أونتاريو ترحب بـ سوسو

[SoSo R]

الله ينور يا مدام سوسورانى هى الجاجتات والاحذيه الثيرمال دى ممكن نلاقيها فى العروض والتخفيضات وهو وقت التخفيضات دى بيبقى امتى

ميه ميه يا جودفيث

هى دى المعلومات اللى الواحد عايز يعمل لها تثبيت

بتبقى موجودة طبعا فى التخفيضات بس الفكرة الأساسية إنك ممكن تحصلها أرخص من الخليج وبأذواق أكثر تنوع فى تصفيت الشتوى

كل سنه وانتى طيبه ياسوسو بمناسبة عيد الغطاس وياسلام بقى لو فيه عشرة اعواد من القصب وبلاش قلقاس علشان انتى عارفه انا مبحبوش خاااالص

وأنت طيب يا عنبى ...ماعنديش أعواد قصب للأسف...بس قولى صحيح مالكش فى القلقاس ولا الملوخية...أومال بتحب إيه سيادتك..ياعينى عليها بنت السفير

ماتسيبك منها مادام وجبة البيك ما طمرتش وشوف بنت القنصل المصرى فى كندا فى أوتوا ...وتجيبها كل فترة أعزمكم على قلقاس برضه

حمدالله على سلامتك وكل سنة وأنتم طيبين ويارب تكونوا كلكم بخير .

الله يسلمك وكل سنة وحضرتك بألف خير

[SoSo R]

ألف سلامة عليكى يا د/ سوسو و حمد الله على السلامة نورتى قهوتك

ياضنايا قطعتى قلبى بموضوع القهوة التركى دة و أنا جاية حاجيب لك بن تركى محوج مطحون جاهز أنا سامعة إن بن العميد بتاع الكويت فتح فرع عندنا بالرياض حاجيب لك منه و على فكرة حطى البن بالفريزر فى كيس مقفول كويس و طلعى منه شوية على قد إستعمالك يفضل فريش زى ماهو

أما موضوع الشوبينج فتسلم إيدك كمان مرة

أنا حاولت اتسوق هنا بالرياض بصراحة ما فيش حاجة حلوة لا عند زارا ولا سينتر بوينت الكواليتى مش قد كدة وأسعار حوالى 500 ريال لكن دبنهامز عندة جاكيتات ووتر بروف مبطنة حريمى و رجالى إبتداء من 400 ريال و شوفت بالطو صوف حريمى ب650 ريال بس إسود فقط أما البلطو الرجالى أحلى بالطو صوف صناعة ألمانى كان عند محل إسمه الزهار ب 800 ريال و كان عنده جاكيتات شمواة مبطنة بفرو ناعم أوى ب 550 ريال بس موديلاتها كلاسيك بالزيادة

عموما إحنا قررنا لاندينج فقط و السنة الجاية إن شاء الله إستقرار فقلت خلينى أدور على د/ تهامى فى مصانع الجبنة البيضاء أصله بقى له كتير مش بييجى قهوتة و نقوله ينزل موضوع شوبينج على الأجهزة الكربائية و الكاميرات يمكن دة يكون أسهل و مش محتاج سندوتشات جبنة

طيب الأسعار اللى قلتيها دى تسوى كام بالدولار...تقريبا من 100 $ فما فوق...يبقى كدة نفس الأسعار هنا...بس أكيد لو دورتى هتلاقى أسعار أقل...طيب دة قبل ولا بعد التنزيلات؟؟؟

الاخت الفاضلة الدكتورة سوسو

ممكن تجربي ان البن اللى تحتاجية لمدة شهر يكون في برطمان مغلق في الثلاجة. اما لو احتجتي تخزينه لفترة اطول تحتفظي بها في الفريزر تظل طازجة.

ييجى بس البن وأنا عندى إستعداد أحطه فى دولاب الهدوم ...ع التسريحة أى حتة

ازيك يا مدام سوسو فينك

يارب تكوني بخير

يارب يكتب ليكي الخير

متشكرة يا دكتور فاروق

[SoSo R]

احلى تحيه حلوه و منديه لسوسو و كل اخواتي في المنتدى الجميييييييييييييييييييييل محاورات المصريين - بجد تسلم ايديكي يا سوسو على معلوماتك الجااااامده و اللي هتوفر لنا من الشيل من مصر

بصي يا ستي انا لما سألت جوزي هناك و قلتلو قارنلي بين الجواكت هنا و هناك يعني سالتو من الاخر كنت جبت من مصر احسن؟؟؟؟؟؟؟؟ قالي لا خااااااالص لأن حاجة مصر من جاكتات و بلاطي و احذيه كمان متنفعش خااااالص في كندا - فليه نتعب نفسنا و نشيل من هنا و نشتري و الحاجه متنفعش في الشتا الرهيب اللي هناااك

اما بقه لو قفلت اوي اوي اوي و حابين نشتري من مصر فهنا في سيتي ستارز في براندز كتييير فيهم البلاطي و الحاجات دي بس البالطو مش هيقل عن 1000 و اكتر كمان انا شفت حاجات ب3000

فأحسن حاجه يا جماعه نشتري من هناك الحاجه هتكون ارخص و تنفع جو هنااااااااااااك و لا ايه يا سوسو؟؟؟؟؟؟

أنتى الخبير المثمن والقضائى ومندوبة الجمعية فى مصر...وأنا من الأساس ما عنديش فكرة عن حاجة مصر

بس فيه واحدة كانت جاية تمتحن فى يناير وقالت إنها جابت السويتر الكاجوال بتاعها من مصر وإن الحاجات متوافرة هناك...بس مش عارفة السعر كام

كل سنه و انت طيبه يا سوسو يا جميله

و الف مبروك على الصفحه 100 أنا أول واحده

خدت بالي يبقى لازم يكون ليه واحد هوت سموزي

أول ماجي ان شاء الله

وليكي عندي يا سيتي كيلو بن محوج من الي قلبك يحبوا

باجيبوه هنا من محل عندنا انت عارفه فين طبعا و مش ممكن

نشرب قهوه أنا و جوزي غير من عنده

بس ادعيلنا انت ان احنا نيجي

ربنا يخليكى و ميرسى لذوقك وتيجوا بالسلامة...

وموضع الصفحة ال100 أنتى فعلا أول واحدة خدت بالها

الدكتورة الفاضلة/ سوسو

شكرا جزيلا على موضوع الجواكت.. و اللى انا ثخصيا كنت محتاج أعرفه.

أعتقد ان الجواكت اللى فى مصر تعبانة و غالية عالفاضى.

انا عن نفسى لو ربنا اراد انى اروح كندا, هبقى آخد ترانزيت يومين فى اسبانيا أجيب جواكت من هناك.. لانها رخيصة جدا.. و جامدة كمان... خصوصا من المحلات الكبيرة اللى بتبقى عاملة تصفيات.

معرفش بقى لو الناس كلها تعرف تعمل الحركة دى.. بس قد يكون الموضوع متعب بالنسبة لاسرة.. على عكس واحد فردانى زيى ممكن اروح و آجى بسهولة.. خفيف خفيف يعنى.

كدة أنت بتأكد كلام مدام نور إن حاجات مصر أغلى ومش كوالتي تنفع فى البرد

[SoSo R]

الف مبروك علىوصولك كندايادكتورةسسورانى

انا عضوجديدوبذاكر علشان ادخل الاليتس و سوف اذهب باولادى كندا انشاء اللة انا عندى اولاد اعمارهم15/13/9/2 وزوجتى محجبة

وانا سوف اسافر بيهم فلوسماحتى تقوللى هل ساجدشغل لزوجتى علشان نساعدبعض فى المصاريف بالرغم من انها محجبة

وانا عندى 42 سنةهل سهل اجدعمل هناك واولادى مشتركين فى االعاب فىالنادى هل سيجدوا لعبة يلعبهوها ولاهيدعوا عليا انى سفرتهم

والله اناعايزيهم يعيشوا كويس انا اسف لانى باحس انى غريب فىوسطيكم فبرجاء ردى عليا وربنا يوفقك فى بلدك الجديد

أهلا بحضرتك وأنا طبعامش هاعيد الرد على سؤالك لأن الزملا كان ردهم مستفيض جدا

أنا بس لفت نظرى الجملة اللى بالأحمر دى...وناس كتير بتقولها كأننا شلة مقفولة على بعض ومش عايزين حد يدخل وسطينا...

طيب هافترض جدلا إنه صح ولو إنه مش صحيح...

ليه حضرتك ما تقتحمش القعدة...

أنت داخل على مجتمع جديد وهجرة ومعرفة الناس مهمة...وهنا صورة مصغرة للمجتمع

يحضرنى دلوقتى أسماء كتيرة قالت جملة شبه كدة...فيه ناس أستمرت وأندمجت

وناس خدت مصلحتها وإجابات أسئلتها وما شفناش وشها تانى بعد ما هاجروا

وناس طريقتها هو فرض نفسها وأسئلة ...أسئلة كأن الناس هنا قاعدة متفرغة لهم وبياخدوا مرتبات والناس تزعل وتغضب إن ماحدش جاوب

لأ وفيه ناس من اللى بتسأل دى فى عقلها الباطن بتشتم فى الأعضاء اللى بيجاوبوا و بيقولو دول عالم فاضية ومقضينها وقاعدين فى التكييف ومتفرغين

وشوية ناس بتهرج وتستظرف...ناس مقاطيع من الآخر.

معلش طولت فى الرد ..حضرتك مالكش دعوة بالكلام ده كله بس شوية خواطر جات على بالى

د. سوسو اسمحي لي أدلع اسم الدلع بتاع حضرتك

مبروك الصفحه الميه وعقبال الألف

و دعواتي لك بالتوفيق و ربنا يجمعنا قريبا في نادي المصريين بكندا وده مطلب شعبي مهم فعلا

سؤال عن لبس البيت في الشتا

مع التدفئه المركزيه هل تكون اقطان نص كم أو بكم و الا ترينينجز صوف او قطيفه

انا حاليا بالكويت و باستعد للرحيل ومش عارفه اشيل ايه و اسيب ايه

أعتقد جود فيث ردت عليكى بس أنا لسه هاكتب عن الحاجات اللى تتجاب وإيه اللى نسيبه

ومتشكرة قوى لدعوات حضرتك

انا متابعكم من زمان وانتم فعلا ناس كويسين جدا وفعلا شهامه المصريين بتجري فى دمكم ربنا يحميكم........

انا مقدم على الهجره ولسه حامتحن ال IELTS دعواتكم معايا

واجو ان تقبلونى عضوا معاكم ويكون لى الشرف

وتحياتى ليكى يا مدام سوسو وربنا يبارك فيكى

أهلا بحضرتك...وربنا يوفقك فى الأمتحان...هيكون إمتى ميعاده؟؟

[SoSo R]

ازيك يا سوسو يا ترى لاجو في تورنتو حبيبتي عامل ايه

يلا على حظك الدفا ده وعلى غير العادة درجات بلس في اواخر يناير

ان شاء الله تكوني بخير طمنينا عنك وعن الولاد ومتتاخريش عليناكده

وانا قررت اساعد في قهوتك شوية وانزل مشاريب على ما تيجي تنوريها فاسمحيلي

الجو كان حلو اليومين اللى فاتوا وأبتدى يمطر يومين متواصلين سيح كل التلج

بس من النهاردة الأربعاء أتنيل تانى الويند شيل وصلت -12

ويوم الجمعة والسبت هتوصل -20

وكل يوم بينزل تلج يعمله 1 سم

القهوة قهوتك يا فندم أنا منقطعة لأن الجهاز بتاعى ضرب وبيشتغل يوم آه وعشرة لأ

غير إنى ممكن أكون باكتب رد طويل ويقوم طافى لوحده...حاجة تعصب

وبعدين سبتلك تلغراف فى قهوة تهامى وأنتى ماعبرتنيش

مدام سوسو

مبروك ال 100 صفحة و عقبال ما تكمليهم ل 500 و يبقى اونتاريو ترحب بسوسو راني موسوعة

مستنين مشاركاتك المميزة على طول

ربنا معاكي

مبرووووك يا سوسو حبيبتي المئوية الأولى وعقبال التانيه والتالتة واالعاشرة يارب وتكوني منوره قهوتك المميزة يا جميله، سلمي على البنات وربنا معاكم

مبروك المية صفحة ....عقبال المية الصفحة التانية ..ويكون نصها عن الأكل ..

فارما هير وجاية لك يا كندا ومازن...

أشكركم بجد على تهنئتكم الرقيقة...ومتشكرة إنكم خدتو بالكم أصلا

أنا عمرى ما توقعت إن موضوعى يجيب ال100 أبدا زى مواضيع المنتدى الكبيرة

فاكرة أول مافتحته حد من أصدقاء المنتدى قالتلى...يا سلام يا سوسو لو موضوعك يجيب ال100 وينافس مع الصفوة

أنا كنت مستبعداها خالص وقلت آخره 40 ولا 50 صفحة وبالسلامة

ع العموم ميرسى لكل حد دخل وكتب كلمة هنا أشكركم كلكم بجد

[myusername]

الدكتورة الفاضلة/ سوسو

شكرا جزيلا على موضوع الجواكت.. و اللى انا ثخصيا كنت محتاج أعرفه.

أعتقد ان الجواكت اللى فى مصر تعبانة و غالية عالفاضى.

انا عن نفسى لو ربنا اراد انى اروح كندا, هبقى آخد ترانزيت يومين فى اسبانيا أجيب جواكت من هناك.. لانها رخيصة جدا.. و جامدة كمان... خصوصا من المحلات الكبيرة اللى بتبقى عاملة تصفيات.

معرفش بقى لو الناس كلها تعرف تعمل الحركة دى.. بس قد يكون الموضوع متعب بالنسبة لاسرة.. على عكس واحد فردانى زيى ممكن اروح و آجى بسهولة.. خفيف خفيف يعنى.

كدة أنت بتأكد كلام مدام نور إن حاجات مصر أغلى ومش كوالتي تنفع فى البرد

ايوة يا افندم بالظبط...

أقل جاكت فى مصر ب1000 جنيه.. انا بتكلم عن الجاكت المحترم.

انا اشتريت جاكيت من بلاد الاندلس ب20 يورو (160 جنيه) من محل اسمه sfera شكله كده محل معروف.. و لقيت زيه بالظبط ب700 جنيه فى كارفور.

معتقدش ان الجواكت فى مصر تنفع للتلج... و كمان أغلى من برة.

لكن التيشرتات و القمصان.. ربما تكون احسن فى مصر و أرخص...

[ehabtaher]

غريب فى وسطيكم

كلنا بنحس الاحساس ده بس ان لم تتجاهله وتحاول بقوه انك تندمج فى مجتمع محاورات المصريين.... طيب حا تعمل ايه .... فى كندا .... ربنا يستر

ياترى عن تجربتك الشخصيه ال حاجات الثيرمال من جاكتات و احذيه (زى ما قلتى متوفره فى الخليج) بيبقى مكتوب عليه معلومات عن قدرتها على مقاومه البروده الشديده والا منظر على الفاضى زى الحاجات الصينى

انا بالنسبه ليا حاسس اننى غريب لان الفايل نمبر لسه متعطل فى السكه ... لعل المانع خير

[يوتوبيا]

welcome back يا سوسو

مبروك صفحتك 100 وعقبال ال 1000 ان شاء الله وساعتها تقولوي برض يااااااااااااااااه فاكرين لما نهر قالتلي عقبال ال1000 وانا ما تخيلتش ان ده هيحصل

:egyflag:

ربنا يديم الود بينا جميعا يارب

[يوتوبيا]

غريب فى وسطيكم

كلنا بنحس الاحساس ده بس ان لم تتجاهله وتحاول بقوه انك تندمج فى مجتمع محاورات المصريين.... طيب حا تعمل ايه .... فى كندا .... ربنا يستر

ياترى عن تجربتك الشخصيه ال حاجات الثيرمال من جاكتات و احذيه (زى ما قلتى متوفره فى الخليج) بيبقى مكتوب عليه معلومات عن قدرتها على مقاومه البروده الشديده والا منظر على الفاضى زى الحاجات الصينى

انا بالنسبه ليا حاسس اننى غريب لان الفايل نمبر لسه متعطل فى السكه ... لعل المانع خير :egyflag:

يا دكتور ايهاب عايزين نطمئن عليك بقى مش تبعتلهم رسالة على نفس العنوان ولا حاجة نطمن بيها

ربنا يكتب الخير يارب

[ehabtaher]

لا توجد طريقه للاتصال بهم الا ان نتحلى بالصبر ونستنى لحد ما يلاقوا الجواب ويا اما يتم الرد عليه بالقبول او بالرفض

او يرجع الجواب لانهم معرفوش العنوان ده فى انهه بلد (انتى عارفه بقى السعوديين ممكن ما عرفوش يقرأو ا كلمه كندا بالانجليزى ويكونوا بعتوه على كوالا لامبور مثلا)

لكن الحل الوحيد الانتظار

وبما ان عنوان المرسل مظبوط يبقى فيه حاجه من اتنين حا تحصل اما الخطاب يتم رده لانه راح حته غلط

او يتم الرد عليه لانه راح حته صح

والحل الوحيد هو الانتظار

نهر النيل لو تابعتى التوبيك بتاع مدام سميه لتتبع حالات الفيدرال تلاقى حالات تم الرد عليها بعدها ب 6 شهور وحالات تم الرد عليها بعد شهر .. حسب النصيب بقى

انت ادعى بس يتأخروا عليكى لحد ما نتيجه الايلتس تطلع لان لو ردوا عليكى وانت سكورك فى الايلتس مش هو اللى مطلوب حتلاقى نفسك اتوترتى وبقيتى رايحه الامتحان وانت حاسه انه حيه او موت وساعتها مش حاتنجزى فى الامتحان لان الامتحان بتاع الايلتس بالذات عايز واحد رايق

[يوتوبيا]

انا مش مستعجلة خاااااااااااالص

كل شئ بأوان

بس كويس انك قلت ان في ناس ردوا عليهم بعد 6 شهور ده معناه ان ظروفك عادية مافيش قلق

الحمد لله

طيب انت ليه ما اجرتش صندوق بريد خاص لك لغاية ما ان شاء الله الموضوع يتم على خير وتبقى المراسلات كلها عليه افضل من انه يتوه في حته

[ehabtaher]

انا مش مستعجلة خاااااااااااالص

كل شئ بأوان

بس كويس انك قلت ان في ناس ردوا عليهم بعد 6 شهور ده معناه ان ظروفك عادية مافيش قلق

الحمد لله

طيب انت ليه ما اجرتش صندوق بريد خاص لك لغاية ما ان شاء الله الموضوع يتم على خير وتبقى المراسلات كلها عليه افضل من انه يتوه في حته

ودى تفوت عليا برضه

الصندوق موجود يا افندم

انا نزلتلك روابط جديده علشان دسك الايلتس نزليه بقى

[يوتوبيا]

انا بنزله دلوقتي اهو

جزاك الله خير

[goodfaith]

السلاموا عليكم انا ابوالعيال انا عاجزعن الشكر لردك الكريم عليا وجزاك الله الخير كله للاخلاقك الكريمة معنا جميعا

:)

انا زوجتى بتعمل رئيس قسم تامين بحرىوجوى واجسام سفن فى شركةتامين ولكنها ماليهاش فروع فى العالم

هوالواحدلما يسافر فيدرالى انه بلد يخترها من حيث العمل لى وزوجتى وتكون رخيصة

ويارب يوفقك ويبارك لك فى اولادك ودايما منورة فى المحاورات wst::

عليكم السلام

اهلا اهلا ابو العيال

شوف اللينك دي هتديك فكرة عن الانشطة الموجودة للاولاد

http://www.toronto.ca/parks/torontofun/index.htm

بخصوص عمل زوجتك في مجال التأمين

هنا البلد فيها شغل للتامين كتير جدا لان التامين اجباري على السيارات والبيوت حتى عند ايجار الشقة بيطلبوا انك تأمن على محتويات الشقة غير التامين على الحياة وانواع التامين التانية اللي انا معرفهاش بس اللي اقصده انه زوجتك ممكن تاخد كورس لمدة سنة مثلا في الانشورانس هنا في كندا عشان تعرف نظام البلد والتامين فيها ماشي ازاي وتستفيد من خبرتها السابقة لما تيجي تقدم على الشغل يبقى كده ضربت عصفورين بحجر واحد

معاها دراسة كندية وعندها خبرة قوية في المجال اللي درست فيه

ممكن تخليها تقرى في اوقات فراغها في الويب سايت ده يمكن تستفيد منه

http://www.insurance-canada.ca/index.php

ممكن كمان تراسل التوكيلات الملاحية اللي ليها فروع في كندا وتشوف اذا عندهم مجالات عمل في قسم التامين في التوكيلات دي او في شركات شحن مثلا ويبقى كده فضلت في نفس مجال عملها

بخصوص بلد الاستقرار صعب جدا اقولك ممكن تستقر في اي بلد بس ارخص مكان معروف انه كيبيك بس فرص العمل ضعيفة جدا وممكن تشوف ردود الاخ صعيدي في مونتريال لانه هاجر على كيبك ولم يجد اي فرص عمل بسيطة يمكن لتعصبهم للغة الفرنسية .. الله اعلم

فيه كلمة مشهورة اسمها mtv fever والمقصود بيها نزول المهاجرين على مونتريال او تورنتو او فانكوفر لانها المدن الاكبر وفرص العمل فيها تكون بالطبيعة اكثر لكن بعض الناس تفضل الذهاب لالبيرتا مثلا لتوافر فرص العمل في مجالهم هناك

وكندا عموما مش بلد رخيصة لان كل ما المستوى بيزيد المصاريف بتزيد ده على المستوى الشخصي ومستوى البلدان كمان :D

يعني بيتهيالي افضل شيء انك تستخير وربنا يكتب لكم اللي فيه الخير ان شاء الله

وسلامنا الحار لام العيال

لأ يا ستى إنسى القهوة دلوقتى وأننتى حامل...العيال طلعوا سهيرة جامد

محل بالك بارن دة لقيته أول مرة فى سكوير وان ..مش عايزة أقولك مكنتش عايزة أطلع منه نوهائى..

كفاية مستلزمات التورت اللى فيه..وشيكولاتات التزيين بكل أشكالها وبيضا وبنى...بصراحة إتهوست من الحاجات اللى عنده

القدس طبعا فيه بن بس البن المحفوظ دة مابحبوش...بس آخر ما هازهق هاشترى دماغى زى ما قلتى

بصى صحيح...

أناديكى بإيه جىجى ولا فيفي...ولا جىفى wst::

سلام

اهلا سوسو لسه كنا فيه امبارح وجوزي بيقولي بيور شوكليت دي ايه قلت له الشكولاتة الخام اللي بيعملوا بيها الحلويات :)

انا دايما برضو ابص على حاجات التورتات بس لاني خبرتي الحلوانية زيرو فمش باعمل حاليا اكتر من اني بابص

على فكرة لقيت فيه مرة ميكس طعمية وخروب مطحون وعسل اسود يعني بقالي سنتين بادخله باستمرار وكل حبة اكتشف فيه شيء جديد وهما كمان بيجددوا في بضاعتهم باين

والكوفي ممكن الست الحامل تشرب كوب متوسط في اليوم او فنجان واحد قهوة تركي بس مش اكتر من كده

وممكن تناديني نونا :)

ازيك يا سوسو يا ترى لاجو في تورنتو حبيبتي عامل ايه

يلا على حظك الدفا ده وعلى غير العادة درجات بلس في اواخر يناير

ان شاء الله تكوني بخير طمنينا عنك وعن الولاد ومتتاخريش عليناكده

وانا قررت اساعد في قهوتك شوية وانزل مشاريب على ما تيجي تنوريها فاسمحيلي

الجو كان حلو اليومين اللى فاتوا وأبتدى يمطر يومين متواصلين سيح كل التلج

بس من النهاردة الأربعاء أتنيل تانى الويند شيل وصلت -12

ويوم الجمعة والسبت هتوصل -20

وكل يوم بينزل تلج يعمله 1 سم

القهوة قهوتك يا فندم أنا منقطعة لأن الجهاز بتاعى ضرب وبيشتغل يوم آه وعشرة لأ

غير إنى ممكن أكون باكتب رد طويل ويقوم طافى لوحده...حاجة تعصب

وبعدين سبتلك تلغراف فى قهوة تهامى وأنتى ماعبرتنيش :D

تعرفي اول شتا ليا في كندا كانوا بيقولوا في الاخبار ان درجات الحرارة وكميات التلج ضربت رقم قياسي كان متحقق في التلاتينيات باين وانا وقتها كنت باشتغل وحامل وجوزي في بلد تانية وانا من غير عربية وبجد كنت باحس اني في سيبيريا

والموضوع انتهى اني جالي برد قوي قلب بالتهاب في المسالك واخدت كورسين مضاد حيوي ورا بعض ... كانت ايام

وبالنسبة لقهوة د/تهامي جاهدت فيها لمدة اسبوع لحد ما وصلت لصفحة 200 وبعدين قفشت والاستبوحس تمكن مني فباخد منها راحة كام يوم معلش اعذريني

اول ما اشوف تلغرافك هتلاقي الرد بالحمام الزاجل على طول

وعلى فكرة انا متابعة انتاجك الادبي ما شاء الله حاجة اخر جمال بس معرفتش اشارك هناك باي حاجة لان اخري في الشعر والنثر والخواطر اني اتذوقها زي التورتات بالظبط :)

[moheltohamy]

welcome back يا سوسو

مبروك صفحتك 100 وعقبال ال 1000 ان شاء الله وساعتها تقولوي برض يااااااااااااااااه فاكرين لما نهر قالتلي عقبال ال1000 وانا ما تخيلتش ان ده هيحصل

:lol: :lol: smk:

ربنا يديم الود بينا جميعا يارب

1000 مشاركة؟

أمّال أنا باعمل إيه هنا؟

هاقفل لها الموضوع على 999 ، وأقول لها كفاية عليكي كده ، وارتاحي بقى شوية bv:-

[ehabtaher]

الف مشاركه ايه احنا وصلنا هنا الف وخمسمايه

شكلك ما دخلتش من زمان

الالف وخمسمايه وواحد دى مشاركتك انت

عقبال يا سوسو الصفحه ال200

علشان بس احنا متواضعين

[EmanRasmy]

والله و عملوها الرجاله .. و رفعوا راس مصر بلدنا ..... مش أي كلاااااام.... لأ ..... 4 / 0 ......

ألف مليووووووووووووووووووووووووووووووووووووووووووووووووووووووووووووووون مبرووووووووووووووووووووووووووووووووووووووووووووووووووووووووووووووووووك لمصر الغليه اللي طول عمرها هتفضل رايتها عاليه.......

:lol: :lol: smk: bv:- :yahoo: :egyflag: :egyflag:

[moheltohamy]

بناءً على طلب صاحبة الموضوع... تم إعادة فتحه مرة ثانية...

نورتي التوبيك يا سوسو :ninja:

[د هشام ابراهيم]

Yamli يا يعيش ...يا يعيش ...يا يعيش :ninja:

[Ahmed Osman]

ياااااااااااااه أخيرا

ألف حمدلله على سلامتك يا د / سوسو

ألف سلامه للبنات طمنينا