أونتاريو ترحب بـ سوسو

[بيبو كندا]

سوسورانى

انا مش حنسى الايام الجميلة لما كنت ارجع من االشغل واول حاجة اعملها

انى اجرى وافتح التوبك بتاعك علشان اشوف انتى كاتبه ايه النهارده

فين الايام الجميلة دى

ياريت ترجعى تكتبى و تفيدينا تانى

وكلنا هنا اخواتك ومش حتلاقى حد يقف جنبك ادنا

لاننا فى مركب واحده وطريقنا واحد

اضم صوتى لصوت روك و كريم عبدو

تصدقى يا دكتورة سوسو انى مش بضحك غير فى التوبك ده

رجاء ما تكسفيناش و نشوف احلى مداخلات ليكى

[محمد كيبيك]

خير يا د سوسو رانى فى حد زعلك فى شى اذا كانت الاجابة لا طب لية حارمانا من مداخلاتك و اذا كانت الاجابة اة طب قوللنا على المشكلة و باذن اللة نحلها كلنا

[توتا عماد]

انتى فين يا دكتورة سوسو ليه بتغيبى عننا كده ياريت ترجعلنا وتطيميننا عليكى

ة ولا ايه رايكم يا جماعة

[بيبو كندا]

ايه يا دكتورة

فينك ؟

وحشتينا والله

[اغابي]

عاوزين سوسو

لو يعنى عندك وقت فاضي شوية وعندك بس دقيقتين تيجي تبصى علينا

لاننا غلابة اوى من غيرك يا صوصو

cr((: cr((:

الجماهير تنادي - عاوزين سوسو

:waving:

عاوزين نسمع صوتك زى زمان

اغابي

:flr1: :flr1:

[اغابي]

ووعد منى حاشبرئك تنقيط بالاخضر

حاخضرك

:lol: :lol: :lol:

[أكسيلانس]

كلما دخلت هذا المنتدي ( المحاورات ) و خصوصا قهوة سوسراني و التهامي و زناتي و كبار علماء المحاورات ,, يقفز الي ذاكرتي أبيات من شعر أبراهيم ناجي ,, كان مدرس اللغه العربيه في أيام الثانويه العامه كثيرا ما يرددها

و الحقيقه مكنتش فاهم منها حاجه وقتها أو هو بيقولها ليه ,, الابيات بتقول ,, !!

هذه الكعبة كنا طائفيها

والمصلين صباحا ومساءَ

كم سجدنا وعبدنا الحسن فيها

كيف بالله رجعنا غرباءَ

...

رفرف القلب بجنبيْ كالذبيحْ

وأنا أهف يا قلب اتَّئِدْ

فيجيب الدمعُ والماضي الجريح

لمَ عدنا ليت أنَّا لم نَعدْ

لإبراهيم ناجي

رغم أن الابيات لرثاءذكري محبوبته ,, و التحسر علي فقدها و هو يمر ببيتها ,,ألا أنها تمثل لي نفس الحاله

لان هذه المقاهي كانت عامره بأناس بذلوا من وقتهم الكثير و كنا نتفاعل مهعم بكل صدق دون أن نراهم أم نعرفهم

و ها نحن نفتقدهم بشده ,, و مازلنا لم نراهم أو نعرفهم !!!

ربنا يوفقهم في مشوارهم الطويل

تم تعديل 17 أكتوبر 2010 بواسطة أكسيلانس

[miracle]

د سو سو ارجوكى ارجعى اكتبى انا عارفة انك اكيد معندكيش وقت

بس حاولى لانك نافذة بنشوف منها المجهول واللى خايفين منه

انتى متعرفيش اد ايه انتى مفيدة لناس كتير حابين يعرفوا اكتر عن مستقبلهم اللى اختاروه واللى خايفين منه

واد ايه طريقتك فى سرد حياتك اليومية كانت بتضيف ليومنا

ارجكوكى عيدى حسباتك وارجعى

[SoSo R]

حقيقى انا مش عارفة سبب للحركة المجنونة اللى بعملها دى ...حاسة انى بارمى نفسى بالنار:closedeyes:

يعنى بعد حوالى 5 شهور توقف جاية برجليا هنا

و مش عارفة السبب!!!!

بس بجد أحب أشكر كل من سأل عليا هنا أو ع الخاص...أو فى أى حتة

مش قادرة أوعد بإنى هاكون متواجدة باستمرار...لأن الحياة صعبة قوى

بس هحاول على أد ما أقدر

كل أطلبه منكم دعواتكم من أجلى و من أجل أسرتى بتسيير الأمور...

وهاحاول ابين السلبيات اللى كنتوا هتتجننوا تعرفوها...أصل بصراحة كل اللى شايفاه اليومين دول سلبيات

عايزة بس أكد ليكم ...كندا مش جنة ولا حاجة...ممكن أحسن شوية من حتت تانية بس برضه على حساب حاجات تانية

مش باخوفكم بس ده الواقع اللى انا عايشاه حاليا...وتحت امركم فى اى تساؤلات..بس ياريت حاجات موضوعية

وليا عودة عشان أرد على الناس الحلوة اللى فوق ...اللى بجد كلامهم أثر فيا قوى

و آسفة لو كنت أتأخرت عليكم فى الرد

سلام

[samaaraof]

حقيقى انا مش عارفة سبب للحركة المجنونة اللى بعملها دى ...حاسة انى بارمى نفسى بالنار:closedeyes:

يعنى بعد حوالى 5 شهور توقف جاية برجليا هنا

و مش عارفة السبب!!!!

بس بجد أحب أشكر كل من سأل عليا هنا أو ع الخاص...أو فى أى حتة

مش قادرة أوعد بإنى هاكون متواجدة باستمرار...لأن الحياة صعبة قوى

بس هحاول على أد ما أقدر

كل أطلبه منكم دعواتكم من أجلى و من أجل أسرتى بتسيير الأمور...

وهاحاول ابين السلبيات اللى كنتوا هتتجننوا تعرفوها...أصل بصراحة كل اللى شايفاه اليومين دول سلبيات

عايزة بس أكد ليكم ...كندا مش جنة ولا حاجة...ممكن أحسن شوية من حتت تانية بس برضه على حساب حاجات تانية

مش باخوفكم بس ده الواقع اللى انا عايشاه حاليا...وتحت امركم فى اى تساؤلات..بس ياريت حاجات موضوعية

وليا عودة عشان أرد على الناس الحلوة اللى فوق ...اللى بجد كلامهم أثر فيا قوى

و آسفة لو كنت أتأخرت عليكم فى الرد

سلام

عزيزتى الدكتورة سوسو رانى

يمكن حضرتك ما تعرفينيش لكنى اعرف حضرتك من كتاباتك فى التوبيك بتاعك ونفسى اقول حاجة لكل اللى سافروا قبلنا وسبقونا واحنا هنحصلهم ان شاء الله

احنا مش متخيلين ان كندا هى الجنة الموعودة لأن وببساطة لا يوجد جنة على الأرض الحياة كلها تعب ومشقة وكفاح لكن برضه مش هنكر اننا متخيلين ان الحياة فيها هتكون اسهل بعض الشئ

يعنى تخيلى انا الخاص مثلا

دراسة الاولاد هتكون افضل بس فى المقابل هيختلطوا بناس مختلفين عننا فى العادات والتقاليد

ان السواقة هتكون اسهل لكن الحصول على الرخصة صعب وتكاليف السيارة ومن بنزين وباركنج وتامين مكلفة

العلاقات الاجتماعية اكيد هتبقى صعبة فى الاول لحد الواحد ما يلاقى صحبة طيبة

البعد عن الاهل والاصدقاء والجيران هيكون صعب خصوصا ان السفر بين مصر وكندا يوم كامل لكن بما ان اغلبنا اصلا مغتربين او كنا مغتربيين فيمكن اتعودنا على الفراق

حاجات كتيرة جدا بس والله مش فاكراهم دلوقتى

اللى عايزة اقوله لحضرتك او لاى حد سافر قبلنا ان الكتابة عن السلبيات مهمة جدا والله واهم من الايجابيات لانها هتخلينا نتوقع اشياء كثيرة قبل ان نمر بها وهذا يسهل علينا امور كثيرة والله واكيد حضرتك جربتى قبل ما تسافرى هل اللى سافر مثلا من غير ما يقرا على المطاريد والمحاورات سفره كان اسهل واللا اللى قرا وعرف هيقابل ايه هناك خطوة بخطوة كان افضل؟

وماتخافوش كتاباتكم لن تثنينا عن قرار الهجرة لأن اللى بياخد القرار ده بياخده بعد تفكير سنين وكل اللى خده كان وراه حكاية وقصة طويلة فلا تبخلوا علينا بتجاربكم واللى كل حرف فيها هو فى ميزان حسناتكم

والف مبروك على نجاحك ويارب تكونى لقيتى شغل كويس ويجمعك انتى واولادك بزوجك على كل خير ويوفقكمفى حياتكم الجديدة

وتقبلى مرورى

:) :) :) :)

[بيبو كندا]

منورة بيتك يا سوسو

و الله منورة و لو كنت باعرف ازغرط كنت عملتها

[miracle]

حقيقى انا مش عارفة سبب للحركة المجنونة اللى بعملها دى ...حاسة انى بارمى نفسى بالنار:closedeyes:

يعنى بعد حوالى 5 شهور توقف جاية برجليا هنا

و مش عارفة السبب!!!!

بس بجد أحب أشكر كل من سأل عليا هنا أو ع الخاص...أو فى أى حتة

مش قادرة أوعد بإنى هاكون متواجدة باستمرار...لأن الحياة صعبة قوى

بس هحاول على أد ما أقدر

كل أطلبه منكم دعواتكم من أجلى و من أجل أسرتى بتسيير الأمور...

وهاحاول ابين السلبيات اللى كنتوا هتتجننوا تعرفوها...أصل بصراحة كل اللى شايفاه اليومين دول سلبيات

عايزة بس أكد ليكم ...كندا مش جنة ولا حاجة...ممكن أحسن شوية من حتت تانية بس برضه على حساب حاجات تانية

مش باخوفكم بس ده الواقع اللى انا عايشاه حاليا...وتحت امركم فى اى تساؤلات..بس ياريت حاجات موضوعية

وليا عودة عشان أرد على الناس الحلوة اللى فوق ...اللى بجد كلامهم أثر فيا قوى

و آسفة لو كنت أتأخرت عليكم فى الرد

سلام

مستنينك تشرحى السلبيات وكندا الواقع مش الاحلام

thanksانك رجعتى علشان احنا بجد محتاجين نسمع منك علشان نستعد للى جاى

[miracle]

مش عارفة ليه انا حاسة انك مش مبسوطة ودى مشكلة

لان كل واحد فينا مسافر كندا على اساس انها الحل لاحباطه المستمر هنا

وانا عارفة ان ادنيا مش وردى هناك بس يا ريت بردو متبقاش سودة

ممكن فوشيا غامق

[اغابي]

حقيقى انا مش عارفة سبب للحركة المجنونة اللى بعملها دى ...حاسة انى بارمى نفسى بالنار:closedeyes:

يعنى بعد حوالى 5 شهور توقف جاية برجليا هنا

و مش عارفة السبب!!!!

بس بجد أحب أشكر كل من سأل عليا هنا أو ع الخاص...أو فى أى حتة

وليا عودة عشان أرد على الناس الحلوة اللى فوق ...اللى بجد كلامهم أثر فيا قوى

و آسفة لو كنت أتأخرت عليكم فى الرد

سلام

حبيبتى يا صوصو

:Laie:

اخيرا رجعتى لينا من تانى - يا سلام يا ولاد على الفرحة لما تجمعنا هنا من تانى

:swing:

ولو مش عاوزة تحكى فى حاجة حتاخد معاكى وقت او مطولة

او تاثر فى نفسيتك بلاش منها احنا عاوزينك معانا وبس مش لازم

نجهدك او نتعبك او مثلا نضيع وقتك

كفايا تبقى معانا نبقى فرحانين - زى فرحتنا بالعيد يا صوصو

:clappingrose:

kis)-وخدى واحدة اهى امووووو على الخد الجميل

ربنا معاك ومع عيلتك ويوفقكم

[Spanish Eyes]

مدام سوسو ممكن تحكيلنا عن أي تجربة هايكنج ليكي؟

سعيده جدا بعودتك للكتابه.

[SoSo R]

الأفاضل سماء و ميراكل و بيبو كندا و أغابى و ست ابوها سبانيش آيز:closedeyes:

ميرسى على مشاعركم الرقيقة و كلماتكم الطيبة ...نفسى تنبسطوا من رجوعى فى وسطكم ...بس ربنا يسهل

بالنسبة للهايكينج :closedeyes:

حقيقى انا مهاجرة عشان اهايك بس ...هو ده الهدف الرئيسى منه ...

ومش عارفة من غير الهايكينج كنت هاعيش إزاى...اكيد ماكنتش هاستحمل العيشة المرة:closedeyes:

يارب يسعد أيامكم و نبتدى ندخل ع الشغل التقيل و نشمر ايدينا

عايزة بس اتفق معاكم على حاجة بلاش ضرب او شتيمة:blush2:يعنى اللى مش عاجبه كلامى ...ما يقاوحش كتير

سيرى يا كندا على بركة الله....

[SoSo R]

قبل ما ابتدى احكى و استفيض فى الكلام احب اقولكم شعار المرحلة اللى لازم تحطوه حلقة فى ودنكم

المعرفة غير الأدراك.

أو

المعرفة تختلف عن الأدراك.

و المعنى جاية لكم بيه فى السكة...

عايزة بس احكيلكم على حاجة كدة ...من كام شعر دخلت ع المحاورات و لقيت طالعلى فى المواضيع المشابهة احد مواضيع مساوئ كندا.....و.......

وقعت ع الأرض من الضحكgra:-

لأ...لأ ماتفهمونيش غلط...لا أعنى السخرية...بس بجد اللى يقرا من هنا غير اللى يقرا و هو هناك...وخلوا بالكم المعرفة غير الأدراك

اصل الناس اللى بتهاجم و اللى بتدافع مش فى كندا ...وماعندهمش فكرة عن حاجة من اللى بيتكلموا عنها...بيتكلموا و خلاص

كأن كل واحد حاطط إيده على ودانه و بيصرخ بأعلى صوت و بيقول للتانى أنت سامعنى؟؟؟؟؟؟؟؟؟؟

طولت عليكم انا بالمقدمة البايخة دى بس كان لازم تسمعوا الحتة دى قبل ما ندخل فى الجد

التجربة اولى:

أسوء نظام صحى فى العالم :(

الأدراك غير المعرفة

فى شهر 8 و بعد عيدميلادى بإسبوعين بالضبط كنا بره فى مكان عام...قمت وطيت ...عادى كل الناس بتوطى

سمعت صوت حاجة طقت فى ضهرى وبسسسسسسسسسسس.ما قدرتش ارجع لفوق تانى مع ألم فظيييييييييع كنت بابكى منه...

المهم كان معانا ناس اصحابنا يحاولوا يوقفنى ..اصرخ...يحركونى ...أصرخ برضه

لحد ما استقروا على ان يطلبوا 911 ...طبعا ما أنا زبونة بقىf((:

جم بدخلتهم اامعروفة وضغط و تنفس و رسم قلب وحركات...يحركونى مش قادرة...المهم بعد مباحاثات عرفتها بعد كدة للأسف ...جابوا نقالة على شكل كرسى عشان يحطونى عليه عشان أطلع للنقالة الكبيرة بره و حطونى فى عربية الأسعاف

للأسف عرفت ان المسعف الشاب اللى سنه حوالى 22 سنة بيحاول يقنع جوزى ان مالوش لازمة ناخدها وهو عايز يخلص ورقه و يخلعdct::

لسه هيودى و يجيب!!!!

و انا فى عربية الأسعاف بدأ سيل الأسئلة عشان التاريخ المرضى و الأدوية..وصلت الطوارىء فى المستشفى العامرة ...وكان يوم ويك إند عشان ألاقى طابور من النقالات اللى بعجل قبلى إشى حادثة و إشى سنيور مش قادر يتنفس و الطابور مضحك نقالات عليها ناس مسطحة ورا بعض فى صف

طبعا كان الوجع اقل عشان متثبتة بحزام مش بتحرك و ابتديت استكشف حواليا...منتهى الأستهتار من المسعفين عمال يهزروا و يضحكوا مع بعض ولا كأن فيه ناس متوجعة جنبهم...و بيتعازموا على بعض على كبايات القهوة تيمى...وكل واحد بيسأل التانى بما معناه فين الجتة اللى اللى معاك عشان يرمى الحمولة و يرجع يحمل تانىangl::

وفقت من ذهولى على المسعفة بتاعتى اللى كانت واخدة موضوعى جد أثناء العيل زميلها بيهرج مع الشلة...جاية بتقنعنى اقعد على كرسى متحرك بدل ما انتظر السرير لأن فيها 8 ساعات ...وقومتنى وربطت لى تلج على ضهرى اللى هو تلج جاف...

و ابتدا المشواااااااااااااار

8 ساعات يا موءمنين لما كرهت عيشتى ...كان هاين ليا اقوم اروح....8 ساعات ما شفتش تلك المرسل من السماء اللى اسمه دكتوووووووووووور او طور ايهما اقرب

8ساعات ماحدش ادانى حباية تايلنول حتى كمسكن للألم...والعيال انا ما عرفش عنهم حاجة لأنهم روحوا مع أصحابنا...

وكل اللى بيحصل إنى كل كام ساعة تيجى ممرضة تسأل كام سؤال متكررين و تمشى.

يروح جوزى يستفسر...انتوا نسيتها ولا إيه؟؟؟

يبصوا له شذرا ...ويتنرفزوا عليه!!!! سبحانك يا رب....

ده الكويت بأه كانوا امرا و انا مش عارفة

عمار يا كويت....عظيمة يا مصر يا ارض اللواء:egyflag:

بعد مرور الكوتة الزمنية المفروضة على كل مريض...جاء ذلك المرسل النادر الوجود ....اللى ما بينكشفش على مرضى عشان بيستحى!!!

وايه ده انتى زى الفل انا هافحص ضهرك و كله هيبقى فل...

طيب اشعة يا معلم...

مالهاش لزوم..

انتى تماااااااااااااااااااااااااااااااااام

حبيب عمو ايه الطعامة دى يا واد...

قعدى يدونى فى حقن مسكنة و حبوب باسطة للعضلات و ضاعفوا الجرعة لما لقوا مافيش حاجة بتجيب نتيجة عشان اقدر اقف على رجلى و اتسند و اغور فى ستين سلامة:scooter:

وخرجت و انا على الكرسى بعجل...عشان اروح على بيتنا...وانام فى السرير لمدة اسبوع بدون حراااااااااك

وفى الحلقة القادمة هاحكيلكم لما رحت لطبيب العيلة ............

يا لهووووى غطينى يا صفية و صوتى:hang:

[Spanish Eyes]

قبل ما ابتدى احكى و استفيض فى الكلام احب اقولكم شعار المرحلة اللى لازم تحطوه حلقة فى ودنكم

المعرفة غير الأدراك.

أو

المعرفة تختلف عن الأدراك.

و المعنى جاية لكم بيه فى السكة...

عايزة بس احكيلكم على حاجة كدة ...من كام شعر دخلت ع المحاورات و لقيت طالعلى فى المواضيع المشابهة احد مواضيع مساوئ كندا.....و.......

وقعت ع الأرض من الضحكgra:-

لأ...لأ ماتفهمونيش غلط...لا أعنى السخرية...بس بجد اللى يقرا من هنا غير اللى يقرا و هو هناك...وخلوا بالكم المعرفة غير الأدراك

اصل الناس اللى بتهاجم و اللى بتدافع مش فى كندا ...وماعندهمش فكرة عن حاجة من اللى بيتكلموا عنها...بيتكلموا و خلاص

كأن كل واحد حاطط إيده على ودانه و بيصرخ بأعلى صوت و بيقول للتانى أنت سامعنى؟؟؟؟؟؟؟؟؟؟

طولت عليكم انا بالمقدمة البايخة دى بس كان لازم تسمعوا الحتة دى قبل ما ندخل فى الجد

التجربة اولى:

أسوء نظام صحى فى العالم

بدأنا في الهجص مش فاكره لما صابعك ورم قعدتي تقولي ناس زووق زووق زووق دلوقتي بقم كخيييين

:(

الأدراك غير المعرفة

فى شهر 8 و بعد عيدميلادى بإسبوعين بالضبط كنا بره فى مكان عام...قمت وطيت ...عادى كل الناس بتوطى

اهه شوفتي بقى السبب وان عرف السبب بطل اية؟ ليه يا سوسو ار بعد عيد ميلادك باسبوعين بتوطي ؟؟؟؟

سمعت صوت حاجة طقت فى ضهرى وبسسسسسسسسسسس.ما قدرتش ارجع لفوق تانى مع ألم فظيييييييييع كنت بابكى منه...

المهم كان معانا ناس اصحابنا يحاولوا يوقفنى ..اصرخ...يحركونى ...أصرخ برضه

لحد ما استقروا على ان يطلبوا 911 ...طبعا ما أنا زبونة بقىf((:

جم بدخلتهم اامعروفة وضغط و تنفس و رسم قلب وحركات...يحركونى مش قادرة...المهم بعد مباحاثات عرفتها بعد كدة للأسف ...جابوا نقالة على شكل كرسى عشان يحطونى عليه عشان أطلع للنقالة الكبيرة بره و حطونى فى عربية الأسعاف

للأسف عرفت ان المسعف الشاب اللى سنه حوالى 22 سنة بيحاول يقنع جوزى ان مالوش لازمة ناخدها وهو عايز يخلص ورقه و يخلعdct::

لسه هيودى و يجيب

متاكده انك كنتي تعبانه ؟؟؟ ;)

!!!!

و انا فى عربية الأسعاف بدأ سيل الأسئلة عشان التاريخ المرضى و الأدوية..وصلت الطوارىء فى المستشفى العامرة ...وكان يوم ويك إند عشان ألاقى طابور من النقالات اللى بعجل قبلى إشى حادثة و إشى سنيور مش قادر يتنفس و الطابور مضحك نقالات عليها ناس مسطحة ورا بعض فى صف

طبعا كان الوجع اقل عشان متثبتة بحزام مش بتحرك و ابتديت استكشف حوالي

ا...منتهى الأستهتار من المسعفين عمال يهزروا و يضحكوا مع بعض ولا كأن فيه ناس متوجعة جنبهم...و بيتعازموا على بعض على كبايات القهوة تيمى...وكل واحد بيسأل التانى بما معناه فين الجتة اللى اللى معاك عشان يرمى الحمولة و يرجع يحمل تانى

بتحرجمي على انذار صح؟؟؟قصدك يعني تقولي ان المسعفين دول مستهترين اشهدوا يا ناس اشهدوا يا خلق سوسو ار بتعيب في الاخضر

angl::

وفقت من ذهولى على المسعفة بتاعتى اللى كانت واخدة موضوعى جد أثناء العيل زميلها بيهرج مع الشلة...جاية بتقنعنى اقعد على كرسى متحرك بدل ما انتظر السرير لأن فيها 8 ساعات ...وقومتنى وربطت لى تلج على ضهرى اللى هو تلج جاف...

و ابتدا المشواااااااااااااار

8 ساعات يا موءمنين لما كرهت عيشتى ...كان هاين ليا اقوم اروح....8 ساعات ما شفتش تلك المرسل من السماء اللى اسمه دكتوووووووووووور او طور ايهما اقرب

8ساعات ماحدش ادانى حباية تايلنول حتى كمسكن للألم...والعيال انا ما عرفش عنهم حاجة لأنهم روحوا مع أصحابنا...

وكل اللى بيحصل إنى كل كام ساعة تيجى ممرضة تسأل كام سؤال متكررين و تمشى.

يروح جوزى يستفسر...انتوا نسيتها ولا إيه؟؟؟

يبصوا له شذرا ...ويتنرفزوا عليه!!!! سبحانك يا رب....

ده الكويت بأه كانوا امرا و انا مش عارفة

عمار يا كويت....عظيمة يا مصر يا ارض اللواء:egyflag:

مقدرش اختلف معاكي في دي

بعد مرور الكوتة الزمنية المفروضة على كل مريض...جاء ذلك المرسل النادر الوجود ....اللى ما بينكشفش على مرضى عشان بيستحى!!!

وايه ده انتى زى الفل انا هافحص ضهرك و كله هيبقى فل...

طيب اشعة يا معلم...

مالهاش لزوم..

انتى تماااااااااااااااااااااااااااااااااام

حبيب عمو ايه الطعامة دى يا واد

طول عمري بحس الصيادله كان نفسهم يطلعوا دكاترة بس معرفوش ... :P

قعدى يدونى فى حقن مسكنة و حبوب باسطة للعضلات و ضاعفوا الجرعة لما لقوا مافيش حاجة بتجيب نتيجة عشان اقدر اقف على رجلى و اتسند و اغور فى ستين سلامة:scooter:

وخرجت و انا على الكرسى بعجل...عشان اروح على بيتنا...وانام فى السرير لمدة اسبوع بدون حراااااااااك

الف سلامة يا سوسو ار

وفى الحلقة القادمة هاحكيلكم لما رحت لطبيب العيلة ............

يا لهووووى غطينى يا صفية و صوتى:hang:

[hosiny]

الف سلامة عليكي يا سوسو والله.....انتي كده هتخوفي الناس اللي كانت عامله حسابها ان كندا دي هتأمن للناس التأمين الصحي اللي مش لاقيينه في بلادهم.....ربنا يستر....طلعى اللي عندك طلعى

[توتا عماد]

ازيك يا سوسو الحمد لله انك رجعتى للتوبيك بتاعك ، الف سلامة عليكى وشدى حيلك وربنا يوفقك ومستنيينك تهلى علينا زى زمان