أونتاريو ترحب بـ سوسو

[SoSo R]

صباح الخير د.احمد و مدام نور ميرسى على مروركم وكلماتكم الرقيقة

كنت عايزة اتكلم عن الحاجات اللى ما نجيبهاش معانا...

أى أجهزة كهربائية ضخمة مالهاش لازمة طبعا...لبيت فيه بوتاجاز وغسالة ودراير وتلاجة و ساعات كمان غسالة أطباق

التلفيزيونات و الكلام ده موجود بأسعار معقولة فى التنزيلات هنا

بالنسبة للملابس بأه على أساس دى أكتر حاجة هناخدها معانا...

أى حاجة تقيلة قوى ما ناخدهاش!!!

لأن اللبس ماشى بنظام مالتى لاير كل ما تتحر فى مكان مقفول بتقلع طبقة

لو عندنا بلوفر تقيل قوى أو بيجامة تقيلة قوى او قمصان النوم اللى بتبقى عاملة زى البطانية فى سمكها و تقلها...

كل الحاجات دى ما حدش يجيبها يا جماعة...لأنها هتترمى ومش هتستخدم

كل البلوزات الهايكول التقيلة قوى ...ماحدش يجيبها

واحدة حكت لى و هيا جاية من مصر كانت جايبة كمية منهم..وموهير...ورجعت مصر بعد كدة وزعتهم على اخواتها...لأنها ما أستحملتهمش

لو فيه روب عندنا نقيم حالته...

لو تقيل نص نص مالوش لازمة و مش هينفع

بس لو تقيل بحق ربنا هاتوه ...هينفع و انتوا بتطلعوا الزبالة بتسخنوا العربية مثلا...تحطوا الروب التقيل قبل ما تطلعوا

و

بيجامات البيت كلها اقطان وممكن تجيبوا البيجامات الخريفى الخفيفة...انا عن نفسى بلبس صيفى فى البيت...وساعات بكون حرانة كمان

موضوع البطاطين والألحفة...اتسأل عليه كتير..

انا شايفة مالوش داعى ناخدهم كوزن إلا فى حالة لو هنشحن كونتينر يبقى مش هيخسروا

بس القاعدة العامة مش هتحتاجوا أكتر من اللحاف الأمريكانى الخفيف ...والبطاطين برضه بتبقى عاملة زى الورقة!!

الأحذية:

الملاحظ ان الأحذية الجلد هنا غالية قوى

بارجع بذاكرتى لورا لما كان ييجى قرايبنا من امريكا زييارة لمصر...كانوا بيشتروا كميات مهولة...طبعا السبب معروف...

بس طبعا تجيبوا احذية فى حالة جيدة جدا...

هيا فى الشتا القارس هتحسوا ان انتوا ماشيين حقيانين ...بصراحة مش بتستر فى البرد...بس اللى تقدروا تجيبوه هاتوه ..لحد ما نشرح تفصيلا الأحذية المطلوبة هنا عاملة ازاى

بالنسبة للأحذية الرياضية...

ماتجيبوش مخصوص

هنا حاجات روعة واصلى باسعار رخيصة جدا...بصراحة انا بحب موديلاتها جدا...مشكلتى انى مش من هواة لبس السنيكرز خالص...يعنى اعجب بيها و اشتريها بس مش بالبسها...بحس انها تنتقص من انوثة السيدة

اينعم ليها امكاكنها المخصصة زى البارك وكدة...بس يعنى هما كلهم كام مرة فى السنة!!!

ما علينا دى اراء شخصية كلها غير ملزمة لحد

نتقابل فى حلقة الأحذية الشتوية عشان خاطردكتور فاروق خصيصا...ولو حد عنده أسئلة فى اللى فات

سلام

[kodo]

:closedeyes:

اولا الف الف حمد لله علي سلامتك يا دكتورة انت والبنات

ثانيا عودة سالمة الي ارض المنتدي نورتي مكانك يا قمر

ثالثا انا لي سؤال لو حضرتك عندك فكرة عن نظام الدش اللي بدون اشتراكات

لان بصراحة مش واضح ومحدش اتكلم عنه قبل كده

وكمان موضوع شطافة الحمام يا ريت تقولي تجربتك معاها

في رعاية الله

[qenawy]

ح ا ع س

يعني حمد الله علي السلامة

(مش بتقولي ان ردودي قصيرة طب اصبري علي الشفرة بعد كده) :closedeyes:

[اسكندرانيةكنداوية]

أحلى حاجة فى الدنيا إنك رجعتى نورتى التوبيك بتاعك

أحلى حاجة فى الدنيا إنك رجعتى تكتبى بنفس الروح الحلوة

يارب يديمها عليكى و ما يحمرناش منك و من مداخلاتك

[ELSHAMY]

أحلى حاجة فى الدنيا إنك رجعتى نورتى التوبيك بتاعك

أحلى حاجة فى الدنيا إنك رجعتى تكتبى بنفس الروح الحلوة

يارب يديمها عليكى و ما يحمرناش منك و من مداخلاتك

يارب لا يحمرنا و لا يشوينا..... wst:: صباح الفل يا اسكندرانية...انتى شكلك كده جعانة :)

سلامات يا سوسو

أشعارك خلت عيونى تدمع...

ما يحسش باللى كتبتيه الا المحروم منه....

دمتى بكل ود

[SoSo R]

:wub:

اولا الف الف حمد لله علي سلامتك يا دكتورة انت والبنات

ثانيا عودة سالمة الي ارض المنتدي نورتي مكانك يا قمر

ثالثا انا لي سؤال لو حضرتك عندك فكرة عن نظام الدش اللي بدون اشتراكات

لان بصراحة مش واضح ومحدش اتكلم عنه قبل كده

وكمان موضوع شطافة الحمام يا ريت تقولي تجربتك معاها

في رعاية الله

الله يسلمك...

أنا ماليش أى تجارب مع التليفزيون و الدش ...لأن ببساطة اللى بيأجر مالوش حق يركب دش

أنا عاملة إشتراك كابل مع روجرز المجموعة الأساسية و دمتم

غير إنى مش باتفرج على تلفزيون من أساسه ...محتل من قبل البنات وهيا محطة واحدة اللى شغالة إسمها تريهاوس رقم 65

إفتكريها هتنفعك :)

الشطافة تنطبق عليها موضوع إنك مؤجرة مش من حقك و ممكن يعملك مشاكل

بس الأعلانات بتاعتهم مالية الدنيا فى الجرايد العربى

فى خلال الألفية الجاية لما نشترى البيت ...هابقى أقولك على تجاربى wst::

العمر الطويل ليكى و ليا

ح ا ع س

يعني حمد الله علي السلامة

(مش بتقولي ان ردودي قصيرة طب اصبري علي الشفرة بعد كده) :)

أقصر من كدة ما فيش...ناقص تكتب نقط و نتوقع إحنا الرد

أنا مرة لقيتك بترد بكلمة أنا...فقط لا غير

و ما حسيتش أنى فاهمة معنى الأجابة إلا بعض 4 مرات قراية

منك لله يا شيخ :)

أحلى حاجة فى الدنيا إنك رجعتى نورتى التوبيك بتاعك

أحلى حاجة فى الدنيا إنك رجعتى تكتبى بنفس الروح الحلوة

يارب يديمها عليكى و ما يحمرناش منك و من مداخلاتك

أحلى حاجة التحمير و القلى :)

هو دة اللى يمشى مع الفلانتين

ميرسى يا جميل على كلامك الرقيق جدا

يارب لا يحمرنا و لا يشوينا..... صباح الفل يا اسكندرانية...انتى شكلك كده جعانة wst::

سلامات يا سوسو

أشعارك خلت عيونى تدمع...

ما يحسش باللى كتبتيه الا المحروم منه....

دمتى بكل ود

ربنا يخليك يا دكتور

بس مهما كتبت مش هقدر أنافس حضرتك فى المشاعر التلقائية اللى حضرتك بتوصفها

شكرا لمرورك دكتورنا العزيز wst::

[SoSo R]

أحب أطمنكم على صافى إنها مستمتعة و مبسوطة بالسقعة الكندى

وواضح إن القراية فى المنتدى عاملة معاها شغل جامد فى اللاندنج

وكان ليها مغامرات فى الطيارة مع الأكل وكدة :wub:

دة غير إعجابها المتناهى بمضيفات البريتش إير وايز :)

نفس تعليقى عليهم ...يلا دع الخلق للخالق

المهم هيا تمام التمام و مبسوطة بالجو الدافى و هينزلها سنو آخر الأسبوع عشان تبقى لعبت كل الألعاب

سمسمة لم يستدل عليها لسه

واضح إنها مالهاش نفس تكلمنا رغم وجودها فى ميساسجا

أول ما أستدل عليها هاوافيكم بالأخبار عشان هيا مش معبرة حد

هيا كدة النفوس بتتغير لما الناس بتوصل كندا

على فكرة النهاردة عيد الأسرة وهو عطلة رسمية للمدارس و معظم المحلات

Happy Family Day wst::

[مازن أطرش]

الحمدلله على رجوعك ..ومش رجوع عادي ..وبقوة كمان ...بذكرك اولا بموضوع الأكل ..دانا خسيت وانا بستنى حلقة الطعام الكندي ..وثانيا بالنسبة للأخ كودو اللي سأل عن الدش.بحب اجاوبو وعاوز تصحيحك لاجابتي ...أنا لي صديق قاعد بأمريكا ..بيقولي انو وبعد خبرة وقعدة 10 سنين بأمريكا ..الأفضل انو الواحد يشوف القنوات اللي عاوزها على النت ..وخصوصا العربية وبكده يوفر الاشتراكات ..وطبعا يخصص كومبيوتر لقنوات النت ويكون موصول على شاشة ال سي دي ..واتفرج ...وادعيلي

[مازن أطرش]

عفوا الأخت كودو ...غلطنا ومنك السماح ..المهم عاوز الرد بخصوص قنوات النت ..

[SoSo R]

قدرنا نستدل على سمسمة ...وهيا بخير و أحسن حال

يبقى كدة إطتمنا على عمودين من أعمدة المنتدى...

و سمسة لو كتبت هتكمل السيمفونية بتاعة باشمهندس زناتى...و الأنطباعات اللى فى الجوووووووووون

الله يمسيك بالخير يا تورنتو

الحياة لونها باستاج و بينك و باستاج و سيمو :)

مساء الفل يا دكتور هشام wst::

سلام

[أكسيلانس]

مرة تانيه منوره مكانك يا دكتوره -- عايز أقول لحضرتك حاجه بخصوص المنتدي و كنت علقت عليها في مكان أخر - و هو ألاحساس بالعزوه - شئ معنوي كتير منا بيزهق منه في مصر - من كثرة ألتزامات العزوه و العائله الكبيره و كده - لكن بيعرف قيمته جدا في الغربه - و المنتدي هنا أصبح هو العزوه لناس كتير و خصوصا أنها عزوه و عائله أختياريه يعني أحنا ألي أختارنا نكون هنا - و نتواصل مع أشخاص نتبادل معهم تجارب مشتركه - و هناك الكثير من التشابه في المستوي العلمي و الثقافي بل و الحياتي أيضا - و هو ما قد لا يتوفر في العائله الحقيقيه - و لا تنسي أن متانه العلاقه بين الاصدقاء سببها الاساسي هو ألاختيار -

أتمني أن تتحول هذه العزوه و العائله الافتراضيه الي عائله حقيقيه و أن تكون نواه لمجتمع عربي نصنعه نحن بمحض أرادتنا و غير مورغمين عليه -- و انا واثق أن هذا سوف يكون خير سند في تجربه الغربه

أما سؤال اليوم - و بعد أن أقتربت خطوه زياده في مشوار الهجره ووصلني الرفرنس نمبر العزيز أمبارح

فهو - ليه كل ما أقترب خطوه من كندا - التي سعيت أليها - ركبي تخبط في بعضها - و أعمل زي التلميذ الي داخل أمتحان و رغم أنه قاعد يحفظ و يصم طول الليل - مش فاكر و لا كلمه في الامتحان - هو ده عادي و لا أنا بهيس

نهاركم سعيد

[يوتوبيا]

مرة تانيه منوره مكانك يا دكتوره -- عايز أقول لحضرتك حاجه بخصوص المنتدي و كنت علقت عليها في مكان أخر - و هو ألاحساس بالعزوه - شئ معنوي كتير منا بيزهق منه في مصر - من كثرة ألتزامات العزوه و العائله الكبيره و كده - لكن بيعرف قيمته جدا في الغربه - و المنتدي هنا أصبح هو العزوه لناس كتير و خصوصا أنها عزوه و عائله أختياريه يعني أحنا ألي أختارنا نكون هنا - و نتواصل مع أشخاص نتبادل معهم تجارب مشتركه - و هناك الكثير من التشابه في المستوي العلمي و الثقافي بل و الحياتي أيضا - و هو ما قد لا يتوفر في العائله الحقيقيه - و لا تنسي أن متانه العلاقه بين الاصدقاء سببها الاساسي هو ألاختيار -

أتمني أن تتحول هذه العزوه و العائله الافتراضيه الي عائله حقيقيه و أن تكون نواه لمجتمع عربي نصنعه نحن بمحض أرادتنا و غير مورغمين عليه -- و انا واثق أن هذا سوف يكون خير سند في تجربه الغربه

أما سؤال اليوم - و بعد أن أقتربت خطوه زياده في مشوار الهجره ووصلني الرفرنس نمبر العزيز أمبارح

فهو - ليه كل ما أقترب خطوه من كندا - التي سعيت أليها - ركبي تخبط في بعضها - و أعمل زي التلميذ الي داخل أمتحان و رغم أنه قاعد يحفظ و يصم طول الليل - مش فاكر و لا كلمه في الامتحان - هو ده عادي و لا أنا بهيس

نهاركم سعيد

كلام حلو اوي اوي اوي اويييييييييييييييييييييييييييييييييي

وصف دقيق ومميز

[يوتوبيا]

ميرسي يا سوسو

انت بصراحة بتتكلمي عن حاجات حتى لو جت على بال الواحد ممكن يتكسف يسأل عنها لحد يضحك عليه بس انت ما شاء الله

درر درر

نصايحك درر

[znaty]

قدرنا نستدل على سمسمة ...وهيا بخير و أحسن حال

يبقى كدة إطتمنا على عمودين من أعمدة المنتدى...

و سمسة لو كتبت هتكمل السيمفونية بتاعة باشمهندس زناتى...و الأنطباعات اللى فى الجوووووووووون :lol:

الله يمسيك بالخير يا تورنتو

الحياة لونها باستاج و بينك و باستاج و سيمو :lol:

مساء الفل يا دكتور هشام :D

سلام

منورة والله يا دكتوره :lol:

سايبينك براحتك خااالص اهو

بس بجد ..ربنا يعينك

سلميلنا على الدكتورة صفاء و المهندسة سمية اوي اوي اوي

بس افهمها دي بقة ؟؟ :lol: غششيني انطباعات م سمية ؟؟

ولغاية دلوقتي فعلا ماعرفتش ايك في انطباعاتي

بمناسبة وجود د صفاء و م سمية وانتي

زوجتي العزيزة بتقول ياريتني كنت معاهم ..الطريق الى ايلات :lol:

بس هانت قريب اوي ان شاء الله

[جايه لك يا كندا]

عارفين إيه أحلى حاجة فى الدنيا:

إنك تمسك إيدين بنتك الصغنونة وترقصوا مع بعض و تلفوا فى دواير

إنك تلاقى كف صغير وناعم بيطبطب عليك

إنك تسمع ضحكة بريئة قوى تشق جدار الصمت...مش بس ضحكة دى كركعة :waf:

إنك تعمل حاجة صغيرة قوى تفرح بيها حبايبك الصغنين فرحة مالهاش حد

إن يكون جرس التليفون هو أحلى لحن تسمعه فى حياتك لأن معناه إنك هتسمع صوت إنسان بتحبه بجد cld:

إنك تسمع أغنية عزيزة جدا على قلبك ترجعك سنين كتيرة لورا وتطيرك فوق السحاب

أنا شايفة إن دى أحلى حاجات فى الدنيا

اللى عايز يشاركنا بأحاسيس زى كدة و تكون حلوة و طعمة زى الشيكولاتة دى يتفضل

قد ايه احساسك جميل ورقيق يا سوسو، ربنا يقرب البعيد يا عزيزتي ويخلي عيلتك وكل أحباءك

[ايناس احمد]

الف الف حمدلى على سلامتك ياسوسو والف سلامه ليكى انتى والبنات وربنا يطمنك عليهم معلشى انا بدخل المنتدى خطف على السريع بعد البيبي الجديد اعذرينى وفاتنى حاجات كتير نفسى الاقى وقت علشان اقراها بس انا متبعاكى أسألك بقى عن حاجه جوزى كان قاعد فى امريكا 3 سنين وبيقولى ان شهر 12 كان بيبقى مليان تخفيضات علشان الاعياد ياترى هو دا نفس الميعاد عندكو فى كندا لاننا تقريبا ناوين على شهر 11 فبيقولى انه حيبقى قريب من ميعاد التخفيضات فمفيش داعى ناخد حاجات كتير معانا ونبقى نشترى من هناك ايه رايك ياسوسو

[SoSo R]

مرة تانيه منوره مكانك يا دكتوره -- عايز أقول لحضرتك حاجه بخصوص المنتدي و كنت علقت عليها في مكان أخر - و هو ألاحساس بالعزوه - شئ معنوي كتير منا بيزهق منه في مصر - من كثرة ألتزامات العزوه و العائله الكبيره و كده - لكن بيعرف قيمته جدا في الغربه - و المنتدي هنا أصبح هو العزوه لناس كتير و خصوصا أنها عزوه و عائله أختياريه يعني أحنا ألي أختارنا نكون هنا - و نتواصل مع أشخاص نتبادل معهم تجارب مشتركه - و هناك الكثير من التشابه في المستوي العلمي و الثقافي بل و الحياتي أيضا - و هو ما قد لا يتوفر في العائله الحقيقيه - و لا تنسي أن متانه العلاقه بين الاصدقاء سببها الاساسي هو ألاختيار -

أتمني أن تتحول هذه العزوه و العائله الافتراضيه الي عائله حقيقيه و أن تكون نواه لمجتمع عربي نصنعه نحن بمحض أرادتنا و غير مورغمين عليه -- و انا واثق أن هذا سوف يكون خير سند في تجربه الغربه

أما سؤال اليوم - و بعد أن أقتربت خطوه زياده في مشوار الهجره ووصلني الرفرنس نمبر العزيز أمبارح

فهو - ليه كل ما أقترب خطوه من كندا - التي سعيت أليها - ركبي تخبط في بعضها - و أعمل زي التلميذ الي داخل أمتحان و رغم أنه قاعد يحفظ و يصم طول الليل - مش فاكر و لا كلمه في الامتحان - هو ده عادي و لا أنا بهيس

نهاركم سعيد

مساء الخير يا أستاذ محمد..

سؤالك يتكون من شقين

الشق الأول عن العيلة الأختيارية..

أحب أقولك إن مش كل الناس اللى معانا هنا بوصف حضرتك...فيه ناس كتير بيدخلوا لأهداف تانية وربنا أعلم بالنوايا

وأكيد بييجى الوقت اللى الناس دى بتنكشف من موقف ..من كلمة...حسب التساهيل

اللى هيبان على حقيقته...هيكون منبوذ أكيد من المجموعة بس يارب ما يطلعوش كتير

الخلاصة أنا باعتمد على إحساسى الشخصى والراحة النفسية وغالبا ما بتخيبش...

بس فعلا فيه ناس كتير مش كويسة!!!

الشق التانىمن سؤالك رده كان فى مداخلة كتبتها من سنة لما وصلتنى الجوازات بالفيزا ...حسيت بنفس إحساسك...رعب و قلق بعد اللهفة و الأنتظار...هحاول أدور لك عليها ...عشان أوريلك إن ده إحساس متكرر...لما الواحد بيحس بقرب الموضوع

بس أنت سيبها ع الله...

فيه كمان صدمة الوصول...و إنطباعاته زى باشمهندس زناتى و مدام سمية

فيه زنقة العيشة...و إنطباع ...إيه اللى أنا عملته فى نفسى ده؟!!!!

هو طابور من المشاعر بيعدى علينا كلنا..

الشطارة إزاى نتخطاه بسرعة ...وما نقفش عند مرحلة منه..

تحياتى

[حسام يوسف]

الحمدلله يا دكتور سوسوراني على رجوعك وعلى سلامتك

والحمدلله انك أتأكدتى قد ايه ناس كتير بتعزك

وبجد انا بستفيد كتير من التوبيك بتاعك

وياريت تكلمينا لو الظروف تسمح عن أى جديد بخصوص العمل الكاجوال ومرحلة ما قبل المعادلة

[عنبو]

عوداً احمداً

ايوه كده خلى المنتدى نوره يزداد

هو ايه يوم الاسره ده بيعملوا فيه ايه ؟

[kodo]

الف شكر يا د. سوسو علي الرد الوافي

يعني من الاخر كده المستأجر ملهوش حق انه يغير او يضيف اي حاجة في الشقة

يعني يسكن وهو ساكت ويحمد ربنا انه لاقي سكن :lol:

ربنا يوفقك وتسكني تمليك يا قمر وميحرمنيش من نصائحك الغالية

في رعاية الله