أونتاريو ترحب بـ سوسو

[precanadian]

أنا فى عرضكم صافى أو سمية أنتوا أملى فى أولمبياد فانكوفر

حد يجيب كيبورد عربى أو إستيكرز

البتاع دة...يملى، وبطيخى عامل زى تحدى الأعاقة...المداخلة بتجهز فى ساعة

شلللللللللللل md2:

أنا زهقت بجد

مش عارفة أكتب أرد ع الناس

إلحقووووووووووووووونى

الف حمد لله علي سلامتك وسلامه البنات يا دكتوره . اجر وعافيه ان شاء الله

للاسف كان لي مداخله رد علي مداخلتك اللي بالانجليزي لكن شكلها طارت wst:: md2:

حاولي تعملي search عن arabic keyboard واختاري اي موقع لو اسهل انك تكتبي بال mouse

[kodo]

الف حمد لله علي السلامة وان شاء الله ترجعي تنوري المنتدي بمشاركاتك الحلوة

في رعاية الله

[NaWiCaNaDa]

السلام عليكم

الحمد لله على السلامة

[Ahmed Osman]

أنا فى عرضكم صافى أو سمية أنتوا أملى فى أولمبياد فانكوفر

حد يجيب كيبورد عربى أو إستيكرز

البتاع دة...يملى، وبطيخى عامل زى تحدى الأعاقة...المداخلة بتجهز فى ساعة

شلللللللللللل md2:

أنا زهقت بجد

مش عارفة أكتب أرد ع الناس

إلحقووووووووووووووونى

الف حمد لله علي سلامتك وسلامه البنات يا دكتوره . اجر وعافيه ان شاء الله

للاسف كان لي مداخله رد علي مداخلتك اللي بالانجليزي لكن شكلها طارت wst:: md2:

حاولي تعملي search عن arabic keyboard واختاري اي موقع لو اسهل انك تكتبي بال mouse

د/سوسو

جربي الموقع ده و أكتبي بالماوس لغاية ماالإمدادات توصل

http://www.arabic-keyboard.org/

تحياتي

[norbakrahmed]

منورررررررررررررررررره يا سوسو - - - - - - - - :aslam: واحشااااااااني و الله و مبسوطه جدا برجوعك -- - - - - و الف سلامه عليكي و على البنوتاااااااااااااات

[ehabtaher]

عايزة حاجة تساعد في علاج الجفاف و طعمها حلو ......V8 (وش و صوت ووودي وود بيكر )

لا بجد أيام أبو الريش لما محاليل معالجة الجفاف كانت بتشح اخوانا دكاترة الأطفال كانوا بيستخدموا السفن آب كبديل ...مياه و كاربوهيدرات و أملاح ...كل المطلوب في الحالات ديه ...بس لازم تتساب لما تبقى فلات علشان الكاربون ديوكسيد مش مطلوب

ربنا معاكم :aslam:

ايوه يعنى سفن اب بس مرجوجه

بس اواى ترجيها قبل ما تفتحيها

لحسن تعملى فرح فى البيت

[enjisultan]

متشكرة لكل من سأل عليا

الوضع كالتالى :

أنا وأعوذ بالله من كلمة أنا ...توقف القىء ومتبقى آلام فى البطن

مرمر...توقف القىء الحمدلله بس نفسها مسدودة ع الآخر

الصغنونة...أكتر واحدة تعبانة تحول الدور لأسهال شديد و فظيع ومش تمام فى لونه...وقاطعة أكل وشرب

كلنا بلا فخر...dehydrated

أنا قفلت ليه الدكان وفتحته ...محتاجة أرغى معاكم شوية فى الحكاية دى ومش عارفة أرغى براحتى :lol:

الف حمد الله على سلامتك يا سوسو

بجد كان فى حاجة ناقصانا حمد الله على سلامتك

ربنا يتم شفاكوا على خير عارفة ومجربة وربنا يعينيك

من كتر ما احداث الفومتنينج ماشية معانا بالضبط بالترتيب ابتديت احس انكوا النسخة الكندية من الفيلم اللى انا عايشة بس احنا النسخة المدبلجة للسعودى حضرتك

المهم الحمد لله على كل حال

اما بخصوص لية قفلتى الموضوع فبصراحة من وجة نظرى المتواضعة ان دا اوفر لود عليكى انك تردى على كل رد بصراحة كتير

وخصوصا

لو كان الموضوع ببلاش والعملة الاشقاء واكلين عليكى حقك زى ما حاكيتى

يعنى انا بصفتى واحدة من الناس المهتمة ومن الاصحاب اى جيس

اود ان نبدأ بحملة فى التوبيك هنا على الا تردى على كل فسفوسة وكى اكون صادقة اول واحدة ابدأ بيها هى انا ما ترديش على المداخلات اللى باكتبها

وكل الناس اللى بيحبوكى اعتقد ان ما حدش هيمانع لان عقدة البرفيكشنيزم دى انك ترودى على كل المداخلات هتضطرك تاخدى مفتاح التوبيك من التهامى وتفضلى تقفلى وتفتحى

وشوية تواربى اللى هو هيكون فيرى ديستريسنج عليكى وتتطلعى تصوتى وتقولى الحقونىىىىىىىىىى

تقريبا قولتيها

على جميع المهتمين بيكى التصويت للفكرة

بالاتصال على 0920009000

(الغربة علمت الواحد الاستغلال)

يالا بس كدة

[ابنه النيل]

اولا الف الف سلامه ليكي وللولاد

سوسو حبيبتي مبروك رجوعك بالسلامه

ثم معلش عايزه اعترض علي د.هشام في توبيك تاني بس حبيت اكتبه عندك احسن اتعور

مين الي بيقول سوسو مش بتفهم في الاكل

افتكر قصد الدكتور هشام ان من كتر ما بتتعبي اليومين دول اكيد سببه لخبطه في الاكل

ثم انتي استااااااذه قهوه معلش يعني

سبيلهم بقي الاكل يعكوا فيه براحتهم انا زهققنين من عمايل الاكل

وخلينا نحن النسوه نتكلم في حاجات تانيه حلوه زي الهدوم والمدارس والعيال

وابو العيال والشغل المناسب لينا خاصه الكاجول

كده يعني

انا فعلا فرحانه برجوعك ومستنيين رجوع قوي في توبيك سوسو رااااني من جديد

موسم جديد بقي بعد فتره الهدنه والتصليحات اكيد عندك حاجات كتيييره عايزه تقوليها لنا

مستنيين اطلالاتك الحلوه

ودمتم بود

تم تعديل 13 فبراير 2010 بواسطة ابنه النيل

[pink rose]

حمدالله على السلامة يا سوسو

و ربنا يزيدك شفا انتي و البنات ان شاء الله

طمنينا عليكي

[memma]

الف حمدالله على السلامة ياد.سوسو ....نرجو استمرار العطاء بقدر المستطاع

[arora]

حمدا لله على السلامة يا دكتورة سوسو

مبروك فتح الدكان من تانى

ربنا يتم شفاكم على خير

تم تعديل 13 فبراير 2010 بواسطة arora

[cherie]

Back :lol:

cr((:

[جايه لك يا كندا]

اود ان نبدأ بحملة فى التوبيك هنا على الا تردى على كل فسفوسة وكى اكون صادقة اول واحدة ابدأ بيها هى انا ما ترديش على المداخلات اللى باكتبها

وكل الناس اللى بيحبوكى اعتقد ان ما حدش هيمانع لان عقدة البرفيكشنيزم دى انك ترودى على كل المداخلات هتضطرك تاخدى مفتاح التوبيك من التهامى وتفضلى تقفلى وتفتحى

وشوية تواربى اللى هو هيكون فيرى ديستريسنج عليكى وتتطلعى تصوتى وتقولى الحقونىىىىىىىىىى

تقريبا قولتيها

على جميع المهتمين بيكى التصويت للفكرة

بالاتصال على 0920009000

(الغربة علمت الواحد الاستغلال)

يالا بس كدة

أنا موافقة تماما وأؤيد اقتراح انجي لأن ده هايريح العميل اللي بيكتب من ناحيه، ومش هايخلينا نطلع بره الموضوع الأساسي بالرد على كل شخص رد منفصل، صدقوني حرام ده متعب جدا. احنا عايزين ندخل عالمهم والمفيييييد.

ألف ألف حمدالله على سلامتك يا سوسو نورتي قهوتك والمنتدى كله، وياريت ماتفكريش تعملي كده تاني.

ان شاء الله يكونوا بناتك أحسن دلوقت وربنا يتمم الشفا يارب

[hosiny]

الف حمدا الله على السلامة

[EmanRasmy]

حمد الله ع السلامه .... نورت يا د. سوسو يا قمر و بجد وحشتيناااااااااااااااااااا قوي ... يا رب تكوني و البنات بألف خير... و خلو بالكو من نفسكو كويس...

[أكسيلانس]

ألف حمدلله علي السلامه يا د- سوسو

و ربنا يطمنا عليكم جميعا

[SoSo R]

مساء الخير عليكم جميعا...

متشكرة قوى يا جماعة على عاصفة الترحيب ده وعلى تمنياتكم بالشفاء...أنا بطنى لسه ملخبطة شويتين

والبنت الصغيرة لسه برضه تعبانة بس الحمدلله القىء وقف ...بس الأسهال شديد قوى وبرضه هى مانعة الأكل خالص

______________________________________________

أرغى معاكم بأه ليه قفلت الموضوع...

الحقيقة بعد المعلقة بتاعة الشوبنج اللى نزلت والتفاصيل المملة جدا فى الموضوع لقيت مافيش حاجة ممكن أضيفها

حتى الحاجات اللى كنت ناوية أتكلم عنها لقيتها أتكتبت فهيبقى تكرار مالوش لازمة...

فكرت ..لقيت إنى فعلا ماعنديش حاجة تانى أضيفها..أو أتكلم عنها

غير إن الموضوع كله على رأى باشمهندس زناتى هو تمنيات بالشفاء...

أنا بصراحة إتكسفت من نفسى أوى...

كله إكتئاب يا إما أغانى...

والناس بتاخد خاطرى :wub:

قلت أقفله من سكات ومن غير حتى كلمة من اللى هيقفله عشان ماحدش يقول دى بتعمل هيصة عشان الناس تقولها أرجعى تانى وكدة..

وفعلا أتقفل الموضوع...

وبعديها الكومبيوتر باظ..وبقيت بادخل كل فترة من على أى كومبيوتر أعرف إيه الأخبار

فى الأول أنا أتأثرت لأنى باعتبر الموضوع دة حاجة عزيزة عندى...

بس قلت دة أحسن قرار

ولكن فوجئت بكم من الرسائل الخاصة غير طبيعى وع الماسينجر...

غير الناس اللى كانت بتسأل عليا ع العام..

أنا ماكنتش متوقعة إن أنا مهمة قوى كدة

وكل الناس دى بتحبنى رغم إنهم ماشافونيش ومايعرفونيش أصلا

قلت أعمل إعادة تقييم للموقف

ورجعت أقرا الموضوع من أوله خالص...من غير ما أرد على حد..بس باستمتع بالمكتوب

لقيت الآتى:

الموضوع ده ليه طعم ومذاق مختلف تماما...يمكن مافيهوش معلومات كتير

بس فيه روح...ومحبة بين الناس

فيه صداقات أتعملت فى الموضوع ده

أنا لقيت فيه أحداث كنت نسيتها ...لأنى كتبتها علطول أول ما حصلت

بجد ده توثيق لأيامى الأولى فى كندا...واستمتعت برد كل واحد كتب فيه

وعشان كدة فتحته تانى

يكون طريقة نتواصل فيها مع بعض

وكفاية إن قفله خلى ناس كتيرة ظهرت تانى ع السطح...كلهم زمايل و أصدقاء وناس عزيزة عليا جدا

أشكركم على محبتكم الكبيرة القوى :wub:

وأكيد أى حد قدام المشاعر دى مش هيقدر يعند تانى أبدا

تحياتى :blink:

[SoSo R]

موضوع الكيبورد الفيرتشوال ده صعب قوى ...إنى أكتب حرف ...حرف بالماوس

الياملى بأه حاسة إنه عامل زى الجزمة الضيقة اللى عايزة تتلين..

مش عارفة آخد راحتى...

طيب كدة بتوع الشعر و الأدب هيتحرموا من إنتاجى الفنى :blink:

لأنى بافتح صفحة الرد و أرتجل...

بس مش معقولة أرتجل و أكتب بحروف إنجليزى

عارفين إيه أحلى حاجة فى الدنيا:

إنك تمسك إيدين بنتك الصغنونة وترقصوا مع بعض و تلفوا فى دواير

إنك تلاقى كف صغير وناعم بيطبطب عليك

إنك تسمع ضحكة بريئة قوى تشق جدار الصمت...مش بس ضحكة دى كركعة :wub:

إنك تعمل حاجة صغيرة قوى تفرح بيها حبايبك الصغنين فرحة مالهاش حد

إن يكون جرس التليفون هو أحلى لحن تسمعه فى حياتك لأن معناه إنك هتسمع صوت إنسان بتحبه بجد :wub:

إنك تسمع أغنية عزيزة جدا على قلبك ترجعك سنين كتيرة لورا وتطيرك فوق السحاب

أنا شايفة إن دى أحلى حاجات فى الدنيا

اللى عايز يشاركنا بأحاسيس زى كدة و تكون حلوة و طعمة زى الشيكولاتة دى يتفضل

[Ahmed Osman]

الموضوع ده ليه طعم ومذاق مختلف تماما...يمكن مافيهوش معلومات كتير

بس فيه روح...ومحبة بين الناس

فيه صداقات أتعملت فى الموضوع ده

موضوع معلوماته سلسه ،جميلة ، مفيدة ودمها خفيف

ربنا يديم الروح في الموضوع

ويزيدك محبة الناس و صدقاتهم

متغبيش علينا تاني

تحياتي

[norbakrahmed]

يا عيني يا عيني على اشعارك و كلامك الجامد اوووي يا سوسو - - - - بجد بجد تاني منوره المنتدى :rolleyes: