أونتاريو ترحب بـ سوسو

[د هشام ابراهيم]

بالمناسبة مين SoSo R ديه اللي متخفية و اسمها ظاهر انها دخلت النهارده :lol: .......

عايزين التوبيك ده احتفالات و مهرجانات و لو حد جاب سيرة سكلما أو بستاش هو حر ....بالاصح هي حرة .....رزع الحلل و من الطراز التقيل جدا كمان :ninja:

[ramyfathalla]

ألف مليون مبروك على اعادة فتح أحلى توبيك

و عايزين أول مداخلة من د/ سوسو تقول لنا ان الأسرة كلها تمام و زى الفل

تم تعديل 12 فبراير 2010 بواسطة ramyfathalla

[ehabtaher]

SosoR

Hi

[Damo]

Welcome back SosoRany :ninja:

[ناوية ع الهجرة]

لا التهامي باشا وسوسو مرة واحدة حمدلله على السلامة :ninja: :blink:

نورتي توبيكك ومنتداكي يا شابة :wub:

يالله طمنينا على صحتك انت والبنات

:lol:

[SoSo R]

عودةالعميل 005

في حجرة مظلمةجلست العميل005

في حالة ترقب و إنتظار ، و المصباح الخافت في حركة مستمرة مثل البندول

ثم فجأة انفتح الباب عن شخص بخطوات واثقة ينفث دخان سيجاره الضخم...كان بالطبع تريبل زيرو000

ثم باغتها بسؤال بلهجة حادة...

أنتى قفلتى التوبيك ليه؟؟؟

أصل ...أصل تهامى ...أصدى العميل 002 كان بيهددنى وكدة و..

أجابها مقاطعا: أنا سألته وهو مالوش دخل فى أى حاجة أنتى هتتبلى ع الراجل عشان تتملصى من مهام وظيفتك

إحنا بنهرج هنا ولا إيه؟ ؟

005 تنظر للأرض فى صمت ...

أنا ماعنديش كمبيوتر والمنظمة ما قبضتنيش من ساعة ماوصلت المفروض أشتغل إزاى يعنى؟!!

يستخدم الجوال خاصته تريبل زيرو ليهاتف العميل 002 متسائلا : أنت ماقبضتش 005 بقالك أد إيه؟؟

يتلعثم فى الرد...أصل...أصل

تعالالى ع المكتب فورا..

يدخل 002 فى عجلة من أمره وعلامات القلق على وجهه...ثم يتحدث جانبا إلى تريبل زيرو بكلمات غير واضحة لها

ليعود تريبل زيرو ليخاطب 005 قائلا: إحنا ماعندناش وقت للتهريج بتاعكم ده..أنا اتكلمت معاه وهتوصلك حاجتك قريب وممكن تستعينى ب 003 لو محتاجة حاجة...

أصل...أصل..

مافيش أصل ولا فصل أتفضلى على شغلك ومش عايز كلام تانى من حضرتك ولا شكاوى...وإلا حسابنا مع بعض هيكون عسير

تخرج 005 وهى مطأطأة الرأس و غاضبة لتجد 002 ينظر لها شذرا ويقول لها بصوت منخفض وهو يضغط على أسنانه:

حسابى معاكى بعديييييييييين!!!

تمت

[SoSo R]

الحياة باستاج و سيمون يا هشام

أنكل يملى بتاعك ده مرهق قوى...هاعمل زى دكتور فناوى وأرد ردود من كلمة واحدة أو كلمتين ...لحسن كدة شلل بجد

دور كويس يوم الأحد أرجوك لحسن هيجلى عبط بالشكل ده من الكتابة الحلمنتيشى دى

دة آخر أمل لعودة العميل 005

[المعلم عتريس]

العميل ١٧٣٩٥٤٨

يحيي العميلة ٠٠٥

وبيقولك المنظمة العملية ناشفه حبتين

وتطلب منك مراسلتها من الموقع ٣٠٦

اتصرفي يا ٠٠٥

[حسام يوسف]

ألف حمدالله على سلامتك يا دكتور سوسوراني

ويارب تكونوا كويسين كلكم

خالص تحياتى ودعائي من أسوان

مصر

[مازن أطرش]

الحمدلله على السلاة دكتورة سوسو وتحية من سوريا من حلب مدينة الطرب والمحاشي والكبب ..وعلى سير ة الكبب ..وين موضوع الأكل .؟؟.انا قلت الدكتورة سكرت التوبيك كلو عشان متتورطش بموضوع الأكل ...ولا الظاهر زي ما قال د.هشام انتي مالكش بالأكل وخليكي بالمكياج والهدوم !! مستني موضوع مدهش يرد على افتراء ات دكتور هشان حول معلوماتك عن الأكل ..

[adamdec]

سوسوووووو!!!!!!!

أفهم من الارفام و الشفرة الى حضرتك كتباها فوق ان العائلة الكريمة بخير.

حمدالله على سلامتكم و انا مبسوطة اوى انك رجعتى لينا تانى.

[د هشام ابراهيم]

الحياة باستاج و سيمون يا هشام

أنكل يملى بتاعك ده مرهق قوى...هاعمل زى دكتور فناوى وأرد ردود من كلمة واحدة أو كلمتين ...لحسن كدة شلل بجد

دور كويس يوم الأحد أرجوك لحسن هيجلى عبط بالشكل ده من الكتابة الحلمنتيشى دى

دة آخر أمل لعودة العميل 005

الصبر يا أخت العرب ...

بكره ما تعرفيش تكتبي إلا ب-Yamli ...

صحيح نقول مبروك و لا إيه النظام ........سكلمان و لا أوبرجين :ninja:

[ehabtaher]

ممكن مدام سميه وهى مسافره تاخدلك معاها كيبورد عربى محترم من هنا ب 5 دولار بس

انت بس تؤمرى

يا مدام سميه اتصرفى لحسن 15 زيرو مش عارف يجيب الاجهزه اللى اتحجزت فى المطار

[Kitty]

حمدلله على السلامة يا سوسوراني

معلش أنا مش فاضية بتفرج على إفتتاح Olympics Games :ninja:

[SoSo R]

أنا فى عرضكم صافى أو سمية أنتوا أملى فى أولمبياد فانكوفر :ninja:

حد يجيب كيبورد عربى أو إستيكرز

البتاع دة...يملى، وبطيخى عامل زى تحدى الأعاقة...المداخلة بتجهز فى ساعة

شلللللللللللل :lol:

أنا زهقت بجد

مش عارفة أكتب أرد ع الناس

إلحقووووووووووووووونى

[SoSo R]

الحياة باستاج و سيمون يا هشام

أنكل يملى بتاعك ده مرهق قوى...هاعمل زى دكتور فناوى وأرد ردود من كلمة واحدة أو كلمتين ...لحسن كدة شلل بجد

دور كويس يوم الأحد أرجوك لحسن هيجلى عبط بالشكل ده من الكتابة الحلمنتيشى دى

دة آخر أمل لعودة العميل 005

الصبر يا أخت العرب ...

بكره ما تعرفيش تكتبي إلا ب-Yamli ...

صحيح نقول مبروك و لا إيه النظام ........سكلمان و لا أوبرجين :ninja:

سيمووووووووون

بينك

باستاج :lol:

[SoSo R]

متشكرة لكل من سأل عليا

الوضع كالتالى :

أنا وأعوذ بالله من كلمة أنا ...توقف القىء ومتبقى آلام فى البطن

مرمر...توقف القىء الحمدلله بس نفسها مسدودة ع الآخر

الصغنونة...أكتر واحدة تعبانة تحول الدور لأسهال شديد و فظيع ومش تمام فى لونه...وقاطعة أكل وشرب

كلنا بلا فخر...dehydrated

أنا قفلت ليه الدكان وفتحته ...محتاجة أرغى معاكم شوية فى الحكاية دى ومش عارفة أرغى براحتى :ninja:

[د هشام ابراهيم]

عايزة حاجة تساعد في علاج الجفاف و طعمها حلو ......V8 (وش و صوت ووودي وود بيكر )

لا بجد أيام أبو الريش لما محاليل معالجة الجفاف كانت بتشح اخوانا دكاترة الأطفال كانوا بيستخدموا السفن آب كبديل ...مياه و كاربوهيدرات و أملاح ...كل المطلوب في الحالات ديه ...بس لازم تتساب لما تبقى فلات علشان الكاربون ديوكسيد مش مطلوب

ربنا معاكم

[اسكندرانيةكنداوية]

ألف حمد الله على السلامة يا د/ سوسو

يارب يزيدلك إنتى و البنات فى الشفاء يارب

نورت المنتدى بجد بجد كنت مفتقداكى أوى

[يوتوبيا]

حمد الله على سلامتك يا سوسو يا عسل wst::

انا سعيييييييييييييييييييييييييييييييييييييده جدا جدا جدا

الف سلامة عليك وعلى البنات ربنا يشفيكم ان شاء الله