أونتاريو ترحب بـ سوسو

[enjisultan]

من آخر مغامراتى السوسورانية...

قبل الأمتحان بأسبوعين رحت المكتبة عشان أذاكر لى كلمتين يمكن أفلح

وكنت خارجة مودى كويس و حسيت إنى أنجزت شوية فى المذاكرة...

قووووووووووم إيه...

وأنا سايقة شايفة حاجة تحت المساحة هتطير...

أد الأيصال بتاع الكاشير من السوبر ماركت...

لما وقفت عند البيت بابص...ألاقيها مخالفة بأربعين دولار...قال إيه...باركنج فى مكان خاص بهيئة حكومية!!!

أصل أنا ولله الحمد دايما الحاجات اللى مش ظريفة بتحصل قبل الأمتحانات...

المهم على ضهر الأيصال ده...طرق الريسبونس

يا تدفع بالتليفون

يا تدفع بشيك مقبول الدفع و تبعته ع البوسطة

يا تروح المحكمة و تطلب قضية

ولازم أى حاجة من دول تتعمل فى خلال 15 يوم من تاريخ المخالفة ...وإلا وقعتك سودة و هتدفع المخالفة و عليها غرامة تأخير...وكمان هتنزل فى الكريديت بيورو بتاعك...يعنى نقطة سودا فى تاريخك فى البلد

المشكلة إنى مزنوأة و عندى إمتحان بعد أيام مش وقته يعنى...

بس ما دفعتش برضه

لأنى شايفة إنى مش غلطانة...

رحت المحاكمة و خدت رقم عشان أستنى دورى أقابل موظفة...

وشرحتلها الموقف

قالت لى مش معنى إنك ركنتى جنب المكتبة إن كل الباركينج تبع المكتبة

بس اللى قدام البااب الرئيسى هو اللى تبعها

قلتلها و انا أعرف إزاى يعنى؟؟؟

قالت لى مكتوب على مدخل كل باركينج هو يخص إيه و أى مبنى وكدة

قالت لى ممكن أنزلهالك النص...وتبقى 20 $

طبعا هتقوليلى دفعتى...

فى الواقع لأ...وناس كتير قالتلى بتستعبطى و إيه يعنى 20 $ و تخلصى

بس أنا مقتنعة إنى مش غلطانة

قلتلها عايزة قضية هتكون إمتى؟؟

مش قبل نوفمبر

وهييجيلك جواب فى خلال إسبوعين بتاريخ المحاكمة

جه الجواب النهاردة ومعادها فى ديسمبر...ولازم أحضر قدام القاضى الصبح بدرى عشان أقول أقوالى

أنا بعد كدة رحت الباركينج تانى و مالقيتش عليه يافطة تقول إنه مخصص لحد أو مكان معين

وده اللى ناوية أقوله

وحتى لو ما حصلش حاجة و دفعت...

يكفينى التجربة

واحدة أعرفها لسه ملدوعة تيكيت سرعة ب 300 $

والبنت حزيييييييييييينة

وانا مستنية دورى... سمعت أتنين مصريين خارجين من المحاكمة بيقول إن القاضى قاله ما تعملش كدة تانى

وإن شاء الله لو ليا عمر

هابقى أحكىاللى هيحصل فى ديسمبر فى المحاكمة

دعواتكم بأه :D

يابنتى انتى والله بجد ربنا يستورها معاكى

بس عندك اتتيود للبلطجة من ايام الكويت ....طب على راى التهامى بيحنوا للبنات فى الكويت فبلطجى براحتك

انما طالما واثقة اوى من نفسك ان كان ما فيش اى حاجة تدل على البرايفسى بتاعة المكان يبقى اتكلى على الله وبلطجى براحتك برضة

وانا هاقعود ادعىلك

[moheltohamy]

والله زمان يا سوسو... مسير الحي يتلاقى :blush2:

وجودك ومشاركاتك بجد دايماً ليها إحساس لذيذ ، وخفة دم بنفتقدها دايماً :wub:

ويا رب نبارك لك على النجاح النوهائي بقى ونخلص من الثلاثي المرعب بتاعك ده ؛ الاكتئاب والإحباط والقرف! :sad:

بس لو تسمحيلي يعني... هوّه الفول بيتكسف؟! :blink: :blink:

وأرخص نوع إسمه سيدار وده ريجولار من غير حياء ومش عاجبنى...بس مضطرة الصراحة

على فكرة أنا عمرى فى حياتى ما دمست فول...

بس مضطرة و كمان هاعمل عجينة طعمية و ممكن أعملها مداخلة مخصوص

المشكلة إنى اتعودت على فول المحلات ...وطعمه كان رائع

كنا بنجيب علب فول بالدقة من جاد و حياءه كان رائع الصراحة

فالمعلب مش داخل ذمتى الصراحة...

أنا عايزة حد من الأسكندرانية حبايبى يقولى طريقة تحيء الفول الأسكندرانى

عشان بحبها قوى

بليييييييييييييييز

[Leonardo da vinci]

والله زمان يا سوسو... مسير الحي يتلاقى :blush2:

وجودك ومشاركاتك بجد دايماً ليها إحساس لذيذ ، وخفة دم بنفتقدها دايماً :wub:

ويا رب نبارك لك على النجاح النوهائي بقى ونخلص من الثلاثي المرعب بتاعك ده ؛ الاكتئاب والإحباط والقرف! :sad:

بس لو تسمحيلي يعني... هوّه الفول بيتكسف؟! :blink: :blink:

وأرخص نوع إسمه سيدار وده ريجولار من غير حياء ومش عاجبنى...بس مضطرة الصراحة

على فكرة أنا عمرى فى حياتى ما دمست فول...

بس مضطرة و كمان هاعمل عجينة طعمية و ممكن أعملها مداخلة مخصوص

المشكلة إنى اتعودت على فول المحلات ...وطعمه كان رائع

كنا بنجيب علب فول بالدقة من جاد و حياءه كان رائع الصراحة

فالمعلب مش داخل ذمتى الصراحة...

أنا عايزة حد من الأسكندرانية حبايبى يقولى طريقة تحيء الفول الأسكندرانى

عشان بحبها قوى

بليييييييييييييييز

دكتور محمد انت فين والله وحشني و وحشني مغمراتك يا دولي ارجع تاني للتوبيك بتاعك يا باشا ,,,, احنا مستنينك

[norbakrahmed]

سوسو - أنا كمان باكل فول سيدار دة - يلا أي حاجة بس اسمو فول بردو - وأنا معك أوطلب الطريقة الاسكندرانية الفولية

[عبدوس الوزير]

مدام سوسو أنصحك تاخدي كذا صورة للباركنج ده وتاخديها معاكي في المحكمة.

[arora]

علمنا الان من مصادر موثوقة

ان الدكتورة سوسورانى اللى مشرفة الصيدلانيات المصريات فى بلاد الكنادوة

ورافعة راية الصيادلة المصريين فى بلاد المهجر

العزيزة سوسورانى

نجحت فى آخر امتحان ليها

مبروووووووووووووووووووووووووووووووووووووك

مليووووووووووووون مبرووووووووووووووووووووووك

ويسعدنى ويشرفنى انى اكون اول المهنئين

:sad: :partytime:

[ramyfathalla]

مبروووووووووووووووووووووووووووووووووووووووووووك و مليون مبروووووووووووووووووووووك

ربنا ينجحك يا د/ سوسو و نشوفك وزيرة الصحة الكندية و مش كتير عليك تستاهلى كل خير

و أظن ما لكيش حجة خلصت الامتحانات و أكيد حاتشاركى وتنورينا و تنورى المحاورات كلها

شكرا د/ أرورا على الخبر الحلو ده

[memma]

الف مبروووووووووووووووووووووووووك يا سوسو...عايزين صيدلية عن قريب

[yassergaafar]

ألف مبروك يا دكتوره سوسو و عقبال الجنسيه الكنديه قريباً إن شاء الله

من أول ما الواحد بيحصل على ترخيص مزاولة المهنه يقدر يستمتع بالحياه فى كندا أرض الخيرات

أتمنى ليكى مزيد من التوفيق و يبقى عندك بيزنس بتاعك تمليك بدون شركاء و ربنا يكتب لك النجاح

[dr asar pharma]

الف الف مبروووك يادكتوره على نجاحك الباهر :wub: وبجد نجاحك بشرة خير لكل اخوانك الصيادلة وفرحة كبيرة لنا :blink:

وعقبال مانباركلك يااارب قربيا عالصيدلية

تستاهلي كل خير يادكتره :)

والى مزيد من النجاح والتقدم باذن الله

:closedeyes: :rolleyes:

[helisinki]

:blink:

:wub:

:rolleyes:

الف مبروك يامدام سوسورانى

:closedeyes:

[أكسيلانس]

ألف مبروك علي النجاح يا دكتوره و عقبال ما نبارك علي ألوظيفه الي تتمنيها أن شاء الله

و أتمني أن فرحتك بالنجاح تعوضك ألايام الطويله من الغربه و الوحده - و الي مزيد من النجاحات يا دكتورتنا الفاضله

خالص تحياتي [وسط][/وسط]

تم تعديل 14 يوليو 2010 بواسطة أكسيلانس

[bent misr]

يااااااااااااااه اخيرا والله الف الف الف مليووووووون مبروك

يا سوسو يا جميله يا رافعه راسنا في الغربه

بجد لازم ترتاحي شويه انا رأيي تيجي مصر و اشوفك بقى

ده هيكون اسهل من اني اجي انا كندا و نشوف بعض :wub:

يللا بقى عقبال لما تلاقي شغل و سكي بقى على المذاكره

و اوعي تقولي ان لسه في حاجه و لوفي ماتقوليش

خليها مفاجأه mfb:

سلامي للبنات الحلوين

[عنبو]

الف مليون مبروك يا دكتور سوسو

وعبقال لما نباركلك على الشغل وعلى الجنسيه ان شاء الله

تحياتى

عنبو

[precanadian]

ماشاء الله .الله اكبر

ايه الاخبار الجميله دي

الف الف مبروك نجاحك يا دكتوره سوسو.

منتظرين تواجدك معانا هناك تحكي لينا بالتفصيل .

[norbakrahmed]

mabroooooooooooooooooooooooooooooooooooooooooook ya soso ya raf3a rasna - e7klna baa 3n sho3orek w-far7etek - 3okbal baket elemte7nat ya gamil

[medopharm]

الف مليون مبروك يادكتوره سوسورانى

فعلا خبر فرحنا كلنا

[ghazy]

ألف مليوووووووون مبروووووك يا د.سوسو على النجاح, و اتمنالك التقدم و النجاح في حياتك بإذن الله...

اخبار ايدك ايه؟؟ و اخبار بنات حضرتك ايه..؟؟ يا رب يكونوا في احسن حال و يكونوا قدروا بتأقلموا على الجو و المجتمع الجديد و ربنا يرجعلك و يرجعلهم زوجك بألف سلامه

انا اخوكي المهندس محمد غازي, عضو جديد و اتمنى تتقبلوني في اسرتكم الكريمه و لي الشرف, و طبعاً انا متابع كل المواضيع في المنتدى من فتره و استفدت كتيير و البركه فيكي و في كل الاعضاء الكرام اللي لم يبخلوا على اي حد بأي معلومه... جزاكم الله كل خير

اسمحيلي اسجل اعجابي الشديد جداا جداا بكتاباتك, و اسلوبك الرائع... و اسجل حضور كمان في قهوتك الكريمه.. انما فين المشاريب صحيح..؟؟؟ wst::

تقبلي خالص تحياتي

[Rock]

الاخت العزيزة سوسوراني

احب اقول لحضرتك انة انتي وحشانا كتييير و كلنا مفتقدين حضورك و مفتقدين خفة دمك و ذوقك :rolleyes:

بالذمة ماوحشكيش الكتابة في التوبيك بتاعك و انك تفضفضي و تلاقي حد يسمعلك و يناقشك و يسألك :yes:

كلنا عارفين انة الدنيا في الغربة في الاول بتبقي صعبة ومحدش قال انها وردية,لذا بشوية صبر هتلاقي الدنيا حلوة و ماتنسيش انة اللي بدأ الطريق و سمح بية اكيييييد هيكملة

كلنا في انتظارك في القهوة بتاعتك اللي مقفولة من فترة كبيرة و بتدفعي ايجارها علي الفاضي ...يعني ..شغلي القهوة اهوة علي الاقل تجييب مصاريفها

عووووووووووووودي يا هاميس :phar:

و سمعني سلام انا في انتظارك للفنانة ام كلثوم :D

تم تعديل 15 أكتوبر 2010 بواسطة rock

[kareemabdou]

سوسورانى

انا مش حنسى الايام الجميلة لما كنت ارجع من االشغل واول حاجة اعملها

انى اجرى وافتح التوبك بتاعك علشان اشوف انتى كاتبه ايه النهارده

فين الايام الجميلة دى

ياريت ترجعى تكتبى و تفيدينا تانى

وكلنا هنا اخواتك ومش حتلاقى حد يقف جنبك ادنا

لاننا فى مركب واحده وطريقنا واحد