أونتاريو ترحب بـ سوسو

[myusername]

كلمينا علي الجلاليب احنا صعايدة بقي والعمم جمع عمة ايه افضل انواع العمم وهل لبس الجلاليب بيقي ملفت للنظر

كان في في البوكسنج داي عرض على عمه فيرساشي فرو ب 250 دولار بس

سعرها الاصلي 450

بس انا هاستنى للفالنتين هتنزل موديلات احلى من باريس mfb:

ايه ده؟ :aslam: ده فيرزاتشى طالع بنفسه وهو لابس العمة

بس هو ايه اللى دمر فيرزاتشى كده؟ ما كان زى الفل :blush2: ... شكله كده خد لطشة هوا فى كندا smk:

[qenawy]

لا يا صعيدي يا ولد العم

نصف قطر العمة لا يتناسب مع مكانتي الاجتماعية عاوزين حاجة اعلي

فين الباشمهندس زناتي يقولك

[أكسيلانس]

كلمينا علي الجلاليب احنا صعايدة بقي والعمم جمع عمة ايه افضل انواع العمم وهل لبس الجلاليب بيقي ملفت للنظر

كان في في البوكسنج داي عرض على عمه فيرساشي فرو ب 250 دولار بس

سعرها الاصلي 450

بس انا هاستنى للفالنتين هتنزل موديلات احلى من باريس mfb:

ايه ده؟ :aslam: ده فيرزاتشى طالع بنفسه وهو لابس العمة

بس هو ايه اللى دمر فيرزاتشى كده؟ ما كان زى الفل :blush2: ... شكله كده خد لطشة هوا فى كندا smk:

أحد مسسببات الهجره من الجنوب الي الشمال - شمال - شمال لحد كندا البلد شمال الشمال الاولاني

[د هشام ابراهيم]

شفتي يا دكتورة مش قلتلك...... أديكي بقيتي تعتبري الحرارة صفر ديه دفا ...اييه فين الزمن لما كنا بنبرد علي 15 :blush2:

باقول لسعادتك إيه ....اكتئاب تاني ؟ طبعا عارفة علاجي للاكتئاب .....أيون (غلطة املائية مقصودة ) ...هو البتاع ده بتاع شلل الأطفال و الفزع الانساني ...قال هشام عباس قال ...الله يرحمك يا عندليب

و بعدين يا 005 المهمة بقيت قومية دلوقتي ...عمك تهامي غرز في الجبنة ما طلعش ..... الامل في سعادتك بقي .... وراكي هوم وورك الشوبنج و المعادلة ...شدي حيلك يا أفندم :aslam:

[صعيدي من مونتريال]

لا يا صعيدي يا ولد العم

نصف قطر العمة لا يتناسب مع مكانتي الاجتماعية عاوزين حاجة اعلي

فين الباشمهندس زناتي يقولك

شوف يا ابو عمو انا هابعتلك التكالوج وانت اختار اللي يعجبك

[qenawy]

متشكر يا صعيدي وخد الهدية دي

[adamdec]

سوسو انا جاتلى فكرة ممكن تفيد فى موضوع الاكتئاب الشتوى ده. Vitamin D deficiency

انا الى أعرفه ان الناس الى زى حالتنا عايشة فى بلاد مشمسة و حارة لما بيسافروا شمالا مع قلة الشمس بيجيلهم نقص فى فيتامين d غير الى بيبقوا مولدين و عايشين طول عمرهم بره جسمهم بيبقى متأقلم على الكميات القليلة للفيتامين. النقص ده بيجيب خمول و اكتئاب و حاجات تانية كتير. Vitamin D + calcium supplement تحل المشكلة دى نوهائى (عشان خاطرك دى)

و لا انا غلطانة يا دكاترة؟

[SoSo R]

ما شاء الله عليكى يا دكتورة سوسو

الواحد على ما ربنا يسهل ويكون على ابواب كندا

يدكون داخل كندا وكانه عايش فيها من زمان

طبعا دا بفضل وصفك الدقيق لكل حاجة

وربنا يوفقك دايما

متشكرة يا أستاذ علاء وأرجو إن حضرتك تكون أستفدت

بصي البوكسينج داي في اول الشتاء فطبيعي ميكونش فيه تنزيلات قوية على الجواكت استني بعد الفالانتاين وشوفي وقارني بنفسك

فيه كمان محل اسمه لورا عنده حاجات حلوة وبيعمل آخر السيزون تنزيلات كويسة برضو

الا صحيح يا سوسو انتي شربتي آيريش كوفي ولا لسه؟ النهاردة كنت باشربها قلت يا ترى سوسو اكتشفت الاختراع ده ولا لسه

الآيريش كوفى كنت شربتها زمان ..باجيبها وأعملها فى البيت دة قبل ما آجى كندا...أوصفيلى كدة اللى قصدك عليها

وبعدين أنتى هتقولولى على لورا..

أنا دخلته قبل التنزيلات وطلعت تانى :blink: وبسرعة

طيب عشان مانحرفش مداخلة الشوبنج الحريمى اللى بجد هنأجل الكلام عن لورا وأخواتها شوية...

خلى بالك أنا كل ده لسه بالعب بعيد عن منطقة المشرف وبكتب عن الشوبينج بس من تحت لتحت wst::

لورا هأقول عنه فى آخر مداخلة ليا فى المنتدى..

قبل ما تتلغى عضويتى :110:

يا عيني عليكي يا سوسو يا أختي :wub:

درجة الحراره ارتفعت للصفر :sad:

ربنا يدفلكوا الجو شويه لحسن و الله صعبتوا عليه wst::

و موضوع اللبس ده رووووعه استمري

و احنا متابعين :wub:

و برضوفرفيشي :blink:

حاضر يا جميل...أستمرى معنا ستجدى مايسرك

[SoSo R]

كلمينا علي الجلاليب احنا صعايدة بقي والعمم جمع عمة ايه افضل انواع العمم وهل لبس الجلاليب بيقي ملفت للنظر

فيه عمم فرو بتاعة خراشوف.هتبفقى لايقة عليك :wub: ..

بالنسبة للبس الجلاليب...أنت تفتكر هتبقى ملفتة ولا هيعتبروك التطور الطبيعى للزى الأسكتلندى :wub:

شكرا على ردك مدام سوسو ويبدو ان مشاركتى لم تكن واضحة بشكل كافى :sad: على مااظن انا كنت بهزر طبعا بخصوص الباخرة او برى ده اكيد مش محتاج توضيح انا حبيت اوضح ان اى مهاجر لن يستطيع ان ياخذ كل مايريد من ملابس معه بسبب ان اللبس الشتوى تقيل اصلا وان الوزن على الطيارة محدود كمان .......الا اذا طلع برى او بحرى (لو سمحت ابتسم...هذه مزحة :blink: ....تمت)

وبالفعل ياريت تكلمينا عن ما يجهله الكثيرين بسبب اختلاف طبيعة المناخ والمكان والبيئة عما الفوه سابقا سواء فى بلدهم الاصلى او دول الخليج

واذا كنت تعرضت الى مواقف طريفة او مش ظريفة حتى وذلك للاثراء والمشاركة .....ولك اطيب امنياتى بلم الشمل والسعادة

أبتسم هذه مزحة وتمت كمان :110:

حسستنى بالغباء يا فندم..

طيب ما أنا رديت على حضرتك فى نقطة الوزن إن فيه حاجات تستاهل تتشال لأنها هتيجى أرخص وبكواليتى أحسن

أيوه كده يا دكتوره خلي الشمس تطلع... هو فعلا فصل الشتا كئيب ... من يومين كانت الحراره عندنا -1 و ساعتها جيتي ف بالي و قعدت أدعي لك انتي و كل الناس اللي مش واخده ع التلج ده زينا ...ده انا ببقى عايزه ألبس الولاد الدولاب كله و همه راحين المدرسه .. و الحاجات اللي بتكتبي عنها عشان نشتريها لكندا .. أنا اشتريتها بس عشان هنا .. يعني جوانتيات و آيس كابات و غطيان للودان .. خصوصا للولاد... مع اني- من غير ما حد يضحك علي- في السعوديه مش في كندا!!!!

بس في مدينة أبها ( على ارتفاع 3000 متر عن سطح البحر) و الجو هنا صيف و شتا غيوم و ضباب و برد و اكتئاب و مطر و ساعت تلج و ضلمه معظم السنه ... كأنك في بلد تانيه غير السعوديه ... كنت في جده الإسبوع اللي فات و راكبين الطياره من أبها لابسين كل الهدوم اللي عندنا ... و لما وصلنا جده ودينا الولاد حمام السباحه لأن الحراره هناك كانت 30 !!!! شوفتي أغرب من كده؟؟.. الحمد لله الجو بدأ يدفي شويه بعد ما كنت حاسه إني عايشه في فريزر...

كنت عايزه أنزل لك أغنيه حلوه قوي لهشام عباس ليها مكانه خاصه قوي عندي.. بس ما عرفتش إزاي... فهاكتب لك كلماتها....ردا على أغنية العياط بتاعتك..

"شيل إيدك من على خدك.. أنا جمبك أنا جي أخدك ..أنا حبيتك و بحبك .. أكتر منك مش قدك...

و آه م اللي جرالي ف ثانيه.. إحساس تاني و حاجه تانيه... و مالكش إلا أنا ف الدنيا ...و خلاص م بقيتش لوحدك"

ميرسى يا إيمى على الأغنية لو بتحبيها قوى ممكن أنزلهالك الصفحة الجاية بس أنا مابحبهاش wst::

عشان بتفكرنى بالنوزيا بتاعة الحمل وقت ما الأغنية دى طلعت :blink:

وأنا مشكلتى إنى باربط الأغانى بالأحاث

والروايح والأماكن...

م الآخر حياتى معقدة جدا

[SoSo R]

شفتي يا دكتورة مش قلتلك...... أديكي بقيتي تعتبري الحرارة صفر ديه دفا ...اييه فين الزمن لما كنا بنبرد علي 15 :blink:

باقول لسعادتك إيه ....اكتئاب تاني ؟ طبعا عارفة علاجي للاكتئاب .....أيون (غلطة املائية مقصودة ) ...هو البتاع ده بتاع شلل الأطفال و الفزع الانساني ...قال هشام عباس قال ...الله يرحمك يا عندليب :sad:

و بعدين يا 005 المهمة بقيت قومية دلوقتي ...عمك تهامي غرز في الجبنة ما طلعش ..... الامل في سعادتك بقي .... وراكي هوم وورك الشوبنج و المعادلة ...شدي حيلك يا أفندم :blink:

آه فاكر أول ماجيت..

لما عملتكوا فضيحة :110:

وقلتلك أنتوا بتخدعونى وتقولوا دة صيف وأنا شايفاه شتا...معلهش أنا كنت جاية من الخمسينات..

دلوقتى 15 دة حلم جميل..

بس شتا برضه عندهم فى الكويت..

دة شيرى صاحبتى لسه مكلمانى وزعلانة إن مافيش شتا السنة دى أقل حرارة وصلولها 18 بليل...أصلها ماعرفتش تلبس الشتوى السنة دى وأتقل جاكت لبسته كان جينز زى اللى بنلبسه هنا فى شهر 7 كدة wst::

بقولك صحيح ماتيجى ترزع وتغلط كام غلطة إملائية يمكن أفك ولا حاجة...دة أنا النهاردة حتى كنت عند صديقك الحراق وإديتها صوص..لما أنتحرت...عشان بس أفك

[SoSo R]

سوسو انا جاتلى فكرة ممكن تفيد فى موضوع الاكتئاب الشتوى ده. Vitamin D deficiency

انا الى أعرفه ان الناس الى زى حالتنا عايشة فى بلاد مشمسة و حارة لما بيسافروا شمالا مع قلة الشمس بيجيلهم نقص فى فيتامين d غير الى بيبقوا مولدين و عايشين طول عمرهم بره جسمهم بيبقى متأقلم على الكميات القليلة للفيتامين. النقص ده بيجيب خمول و اكتئاب و حاجات تانية كتير. Vitamin D + calcium supplement تحل المشكلة دى نوهائى (عشان خاطرك دى)

و لا انا غلطانة يا دكاترة؟

شخصيتنى وكتبتى الفيزيتا كمان :blink:

هو حلو برضه عشان الهشاشة...ميرسى يا نادين

الناس هنا بتخرج شغلها فى الضلمة وترجع برضه فى الضلمة :blink:

يبقى سليملى على الهشاشة يا باشا على رأى الممثلة القديرة اللوذعية عايدة رياض فى إحدى أدوارها الهابطة

سلام

[Spanish Eyes]

يا صباح الفل على الروقان كله، اية يا سوسو الجمال دة بحب فيكي الدقة يعني محددة المحلات اتش اند ام فيه حاجات حلوة بس عجبني جاكت يا سوسو في سنتر بوينت شمواة متبطن بفرو يصد دة عندكو يا اختييي وجبت كوفيات بالكاب باجوانتي اطقم يعني بس كله صوف مش لاقية الجلد المتبطن فقلت اجيب من عندكوا بقا، طب بالنسبة للمؤاخذة الابواط يمشي النوع المتبطن وكعب عالي ولا كله هارد ورك معلش لزوم الاناقة اصل فيه سيل جامد عليهم اية رايك نزيع ولا منزيعش؟؟؟؟

[bent misr]

حلوه أوي يا د / هشام غرس في الجبنه دي :rolleyes:

انت فيييين يا تهامي عشان ترد على الي بيحصل ده :rolleyes:

ادينا أهو يا سوسو عمالين نفرفشك

يللا يا ستي احنا متابعين :unsure:

[wnam]

محضرالك اغنية تحفة هتغيرلك المود ده خالص لما اروح البيت هنزلهالك اصلهم فى الشغل واقفين اليوتيوب

وفى البيت معنديش حروف عربى كسل بقى بعيد عنك اصل اليومين امتحانات الترم ادعولنا

[wnam]

[wnam]

[myusername]

أغنية حسين الجسمي الساعه 6 الصبح

شكرا عالاغنية الجامدة دى.. :rolleyes:

الله يسامحك بقى.. فكرتينى باللذى مضى :blush2:

[goodfaith]

بصي البوكسينج داي في اول الشتاء فطبيعي ميكونش فيه تنزيلات قوية على الجواكت استني بعد الفالانتاين وشوفي وقارني بنفسك

فيه كمان محل اسمه لورا عنده حاجات حلوة وبيعمل آخر السيزون تنزيلات كويسة برضو

الا صحيح يا سوسو انتي شربتي آيريش كوفي ولا لسه؟ النهاردة كنت باشربها قلت يا ترى سوسو اكتشفت الاختراع ده ولا لسه

الآيريش كوفى كنت شربتها زمان ..باجيبها وأعملها فى البيت دة قبل ما آجى كندا...أوصفيلى كدة اللى قصدك عليها

وبعدين أنتى هتقولولى على لورا..

أنا دخلته قبل التنزيلات وطلعت تانى وبسرعة

طيب عشان مانحرفش مداخلة الشوبنج الحريمى اللى بجد هنأجل الكلام عن لورا وأخواتها شوية...

خلى بالك أنا كل ده لسه بالعب بعيد عن منطقة المشرف وبكتب عن الشوبينج بس من تحت لتحت wst::

لورا هأقول عنه فى آخر مداخلة ليا فى المنتدى..

قبل ما تتلغى عضويتى :wub:

شوفي الآيريش كوفي للاسف مفيش منها في تيم هورتنز هيا كانديان كوفي بس فيها فليفور مش عارفة اوصفها ممكن تلاقيها في ستاربكس وساكاند كب او في لابلاس في القعدة اللي بتبقى فوق

كمان لو بتشتري انتي الكوفي حبوب من اي محل وتطحنيها بيكون فيه اكتر من نوع من ضمن الانواع هتلاقي ايريش كوفي

جربيها طعمها حلو واكيد هتعجبك

بالنسبة للشوبنج طول ما انت بعيدة عن الجبنة البيضا والكاميرات بانواعها .. انتي في السليم ومتخافيش احنا وراكي يا سوسو

شفتي يا دكتورة مش قلتلك...... أديكي بقيتي تعتبري الحرارة صفر ديه دفا ...اييه فين الزمن لما كنا بنبرد علي 15 :rolleyes:

باقول لسعادتك إيه ....اكتئاب تاني ؟ طبعا عارفة علاجي للاكتئاب .....أيون (غلطة املائية مقصودة ) ...هو البتاع ده بتاع شلل الأطفال و الفزع الانساني ...قال هشام عباس قال ...الله يرحمك يا عندليب :)

و بعدين يا 005 المهمة بقيت قومية دلوقتي ...عمك تهامي غرز في الجبنة ما طلعش ..... الامل في سعادتك بقي .... وراكي هوم وورك الشوبنج و المعادلة ...شدي حيلك يا أفندم :blush2:

آه فاكر أول ماجيت..

لما عملتكوا فضيحة :)

وقلتلك أنتوا بتخدعونى وتقولوا دة صيف وأنا شايفاه شتا...معلهش أنا كنت جاية من الخمسينات..

دلوقتى 15 دة حلم جميل..

بس شتا برضه عندهم فى الكويت..

دة شيرى صاحبتى لسه مكلمانى وزعلانة إن مافيش شتا السنة دى أقل حرارة وصلولها 18 بليل...أصلها ماعرفتش تلبس الشتوى السنة دى وأتقل جاكت لبسته كان جينز زى اللى بنلبسه هنا فى شهر 7 كدة wst::

بقولك صحيح ماتيجى ترزع وتغلط كام غلطة إملائية يمكن أفك ولا حاجة...دة أنا النهاردة حتى كنت عند صديقك الحراق وإديتها صوص..لما أنتحرت...عشان بس أفك

انا فاكرة اول شتا جيت فيه كانت درجة الحرارة -1 وجوزي بيقولي تعالي نخرج نتمشى ونشم الهوا والظريف انه في الاخبار في مصر كانوا بيقولوا فيه موجة باردة والحرارة وصلت 17

دلوقت فعلا لما الحرارة بتكون -1 و-2 الواحد بيستغل ان الجو دافي وبيشم الهو ويا سلام لو 1 او 2 بلس يبقى الدنيا ربيع والجو بديع

كمان افتكر حاجة صدمتني اول ما جيت مش عارفة يا سوسو شفتي المنظر ده ولا لسه

العيال بتقعد تلعب على التلج بالجاروف والجردل زي ما عيالنا بيلعبوا على الرملة في البحر وبيعملوا بيوت وقلاع وسنو مان وكل اللي نفسهم فيه اول مرة شفتهم اسبهليت وقعدت متنحة ربع ساعة واقول سبحان الله

دلوقت ابني بيقعد يلعب بالتلج وانا باقعد جنبه اتفرج عليه وبرضو باقول سبحان الله

[Dr Remon]

يا دكتوره انا تعبت .. و شكلى حاترفد بسببك

الكلام حلو اوى و مش عارف اخلص . انا ابتديت الموضوع من اوله

حبيت اقولك شكرا بس :closedeyes: :blush2:

[ehabtaher]

يا دكتوره انا تعبت .. و شكلى حاترفد بسببك

الكلام حلو اوى و مش عارف اخلص . انا ابتديت الموضوع من اوله

حبيت اقولك شكرا بس :closedeyes: :blush2:

انا بقى ياريمون كنت باسهر علىها بالليل وكنت اروح انام فى الشغل