أونتاريو ترحب بـ سوسو

[safaalabana]

الفترة الجاية أنا مزنوقة حبتين لأن عندى أمتحان أيام 8 و 9 يوليو...دعواتكم بأه بالنجاح لحسن ما عديش و تبقى فضيحة...و أنا لازم أرفع راسكم و راس المحاورات :happy

المهم عايزة أفضفض شوية...أنا متلخبطة و مش مستقرة حاسة إن فيه 100 حاجة عايزة تتعمل

سوسورانى

د سوسو لا تنسى الدعاء الجميل اللهم لا سهل الا ما جعلته سهلا واللهم ا جمع على شتات نفسى ا وزى ماقال اخونا زوهيرى كلامه صح كان نفسى احكى معاكى اكتر بس لازم انزل دلوقتى عندى on call ياد سوسو انت املنا فى كاس العالم : :lol: شدى حيلك وكلنا بندعيلك :lol:

[ايناس احمد]

الف سلامه عليكى ياسوسو وشفاكى الله وعافاكى انا والله حاسه بيكى لأنى بعانى من نفس المشكله معلشى اعذرينى بقالى كتير مدخلتش المنتدى وبدخل خطف بسرعه لظروف دعواتك انها تتحسن

وصوره بنوتك جميله ربنا يخليها لك ومنتظرينك فى اقرب وقت ومعاكى شويه صور

[poulaemad]

سوسو رانى بجد اهنيك على اسلوبك الرائع وطريقه سردك المميزه :lol: والف سلامه عليك :sad: وربنامعاك وبالتوفيق ان شاء الله :rolleyes:

[enjisultan]

حاسة شوية انك يأما مكتئبة يأما مضغوطة

ربنا معاكى

وعلى راي واحدة صاحبتنا

خليك فريش احنا فى رحلة

ربنا معاكى وييسر لك امورك

وماتخفيش

مصر كلها وراك يا رأفت

[Nassarlink]

صباح الخير جميعا

أولا متشكرة لكل اللى دخل و شارك ...وكل اللى سألوا عليا ..و أتمنوا لى الشفاء

أنا أحسن شوية...بس مش هاقدر أكتب كتير...بس باطمنكم عليا

هارد على كل واحد بالتفصيل و هارد على الأسئلة كلها...بس بالراحة و على مهلى عشان إيدى

الفترة الجاية أنا مزنوقة حبتين لأن عندى أمتحان أيام 8 و 9 يوليو...دعواتكم بأه بالنجاح لحسن ما عديش و تبقى فضيحة...و أنا لازم أرفع راسكم و راس المحاورات :happy:

على فكرة تريبل زيرو ما بعتش فلوس...يا إما إداهم لتهامى وهو نايم عليهم...الواحد مش عارف الحقيقة فين!!...والواحد مزنوق ماديا بافكر أستلف من 003 الراجل عارف البلد بتاعتهم دى سفاحة فلوس وهو لسه قابض هدية عيد ميلاده

المهم عايزة أفضفض شوية...أنا متلخبطة و مش مستقرة حاسة إن فيه 100 حاجة عايزة تتعمل

حاسة الأيام الجاية هتبقى صعبة قوى

طول عمرى باقول البدايات صعبة...يمكن عشان كدة جيت أتكلم معاكم

اللى أنا فيه زى اللى قبلى و اللى معايا و اللى هييجوا بعدى...يعنى الكل بيمر بيه...بس الواحد بيحتاج لدعم نفسى ..لأصحاب يصبروه

وعشان كدة جيت هنا أحاول أستريح نفسيا

أرجو إنى ماكونش طولت...وماكونش ضايقتكم...وشكرا لحسن إستماعكم

تحياتى

سوسورانى

علي مهلك خالص

المهم ترفعي راسنا بين الكنادوه

ومن ناحيه الفلوس متقلقيش

رقبتنا سداده

[enjisultan]

انتى فين يا جههههههههاد :happy:

[znaty]

الف الف سلامة عليكي يا دكتورة

انا اسف جدا جدا الهباب الايلتس كان مانعني اتابع اخبار كل زمايلنا

الف سلامة عليكي واستعيني بالله

وحده القادر انه يسهلك اول ايام غربتك وييسر لك امورك

واحنا هاندعيلك بظهر الغيب

قولي دايما رب احلل عقدة من لساني يفقهوا قولي

ربنا هايكرمك ان شاء الله وانما النصر صبر ساعة

[bent misr]

والله وحشتينا يا سوسو و وحشتنا حكاياتك الجميله

بس معلش كله يهون في سبيل تحقيق الحلم :happy:

ربنا معاكي و يوفقك في الامتحان الجاي و ياريت

تطمنينا عليكي smk:

تم تعديل 5 يوليو 2009 بواسطة bent misr

[waloaa]

النهاردة 8 يوليو!!!! ....

أمتحان سوسو ...النهاردة وبكرة ان شاء الله

يا ريت نفتكرها كلنا يا جماعة بالدعاء

ربنا يوفقها....ويطمنا عليها إن شاء الله

[moheltohamy]

الساعة الآن 9 بتوقيت تورونتو ، وأختنا سوسوراني زمانها مطحونة يا عيني في الامتحان!

يللا بالشفا يا سوسو :rolleyes:

بجد بأه... يا رب يا سوسو يعدي اليوم ده على خير ، وترجعيلنا سعيدة وفرحانة وراسك مرفوعة.

وعموما ، كورسات الميديك موجودة يا باشا وتحت أمرك في أي وقت ، بس انتي تقولي جزر

وآهو منها تدوقي أكل البراريم :)

طمنينا عليكي...

[safaalabana]

العزيزه د سوسو

طمنينا عليكى .......

اللهم وفقها يارب العالمين :rolleyes:

[somayasaleh]

النهاردة 8 يوليو!!!! ....

أمتحان سوسو ...النهاردة وبكرة ان شاء الله

يا ريت نفتكرها كلنا يا جماعة بالدعاء

ربنا يوفقها....ويطمنا عليها إن شاء الله

ربنا يوفقك يا سوسو في الامتحان

وطمنينا عليك

[bent misr]

يا رب

يا سوسو تكوني وفقتي في الامتحان

و يا ريت تطمنينا عليكي بقى :cry1:

ان شاء الله تكونوا جميعا بخير n2&(

[Phizer]

ان شاء الله خييييييير وربنا يطمنا عليكي

[Lunalola]

الاخت العزيزة سوسو راني,

ازيك عاملة ايه مش الامتحان خلص برده ولا ايه ارجعي بقى وطمنينا عليكي عملتي ايه انا عرفت ان الامتحان بتاع تاني يوم كان صعب حبتين , بس انا متاكدة انك عملتي كويس ان شاء الله مسنيين الاخبار يافندم

[د هشام ابراهيم]

إيه الاخبار يا دكترة

فينك يا 005 :closedeyes:

[emano]

ايه ياسوسو انت كل ده بترتاحى من الامتحان

طيب ادخلى طمنينا

ان شاء الله تكون جوبتى كويس

[znaty]

ان شاء الله ربنا هايستجيب لدعوات اخوانك الصادقة دي وتطمنينا قريب

[kaplan]

ربنا يوفقك يا سوسو في الامتحان

وان شاء الله تكونى عملتى كويس

[jessika]

ربنا معاكى يا سوسو ويوفقك........طمنينا عليكى