أونتاريو ترحب بـ سوسو

[جايه لك يا كندا]

عزيزتي سوسوراني، حمدالله السلامة للبيت الكبير، رجاء منتظرينك وأهم حاجه تطمنينا على امتحانك، ربنا يوفقك يا سوسو بإذن الله

[مراد أنور]

أخيراً الباب فتح تانى

حمداً لله على سلامتك يا د/ سوسو

و حمداً لله على رجوع الأعضاء نكلم بعض تانى

وربنا يديم علينا نعمة التواصل مع الجميع

وعلى فكرة الزحلقة على التلج نعمة يا دوك (بس خلى باللك برده )

إحنا فى مصر بنتزحلق على قشر الموز إللى مرمى فى الشارع

[SoSo R]

تانى تانى تانى...

قرفانة أنا من تانى...

عدى الأمتحان عشان ندخل على اللى بعده...

ميرسى لكل من عدى ودحرج السلام

بس بجد بجد ...أنا خلاص على آخرى...

زهقت من كل حاجة و أى حاجة...مرحلة من التشبع :blush2:

والزهق و القرف....وكل حاجة

سلام

[اغابي]

الحمد لله على سلامتك يا سوسو الحمد لله مكانش فيه عربيات قدامك

ياه يا سوسو فكرتيني باول مرة سقت في السنو كنت برا والعاصفة ابتدت وانا راجعة وكنت في تقاطع وبرضو باديها فرامل مش واخدة خوانة الاقي نفسي داخلة على الانترسكشن والعربية مش بتقف وبتقولي خضة دا انا اترعبت رعب يومها

اتصلت بجوزي اقوله الحقني العربية من غير فرامل

تصوري انا كنت فاكرة جفاف البشرة من الهيتر في البيوت ومش من البرد برا وهنا لو تلاحظيهم الكريمات على طول في شنطهم وزبدة الكاكاو

معلش كل مكان له مزايا وله عيوب اتمنى تقوليلنا كمان ايه لفت نظرك هنا كمساويء غير الجو

اولا حمدالله على سلامة سوسو

واحلى صباح لحبيبة قلبي goodfaith

وثانيا بادعى لربنا من قلبي ان جوزى ما يقراش التوبيك داه يا سوسو - علشان ما يتحطمش معنويا وهو داخل على امتحانات الالتس - انا عن نفسي حيفيدنى كتير الكلام فى اى شيء يخص الظروف اللى ممكن تقابل الواحد فى كندا من باب العلم بالشيء - انا حتى بحب اسال كتير واجمع معلومات بقدر الامكان عن طريق البريد الخاص لانى بحب يكون عندي فكرة بدل المفاجات

احبائي جميعا - اكملوا قصصكم - كلى اذان صاغية

[bent misr]

الف حمدلله على سلامتك يا سوسو

و مبروووووك على الامتحان و عقبال الي بعده :closedeyes:

بس هيه مال الحكايه طويله كده wst::

انا و الله تعبتلك و زهقتلك ربنا معاكي

و ان شاء الله يكون اخرة التعب ده خير

المهم يا ريت تاخدي شويه بريك معانا هنا

احنا مستنيينك :rolleyes:

[kareemabdou]

الحمد لله على سلامتك يا سوسو الحمد لله مكانش فيه عربيات قدامك

ياه يا سوسو فكرتيني باول مرة سقت في السنو كنت برا والعاصفة ابتدت وانا راجعة وكنت في تقاطع وبرضو باديها فرامل مش واخدة خوانة الاقي نفسي داخلة على الانترسكشن والعربية مش بتقف وبتقولي خضة دا انا اترعبت رعب يومها

اتصلت بجوزي اقوله الحقني العربية من غير فرامل

تصوري انا كنت فاكرة جفاف البشرة من الهيتر في البيوت ومش من البرد برا وهنا لو تلاحظيهم الكريمات على طول في شنطهم وزبدة الكاكاو

معلش كل مكان له مزايا وله عيوب اتمنى تقوليلنا كمان ايه لفت نظرك هنا كمساويء غير الجو

اولا حمدالله على سلامة سوسو

واحلى صباح لحبيبة قلبي goodfaith

وثانيا بادعى لربنا من قلبي ان جوزى ما يقراش التوبيك داه يا سوسو - علشان ما يتحطمش معنويا وهو داخل على امتحانات الالتس - انا عن نفسي حيفيدنى كتير الكلام فى اى شيء يخص الظروف اللى ممكن تقابل الواحد فى كندا من باب العلم بالشيء - انا حتى بحب اسال كتير واجمع معلومات بقدر الامكان عن طريق البريد الخاص لانى بحب يكون عندي فكرة بدل المفاجات

احبائي جميعا - اكملوا قصصكم - كلى اذان صاغية

يا جمعاعة انتو محبطين من شوية جفاف فى البشرة طب تعالو شوفو الجحيم اللى احنا عايشين فيه هنا

تعالوا شوفو الجفاف على اصوله شوفو يعنى ايه لما تبقى درجة الحرارة فوق 45 و مفيش حتى فى البيت مروحة

المستشفيات اللى بتتملى بالناس فى الصيف بسسبب الجو اللى عنده ضربة شمس و اللى عنده حمى و اللى و اللىو اللى

تعالوا شوفو العقارب اللى بتنشط فى الصيف لانه الموسم بتاعها و مفيش بيت فى اسوان او اى منتقه مهما كانت مستوى المعيشه فى مأمن من العقارب او التعابين او حتى الطريشه

لو كنت راجل بجد اطلع فى الشمس الساعة 2 الضهر من شهر 6 لغاية شهر 9

ده بالنينسبة لاسوان اما لبقية الجمهورية فأكيد فى قصص كتييييييييييييير اوى

اما لسكان القاهرة فاحب اقولهم انكم من

الصابرين

[مدام شوشو]

د.سوسو انا مبسوطة انى اتعرفت على التوبيك الجميل بتاعك ده

مش عايزاكى تزهقى بصى احنا فعلا لسة مسافرناش ولسة برضه مش متخيلة الحياة هناك

بس اكيد اى حاجة احسن من الهم اللى احنا شايفينو فى مصر الناس خلاص معرفش اتغيرت اوى ليه اللى يقدر يستغل اللى قدامه يبقى جدع ومحصلش واللى يقدر يرخم ويحسسك اننتى ولا حاجةوبالذات طبعا موظفيين الحكومة يا سلام يبقى مجبتوش ولادة :closedeyes:

اكيد مفيش حاجة سهلة واحنا مش رايحيين نتفسح بالعكس ده احنا كلنا بنبتدى من الاول وجديد هناك بس تهون قدام انسانيتك وانسانية ولادك دى بيتهيالى تفرق كتيير

انتى دمك شربات وعايزيين نشوفك كدة على طول

احنا جينلك كندا قريب على شهر 7 ان شاء الله

[اسكندرانيةكنداوية]

د/ سوسو أية أخبار الإمتحان و النتيجة ظهرت و الا لسة طمنيناو كل سنة وإنت و جيع إخواننا المسيحيين بخير

[bent misr]

اظهر و بان عليك الامان

انت فين يا سوووووووووسووووووووو :happy:

يا رب تكوني بخير انت و البنات

و يا ريت تطمنينا على الامتحانات :rolleyes:

و كل سنه و انت و البنات و كل الي معانا هنا

طييبين و يا رب تكوني في العيد ده احسن من

العيد الي فات :ninja:

[جايه لك يا كندا]

كل سنه وانتي طيبه يا سوسو ويارب السنه الجايه تكونوا كلكم مع بعض بإذن الله وربنا يفرحك ببناتك ويوفقك في امتحاناتك يارب :sad:

[أكسيلانس]

كل سنه و عيد سعيد عليكم جميعا و أسف علي ألتأخير لاني كنت في أجازه بالقاهره - و في حالة جهاد في شوارع القاهره

أما الاهم -- أني عرفت النتيجه من الكنترول - و عرفت أنك رفعتي رسنا و كنت من أوائل - و ختي نجمه في كراسه الايلتس

الف مبروك - و أنشاء الله من الناجحين علي طول - و الحد الله أن فيه حجات حلوة بتفرح علي العيد علشان يبقي عيد سعيد

ألف مبرك

[جايه لك يا كندا]

ألف مبروك ياباشا النجاح الهااااايل، مفروض تفتحي فصول تقويه للغلابة اللي محتاجين مساعده في الآيلتس، بس مش عارفه انتي ليه بتمتحني ايلتس يا سوسو؟

عقبال يارب النجاح الكبير .....

قصدي المعادلة الكبييييييرة وتبقي باش صيدليه كنداوية رسمي ويبقى لنا ضهر

ياريت تعبرينا وتردي أو تزوري القهوه المهجوره دي، أو اجريها ايجار جديد لأي حد يشوف طلبات الزباين

سلامنا للقمرات :rolleyes:

الا صحيح يا سوسو ... كلتي فسيخ؟؟؟؟

[Damo]

الف مبروك يا مدام سوسوراني :closedeyes:

[wnam]

الف مبروك يا قمر

[Safystar]

السلام عليكو

شكلى كدة هاكون مسئولة فتح القهاوى المغلقة

مش معقولة كدة يا سوسو القمر واحدة جديدة زى لا تعرفيها ولا عمرك كلمتيها هى اللى هاتعلمك شغلك على اخر الزمن

دة اكل عيش يا ماما مش لعب عيال

اتفضلى ادخلى افتحى قهوتك ورشى المية وحطى الكراسى ولمى الزباين

وبعدين دة اخيرا جوزى وافق واخد القرار وملينا الابليكشن وهنبتدى نغنى من دلوقتى اغنية الفراق لعمرو دياب

وانتى تقوليلى زهقت وقرفت لا الله يخليكى اجمدى كدة وبكرة نبقى زمل فى القرف والزهق

وانا مصممة انى اشتغل وادرس عشان اثبت لجوزى انى ادها وادود وعمالة اقوله بكرة تشوف صافى هتعمل ايه :rolleyes: وهو يقولى هتمل مصايب ماناعارف وانااقوله بكرة تلاقينى واحدة تانية واحدة مسئولة بجد والحمد لله انا هاهمل معادلة فى ليسانس فرنساوى ويارب يكون مش صعب قوى

على العموم فى انتظار اخبارك واهرامك

موفقة ان شاء الله

مسئولة فتح القهاوى المغلقة

صافى

[mrs gehad ahmed]

اخييييييييييييييرا تم افتتاح القهوه بسلاااااام

وتقريبا مدام صافي هيا هتبقي العضو المنتدب للفتح بعد كده :lol:)

[اسكندرانيةكنداوية]

أنا قلت أعدى أبخر المكان :lol: و أرش شوية مية وأعمل صوت فى المكان يمكن ربنا يسهل و يبعد الكآبة وترجع تنور بناسها و صاحبيتها

د/ سوسو حقيقى إشتقنا لك

[SoSo R]

مساء الخير زملائى الأعزاء:

يااااااااه..ده الواحد واحشه المكان بطريقة غريبة

رغم إنى كتبت لى مداخلة ييجى من شهر كدا فى الموضوع اللى جنبى :sad:

بس برضه إحساس البيت الملك..مختلف!! wst::

طبعا ممكن فيه ناس مستغربة ايه اللى حصلى...

هل اتخطفت؟

او انتحرت؟؟

او تنحيت؟؟

ماهو مش طبيعى اللى حصل...

الحقيقة و دون تزويق او دبلوماسية...

حاجات كتير تراكمت جوايا..

أولا ماكانش عاجبنى أسلوب العصاية المرفوعة و كأنى بكتب تحت تهديد السلاح

ده غير إن الأكتئاب اتملك منى فعلا وأصبح شعارى للمرحلة :كله زى بعضه...كله محصل بعضه

وحسيت إن خلاص الحكايات خلصت مافيش حاجة ممكن أضيفها..ولو كتبت ...يبقى هكون شكوى من الأيام و الروتين و الملل و الوحدة..إلخ

أصبحت مخنوقة جدا من كل ما يسمى منتديات...

حاسة الكلام و الأسئلة هيا هيا

حتى النكت و الردود نفسها

و الأستظراف

بقيت باستفز من كل حاجة و أى حاجة بقراها

فقلت و على إيه....بلاش خالص

أقرا لى كلمتين ينفعونى فى مذاكرتى أحسن

وتقوقعت على نفسى جدا..عمالة بامتحن و خلاص على كدة

لدرجة واحدة صاحبتى مش فى كندا بتسألنى : هو أنتى يا سوسو إزاى ما أنتحرتيش لحد دلوقتى ؟!!

انتى بين 4 حيطان و ما لكيش أى أكتفيتيس :sad:

إحساس صعب فعلا...ممكن نتكلم عنه..

نحكى فيه...

بس مش هيحس بيا غير اللى جرب فعلا معنى الوحدة بجد...يمكن أستاذ إكسيلانس يفهم قصدى إيه

سيبكم بأه من كلام ما أنتى ولادك معاكى و مشغولة بيهم...كل ده كويس...ولكن؟؟

آخر الليل .لما كل الناس تتلم فى بيوتها..بتبقى محتاج تتكلم مع حد يفهمك...

حد يطبطب على كتفك..وقولك معلش أنا عارف إن يومك كان صعب و المجهود كان كبير...بس أنا معاك و فى ضهرك

حد يبتسم فى وشك قبل ما تنام...ويقولك صباح الخير لما تصحى...

حاجات كتير قوى و تفاصيل صغيرة قوى ممكن ما تفرقش مع ناس كتير أو ما تلفتش حتى نظرهم...بس بتوجعنى قوى

أنا يمكن توقفت عن الكتابة عشان أوقف نزيف المشاعر اللى جوايا...

مش عايزة حد يقول يا عينى عليها

ولا حد يقول كأبتينا يا شيخة...

أنا كل ما أتمناه هو دعواتكم بالتوفيق..لأن الجاى أصعب من اللى فات

[SoSo R]

طيب بعد جرعة العكننة المركزة دى عايزة أحكلكم شوية عن يومياتى زى زمان...

بس قبل ما أكمل أنا بشكر كل اللى سألوا عنى هنا أو ع الخاص...محدش يزعل منى يا جماعة لو ماردتش ...

أنا فعلاكنت فى ظروف...زى الفل الصراحة

أنا لسه طالعة من إمتحان الأوسكى كان يوم 30...بصراحة ده عامل زى برجرام الغسالة الفل أتوماتيك..

يعنى بتخش من ناحية بتطلع من الناحية التانية مختلف

صحيح هما 5 ساعات بس مش بتحس بيهم...الصدمة بتكون شديدة قوى

أنا كنت خارجة من الأمتحان الساعة 8 مساءا...بقول أنا ليه؟ أنا مين؟؟ أنا فين؟؟

واحدة صاحبتى بتسألنى وإيه إمتحان الويسكى دة يا أختى؟؟؟

رديت عليها بعد تنهيدة عميقة...

ده امتحان بيشوف قدرتك ع التحمل...كل ماتشربى أكتر فرصتك فى النجاح تكتر :sad:

إدعو لى بأه عشان النتيجة يوم 12 يوليو...يا مرك يا موهجة :sad:

الحلقة الجاية ...ردا على من سأل عن القمة النسائية...

بعنوان ...

حكايتى مع صافى wst::

[norbakrahmed]

سوسو وحشتنا أوي أوي - حمد الله على سلامتك - أخبارك أيه؟؟؟؟

عايزة أقولك اني أول وحدة هسمعك فدفضي براحتك وبجد الله يكون في عونك - أنا حاسة بك لاني لم كنت في مصر بعد عن جوزي مع أن وسط أهلي بس كنت مفتقدا جداً أنا لم جت كندا حصة أكتر بأهمية وجودك مع حد يفهمك وتحسي معاه بأمان - أنا فهمك أوي - بجد انتي بطلة - بس نصيحة مني حاولي متبعدش عن جوزك أكتر من كدا - ربنا ياوكي يا رب

مرة تانية وحشتنا أوي :sad: