.تهامى بيعمل سندوتشات جبنة

صبر نفسك بساندوتش عقبال ما أنا أخلص

سلام

[goodfaith]

سوسو اذا فضلتي صامدة شهر كمان من غير ما تستسلمي فيه تنزيلات حلوة اوي بتكون على آخر شهر 2 تقدري تقولي كده تصفيات الشتوي ابقي هاتي جوانتي كويس للسنة الجاية وانتي بخير ان شاء الله

هاحاول أصمد...بيقولوا لى زيلرز كان موصله 35$

أروح أجيب ولا أستنى يمكن ينزل تانى؟!

بصي تنزيلات آخر السيزون بتوصل ل 80% يعني لو ب 100$ ممكن يوصل 20$ بس لازم تكوني حاطة عينك على حاجة ومتابعاها باستمرار لحد ما توصل لسعر حلو وتشتريها

اذا عارفة انك ملكيش بال او مش هتكوني فاضية للمتابعة المستمرة وقت التخفيضات اشتري وخلاص ولو لقيتي بعدين حاجة تانية سعرها لا يقاوم هاتي برضو ممكن لون بني مثلا مش هيخسر الواحد بيحتاج اكتر من جوانتي في الجو ده

انا مرة جبت سنو سوت لابني ب 13 دولار بعد التاكس وسعرها الاصلي كان ب 60 دولار من جاب بس وقتها كنت فاضية من غير عيال وجوزي كان مسافر فكنت مقطوعة للمولات والمحلات

ومن ذا باي جبت بنطلونات رجالي الواحد ب 15 دولار بعد ما كان السعر الاصلي 75 دولار يعني بجد فيه ديلز بتكون حلوة اوي بس المهم المتابعة المستمرة عشان تعرفي الوقت المناسب والمكان المناسب

[bent misr]

مالك يا سوسو انتي مش في المود خالص :blink:

أنا حاسييت من طريقه كتابتك و طبعا الاغنيه

الروووووعه الي حاطاها :aslam:

اهدي كده و فرفيشي و ياريت نتكلم

حاسه بيكي و بخنقتك من الغربه :wub:

[EmanRasmy]

بجد بجد يا سوسو الأغنيه دي حلوه قوي ... أنا بموت ف هشام عباس و معظم أغنياته ليها معايا ذكريات حلوه... ربنا يخليك رجعتيني لأيام جميله ...

[adamdec]

سوسو بجد كانت واحشانى مداخلاتك. اسفة انى مكتبش من بدرى بس انا كنت عيانة و مازلت, بس اول يوميت تلاتة كانوا وحشين اوى.

مش ببقى مبوسوطة لما بحس انك داون و مش فى فالموود وبيبقى نفسى لو فى حاجة اقدر اعملها بس المسافات طويلة و اليد قصيرة

انا حاسة انى بهيس فاعذرينى بس الادوية الى باخدها الظاهر كده عملالى دماغ :amb:

تم تعديل 14 يناير 2010 بواسطة adamdec

[wnam]

ايه يا سوسو عدى واهى الايام هتعدى بسرعة إنشاء الله

دا الواحد بيستنى اللى بتكتبيه ويقعد يضحك وينسى هموم الدنيا

ربنا انشاء الله سيجمعكم على خير

[جايه لك يا كندا]

العزيزة الفاضلة سوسوراني، كل سنه وانتي وعائلتك الكريمة بألف خير وصحه وسعاده يارب، احب ابعت لك احلى الأمنيات بعام كله خير وسعاده وصحه وراحه بال بإذن الله.

وعايزه اقولك ألف حمدالله على سلامتك لأني فعلا مكنتش عارفه انك تعبانه إلا بعد موضوع المهندس زناتي، حمدالله على سلامتك وربنا يديكي الصحه ياباشا. ربنا يكرمكم ويوفقكم لكل الخير بإذن الله ومتابعينك باستمرار عزيزتي.

[memma]

والله ياد.سوسو انت من اخف الناس دما فى المنتدى .....ولا تيأسى واصبرى ولا تكتئبى لأن اللى جاى اكيد احسن....ده انا كل مااقرا كلمة (نوهائى)بيجيلى هستيرية ضحك...ربنا وقلوبنا معاكى..اومال لو مكنتيش مشتركة بقى فى المنتدى ده كنت هتعملى ايه

[saeedo]

يا سلام .....لما الشمس بتطلع .....بس ايام الشتا .....بيبقى ليها طعم تانى زى طلعة حضرتك يا دك والله انا مش مهتم بالموضوع قد ما انا مهتم ان حضرتك شاركتى ورديتى على الناس اللى بيحبوكى وليا استفسار الملابس الشتوى بطبعها تقيلة وميزانها كذلك طيب......هو مش الوزن المسموح بيه على الطيارة محدود ولا ممكن الناس تسافر بالباخرة ...انا اسمع ان البرى له لحد 100 كيلو ..... طيب لما تكون الاسرة صغيرة فردين او ثلاثة مش يجيبوا بس الاساسيات ولما يوصلوا ربنا يحلها انا بس حبيت افهم

وعايز اعرف شوية عن سنو بيت وكيف يمكن تجنبها خصوصا مع الناس الجديدة على البلد اللى معندهاش خبرة بكيفية التصرف فى الحالات المماثلة ( زى ما كنت اشوف بعض الاخوة المصريين فى دبى او الشارقة فى شهر سبعة و ماشى فى الشارع بيدور على شغل المسكين مفكرها زى مصر الجو ممكن الاحتمال ببعض الشقى وبعد شوية يكتشف انه فى الانعاش من ضربة شمس ) لذلك اردت ان اعرف اكثر عن هذه النقاط وان كان قابل سيادتك مواقف مماثلة او غيرها وعرفتى ان قلة الخبرة هى السبب وشكرا لكى مع اطيب تمنياتى :amb:

[dcfarouk]

يا سلام .....لما الشمس بتطلع .....بس ايام الشتا .....بيبقى ليها طعم تانى زى طلعة حضرتك يا دك والله انا مش مهتم بالموضوع قد ما انا مهتم ان حضرتك شاركتى ورديتى على الناس اللى بيحبوكى وليا استفسار الملابس الشتوى بطبعها تقيلة وميزانها كذلك طيب......هو مش الوزن المسموح بيه على الطيارة محدود ولا ممكن الناس تسافر بالباخرة ...انا اسمع ان البرى له لحد 100 كيلو ..... طيب لما تكون الاسرة صغيرة فردين او ثلاثة مش يجيبوا بس الاساسيات ولما يوصلوا ربنا يحلها انا بس حبيت افهم

باخره

ياخبر ابيض

ربنا يدينا ويديك طوله العمر ديه تاخد حوالي شهر تقريبا (بصراحه انا معرفش اد ايه)

ياريت اللي عنده فكره عن البواخر يضيفها

بس انت لو شفت تيتانك هتفكر تاني

انا مش مشكله انا بعرف اعوم لو حصل حاجه هنط في الميه وادخل من مضيق جبل طارق وادخل علي المتوسط هتلاقي علي ايدك اليمين وانت داخل المتوسط

مينا اسكندريه عليها فنار صغير وقلعه هناك اسكندريه

انا قلت احتياطي اقول السكه عشان لو حد راح باخره وغرقت ولا حاجه وطلبت معاه يرجع عوم

[precanadian]

مساء الخير..

معلهش يا جماعة الموود اليومين دول فى الداون خالص...وموضع الجاكتات دة عايز بال رايق...

بس إسمحولى أحط أغنية عمالة أعيد وأزيد فيها...لأسباب شخصية جدا كل ما أسمعها دموعى بتنزل من غير ما أحكمها...قلت بأه فرصة الصفحة فى أولها أقعد أسمع الأغنية وأنا باكتب الردود...

ياريت ماحدش يقعد يتريأ على تنزيلى لأغانى...لأن الموضوع بتاعى دة باجمع فيه كل ما بحب ...كل مشاعرى وظروفى...باعتبره مرجع لأيامى فى كندا...

وبابقى فعلا مبسوطة لما ألاقى فيه كل الأغانى اللى بحبها وخصوصا إن د.هشام ما بيعترفش بأى مغنيين من بتوعنا...وإلا كنت حطيت الأغنية فى موضوعه مزيكا حياتى يا عين

خدوا الأغنية وقولى لى رأيكم

تحياتى

بتنزل دمعه من عينيي .. على اللي كان بينها وينيي ..

وتمشي حياتي وسنيني .. لكن أحزاني مبتمشيش ..

وعارف انه ميصحش .. ومفروض ان انا مبكيش ..

حاولت كتير أكون أقوى .. حاوت وقلبي مطوعنيش ..

بتيجي في بالي .. وضحكتها مبتسبنيش ..

بتيجي في بالي .. على ذكراها لسه بعيش ..

بتيجى في بالي .. وأعمل ايه عشان متجيش ..

قالولي البعد بيقسي .. مسير الوقت هينسي ..

ينسي مين ده انا نفسي .. اشوفها وحتى متشوفنيش ..

انا عايش على الذكرى .. فاكرها وهيا مش فاكره ..

واقول حنساها من بكره .. ولكن بكره ده مبيجيش ..

بتيجي في بالي .. وضحكتها مبتسبنيش ..

بتيجي في بالي .. على ذكراها لسه بعيش ..

بتيجى في بالي .. وأعمل ايه عشان متجيش ..

كلمات: امير طعيمه

الحان: عزيز الشافعي

[/quote

]

وادي كمان صفحه فيها الاغنيه ,وكلماتها يا دكتوره

تسجيل متابعه

ولسابع مره تاخدي شهاده من الريس الكبير الدكتور تهامي ودي شهاده من كاتب محترف . لسه شهاده من الدكتور الشامي ودكتور هشام ويبقي اخذتي الذهبيه الثلاثيه من المنتدي

وعلي فكره متنسيش شهاده الاخت الفضله لولا والسيده الفاضله salwa

دمتم بحفظ الله

[norbakrahmed]

حلوه اوووي اووووووووي يا سوسو انا اول مره اسمعها بجد - ابقى اسمعي برضو اغنية نانسي عجرم سلمولي عليه لايقه علينا لوي بحكم يعني ان اجوازنا مش معانا :blink:

بوسيلي البنوتات و ربنا معاكي و يقويكي على الشهر تامتلج ده

علي فكره جوزي في كالجري الحراره بقت عندو فوق الصفر و التلج تقريبا ساااااااااااااح عقبالكو 

[enjisultan]

مساء الخير او صباح الخير الاخت الغالية سوسو رانى اية بس مود الدوان دا ؟

احنا عندنا بنات تكتئب بذمتك ؟

كلة هيبقى وهمى ان شاء الله يا بنتى احنا نجيب للكآبة اكتئاب ولا نكتئبش(بكتب المداخلة وباعيط)

:blink: :lol: :) :wub:

بس يا بنتى هو مود الشتا كدة فى مصر فى كندا فى الهند اتوقع ان هو كدة

فى الشتا الناس بتتلم كدة وتقعد فى جنب وتلبس لبس مغطى بطبقة من الاسمنت المسلح

ولا تفتكرى يكون عشان انا مش باكتب مداخلات كتيرة من مداخلاتى الطويلة الهلامية المحتوى صح ؟

على الارجح السبب التانى اقوى

[qenawy]

د انجي

د سوسو

خدواالنكتة الحقيقية دي عشان بس تكمل

جات الست الكبيرة تكشف

خير يا حاجة

راحت مطلعة لي صورة 4 في 6 لبنتها عندها عشرين سنة وقالتلي اهه

قلت خير قالتلي شعرها بيقع اهه زي ما انت شايف في الصورة اهه

قلتلها طب ليه ما جبتيش البنت

قالتلي بناتنا ما بتنكشفش علي رجاله

قلت تمام

كتبت الروشتة وقولتلها تمشي علي العلاج لمدة شهر

وبعد شهر

تصوري بنتك وتجيبي الصورة استشارة