أونتاريو ترحب بـ سوسو

[Alrefaey]

د انجي

د سوسو

خدواالنكتة الحقيقية دي عشان بس تكمل

جات الست الكبيرة تكشف

خير يا حاجة

راحت مطلعة لي صورة 4 في 6 لبنتها عندها عشرين سنة وقالتلي اهه

قلت خير قالتلي شعرها بيقع اهه زي ما انت شايف في الصورة اهه

قلتلها طب ليه ما جبتيش البنت

قالتلي بناتنا ما بتنكشفش علي رجاله

قلت تمام

كتبت الروشتة وقولتلها تمشي علي العلاج لمدة شهر

وبعد شهر

تصوري بنتك وتجيبي الصورة استشارة

هههه حلوة يادكتور قناوى بس هقولك موقف اظرف من كدة حصل فى الرياض مع طبيب بردة

حجز رجل كشف ودخل يشتكى للطبيب عن اعراض يعانى منها فى البطن وقام الطبيب بالكشف عليه واثناء كتابة الطبيب للروشتة سألة المريض عفويا كدة هو الدواء دة بيأثر لو فيه حمل ! استغرب الطبيب لسؤال الرجل , فقال الرجل للطبيب لا تأخذنا يادكتور اصل الاعراض دى لزوجتى وانا استحيت انى اقولك !

[qenawy]

هههه حلوة يادكتور قناوى بس هقولك موقف اظرف من كدة حصل فى الرياض مع طبيب بردة

حجز رجل كشف ودخل يشتكى للطبيب عن اعراض يعانى منها فى البطن وقام الطبيب بالكشف عليه واثناء كتابة الطبيب للروشتة سألة المريض عفويا كدة هو الدواء دة بيأثر لو فيه حمل ! استغرب الطبيب لسؤال الرجل , فقال الرجل للطبيب لا تأخذنا يادكتور اصل الاعراض دى لزوجتى وانا استحيت انى اقولك !

حلوة حلوة

بالمللي حصلت برضه معايا

مع فارق بسيط

بعد ان انهيتالكشف علي الانسة التي اشتكت من مغص شخصته COLITIS

عادي

تدوس بسيط علي الCOLON تقول اه

جيت اديها حقنة SPASMOCI ولا مش فاكر ايه

رفضا رفضا باتا

طب ليه يا بنتي

قالت اصلي مش اناالتعبانة دي اختي الكبيرة

[qenawy]

بيني وبينك

اهم حاجة الفيزيتا

ان شاء الله يكون الزبون مرحوم :)

بهزر طبعا

[اسكندرانيةكنداوية]

ههههههههههه حلوين قوى ياد/qenawy و يا أستاذAlrefaey

يارب ياد / سوسو تكونى ضحكتى و خرجت شوية من المود اللى مش تمام دة

متابعة وفى إنتظار المزيد و أول ما أوصل تورونتو إن شاء الله حاديكى التمام

والله يعينا على إنتظار د/ تهامى بقى له كام يوم بيعمل فى ساندويتشات الجبنة البيضاء انا سامعة إن فى أزمة فى الجبنة البيضا فى المنطقة الشرقية الخوف تمتد الأزمة للعيش و الطمام و الخيار الله يستر و يسهل :)

[MaYousof]

د انجي

د سوسو

خدواالنكتة الحقيقية دي عشان بس تكمل

جات الست الكبيرة تكشف

خير يا حاجة

راحت مطلعة لي صورة 4 في 6 لبنتها عندها عشرين سنة وقالتلي اهه

قلت خير قالتلي شعرها بيقع اهه زي ما انت شايف في الصورة اهه

قلتلها طب ليه ما جبتيش البنت

قالتلي بناتنا ما بتنكشفش علي رجاله

قلت تمام

كتبت الروشتة وقولتلها تمشي علي العلاج لمدة شهر

وبعد شهر

تصوري بنتك وتجيبي الصورة استشارة

سبحان الله هو يعني مافيش في مصر دكاترة حريم ينكشفوا عليهم

الله يكرمك يا دكتور قناوي والله حكاويك كلها جميلة :rolleyes:

[adamdec]

:rolleyes: حلوة اوى يا دوك بجد وقعتنى من الضحك انا و جوزى

[myusername]

د انجي

د سوسو

خدواالنكتة الحقيقية دي عشان بس تكمل

جات الست الكبيرة تكشف

خير يا حاجة

راحت مطلعة لي صورة 4 في 6 لبنتها عندها عشرين سنة وقالتلي اهه

قلت خير قالتلي شعرها بيقع اهه زي ما انت شايف في الصورة اهه

قلتلها طب ليه ما جبتيش البنت

قالتلي بناتنا ما بتنكشفش علي رجاله

قلت تمام

كتبت الروشتة وقولتلها تمشي علي العلاج لمدة شهر

وبعد شهر

تصوري بنتك وتجيبي الصورة استشارة

الست دى شكلها واعرة جوى

بس مش المصوراتى راجل برضه؟ ولا عندهم كاميرا فى البيت؟ :rolleyes:

[ELSHAMY]

كوني شايفك دلوقتي موجودة ...فبحب افكرك بموضوع الطعام ..ولا نسيتينا ؟؟؟ انا ما نسيتش البرازق والمبرومة والبلورية والكنافة والبقلاوة ...بس دول بعد الأكل اللذيذ اللي حتكبلينا عليه ..

مازن بعد اللى الأكل بتاعك اللى بتقوله ...مافيش كلام يتقال..

أدخل مؤقتا عند د.تهامى بيعمل سندوتشات جبنة wst::

صبر نفسك بساندوتش عقبال ما أنا أخلص

سلام

حللللللللللللللللللللللللللوة و ملعوبة......ضحكت من قلبى bsh:)

تم تعديل 15 يناير 2010 بواسطة ELSHAMY

[SoSo R]

مساء الخير عليكم..

هنبتدى عن الجاكيتات والبلاطى..وركزوا معايا من فضلكم ..لأن دى حاجة ممكن فيها توفير ممتاز

لو هنقسمها عندنا كاجوال وفورمال بالنسبة للرجالى والحريمى..

هنبتدى طبعا بالحريمى..

الفورمال واللى برضه ممكن ينفع نلبسه على اللبس الكاجوال هو الصوف ثم الصوف ثم الصوف..

ممكن كنوع من التوفير نجيب بالطو صوف أو جاكت صوف ونلبسه فى كل المناسبات أو على كل أنواع لبس الخروج..بس دة طبعا ليه عيبين..

هيقصر عمر البالطو وهيتبهدل بسرعة...كمان مش هنكون مستريحين وإحنا بنشترى طلبات الأسبوع مثلا,,,هنحس بتكتيفة..

طيب إيه الأنواع..

جاكت عادى

جاكت قصير ممكن يكون فوق خط الوسط بشوية وده الموضة حاليا بس ما بيسترش فى البرد الشديد

بالطو لحد الركبة أو فوق الركبة بشوية

بالطو طويل لحد الأرض

طبعا التفصيلات والموديلات لا حصر لها..

الألوان نفس الشىء..جيبه لون غير الأسود...

معظم الناس بتجيبه أسود عشان يمشى مع كل الألوان ..

ممكن واحد أسود وواحد بيج أو بنى...

اللون اللى منتشر طحن لدرجة إنى كرهته الكاروهات أبيض فى أسود..بس كاروهات عريضة...تحسوا إن البشر كلها لابساه!!!

طبعا لما نجيبه لون غير الأسود بنراعى توافق اللون مع الكوفيه والجوانتى والكاب..ومع لبسنا الأساسى..وسلملى على المصاريف!!!

حاجة مهمة نراعيها...البالطو لازم يكون مبحبح شوية يعنى أكبر نمرة ولا حاجة لأننا بنلبسه فوق لبسنا لو بدلة ولا تايير

لو هو مقاسه مضبوط بالسنتى يبقى الطبيعى إنه مش هيقفل والكم هيكون كابس والواحد هيكره حياته أكتر ماهو كارهها

الصوف لازم يكون تقيل وسميك عشان نضمن إنه يسد فى البرد

المحلات التارجت اللى هنلاقى فيها حاجات حلوة وشيك واسعارها أرخص من كندا

بى إتش إس،زارا،دبنهامز،إتش آند إم

والميزة إن الحاجات دى ماعليهاش طلب فى الخليج لطبيعة الجو عشان كدة أسعارها بعد التنزيلات بتكون روعة

بالنسبة لهنا عشان نقارن السعر وأنتوا بتشتروا

البالطو النضيف كخامة ويكون مشدود مش راخى وحالته ممتازة يبتدى من 150 لحححححححححححححححد أنا شفت ب750 دولار

دة غير ال13% تاكس...طبعا ممكن دلوقتى تتخيلوا الفرق ودى حاجة تستاهل تتشال من هناك بدل مانجيبها من هنا بالغالى

والميزة ممكن نجيب كذا لون وندلع نفسنا بدل سياسة البالطو الواحد ...لأن فى الآخر ممكن كلهم مايجيبوش تمن بالطو واحد من هنا بكواليتى ممتازة

خلى بالكم إن فى كندا الحاجات الرخيصة زيادة بتبقى الكواليتى تعبانة وباين عليها إنها تشيب فعلا

إختاروا صوف تقيل ومحترم زى الحاجات الأنجليزة بتاعة زمان.

المرة الجاية الكاجوال الحريمى والرجالى كله

تحياتى

[SoSo R]

سوسو اذا فضلتي صامدة شهر كمان من غير ما تستسلمي فيه تنزيلات حلوة اوي بتكون على آخر شهر 2 تقدري تقولي كده تصفيات الشتوي ابقي هاتي جوانتي كويس للسنة الجاية وانتي بخير ان شاء الله

هاحاول أصمد...بيقولوا لى زيلرز كان موصله 35$

أروح أجيب ولا أستنى يمكن ينزل تانى؟!

بصي تنزيلات آخر السيزون بتوصل ل 80% يعني لو ب 100$ ممكن يوصل 20$ بس لازم تكوني حاطة عينك على حاجة ومتابعاها باستمرار لحد ما توصل لسعر حلو وتشتريها

اذا عارفة انك ملكيش بال او مش هتكوني فاضية للمتابعة المستمرة وقت التخفيضات اشتري وخلاص ولو لقيتي بعدين حاجة تانية سعرها لا يقاوم هاتي برضو ممكن لون بني مثلا مش هيخسر الواحد بيحتاج اكتر من جوانتي في الجو ده

انا مرة جبت سنو سوت لابني ب 13 دولار بعد التاكس وسعرها الاصلي كان ب 60 دولار من جاب بس وقتها كنت فاضية من غير عيال وجوزي كان مسافر فكنت مقطوعة للمولات والمحلات bsh:)

ومن ذا باي جبت بنطلونات رجالي الواحد ب 15 دولار بعد ما كان السعر الاصلي 75 دولار يعني بجد فيه ديلز بتكون حلوة اوي بس المهم المتابعة المستمرة عشان تعرفي الوقت المناسب والمكان المناسب

على كلامك دة يبقى أصمد أحسن..

سنو سوت ب 13 دى ماحصلتش ولا شفتها حتى فى البوكسينج ويك

دة أنا جبت فيه حاجات للعيال روعة ببلاش تقريبا

بس الجاكتات ماكانوش منزلين فيها قوى

[alaafrench m]

ما شاء الله عليكى يا دكتورة سوسو

الواحد على ما ربنا يسهل ويكون على ابواب كندا

يدكون داخل كندا وكانه عايش فيها من زمان

طبعا دا بفضل وصفك الدقيق لكل حاجة

وربنا يوفقك دايما

[SoSo R]

مالك يا سوسو انتي مش في المود خالص :sad:

أنا حاسييت من طريقه كتابتك و طبعا الاغنيه

الروووووعه الي حاطاها :wub:

اهدي كده و فرفيشي و ياريت نتكلم wst::

حاسه بيكي و بخنقتك من الغربه :ninja:

ربنا يسهل ..أفرفش دى بحاول بس مش عارفة :sad:

بجد بجد يا سوسو الأغنيه دي حلوه قوي ... أنا بموت ف هشام عباس و معظم أغنياته ليها معايا ذكريات حلوه... ربنا يخليك رجعتيني لأيام جميله ...

العفو يا دكتورة ولو عايزة تشاركينا بأى أغنية تحبيها ياريت

سوسو بجد كانت واحشانى مداخلاتك. اسفة انى مكتبش من بدرى بس انا كنت عيانة و مازلت, بس اول يوميت تلاتة كانوا وحشين اوى.

مش ببقى مبوسوطة لما بحس انك داون و مش فى فالموود وبيبقى نفسى لو فى حاجة اقدر اعملها بس المسافات طويلة و اليد قصيرة wst::

انا حاسة انى بهيس فاعذرينى بس الادوية الى باخدها الظاهر كده عملالى دماغ :amb:

ألف سلامة يا نادين..واضح إن الناس كلها أخدت أدوار زى الفل..المهم إنك أحسن دلوقتى

والأدوية دى تمام فى الدماغ

بافكر أخد منها دلوقتى عشان أعمل دماغ أنا كمان :ninja:

ايه يا سوسو عدى واهى الايام هتعدى بسرعة إنشاء الله

دا الواحد بيستنى اللى بتكتبيه ويقعد يضحك وينسى هموم الدنيا

ربنا انشاء الله سيجمعكم على خير

إزيك يا باشمهندسة ...

دعواتك..لو كانت الهجرة رجلا لقتلته bsh:)

العزيزة الفاضلة سوسوراني، كل سنه وانتي وعائلتك الكريمة بألف خير وصحه وسعاده يارب، احب ابعت لك احلى الأمنيات بعام كله خير وسعاده وصحه وراحه بال بإذن الله.

وعايزه اقولك ألف حمدالله على سلامتك لأني فعلا مكنتش عارفه انك تعبانه إلا بعد موضوع المهندس زناتي، حمدالله على سلامتك وربنا يديكي الصحه ياباشا. ربنا يكرمكم ويوفقكم لكل الخير بإذن الله ومتابعينك باستمرار عزيزتي.

أخيرا كتبتى وشاركتى..

أهلا بحضرتك وأرجو إنك تقرى كويس اللى كتبته وتستفيدى بالتنزيلات الموجودة عندكم

والله ياد.سوسو انت من اخف الناس دما فى المنتدى .....ولا تيأسى واصبرى ولا تكتئبى لأن اللى جاى اكيد احسن....ده انا كل مااقرا كلمة (نوهائى)بيجيلى هستيرية ضحك...ربنا وقلوبنا معاكى..اومال لو مكنتيش مشتركة بقى فى المنتدى ده كنت هتعملى ايه

أتمنى فعلا يا دكتور إن الجاى يكون أحسن...ولو إنى أشك

ونوهائى على فكرة مش بتاعتى لوحدى ..فيه ناس تانية بتستخدمها برضه

تحياتى

[SoSo R]

يا سلام .....لما الشمس بتطلع .....بس ايام الشتا .....بيبقى ليها طعم تانى زى طلعة حضرتك يا دك والله انا مش مهتم بالموضوع قد ما انا مهتم ان حضرتك شاركتى ورديتى على الناس اللى بيحبوكى وليا استفسار الملابس الشتوى بطبعها تقيلة وميزانها كذلك طيب......هو مش الوزن المسموح بيه على الطيارة محدود ولا ممكن الناس تسافر بالباخرة ...انا اسمع ان البرى له لحد 100 كيلو ..... طيب لما تكون الاسرة صغيرة فردين او ثلاثة مش يجيبوا بس الاساسيات ولما يوصلوا ربنا يحلها انا بس حبيت افهم

وعايز اعرف شوية عن سنو بيت وكيف يمكن تجنبها خصوصا مع الناس الجديدة على البلد اللى معندهاش خبرة بكيفية التصرف فى الحالات المماثلة ( زى ما كنت اشوف بعض الاخوة المصريين فى دبى او الشارقة فى شهر سبعة و ماشى فى الشارع بيدور على شغل المسكين مفكرها زى مصر الجو ممكن الاحتمال ببعض الشقى وبعد شوية يكتشف انه فى الانعاش من ضربة شمس ) لذلك اردت ان اعرف اكثر عن هذه النقاط وان كان قابل سيادتك مواقف مماثلة او غيرها وعرفتى ان قلة الخبرة هى السبب وشكرا لكى مع اطيب تمنياتى

موضوع الباخرة عمرى ما سمعت حد إستخدمه لأنك هتوصل بعد عمر طويل قوى...شهر كدة لو مش مستعجل

بالنسبة لخبرة الجو والفروست بايت ..ممكن نتكلم عن مساوىء الجو..بس تأكد حضرتك لو ألتزمت باللبس اللى أنا قايلة عليه...خلاص مش هيكون فيه مشاكل.

ع العموم هنتكلم تفصيلا بعد كدة عشان نوضح النقطة دى

وادي كمان صفحه فيها الاغنيه ,وكلماتها يا دكتوره

تسجيل متابعه

ولسابع مره تاخدي شهاده من الريس الكبير الدكتور تهامي ودي شهاده من كاتب محترف . لسه شهاده من الدكتور الشامي ودكتور هشام ويبقي اخذتي الذهبيه الثلاثيه من المنتدي

وعلي فكره متنسيش شهاده الاخت الفضله لولا والسيده الفاضله salwa

دمتم بحفظ الله

ميرسى يا دكتور قوى على اللفتة الظريفة بتاعة إقتباس الأغنية...

وبالنسبة لشهادات الخبرة دى كلها ...هاحاول عشان أحصل على شهادة الأيزو بعد كدة ويمكن تفيد فى الريسومى ولا حاجة لوقدمت فى منتديات تانية :sad:

فكر لنا بأه فى أغنية للصفحة الجديدة اللى بدات

حلوه اوووي اووووووووي يا سوسو انا اول مره اسمعها بجد - ابقى اسمعي برضو اغنية نانسي عجرم سلمولي عليه لايقه علينا لوي بحكم يعني ان اجوازنا مش معانا bsh:)

بوسيلي البنوتات و ربنا معاكي و يقويكي على الشهر تامتلج ده

علي فكره جوزي في كالجري الحراره بقت عندو فوق الصفر و التلج تقريبا ساااااااااااااح عقبالكو

التلج إبتدا يسيح...بس أكيد هتبرد تانى..دى هدنة بس

أول مرة فى حياتى أسمع فى الراديو يقولك درجة الحرارة أرتفعت للصفر..

يا حلاوة المولد wst::

الصفر بأه امل وحلم عزيز

موقف الأغنية بيفكرنى بالمشهد بتاع سعيد صالح فى مسرحية إلا خمسة.. باين

لما بيقولها إستك منه فيه..أشده ..يلسعنى

طيب بتشده ليه؟؟؟

عشان يلسعنى :wub:

نفس الفكرة باسمع الأغنية ليه وأعيدها...

عشان أعيط

مساء الخير او صباح الخير الاخت الغالية سوسو رانى اية بس مود الدوان دا ؟

احنا عندنا بنات تكتئب بذمتك ؟

كلة هيبقى وهمى ان شاء الله يا بنتى احنا نجيب للكآبة اكتئاب ولا نكتئبش(بكتب المداخلة وباعيط)

:ninja: :ninja: :sad:

بس يا بنتى هو مود الشتا كدة فى مصر فى كندا فى الهند اتوقع ان هو كدة

فى الشتا الناس بتتلم كدة وتقعد فى جنب وتلبس لبس مغطى بطبقة من الاسمنت المسلح

ولا تفتكرى يكون عشان انا مش باكتب مداخلات كتيرة من مداخلاتى الطويلة الهلامية المحتوى صح ؟

على الارجح السبب التانى اقوى

طبعا مفتقداكى يا نوجة...إلحقينى بمداخلتين هلاميتين فى الوريد من بتوعك

د انجي

د سوسو

خدواالنكتة الحقيقية دي عشان بس تكمل

جات الست الكبيرة تكشف

خير يا حاجة

راحت مطلعة لي صورة 4 في 6 لبنتها عندها عشرين سنة وقالتلي اهه

قلت خير قالتلي شعرها بيقع اهه زي ما انت شايف في الصورة اهه

قلتلها طب ليه ما جبتيش البنت

قالتلي بناتنا ما بتنكشفش علي رجاله

قلت تمام

كتبت الروشتة وقولتلها تمشي علي العلاج لمدة شهر

وبعد شهر

تصوري بنتك وتجيبي الصورة استشارة

حلوة يا دكتور قناوى..

دايما متجدد بنكتك وحكاويك يا دكتورنا

كوني شايفك دلوقتي موجودة ...فبحب افكرك بموضوع الطعام ..ولا نسيتينا ؟؟؟ انا ما نسيتش البرازق والمبرومة والبلورية والكنافة والبقلاوة ...بس دول بعد الأكل اللذيذ اللي حتكبلينا عليه ..

مازن بعد اللى الأكل بتاعك اللى بتقوله ...مافيش كلام يتقال..

أدخل مؤقتا عند د.تهامى بيعمل سندوتشات جبنة :amb:

صبر نفسك بساندوتش عقبال ما أنا أخلص

سلام

حللللللللللللللللللللللللللوة و ملعوبة......ضحكت من قلبى wst::

تلميذتك يا دكتورنا العزيز...منور بجد

مبسوطة إنها عجبتك

[SoSo R]

ههههههههههه حلوين قوى ياد/qenawy و يا أستاذAlrefaey

يارب ياد / سوسو تكونى ضحكتى و خرجت شوية من المود اللى مش تمام دة

متابعة وفى إنتظار المزيد و أول ما أوصل تورونتو إن شاء الله حاديكى التمام

والله يعينا على إنتظار د/ تهامى بقى له كام يوم بيعمل فى ساندويتشات الجبنة البيضاء wst:: انا سامعة إن فى أزمة فى الجبنة البيضا فى المنطقة الشرقية الخوف تمتد الأزمة للعيش و الطمام و الخيار الله يستر و يسهل bsh:)

سيبك من الجبنة والسندوتشات وإنزلى إشترى اللى قلت عليه وأديكى عندك فكرة عن الأسعار عشان تعرفى تقارنى..

يعنى لما ينزلك الشوبنج تعرفى تستفيدى منه..

منتظرة أسمع إشتريتى إيه

سلام

[goodfaith]

سوسو اذا فضلتي صامدة شهر كمان من غير ما تستسلمي فيه تنزيلات حلوة اوي بتكون على آخر شهر 2 تقدري تقولي كده تصفيات الشتوي ابقي هاتي جوانتي كويس للسنة الجاية وانتي بخير ان شاء الله

هاحاول أصمد...بيقولوا لى زيلرز كان موصله 35$

أروح أجيب ولا أستنى يمكن ينزل تانى؟!

بصي تنزيلات آخر السيزون بتوصل ل 80% يعني لو ب 100$ ممكن يوصل 20$ بس لازم تكوني حاطة عينك على حاجة ومتابعاها باستمرار لحد ما توصل لسعر حلو وتشتريها

اذا عارفة انك ملكيش بال او مش هتكوني فاضية للمتابعة المستمرة وقت التخفيضات اشتري وخلاص ولو لقيتي بعدين حاجة تانية سعرها لا يقاوم هاتي برضو ممكن لون بني مثلا مش هيخسر الواحد بيحتاج اكتر من جوانتي في الجو ده

انا مرة جبت سنو سوت لابني ب 13 دولار بعد التاكس وسعرها الاصلي كان ب 60 دولار من جاب بس وقتها كنت فاضية من غير عيال وجوزي كان مسافر فكنت مقطوعة للمولات والمحلات bsh:)

ومن ذا باي جبت بنطلونات رجالي الواحد ب 15 دولار بعد ما كان السعر الاصلي 75 دولار يعني بجد فيه ديلز بتكون حلوة اوي بس المهم المتابعة المستمرة عشان تعرفي الوقت المناسب والمكان المناسب

على كلامك دة يبقى أصمد أحسن..

سنو سوت ب 13 دى ماحصلتش ولا شفتها حتى فى البوكسينج ويك

دة أنا جبت فيه حاجات للعيال روعة ببلاش تقريبا

بس الجاكتات ماكانوش منزلين فيها قوى

بصي البوكسينج داي في اول الشتاء فطبيعي ميكونش فيه تنزيلات قوية على الجواكت استني بعد الفالانتاين وشوفي وقارني بنفسك

فيه كمان محل اسمه لورا عنده حاجات حلوة وبيعمل آخر السيزون تنزيلات كويسة برضو

الا صحيح يا سوسو انتي شربتي آيريش كوفي ولا لسه؟ النهاردة كنت باشربها قلت يا ترى سوسو اكتشفت الاختراع ده ولا لسه

[bent misr]

يا عيني عليكي يا سوسو يا أختي :wub:

درجة الحراره ارتفعت []للصفر[/size] :wub:

ربنا يدفلكوا الجو شويه لحسن و الله صعبتوا عليه md2:

و موضوع اللبس ده رووووعه استمري

و احنا متابعين :)

و برضوفرفيشي :knight:

تم تعديل 16 يناير 2010 بواسطة bent misr

[qenawy]

كلمينا علي الجلاليب احنا صعايدة بقي والعمم جمع عمة ايه افضل انواع العمم وهل لبس الجلاليب بيقي ملفت للنظر

[saeedo]

شكرا على ردك مدام سوسو ويبدو ان مشاركتى لم تكن واضحة بشكل كافى على مااظن انا كنت بهزر طبعا بخصوص الباخرة او برى ده اكيد مش محتاج توضيح انا حبيت اوضح ان اى مهاجر لن يستطيع ان ياخذ كل مايريد من ملابس معه بسبب ان اللبس الشتوى تقيل اصلا وان الوزن على الطيارة محدود كمان .......الا اذا طلع برى او بحرى (لو سمحت ابتسم...هذه مزحة :unsure: ....تمت)

وبالفعل ياريت تكلمينا عن ما يجهله الكثيرين بسبب اختلاف طبيعة المناخ والمكان والبيئة عما الفوه سابقا سواء فى بلدهم الاصلى او دول الخليج

واذا كنت تعرضت الى مواقف طريفة او مش ظريفة حتى وذلك للاثراء والمشاركة .....ولك اطيب امنياتى بلم الشمل والسعادة

[EmanRasmy]

أيوه كده يا دكتوره خلي الشمس تطلع... هو فعلا فصل الشتا كئيب ... من يومين كانت الحراره عندنا -1 و ساعتها جيتي ف بالي و قعدت أدعي لك انتي و كل الناس اللي مش واخده ع التلج ده زينا ...ده انا ببقى عايزه ألبس الولاد الدولاب كله و همه راحين المدرسه .. و الحاجات اللي بتكتبي عنها عشان نشتريها لكندا .. أنا اشتريتها بس عشان هنا .. يعني جوانتيات و آيس كابات و غطيان للودان .. خصوصا للولاد... مع اني- من غير ما حد يضحك علي- في السعوديه مش في كندا!!!!

بس في مدينة أبها ( على ارتفاع 3000 متر عن سطح البحر) و الجو هنا صيف و شتا غيوم و ضباب و برد و اكتئاب و مطر و ساعت تلج و ضلمه معظم السنه ... كأنك في بلد تانيه غير السعوديه ... كنت في جده الإسبوع اللي فات و راكبين الطياره من أبها لابسين كل الهدوم اللي عندنا ... و لما وصلنا جده ودينا الولاد حمام السباحه لأن الحراره هناك كانت 30 !!!! شوفتي أغرب من كده؟؟.. الحمد لله الجو بدأ يدفي شويه بعد ما كنت حاسه إني عايشه في فريزر...

كنت عايزه أنزل لك أغنيه حلوه قوي لهشام عباس ليها مكانه خاصه قوي عندي.. بس ما عرفتش إزاي... فهاكتب لك كلماتها....ردا على أغنية العياط بتاعتك..

"شيل إيدك من على خدك.. أنا جمبك أنا جي أخدك ..أنا حبيتك و بحبك .. أكتر منك مش قدك...

و آه م اللي جرالي ف ثانيه.. إحساس تاني و حاجه تانيه... و مالكش إلا أنا ف الدنيا ...و خلاص م بقيتش لوحدك"

تم تعديل 16 يناير 2010 بواسطة EmanRasmy

[صعيدي من مونتريال]

كلمينا علي الجلاليب احنا صعايدة بقي والعمم جمع عمة ايه افضل انواع العمم وهل لبس الجلاليب بيقي ملفت للنظر

كان في في البوكسنج داي عرض على عمه فيرساشي فرو ب 250 دولار بس

سعرها الاصلي 450

بس انا هاستنى للفالنتين هتنزل موديلات احلى من باريس :blush2: