أونتاريو ترحب بـ سوسو

[عنبو]

كل سنه وانتى طيبه ياسوسو بمناسبة عيد الغطاس وياسلام بقى لو فيه عشرة اعواد من القصب وبلاش قلقاس علشان انتى عارفه انا مبحبوش خاااالص

[اسكندرانيةكنداوية]

ألف سلامة عليكى يا د/ سوسو و حمد الله على السلامة نورتى قهوتك

ياضنايا قطعتى قلبى بموضوع القهوة التركى دة و أنا جاية حاجيب لك بن تركى محوج مطحون جاهز أنا سامعة إن بن العميد بتاع الكويت فتح فرع عندنا بالرياض حاجيب لك منه و على فكرة حطى البن بالفريزر فى كيس مقفول كويس و طلعى منه شوية على قد إستعمالك يفضل فريش زى ماهو

أما موضوع الشوبينج فتسلم إيدك كمان مرة

أنا حاولت اتسوق هنا بالرياض بصراحة ما فيش حاجة حلوة لا عند زارا ولا سينتر بوينت الكواليتى مش قد كدة وأسعار حوالى 500 ريال لكن دبنهامز عندة جاكيتات ووتر بروف مبطنة حريمى و رجالى إبتداء من 400 ريال و شوفت بالطو صوف حريمى ب650 ريال بس إسود فقط أما البلطو الرجالى أحلى بالطو صوف صناعة ألمانى كان عند محل إسمه الزهار ب 800 ريال و كان عنده جاكيتات شمواة مبطنة بفرو ناعم أوى ب 550 ريال بس موديلاتها كلاسيك بالزيادة

عموما إحنا قررنا لاندينج فقط و السنة الجاية إن شاء الله إستقرار فقلت خلينى أدور على د/ تهامى فى مصانع الجبنة البيضاء أصله بقى له كتير مش بييجى قهوتة و نقوله ينزل موضوع شوبينج على الأجهزة الكربائية و الكاميرات يمكن دة يكون أسهل و مش محتاج سندوتشات جبنة

[resalah]

حمدالله على سلامتك وكل سنة وأنتم طيبين ويارب تكونوا كلكم بخير .

[arabi]

طيب يا جماعة إنسوا كل اللى قلته عن الحلقة الجاية ...أصلى كنت باشرب القهوة السوسورانية الأفتكاسة وإفتكرت إن فيه نوع جديد جربته فى تيم هورتونز ولسه ماحكيتش عليه...فقلت ألم مداخلات القهوة اللى كانت متبعترة...وأرد عليها بالمرة

أصل مابقدرش أقاوم الكلام عن القهوة

يا سلام عليكي يا سوسو ، وعلى نصايحك...

إسمحيلي أنحنيلك ولنصايحك الأستاذة... رحت النهارده شربت واحد هوت سموثي بالفرينش فانيللا (أكيد طبعاً)... روعة ، ومفيش بعد كده

تعيشي وتظبّطينا... وعقبال القلقاس بقى cld:

:D

حتى أنت يا بروتوس كنت بتتكلم عن القلقاس...دى بقت فضيحة مش عزومة...بقيت ملكة القلقاس على رأى باشمهندس زناتى طيب شوفولى حاجة أطعم شوية ملكة المانجا...الموز...برتقان ماشى راضية bv:-

المهم كويس إن الهوت سموزى عجبك يا ترى جربت بقية النكهات ولا لأ؟! الكراميل والهازلنت...إبقى أدينى الفيد باك حضرتك

النوع الجديد بأه اللى هاديلكم خبرتى فيه ...الموكا...ياروعتها

السر فيها بأه تطلبها وتقول للى بيديهالك ما يحطش الغطا على الكوباية

أول مرة ماكنتش أعرف الحكاية دى ولقيت الست حطت الغطا من هنا وحاجات فارت وشرت والست محتاسة وعمالة تمسح وأنا مش فاهمة فيه إيه

تانى مرة طلبتها...لقيت البت الفليبنية بتقولى احطلك الغطا وجايبة لى الكوباية وعليها كريمة من فوق على شكل وردة ومرشوش عليها شيكولاتة مبشورة...

طبعا غطا لإيه.. أنتا حمان يا حمان :)

وتقعد تمزمز فى الكريمة وهى باردة وبعدين تخش ع الموكا وهى سخنة ويكون جزء من الكريمة ساح فى الموكا...واااو

آدى مشروب كمان جربوه وأدعولى

شوفي الآيريش كوفي للاسف مفيش منها في تيم هورتنز هيا كانديان كوفي بس فيها فليفور مش عارفة اوصفها ممكن تلاقيها في ستاربكس وساكاند كب او في لابلاس في القعدة اللي بتبقى فوق

كمان لو بتشتري انتي الكوفي حبوب من اي محل وتطحنيها بيكون فيه اكتر من نوع من ضمن الانواع هتلاقي ايريش كوفي

جربيها طعمها حلو واكيد هتعجبك

بالنسبة للشوبنج طول ما انت بعيدة عن الجبنة البيضا والكاميرات بانواعها .. انتي في السليم ومتخافيش احنا وراكي يا سوسو

بصى يا ستى موضوع القهوة الحبوب لسه عارفاه قريب ...ليه بأه عشان هموت على قهوة تركى..

فواحد بابا صاحبتى قالى لا تموتى ولا حاجة ...روحى إختاريلك شوية حبوب من كام نوع مشكلين على بعض وإطحنيهم فى البيت مع شوية حبهان...

هتبقى قهوة تركى زى الفل

أصل واحدة كان جوزها راجع من الشرق الأوسط فى أجازة بقولها ماينفعش شوية بن أصل أختك خرمانة خالص

تقوم تقولى ...لأ يا سوسو طبعا ...الهدوم تبقى ريحتها بن bv:-

آدى الجدعنة :lol:

المشكلة بأه اللى عندى أنا ماعنديش مكنة قهوة ...يبقى الأيريش أو البن العادى اللى هجيبه عشان القهوة التركى هاطحنه فى إيه حضرتك؟؟؟

ولو فى الخلاط العادى اللى بيطحن...طيب ماهى هتتطحن وتفقد نكهتها مع الوقت...

مش معقولة هاطحن كل ما آجى أشرب لى فنجان..

دة أنا كل العدة وفرتها ...الكنكة والفنجاين...

إلحقووووووووونى ببن يا بشر

الاخت الفاضلة الدكتورة سوسو

ممكن تجربي ان البن اللى تحتاجية لمدة شهر يكون في برطمان مغلق في الثلاجة. اما لو احتجتي تخزينه لفترة اطول تحتفظي بها في الفريزر تظل طازجة.

[norbakrahmed]

احلى تحيه حلوه و منديه لسوسو و كل اخواتي في المنتدى الجميييييييييييييييييييييل محاورات المصريين - بجد تسلم ايديكي يا سوسو على معلوماتك الجااااامده و اللي هتوفر لنا من الشيل من مصر

بصي يا ستي انا لما سألت جوزي هناك و قلتلو قارنلي بين الجواكت هنا و هناك يعني سالتو من الاخر كنت جبت من مصر احسن؟؟؟؟؟؟؟؟ قالي لا خااااااالص لأن حاجة مصر من جاكتات و بلاطي و احذيه كمان متنفعش خااااالص في كندا - فليه نتعب نفسنا و نشيل من هنا و نشتري و الحاجه متنفعش في الشتا الرهيب اللي هناااك

اما بقه لو قفلت اوي اوي اوي و حابين نشتري من مصر فهنا في سيتي ستارز في براندز كتييير فيهم البلاطي و الحاجات دي بس البالطو مش هيقل عن 1000 و اكتر كمان انا شفت حاجات ب3000

فأحسن حاجه يا جماعه نشتري من هناك الحاجه هتكون ارخص و تنفع جو هنااااااااااااك و لا ايه يا سوسو؟؟؟؟؟؟

[dcfarouk]

ازيك يا مدام سوسو فينك

يارب تكوني بخير

يارب يكتب ليكي الخير

[bent misr]

كل سنه و انت طيبه يا سوسو يا جميله

و الف مبروك على الصفحه 100 أنا أول واحده

خدت بالي :rolleyes: يبقى لازم يكون ليه واحد هوت سموزي

أول ماجي ان شاء الله :rolleyes:

وليكي عندي يا سيتي كيلو بن محوج من الي قلبك يحبوا

باجيبوه هنا من محل عندنا انت عارفه فين طبعا و مش ممكن

نشرب قهوه أنا و جوزي غير من عنده :rolleyes:

بس ادعيلنا انت ان احنا نيجي :blush2:

[myusername]

الدكتورة الفاضلة/ سوسو

شكرا جزيلا على موضوع الجواكت.. و اللى انا ثخصيا كنت محتاج أعرفه.

أعتقد ان الجواكت اللى فى مصر تعبانة و غالية عالفاضى.

انا عن نفسى لو ربنا اراد انى اروح كندا, هبقى آخد ترانزيت يومين فى اسبانيا أجيب جواكت من هناك.. لانها رخيصة جدا.. و جامدة كمان... خصوصا من المحلات الكبيرة اللى بتبقى عاملة تصفيات.

معرفش بقى لو الناس كلها تعرف تعمل الحركة دى.. بس قد يكون الموضوع متعب بالنسبة لاسرة.. على عكس واحد فردانى زيى ممكن اروح و آجى بسهولة.. خفيف خفيف يعنى.

[amrelsheirf]

الف مبروك علىوصولك كندايادكتورةسسورانى

انا عضوجديدوبذاكر علشان ادخل الاليتس و سوف اذهب باولادى كندا انشاء اللة انا عندى اولاد اعمارهم15/13/9/2 وزوجتى محجبة

وانا سوف اسافر بيهم فلوسماحتى تقوللى هل ساجدشغل لزوجتى علشان نساعدبعض فى المصاريف بالرغم من انها محجبة

وانا عندى 42 سنةهل سهل اجدعمل هناك واولادى مشتركين فى االعاب فىالنادى هل سيجدوا لعبة يلعبهوها ولاهيدعوا عليا انى سفرتهم

والله اناعايزيهم يعيشوا كويس انا اسف لانى باحس انى غريب فىوسطيكم فبرجاء ردى عليا وربنا يوفقك فى بلدك الجديد

[dcfarouk]

الف مبروك علىوصولك كندايادكتورةسسورانى

انا عضوجديدوبذاكر علشان ادخل الاليتس و سوف اذهب باولادى كندا انشاء اللة انا عندى اولاد اعمارهم15/13/9/2 وزوجتى محجبة

وانا سوف اسافر بيهم فلوسماحتى تقوللى هل ساجدشغل لزوجتى علشان نساعدبعض فى المصاريف بالرغم من انها محجبة

وانا عندى 42 سنةهل سهل اجدعمل هناك واولادى مشتركين فى االعاب فىالنادى هل سيجدوا لعبة يلعبهوها ولاهيدعوا عليا انى سفرتهم

والله اناعايزيهم يعيشوا كويس انا اسف لانى باحس انى غريب فىوسطيكم فبرجاء ردى عليا وربنا يوفقك فى بلدك الجديد

ياريت حضرتك توضح وظيفه كل منكم لان الشغل هناك محتاج معادله لو شغل ريجيو ليتد زي طبيب او صيديلي ومش محتاج معادله لو نان ريجيوليتيد زي وظيفه امن او بياع في محل بكون من عير اي معادلات

وفي هناك فرص كويسه اوي لو عاوز تغير الكارير بتاعك

يايت حضرتك تقرا المواضيع في المنتدي بجد هتلاقي فيها كنوز

يعني لازم تحدد طموحك عاوز ايه

وبالنسبه للحجاب اللي عرفته من كلام الناس هنا انه في معظم الاماكن مش عائق عن اي حاجه سواء شغل او انشطه عاديه

تم تعديل 26 يناير 2010 بواسطة dcfarouk

[المعلم عتريس]

وبالنسبه للحجاب اللي عرفته من كلام الناس هنا انه في معظم الاماكن مش عائق عن اي حاجه سواء شغل او انشطه عاديه

الحجاب عائق كبير ما فيش اي تسامح معاه

في الدول الاسلامية

[emy]

د. سوسو اسمحي لي أدلع اسم الدلع بتاع حضرتك

مبروك الصفحه الميه وعقبال الألف

و دعواتي لك بالتوفيق و ربنا يجمعنا قريبا في نادي المصريين بكندا وده مطلب شعبي مهم فعلا

سؤال عن لبس البيت في الشتا

مع التدفئه المركزيه هل تكون اقطان نص كم أو بكم و الا ترينينجز صوف او قطيفه

انا حاليا بالكويت و باستعد للرحيل ومش عارفه اشيل ايه و اسيب ايه

wst::

[pango]

انا متابعكم من زمان وانتم فعلا ناس كويسين جدا وفعلا شهامه المصريين بتجري فى دمكم ربنا يحميكم........

انا مقدم على الهجره ولسه حامتحن ال IELTS دعواتكم معايا

واجو ان تقبلونى عضوا معاكم ويكون لى الشرف

وتحياتى ليكى يا مدام سوسو وربنا يبارك فيكى

[يوتوبيا]

وبالنسبه للحجاب اللي عرفته من كلام الناس هنا انه في معظم الاماكن مش عائق عن اي حاجه سواء شغل او انشطه عاديه

الحجاب عائق كبير ما فيش اي تسامح معاه

في الدول الاسلامية

يا رجل خضيتني والله

تصدق كلامك فيه شئ من الصح

فعلا المحجبة وخاصة اذا ملتزمة زيادة اذا ربنا سهل واتقبلت لوظيفة هنا في الخليج(غير المواطنات طبعا) يبقى خير وبركة ده غير الاجور الاقل زي ما تقول كده المفروض انها تحمد ربنا انها هتلاقي تاكل اصلا

ربنا يسترها علينا ويكتب لنا الخير ان شاء الله

[goodfaith]

ازيك يا سوسو يا ترى لاجو في تورنتو حبيبتي عامل ايه

يلا على حظك الدفا ده وعلى غير العادة درجات بلس في اواخر يناير

ان شاء الله تكوني بخير طمنينا عنك وعن الولاد ومتتاخريش عليناكده

وانا قررت اساعد في قهوتك شوية وانزل مشاريب على ما تيجي تنوريها فاسمحيلي :lol:

انا عضوجديدوبذاكر علشان ادخل الاليتس و سوف اذهب باولادى كندا انشاء اللة انا عندى اولاد اعمارهم15/13/9/2 وزوجتى محجبة

وانا سوف اسافر بيهم فلوسماحتى تقوللى هل ساجدشغل لزوجتى علشان نساعدبعض فى المصاريف بالرغم من انها محجبة

وانا عندى 42 سنةهل سهل اجدعمل هناك واولادى مشتركين فى االعاب فىالنادى هل سيجدوا لعبة يلعبهوها ولاهيدعوا عليا انى سفرتهم

والله اناعايزيهم يعيشوا كويس انا اسف لانى باحس انى غريب فىوسطيكم فبرجاء ردى عليا وربنا يوفقك فى بلدك الجديد

ان شاء الله بالتوفيق

بخصوص عمل زوجتك بالحجاب بعض الاماكن تسمح بعمل المحجبات والبعض الاخر لا حسب نوعية عملها والمكان

انا اشتغلت في شركة وكنت محجبة ومرة عملت انترفيو فعلا يومها حسيت بالتعصب لكوني محجبة لان كان المفروض اقابل واحدة اسمها سيدني وبعدين الست على الريسبشن لقت اني محجبة حسيت ان وشها جاب الوان ولطعوني نص ساعة بعد معادي رغم اني كنت هناك قبلها ب 20 دقيقة وفضلت تتكلم في التليفون وناس تخرج من مكاتبها تبص وتعمل لفة وترجع تاني وفي الاخر جه واحد قابلني مش فاكرة الحقيقة اسمه واعتذر ان سيدني مش هتقدر تقابلني وانه هيعمل النترفيو مكانها وطبعا كانت اسئلة هايفة ووبس بيعمل واجب عشان الهيومان رايتس والا يرحوا في ستين داهية :)

موقف تاني صديقتي بنتها في الكلية وبتشتغل في الصيف فاول سنة ليها في الكلية قدمت في تيم هورتنز البنت مولودة ومتربية هنا ولما راحت للشغل مديرة فرع تيم هورتنز اللي كان المفروض تشتغل فيه رفضت وقوفها بالحجاب وطلبت منها تشيله فالبنت اشتكت وبعتولها بعدها باسبوعين يمكن تشتغل في نفس المكان وبالحجاب بالرغم من ان فيه فروع كتير لتيم هورتنز بيكون فيه محجبات بتشتغل

يعني ممكن يكون فيه عنصرية من تحت لتحت لكن في النهاية العمل بالحجاب مش مستحيل واتمنى توضح مجال العمل زي ما ذكر د/ فاروق

بخصوص سنك عادي جدا تلاقي شغل بل ممكن تبدأ تدرس من جديد وتغير الكارير بالكامل لو حبيت هنا الناس طول ما هيا عايزة تشتغل بتشتغل بتتقاعد بس لما بتزهق من الشغل ولما بتكون شالت مبلغ كويس للتقاعد

بخصوص الانشطة اولادك هيشكروك انك جيت كندا ومش محتاج عضوية لنادي ولا حاجة

فيه نشاطات بتكون تابعة للمدرسة وفيه حمامات سباحة عامة بتشترك لهم في دروس سباحة على مدار السنة وغير انشطة تانية كتير جدا بتلاقيها كلها في كتاب في المكتبة اسمه fun guide بصراحة مش عارفة بينزل مرة واحدة في السنة او مرتين

فيه كل ما يخطر على بالك من انشطة للكبار والصغار تزحلق على الجليد رقص رسم موسيقى سباحة ركوب خيل كرة قدم هوكي بتختار النشاط او ابنك بيختار النشاط والوقت المناسب وبيسجل واخر السنة لما بتعمل التاكس بيرجعولك جزء من المبلغ اللي صرفته على انشطة الاولاد

بالنسبة لاخر العنقود فيه خدمة مجانية اسمها early years center ودي بيكون فيها انشطة والعاب للاطفال من سن شهرين لحد 6 سنوات بس الطفل لازم يكون معاه مرافق الام او الاب او الجدة مثلا وبيكون باوقات معينة وبيخلي الاطفال تتعود انها تلعب مع بعض وبيعملولهم انشطة لذيذة اوي وبيعلموهم اغاني وحركات

مرة تانية اتمنى لك ولاسرتك التوفيق وتنورنا في كندا قريبا ان شاء الله

سؤال عن لبس البيت في الشتا

مع التدفئه المركزيه هل تكون اقطان نص كم أو بكم و الا ترينينجز صوف او قطيفه

انا حاليا بالكويت و باستعد للرحيل ومش عارفه اشيل ايه و اسيب ايه

wst::

معلش يا ايمي اسمحيلي اجاوب انا

التدفئة داخل البيوت ممتازة جدا ولا ابالغ ان قلت لك انك هتشعري بالحر ودرجات الحرارة بالخارج بتكون بالسالب فهاتي حاجات اقطان نص كم ممكن تحتاجي طقم او اتنين بس بكم ويكون تقيل شوية او روب مثلا وده مش هتستخدميه الا بداية الشتاء واخره لما ومرات معدودة في السنة لو سكنتي في شقة

[Pharmaher]

مدام سوسو

مبروك ال 100 صفحة و عقبال ما تكمليهم ل 500 و يبقى اونتاريو ترحب بسوسو راني موسوعة

مستنين مشاركاتك المميزة على طول

ربنا معاكي

[جايه لك يا كندا]

مبرووووك يا سوسو حبيبتي المئوية الأولى وعقبال التانيه والتالتة واالعاشرة يارب وتكوني منوره قهوتك المميزة يا جميله، سلمي على البنات وربنا معاكم

[amrelsheirf]

السلاموا عليكم انا ابوالعيال انا عاجزعن الشكر لردك الكريم عليا وجزاك الله الخير كله للاخلاقك الكريمة معنا جميعا

-_- md2: bv:- :)

انا زوجتى بتعمل رئيس قسم تامين بحرىوجوى واجسام سفن فى شركةتامين ولكنها ماليهاش فروع فى العالم

هوالواحدلما يسافر فيدرالى انه بلد يخترها من حيث العمل لى وزوجتى :closedeyes: وتكون رخيصة

ويارب يوفقك ويبارك لك فى اولادك ودايما منورة فى المحاورات :roseop: :roseop:

[مازن أطرش]

مبروك المية صفحة ....عقبال المية الصفحة التانية ..ويكون نصها عن الأكل ..

[SoSo R]

بصراحة مش متأكدة انك لو اخدتي مجموعة حبوب قهوة وطحنتيهم مع بعض هتبقى قهوة تركي اول مرة اسمع الموضوع ده

بس القهوة التركي ممكن تشتريها من المحلات العربية تقريبا في ميسيساجا اسمع انه فيه محلات عربي اسمها اسواق القدس على شارع هورانتاريو

والقهوة لما بتشتريها من المحل بتلاقي جنب القهوة مكنة لطحن القهوة فبتاخدي الكمية اللي انتي عايزاها وبتحطيها في المكنة وبتطحنيها وانتي واقفة وبتحطي كيس ورقي خاص للقهوة تحتها عشان تنزل فيه القهوزة المطحونة وبعدين بتكتبي عليه انتي نوع القهوة اللي طحنتيها وفي الكاشير بيحاسبوكي على الوزن ويفضل انك تاخدي كمية حسب استهلاكك الاسبوعي او الشهري عشان لما بتقعد فترة طعمها بيتغير وبتعمليها في البيت في مكنة القهوة الكندية مش في الكنكة

بصي دي اقرب صورة لقيتها لمكنة طحن القهوة اللي بتكون في المحلات لاحظي الفتحة اللي على اليمين هيا اللي بتنزل منها القهوة المحطونة وانتي بتحطي تحتها الكيس وعلى فكرة انتي بتختاري درجة الطحن

يعني لو عايزة تعملي بن محوج بقى بجد ممكن اقولك على طريقة ظريفة جت في بالي دلوقت ده لو في حالة ملقيتيش قهوة تركي في المحلات العربي بس لو لقيتي اشتري دماغك واشتري

روحي محل bulkbarn هتلاقي فرع جنبك اكيد http://www.bulkbarn.ca/en-ca/locations.html

المحل ده تحفة بجد فيه حاجات كتير اوي وانا باعتمد عليه بشكل اساسي في التوابل المهم ابقي اكتشفيه براحتك

تشتري من هناك حبهان وكوفي حبوب وبعدين حاسبي عليهم وبعدين قولي لحد في الاستور انك عايزة تطحني الحبهان مع الكوفي في الماشين واختاري درجة الطحن ناعمة جدا وجربي لحد ما توصلي للتحويجة التمام

يا رب تكوني فهمتي قصدي اه على فكرة في المحل هتلاقي حبهان مطحون ناعم جدا جدا وكده ممكن تاخدي الكوفي لوحدهاوتطحنيها ناعم جدا وتاخدي الحبهان لوحده وبعدين اخلطيهم في البيت بيتهيالي كده احسن

على فكرة خليتي نفسي في فنجان قهوة تركي انا كمان

لأ يا ستى إنسى القهوة دلوقتى وأننتى حامل...العيال طلعوا سهيرة جامد

محل بالك بارن دة لقيته أول مرة فى سكوير وان ..مش عايزة أقولك مكنتش عايزة أطلع منه نوهائى..

كفاية مستلزمات التورت اللى فيه..وشيكولاتات التزيين بكل أشكالها وبيضا وبنى...بصراحة إتهوست من الحاجات اللى عنده

القدس طبعا فيه بن بس البن المحفوظ دة مابحبوش...بس آخر ما هازهق هاشترى دماغى زى ما قلتى

بصى صحيح...

أناديكى بإيه جىجى ولا فيفي...ولا جىفى

سلام