أونتاريو ترحب بـ سوسو

[dr abo samra]

مساء الخير عليكم جميعا

حلت عليكم جميعا البركه اينما كنتم واينما حللتم واينما نزلتم.....وحفتكم السكينه وغشيتكم الرحمه

العزيز اكسيلانس انا على فكره نفس برجك(مواليد 28/1)...وبعانى من نفس الشئ وهو ان مفيش حاجه بتمشى معايا بالساهل ابدا

لدرجه انى سلمت تماما ان كل شئ بيحصل معايا قبل ما يبدأ انه هيتعقد...وعارف انه بعدها هيتحل حل ربانى مثالى وبالفعل بيحصل وبحس بطعم وجمال وقيمه الشئ الصعب ده ولله الحمد

لكن اننا نعول على الابراج ونقول ان كل حاجه ابراج...لا مينفعش انا هختلف مع حضرتك فى الحته دى اذا سمحتلى ...لان زى منتا عارف كل شئ تحت السماء بمقدار.....وكل ميسر لما خلق له...وايضا كل شئ بمقدار

العزيزه مدام سوسو العمليه زى منتى تكرمتى وقلتى ان فيه ناس معاها فلوس ومش مرتاحه....وناس يدوب مقضياها عيش ودقه ومزاجها زى الفل وعماله تضحك ليل ونهار

قال صلى الله عليه وسلم.....ويح بن آدم ان عمله كله له خير...ان اصابته سراء فشكر فكان خيرا له....وان اصابته ضراء فصبر فكان خير له...صدق رسول الله صلى الله عليه وسلم

يبقى اذا السراء والضراء كل فيه خير ...لكن علينا ان نتعلم كيف نشكر وكيف نصبر

وفى حديث قدسى عن رب العزه انه قال:_

يا بن آدم

_لا تخف من زى سلطان ما دام سلطانى وملكى لا يزول

_لا تخف من فوات الرزق ما دامت خزائنى مملؤه لا تنفذ

_خلقت الاشياء كلها من اجلك وخلقتك من اجلى

_فسر فى طاعتى يطعك كل شئ

_لى عليك فريضه ولك على رزق

_فان خالفتنى فى فريضتى لم اخالفك فى رزقك

_اذا رضيت بما قسمته لك...ارحت قلبك

_وان لم ترضى فوعزتى وجلالى ....لاسلطن عليك الدنيا

تركض فيها كركض الوحش فى البريه...ولا ينالك منها الا ما قسمته لك

وكنت عندى مزموما.

فاللهم رضنا بقضائك وقدرك حتى نعلم ان ما اعطيتنا ما كان ليمنعنا ...وما منعتنا ما كان ليعطينا

ربنا يصلح احوالنا ويهدى نفوسنا ويروق بالنا اجمعين

انه ولى ذلك والقادر عليه

[bent misr]

طب يا ريييييت تكلمنا شويه يا أخ اكسيلانس

عن برج الاسد :wub:

ازيك يا سوسو :wub:

[goodfaith]

هههههه تصوروا كنت داخلة اقول لاكسيلانس احكيلنا شوية عن برجي وبرج جوزي بس لقيت بنت مصر سبقتني وعيب نقلب الموضوع ابراج

عموما ربنا ييسر الحال للجميع وفعلا انا شفت بنفسي ناس بتنجح بصعوبة رغم اجتهادها وناس الدنيا ماشية معاها بسهولة وفي النهاية كل ميسر لما خلق له

اتمنى لكم جميعا التوفيق

[student]

اخواني في الله

إن ما يسمى بعلم الابراج وعلم النجوم والحظ والطالع من أعمال الجاهلية

التي جاء الإسلام بإبطالها وبيان أنها من الشرك لما فيها من التعلق بغير الله تعالى واعتقاد الضر

والنفع في غيره، وتصديق العرافين والكهنة الذين يدعون علم الغيب زورا وبهتانا، ويعبثون

بعقول الناس ليبتزوا أموالهم ويغيروا عقائدهم، قال صلى الله عليه وسلم

فيما رواه عنه عبد الله بن عباس رضي الله عنهما ((من اقتبس شعبة من النجوم فقد اقتبس شعبة

من السحر زاد ما زاد)) رواه أبو داود وإسناده صحيح.

فتوى الشيخ ابن باز

[المعلم عتريس]

قدامك سكه سفر يا شابه

يوعدك بابن الحلال اللي يشحططك

[SoSo R]

أشكركم على مشاركتكم جميعا

بس أنا عندى تعليق بسيط...أنا لست أؤمن بموضوع الأبراج فى النقطة دى...ممكن تكون ليها دخل فى تشابه مواصفات أبناء البرج الواحد

ولكن ليس نفس الظروف أو الملابسات

وكلنا شفنا ناس بتنحت فى الصخر بضوافرها عشان توصل للى هيا عايزاه...وناس بتجيلها الحاجة وهيا مكانها بكل سهولة

ومن هذا المنطلق عايزة أشارككم حجة قديمة أفتكرتها..

فى أحد لقاءاتى مع طبيبة جلدية ومعروف إنهم قمة فى الروقان"مساء الفل يا دكتور قناوى"

أصل مريض الجلدية لا بيموت ولا بيخف...زى لما الدكاترة بيهزروا مع بعض

وكنت ساعتها متضايقة و باين عليا قوى...وسألتنى إيه السبب

فبقولها تعثرات كتير فى الحياة و الشغل و أنا بجد زهقت و سألتها نفس السؤال اللى سألته ليكم ...

لقيتها جابت ورقة و قلم وبترسم و تورينى...

بصى يا سوسو ...البنى آدم بيجرى على رزقه...يدخل فى السكة دى...تتقفل..

يخش يمين...يتقفل الباب قدامه...يدخل شمال...

من هنا لهنا ...لحد لما يوصل لرزقه..

كانت نتيجة الرسمة هيا متاهة أو ميز

زى اللى كنا بنلعبها فى كتيبات ميكى...يقولك حمادة عايز يروح المدرسة و مش عارف يوصل ممكن تعرفه الطريق الصحيح...ونقعد نخطط بالقلم الرصاص لحد ما نوصل حمادة للمدرسة و نحل الميز

فعلا ده حالنا عشان نوصل لرزقنا و نصيبنا فى الحياة...

وده قريته فى كتاب أجنبى بعد كده بسنين ...مش فاكره إسمه بس بيدور حوالين نفس الفكرة

فيران فى متاهة و عايزين يوصلوا لنهايتها...عشان يوصلوا للأكل و العيشة الكويسة

الكتاب مشهور جدا وعمل بومينج بس مش فاكرة أسمه

ياريت حد مثقف يساعدنا بأسمه

وهاحاول أفتكرلكم بقية تفاصيل الكتاب...

بعد ما أصحى

تصبحوا على خير wst:: :happy:

[Spanish Eyes]

سوسو صباح الخير

متهيالي الكتاب who moved my cheese

فعلا السعادة في الرضا

وحشتيني...ربنا يقويكي

[znaty]

سوسو صباح الخير

متهيالي الكتاب who moved my cheese

فعلا السعادة في الرضا

وحشتيني...ربنا يقويكي

ايه دة ؟؟ انتي بتذاكري من ورانا يا سبانيش ؟؟

دة كلام كبير اوي علينا الصراحة :lol:

هاصلحلك الماجيك جاك يا دكترة اول مادفع فاتورة الموبايل :lol:

[Spanish Eyes]

زناتي اللي زاكر زاكر من زمان ويوم الامتحان يكرم المرء او يهان (ماما الله يرحمها ايام الثانوية العامة بتاعتي وتلات تربع المنهج في ال lala land)

الكتاب دة وقع في سكتي اثناء البحث عن السعادة.............

[mrs gehad ahmed]

ويلكام باك يا احلي زعيمه تنظيم نسائي ف المنتدي

اسفه للتأخير وعدم المتابعه بقالي فتره بس لظروف خارجه عن ارادتي

وخدي ده كويس اوي http://www.youtube.com/watch?v=sPmuToi0zO4

من حرك قطعة الجبن الخاصة بي)))))

[أكسيلانس]

أخواني ألاعزاء

أنا عندما أرجعت بعضا مما قد يعاني منه أي أنسان الي ألابراج - فلم أقصد - هنا الشعوزه و لا بختك اليوم -- مسألة ألابراج ما هي ألا تحليل نفسي و و تشريح لشخصيه - أنها تتمتع بكذا من الصفات و كذلك قد تعاني من عدد أخر من الصفات السيئه أو السلبيه

وهو علم معروف - و علي سبيل المثال و ليس الحصر - تلجأ أليه أجهزة الدوله ألامنيه مثل المخابرات لمعرفة صفات بعض الشخيصات بل و توقع بعض تصرفاتها في مناصب معينه --

و ان كنا نعتقد أن كل علم من المحرومات - فماذا عن الخريطه الجينيه مثلا التي تتنبأ لمولود عمره أيام بأنه قد يموت بالقلب أو السرطان في عمر كذا -- و مازال العلم يبحث عن المزيد

فمثلا عندما أعرف أن المرأه من برج القوس مثلا شخصيتها عمليه و شديدة ألاجتماعيه و يعتمد عليها في ألعمل ألاداري -- هل مثل هذا التحليل حرام -- هو مجرد تحليل تأخذ به أم لا أمر أخر

و كذلك أنثي برج العقرب - أفضل من يبحث عن الاسرار و أكثر من يحافظ عليها لا تتحمل أن يكون حولها سر و لا تعرفه -- و لكن لا تحاول أن تعرف أسرارها لانه ضرب من المستحيل

أذا نستطيع أن نستعين بها في وظائف تحتاج للكتمان أو في أمور التحقيق مثلا -- أنا هنا أتحدث بلسان مدير الموارد البشريه التي عملت بها 15 سنه -- و أنا شخصيا لي تجارب عديده كان لمثل هذه التحليلات جدارتها في توقع مدي ملائمة الشخصيه لمنصب ما ,,

الموضوع طويل

ده كان قصدي -- أن شعور البعض منا أن حياته صعبه -- رغم أن كل من حولانا يتمني ربع العيشه و الحياه الي أنا عايشها -- أن هذا له مرجعيه فقط لا غير

حالص تحياتي للجميع

تم تعديل 21 فبراير 2010 بواسطة أكسيلانس

[goodfaith]

الحقيقة انا مليش خالص في موضوع الابراج ده بس تحليل الشخصية ده موجود طبعا وباساليب مختلفة منها تحليل الخط ومنها تحليل شكل الملامح وعادي لو فيه شيء مرتبط بوقت الميلاد

لكن المتعارف عليه ان موضوع الابراج ده تنجيم وادعاء علم بالغيب وتلاقي مثلا عالم الفلك يقول السنة الجاية دي نحس عشان المشترى دخل في مدار زحل وكلام كده غريب

واكيد نية الانسان وهو بيتعامل مع الموضوع ده لها دخل كبير في كونه حرام او حلال

[SoSo R]

خروجا عن سياق الموضوع....

د.صفاء بتعتذر عن أنها تبتدى كتابة إنطباعتها و تجربة اللاندنج إلا بعد عودتها بالسلامة...

والسبب هو إنشغالها التام...

وغالبا هتفتح موضوع واحد مع مدام سمية...

إدعولهم ربنا ييسر أمورهم لحد ما يوصلوا بالسلامة...

تحياتى للجميع smk:

[saeedo]

هناك بعض الاستفسارات المطلوبة من الناس اللى ممكن تكون فاهمة الموضوع ده :closedeyes: كويس بي ليه احيانا تصحى من النوم تلاقى اليوم سواد من اوله عربيتك مخبوطة وخناقة مع جارك على السلم وظابط يخالفك فى الشارع وهكذا حتى اخر اليوم

يوم تانى بسيط وسهل وكل معاملاتك تمشى زى المية :closedeyes:

طيب مش فى اكتشاف اسمه المد والجزر طب ده بيتم على ايه يعنى الظاهرة دى اكبر دليل ليها البحر ,,,صح؟

طب مش البحر ده سائل بشكل ما :closedeyes:

طب دمنا وما يتحرك من انواعها بداخل جسم الانسان سوائل برضه بشكل ما smk:

طب ليه مايكونش له تأثير علينا احنا كمان؟

طب معنى كده ان ممكن ان مواقع الابراج ايضا تأثر بشكل ما علي امزجتنا وعلى هرموناتنا ؟

مجرد تساؤل

[safaalabana]

خروجا عن سياق الموضوع....

د.صفاء بتعتذر عن أنها تبتدى كتابة إنطباعتها و تجربة اللاندنج إلا بعد عودتها بالسلامة...

والسبب هو إنشغالها التام...

JLJ

وغالبا هتفتح موضوع واحد مع مدام سمية...

إدعولهم ربنا ييسر أمورهم لحد ما يوصلوا بالسلامة...

تحياتى للجميع

اشكر ك يا سوسو على اهتمامك بس حاجه صغيره ....لو حد ح يحجز على British airways هما خدمتهم كويسه جدا بس ما تنساش تحجز من على النت الوجبات muslim meales والا ح تقضيها سلطات ...تجز الوجبات قبل الرحله

الصور للى عايز يغيرها لما يوصل لانه فى اعتنقادى ان الصور بتاعة مصر او الخليج مش ح تنفع .... طيب نعمل ايه زى ما قال اخونا الزناتى المبنى اللى ح تعمل فيه الSIN اللى هو فى 25 سانت كلير قدامه فه 2 بنك واحد اسمه TD كندا ترست والتانى نوفا سكوتشيا ...تدخل نوفا سكوتيا بنك وتنزل لتحت بالسلم تلاقى محل تصوير مكتوب

عليه JOE , DISCOUNT ] فين فى تورنتو رقم تليفونه اهو 4169640473 بتقاطع يانج مع سانت كلير ...سانت كلير ايست

اشمعنا ده لانه الوفيسر لما شاف الظرف اللى فيه الصور وعليه اسم الراجل ده قال الراجل ده ممتاز

3 - احنا قضينا اللاندنج فى الهوتيل فى الداون تاون ومرتاحين فيه علشان كده مش ح ننقل فى شقه وهو جنب الصاب واى والمواصلات وفطار اوبن بوفيه

4- اطمنوا من ناحية اللاندنج المهم فى اللى بعد كده

5- ما تخافوش من التلج والمطر مع اللبس الامور ما شيه عادى

اللى عاوز يسال انا تحت امره وخصوصا اللى ح يعمل لاندنج قريبا

الناس اللى راسلونى على الخاص اشكركم وبقولكم شدوا حيلكم كندا كفاح

[SoSo R]

مساء الخير:

ليا مزاج أكتب لكم شوية سلبيات على ما أوسوم... :happy:

و ده كان طلب من دكتور بريكناديان يارب يظهر تانى بالسلامة...

طبعا كإنطباعات عامة...أنا قلت اللى شفته ...بس أكيد الواحد لو نزل شغل هيقدر ياخد فكرة أوضح .

طبعا التيمة العامة للمنتدى اليومين دول ..السلبيات

مش هقول عيال و تربية و شغل كاجوال و معادلة صعبة...

نو نو نوووووو

الجو...وحطوا تحتيها خطين

طبعا كله دلوقتى هيقوم من ع الكراسى و يقولك دى بتهرج...وهو إيه الجديد و طقم الثيرمال يغنى عن كل شىء :sad:

بس لأ ...خلونا نتكلم بتفاصيل شوية...من جهة نظر حريمى أو رجالى

البرد الشديد ده عملى كمية تغيرات فيزيائية غريبة

1.البشرة

طبعا كل الناس هتقولك ...دى مياصة دى بتتكلم فى البشرة و الشعر...

إحنا هنخاف من البرد عشان بشرتنا!!!

أنا بشرتى من كتر جفاف الجو البارد بقت بتقشر زى اللى لسه راجع من المصيف

باشتخدم كمية كريمات ترطيب مهولة

الأيدين و الكعوب بتشقق من البرد لدرجة إنها بتتحول لجروح مؤلمة عاملة زى قطع السكين أو البيبر كت

تخيل و أنت مش حاسس تلاقى جرح فى إيدك من كتر ما البشرة ناشفة و مشققة

فى مرة قضيت و قت لا بأس به فى البرد...لقيت حباية كبيرة طلعت لى فى وشى...من كتر السقعة

آخر حاجة كنت أتخيلها...إنى يطلعلى هيربس من كتر البرد!!!

اللى ما يعرفش الهربس اللى هيا الحرارة اللى بتطلع على الشفايف مع دور برد شديد أو أى ستريس ع الجسم حتى لو كان ستريس نفسى.

2.الشعر

الله يرحمه كان إبن حلال :sad:

بيتساقط بعنف

قشرة بتظهر برضه من الجفاف

تقصف...و بيلبك فى بعضه لما التلج ينزل عليه

3. الأظافر

بتتكسر من جدورها بسبب إنها بقت هشة جدا و ما فيهاش أى ليونة...عارفين إد إيه بيوجع؟

مش نقص كالسيوم ولا حاجة

من وجهة نظر رجالى

تخيل و انت واقف ع المحطة و التلج بينزل عليك لحد ما تتحول لسنو مان

والسقعة بتدخل فى عضمك...وانت رايح الشغل الصبح بدرى

طيب ازاى تنزل تدور على شغل وترمى ريسومهات فى جو من هذا النوع وتتخلى عن الدفا المنزلى؟!

ده كل اللى بحكيه و احنا فى ادفا شتا حصل من سنين

طيب نفرض معاك عربية تحميك من البرد و السقعة

تفضل حاطط ايدك على قلبك...لأنك ببساطة مش شايف اكتر من متر قدامك ومش شايف من ورا ولا الجناب

ماسى على سرعة 20

وتيجى تدوس بنزين تلاقى العربية بتتحرك فى إتجاهات مختلفة ...حاجة مرعبة

تيجى بأه تدوس فرامل...

وده اللى حصل معايا النهارده و العاصفة شغالة على ودنه

جاية باقف عند ستوب ساين...بس ما وقفتش على مراحل اصل الفرامل عشان تمسك لازم تكارك :blush2:

راحت العربية استمرت فى السير..وكنت لازم اقف عشان داخلة على تقاطع...فرحت داخلة فى الرصيف

وربنا سلم ...الطاسة اتعوجت...و الكاوتش اتجرح

بس بصراحة كانت خضة جامدة :unsure:

[المعلم عتريس]

الف سلامة عليكي يا باشمهندسه الدكتورة :sad:

حضرتك مركبة ونتر تايرز ولا لأ؟

مش متخيل نفسي اسوق في الشتا

بالذات حكاية البلاك ايس

انا كنت بعمل حوادث في البلاد اللي مافيهاش ريحة التلج

امال هنا هاعمل ايه :blush2:

انا لازم اجيبلي سواق هندي على كفالتي :unsure:

[goodfaith]

مساء الخير:

ليا مزاج أكتب لكم شوية سلبيات على ما أوسوم... :happy:

و ده كان طلب من دكتور بريكناديان يارب يظهر تانى بالسلامة...

طبعا كإنطباعات عامة...أنا قلت اللى شفته ...بس أكيد الواحد لو نزل شغل هيقدر ياخد فكرة أوضح .

طبعا التيمة العامة للمنتدى اليومين دول ..السلبيات

مش هقول عيال و تربية و شغل كاجوال و معادلة صعبة...

نو نو نوووووو

الجو...وحطوا تحتيها خطين

طبعا كله دلوقتى هيقوم من ع الكراسى و يقولك دى بتهرج...وهو إيه الجديد و طقم الثيرمال يغنى عن كل شىء :sad:

بس لأ ...خلونا نتكلم بتفاصيل شوية...من جهة نظر حريمى أو رجالى

البرد الشديد ده عملى كمية تغيرات فيزيائية غريبة

1.البشرة

طبعا كل الناس هتقولك ...دى مياصة دى بتتكلم فى البشرة و الشعر...

إحنا هنخاف من البرد عشان بشرتنا!!!

أنا بشرتى من كتر جفاف الجو البارد بقت بتقشر زى اللى لسه راجع من المصيف

باشتخدم كمية كريمات ترطيب مهولة

الأيدين و الكعوب بتشقق من البرد لدرجة إنها بتتحول لجروح مؤلمة عاملة زى قطع السكين أو البيبر كت

تخيل و أنت مش حاسس تلاقى جرح فى إيدك من كتر ما البشرة ناشفة و مشققة

فى مرة قضيت و قت لا بأس به فى البرد...لقيت حباية كبيرة طلعت لى فى وشى...من كتر السقعة

آخر حاجة كنت أتخيلها...إنى يطلعلى هيربس من كتر البرد!!!

اللى ما يعرفش الهربس اللى هيا الحرارة اللى بتطلع على الشفايف مع دور برد شديد أو أى ستريس ع الجسم حتى لو كان ستريس نفسى.

2.الشعر

الله يرحمه كان إبن حلال :sad:

بيتساقط بعنف

قشرة بتظهر برضه من الجفاف

تقصف...و بيلبك فى بعضه لما التلج ينزل عليه

3. الأظافر

بتتكسر من جدورها بسبب إنها بقت هشة جدا و ما فيهاش أى ليونة...عارفين إد إيه بيوجع؟

مش نقص كالسيوم ولا حاجة

من وجهة نظر رجالى

تخيل و انت واقف ع المحطة و التلج بينزل عليك لحد ما تتحول لسنو مان

والسقعة بتدخل فى عضمك...وانت رايح الشغل الصبح بدرى

طيب ازاى تنزل تدور على شغل وترمى ريسومهات فى جو من هذا النوع وتتخلى عن الدفا المنزلى؟!

ده كل اللى بحكيه و احنا فى ادفا شتا حصل من سنين

طيب نفرض معاك عربية تحميك من البرد و السقعة

تفضل حاطط ايدك على قلبك...لأنك ببساطة مش شايف اكتر من متر قدامك ومش شايف من ورا ولا الجناب

ماسى على سرعة 20

وتيجى تدوس بنزين تلاقى العربية بتتحرك فى إتجاهات مختلفة ...حاجة مرعبة

تيجى بأه تدوس فرامل...

وده اللى حصل معايا النهارده و العاصفة شغالة على ودنه

جاية باقف عند ستوب ساين...بس ما وقفتش على مراحل اصل الفرامل عشان تمسك لازم تكارك :blush2:

راحت العربية استمرت فى السير..وكنت لازم اقف عشان داخلة على تقاطع...فرحت داخلة فى الرصيف

وربنا سلم ...الطاسة اتعوجت...و الكاوتش اتجرح

بس بصراحة كانت خضة جامدة :unsure:

الحمد لله على سلامتك يا سوسو الحمد لله مكانش فيه عربيات قدامك

ياه يا سوسو فكرتيني باول مرة سقت في السنو كنت برا والعاصفة ابتدت وانا راجعة وكنت في تقاطع وبرضو باديها فرامل مش واخدة خوانة الاقي نفسي داخلة على الانترسكشن والعربية مش بتقف وبتقولي خضة دا انا اترعبت رعب يومها

اتصلت بجوزي اقوله الحقني العربية من غير فرامل :)

تصوري انا كنت فاكرة جفاف البشرة من الهيتر في البيوت ومش من البرد برا وهنا لو تلاحظيهم الكريمات على طول في شنطهم وزبدة الكاكاو

معلش كل مكان له مزايا وله عيوب اتمنى تقوليلنا كمان ايه لفت نظرك هنا كمساويء غير الجو

[EmanRasmy]

تصدقي يا سوسو ... فعلا أول مره آخد بالي ان البرد هو اللي بيعمل العمايل دي في بشرتنا ... أنا كنت فاكره اني ما بشربش ميه كفايه .. أو نقص فيتامين مثلا .. بس فعلا البرد ده لما فكرت لقيته هو السبب ... لأن في الصيف فعلا بشرتنا بتبقى أحسن بكتير ....

متهيألي الجليسيرين أو الفازلين أحسن من الكريمات في حالة جفاف الجلد الشديد .... و لا إيه يا د. قناوي؟

[EmanRasmy]

سوسو صباح الخير

متهيالي الكتاب who moved my cheese

فعلا السعادة في الرضا

وحشتيني...ربنا يقويكي

بقى كده!!! من ورانا و بتقولي بكل جرأه في وشنا؟!! ... ماشي يا عم المثقفه ..... ذاكري ذاكري ... خلي المذاكره تنفعك