أونتاريو ترحب بـ سوسو

[Hauntedahmed]

يا سيدى على الثقه ايوه كده الايشبشن ميدخلوش تخشيبه بره بلدهم ابدا :closedeyes:

كفاره يا دوك مش على المحكمه ده على خروجك بلاسلامه من عندى سى الفاميلى دكتور

موضوع النظام الصحى بتاع كندا واوروبا عموما محتاج مننا -سواء فى مصر او الخليج- وقت عشان نفهمه لانى فى مصر لو معاك فلوس يبقى الصحه فى مصر احسن و اللى فى الخليج و معاهم تامين صحى برضه دلع

المهم حمد الله على السلامه و ربنا معاكى

[Hauntedahmed]

يا سيدى على الثقه ايوه كده الايشبشن ميدخلوش تخشيبه بره بلدهم ابدا :closedeyes:

كفاره يا دوك مش على المحكمه ده على خروجك بلاسلامه من عندى سى الفاميلى دكتور

اقصد طبعا بالسلامه بس انا عندى مشاكل فى التايبنج بالعربى bsh:) عشان كده فاشل فى المنتديات

[bent misr]

الف الف حمدلله على سلامتك يا سوسو

ايييييه يا بنتي الغيبه الطويله دي

و اييييه البهدله الي انت فيها دي

الواحد فعلا بيسمع عن مشاكل العلاج في كندا

بس بجد يا جماعه الموضوع ده كبير و مرعب

و كويس جدا يا سوسو انك تطرقتيله

الف سلامه عليكي

وكل سنه و انت و البنات بخير وصحه وعافيه

و متابعين يا فندم

[ansalim]

قبل ما ابتدى احكى و استفيض فى الكلام احب اقولكم شعار المرحلة اللى لازم تحطوه حلقة فى ودنكم

المعرفة غير الأدراك.

أو

المعرفة تختلف عن الأدراك.

و المعنى جاية لكم بيه فى السكة...

عايزة بس احكيلكم على حاجة كدة ...من كام شعر دخلت ع المحاورات و لقيت طالعلى فى المواضيع المشابهة احد مواضيع مساوئ كندا.....و.......

وقعت ع الأرض من الضحكgra:-

لأ...لأ ماتفهمونيش غلط...لا أعنى السخرية...بس بجد اللى يقرا من هنا غير اللى يقرا و هو هناك...وخلوا بالكم المعرفة غير الأدراك

اصل الناس اللى بتهاجم و اللى بتدافع مش فى كندا ...وماعندهمش فكرة عن حاجة من اللى بيتكلموا عنها...بيتكلموا و خلاص

كأن كل واحد حاطط إيده على ودانه و بيصرخ بأعلى صوت و بيقول للتانى أنت سامعنى؟؟؟؟؟؟؟؟؟؟

طولت عليكم انا بالمقدمة البايخة دى بس كان لازم تسمعوا الحتة دى قبل ما ندخل فى الجد

التجربة اولى:

أسوء نظام صحى فى العالم :(

الأدراك غير المعرفة

فى شهر 8 و بعد عيدميلادى بإسبوعين بالضبط كنا بره فى مكان عام...قمت وطيت ...عادى كل الناس بتوطى

سمعت صوت حاجة طقت فى ضهرى وبسسسسسسسسسسس.ما قدرتش ارجع لفوق تانى مع ألم فظيييييييييع كنت بابكى منه...

المهم كان معانا ناس اصحابنا يحاولوا يوقفنى ..اصرخ...يحركونى ...أصرخ برضه

لحد ما استقروا على ان يطلبوا 911 ...طبعا ما أنا زبونة بقىf((:

جم بدخلتهم اامعروفة وضغط و تنفس و رسم قلب وحركات...يحركونى مش قادرة...المهم بعد مباحاثات عرفتها بعد كدة للأسف ...جابوا نقالة على شكل كرسى عشان يحطونى عليه عشان أطلع للنقالة الكبيرة بره و حطونى فى عربية الأسعاف

للأسف عرفت ان المسعف الشاب اللى سنه حوالى 22 سنة بيحاول يقنع جوزى ان مالوش لازمة ناخدها وهو عايز يخلص ورقه و يخلعdct::

لسه هيودى و يجيب!!!!

و انا فى عربية الأسعاف بدأ سيل الأسئلة عشان التاريخ المرضى و الأدوية..وصلت الطوارىء فى المستشفى العامرة ...وكان يوم ويك إند عشان ألاقى طابور من النقالات اللى بعجل قبلى إشى حادثة و إشى سنيور مش قادر يتنفس و الطابور مضحك نقالات عليها ناس مسطحة ورا بعض فى صف

طبعا كان الوجع اقل عشان متثبتة بحزام مش بتحرك و ابتديت استكشف حواليا...منتهى الأستهتار من المسعفين عمال يهزروا و يضحكوا مع بعض ولا كأن فيه ناس متوجعة جنبهم...و بيتعازموا على بعض على كبايات القهوة تيمى...وكل واحد بيسأل التانى بما معناه فين الجتة اللى اللى معاك عشان يرمى الحمولة و يرجع يحمل تانىangl::

وفقت من ذهولى على المسعفة بتاعتى اللى كانت واخدة موضوعى جد أثناء العيل زميلها بيهرج مع الشلة...جاية بتقنعنى اقعد على كرسى متحرك بدل ما انتظر السرير لأن فيها 8 ساعات ...وقومتنى وربطت لى تلج على ضهرى اللى هو تلج جاف...

و ابتدا المشواااااااااااااار

8 ساعات يا موءمنين لما كرهت عيشتى ...كان هاين ليا اقوم اروح....8 ساعات ما شفتش تلك المرسل من السماء اللى اسمه دكتوووووووووووور او طور ايهما اقرب

8ساعات ماحدش ادانى حباية تايلنول حتى كمسكن للألم...والعيال انا ما عرفش عنهم حاجة لأنهم روحوا مع أصحابنا...

وكل اللى بيحصل إنى كل كام ساعة تيجى ممرضة تسأل كام سؤال متكررين و تمشى.

يروح جوزى يستفسر...انتوا نسيتها ولا إيه؟؟؟

يبصوا له شذرا ...ويتنرفزوا عليه!!!! سبحانك يا رب....

ده الكويت بأه كانوا امرا و انا مش عارفة

عمار يا كويت....عظيمة يا مصر يا ارض اللواء:egyflag:

بعد مرور الكوتة الزمنية المفروضة على كل مريض...جاء ذلك المرسل النادر الوجود ....اللى ما بينكشفش على مرضى عشان بيستحى!!!

وايه ده انتى زى الفل انا هافحص ضهرك و كله هيبقى فل...

طيب اشعة يا معلم...

مالهاش لزوم..

انتى تماااااااااااااااااااااااااااااااااام

حبيب عمو ايه الطعامة دى يا واد...

قعدى يدونى فى حقن مسكنة و حبوب باسطة للعضلات و ضاعفوا الجرعة لما لقوا مافيش حاجة بتجيب نتيجة عشان اقدر اقف على رجلى و اتسند و اغور فى ستين سلامة:scooter:

وخرجت و انا على الكرسى بعجل...عشان اروح على بيتنا...وانام فى السرير لمدة اسبوع بدون حراااااااااك

وفى الحلقة القادمة هاحكيلكم لما رحت لطبيب العيلة ............

يا لهووووى غطينى يا صفية و صوتى:hang:

د/ سوسو

لورجع الزمن كام سنة لورا (قبل ماتبدأى مشوار الهجرة) هل كنتى هاتتراجعى عن مشوار كندا ويبقى عمار ياكويت برده؟؟؟

[SoSo R]

قصة مؤثرة جدا...

كانت تأتى للصيدلية التى اتدرب بها لتلقى بالتحية...من آن لآخر

لم أكن أعرفها ولكن الجميع يعرفوها و يرحبوا بها جدا..

ملامحها هادئة جدا...ابتسامة خفيفة تخفى بعض الحزن ورائها...يكلل رأسها شعر قصير لون الصوف الأبيض

ولكن نظرة الحنان فى عينيها عميقة جدا..

فى أحد الأيام وجدت جميع العاملين فى الصيدلية ملتفين حولها...

لم يسعنى الوقت لأعرف ماذا يحدث

رجعت أحد الزميلات لتعرض بعض المنتجات الصوفية من قفازات وكوفية بألوان مختلفة للأطفال..وتطلب منى أن أختار

ورغم الأحراج نظرا لضيق ميزانيتى...ولكن لم ارغب أن أحزن السيدة العجوز..فسألت الزميلة بكم القطعة؟؟

أجابت لا شىء

فقط اخترى ما يعجبك!!!

ذهبت لأتحدث للسيدة...أجابت أنا لا اقوم بالتريكو لكسب المال...و إنما لقتل الوقت...ليس لدى اى شىء آخر لأقوم به وانا استخدم بقايا الصوف الذى امتلكه فلا يكلفنى شىء لذا الألوان محدودة..

اطرقت فى خجل و شكرتها بشدة...وأخذت قفاز وغطاء للرأس

تتوالى زياراتها كل أسبوعين او اكثر لتعرض بعض المنتجات وألحظ الفرحة ونحن نتقاسم ما شغلت يديها..

فى صباح احد الأيام أتت مرأة لتخبرنا ان "ماجى" فى غيبوبة ...هاتفتها وهى فى شدة الألم لتطلب منها المجىء فورا لتجدها فى حالة اعياء شديد...وتنقلها للمشفى

تلك المرأة هى مصففة الشعر الخاصة بماجى كانت تذهب لمنزلها لتصفف شعرها كل صباح وذلك لعدم مقدرة ماجى ان تسرح شعرها لمرضها بالتهاب المفاصل

جاءت تلك المرأة لتطلب مننا وعلى اختلاف ديانتنا جميعا ان نصلى لماجى ان تشفى مما هى فيه

جاءت و دموع صادقة تنساب على خديها حزنا على ما ألم بصديقتها

فى هذا اليوم تأثرت جدا

ورجعت المنزل اتحدث مع فتياتى..هل تتذكرون القفاز غطاء الرأس الأحمر...

السيدة التى صنعته فى المستشفى مريضة جدا و نحناج ان نصلى ان تشفى .

او يحدث لها الأفضل !!

ستة ايادى رفعناها لنصلى ل ماجى التى لا تعرفنا...

ولكن حدث لها الأفضل...فقد رحمت من الألم و انتقلت من عالمنا هذا

وتذكرها الأبناء فقط وهى فى الغيبوبة...وهى لا تدرك

لم يتذكروها وهى غارقة فى الملل وتشتغل بالأبرة فقط لتقطع حبال الوحدة لتشغل بخيوطها محبة من نوع آخر

كم هو قاس هذا العالم!!

[Clinical chemist]

ياه على الدنيا

ليس هناك أسوأ من ان تبذل نفسك فى سبيل من تحب وبدون مقابل ليتركك وقت احتياجك اليه غارقا فى الوحدة والملل.

وصدق رسول الله (قال رجل لرسول الله صلى الله عليه وسلم إن أبوي بلغا من الكبر وأني ألي منهما ما وليا مني في الصغر فهل قضيت حقهما قال لا فإنهما كانا يفعلان ذلك وهما يحبان بقاءك وأنت تفعل ذلك وأنت تريد موتهما

[Pharm]

قصة مؤثرة جدا...

كانت تأتى للصيدلية التى اتدرب بها لتلقى بالتحية...من آن لآخر

لم أكن أعرفها ولكن الجميع يعرفوها و يرحبوا بها جدا..

ملامحها هادئة جدا...ابتسامة خفيفة تخفى بعض الحزن ورائها...يكلل رأسها شعر قصير لون الصوف الأبيض

ولكن نظرة الحنان فى عينيها عميقة جدا..

فى أحد الأيام وجدت جميع العاملين فى الصيدلية ملتفين حولها...

لم يسعنى الوقت لأعرف ماذا يحدث

رجعت أحد الزميلات لتعرض بعض المنتجات الصوفية من قفازات وكوفية بألوان مختلفة للأطفال..وتطلب منى أن أختار

ورغم الأحراج نظرا لضيق ميزانيتى...ولكن لم ارغب أن أحزن السيدة العجوز..فسألت الزميلة بكم القطعة؟؟

أجابت لا شىء

فقط اخترى ما يعجبك!!!

ذهبت لأتحدث للسيدة...أجابت أنا لا اقوم بالتريكو لكسب المال...و إنما لقتل الوقت...ليس لدى اى شىء آخر لأقوم به وانا استخدم بقايا الصوف الذى امتلكه فلا يكلفنى شىء لذا الألوان محدودة..

اطرقت فى خجل و شكرتها بشدة...وأخذت قفاز وغطاء للرأس

تتوالى زياراتها كل أسبوعين او اكثر لتعرض بعض المنتجات وألحظ الفرحة ونحن نتقاسم ما شغلت يديها..

فى صباح احد الأيام أتت مرأة لتخبرنا ان "ماجى" فى غيبوبة ...هاتفتها وهى فى شدة الألم لتطلب منها المجىء فورا لتجدها فى حالة اعياء شديد...وتنقلها للمشفى

تلك المرأة هى مصففة الشعر الخاصة بماجى كانت تذهب لمنزلها لتصفف شعرها كل صباح وذلك لعدم مقدرة ماجى ان تسرح شعرها لمرضها بالتهاب المفاصل

جاءت تلك المرأة لتطلب مننا وعلى اختلاف ديانتنا جميعا ان نصلى لماجى ان تشفى مما هى فيه

جاءت و دموع صادقة تنساب على خديها حزنا على ما ألم بصديقتها

فى هذا اليوم تأثرت جدا

ورجعت المنزل اتحدث مع فتياتى..هل تتذكرون القفاز غطاء الرأس الأحمر...

السيدة التى صنعته فى المستشفى مريضة جدا و نحناج ان نصلى ان تشفى .

او يحدث لها الأفضل !!

ستة ايادى رفعناها لنصلى ل ماجى التى لا تعرفنا...

ولكن حدث لها الأفضل...فقد رحمت من الألم و انتقلت من عالمنا هذا

وتذكرها الأبناء فقط وهى فى الغيبوبة...وهى لا تدرك

لم يتذكروها وهى غارقة فى الملل وتشتغل بالأبرة فقط لتقطع حبال الوحدة لتشغل بخيوطها محبة من نوع آخر

كم هو قاس هذا العالم!!

[/quo

اولا جمدالله على سلامة دكتورة سوسو

القصة دى جميلة جداااااااااا اتمىن تكرارها يوميا ونجد من يصنع خيوط المحبة للناس لا يعرفهم

بدل ما بنشوف شباك الكراهية بين الناس

المحبة ان تحب مالاتعرفه لانك ان احببت من يحبك فهو يبادلك نفس الشى

[بيبو كندا]

قصة مؤثرة جدا...

كم هو قاس هذا العالم!!

كم هى رائعة المحبة

محبة لاجل المحبة فقط و ليس لها اى دافع اخر

استمتعت كثيرا بقراءة قصتك الرائعة

شكرا لكى

[أكسيلانس]

لاتحزن علي الامس فهو لن يعود

و لاتأسف علي اليوم فهو راحل

و أحلم بشمس مضيئه في غد جميل

و كل عام و مصر كلها بخير

عيد سعيد عليكي و علي أسرتك يا دكتوره

و عيد سعيد علي كل أقباط مصر

تم تعديل 6 يناير 2011 بواسطة أكسيلانس

[بيبو كندا]

شكرا اكسيلاننس

و ان شاء الله نباركلك بالعيد و احنا فى كندا

[helisinki]

السلام عليكم

والله انتى معاكى حق يا أستاذة سوسو أسوء عنايه صحية انا شوفتها فى حياتى وخصوصاً الحالات الحرجة هنا فى كندا بجد واسف فى اللفظ حاجة زبالة عندهم نقص ديماً فى السادة الدكاترة ومتعرفش هل هوة من قلة الدكاترة !!!!!!!!!!!! كمان لو محظوظ ولقيت دكتور تلاقيه عيل ولا عيلة ولاعندوا اى خبرة حاجة كدة اخر عبط ونصيحة لما تروح تشوف الدكتور فى كندا ياريت تبقى عارف انتا عندك ايه لانه مش هيعرف ابداً الا لما يعملك فحوصات عميقة ولو الفحوصات العميقة ماقلتش حاجة لو موت قداموا مش هيعرف انتا عندك ايه وهيقولك روح على بيتكوا كمان ياريت تبقى عارف الادوية وانواعها عشان تخمن انتا بنفسك ممكن ناخد ايه ويجيب نتيجة معاك لان ببساطة الدكاترة اللى هنا مبتعرفش حاجة ولو فتحت فى الكلام هاكتب عن اسوء رعاية صحية فى العالم كله هنا فى كندا التزيييف مواصيع ومواضيع الف سلامة عليكى يامدااااااام

شكراً 

[SoSo R]

طيب هو ينفع أقول

مساء الخير و أجري؟؟ أصل بصراحة وحشني التوبيك و وحشتني اللمة بتاعتنا و كرهت كندا و برودتها

...مش قصدي برودة الجو و لكن برودة المشاعر الناس عاملة ذي التماثيل الشمع صحيح العرب ساعات تدخلهيم بيخنق بس هنا

اعتزازهم بال privacy بصراحة زيادة أوي كل واحد حطت نفسه جوا كبسولة إزاز ....يعني مش كفاية الجليد إلي مكمل لحد الربيع و شهر مارس قرب يخلص...لأ كمان كبسولة محوطة نا طيبي جماعة ما حد ينزل بأي أغنية يسخن الأعدا نشوف أي حاجة نتكلم فيها

من غير سدة النفس

هه

مين

هيبتدي

؟؟؟؟

[Spanish Eyes]

طب وتجري ليه مهي القاعده حلوه وممكن نقول كلام كتير بس انتي فرفشي كده ومتزعليش من التلج اللي لسه موجود عشان لو شفتي التلج اللي هنا حتفتكري اللون الاصفر في الكويت ، انا لقيت نفسي في غابه كلها لون ابيض من اليمين والشمال بس الغريب اني محستش ببرودة المشاعر هنا

[بيبو كندا]

سو ســـــــــــــــــــــــــــــــــــــو

سا قمر انى فين مش باينة

حمدلله على السلامة مكملتيش لما رحتى لطبيب العيلة عملتى ايه ؟

[Damo]

نداء لكل مصريين كندا

ناخد بعضنا وننزل مصر ومن المطار للتحرير طوالي ونفضل هناك لحد ماسوسو ترجع بعدين نرجع كندا تاني

كلنا تحت شعار واحد

'يلا بقى ارجعي التلج وحشنا'

تم تعديل 29 مارس 2011 بواسطة Damo

[بيبو كندا]

انتى يا ست الدكتورة سوسو

شوية بتيجى و تختفى

هو فى حاجة لا قدر الله

لو مظهرتيش هنضم ل DAmo و هنزل التحرير

و اعتصام حتى نهاية الصيام

[اغابي]

طيب هو ينفع أقول

مساء الخير و أجري؟؟ أصل بصراحة وحشني التوبيك و وحشتني اللمة بتاعتنا و كرهت كندا و برودتها

...مش قصدي برودة الجو و لكن برودة المشاعر الناس عاملة ذي التماثيل الشمع صحيح العرب ساعات تدخلهيم بيخنق بس هنا

اعتزازهم بال privacy بصراحة زيادة أوي كل واحد حطت نفسه جوا كبسولة إزاز ....يعني مش كفاية الجليد إلي مكمل لحد الربيع و شهر مارس قرب يخلص...لأ كمان كبسولة محوطة نا طيب ي جماعة ما حد ينزل بأي أغنية يسخن الأعدا نشوف أي حاجة نتكلم فيها

من غير سدة النفس

هه

مين

هيبتدي

؟؟؟؟

تعالى يا سوسو يا حبيبتى اظبطك باغنية ناررررررر - تولع الدنيا

انا هاجمعلك الاغاني اللى تفك التلج كله من كندا

خدى دى

http://www.youtube.com/watch?v=gTL1HC9IYEQ&feature=related

تم تعديل 31 مارس 2011 بواسطة اغابي

[miracle]

د سوسو وحشانى انا بقالى كتير مبتخلش هنا

كان عندى مشاكل مع السفارة والفايل بتاعى يا ريت يا جماعة تصلولى

انا لسة شيفاكى فى التوبيك بتاع د اراورا قلت ادخل امسى عليكى

انتى شكلك بنعانى من الوحدة وبرودة الكنديين وعاوزة حد مصرى ودمه حامى تتكلمى معاه صح

استنينى لو ربنا اراد يبقى كلها سنتين واجيلك وهخليلك كندا دى ناااار مش برد بس ربنا يكتبهالى صلى

ربنا معاكى وثقى ان اللى يتكل على ربنا

ربنا عمره ما هيغزله

ادخلى اكتر هنا او هناك مستنياكى

[miracle]

د سوسو بعدالقرف اللى عمال يحصل فى مصر من حرق وخطف وعدم امان انا عوزاكى تشكرى ربنا انك مش هنا انتى وبناتك

وتستحملى برد كندا وبرودة الكنديين لانها صدقينى احسن ميت مرة من دفا مصر اللى اصبح نار عاوزة تاكلنا احنا واولادنا

يا رب احمى مصر والمصريين وحافظ علينا

[SoSo R]

مساء الخير على الجميع...

إيه ده هو فين الجميع دول ده حتى الموضوع بيصفر من الهوا اللى فيه..

ما علينا .كل دى حاجات سطحية.و أنا من الأصل باكتب هنا عشان أسجل الأحداث بالتواريخ فى المكان اللى بعتبره دفتر مذكراتى لدرجة إن فيه حاجات بفتكرها من الموضوع هنا!!!

المهم أنا داخلة عشان أقول إن النهاردة تميت فى هذه البلاد سنتين بالتمام و الكمال....

مع إنى حاسة إنى لسه واصلة إمبارح...مش مصدقة إن ممكن تكون الأيام عدت بالسرعة الرهيبة دى؟!!!

يعنى الموضوع ده بأه عمره سنتين!!!

أنا لما بفتكر اللى فات بحس إنى بتفرج على شريط سينما بس أحداثه شبه بعض و بتعدى بسرعة البرق

حاسة كأنى لسه سايبة الكويت إمبارح..

لسه فاكرة إنه كان طالعين ع المطار الساعة خمسة و نصف صباحا و الشمس فى نص السما و لاكأنى الساعة 12 عز الضهر

كنت بودع الطرق بعينيا و باقول مش هاشوفك تانى يا بلد..ماكنتش اعرف إنها هتوحشنى ساعات و اتمنى ارجعلها!!!

كنت ع التليفون مع شيرى صاحيتى و هيا بتعيط عشان مش هتقدر تيجى ع المطار...مش قادرة اصدق انى احتمال كبير ما اشوفهاش تانى وانا مفتقداها قوى قوى..

السنتين دول عدوا إزاى و امتى؟؟

الأحداث كتيييير لدرجة إنى باصدع لما بحاول أفتكرها...كان فيها أمل و ترقب و انتظار وحزن ووحدة و فرحة و دموووووووووووع كتيرة قوى و رجاء فى ربنا انه مش هيسيبنى لوحدى

أد إيه عدت عليا مواقف كنت بحس إن خلاص مافيش مخرج و انا لوحدى و ماحدش هيسندنى و جوزى فى قارة تانية...

وفى وسط كل الحيرة دى كنت ابص للسما و اقوله يا رب انت اتصرف...خلصت كل حيلى..

وهو كان بيتصرف

لو هقيم تجربة الهجرة اللى يعتبر ما نجحتش فيها لحد اللحظة دى و الله اعلم ايه اللى مخبيه المستقبل ...هقول إنى قربت من ربنا قوى... آه ما بقتش قديسة!!!...بس عرفت حجمى الحقيقى...

انا ولا حاجة...وان كنت حققت اى نجاح فى اى مرحلة من حياتى فده بفضله و رزقه و نعمته مش شطارة ولا ذكاء منى

مشكلة الواحد انه بينسى انه مجرد عبد و انا ربنا هو اللى بايده كل شىء,,

وانا بكتب لكم دلوقتى برضه فى حالة ترقب و انتظار لحاجة مهمة فى مستقبلى ...و كل اللى اقدر أقوله يا رب انت اتصرف...حيلى خلصت و رميت تكالى عليك...أختر انت يا رب الطريق و دلنى عليه

دعواتكم جميعا - ده يعنى لو فيه حد أساسا بيقرا- دعواتكم بالتوفيق و إن ربنا يختار الصالح...

و أسيبكم مع الأغنية دى ...ركزوا فى كلماتها لأنها مؤثرة و معبرة جداhttp://www.youtube.com/watch?v=Rkkw8RhH9ck